THE SICILIAN (BOOK III-V) By Mario Puzo

Episode kal lai dah luhna

Moderator: writers

Loma hmar
Posts: 123
Joined: March 20th, 2018, 11:51 pm

THE SICILIAN (BOOK III-V) By Mario Puzo

Unread post by Loma hmar » May 16th, 2018, 10:56 pm

Letlingtu :Lallawmawma

Book I-II Link viewtopic.php?f=4&t=6079

BOOK III : MICHAEL CORLEONE 1950

CHAPTER 16A

Fiat Car chu Trapani khawchhungah chuan tlanin tuipui kam lam chu a pan zel a. Michael Corleone leh Stefano Andolini chuan Villa, in pangngai pathum tiat ngawt tur khawpa lian chu an thleng ta a. Tuipui kam lam tih lovah chuan hung chhuah vek a ni a. Gate chu guard pahnihin an veng a, a chhung chiahah chuan Michaela chuan mi pakhat thau tak mai, a inthuam dan nen chuan alien ni mai awma mawia ni. Gate hawn an nghah chhung chuan chupa hmai hlai puiah chuan nui hmel a han hmu a, Peter Clemeza a ni reng mai, mak a ti kher mai.

Clemenza chu Michael-a pa hnuaia chief pakhat a ni a. Eng nge hetah hian a tih aw? Michael-an a hmuh hnuhnun ber chu kha zan lungngaihthlak takah khan a pistol, Police captain turk mi, Sollozzo a thahna Clemenza-an a dah bo tum kha a ni. Kum hnih liam ta a Clemenza hmela amah khawngaihna leh lungngaihna lo lang kha a la hrechiang hle mai. Tunah an han inhmu leh chu Clemenza chu a hlim hle a ni. Fiat atang chuan a hruai chhuak a, nghet zetin a pawm vawng vawng a.

“Michael, ka hmu che chu ka lawm kher mai. Ka chhuan zia che hrilh turin a kum a kum ka nghah a ngai ta nih hi. I thil tih ropui zia kha. Tunah chuan buaina te a kiang ta bawk a, karkhat hnuah chuan i chhungte bulah i awm thei tawh ang. Ruai ropui tak a awm bawk ang chu. Mi zawng zawngin nghakhlel takin an lo nghak che ani Mikey.” Ngaina tih hriat takin a kut lianpuia Michaela vuan chungin a thlir vang vang a. Indona a pasaltha naupang tak kha a ni ta hlek lo mai, Sicily-a a awm chhung hian a naupang mai kha mipa puitling dik taka lo ni ta nih hi. Michaela hmel chu inhawng tak ang kha a ni tawh lo a. Sicilian mi dik tak angin a inhmuam up ve khap tawh a ni. Tunah chuan chhungkuaa a dinhmun dik tak luah turin a inpeih ta.

Michael chuan Clemenza pumraw lianpui, hmai hlai tak chu a hmuh avangin a hlim hle. A chhungte chanchin thar awm leh awm loh a zawt a. A pa chu thah an tumna hliam atang khan a tha chhuak leh tawh a, mahse a hriselna a tha lem lo. Clemenza chuan lungngaih hmel zetin, “Mi an taksa silaimuin a verh kuak tawh chuan a pangngai an tluk pha tak tak tawh ngai lo. Mahse i pa chu vawikhat kah a tawrhna a ni lo va, Sihal ang mai a ni, a tha leh mai ang. Sonny thihna khan a ni amah leh i nu chunga chhiatna thlen tu chu. A rapthlak asin Mikey, Machine gunin an kap darh leuh a ni. A dik lo a ni, khatia ti tur kha an ni lo reng reng. Mahse ruahmanna kan siam mek a, i lo kir hunah i pain a hrilhfiah vek ang che. I lo haw tur chu tu te pawh an hlim a ni.”

Stefano Andolini chu Clememza lamah chuan inhmelhriat sa tawh tih hriat takin a bu nghat a. Michaela chu kut thinga chibai a buk hnuah, Montelepre-ah tih tur nei nia insawiin kal mai a tum a, a kal hma chuan, “Eng thil pawh i hria a ni thei, mahse hei hi hre reng ang che. Guilianno tan hian ka rinawm reng a, amah pawhin a tawp thlengin min ring tih hi. Phatsan a lo nih pawhin phatsantu chu ka ni lovang,”a han chawl hlek a, “Nang pawh ka phatsan lovang che.”

Michaela chuan a ring thlap a, “Lo lutin chawl hahdam phawt ta che, thil engemaw tal i eiin i in lovang maw?” a ti a.

Stefano Andolini chuan a lu a thing a, Fiat-ah chuan lutin gatah chuan a inkhalh chhuak ta a, gate chu a inkhar leh nghal chiah a.

Clemenza chuan Michaela chu Villa pui ber lamah chuan kawtzawl chu kal pelin a hruai a. Hungna bang vel leh, tuipui kam lamah chuan silai keng guard te chu an veivak reng a. Tuipui kamah chuan Lawngchawlhna dawhsan hi a inkham riaha, chutah chuan motor boat pakhat hi inthlungin Italy flag a inzar phe hlap hlap bawk a.

Clemenza chuan Michaela bedrooma thei eitur rawn dah turin a hrilh a. Bedroom kawtzawl atang chuan Mediterranean tuipui chu a lang dumpawl kuk a, zing ni engin a chhun chuan a laia inthen phawk ang maiin a lang a ni. Kawl kilah chuan sanghya manna lawngleng langin, tui chunga ball lang vel ang maiin an lang a. Kawtzawlah chuan dawhkan, puan rawng buang thim lam deuha khuh hi a awm a, Coffee awmna ketli leh wine bur a inhung bawk a. Mi pahnihte chu chair lo awmah chuan an thu a.

“I hah hmel hle mai,” Clemenza chuan a ti a, “Chu mi hnuah thil engkim chu chiang takin ka hrilh vek ang che.”

