Emma 27

[Kookiesgf]

Kookie's gf.
. Ka nu hmela thinrimna ka hmuh chuan achhan tur awm ang ka ngaihtuah kuala ka hre mai theilo. Inherin ka mittui chu ka hru zeuha. Inrintawk hmel taka langin ka inher leh a.
.
"Mrs Lambert engthil nge itih hi? " inti pachang luiin ka hmachhawna. Minlo enin anui hul hak a.
.
"Hmeichhe pangai tak i an vei nen Emily min ti lawmlo khawp mai" angaihna ka la hre miah chuanglo. Ka hawi à ruai aniber.
.
"Nute hmulo turin ka hrilh che kha" ka hnunglam atanga hmeichhe àw in alo tihchuan ka hrethiam chiah, ka nui hul hak a. Sarah hian min cho chhuak takzet tawh.
.
"Lungngai suh Sarah henu hian ati nawmnah leh ngam che anihchuan ilo sawi dawn nia" tipah chuan min melh kalh chungin chang fakin alo ti leh a, chhan ngaihna hre leklo chuan ka melha. Ka nu nikher lo se chuan hetiang hian ka ding mawl tawp hauhlo ang. Ka nu akalliam hnu chuan Sarah nen chuan kan inhmatawn ran a, ngeiawm zeta min nuihin a mit lo siai zeuh pahin min kalpela.
.
"Sarah" dam dap chuan ka ko a. Inherin ka hmaa ding chu ka melh ralh a "hmeichhe dawihzep tak ilo ni anih ngei dawn hi" ka nui ri hak a, lo inherin akut chu a hum ruh leh ran tawh. Inthladulin pangai tak anga lan chu ahan tum leh a.
.
"Engtinnge itih ang, ben tawrh hi chu ana ani tiraw?" Elsen zeta atawng chuan thaw halhin ka kut ka kuangkuaha alam pan chuan ka pen hnaia.
.
"Chak tak anga lan i tum avang khan i chak tak tak tihna anilo. I chhungrilah chuan hmeichhe dawihzep tak ini. Chuan tuna ithil tih kha itih awm tawk lek ani bawk, i cho loh tur i cho tih hre bawk ang che" inherin ka kala "infiamna chu tan tak tak ang hmiang" ti sapin ka office ah chuan ka luta. Ka seata thu in Sarah video ka kawl ho chu ka lakhawma. Sarah enthla tur hian kum liamta chhung khan mi rawih ka neia, achanchin ka hriat danin mipa amamawh hle ani, chuvang chuan mipa tam tak a awmpui thin reng a, chung avideo pawh chu tam tak ka nei mahse mak tak maiin mipa abuaipui viau e tilo hian Bin chauh hi nghet taka azarkual awmchhun ala ni thung. Mipa dang chu a nawmsip bawlna chauh. Phone pakhat finfiahna ka neih ang chhun chhun ka dah khawmna chu tinungin chuta tang chuan Sarah video pakhat mipa nena an awmdunna chu amah ka va thawna, ka thawn zawh rual chuan chhuih theihloh turin phone chu ka ti thi lehnghal. Ka nui deuh sak, min tihbuairah hi ala seng khawp ang. Ka nu hnenah khan alo inti khawngaihthlak kual leh ani mahna, enge atawn chhoh kan hre khawp ang. Thinrim zetin ka inseh ruh teuh a.
.
Hna thenkhat thawhtur awm chu ka thawk mial miala, ka hna thawhlai techuan ka rilru ah a lut mawh takzet. Ka biang chu dawmin ka chhing leh vang vang thin. Ka nu in avawikhatna atan kut min thlak ani tih ka ngaihtuah chhuah apiang lah chuan ka thinrim chu ka so bulh bulh zel mai bawk si.
. Reitawk fe rilru hreawm tak chung chuan hna ka thawka, a mood ah cheng lutuk lo mahila ka tihlui hram hram angai tiin ka inhnem chawpa, chutia hna ka thawh mial mial lai chuan ka office kawngkhar chu alo in tuk ri karh karha. Lut tura thu ka pek hnu chuan Mr. Frost chu ka hmaah alo ding a. Ka thutna atang chuan zahna lantirin ka lo ding ve nghal vat.
