The Flyboys' Temptation 2

Episode kal lai dah luhna

Moderator: writers

Lin kholhring88
Posts: 381
Joined: March 31st, 2017, 9:18 pm

The Flyboys' Temptation 2

Unread post by Lin kholhring88 » May 16th, 2018, 8:18 pm

Hope i chuan thidang mai lovin an accident dan zawng2 chu a hmu in a hre vek a, au chhuak tur pawhin tha a neilo hial ani. Chutianga an thlawhna a din takah chuan a thi lo ani tih a hria a mahse engmah ngaihtuah zui thei lovin a thidang chhunzawm ta nghal a.

Hope i chu arawn che tial2 a,a kut chuan a lu chu a khawih a, tlem hian alo ban chhap chu a hre thei a. A kut chu an hnim a, thisen rim a hre thei a,tin thisen kai pawh chu a hmu nghal bawk a. Theih ang2 in a taksa vel chu an enkual nghal zung2 a mahse hliam natak a neilo ani tih chu a hmu nghal thuai a. Ala dam chu a lawm hle a, miracle a thleng ni hial hian a hria a.

A seat belt chu rang takin a phelh ta thuai2 a, a hriatna thazam chuan petrol leak rim chu a hriattir nghal vat bawk a. J. T a chu a en phei nghal a, thlawhna hma lam bawhin alo awm a. Hope i chu hmanhmawh tak hian a che ta nghal a, J. T a marphu chu ala awm em tih a en nghal bawk a.

A kut hmawrin J. T a nghawnga marphu a zawnlai chuan J. T a chu arawn rum ta tuah2 a mahse engmah a hre hauh lo ani tih erawh a lang reng a.

Hope i chuan hahdam taka awm mai thei ani lo tih chu a hre ran a, a chhan chu anla him tawk lova an in saseng vat angai tih petrol rim chuan a hriattir ani. An thlawhna chu engtik lai pawhin a kang thut thei reng ani tih hria in J. T a seat belt chu a phelh sawk2 a, chhuat ah chuan a muttir leh te te phawt a. J. T a chuan thing vel an sut lai khan alu a sawh ngei anih a ring ta a, a dam khawchhuak leh angem tih pawh a hre rih lo ani.

"J. T, he thlawhna atang hian kan chhuah vat angai ania,"a hmai a bensak deuh nawk2 pah chuan a ti a. Miin lu sawha hliam an awm chuan tih chet dawt2 tur an nilo tia an sawi chu lo hre tawh tho mahse tuna an dinhmun ah hi chuan a ngai pawimawh thei rihlo ani. "Kan petrol tanky hi a leak ania, kan chhuah vat angai! Harh teh J. T!" tiin a sawi leh nawk2 a.

J. T an engtinmah a chhan tak lovah chuan a hma aia na in a biangah chuan a bensak leh ta a. Rawn rum leh tuah2 pah hian zawi2 in fiahlo deuh hian arawn meng ta a. "Engthilnge......,"

"Kan thlawhna a tla a, hei kan la dam anih hi, mahse heta tang hian kan chhuak vat anih loh chuan kan dam rei tawhlo maithei," an bul vel enkual pah chuan a ti a. Thlawhna kawngka chu a theih anga na in a nam dawt a, alu arawn nat tak em avang chuan a then sawk2 pah bawk a. A bag nen chuan thlawhna atanga chhuak in lei chu a thleng ta a, an bul vela rannung leh ramsa chi hrang2 thawm pawh chu a hre ta nghal a. Boruak lah chu a rit churh hian a hria a, a lum deuh huam bawk nen. An pen leh tur chu a ke a tliak trep leh nghala, an enchian chuan a pheikhawk ke artui chu hmunhnih ah hian alo phel phawk chu niin.