“Chumi hmain, ka nu a tha em min han hrilh phawt teh,”

“A tha e,” Clemenza chuan a ti a, “I lo haw hun a nghakhlel hle a ni, mahse thil awmdan hrilh a tih hrilhhai kher kan duh lo a ni. Sonny thih hnuah ngat phei chuan a tan a rit lutuk tawh a ni.”

Michaela chuan, “a nih ka pa chu, a tha chhuak felfai vek tawh tak tak maw?” a ti a.

Clemenza chu a nui hawk a, “Chiang e a, Family pangaten an la hrechiang ang chu, i lo haw huna nghak mai chauh a ni tawh. Mike, i tan ruahmanna puitham tak a nei a ni. Kan dang thei lo. Mahse Guilianno chu ngaihtuah duh lutuk lem suh, a rawn kal a nih chuan kan rualin kan hruai ang a, a lo lang ta lo a nih leh kan kalsan mai ang chu.”

“Chu chu ka pa thupek em ni?”

Clemenza chuan, “Nitinin Tunis-ah thlawhna thilphurtu a lo thleng thin a, be turin lawngin ka kal thin alawm. Khangte kha nimina ka thupek dawn a ni e. A hmasaah chuan, leh i pain state(America) ka chhuahsan hmaa min hrilh dan chuan Don Croce-an min pui tur tih a ni a. Mahse nimina i chhuahsan hnu khan Palermo-a thil thleng i hria em? tu ten emaw Don Croce thah an tum a ni. Huan hungna atanga lo lutin a bodyguard pali an that a, amah chu a chhuak hman hlauh a ni. Eng thil teh hrep nge thleng ta hi?”

Michaela chuan, “Jesus!” Don Croce-an hotel a ven lawk nasat zia kha a hre reng a, “Kan thianpa Guilianno thil tih a ni ngei ang. Nang leh ka pa hian in thil tih hi in hrechiang em ang chu. Ka chau riaua ngaihtuahna ka hmang hleithei lo.”

Clemenza chuan thawh pahin Michaela darah a beng thak thak a, “Mikey, va mu tawh, i thawh hunah ka unaupa nen in inhmu dawn a nia. Mi ropui tak, i pa ang maia zei leh khauh a ni a. He lam bialah hi chuan boss a ni, Croce chu engahmah ngai suh.”

Michaela chu inphelhin khumah chuan a mu ta a, darkar chanve lai hnuah pawh a la muhil lo. A rilru vakvel nasa lutuk chuan a a chawlh hahdam tir thei lo a ni. A hma ni reilote chhunga a thil tawn te chu a ngaihtuah a. Engtinnge Pisciotta leh Andolini kha zalen taka an vah kual theih? Hetiang hunah eng vangin nge Guilianno chuan Don Croce chu a hmelmaah a ngaih tlat nachhan? Chutiang thil dik lo chu a sicilian lo riau. Engpawh chu ni se, he pa hi tlang lamah kum sarih temeuh khawsa tawh a ni a. A tawk chu a awm a ni. Nun dan tha zawk a duh ngei ang - hetah chuan theih loh mahse Americaah chuan a theih tlat a ni. Ruahmanna tha tak a nei a ni, chuti ni lose a nupui hual kha Americaah a thawn lo tawp ang. Chutia a ngaihtuahna chuan heng thil inthup chhanna atan chuan Guilianno hian a indona tawp ber a bei a ni tih a chiang. He a chenna ramah hian thih a hlau miah lo a ni. Ruahmanna siam fel a ni tawhin a hmawr bawk a ni tep tawh a, a lungngai tur a ni lovang. Chuvangin a fimkhur hle tur a ni, Sicily rama thih hi a duh lo va, he ram mi hi a ni ve tlat lo.

Michaela chu a mutna bedroom lian takah chuan a harh a, kawngkhar chu hawng a hawng a. A hmai a phih zawh chuan room chu a chhuahsan ta a. Kailawn tawpah chuan Clemenza chuan a lo nghak reng tawh a.

“Ah, tunah chuan i lang pangngai tawh e,” Clemenza chuan a ti a, “I chakna i neih let leh theih nan eitur tui tak i ei angai a ni, tichuan kan ti ti ho leh thei ang chu.” Choka lamah Michaela chu a hruai a, thing dawhkan sei tak lo awm chu an kil nghal a. Hmeichhe upa lam a duma inthuam hi thuk bulah chuan lo lang thutin Coffee a thli a, an ni chu a hlui nghal a. Dawi thiam ang maiin artui kan leh sa thithun rawn phawrh chhuakin dawhkanah chuan a dah a. Oven atang chuan chhang thawp, ni ang maia bial leh buak uk kharh mai hi phawrhin a rawn hlui nghal bawk a. Chutah choka bul pindan lamah chuan a lut bp leh nghal a, Michaelan lawmthu a hrilh pawh chu hre awm pawhin a lang lo. Chutah mipa pakhat hi a lo lut a, Clemenza aia upa deuhin lang mahse an inang hle, Michaela chuan chu mi chu Don Domenico Clemenza, Peter Clemenza unaupa a ni tih a hre nghal mai. Don Domenico inthuam dan chu a danglam deuh hle, Velvet kekawr dum hain a hmawr chu a bootah a bilh lut a. Silk kamis var hain a nghawng chu a titung bawk a. A chungah chuan chakai khawrh kawr fual tak a ha bawk a. Lukhum bial chi khumin a invuakna chi hruihrual a keng bawk a, chu erawh chu a kil lamah chuan a theh phei daih a ni. (A nalh awm hi ka tia!- loma). Michaela chu chibai turin a ding chhuak a, Don chuan a kuta lo banin a kuah a.

Dawhkan kil chuan an thu tlang ta a. Don Domenico chuan zahawmna tak leh thuneih hmel a pu hliah hliah a, chu chuan Michaela chu a pa a hriatchhuah tir zawk mai. Peter Clemenza chuan a u chu a zahin a hlau hle tih a hriat, a u chuan u zawk a nihna ang takin duat leh ngaina takin a enkawl thung a ni. Chu chuan Michaela nuih a tiza ru deuh hle a, Peter Clemenza chu a pa mi rin ber leh America-a a pa Caporegime (Mafia sipai za hotu a ni mai ang chu - loma) huaisar ber a ni tlat a.