.
"Pate, hetah...... " ka office a ani meuh alo luh avang chuan mak ka ti deuh hlek "Lo thu rawh" ti pah chuan thutna chu ka kawhhmuha, inhmatawna thu in a thusawi tur chu ka ngaichang ran a.
.
"I nu in abeng che tih ka lo hria a" pawi tih hmel tak chuan alo ti a.
.
"Ohhh.... Kha kha maw"
.
"Emma bawihte...... " lo thoin ka bulah alo thu a, ka kut chu alo vuana "I tuar nasa tawh mah mah ani. I ngawireng dawn em ni? "
.
"Nilo e pate ka che tan daih tawh alawm. Anni hian an hre thuai bawk ang, hreawm lo ti reng reng suh" amah hnem nan chuan ka lo ti a.
.
"Ka puihna i mamawh anihchuan.......... "
.
"Nilo pate, ka chunga thleng anih avangin keimah ngeiin chinfel ka duh" ka lo ti vata.
.
"Awle" min melh vang vang pah chuan ngaihthat hmel zan loh in alo tichhuaka.
.
"I puihna ka mamawh anihchuan ka lo sawi ang tih ka tiam ache" angaihthat lehzual nan chuan ka ti leh sap a. Ngaihthat hmel zan loh chuan min chhuahsana. Kawngkhar bul athleng tawh alo hawileta "Edward hian Emma ini tih ahre tawh em ni? " mit zim san chuan alo tichhuaka, nuih sak pah chuan ka bu nghat a "Chuvang anih dawn chu" ati leh sup a.
.
"Engatinge pate? "
.
"Tunhmaa nuih pawh nui duh ngailo kha anui sang renga, achang leh azai thul, i nuteii leh kei hi atul fe lo ah chuan min rawn mang tawh ngailo a mahse tunhmaa Edward ang chiah kha ani leh tawh engkimah min rawn thlap mai, nizana ariahchhuah tur thu thlengin min hrilh. Amak ka lo ti deuh hleka" anui hawk hawk a "Chuvang anih chiah dawn chu, Emma ilo kir hi ka lawm takzet" ti leh sapin achhuak zui nghal.
.
Patean Bin chanchin asawi cu ngaihtuah neuh neuhin ka nui leh ringawt thin. Tunhma khan 'Ka tan chuan Emma hi khawvel ani a, khawvel pawh hi Emma ani' ati thina, ka thinrim min thlem lungawi nana atih mai mai emaw ka lo ti thina, mahse alo ti tak tak animahna.
.
Chawhma pum chu hnathawkin hun ka hmanga, Bin ka la hmu leh miahlo a office ah lah a awm bawk silo, phone a pick thei silo. Enge achungah thleng tehreng ni. Lunch ei tura chhuah tumin ka bag khai chuan elevator ah ka chuanga. Ka bulah chuan hmeichhe pakhat ading ve bawk. Phone a ami biak chu avin leh vak thin. Ka lo phu chiang thin hle bawk. Amah en tura ka dah chhuah chuan Laura alo ni. Ka nui sak a, a incheidan chu enin interview nia ka hmuh tuma mi nen kha chuan danglam tak ani. Tunhmaa laura inchei peih tak thawmhnaw nalh hre em em kha a ang leh tawh takzet chuan a chhelo hle bawk.
.
"Hey, tinge kan inhmuh apiang hian i nuih sang renga" ughhh tehzek chuan amizia hi chu adanglam mawh khawp ang "Lawkin, i à deuh nge ni a min ngaizawng zawk. Ngaithla rawh kei hi hmeichhe diktak ka ni a chuan mipa chauh ka date thin" ngemaw ahriat le! Ka thiani hi Emily angin ka hneh leh thei angemaw!
.
"Emily ka nia Emily Watson" ka ban chu ka phar kak a. Akut kuangkuahin athaw halh a, nin hmel zetin ahan mengkual vel a.
.
"Ka hrilh chiang viau che in ka hria keihi hmeichhe...... "
.
