THE CRUELLEST LIE

Episode kal lai dah luhna

Moderator: writers

Nui leo Khawlhring
Posts: 9
Joined: May 15th, 2018, 7:22 am

THE CRUELLEST LIE

Unread post by Nui leo Khawlhring » May 16th, 2018, 1:12 pm

Ziaktu :SUSAN NAPIER
Letlingtu :HMA-I
Re type :Nui leo Khawlhring
THUHMA

Hmel hriat ngai hauh loh tlawhtu mipa kher kher a nei chuan a ti hrilh hai letling ta hle a.
Reporter em mi le? Ni lo, thil zuar anih loh ang bawkin Reporter chu a ni lovang

'I nau pai hi Mark - a fa a nichiang a ni tih kan finfiah hnua alo nih tak tak chuan i rai chhung hian sum leh pai in ka enkawl chho vek ang che'

'Nau tihtlak lam i ngaihtuah a nih chuan' a ti ram hmak. '.......... theihnghilh nghal hmiah rawh,'


Episode 1:
'I rai puar a nih hi!'
Claudia - i thla hnih thum kalta atanga nuihna tur hre tawhlo chuan a cotton kawr hak pan tak hnuai a adul lo pawng chhuak alh mai chu an bih chhuk a. A nuih a za ta kher mai!
'Pathian leh! Ka rai chu a nih hi' a lo tih sak a. A kawngka bula lo ding ahriat ngai miah loh mipa hang lam pang chu nuihsawh hmel tak hian an chhhang let a. 'Ka taksa thau lutuk venna tura kalo insen vena zawng zawng te han ngaihtuah chuan atthlak zetin ka inseng teuh a ni ber mai' an ti leh nghauh a.
Chu pa nuih chu a za ta hauh lova, a hmel chu a thutak sawt mai a. Mak tak mai hian ahmui hi a chip hmak mai bawk nen. A sang tha hle a, chutih rualin apian chu a fuh hle mai si a. A sam dum hlap mai chu a tan tawi mat a. A mitmeng chu han en mai pawh chuan hlauhawm rukna riau hi a awm a, a khabe ruh invuah nghet tlut mai chuan pa tawhkhirh leh luhlul zet ni hian alan tir bawk nen. A thawmhnaw hak suit nalh tak mai, silk tie a awrh te han en chuan pa khawsa thei tawk a ni ang tih hi a lang thei a. Chuti nilo sela chuan Claudia-i chuan ahlau hial ta ve ang. Mahse, chupa chuan a kalna tur a rawn hai palh ang a, a in ah a rawn lut palh ani ang tiin a ngaihtuah ta then a.
'A nuihzatthlak hle mai' aw ngaihno bei lo fe hian a rawn ti a. Chu chuan Claudia-i nuih ati za zual sauh a.
'Ka lawm e. Kei pawhin chu chu ka rindan chiah ani ve tho mai. Hriat ngai miahlo te nen a ti ti bul tan nan thudik lang tlang sa hi i sawi chhuak hmasa thin reng em mi?' an ti a.
'Chutiang an awm anih chuan nangmah hi i ni ngei ang...... I lang tlang vek a ni' an tih chuan a dul kiar ta lah mai chungchang chu a rawn sawi a ni tih ahre thei mai a, chu thuchuan ati lawm in anuih ati za leh riau thung a. A fiamna chu alo la thutak palh ani mahna. Kawng lehlamah chuan mitin hian kan tih sual palhah nuihzat chu kan duh lo hrim hrim a. Chu bakah chupa i a hriat / hai palhna a lo nuihzat pawh chu a tidik chuang lo. Mahse, han chhaih leh hi chakna a nei riau tlat a.
An thaw halh a. 'Ok, eng thil nge i zawrh chiah a? In ti faitu em mi i nih? Encyclopedia lam i zuar em mi?' an ti a. Thil zuar a vak kual chu a ni lovang tih zawng a hre chiang hle a. Chupa hmel nelawm loh zet mai chu mak tak mai hian duhawmna riau a nei tlat a ni. A thusawi chuan a lung ati awi lo hle a ni tih ahre thei a.
A rin ang chiahin chupa chu a khawng luh a.
'Eng thil mah ka zuar lo'