Don Domenico chuan puithu tak, mahse mit det zauh pah si chuan, “Michael, i pa, Don Corleone-an ka ngaihtuah tura ka kuta a dah che hi lawmawm ka tiin chawimawina ropui tak a ni. Tunah chuan ka hriat chak em em thin chu ka hre dawn ta. Ka unaupa tlaktlai lo tak thin kha, a insawi angin America-ah chuan a hlawhtling takmeuh em ni? Vawk talh tur takngial pawha ka rin ngam loh ni thin kha a invawrh sang ta viau a maw? Don Corleone chuan a thachhangdawltua hmangin mi za chunga hotu a ni takmeuh a maw? Engtinnge chung zawng zawng chu ka rin theih ang ni?” a sawi lai reng pawh chuan ngaina tih hriat takin a nau dar chu a beng thak thak a.

“A dik vek alawm,” Michaela chuan a ti a, “Ka pa chuan i unaupa hi awm lo seng chuan Olive Oil zuar mai mai a nih tur thu a sawi a ni.”

An nui zo ta vek a. Peter Clemenza chuan, “Ka hun tam ber tanina hmang tur hi ka ni a. Mahse silai hmang satliah mai lo va ngaihtuahna tak tak neih dan min zirtir a ni.”

Don Domenico chu a thaw huai a, “Thingtlang loneitu rethei satliah mai ka ni a. Ka thenawmte chu engemaw thila min rawn turin an rawn kal thin tih chu a dik a. Tin, Trapani-ah hian mipawimawh tak ka ni an ti ve bawk a. Don Croce-a duhdan ka zawm loh mai avangin, ‘Uirepa’ tiin min ko va. Mahse chu chu thil finthlak tak a lo ni lo maithei a, Don Croce nena thawhhona tha zawk Godfather chuan a hmu a ni maithei bawk. Mahse kei chuan thilo theih loh niin ka ngai. ‘Uire pa’ pawh chu ka lo ni maithei e, mahse chu chu mirinawm lote chungah chauh a ni. Don Croce chuan sorkar hnenah thu a rawlruk thin a chu chu ka ngaihah chuan infamita(hmingchhiatna) a ni. A chhan chu engpawh ni rawh se, tih dan hlui kha a tha ber zel. Michael, i awm rei deuh anga i hrethiam ve mai ang.”

“Ni e, ka la hrethiam em em ang,” Michael chuan hawihhawm takin a ti a, “Tuna min tanpuina avang hian ka lawm takmeuh a ni.”

“Tih tur ka nei tlat mai,” Don chuan a ti a, “Mamawh i nei a nih chuan min han hrilh ang che,” a hruihrual chu a la a, a chhuak ta a.

Peter Clemenza chuan, “Michael, I pa chuan Guilianno-a nena an inthianthatna avang leh a zah vang chauhin Turi hi i puih a remti a ni. Mahse i himna a pawimawh hmasa zawk a, i pa hian hetah hmelma a la nei reng a ni. Guilianno hian intiamna hmuna lo kal nan kar khat a la nei a. A lo lang lo a nih chuan America-ah i kal san mai a ngai ang. Chu chu ka thupek dawn a ni. Africa-ah thlawhna bik kan nei reng a, engtik hunah pawh kan chhuak thei reng a ni, thu i pek phawt chuan.”

Michaela chuan, “Pisciotta khan Guilianno chu a rawn hruai vat ang a tia lawm.” a ti a.

Clemenza chu a faifuk raih a, “Pisciotta i hmu maw? Guilianno an zawn ang chiaha nasain an zawng ve ang chu. Engtin nge tlang atangin a chhuah theih?”

Michaela chuan a dar a chhin ak a, “Border pass card, Minister of justice hming sign chuang ngei a nei alaw. Chu chuan keipawh min tibuai khawp mai.”

Peter Clemenza chuan a lu a lo thing mut mut a.

Michaela chuan sawi zawmin, “Heta min rawn dah tu Andolini kha i hriat mi a ni em, Pete?”

“Aw ni e,” Clemenza chuan a ti a. New York-ah khan kan tan a thawk a, thil chi hnih chi thum chu kan tih tir a ni. Guilianno-a pa thung chu leirawhchan siam lama thiam tak a ni thung. Kir leh an duh kha an a dun hle a ni. Mahse Sicilian chu chutiang chu an ni tlat. Sicily rama an in chhete te hi an ngai tlat zu nia. tun tumah pawh kum sawmhnih lai awm bo tawh mi pahnih ka rawn hruai kir a. Erice bul, tlang ramah kan vak kual a, kan zun a chhuak ta hlawm a, kan zun zawh chuan chu mi pahnihte chu boruaka fit sawm vel zuang kangin, “sicily dam reng rawhse” tiin zu han aua mawle! Khatiang kha an ni tlat, thih thlengin sicily tan an ti tlat zel.

Michaela chuan, “A nih chu, andolini-a chungchang chu le?”

Clemenza chuan a dar a chhin uk a, “I pa chhung hnai tak a ni a, Kum nga chhung zet Guilianno tana mi pawimawh tak a ni, mahse chumi hma chuan Don Croce nen an inhnimhnai viau a ni. Tunge hria ang? a hlauhawm riau a ni.”

Michaela chuan, “Andolini khan Guilianno-a nupui hual chu hetah a rawn hruai dawn a ni. Americaah lawngin kan thawn ang a, chuta tang chuan thuruk hmangin kawng a him thu Guilianno a rawn thawn ang a, chutah chuan Guilianno chu kan hnenah a lo kal dawn a ni. Kan ti ang tiin ka lo tiam tawh asin, a tha mai ang em?”

Clemenza chu a faiuk raih a, “Guilianno-an hmeichhia a nei tih ka lo hre hleinem, kan ti thei lutuk ang chu.”