"Keipawn mipa chauh ka date thin. Ngaihtuahna diklo tak i put loh hram ka beisei"
.
"Uh... Oh... Ava zialo ve Laura ka nia" ka kutah chuan alo vuana, azak ani mahna chhing sakin lehlam hawi chuan hriattham hleiloin aphuna.
. "Laura, helai hmun hi ka la hrechiang lutuk lo a khawngaihin cafe lamah min hruai thei angem? " lo hawiin nui lui tih hriat zet chuan anuia.
.
"Lunch eipui ah min sawm tihna em ni? " ka lo bu nghat a, "awle, anihleh ahmasa in thian kan ni thei ang mahse ka thian thaber nih erawh tum hauh suh ang che achhanchu kei hian thian thaber ka nei tawh mahse nangchuan thian thaberah pawh min hmang thei tho ang. Ohh takin cafe ai chuan sawlai piah deuhah sawn eitur an siam tui deuhna hmun a awm asin. Anawm zia chu ka sawifiah thiamlo, an manager chhelo zet pawh saw ahmun tinuam tu atling.......................... " dan pangaiin atawng leh ta par par mai. Lura kha ani ngei e, ka lu chu thing mat mat in ka zui ve zela athusawi erawh hriatchianloh ka ngah mai.
.
Kan thutna tur lamah chuan kan thu a, achezia atang chuan reitak thian alo kawm tawhlo ani tih ka hrethiam mai, achhanchu amah nena kan inhmuhtirha a awm ang tho khan a awm ani. Ka nel loh ahlaua, ka kawm duhloh ahlau tih pawh ka hrethiam nghal mai bawk.
.
"Laura" tui ti taka a tawnglai chu ka pawtchata. Minlo melh deuh ha.
.
"Ummmm"
.
"Emma chanchin sawi i duh em? " mak tihmel tak chuan amenga.
.
"Hriat duh inei em ni? " ka lo bu nghat "lawkin Emma hi ka thianthaber ani. Engtinnge ihriat ka hrelo mahse achanchin chhe lam i sawi anihchuan.... " akuttum chu alo lek zeuha ka lo nui ri deuh hak.
.
"Sawi lo ang tih ka tiam e"
.
"Anihchuan enge hriatduh ineih? "
.
"Emma in akalsan hnu atang che khan thiandang i kawm leh miahlo em ni? " a thileilai chu atawp dat a.
.
"Lei hnuai thuk takah khuan thian dang akawm bik iring em ni? " amittui chu alo tling piaua, khapkir tum tih hriat tak chuan akhap fak fak a "Thian dang kawm ka tum apiangin chu thu chu ka ngaihtuaha ka kawm leh thei thinlo" amittui chu dan tum viau mahse akhap per ta tho.
.
"Laura, Emma chu hmun nuam takah a awm tawh alawm" amah hnem nan chuan ka ti sap a.
.
"Engtinnge i hriat? " anui hak a "keipawn chutiang chuan ka ngaihtuah thin alawm. Mahse thihhnu lam khawvel awmdan ka hriat miauloh avangin risk ka la ngamlo ani. Atelloa hlim hi ka ngamlo anihloh chuan kan inhmuhleh hunah engtinnge ahmel ka en ngam ang" athim zawnga thil athlir tlat chu abuaithlak viau laiin chu chuan ka tana thiantha anihzia min hriattir ani. Akutah chuan ka hum vang vanga.
.
"Ka hrethiam lutuk che. Keipawn ka thianthaber hmu reng chung siin ahmaah midang anga ka awm angai si a, ahreawmzia ka hria alawm" ka lo ti sap a, minlo melhin amittui chu ahrufaia, phawk zet chuan min melh leh thin. Alu chu athing mat mata.
.
"Awihawmloh lutuk, engthil ngemaw ka ngaihtuah le" ati leh sapa, chik zet chuan minlo melh leh thin, chutiang ngawt chuan rei fe a awma "engvangin nge ithian thaber hmaah chuan midang anga i awm angaih? " ughhh ka rin aiin a fing daih mai ka ti, laura thil hrethiam mawh tak kha ani tawh miahlo. Ughhh ngemaw ka lo sawichhuah kher kher le!