'Ka bulah hi chuan eng thil mah i hralh chuang lovang. I hnathawh tan ni ber em mi? Chutiang a lo mih phei chuan mi in a thil zuar turin tuna i awmdanah kha chuan sim tur i ngah......'
'Thil zuar ka ni lo' a rawn ti ram hmak a. A aw hlauhawm tak leh athilsawi chu a hre lo ang tih hlau fahran a a tawng takah chuan Claudia-i chuan ati lutuk mah mah tih a in hre thei mai a. Nidangah heti hian a awm ngai miah lo kha ani si a. Tunah chuan pa chapo zet mai chu a tihdan thlaka a thlem lungawi angai dawn ta a ni.
'Ni e, i ni hauh lo........' aw nem fahran a tih lai chuan in sehruh teuh hian chupa chuan, 'Khatin min lo chhaih kual mai mai suh, Miss Lawson' a rawn ti hmiah a.
Pasal nei lo a nihna a hria a, tunge anih a hre vek tih a hriat ve takah chuan aharh chhuak nghal kawk mai a. A hmel nuihzatna langte chu a bo zo vek a, engvanga chuti taka huat hmel nge a nih le tih ngaihtuah na hi a nei nghal a.
Hmel hriat ngai hauhlo tlawh tu mipa kher kher a nei chuan ati hrilhhai letling ta hle a. A nui hmel chu thutakna in athlak zo vek tawh a. Nipui khawlum lai tak aniin a chak lohna lai tak a rawn hriatchhuah tir chu a ngei phah hle a.
Reporter em mi le? Ni lo, thil zuar a ni lo ang bawkin reporter chu a ni lovang. Chanchinbu lam hian an hnuai thawktu te, suit man tam tak dollar sang chuang man hak tir thei khawpin hlawh an pe tam lo tlat a ni.
' Anih i thil duh chu sawi nghal rawh le, Mr......?' tiin amit ko an san ak a. Chris - a khan hmeltha a tih thu a lo hrilh fo thin a, mahse, a hmai chu a sawl mah mah hian a in hre thin thung. Mahse, awih turin a hrilh reng reng thin a nih kha. Tunlai te hi chuan a khabe chu nidang zawng aiin a zum a, a cher deuh kiang mai bawk nen. A rai hian a taksa nalhna te kha ala bo zo ni hian a hre thin. Eng thil dang mah a ngaihtuah theih loh bawk nen, intuai hnum lam pawh a ngaihtuah tawh lo.
Chupa chuan a zawhna chu a haider hmiah a, 'Mark-a hi a awm em?' an ti a.
'Mark - a a?' ngeiawm taka arawn chhan let a rin lai a a tleirawl enkawl lai chungchang a rawn zawt ta thut chuan a ti bangbo lek lek a.
' Mark Stone'
'Mark Stone - a maw?' a lo ti muang ban charh a, in ngaihtuah fim nan hun a mamawh hle mai a. Chupa chuan Mark - a chungchang nge ama chungchang chu hriat a duh zawk ni ang? Hepa vang hian em mi ang Mark - a kha kar engemaw zat chu a awmdan a danglam tlat ni? Mark - a chuan buaina tawkin, Claudia-i chu a mimal buaina chungchanga lo buai ve lo tura a duh vangin a hrilh lo mai mai zawk em mi?
Claudia-i chuan mikhualpa chu an en leh ren rawn a, chupa lah chuan dawhtheih na tlachham hmel zet hian a chhanna a lo nghak a. Chupa chu eng ang pawhin lang hausa mahsela a duh ang ahrilh nghal nachhan tur a hre lo, a chhan ahriat hmasak phawt a ngai ani. An en nawn leh chuan ahmel rum tak, a hmui nelawm loh taka chip hmak mai, a mitmeng zim deuh san, hlauhawmnaa khat te chuan eng ang pawhin inchei mahsela mi hlauhawm tak a ni tih a lang thei a. Buaina hmachhawn dawn pawh nisela do let turin ainpeih reng tih a hriat bawk. Mi nunrawng tak tiin chupa nihna chu a sawi chhuah theih bawk ang.