Tlai lamah chuan Fiat tereuhte chu Gate-ah chuan a lo thleng a, Gate vengtu chuan a luh tir nghal a. Andolini chuan rawn khalhin a sirah chuan hmeichhe pakhat sam dun hlap leh sei tak, madonna lim ang tak pian nalh hi a thu a. car atanga a lo chhuah chuan Michaela chuan a rai a ni tih a hmu thei. Kawr fual thawl lam, sicilian hmeichhiate hak thin ang a ha a, a dum ni meuh lo, a var lam rose par zeh ruk a ha a. A hmel thatna puang tur chuan a thawmhnaw hak chu a pawimawh lem lo.
Attachments
sicilian2.jpg
sicilian2.jpg (14.67 KiB) Viewed 7537 times
sicilian.jpg
sicilian.jpg (15.68 KiB) Viewed 7537 times


[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » May 19th, 2018, 4:18 pm

CHAPTER 16B

Michaela rin loh takin Hector Adonisa pianhmang tereuhte chu Car thutna hnung lam atang chuan a lo chhuak a.Adonis chuan inhmelhriat tirna a nei a. Hmeichhe hming chu Justina a ni a, tleirawl zahzum tit tet ang kha a nei vak lo. Kum 17 mi lek a ni chungin hmeichhe puitlingin an nunna harsatna an tawh zat tawk tawh ni awm takin a hmel chuan puitlingin theihna an neih ang chiah a pu a ni. chibai buk tura a kun hma chuan uluk takin Michaela chu zir chiangin a en vang vang phawt a, a hmel atanga a rinawm leh rinawm loh hmuh tum niawm fahranin a ni a en ni.

Nu tar lam tawh pakhat chuan a room tur lamah a hruai ta vat a. Andolini chuan a thuamhnaw chu car atangin a hlanthlak sak a, suitcase tereuhte pakhat mai chauh a ni. Michaela chuan in lam pan chuan a khai sak ta a.

Chumi zan chuan Andolini tih loh midang zawng chuan zanriah an kil ho ta a. Andolini chu Fiat car khan a kir leh vat a, Adonis chu a awm thung a ni. Zanriah an kil lai chuan Justina chu Tunis-a thlen dan tur an rel a. Don Domenico chuan Tunis lam pan tur lawng chu inpeih sa rengin a awm tih a sawi a, Guilianno chu eng tik hunah nge a lo kal dawn tih hriat a nih loh avangin a lo kal veleha chhuak nghal thei turin inpeih sain a awm reng a ni. “Eng ang ramhuaiin nge rawn zui dawn tih hriat a ni si lo va,” nui deuh chungin a ti a.

Peter Clemenza chuan Justina chu Tunis thleng a zui tur thu a sawi a, chutah chuan thlawhna ruat bikah a chuang ngei tih leh America luh theihna tur lehkha pawimawh te a fel em tih te a va chian dawn a ni. Chutah Villa-ah hian a lo let leh ang.

America a thlen veleh Justina chuan thu ruat bik chu a rawn thawn ang a, Guilianno chhanchhuahna tak tak chu a intan tawh ang.

Justina chu chaw ei chhung chuan a tawng tlem hle. Don Domenico chuan Nilenga a rawn tlan tawh hnuah zanin ngei kherah em ni kal a duh leh tih chu a zawt a.

A rawn tawng chhuah chuan Michaela chuan Justina-in Guilianno hip theihna a neih chu a lo hmu thei mai. Sicilian hmei chhe chak takin an neih thin tumruh hmel leh mitmu dum kak mai a nei a. Ngeng ngalhin a tawng a.

“Zin chu hnathawh ai chuan a awlsamin bihruk ai chuan a hlauhawm nep zawk bawk.” a ti a, “Tlangah leh phaizawlah te beram nen pawh ka muhil thei mai, engvangin nge lawngah emaw thlawhnaah emaw chuan ka theih loh ngawt ang, a vawt zawk dawn lo tih la chiang sa?” naupang inchhuan taka inchhuangin a sawi a. Mahse wine no a ken kan chuan a kut a khur dar dar a, “Guilianno hi a tlan chhuak thei lo vang tih chauh a ni ka hlauh. Engvanga min lo zui mai lo nge a nih ang?”

Hector Adonis chuan dam dapin, “A awm ve a hmun hlauhawma awm tir che a duh lo a ni. Tunah chuan vah vel pawh a harsa ta a, venthawn tur tam tak a awm tawh a ni.” a ti a.

Peter Clemenza chuan, “Vartianah lawng chuan africa panin a hruai ang che, chumi hma chuan i chawlh hahdam a tha ang.”

Justina chuan, “Ni lo ve, ka chau lo bakah ka phur lutukin min ti muhil thei lo ang, wine nokhat ka in leh thei ang em?”

Don Domenico chuan a no chu a thlit khah sak a, “In rawh, i naute tan a thain nakina i mut theih nan a pui ang che. Guilianno chuan kan tan thu thawn che a nei em?”

Justina chuan hrehawm ti hmel takin a nui a, “Thla tam tak chhung ka hmu tawh lo a ni, Aspanu Pisciotta chauh chu a mi rin a ni a. ka phatsan a ring ni lovin a chak lohna ka nih avangin an chhui chhuak mai ang tih a hlau a ni. A hmangaihna thawnthu chhiar hovah chuan pasaltha tam tak chu hmeichhe hmangaihna avangin an tlu miau va, min hmangaihna chu a chak lohna lai ber niin a hria a. Ni e, a ruahmanna min hrilh ngai lo.”

Michaela chuan chanchin dang chu hriat belh a chak hle. A pa khan Sicily chhuahsan lo se Guilianno ang mai a ni dawn a, chutiang bawkin Sonny pawh. “Engtinnge Guilianno nen in intawn?’ tiin a zawt a.