"Hetiang pheikhawk ke artui sang zinna a bun hi chu a mawl thlak hle ani," tiin a phun sap a. A bag chhunga sneaker apai ziah avang chuan a lawm leh hnahnawh hle a. A pheikhawk sang chu a tlawh phelh ta zung2 a, sneaker chu a bun nghal ta zat a. A bag khai chu ah theih tura an siam tho avangin a ak ta nghal a. Zin mite tana bag tangkai tak tur ani tia an fak lai a hmuh avanga lei kha ani reng a, hei a tangkai hle dawn reng anih hi.

J. T a pawh la harh chiangkuang vaklo mahse a theih ang2 in arawn vak chhuak ve ta hlawl a, thlawhna atang chuan rawn tla thla thlawpin Hope i ke bulah chuan a bawk thla thlawp a.

"Ka nakruh a tliak in ka hria," rum deuh hawk pah hian a ti a. Bawng note piang hlim din tum kual vel hi a ang mah a.

Hope i chuan a zak hnuaiah alo kuah thuai a, mahse alu bag ai pawhin a rit zawk hian a hria a.

"Chatthla tawh reng2 suh ang che," tiin a phun sap2 a, mahse a chatthla hman tawh ani tih pawh a hre nghal thuai a. Engtinnge ka tih tak ang? Ka koki ah hian ka pu anga, he thlawhna kan huna kang tel turin ka paihlut mai dawn em niang ti tein a ngaihtuah hial a. Chutih lai tak chuan J. T a chu a dawmna alo nghet lo deuh nge leiah bawk chuan a tlu thla leh ta chawrh a.

A thlan in a bual nasat tawh em avang chuan a hmai vel chu a han hui leh rih phawk2 a, a thisen pawh chu a hmaiah chuan arawn luang pah reng bawk a. J. T a chu a chakna zawng2 sawmkhawm in zawi te te in a hnuk tan ta a, hma erawh a sawn theilo hle thung a. Mihring thi ang der mai ,rit lutuk bawk si chau chung2 a an thlawhna atanga a hla thei ang bera an thlenpui meuh chuan chauh avangin Hope i pawh chu J. T a a muttir na bulah chuan a mu thla ve ta tawp a.

Tunah engtinnge nita zel ang? Mexican ngaw ah, pilot hliam nen tunah hian an awm mek a. Chulai ngaw chhah tak atang chuan engtinnge an dam khawchhuah theih tak ang tih lah a hre der si lova. South America Compound chhung tal chu thleng tawh se tihdan dan ala awm zawk pawh a ring ani.

Hope i chuan beidawng takin a hmui chu a seh neuh2 va, tih ngaihna lah a hre der si lova. Tah hi engtiklai mahin a duh ngai lova, tunah pawh hian tah chu a tum hauh lo bawk. Engpawh lo thleng se ka hmachhawn ang tiin a rilru a siam ta sauh2 a, an vanduai avang erawh chuan a lawm hauh lo thung ani.

J. T a a harhchhuah leh chuan a lu chu na ati hle a, pentawng chu nep te ni hian a hria a. Tuboh phei chu nei sela, a luruh kara a thluak awm chu ana rehna tur anih dawn phawt chuan chhut chawrh2 tak a nap a. Mahse a thi lova, ala dam avang erawh chuan a lawm hle thung a.

A mit meng tur pawh chuan a beih fe angai hial a. An men fiah theih tak hnu chuan a bul lawka doctori lo mu reng chu a hmu ta a. Hnah chungah amu ani tih an enchian deuh chuan a hre mai a, chung hnahte chu a lak khawm sak ani hauh lo tih pawh a hre bawk.

A lu na em2 lai chu a khawih a, vatawk tui tiat lawih a pawng hi a khawih fuh ta a. Control panel velah a lu chu a tauh anih ngei pawh a ring mai a, mahse engemaw an sut chawrh avanga thidang chu ani ngei ang tih pawh a ring thei mai ani.

Hope i chu arawn che deuh tual2 a, reilote hnuah chuan arawn harh ve ta a. A mit chu a nuai deuh chat2 a, thu tung pah chuan a ham bai2 zui a. J. T a a thi lo ani tih a hriat chuan a lawm hle a.