Mi bum ching a ni thei angem? Nge ni a ba thing turina rawn kal? Chu mikhualpa hmel nelawm loh lutuk tak mai chu enkhumin pawn lama a car dah chu a va hmu a, a in tha lem lo, khawpui pawn lama awm nen chuan a inhmeh lo hial zawk a ni. Jaguar silver raqng tle zar mai, nalh leh man tam zet tur hi a ni a.
Claudia-i chuan a thutlukna chu a siam ta nghal a, 'In aha awm lo tlat mai' a ti a.
Chupa chuan a chhana a vang chuan lawm hmel a pu lova, hawihawm taka kal nghal mai lah a tum hek lo. Lungpui ang mai a nghet hian ading run a.
'Hetah hian a cheng ve ani tih ka hria a' an ti leh a, a tawng danah chuan a lo phat ngei a ring a ni tih a hriat theih mai a.
'Awle, engpawh chu nisela In ah a awm lo tlat a ni' a ti a. Chupa rin loh ang taka a chhanna avanga lo en reng ringawt chu a lungawina pawh thup a tum phah chuanglo.
'Tak tak maw?' A ni pawh chuan a thusawi a awih lohzia chu a thup bik lo.'In ah a awmlo tak tak nge, keima lakah chuah hia a awm lo ni zawk?' a ti a.
'Tu nge i nih ka hriat miau loh che avangin a pahnih vang khan a ni ve ve thei ang chu' a lo ti ram hmak a.
'Ka lo nghak mai ang'
'I duh phawt chuan le' a ti a. A mit uk kharh maiah chuan huat na hi a lang thei a. A suit nalh zet chhungah chuan mi lo kal ngailo tur nghakin rawp ral daih sela a duh ber a, a car man to zet chhhungah chuan air condition a awm ngei ang tih chu thil chiang sa a ni.
' Ka lawm e' Engthil nge tih pawh a hriat chian hma in chupa chuan a rawn kal pel thuak a. Hall chhung vawt raihah chuan a kal phei a, room kawngka inhawng te chu a thlek tawn zak zak a.
'Hey! Eng thil nge ti a i inhriat chu le?'
Inchhunga kawngka vel chu boruak lum deuh avangin a hawng dar vek a. Tumah inleng beisei a nei lo bawk nen, chupa chuan an room chhung chu a en phei dan dan thei ta tlat a. Choka ruak leh bathroom te chu a en zawk a, chutah a bedroom khum lian tak mai in hunna chu a en leh a. Bedroom pakhatah thung chuan khum satliah tak leh chair buk thei hi a in hung a. A bulah chuan dawhkan leh chair an hung bawk a.
Chupa chu tha ringawt chuan a hneh dawn lo tih ahria a, thinur in sum hram hram chung hian living room lamah chuan a lut phei ta hmak a. A naupai vanga a chauh ngawih ngawih chu dan hram hram a tum a.
'I hmuh angin Mark - a chu a awmlo a ni' tih el fe hian alo ti a. 'I duh chuan chhuar te kha hawng la, carpet te kha phawk rawh, a lo awm palh hlauh mai thei a sin' an tih zawm a.
'In hnuai lamah hian thil dahkhawmna i nei em?'
Chupa in chuti lutuk a a ringhlel chu awih a har zawk hial a ni. Chupa chuan awmdan mawi leh mi chetdan phung a hre lo reng reng em ni?
'Nei lo,' a ti hraih a. 'Nei ila ka inti kher mai, a chhan chu ka kalh khum ang che a, mi a dahnaa thawk ten an rawn hruai thei mahna che'
'Ka a emaw i ti em mi? Engthil mah hi ila hrethiam lo em mi, Miss Lawson' tiin a nui suk a, a hmel erawh a lang nelawm hauh chuang lo. A lang hlauhawm mah mah hian ahriat a. A nuihzat vanga nui lah a ni hek lo. Chu zawng aia la hlauhawm leh chu a mitmeng rum tak mai chu a ni. Eng lam a hnungchhawn ta lo bawk a, tunah chuan chiang takin a mitmeng pawl ruih mai, nalh si chu a hmu thei a. A hmel rum leh nelawm loh tak mai leh a khabe ruh kual invuah nghet churh mai chuan a tilang hlauhawm hrim hrim a ni. Mahse, a mitmu dumpawl tak kharh mai chuan mi a hip riau tlat.
