MAKING BABIES EPISODE 2 BY: NUNUIFRANKYHMAR

[Big bear]

MAKING BABIES

EPISODE 2

BY; NUNUI FRANKY HMAR


SILAS POV....



Ka PA mak leh dangdai tak chu an chenna hmun thleng ka thlah a

'Naktukah i rawn kal angai lovang, i chawl thei ang' a chhuk dawn chuan ka ti a



' Ka lawm e Mr Gonzalez, muttui le' tiin a chhuk zui nghal a, ka mitthla ah a tawlhthlu lai kha a rawn lang a, ka nui hak a , ka mansion lam pan chuan ka kal a



' Silas Darling , i in kawtah ka awm ania'



' Tunge'


' Keimah Bernice' oh, minlo nghak turin ka ti a, gate bulah chuan pawnfen chhing zet fengin alo ding a , ka nui sak a



' Silas Darling oh..... ya... bla bla bla' ka room piah chiah ah chuan hmangaihna kan chen dun a, mahse zan dang angin nuam ka tilo, ka inla hrang a, haw tura ka tih chuan mak ati hle a



' Mahse ka la zo ve lo.....'




' Nangmahin zo mai rawh, haw ang che' tiin ka room lam ka pan a, ka awmdan ka hrethiam lo, ka nu tana tlereuh ka lei chu ka thawn a, vawiin chawhnu a ka hun hman dan ka ngaihtuah let a, ka nui suk a, PA mak tak ani, min ngaihsak lovin hmeichhe dangin min en dan mitmeng khan min en ve ngailo a, ka vawikhat hriatna ani.




Ka company chu dar 8 a rik chuan ka thleng a, tlai hi ka ngaitheilo, an phe deuh suau2 a, min wish sap2 bawk a, ka room ka thlen chuan intercom atangin Miss Wayne chu coffee min rawn laksak turin ka ti a


'Maria Wayne ka roomah '



' Sir, Miss Wayne chu hna a rawn kal lova' hrep hian , engtin nge ka theihngilh theih, nimin khan chawl turin ka ti alawm, ka secretry pakha chu coffee min rawn siamsak turin ka ti a



' Sir mamawh dang i nei em' a kamis hak chu a tawt mah2 ani a hnute a rawn pawk chhuak ang tih a hlauhawm, itawm thei ang ber chuan a han ding a



' Heihi eng coffee nge ni ngai, coffee ka duh ka ti ani lawmni' tiin coffee chu ka paih a



' Mahse sir i duhdan ang tak kha alawm, chini fiankhat chiah......'



' Ban i ni, i bag pack la, rawn lang leh tawh suh' hmanhmawh taka a tlanchhuak chu ka en reng a, kha Maria Wayne kha eng vanga chawlh pe ngawt nge maw ka nih le



' Uncle Silas' Marcus a phone atang chuan a fanu Kendal mi tihbuai hrat zet chuan min rawn phone a, ka thaw hak a, fa hi ka neih ve duh ka ringlo



' Enge nita Princess'


' Mommy hospital ah a awm a, lo kal la, chuan Aunt Maria pawh lo hruai la chuan candy .... bla bla bla' he naupang hi kum 7 chiah ani si a, eng vanga tawngthei viau nge anih



' Awle, i pa kha ka lo be lawk ang chu'



Chawhnu meeting leh programme zawng2 chu ka cancel vek a, Gala Hospital lam pan chuan ka Porche car sen chu ka khalh a , mi pangai mai2 chu ni ila min man ngun viau in ka ring ani, mahse dan chungah ka leng a, tumahin kei leh ka property ah thu neihna an neilo, hospital ka thlen chuan ka car ka park a, muangchangin hospital ah chuan ka pen lut a, hospital chhunga staff leh mi ho chuan min en thap a, a then in phone an phawrh bawk a, khawiah mah hian ka zalen lo anih hi .



' Hi, uncle Silas, khawiah nge aunt Maria' Kendal chuan min rawn pan pahin ati a, ka pawm a, anu chuan nau a vei mek a, Marcus pawh a phi buai hle a



' Aunt Maria chuan chawlh a la a'



' Oh, anih naktukah ka hmu thei angem' henu hi min tih at a tum emni



' Thu i awih chauhin a niang' tiin a biangah ka piai a, ka nu leh pa an rawn thleng a, ka nu chuan Kendal chu a pawm a



' Silas bawiha i present min pek avang khan ka lawm e, tlereuh lamah hi chuan tuman an tluk thei lovang che' tiin ka biangah min fawp a, nie hmeichhe tamtak tan tlereuh ka lei thin alawm, mama .