"Ka lawm e, Lalpa," thaw deuh hak pah chuan a ti a. A kut chuan a thinhnun chu an khawih a, a kawr manto tak erawh chu a tet pheng phung thung a. " Zanlai ah khan i thi mai dawn emaw ka ti hman asin, ka hlauh thawnzia kha!"

"Aw.....rinna tlem nu," tiin J. T a chu a phun deuh hluk a. Thut tum chuan a inbeng kang a, mahse a chet hlek pawh chuan alu chu a nat em avang chuan a chhing pah deuh sawk2 a.

"Ka lu nat dan chu maw, chhut dawt2 ang hi ani berin ka hria,min ring mai rawh. Mi hian hetiang na hi engtinnge an tawrh theih bik le?"

"Nia, tlangval, i tawrh kha a nep hauh lovang, nghawr nghin dawt kha i ni tlat alawm. I thluak kha vun belh zel phei sela chuan engtin mah ka tanpui thei hauh lovang che,"

"Ka vannei hlemai, tha taka ka tho thei chu tiraw?" ro halh hian a ti a.

An awmna bul vel chu an enkual vela, Mexican ngaw chah takah, a lai hawl velah an awm niin a hre ta a. A rindan tak phei chuan khawmual chhunga tuipui peng tengsawl lut in a karcheh nalai takah an awm in a hria a. Thei leh theilo chuan a ding a, zah pawh dawn thei tawh lovin a taksa pumpui chu a nat em avangin a rum ta hawk a.

"Thlawhna tla tur hetianga ka tha leh zung zawng2 nena ka khalh lohna pawh alo rei ve ta hlemai,"

"Hetiang hian ilo tlakpui tawh amaw?" dingchhuak ve pah chuan Hope i chuan a ti a. "I thlawhna ka hire hma khan chung te chu sawitur che alawm?" an boruak ti zangkhai tu tur ni dawn lo mahsela ati leh hram a.

"Ngawi mai2 teh, doctor. Hun rei tawh takah khan alawm," an bul vel ngaw enkual pah chuan a ti a. Engemaw tak chhinchhiahna an awmna lai tak hriattir thei tu tur a zawng ru nain engmah hmuh tur erawh a awm lem hlei lova. An piah lawkah chuan chhum a zin nasat em avang chuan zing nisa pawh chu chhum chuqn hliah deuh vek hian a hriat a.

"Kan thlawhna kha a puakdarh lo tlatin ka hria,"

"I sawi dik e, mahse a puahdarh ka hlauh avang ania thei leh thei lova ka hnuhsawn tawk2 che,"

Aw....min lo ngaihsak hle anih chu," Ka lawm e, ka ba let teuh che anih chu,"

"Ngaihdan siamkual vak angai lovang, bat leh tihvel ah kha chuan maw. Ka mi chhawr mek ila ni reng tih kha hria la, chuvangin South America a ka thlen theih dantur ngaihtuah mai rawh, Mr. Carmicheal,"

"Lady, ka thlawhna a darh vek tawh a, engtinnge chutah chuan ka hruai theih tak ang che? Ka hnung ah hian ka pua ang che anga chuan ka thla ka zap dawn tihna ami? Helai hmun atanga dama kan chhuah theih hlauh chuan a lawmawm viau ang. Timbuktu a hruai theih na chance che chu a tlem viau tih mai chauh anih chu! A ngawi det a, a hnu ah chuan ka hrilh tawh che kha ka pa chu Carmicheal a ani, kei erawh chu J. T a, Carmicheal min ti leh anih vaih chuan ka eih tawh hauh lovang.

"Awle, anih chuan J. T kan dinhmun khirhkhan tak atang hian engtin nge kan chhuah tak ang tih hi inhau buai lovin in ngaihtuah dun teh ang. Kan dam khawchhuah theihnan kan pahnih a kan thawhdun angai dawn ani. A kawr ban vel thler hnuang siam tha pah chuan a sawi chhunzawm leh ta a, kan awmna lai tak hi khawilai nge ni i hre thei em?"