.
"Achhanchu tihtur dang ka la nei ani"ka ti sap a, minlo en vang vangin ka beng chu alo keua, ka lo tawlhhnung vat. Ading deuh hluaia.
.
"Awihawm loh lutuk khuavang te chu tupawn an nei thei" amah leh amah inbia a ang zawk mah. "Ka kal tawh dawn" tipah chuan a bag la in akhaia.
.
"Laura" a ding dat a, Edward leh gin leh patean an hre tawha, laura pawh hian hre law law rawh se, min pui thei maithei asin. Ka tihtur hi adik ber em tih erawh ka hrelo.
.
"Inbe tawhlo ang" ati leh hluka.
.
"Keimah ka ni" apenlai chu ading chat a, rei vaklo chhung chu engmah sawiloin a dinga, lo inherin amittui tla tiam tiam chung chuan anui luia.
.
"Hey.... Dawt sawi suh ka thianthaber chungchanga dawt sawi ching ho ka tihdan ihre duh ami? " tah nuih pah chuan alo ti leh a, thaw halhin ka pan hnaia.
.
"Ka tihpalh bestie kepawn ka ngai lutuk che mahse heng thil hi awmze nei veka ti ka ni tih........... " minlo kuahin atap ta vak mai, alungchhe ri chuan ka mittui ako chhuak ve thei mai dawnin ka hria, ka hnungah chuan a chum taih taiha, ka ban ah chuan na zetin aseh bawka, na ti viau mahila ka lo dawh hle hle bawk. Adinhmunah hian ding ta ila ahremna min pek aia nasa hi ka pe ngei ang.
.
"Misualnu, interview ni khan engvanginnge min hrilh mai loh. Nilo engkim min hrilh rawh" ati leh sap a.
.
Kan thutna ah chuan kirin Laura hnenah chuan thil thlendan engkim chu ka hrilha, athinrim lutuk chu ka sawilai te chuan alo insehruh leh teuh thina, thah atum thu sawiin alo phun leh sap thin.
.
"Emma, engtinnge kan tih dawn? " akut chuan dawhkan chu achum ri bura kan lam chu an lo hawi deuh thap, ka mit chu ka chhing sawk a.
.
"Laura, emma tiin min ko tur anilo ka phuba hi ka lakfel hnu ah chauh ka hming pangaiin min ko tur ani"
.
"Awle ka hrethiam e, puih theihna che ka nei em? "
.
"Patea hi lo buaipui la ka duh"
.
"Pate john maw? " ka lo bu nghat. Patea hian Laura hi tunhma atang tawhin hmeltha atih thu asawi thin. Naupang angin a en pumhlumlo tih ka hria.
.
"Iti thei angem? " ahan thaw halh a.
.
"Emma, ipatea hi diktak chuan ka ten ani ahmel te hi engtinnge... Ughhh.... Ani hian ka nulat phat atang khan min hel ani tih ihria em? " ten hmel zet chuan alo ti a.
. "Chuvang chuan alawm ti tura ka duhche. Reina leh sarah chu ka kutah ka dah thei mai anga mahse patea hi chu ka tan hnaih ahar dawn ani. Ka patea anih tlat avangin hmeichhia angin ka hnaih thei silo a"
.
"Awle"Rei tawk fe a inngaihtuah hnu chuan alo ti a "engtinnge ka tih ang? "
.
"Hrai rui la, kan chhungkaw ro neih atum ngei ani tih finfiahna lo nei rawh, video in ka duh ani tih hria la"
.
"Awlsam lutuk" amakeup siamtha pah chuan ati a..
.
"Kei min thahna kawngah leh ruang lem an vuiliam chungchangah khan a inhnamhnawih ani tih chian bawk rawh.ka thihna kha aruahmann anilo animahna ka ruanglem chungchangah kha chuan a inrawlh ani tih ka chiang ani" ka ti leh sap a.
.
"Emma ilo kir hi ka lawm takzet theihtawpin ka pui ang che tih ka tiam e"
.