Hospital ah rei awm lovin company lamah let leh ka tum a, Marcus nupui aJamie chuan naute a nei tawh a, hmeichhia tho a nei a, hospital gate ka thlen chuan hmeichhe pakhat chak taka hospital park lam pana a tlan chu ka hmu a, ka hmuh hnu a ang riau mai, Maria Wayne ani, T-shit var thawl deuh a ha a, Jeans tet nasa deuh a ha a , chapal var a bun leh bawk a, a hnungah chuan ka zui a, enge ka umzui chhan ka hrelo, park a bench pakhat ah chuan a thu a, a hmai a kut pahnih chuan a hup a , a tap ni ngeiin ka hria



' Maria Wayne' ka ti sap a, a bulah ka thu tih a hrelo ani ngei ang, mittui tling piau chuan min melh a, ramhuai hmu te pawh a ang .



' Sir nang maw' makti tak chuan ati a



' Enge hetah i tih, khaitang thuamhnaw.....' a inchei dan chu tleiraw hawklak tak, khawlai a khawsa ang mai ani



' Ka nu a awm a' zawi sup hian ati a, a tah a chhuah hmel hle a, hmeichhia hi enga tan mah ka tilo, a bikin an tah phi chuan ben zui hrep mai ka duh thin , mahse henu hi chu a danglam reuh ani, hmeichhe maktak ani



MARIA WAYNE POV....


'Nu i ha leh vat ang tih ka tiam a che' ka nu chu a mitah ka en ngamlo, ka tah loh nan ka insum tang2 a, he company ah hian kum thum chhung contract a sign a ,kumkhat chhung chauh a la thawk a, mahse brain tumor a neih avangin thla khat vel chauh a dam tawh tur thu Doctor khan a sawi a, engtin nge ka tih tak ang, ka nau ka enkawl a ngai a , keipawh, hospital thawpik tak atang chuan ka tlanchhuak a, park lamah ka tlan a, motor liantak in min rawn su chawrh se ,ka nu thih ai thi daih ila .



' Maria Wayne' kha misualpa aw ang deuh ka hriat chu le, vawiin ni angah pawh min ibuai reng mai, ka bulah alo thu reng tih ka hriat chuan mak ka ti hle a, coat-suit ngai hi a ha vak ngaiin ka hrelo, nitin a thar a ha reng mai . Vawiin pawh hian a nalh lehpek e



' Sir...'



' Heng thuamhnaw hi ha tawh suh ang che' tiin ka thuamhnaw chu a kawk a, enge a that lohna, mi pawhin an ha fo si a , tinge ka thuamhnaw hak ah lehzel a buai ni



' Tihpalh sir, enge hetah i rawn tih a' ka zawt tawh laklawh si, zawhna zawh hi a hua tih ka hria, min chhan that pawh ka ring chuang lemlo a



' Chu2 i hriat a ngailo, i nu , ka sawi awmzia chu Gretel Wayne hospital ah a awm maw' atih chuan ka lu ka bu nghut a,



' Tawngkam in min chhang rawh MariaWayne' tinge mi hi thu a pek reng mai le, ka en vang2 a, ani pawhin chiang takin min en a




' Aw sir, ih... ih brain tumor natna a nei a, thla khat chiahb... thla kha vel chiah....' ka sawi zawm thei tawhlo, ka mittui chu a rawn luang chhuak zawih2 a, tinge hepa bulah berkher hian ka tap duhlo asin, ka insum theilo ani




' Ka .. ka tihpalh, tah pawh ka tumlo , mahase ka......'



' Mi chaklo te chiah an tap thin, i nu chu ala dam ani lawmni, tap lo khan i nu han awmpui rawh, naktukah dar 8 ah chiah2 hna rawn kal ang che, i nu tan doctor tha tak ka lo bia ang, i kal hma in i hmai bal zet kha hrufai ang che' tiin a hanky fai tak chu ka kutah a rawn hmehbel a, min kuah in ka hnungzangah chul se, engkim a tha leh vek ang, tap tawh suh tiin min hnem theilo emni, ka phut sang viau emni , a kal liam chu ka thlir reng a, ka hmai phih in nui lui sangin ka nu roomah ka lut a




'Bawihi enge Mr Silas a hnuaia thawh chu a an, a hinchhia in a chapo a, thu a duh in tu thurawn mah a la ngailo tih ka hria, mahse sawtia a awm chhan saw awmin ka ring tlat ani, hmangaihtu amamawh ani'



' Nu, a chungchang sawi tawh lovang, nu eichak i nei em'



' Aih neilo e, heta tang hian chhuah vat ka duh' ati sap a, a cher em2 a, a na a zep rei em2 a, ka haw takzet, min hrilh vat se chu treatment te la in .... ka mittui chu tla lo turin ka khap let sak2 a