A nui hawk hawk a, “Kum sawmpakhat ka nih atangin ka hmangaih tawh a ni. Chu chu kum sarih kal ta kha a niin Guilianno Outlaw anih atanga kum khatna vel atang khan a ni. Mahse kan khaw tereuhteah chuan a lar tawh viau tho a ni. Ka unaupa leh kei chuan ka pa nen loah hna kan thawk a, ka pa chuan ka nu hnena pek tur pawisa tel min pe a. ka unaupa leh kei chuan mawl takin pawisa chu kan keng lang a, chutiang zat kan kuta awm chu kan phur luttuk tlat a ni. Carabinieripahnih hian min lo hmuin kan pawisa chu min chhuhsak a, kan tap tih an hmuh chuan min nuihzat hle a ni. In thlen chu kan hlau a, loa kir leh lah chu kan ngam bawk si lo a, tih ngaihna reng kan hre lo a ni. Chutah mipa la naupang tak hi hnim buk atang cuan a lo chhuak a, Sicilian tam tak aiin a sang zawkin, a darpharh pawh a hlai zawk hle a ni. Indo laia kan hmuh tin American sipai a ang hle. machine gun a keng chungin a mitmeng buang thak chu a ngilneih hmel hle a ni.”

“A hmel chu a tha em em a. “Naupangte u, tun ang ni duhawmah engvanga tap nge in nih le? Nangpawh, nula, i hmelthatna i ti chhe zo vek alawm, tunge nei duh ta ang che?” tiin nui chungin min zawt a. Eng emaw avangin min an hmu chu a hlim tih a hriat theih. Kan chanchin chu kan hrilh chuan a nui hawk hawk a, carabinieri laka imkhur a ngaih thu min hrilh a. chu chu kan thil zir pawimawh tak a ni ta a ni. Chutah ka unaupa hnenah chuan pawisa tel ka nu hnena pek tur a pe a, ka hnenah pawh ka pa hnena pek tur tam tham tak min pe bawk a. An hnena thu min chah kha ka la hre reng mai, “ in fate, nangmahni tihlimtu che u hi dem reng reng suh u, pawisa ka pek hi in hloh aia tam daih a ni a, tun atang chuan nangni leh in fate hi GUILIANNO venhimna hnuaia awm an ni tawh ang.” Chu hming chu nalh hlein ka hria a, hawrawp lian puia inziak ang maia a ni. Thla khat chhung lai chu ka mumangah chu hawrawppuia Guilianno tih inziak chu ka hmu thei a ni.”

“Mahse amah min hmangaih tirtu chu thil tha a tih apianga a hlimna chu a ni. Midang puih kha nuam a ti em em a ni. Chu chu a inthlak danglam ngai lo. lak aia a pek tam poh leh a hlimna a zual zel thin. chuvang chuan a ni Sicily mipuite hian an hmangaih nachhan chu.”

Hector Adonis chuan zawi sapin, “Portella Della Ginestra thil thlen hma chuan,” a lo ti a.
Justina chu a meng dur deuh a, “An la hmangaih reng tho,” a ti fak a.

Michaela chuan rang takin, “Mahse engtinnge i hmuh leh dan?” a lo ti a.

Justina chuan, “Ka unaupa hi a thianpa a ni a, Ka pa hi a pawla a ruka tel a nih vang a ni maithei, ka hre bik lo. Ka chhungte leh a chief-te ho chauhin kan inneih hi an hria a ni, Turi chuan thup rih turin a ti vek a, hriat lar a nih chuan thuneitu ten min man mai a hlau a ni.”

Chu thu thar chuan chuta awm te chu a thawng hle mai. Justina chuan a kawr chhung chu zenin bag tereuhte a phawrh chhuak a, chuta tang chuan lehkha rawng uk, uluk taka inchar hi rawn phawrh chhuakin Michaela hnenah chuan a pe a, mahse Hector adonis chuan lo lain a chhiar a. Chutah nui chungin, “Naktukah chuan America-ah i awm tawh dawn a, he chan chin tha hi Turi-a nu leh pate hnenah ka hrilh thei ang em?”

Justina chu a sen tawn tawn a, “Innei lova naupai angin min ngai a ni,” a ti zet a, “Chu vang chuan min ngaihhniam phah a ni. Ni e, i hrilh thei ang.”

Michaela chuan, “Guilianno-a thuthlung bu chu i hmuin i chhiar tawh reng em?” tiin a zawt a.

Justina chuan a lu a thing a, “Aih, Turi chuan ka hnenah a sawi ngai miah lo.”

Don Domenico hmel chu a thutak deuh sawt a, mahse a dilchhut ru ve thoin a lang. Thuthlung bu chungchang chu a hre ngei a, mahse a awm tak tak a ring lem lo niin Michaela chuan a ngai a. Tu tuin nge hria ang le? sicily mipui zawng zawng chuan an hre lo phawt a, Rome Sawrkar, Don croce, Guilianno-a chhungte leh outlaws zinga mi thenkhatte an ni ngei ang.

Hector Adonis chuan, “Don Domenico, Justina hi him takin a thleng tih America atanga thu ka dawn hma chuan hetah min mikhual thei ang em? Tichuan Guilianno-an a hriat vat theih nan ruahmanna ka siam thei ang a, zan khat bak a ngai lo vang.” a ti a.

Don Domenico chuan, “Ka tan chawimawina ropui tak a ni ang chu, My Dear Professor, i duh chen chen i awm dawn a nia. Mahse tunah chuan kan zavaia khum lam kan pan a hun tawh a ni. Zin kawng thui tak zawh tur a nih avangin Signora hi mut tam a ngai a, keipawh rei tak meng tur chuan ka upa tawh tlat.” Hector Adonis chu a kuta kaiin a room tur lam a pan pui a, hmeichhe chhiahhlawh hnenah chuan midang chu lo ngaihsak turin thu a pe zui nghal bawk a.

Zinga Michaela a thawh chuan Justina chu a lo kal tawh a ni.

Justina-in him takin America a thleng tih a rawn hrilh hma chuan Adonis chuan zanhnih chutah chuan a hmang hman a. Lehkha-a thuruk eng emaw ber chuan a lung a ti awi ni tur a ni. Zing lamah chuan haw a tum ta a. A haw hma chuan an pahnih chauha inbe turin Michaela chu a sawm a.