Ka thian thaberin ka chanchin ahria chu ka thawven dan adanglam khawp mai, Laura hi eng mi pawh ni tehse ka tan chuan thian thaber ani miaua ahlu takzet ani. Titi malh malh pah chuan company lamah kan leta.
.
"Lawkin enge hetah hian i thawh? " mak tizet chuan ka melha, hna athawh awm ka hre hauh silo a, hetianga alo kal ngawt hi amak ka ti deuh hlek.
.
"Hna dil turin ka lo kala, ila dam si avangin naktuk atang chuan kan chhungkaw sumdawnna ka enkawl chhunzawm ang, i hmunruak luahkhah vek a atam thei ang ber kha ithlarau nena hun hman ka duh thina" za zeta nui pah chuan ati a, ka lu ka lo thin khum mat mat.
.
"I va han chhah tak em kal tawh rawh Sarahin min hmu dun tur anilo" akalliam thleng chuan ka thlira, company chhungah chuan lutin ka officelam pan chuan ka kal lehnghala. Ka office ka luh ruala ka mihring hmuh avang chuan ka nui deuh suk. Pawr fap chuan alo dinga
.
"Miss Sarah min va ngai hma leh si ve" achhunga pen lut pah chuan ka ti a. Alam ka pan pawh chu nghak zoloin minlo pan hlawk hlawka, video kha ahmu tawh ani mahna le! Ka kawr awma lo thamin rum zetin minlo melha,
.
"Kha video kha nangma lo thawn hi ani tiraw? "
.
"Eng video nge isawi? " akut chu thingthla in ka kawrawm chu ka siamtha a, angaite bawkin alo tham leh a.
.
"Nangmah ini tih ka chiang lutuk. Tuchiah nge inih Emily Watson" arak deuh vak.
.
"Thlah nghal rawh" a aia ring mah chuan mipa àw chuan alo ti a, Sarah nen chuan kan hawiphei rual deuh thawt. Bin chuan rum zetin Sarah chu amelha kan lam pan chuan alo pen hmawk hmawka, Sarah kut chu lo manbetin athingthla lawpa, chhuatah chuan athu deuh hnawk.
.
"Itha em? " ka biangah chuan alo dawm vata, ka lo bu deuh nghat. Sarah ka melh chuan amittui chu alo hrufai zeuha.
.
"Atirin patea i hnaiha, adawtah Edward, chuan ka chhungkua, tu chiah nge inih Emily Watson ka la zawngchhuak ang. Engvanga Edward hian ngaihtuah viau che nge anih? Achhanchu Edward Bin Frost hian Emma Lambert lo chu tumah angaihtuah ngailo. Emily tu chiah nge inih ka hrechhuak thuai ang tih hre rawh" tap insum áw tih hriat ngawih ngawih hian khur der derin alo tichhuaka, rawn ding chhuakin kawngkhar lam pan chuan akala.
.
"Sarah" ading data alo hawilet chuanglo "Min tibuai hmasa turin engtiklai mahin ka nawrlui ngailo che, bul itan tih theihnghilh suh ang che" ka ti sapa, chunglam chu hawiin za lo zetin anui luia, kawngkhar achhuahsan hnu chuan Bin chuan minlo kuah vat.
.
"Atina che em? " alo ti tham tiak a, ka lu chu ka thing vat. "Emma angin ilo kir thei tawh mailo em ni? Kan inhual na puitlinin kan innei anga, inuteii te chhungkua chu kan zavaia tang ho in kan hneh thei alawm" ati leh sapa.
.
"Sawi chu a awl ani mahna mahse kan hmachhawn chiah erawh chuan duh angin a awlsam ngailo. Bin reina phakar zia leh fin vervek zia hi ka theihnghilh miahlo. Anni chuan ka lo kir ani tih an hriatrualin ruahmanna dang an siam nghal animai, chuan manchhuah an harsa sawt bawk ang" ka biangah chuan lo dawmin ka hmuiah chuan alo fawp zeuha.
.
"Ka puih che i duh em? ".
.
"Doctor Leeno kha ihria em? Ka pa damdawiina thawk kha, ani khan ka pa damdawiin hi chhuhsak atuma engchena thui nge akal tawh ka hrelo" ka lo ti sap a.