'Khawnge a awm a?'
Harsa ti tak hian chupa in chiang lutuk fahran a rawn en chu a hawi san a. 'Engvangin nge ka hrilh ngawt ang che?'
'A chhan chu ka zawh che avangin kan ti dawn em mi?'
Claudia-i chu a nui chhhuak hak lo chauh a. Hei hi in zawt iti a maw? Kei chuan intih luihna leh mimal zalenna chhuh sak ni ah ka ngai'a lo ti a.
'Zalenna han tihchhiat sak leh tur chuang i neih pawhin ka hre lova, MISS Lawson.' deusawh leh hmusit hmel tak mai hian a rawn ti a, a mit chuan a hawisan miah lo bawk a. 'Nang leh i bialpa te Press mite hmaa in awmdanah hian mimal zalenna chu eng nge a mih chiah pawh i hriat ka ringlo' a ti a.
Chupa rawn tawng dan ngeiawm tak mai chu haider a duh hle a, mahse, Chris -a chu car intlansiakna a tel mi lar a ni a, a eizawnna leh press chu a inkawp tlat si a. Chupa a hmangaih miau si chuan a nihna ang ang chu a tawm pui a ngai a ni. Mipui hmaah an leng chhhuakin a bulah ao awm ve reng thin a, a rilru takin chutianga mi mit fukna nih chu a nuam ati lo pawh a ni ang,mahse a chhuangin a hlawhtlinna chu a lawmpui tak meuh a nih kha.
An intihsiakna hmuna Chris - a a boral hnu reilote ah chuan chanchinbu mi lam te chuan an rawn ngaihvenin zawhna tam tawk zawh tum reng reng hian an bawr a, a enthla kar a. A theih ang anga peh helin an zawhna chhang lovin a awm a, tunah chuan mi hriat loh ang maiin a awm tawh zawk a ni. Mahse, chupa rilru te leh ngeiawm tak mai chuan Chris - a nena an nun hlimawm tak mai lo chen dun chu engmah lo maiah a chhuah tir thei lovang. Ni e, chanchinbu a in ziak zawng zawng te kha alo awih pawh a ni mahna.
'Chutiang a nundan mawi leh nungchangtha ngaisang tak ilo ni chu a lawmawm e.......'
'I rinloh ang takin, tunlai nun leh thil awmdan lo inthlak danglam te ang zel hian ka nun hi ka siam danglam thei tlat ani. Entir nan, hman lai ang khan nu leh pa inkara naute piang lo, sawn fa anih vang mai hian anchhe dawng tlakah ka ngai lo. Ka fapa hian nau i pai vanga a neih che hi i ring a nih chuan i rin loh ang takin i chungah thil a thleng dawn a ni' an ti a.
Chutia arawn tih takah chuan aharh chhuak ta hawk a. Ni e, sam dum hlap mai, an pian nalh tak, an aw thawp sap te! Thenkhatah chuan Mark-an a pa a chhun lohna lai a awm ve tho mai. Mark-a mit chu a dum fiah kak a, mipa model hnathawk thin awm fahrana hmaifang fuh leh fel nei a ni a, chu erawh a pa ah chuan hmuh tur a awm miahlo. A hmel a hmuh tirh a alo hriat mai lohna chhan pawh chu chu ani a. Mark - a chuan apa chu upa fu tawh turah a ngaih tir tlat a, tuna mipa a hmuh lah hi kum sawmli bawr a ni ang tih tur chiah a la ni si. Kawngka ava hawng a a rai a rawn hmuh khan mak ti viau tur a lo ni e, a ti rilru a. A nui chhuak teuh hle mai a. Tun tumah kher hi chuan chupa chuan thil hriat sual a nei ta tih a chiang hle a. Mahse, a hmela thinurna lang an en chuan eng ang pawhin hrilh tum mahsela a awmdan chu a thlak danglam thei rih chuang lovang tih a hria a.