Ni hnih chhung chu Michaela chuan nghakhlel takin hun a hmang a, America-a haw vat vat a chak tawh hle. Peter Clemenza-an Sonny-a thih dan chungchang a hrilh chuan Guilianno chungchang ninna a pe thar hle a. A rilruah chuan chumite pahnih chu an inawm chhawk reng a, inanna tak pawh an neiin a hria, nun khawchhuah leh thuneih tumin an bei ve ve a ni. Guilianno chu Michaela nena inrual vel an ni a, a hmingthan em emna chu Michaela chuan mak a ti deuh hle; hmaichhan ngeia hmuh hlan a nghakhlel viau bawk a ni. Engatan nge America-ah a pa chuan a hman ang tih a ngaihtuah deuh hle, mahse chu erawh buaina tur awmin a hre lo, hman tangkaina tur nei lo ni se hetianga a buai a buaia America-a hruai tura a hrilh hian awmzia a nei dawn tlat lo a ni.

Michaela chu adonis nen chuan tuipui kam lamah chuan an chhuk thla a, silai keng guard te chuan chibai an lo buk a, “Vossia,” tiin, chu chu lal zahawm tihna a ni awm e. A tu amah chuan Hector Adonis-a pianphung tereuh te, inchei nalh zar chu nuih zat hmel an lan tir lo. Motorboat chu a lo let leh tawh a, a bul nai atanga han hmuh chuan Nuamtawlna lawng te deuh tiat ngawt a lo ni a. Chu ta chuangte chuan Lupara (Shotgun tanbun, kah na tak) leh Machine Gun nen an infam tap tih Michaela chuan a hmu thei a.

July thla ni chu a sa hle mai a, tuipui chu a dumpawl ruaiin niin a chhun zawng chuan a tle sut a, thir lam chi pawh a ang lek lek a ni. Michaela leh Adonis chu lawng panna dawhsana chair pahnih lo inhungah chuan an thu dun a.

“Tukina ka chhuah hmain, thil hrilh tur che pawimawh tak ka nei a ni,” zawi sapin Adonis chuan a ti a, “Guilianno tana i tih theih pawimawh tawpkhawk a ni dawn a ni.”

“Ka thinlung zawng zawngin ka lo ngaithla e.”

“Guilianno-a thuthlung bu kha America-a i pa hnenah a rang thei ang berin i thawn tur a ni ang,” Adonis chuan a ti a, “Hman dan a lo hre mai ang. Don Croce leh Rome Sorkarin Americaah him takin a awm tih an hre ngei tur a ni a, tichuan Guilianno-a chungah eng thil mah an thlen tir lo ang a, him takin an kal tir thei dawn a ni.”

“Tunah i rawn keng em ni?”

Chu pa tereuhte chuan a nuih sang a, chutah a nui ta hawk hawk a, “I nei reng alawm,” a ti a.

Michaela chuan a ngaihna a hre lo hle, “Thu diklo i dawng palh a ni ang,” a ti a, “Tumahin min la pe hleinem.”

“An pe che alawm,” Michaela kut chu nel takin a vuan a. Michaela chuan a kut tet zia leh nem zia chu a hmu a, naupang kut ang mai a ni. “Maria Lombardo, Michael-a nu khan a pe che alawm, kei leh amah chauhin a awmna kan hria a ni, Pisciotta takngial pawhin a hre lo.”

Michaela-an a man thiam lo hle tih a hmuh chuan, “Maddona lim chhungah khan a awm a ni,” a ti a. “Kha Madonna kha chhuan engemaw zah chhung chu chhungkaw rohlu a ni thin ngei alawm, mahse Guilianno-an a lem a siam tir a, a kawrawng a ni. Thuthlung bu chu lehkha pan taka ziak a niin phek tinah Guilianno hming ziak a chuang vek a ni. Kum engemaw zat chhung chu a ziahnaah ka pui a ni. tin hekna lehkha pawimawh te pawh a awm bawk. Guilianno chuan a tawp maitheih dan tur a hria a, lo inbuatsaih lawk a duh a ni. Naupangte a ni chungin remhriatna fing tak a nei a ni.”

Michaela pawh a nui ta hawk hawk a, “Chuan a nu pawh lemchan thiam buru tak a ni.”

“Sicilian zawng zawng hi kan ni vek alawm,” Adonis chuan a ti a, “tumah kan ring lova, mi hmaah kan inthup thin a ni. Michaela pa hi rintlak tak ni mahse a fimkhur thiam tawk lo thei a, Pisciotta hi naupan lai atanga Guilianno-a thian tha ber a ni a, Stefano Andolini hian carabinieri nena indonnaah Guilianno hi vawi tam a chhan tawh bawk a, mahse mihring chu hun kal zel avang leh kuttawrh avangte pawha inthlak thut thei kan ni a, chuvangin an hriat ve loh kha a tha ber a ni.”

“Mahse a ring tlat si che a,” Michaela chuan a ti a.

“malsawmin ka awm a ni,” Adonis chuan a ti mai a. “Mahse Guilianno-a fin zia hi i hmu thiam mai em? thuthlung buah hian keimah chiah min ring a, a nunna atan chuan pisciotta chiah a ring thung. Hlawhchham tur chuan kan pahniha kan phatsan ve ve a ngai tlat a ni.”

(Guilianno-a nupui chungchangah khian a bum ve tho che u em? :lol: La Venera turah ngar ngar ka lo ngai a. :lol: :P :lol: )
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » May 19th, 2018, 10:17 pm

CHAPTER 17

Michael Corleone leh Hector Adonis chu villa lamah chuan kir lehin Peter Clemenza nen ser kung hnuaiah an thu ho va. Michaela chuan Thuthlung bu chu chhiar vat vat a chak hle a, mahse Adonis chuan Andolini-an Montelepre pan turin a rawn hruai dawn tih sawiin, Andolini an thuchah a rawn hawn leh hawn loh lo chang rih turin a ngen a.

Darkar khat lai a liam tawh a. hector Adonis chuan a sana chu a en a, a lungngaih hmel hle. Michael chuan, “a car a chhia pawh a ni maithei asin, kha fiat ke kha thlak a hun tawh viau a ni.” a ti a.