.
"Maw???? Pate Leeno kha maw? " arak deuh tuarh mak ati lutuk pawh ani maithei. Ka lo bu nghata "ani lehzel" a lu chu adawm vang vanga "ughhh.... Emma heng mite hian an tuar khawp ang, ka lo buaipui ange" ati leh sup a, akhabe chu asehruh teuh mai. Athirim hle ani tih ahriat bawk.
. "Bin Emma ka ni tih an la hre tur anilo" ka ti leh vata.
.
"Ka hria alawm.... " ka kawngah chuan alo kuaha "engtikah tak ka uite hi lo kir leh ang maw! " ati tham tiaka ka hmuiah chuan alo fawp leh zeuh a, anghawngah chuan ka kut ka suiha, dingdihlip zeuhin ka han fawp a,
.
Uar zeta minlo chhangletin ka ka ah chuan alei alo let nghal tap tapa, keipawn ka lo chhanglet tha kher mai. Min pawm kang nawlhin ka mawng chu alo tham zeuha, ka lo te deuh that. Dawhkana min nghatin ka mal inkarah chuan alo inzepa, uar zeta minlo fawpin akut chuan ka mal chu azut paha, kalthuina hmun anilo tih ka hria mahse he akut nem thep hian thil atithei mah mah ani.
.
"Bin" ka ti tham tiaka. "Chawhma khan khawnge i awm? " ka nghawnga afawhlai chuan ka ti leh sapa, atihlai chu chawlhsanin mit zim sanin minlo melha.
.
"Emma Lambert strict viau i tum em ni? " anui ri hak a, dawhkan atang chuan chhukin ka insiamtha malh malha.
.
"Sawi turin ka nawrlui hleinem che" ka seat a thu pah chuan ka ti a, Bin laka tihtauh hi chu kan naupan lai atang tawhin ngaiah ka nei tawh niberin ka hria. Amah ka melh chuan aban aphar kak zeuha, athaw halh bawk.
.
"Anihleh....... ka thiante nen kan inhmu"
.
"Tu i thian" melh kar pah chuan ka ti leh a.
.
"Titehhhhh.... Emma tikhan awmlo teh" minlo kuah atum chuan ka kut kuangkuahin ka melh kar a "awle... Awle" aban chu a awm zawnah aphar a.
.
"Chuan" ka chezia chu melhin nuih insum zet hmel apu, amitko asan ak a.
.
"Alex te, anni bak tunge nichuang ang" minlo kuah atum chuan ka lo la melh kara. Atawlhhnung leh zal zal a.
.
"Bin ithiante aiin i hna hi apawimawh zawk tih hria la ka duh. Chuan working hour ah thian i kawm tawh tur anilo. Kum 27 ini ve tawh puitling tur chuan i upa tawk tawh, i office ah kir la naktuk meeting tur chungchangah va inbuatsaih rawh" anui hmel hian enge asawitum ka hrethiam tehhrep lo.
.
"Emma Lambert chungah khan engthil nge thlengta le! " ngeiawm zet chuan alo ti a.
.
"Edward Bin Frost tleirawl smart tak chungah khan engthil nge thleng ka hre biklo" ka lo ti ve bawka, asawitur hrelo chu athaw leh halh thin.
.
"Ihria em? Kan naupan lai atang tawhin amipa zawk si hi ithu thu in ka awm ziah" titau awm lek lek chuan alo ti leh a.
.
"Awm i duh tawhlo tihna em ni? Apawi hleinem ka dang miahlo che" ka lo ti vin tar a, ngawi reng chuan adinga ka hna chu ka thawh zawm mial mial. Enge ka chungah thleng pawh ka hrelo. Min kalsan ang tih hlauhna in ka khata, hetianga ka chanchin danglam deuh zawnga asawi hian ka hlauthawng ani. Ngawireng chuan adinna ngaiah chuan adinga, ka va melh chuan akut akuangkuah ran a.
.
