STORM FORCE - 17

[ngaia]

"Awle, tunah i mammawh engkim i nei takzet maw?" tiin Mrs Grice chuan ngaihtuah awm tak hian Maggie chu a en a,"BAhamas a holiday hmang zo chauh siah chuan i nguai riau mai."

"Ka tha alawm" Maggie chuan a lo ti mai a. "I ngilnei ngawt mai, Mrs Grice, eitur minrawn pek zawng zawng hi a man ka pek che i phal ngei tur a ni, a hma lah khan ka pe tawh bawk si lo che a," a ti a.

"Ni e, i haw ta chuk chuk bawk anih kha" Mrs Grice chuan alo ti a. A heh chu petin,"Nang chauh kha hmanhmawh lah i ni hek lo, khami ni vek khan kan Dave Arnold pawh a insiam a, a chhuak ve nghal daih a ni, a ban tur thu pawh a sawi lawk lo reng reng," tiin a hnar a tum dat a. "thlipui tleh khan thawh tur a titam lutuk a, a peih lo a ni ngei ang, ka duhzawng kha a ni vak lo ngai lo hrim hrim a," a ti a.

"Kei pawh" Maggie chuan al o tihpui thuai a, a tider hauh lo bawk, eitur man vel chu pein Mrs Grice chu kawngkha thlenga thlahin nui hmel a pu lui ve tlat a. Kawngka a khar veleh chuan a ngheng nghal hmiah a, nihnih chhung alo up beh tawh amittui lo tla tur chu adang hram hram a.

Harsatna lutuk awm lo in thalwhna ticket chu a nei thei mai a, zan chu airport hotel ah a hmang a. A tuklehah chuan script chu kengin office lam a pan nghal a, philip chuan meeting a loneih avangin a secretary hnenah script chu dahin a karleh chhung zawng chu a awm bo tur thu a hnutchhiah bawk a.

A flat ah chuan suitcase chu dah tawpin a car siamna lam chu a phone a, a lak theih tawh tih a hre ta nghal a. chumi hnu chuan aklan tura a mamawh tur ang chi thawmhnaw thun lehin a kal tur thu chu Mrs Grice a hrilh lawk bawk a.

Mrs grice chuan eitur a rawn pe tam tawk a, mahse a ril a tam hauh lo. A tui chhuah a so chuan coffee tak tawkin a siam a, coffee in chung chuan chair buk theiah chuan a thu a, a en ngai chu a en ding ngar mai a.

Jay-a ngaihtuah apiang chuan a rilru a na thar ziah bawk a, a rilru chhungirl natna chauh lah a ni hek lo. A taksa chawhthawh thara awm pawh chu a na tuel tlat a ni.

"Ka buai nuaih a nih hi" tiin lungchhe tak hian a sawi chhuak a.

Tunah phei chuan Kylie nen an awmdun a nia, tia ngaihtuah a heh a pet fan a.

Zan hnih chhung chu mut a hmu tawh lo a, zan mut that chu a la hlat viau dawn bawk niin a lang. A mit velte chu val khelh kulh mahse eng nge pawi chuang? Amah lo chu hmut tur dang an awm chuang hleinem.

A tawpah zawng a lo chhing ve sek a, reilote hnuah a harh leh a.

Kawngkhar kha, ka kalh theinghilh daih a ni, tiin a ngaihtuah a.


Inhnuai a thlen thlak rual rual chuan thil dik lo a awm a ni tih a hre nghal a. Living room kaltlang chuan thli vawt takin a rawn chhem tlat! Kawngkhar lam a en nak chuan a lo inhawng a ni tih a hmu ta a.

A kalhna a tha lo a naing, tia a ngaihtuah lai chuan kawngka chu a rawn inhawng zau tulh tulh ta mai a!

Han te chiam mai hi a tum a, mahse aw reng a chhuah thei tlat ta lo!