'Good morning Mr Gonzalez, heihi i coffee tur' tiin a room ah chuan ka pen lut a, min melh zawk a, ka ke ah chuan a mit a fuh chat a, ka pheikhawk bun chu ka en thla as, ka dress milh tura min thlansak Zara brand pheikhawk flat senno [angel wifey] nalhtak ka bun chu a en vang2 a, ka lai ngei mai



' Dar 10 ah Demetri hotel ah client hmu turin in ring ang che, chuan vawiin ah eng programme nge ka neih' tukverh lam hawi chuan ati a


' Dar 1 ah Worldwood CEO nen meeting in nei a, chuan dar 4 ah , Miss Kashila... lumbi , Kashilalumbi nen dinner date...'



' A tawk, dinner date kha cance ang che, chuan Miss Kashilalumbi hnenah khan lunghlu thi i thawn dawn nia, i chhuak thei ang' ati a, mak ti ru zetin ka chhuak a , CEO floor a receptionist gay Marvin chu ka room ah a rawn kal a



' Ka lawm e, cofffee hi ka ngaina lo a' tiin green tea honey fiankhat telh chu min rawn pe a



' Welcome honey, vawiin chu i mit a bui hle mai, Handsome Tiger sawn ati lungawi lo che emni' nui har2 chuan ati a



' Ah, nilo e, nizan ka mengrei deuh a, ti daih ila Miss Kashilalumbi.... lam har ka ti hle a//// tih hming hi i hre tawh em'


' Designer Kashilalumbi, khawvela designer chhelo ber a Forbes Magazine in a thlan kha emni i sawi' phur tak chuan ati a, tunge a nih pawh ka lo hre hauh hleinem




' Ka hrelo, ka zawt mai2 che, dar 10 ah CEO nen kan chhuak dawn a, ka hna ka thawk tawh ange, ni hman nuam le'



' Nangpawh le Honey' mit min siai zauhin a kalsawn a



SILAS POV.....


Ka office atanga ka chhuah dawn chuan ka phone pakhat zawk chu a rawn ri a



' A rei ta hle mai Gabriel' chu aw chu ka theihnghilh theilo, Gabriel tia min koh tu awmchhun ani, office ah chuan ka lut leh a



' Enge nita, ka buai ania' dawhkana whiskey chu ka thli chhuak a , he mumang hi a reh thei dawnlo ani



' Damien rawn let thu hrilh che ka duh a, chuan hmuh che a duh bawk a'


' Enga, ka that daih tawh alawm' ka ti vin hrawk a, kum khat chuang chu mi ka that tawhlo a, kalsan tum mah ila ka theilo, ka nu leh pa , ka unau ten engmah an hrelo a, hriattir ka duhlo, hetia trillionaire ka nih chhan pakhat pawh hi ani



' Awle, zan dar 8 ah Manchester a ka villa ah ' tiin phone chu ka off a, hrep hian , kawngka chu tu emaw in an rawn kik a, ka glass no ken chu ka hum keh pawp a, darthlalang them chuan min zai a, ka kut atang chuan thisen a chhuak nasa hle a



' Sir, dar 10 a me.... Aw lalpa leh, i kut kha' a tablet ken chu a thlauh a, min rawn pan hnai a



' Sir a thi nasa lutuk, hospital ah i kal angai, awi a kak nasat hmel si, engtin nge ka tih dawn ihj, khawnge first aid kit, nilo, sil phawt a ngai ihhh, Silas ah nilo Sir ih......'



' Maria Wayne ngawi rawh, ka tha, chhuak rawh' ka tih chuan a harh chhuak zawkin ka hria



' Sir, i kut a thi nasat em kha ka kalsan theilo che khawnge first aid kit ...'



' Chhuak rawh ka tih chu ban i duh emni' ka ti vin tuar a


' Enteh thinchhepa , ka nu vang chu nilo se min ban ngailo in he i company hreawm zet atang hian ka bang daih tawh ang, mahni thu duh si, midang ngaihsak nachang pawh hrelo, i thinrim reng ringawt a, nui ngai bawk silo, midang in an puih che i duhloh chuan nangmah in khang i kuta glass keh them bur fer fur kha la chhuak vek rawh' tiin thinrim takin ka office atang chuan a pen chhuak a, eng ang hmeichhia nge anih, tumahin min vin ngailo, chhan pawh min chhanglet ngamlo ania, ka kut thi chhuata far zawih2 chu ka en reng a



Kawngkhar ri rawk lam chu ka melh a, kha nu bawk kha a kuta first aid box kenga rawn pen lut chu ka hmu a