"Ka rindan chuan Lacandon ngaw, Yucatan tuipui khawmual khawh lut thlang lamah anih ka ring. A kekawr mawnga do tu awm vai kiang pah chuan ni zung thing kara rawn lut sung chu a enkual a. "Chuan kan awmna hi ka sawilai vel hmun chu anih tak2 chuan buaina lian takah kan tang tihna ani mai,"

"Engvang chuan maw?"

"A chhan chu thil pahnih buaithlak tak a awma, a enga mah2 chu a thlanawm loh bawk,"

"Chungte chu enge," dawhtheilo taka en reng chung hian a ti a.

"Pakhatna ah chuan Mexican misual rual hlat lo takah kan awm mek tihna ania. Chung misual rualte chuan henglai ram ngaw ah hian dan phalloh thil an ching thin a. Ralthuam tha tak2 an nei a, tupawh an pawlte nilo chu an kap hmak2 a, tunge an nih tih chu an thih hnuah an enfiah leh chauh thin chu2 an policy ani. Tin an kah hlum tawh ber chuan rannung ei turin an kalsan hmak zel bawk. Chuan a dang leh pawlte chu Lancandon Maya ho an ni a,mikhual an ngaina hauh lova, an hnam dan leh dun hi an ngaisang em2 a, midang an khawvel piah ami ten an chim emaw an tihbuai emaw an duh hauh lo ani. Ka rindan chuan hring ei pawh an ni maithei bawk, mahse ka sawi avangin sawichhawng kher suh aw....,"

"Chutiang mai2 ka sawichhawng peihlo," nin hmel taka hawikual pah chuan a ti sap a.

Thil thluai thlum thiamlo tih takah," Nia, promise kha chu a pawimawh ber lo mahse he ngaw ah hian rannung chi hrang2, rul pawh tiamin leh movie a i hmuh thin predator ang te pawh kha an tam ania. A nihna takah chuan an in ani mah zawk,"

Hope i chu hlauhna avangin a dang nghal sawp2 a, a hnara thuang vuak dal deuh raih te pawh chu alang chiang hle hian J. T a chuan alo hria a. "Rul hi ka ngaina hauh lo ania,"

"Nia, keipawn ka ngaina hauhlo mai, mahse engtinnge kan tih tak ang? Setana angchhung an tih Mexican rain forest ah kan tang miau si anih hi,"

"Chuan engtinnge kan tih tak ang?

"Thih loh tum ani mai,"

Hlauh avang chuan Hope i hmui chu a chhip ta hmak a," Tehreng mai, nih leh kalkawng lampang hi engtin? Eng kawng emaw tal helai atanga chhuah a, khaw hnai ber kan pawh theihna tur a awm ngei tur ani. Planet hriat ngailoh a awm pawh kan nilo bawk a, tiraw? Lui luang hi kan zawh tawp anga, chuan khawilai khua emaw ber chu kan pawh theih ka ring tlat,"

"Aw, tlangsang atang khian a hriat theih mahna. Enteh, kan thlawhna saw tun thlengin a puakdarh hauh lo ania. Chumi awmzia chu a puakdarh dawn lo tihna ani bawk. Thlawhna ah sawn ka va lawn leh lawk ange, engemaw tal kan mamawh tur alo awm tak hlauhvin, entir nan map leh compass te. Chuan kan inhmu leh dawn nia helai ah hian,"

"Ka lo kal ve dawn,"

" Aih, hetah hian lo awm rawh," tiin thu a pe a, mahse Hope i chuan a zui nghal chu ani der a. "Lady.....,"

"Tiang khan min ko ziah suh. J. T tia ko tur chea min duh anih chuan. Chu2 kan in remna ni nghal bawk rawh se. Vawikhat chiah 'Lady' emaw 'Doc' tia min ko leh anih chuan Mr. Carmicheal tih hlirin ka ko tawh ang che. Chu hminga koh i duh dawn hauh loh avangin fimkhur viau tawh ang che,"

"I inla bossy hlemai,i hria em Hope?"