Hector Adonis chuan a lu a thing a, “Steano Andolini hian tualthattu thinlung pu mahse, hun a vawngdik tlat a ni. Innghahna tlak tak a ni bawk. Darkar khat laia a tlai takah chuan thil dik lo a thleng a ni ang tih ka hlau mang e. Thim hma, Curfew puan hmaa Montelepre ka thlen hman a ngai a ni.”

Peter Clemenza chuan, “Ka unaupain car leh a khalhtu a pe thei ang che.”

Hector Adonis chuan a han ngaihtuah vang vang a, “Ni love, ka lo nghak ang e, ka hmuh a tul em em a ni.”

Michaela chuan, “”I tel lovin thuthlung bu chu han chhiar ta ila pawi i ti em? Engtia hawn tur nge?” a ti a.

Hector Adonis chuan, “Ni tehreng e a, han chhiar tawh u. A hawn danah chuan tih dan dang vak a awm lo. milim kha thing chang chia siam a ni a, a lu kha turi-an lehkha a thun hnuah char zawm mai a ni e, in tan bung hmawk mai dawn a nia. hriatthiam loh in nei a nih chuan puih che u ka inhuam reng a nia, chhiahhlawh pakhat in lo tir mai dawn a nia.”

Michael Corleone leh Peter Clemenza chu Michaela room lamah chuan an chho a. Milim chu Michaela Jacketah chuan a lo la awm reng a, Michaela chuan a lo theihnghilh hmin der a ni (Book I lamah khan Maria-in a pek kha kan la hre reng awm e-Loma). A han lakchhuah chuan an pahnih chuan chu mithianghlim Mari lim dum thal mai chu an en dun vang vang a. A lan dan chu African hmel ni mahse Sicily in tin deuhthawa awm thin Madonna var nen a danglamna a awm lem lo. a rit reuh viau mai a, a chhung kawrawng a ni tih hriat har tak tur a ni.

Peter Clemenza chu kawngkharah va kalin chhiahhlawh hmeichhe pakhat chu a han au va, hmeichhe pakhat chu choka chemte kengin a lo kal nghal vat a, room chhung a en vang vang hnuah chemte chu Clemenza a pe ta a. A mitmengah chuan hriat belh a chak hmel viau chungin kawngka chu a khar ta tho va.

Michaela chuan milim chu thing dawhkan chungah rem deuhin a dah a, Peter Clemenza chuan chemte chu mlim nghawngah chuan chuktuahin a han nam vak a, milim lu chu a bung hmawk a, room chhuatah chuan a vawr thla nawlh a. Milim nghawng kawrawng atang chuan Lehkha zial, savuna tuam hi a lo pawk chhuak nawlh bawk a.

Clemenza chuan a inzawmna lai takah a tan hmawk a ni, chuti ni lo ze Olive thing chang tak chu chutiang chemte mai maia tih bun rual a ni lo. Chemte chu dawhkana dahin lehkha zial chu milim lubung kawrawng chhung atang chuan a phawrh chhuak a. A tuamtu savun chu phelhin lehkha chu dawhkanah chuan a pharh ta a. Pentui duma zing tak taka ziak purnsen pil ang maia pan lehkha phek sawmpanga lai a ni a. Phek hnuai lam zelah chuan Guilianno a hming ziak chu a chuang vek bawk a ni. Lehkha pawimawh tak tak, sorkar seal chuanna te leh Sorkar letter head ngata ziak lehkhathawnte pawh a awm bawk. Wine in pahin chu thuthlung bu chu an chhiar tan ta a. Chhiar zawh nan darkar hnih dawn lai hun an hmang a ni. Michaela chuan Guilianno, naupang tak si, thil tha duh em em chunga inphatsanna chi hrang hrang hnuaia a la dam thei chu mak a ti hle. Guilianno an a ma finna te, a thil tum te leh a mission ti hlawhtling tura a beih nasat zia ngaihruat thei tur chuan Michaela chuan khawvel hi a hrechiang ve tawk a. Guilianno tlan chhuah theihna tur chuan theih tawp chhuah a tum ruh ta hle a ni.

Guilianno-an kum sarih liam ta chhunga a chanchin a ziak ho chu ni lovin, lehkha pawimawh tak tak zawk chuan a ni Rom Democratic sorkar titlu thei tu chu ni. Eng tin nge heng mi thiltithei tak tak ho hi an at viau theih? tiin Michaela chuan a ngaihtuah a. Lehkha thema inziak Cardinal hming ziak hnan te, Minister of Justice-ina Ginnestra hmuna inhmuhkhawmna tibuai tura Don Croce hnena lehkha a thawn te chu.

Prince Ollorto an mawi tak maia Guilianno a fakna lehkha, Guilianno-an ti tura an hrilh a tih phawt chuan ngaihdam a nih theih na atana an thuneihna zawng zawng hman an intiam tih tihlanna te a awm a. He lehkhathawnah hian Prince Ollorto chuan Minister of Justice nen inhriatthiamna thuk tak an nei tih a sawi lang bawk.

Guilianno man dan tur ruahmanna, Carabinieri sipai hotu luin a buatsaih a awm bawk a, chu chu a thil tih tur an tuksak a tih hlawhtlin avanga an pek a ni.

“Guilianno man an duh lo hi a lo mak vak lo ve,” Michaela chuan a ti a, “heng lehkhate hmang hian a tichhe vek thei dawn tlat a ni.”

Peter Clemenza chuan, “Heng lehkhate hi Tunis lam ka pan pui nghal a ngai ang, naktukah chuan i pa pindan awmkhauhah a awm hman tawh ang.” a ti a, Madonna lim dum thal chu lain lehkhate chu a chhungah a thun leh a, a iptea milim chu dah pahin, “Ti teh i che tan teh ang, tuna ka kal nghal chuan naktuk zingah ka lo let leh hman dawn a ni.”