'I fapa chuan min nei duh angin hre ta ila, a awm lohna lamah hlaua te ruai ruai chungin ka tlan vang vang ngei ang, Mr Stone.' ro halh hian ati a. 'Mr Stone-a i ni lawm mi?' an ti hnuhnawh a.
'Ka ni tih chu i hrechiang lutuk ang chu' a lo ti ram hmak a.
'Oh, engtin nge chu chu a ni tih ka chian mai theih ang? I hriat angin ka inchhunga i rawn luh ve ngawt lai khan tu nge i nih i insawi miah lo a ni' a ti a. Mark - a hrilh danah khan a pa, Morgan Stone - a chu chutianga mi ina lut rawk rawk tur chi ani tlat lova.
Mark - a hian a chanchin hi a hrilh tam lemlo a. A sawi chhun chu..... Wellington atangin a rawn kal a, a nu in a naupan tet laiin aboralsan a, a pa, hausa leh milian tak, mi chunga leng inti, engkim dik leh fel thlap tura duh, a fapa leh a rokhawm tur laka a beisei chu rin phak baka sang, a pa enkawl tur chuan a hnutchhiah a. Auckland University - a sumdawnna lam zir mek a ni. Mark - a leh a pa te chu thlaruk hmalamah khan anlo inti thiam lova, chuta tang chuan an inbe pawh ta miah lova. Mark - a pa khirh hmel tak leh hlauhawm tak thiltihtheih hmel si an hmuh ve takah chuan naupang te a apa tel lo pawhin a nung thei tih lantir a tum ve si na chu a khawngaih lek lek zawk a ni.
'I nau pai hi Mark - a fa ni chiang a ni tih kan finfiah hnu a lo nih tak tak chuan i rai chhung hian sum leh paiin ka enkawl chho vek ang che' Morgan Stone - a chuan vawt ruih hian a arawn ti zawm leh a. 'Naupang chu nagmaha enkawl chhoh i tum ta nih chuan a ta tur sum engemaw zah dah hran ani anga, ka lawyer kutah a awm vek ang. I sum hman reng reng chu naute tan a ni tih chiang taka lanna a tel loh chuan i la chhuak thei ngai lovang. Chuvang chuan keimah a vangin nun nuam leh nuamsa taka khawsak chu lo in beisei lemlo mai teh. Naute chu i enkawl duhlo a nih chuan ruahmanna dang ka siam thei.... '
Claudia-i chu hlauh thawnna hian atuam a. A kut pahnih chuan adul hi a dawm a, chupa thusawi awmzia angaihtuah zawng ringawt pawh chuan a luak chhuak chu a rawn in tham leh tan a. Chuti taka rilru maksak a pu leh khawngaihna tlachham tak ani chu a taksa chaklo tak chuan a zo lo a ni ber e. Duh aiin ataksa chu a te mah mah tih a i hria a, Doctor pawhin a rihna tipung deuh turin a rawn a..... Mahse, chutianga atih chuan a dul lam chu a lian tial tial a, a taksa dang erawh a te tial tial a ni ber hian a lang a. A hmai, a chawnte, a ban te chu nidang lo ang hian a cher thiak mai a. A landanah chuan naupawm hrisel tak a ang dawn hauh lo pawh a ni maithei e, mahse, he naute hi chu a duh tak meuh meuh a, a mamawh a ni ber.....
'Nau tihtlak lam i ngaihtuah a nih chuan' a ti ram hmak a. '........... theihghilh nghal hmiah rawh. A tlai lutuk tawh. Hei hi ka fa a ni a, nang hian lo buaipui ve na tur i.........'