A fakna ah alo ngai hmiah thung a," Chhinchhiah na tha tak anih chu. Kei anga hmeichhe paukhauh tak tan chuan. Chu chhinchhiahna hming min pek chu lawm takin ka lo pawm ange,"

J. T a chu a nui deuh hawk a," Awle, a tha alawm. Anih chuan thlawhna ah chuan kal ang hmiang,helai a inhnial buai ai chuan kan mamawh zawkin ka hria,"

Thlawhna awmna lamah chuan an inzui phei ta hnak2 a, mahse an fimkhur hle a. Hope i chuan," Engvangin nge Mr. Carmicheal tia koh che kha i duh loh em2 a? I pa nen in inmil vak lo ani maw?"

J. T a chuan thing tang lian tha tak mai an kalna tur dal zawnga lo tlu ruau chu a chawi kanga, Hope i chu a kal hmasak tir te te a," Chutiang deuh chu ani mai. Kei leh putara thil thlir dan hi engtik lai mahin a in ang ngai lova. Tawngthei lutuk min ti thin a, punk thing lutuk ah min ngai bawk. Chutih laiin keiin over strick leh min thunun tum lutuk ah ka lo ngai vethung a.

"Chutiang mi chu i ni reng ami?"

"Eng ang mi maw?"

"Punk uih tak chu,"

"Engtik lai emaw kha chuan ni ve e,"

Hope i chuan a en deuh vang2 a,"Anih chuan naupang punk sual tak thuawih lo discipline zirtir atum anih mai chu. A ngaihdan ah chuan i nunkawng i hloh ngei dawn te pawhin a hria ani mahna,"

"Ani mahna. Mahse enge anih bik chuan a, zu heh tak, hmeichhe ho ka hmangaih che tia bum kual reng2 a nung ani ve mai alawm. Min sawisel turin ama nun khan zir hek lo,"

Kal kawng tur sukaw paha, hnah thel leh thing tang bung thian pahin engvangin nge i nun a thil thleng zawng2 he nu hi i hrilh a. Engpawh chu lo nise, putara chu i tan thi tluk ani tawh tho alawm tiin a ngaihtuah a," Chulam sawi zawm zel chu ka peih tawh love," a ti ta deuh hmak a.

"A pawi ka ti hlemai, i rilru tihnat ka tum miah lo ania,"

Rilru tina a? A rilru a tina mai pawh ani lo, a tina hluah2 zawk ani. "Ih maw, hun reilote kan inhriat chhung hian silai mu ka tuara, ka thlawhna a tla a chuan tunah hian mihring kum riat lai ka hmuh tawh loh leh a chanchin pawh ka ngaihven ngailoh chanchin min zawt ania. I hriat chak zawng tak hrilh tur che ka neilo chu i luck lo khawp mai.

Nuihsawh tak hian," Luck tihvel engthil mah a awm tak2 lo,"

"I hresual der anih chu. Luck hian alawm vawiin ni thleng dam theia min siam le. I arsi te hnenah lawmthu sawi zawk tur i ni asin, a chhan chu thlawhna tla a i thih loh avangin,"

Chumi entir nan chuan reilote hnu ah an thlawhna tlakna lai chu an thleng ta a, J. T a chuan rum hawk pahin thlawhna chhia chu a en reng a. A thlawhna chu lo la him pial tur chuan beiseina nei kher lo mahse, tlem azawng siam that hnuah ala thlawh leh mai theih hram te kha a beisei ru deuh kha ania. Mahse an hmuhchian chiah chuan alo beisei duh chu a a inti hle zawk a.

A thlawhna chhiat hneh sawhzia a hmuh meuh chuan a tliak hnawp hian a inhria a.

"Damn," thaw hawk paha a nghawng vel nuai kual nawk2 pah chuan a ti a. Blue Yonder chakna hnar meikhu a chang mek chu a thlir ta reng ringawt a.