"Engvangin nge ka kalbo thlahlel viau anga i awm thin" ka ngawi renga "Emma ka bia che" dam zet chuan alo ti leh a, ka chhan mailoh avang chuan ka seat chu alo kuaiher pawpa, ka thutna ban ve ve ah chuan alo innem khalha, amita ka en chuan amitmeng chu ka chhiarthiamlo asen ram a, ahlauhawm lek lek, minlo enin insum tih hriat zetin athaw halha, amit chu achhing sawk bawk, alo men leh chuan chutiang taka hlauhawm ani tawhlo "I telloin ka awmtheilo tih chauh hi hria la ka duh. Theihnghilh suh" ti hluk pahin a inhera, kawngkhar chu akhar ri deuh pawpa achhuak zui nghal. Ka lung zawn phu dep dep chu dawmin ka thaw halha, nichin khan ka lo thaw miahlo em mawni le!
.
Nilenga hna ka thawh lai chuan ka rilru ah engmah alut pawn ka hrelo, ka thluak chu sarah te chhungkua leh Bin in an luah niberin ka hria. Hna ban hnu chuan in lamah ka kira, Bin apartment sawi hi ka in ti a ka lam theih awm chhun anih tak si avangin ka awmreng mai angai dawn ani.
. Car ka dahfel hnu chuan inchhung lamah chuan ka luta Bin alo awm miahlo. Ughh engvangin ngemaw a awm ngawt ang le! Alo riah zeuh zeuh thin tur thu chauh alawm asawi tak ni! Enge ka chungah hian thleng ta zawk pawh ka hrelo.
.
Room ah lutin ka thawmhnaw chu ka phelha, inbual turin washroom ah ka lut nghala, ka intihfai lai te pawh chuan Bin chuan ka ngaihtuahna zawng zawng a awh niberin ka hria, nichina ahmel en kha chuan alawm hmel vak siloh. Keipawh hian ka ti mah mah pawh ani maithei. Mahse chhungrila aman min kalsan ka hlauhna hi lanchhuah tir vak ngaihna ka hrelo. Min kalsan tura ka hrilh chang pawn nghet takin akalloh tur thu min hrilh sela ka duh takzet. Ka chhanna beisei ang ka dawnglo te laj chuan kawng lehlamah min ti thinrim hlur tho bawk si.
.
Ka in bual zawh chuan ka inthlak fel sawk sawka, dinner tur buatsaihin chumi pah chuan hna Thawh tur tlem azawng ka hawn chu ka thawk paha.
.
Dinner eikham hnu chuan thawh tur em em a awmlo bawk nen, ka mu zal deuh mai maia, zan chu aninawm takzet. Bin tello chuan arei ka ti nghal em em ringawt bawk. Dar 12 leh tih arik pawh chuan alo kal chu ka la beisei ru cheu mai, nghah pahin tiin
.
Door bell arik ral ral chuan ka harha peihlo zetin ka tho a, sana ka en chuan dar 2 chauh ala ni. Door bell lah chu ari zing em em lehnghal, tum barin ka tho chhuaka kawngkhar ka hawn rual chuan Bin chuan minlo bawh nghala, ka taksa chu a awn deuh laih mai. Zu rim lah chu anam nasa em em mai bawk si.
.
"Bin" ka ti sapa, a ahnungah chuan ka chula.
.
"Emma Lambert ka kalsan lo ang che tirawh" nghetlo zet hian alo tichhuaka, thaw halhin khum lamah chuan ka kuah pheiazpai dat datin kan thlengve ta hram, arit bawk si nen ka thlan hluam mai. Khumah chuan mutin apheikhawk chu ka hlihsaka.
.
Bin phone alo ri chuan a ipte chu ka zen a, ka lachhuak thei ta hram phone screen ah chuan 'caroline' tih alo inziaka. Ka thinphu rang nghal em em chu a awmzia pawh ka hrelo. Dawm vang vang pah chuan ka pick a.
.
"Bin, khawnge i awm? " hmeichhe àw sin lampang chuan alo ti a.
.
"Bin a? " ka ti deuh sap. Bin hi keimah chauhin Bin tiin ka ko thin engvanga henu hian ko ve nge anih! Phone chu ka beng bulah ka dah hnaia (To be cont...)