Choka-ah chuan rawn pen lutin a ding ta chat a, engmah ti thei lo a a hrawk dawma Maggie ding reng chu a rawn en ta a.

"Kawngkhar han kik awm tak chu a nia, mhse hawn ka tum chhin a, a inhawng ta mai sia. Ka rawn tihlau che anih chuan pawi ka ti ngawt mai, light hi ka ti eng dawn em ni ang?"

Maggie chu a bu nghat a, ani chuan switch chu hmetin inchhung chu a en ta iarh a.

"I muhil tawh em ni? Ka rawn tibuai che em?" tiin chal chuar nang hian a rawn en a. "Ka remruat ang aiin ka rawn thleng tlai ta deuh ani," a ti a.

"Engvanga lo kal nge i nih?" tham tiak hian a ti a.

"Rawn hmuh che a, be tur chein."

"Engkim kan sawi vek tawh alawm."

"Kan sawi em ni?" a ti a, a ngawi vang vansg a. "Kan inhualna kan tihtawp chu Seb kha i hrilh si lo a, i hnen atanga engmah a hrait loh thu a sawi a."

"Ka.... ni hnih khat hnu velah ka phone ang chu ka ti deuh a."


a lu a lo thing a, "Chu zawng a tul loang," tih pahin a ipte a zen a, lehkha hi a phawrh chhuak a."Heta press release hi hmu ve la ka duh ani," a ti ta a.

"a pawimawh lo e" a ti a, a neihchhun, duhthu a lo sam leh a beiseina zawng zawng ti chhe tura a ngial a ngana thu inziak han chhiar chu a duh lo ani, "I duhdan ang angin sawi la, ka pawmpui vek ang che."

Jay chu a lo inpetruh teuh a,"Maggie... chhiar rawh, khawngaihin.." a ti a.

Muangchang hian a lam chu panin Maggie chuan lehkha chu ala ta a, "McGuire leh best seller," tiin a chhiar ri a,"Eng nge a awmzia?" a ti ta ha a.

"chhiar zel rawh, " lo tih pahin Jay chuan chair chu a pawtchhuak a, a thu nghal a, a hmel chu a ngui angreng hle bawk.

Mahni kea ding film producer Sol Ebel Stein chuan Tv actor Jay "McGuire' Delaney leh thawnthu phuah thiam tak, Kylie St John te film siam tur thu a puang chhuak.

Maggie chu a ner deuh sak a, mahse a chhiar zel tho a.

A chhair zawh chuan, "Hei hi e nge a awm zia?"

"Maggie, i chhiar ve reng alawm," dawhthei tak hian Jay chuan al o ti a, "A awmzia chu the midnight hour' film ka chang dawn nai. Kylie'n Scott maxwell ka hriatchhuahtir nia a hriat thu pawh ka hrilh tawh che kha. Night club kan kalnaa a lo hriat sil tawh bawk avangin Clofia Ebelstein chu biain ka hnena a sawi angbawk chu a sawi a, chutiang chuan sawi dun chhoin Gloria chu a phur ta hle a, Sol-a hnena a sawi chu a remti ta mai bawk a."

"An pathum chuan lunch ei in an sawi ho a, chuan ka agent biain sum chungchangte an sawipui ta mai a, a bak chu i rhait angin a lehkhabu chu film ah ka chang dawn ta a ni," tiin lehkhabu chu a kawk a.

"Mahse, heta i lo kal chhan chu ka va hre lo ve! Engatinge New providence ah chuan i la awm zel loh?" a ti leh a.

"Ka hrilh tawh ch ekha, hmuh che a, biak che ka duh alawm."

"Oh, ka hrethiam e" tiin lehkha chu a en leh a, "I duh dan ang ang in thil chu ti mai rawh, chutiang min hrilh tura helai thlenga lo kal a ngai lo a sin" a ti a.