"Thlawhna thar ka lei dawn che nia," Hope in a rilru na hnem tum tak chuan a ti a. Ringhlel taka J. T an ava melh chuan, a sawi chhunzawm leh ta a," Ka hrilh tawh che kha, kan Company hi sumah chuan a buai hran lo alawm. South America ah him takin min hruai thleng la chuan thlawhna man tur pawh hi i bill ah i telh dawn nia,"

"Khawiah teh hrep nge hna chu i thawh a?" ringhlel tak hian a ti a," The Pentagon ah ami?"

Hope i chu a nui tawi tak a, mahse a zawhna chu a chhang chuang hauh lova," I alh pup ange," a ti duh lek a.

I sawi dik chiah. Hope i chanchin chu a ngaihven poh leh a hriat tlemzia a inhre tulh2 hian a hria a. Chuan engmah thil a tha zawnga a in herchhuah a ringlo tulh2 bawk ani.

I lawmman dawntur chauh kha ngaihtuah rawh, Carmicheal. I lawmman tur chauh.

A duh ber chu chulai atanga nung dam a chhuah theih chu ani.

J. T an thlawhna tla atanga an mamawh tur a zawm khawmlai chuan Hope i vethung chuan a bag alo hai ve a. A protein bur pai, thlawhna a chuan chhunga eitur a atih kha a hmu ta a. A in hai zel takah chuan a cell phone pawh chu a hai chhuak ta nawlh a, a rindan ang ngeiin no service tih alo inziak kuau va. A kalna tur hmun chu a thlen huntur awm pawha ala thlen loh cheu chuan GPS hmangin a awmna chu an rawn chhui chhuak thuai tho chu a ringa.

A cell phone chu a awmna ngaiah chuan a dahleh a, a kawr thler hnek hnuk chu engtin emaw tal siamthat dantur a ngaihtuah a. Mahse a thler nasat em avang chuan engtia maha han siam that ngaihna a awm loh avangin a buaipui zui duh ta lem lova.

J. T a pawh chuan cockpit chhe vel a haina lamah chuan Army in an hman thin thil dahkhawmna bag chu a hai chhuak ta nawlh a.

"He thil hi ka mamawh ngai pawh ka ringlo asin. Lalpa leh! Teagen an engtik lai pawha keng reng tura min lo ti chu," ti sup pah chuan bag chu a khai kang lawp a, a koki ah chuan a pu ta nghal a. "Tui tih thianghlimna damdawi he bag chhungah hian a awm ngei ka beisei a chu chuan vawksa tin hek tur pawh a veng mahna. Henglai tuiah te hian bacteria engang chi ber nge awm ang tih pawh i hria ami?"

"Moleculer bilogist ka nih hi. Bacteria leh micobes chanchin vel chu min hrilh lo mai teh, nang aiin ka hre zawk ang," ngeiawm deuhva nui sak pah hian alo ti a. A nuihdan chu J.T a chuan a ngaithei hauh lo lehnghal a, mahse a hmeichhe hmuh tawh ah chuan ala hmeltha berin a hre thung a.

"I bag ah khan engte la awm a? Kei chuan protein bur tlem azawng ka nei a, chu chuan kan riltam lutuk tur a chhawk theih ngei pawh ka ring," Hope i chuan a tih chhunzawm a.

"Meatball chu a awmlo phawt anga," an ti te te a. Silai mu in arawn den hma khan sandwich tal kha lo ban hman sela a inti hle a. "Thelret leh hrui a awm ang, chungte chu kan la mamawh ngei pawh ka ring,"

Hrilh lawkna pawh awmlo chuan khawpui chu arawn ri ta dur2 a, ruah tla chuan khawpui ri tawp lam chu arawn zui nghal bawk a, tih theih dang awm tawh hek lo, thlawhna chhungah chuan an lut leh ta ringawt a.

A lu atanga a ke hmawr thlenga a huh hman vek avang chuan Hope i chu a ding far tluk2 a. J. T a chuan nuih vak2 pahin," Zawhte huh vek hlim deuh i ang," a ti a.