'Ka tu tur a nih chuan ka ngaihtuah lohna chhan tur reng reng a awmlo' a lo ti hmaka. 'Chuan eng ang pawhin tunlai khawvel milin ka insiam rem thei pawh a ni ange, chung zongah chuan nau tihtlak hi ka thil pawm theih zawng leh ka ngaihthiam theih chi a ni ah chuan ngailo ang che. Nau tih tlak hi indanna hmanrua tlai khawhnua thar thawh leh ani lo a, nang ang hmeichhe experience nei tawh tan chuan he thil hi a mak zawk hle ani. Ka sawi tum tak chu, naute hi enkawl lova, a tan chenna nuam leh nun hlimawm i pe thei i dawnlo a nihchuan keiman ka enkawl ang tih ka tum a.... ' A tawng pah chuan amit pawl raih chuan chik lutuk hian a rawn en reng a. A hmel ngainatawm loh zet mai chuan eng angin nge a thu sawi chu a ngaih tih hriat a tum a ang ber a. A fapa hian amahah hian engthil nge ahmuh le tiin a ngaihtuah em mi dawn? Claudia-i chuan alo ti rilru a.
Claudia-i kawr hak ber kher chu a pan hle a, khaw lum nen, raino luakchhhuak bawk nen, boruak lum chuan ati zual ni berin a hria a. Tukin zing lam khan a thawmhnaw a lumlo thei ang ber, rai kawr lo tak mai hi hreh deuh tak hian a la chhuak a nih kha. A taksa chu a langtlang deuh thaw hial a,a bra lace pan tak maiin a hnute a khuh that mang loh te, a dul a nau pai vanga han lian tan te chu a lang chiang tak meuh a ni. A landan chu a it awm loh in a tan zahna tur chuang a awmlo tih hre tho mahsela a biang chu a sen chhuak vek tho a. Tunah hian nu dinhmun luah turin a in puahchah mek a ni a, mahse, mipa mithmuhah endik ni ta bera a inhriatna leh chupa mitmengin a rawn en a a awmdan mak tak mai chu a tan thil mak leh pawm harsa a ni hial a.
A ngaihtuah zawng ringawt pawh chuan a khur chhe lo chauh a. He pa tawhkhirh zet hian tu a nei ang maw? A FA a pu han ni mai sela? An ngaihtuah chuan a nuihzat thlak lek lek hial a, mahse, ngaihtuah chian chuan thil inremlo ber a hial awm e.
A lam pana a rawn kal a hmuh chuan Claudia-i chu thaw hak chung hian a tawlh hnung dawrh a. Chair a pal chuan atlu lek lek a, chupa chuan rang tak chuan akawng fekna nei tawhlo chu alo kuah hman a, a tlu ta lo mai a ni. Rangzet hian chupa rawn khawihna kut chu man in paihthlak sak nghal a tum a.
'Mi.... min thlah rawh'
'Engthil nge ti tura min ngaih a? Ka ben che maw? a lo ti hrawih a.' Hmeichhia hi engpawh nisela kut ka thlak ngailo........ nang anga raipuar ngat phei chu. I hmai a dang zual tlat a, i tlu mai dawn emaw ka ti a ni. Thu la athat ka ring ' an ti a. Chutin ka...... ' a hnial dawn lai reng pawh chuan chair ah hian chupa chuan anem thu a. A la vuan zui ta fo nen. Tha anei mai pawh a ni lo, chupa tluka luhlul chu an awm theih a ring lo hial a ni.
'Nau tihtlak chungchang han sawi lan hlek pawh khan a tibuai che a, chuti chung chuan i pum chhung i naute kha chu chawtha pawh pe lovin i hrek bet a nih ber kha maw' an ti leh hmiah hmiah a. ' I taksa nalh tak mai, han lang thau ta tur chu i hlau thawng pawh a ni ang, chuvang chuan chaw tha ei lam pawh i naupai tan i ngaihtuah theilo a ni mahna? Thla engzah nge...... thla li nge thla nga? Chuti chung chuan i dul pawh anih tur angin a la lian tawk lova, i bante lah chu ruhkawl a nih ngawt kha le'tiin a ban puam lai chu chik zawka en chung hian a tawk a.. A taksa nem thap maiah chuan a khawih sak nak nak a.

THE CRUELLEST LIE
RE-TYPE :NUI LEO KHAWLHRING



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: No registered users and 0 guests