"Ka duhdan ang thil ka tih dawn chuan kan inneih ni tur ka ruat fel der tawh ngei ang," muangchan ghian Jay chuan a ti a.

A lehkha ken chu thlahin a hnungtawlh dawrh a,"I a ta a ni ngei ang!" a ti ta ha a.

"ka a reng a ni, a la hma lutuk ani tih chu ka hria, mahse ka inthunun thei si lo a ni" Jay chuan a ti a, a hmel chu a nguiin tihnat awlsam tak hmel hi a pu ve a. "Maggie, darling! Ka duh lai chance min pe hram rawh, Alcott leh a kid ten min rawn chimbuai a, min rawn nawr chep hmaa tih ka lo tum dan ang khan kan inhualna hi a taka chantirin tihtakzeta rimna hun che min pe rawh," a ti ta a.

"I thusawi hi i hre lo a nih hi..."

"Ka hria a sin, Sweetheart! ka hmangaih che, Maggie, ka damchhung nun hi nangmah tihhlim nan chea hman ka duh a ni. Min ngaihsak ve deuh tur tala ka beih tal che chu remti hram rawh."

"Mahse min hnar a nih kha" harsa ti tak chung hian Maggie chuan a lo ti a, "Ka ngen che a... nangin..."

"a chhan chu ka mamawhna che a nasat lutuk vang a ni, i taksa ka neih phawt chuan damchhung diah ngei anih a ngai dawn tih ka hria a. Inneih anih loh chuan inhnimhnaih loh law law a ni mai. Chu chu i duh niin ka hre si lo a, kan inhualna tihtawp a, min hmuh leh tawh hauh loh chungchang ngawt i sawi si a. A tawpa i taksa han neih a, reilotea hloh leh nghal mai che chu ka thei dawn tlat alo a ni."

Maggie chu a lo sen tawn tawng a, "KHami ni kha chuan ka vawt vak lo chu a nih hi kha," a lo ti a.

"Ka duhthusam an gchiah i ni, my darling! Mipat hmeichhiat thila chawhthawh theih che kha chu a ve lek chauh a ni a, min hmangaih a, ka bula cheng a, min han do a, ka fate nei tur leh upat thlenga han awmdun chu thil dang daih ani" tiin a kut chu a chelh a, "Mahse, chu ngei lo chuan ka lung a tiawi zo lo ang. Min nei rawh, Maggie! Ka nupui atan ka sawm a che" a ti ta thlawt a.

"Yes, OH Darling! Tehreng mai" Maggie chuan a lo ti ve vat a.

Rei tak chhung a en vang vang hnu chuan alamah kuah hnai tain, riltam leh duhthawh zet hian a fawp ta vawng vawng mai a!

Thawk a la a a tawng chhuah leh theih hnuah Maggie chuan,"Jay.. I tel lo a kha khum lian tak kha hmachhawn chu ka zuam loh em avangin khum dang ka hmang ta ngawt a, a tum h nihna atan chet la hmasa leh ta ila, min hnar leh ang em?" a rawn ti chhuak ta a.

Zake deuh chaih chaih chung si hian Maggie chuan a han en a, "Darling, ak mamawh takzet che a ni, min mutpui ta che, khawngiahin" a ti ta sap a.

A mamawh ang tho a mamawh ve anih tho avangin hlim zeta hui hawk hawk chungin Jay chuan a lo kuah a, a pawm kang zui nghal nawlh a.

"Min ngen dawn ta lo emaw ka ti tawh aisn le" Jay chuan a ti a, tichuan khum lam pan turin kailawnah chuan apawm ta zel a.

The End

(Next ah hian M&B ka rawn ti leh phawt ang nge, Reckless ka lehlin lai hi ka rawn ti law law ang tih ka la hrethiam lo deuh a, zantin tih chhuah leh sei tak tak kha chu ka tlin ve lo a, in ngaihdan min hrilh thei hlawm ula ka lawm hle ang.)