' Enge ka sawi kha, min buaipui turin ka duhlo che' min rawn panhnai lai chuan ka ti a



' Keipawn ka buaipui chak hleinem che, i kut kha a septic hma in damdawi hnawih angai lawm, gentleman takin rawn thu la, i kut kha ka lo tuam sak ang che, Mr Gon.za.lez' ban chap chuan ati a , ngawi rengin ka en a, tumahin min hnial in minla ti lui ngailo, a bikin ka hliam tumah ka khawih tir ngailo, henu erawh hi chu a danglam tih bak sawi tur ka hrelo, couch ah chuan min kai phei a, a chetzia chuan minti hamhaih em2 a, a tihgdan dan chuan ka awm tawp a



Ngawi reng chuan ka kut chu a hru fai a, glass keh them lut chu twizer in a pawt chhuak a, a thip zek mai, in hnaih takin kan thu a, a hmeltha tih ka lo hre ngai reng2 lova, mahse tarmit a vuah loh hian a hmeltha takzet ani, enge maw ka ngaihtuah le, keihi ka hnuaia hnathawk lakah feelings ka nei theilo, tiin ka lu ka thing a, ka kut chu damdawi a hnawih a, bandage in a tuam leh thlap a , chhuata glass keh chu a chharkhawm a, ngawi rengin couch ah chuan ka thu a




' Sir mamawh i nei em, i neih chuan ka rawn laksak ang che' ati sap a



' I chhuak thei ang, Restaurant ah thupha chawi nan pangpar i thawn dawn nia, coffee min rawn lak rawh, chuan department zawng2 minute 5 hnu ah ka tlawh dawn a, in ring theuh turin hrilh ang che, chuan thil pakhat Miss Wayne, ah min ... i chhuak thei tawh ang' eng vanga ka lawm e tih leh ka tihpalh tih tawngkam hi hman harsa ka tih viau mai le, ka dawhkana whiskey glass chu ka tlak khawlh a, office atanga chhuak in ka tum lawkloh deuhin depatment ho chu ka fang kual a, ka hnungah Miss Wayne chuan min zui det2 a, hna thawk thalo leh inchei nasa tak, ho chu ka ban ngal zel bawk a



MARIA WAYNE POV....




Hetiang mihring hi an awm tak2 ani, a kut ka khawih khan ka tek chuai2 a, engtin nge hetiang ramhuai tan hian feelings ka neih theih ka hrelo, ka thinrim em vangin ka vin let hrep a, min ban ka ring ania, mahse a kut chu min tuam tir a, a ngawi reng a, mipa mak tak ani, tiin miin an ngaihsak hi a duhloh tlat le, amah chauhin a hlim lo tih a in hrethiam lovemni



Deparment chi hrang2 kan fang kual a, ka ke a kham tawh ngei mai, ka chhiar theih chinah mi 48 a ban tawh a, a kut zungtang hmangin a kawk a, a ban nghal zel a



' Miss Wayne, department 67 incharge zawng2 conference hall ah koh khawm ang che, dar .... a sana chu a bih zauh a.... dar 1 ah an kim vek tur ani...'


' Sir i mee...'



' Naktuk atan sawn rawh' tiin a kal zui nghal a, Lalpa ka ke a kham tawh lutuk, staff thenkhat ho chuan min khawngaih hmel takin min melh a, nie ka khawngaihthlak takzet , company chhawng 18 na ah kan awm a, helai hmun hi managing dept ho awmna ani a, private elevator atang chuan a pen chhuak a, office chhunga mi ho in an hmuh chuan an phu nghal suau2 a



' Manager incharge khawnge' tiin a au a



' Ah, sir chawlh a la a'



' Chawlh a, min va hriattir lo ve, Maria Wayne a chawlh lak chu i hria em' tiin min rawn en a , ka lu ka lo thing a, min en vang2 a



' Hrelo sir' ka ti a, staff ho chu a melh leh a, a hawi kual a



' Ban vek in ni, Miss Wayne naktukah interview a host turin lo inbuatsaih ang che ' tiin elevator lam chu a pan leh a, staff ho chu ka khawngaih hle a, ti em2 a boss nunrawng, ngawi rengin kan chuang dun a, ka pasal chu nise ka then na a rei tawh ang



Dar khat atan meeting CEO in a koh chu dept zawng2 manager chu ka thawn chhuak a, riltam pawh a sawi theihloh, conference hall zau tak lam pan chuan ka kal hnak2 a, pheikhawk sang chu bun ila ka pen theih ka ring tawhlo, mahse vanneih thlak takin CEO ngeiin pheikhawk min leisak hlauh a


'Miss Wayne, ka office ah'



to be cont...