A inthing pharh2 a, a kawr vel chu a kut chuan an chul leh thuak2 a, a hmai hruk hul aduh avang chuan a tarmit bunlai chu ala thla nghal bawk a," Helai hmun hi setana angchhung i ti em ni kha?"

"Aw,"

"A inhmeh hlemai,"

Tek arawn tla leh ta dum2 a, khawpui pawh a ri dur2 pah reng bawk a. Hla taka kawl phe zawr2 chu an hmu theia, ruah lah chu a sur nasa tulh2 lehnghal a. Ruah tla in an thlawhna chung thir arawn den tak2 phei chuan silai kah rik chur2 ri te pawh a ang hiala.

Thlawhna tla a tawm ping pah chuan Hope i chuan thawk a han la te te a, a bag atang chuan protein bur chu phawrh chhuakin J. T a chu pakhat a pe ve a," He ruahsur ban hun kan nghah lai hian i ei ang hmiang,"

J. T a chuan alo ban mai a, mahse chu chocolate bur chu a lai takah phelin lehlam chu Hope i a pe a. Zawhna nei hmel taka Hope in a melh takah chuan a hrilhfiah ta nghal a," Kan neih ang2 hi kan ren tur ani. He ngaw atang hian engtikah nge kan chhuah theih dawn tih kan hre si lova,"

"I sawi fuh hlemai," alo ti ve mai a. An dinhmun chu ni e a buaithlak hle dawn hian a hre ve a, protein bur ala hawn loh chu dimte hian a bag ah chuan a dahlut leh a, J. T an bur chanve a pek chu lungawi tak hian a ei ta mial2 a.

Hope i ke bula thilawm ban a tum lai tak chuan Hope i chu alo che thut a, a tum vang reng pawh ni miahlo hian a dul chu a khawih fuh sak ta a. "Min lo hrethiam teh," a taksa a J. T an arawn khawih avang chuan alo ti hlak a. "Enge tih i tum reng2 a?"

"Van atanga tui thianghlim kan dawnlai hian dawh ka lo tum mai chauh ania," tiin Hope i bula rangva tin chu a ban ta a, Hope i chu zah avang hian alo sen tan2 thung a. Toolbox atang chuan wire la chhuakin tin ah chuan a suih a, thlawhna tukverh ah chuan tin chu ruahtui a dawh theihnan a khai chhuak ta a. Za lo zeta nui hawk pah chuan," Ruahtui chu filter ve angai hleinem. Tihian kan tui tih thianghlim natur damdawi kan save ani mai alawm,"

"Thil tha tak anih dawn chu," tiin a phun sap a. Thlawhna seat a thu pah chuan J. T an arawn hnaih avang khan engvanga lo buai viau nge anih tih chu a ngaihtuah pah rauh2 a. An inhmuh tirh ata tawh hun harsa leh bumboh tak2 hlir anla tawh chhoh char2 avangin chupa pian nalh tak, mal sek takte leh mawng nalh zet te chu alo la hmu hauhlo hi alo ni a. A protein ei a hrawk ah a tan tak avang chuan a khuh ta bawrh2 a, a hrawka chocolate ban tak tang chu lem an tum ngial nain a lem theih tak tlat loh avang chuan a hlauthawng ta hle a.

"Kha hei hi in rawh," tiin pawna a tin khai chu a pawt lut nghal nawk2 a,tui chu a intir nghal bawk a. "Thil hlauhawm lam ngaihtuah rawh, anih loh pawn luck lam te,"

Tin a tui chu mitchhing sawk pahin a in ta khawlh2 a, a hrawka ban awm pawh chu a zia ta deuh hian a hria a.

"Ka lawm e," aw chhang deuh tuau chuan a ti a. An thutna leather pawrh tuara thu tha leh pah chuan tin chu a pe let leh a, J. T a pawh chuan a ngaiah chuan tui alo tlin leh theihnan a khai leh ta nghal a. J. T a a thutna a a thutfel leh hnu chuan," Luck tih vel hi ka awih zawng ani hauh lo," Hope i chuan a ti a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google Adsense [Bot] and 0 guests