Villa atang chuan an chhuak a, Clemenza chuan chemte chu chokaa lo awm chhiahhlawh hnenah chuan a pe a, a ni chuan ringhlel ru takin thisen hnuhma awm leh awm loh a en vat vat a. Tuipui kam lam pana an kal chuan Hector Adonis an a lo la nghak reng tih an hmuh chuan mak an ti hle. Stefano Andolini chu a lo la lang lo reng a ni.

Cu pa tereuhte chuan a neck tie phelh thawlin a jacket pawh a phelh a. Ser kung hlim hnuaia thu ni mahse a kamis var tak chu thlanin a bual huh hlup a ni. A rui deuh niin a lang bawk a, dawhkan chunga wine bur chu a ruak thak a ni.

Beidawn hmel takin Michaela leh Clemenza chu a lo lawm a. “Inphatsanna tawp ber chu a intan ta. Andolini chu darkar thum laiin a tlai tawh a ni. Montelepre leh Palermo-a ka kal ngei ngei a ngai a ni. Guilianno hnena thu ka thawn a ngai tlat a ni.”

Peter Clemenza chuan fiamthu ti tak deuh hian, “Professor, a car a chhia pawh a ni thei a, emaw thildang pawimawh zawkah a buai ta pawh a ni thei asin, a tam lutuk. Hetah him takin i awm a i lo nghak ang tih a hre bawk alawm. Vawiina a lo kal loh chuan riak leh la ni mai lawm.” a ti a.

Mahse Hector Adonis chu a phun chhunzawm mawlh mawlh a, “Thil a kal dik lo vek ang, a kal dik lo vek ang,” chutah veivahna tur lirthei a dil ta a. Clemenza chuan mi pahnih chu Alfa Romeo chu hmanga Palermo thlenga Adonis hruai tur chuan thu a pe a. Mahse thim hmain an lo let leh hman ngei tur a ni.

Adonis-a car-a a lut tur chu an pui a, lungngai lutuk lo turin an hrilh a. Thuthlungbu chu darkar 24 chhungin America a thleng ang a Guilianno chu a him mai dawn a ni. Carin gate a chhuahsan hnu chuan Michaela chu Clemenza nen tuipui kam lam an pan leh ta a, Motorboat-a chuang lai chu thlirin, Africa lama a kal tan thleng chuan a thlir reng a. “Zingkarah ka lo let leh ang,” Peter Clemenza chuan a rawn ti lauh lauh a. Michaela chuan zanin hi Guilianno-an lo kal a thlan zan ni ta se engtin nge ni ang tih a ngaihtuah chhunzawm zat a.

Zanriah a ei zawh hnu chuan tuipui kamah chuan chu Villa huam chhung pelh thleng rawkin a kal a, giard hovin an kir tir leh a ni. Khaw thim nan minute tlem te chiah a awm tawh a, Mediteranean tuipui chu a dumpawl kuk a, kawlkil piaha Africa khawmualpui rim chu hre thei hialin a inhria, ram pangpar rimtui tak leh ramsa rimte chu.

Chu tupui kamah chuan dingin chulai boruak muanawm tak leh Sicily ram zan hun nuam tak chu a feel vang vang a, zan thim hnuaia hlauhlawpa zinkawng zawh mekte chu a khawngaih thar hle; Guilianno a lalna tlang lama awm te, Pisciotta, a Special pass hmanga hmelma tamna hmunah pawh duh duha vak vel thei te, Professor Adonis leh Stefano Andolini te Sicily ram kawng khu tak kara an inzawng lai te, Peter Clemenza tuipui dum kuk chunga inkhalh mek te chu. Zanriah ei hun pawha lo lang lo Don Domenico Clemenza pawh khawiah tak kal ang maw? Chu Sicily ram zan khawhar takah chuan hlimthla mai an ni hlawm a. An lo lan leh tikah chuan chu lemchan tual chu Guilianno thihna emaw a nunna emaw chungchang a ni tawh ang.

End of Book III, Wait for Book IV (He lehkhabu laimu leh inzawmkhawmna chu he Book-ah hian a kim vek ang.)
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » May 20th, 2018, 11:35 pm

BOOK IV
DON CROCE 1947

CHAPTER 18A

Savoy lal king Umberto II chu mi tha tak leh mipui ten an duh em em a ni a. Italy mipuite a hming maia lal rorelna hnuaiah awm an duh leh duh loh duhthlantir rawtna chu a pawm thlap a ni. Mipui ten an duh zui lo a nih chuan lala awm reng pawh chu a duh lem lo. Hei hi a thlahtute rilru tak pawh a ni thin. Savoy lalte hi tum nei vak loa roreltu an ni tlang pui a. An lal ram chu Paliament kal tlanga mipui rorelna a ni tlangpui thin. Polotical expert ho chuan mipui te duhthlanna chu lal neih zui lam a nih an ring tho a ni.

A tam zawk dinhmun hauh thei tur chuan Sicily thliarkar chu a pawimawh hle. Chutiang hunah chuan thiltithei leh chak tak pahnih chu thliarkarah chuan an awm a, pakhat chu Turi Guilianno, a pawltena Sicily hmarthlang lam zawng an thunun a. Pa khat leh chu Don croce niin, friends of friends ho nen a bak zawng chu an thunun ve thung a ni. Guilianno chu ram pum inthlannaah chuan a inhnamhnawih lem lova. Don Croce leh Mafia ho erawh chuan Christian Democrats leh lal rorelna a la din reng theih nan chuan an theihna zawng zawng an hmang thung a ni.

Mahse mi zawng zawng mak tih khawpin, Italy mipuite chuan lal rorelna chu an paih thla ta daih mai. Italy chu mipui thlan rorelna a lo ni ta. Socialist leh Communist te chuan Christian Democrats chu tlu mai tur leh tlu tan mek angin chak takin an lan tir a. Inthlan lehah chuan Pathian awm lohna, Socialist sorkar chu rome-a ding thei reng a ni ta a ni. Christian Democratic republic chuan inthlan leh hun atan an theihna zawng zawng an sawm khawm tan ta a ni.

Mak ta ber chu Sicily chu a ni. Socialist leh Communist party mi leh sa chu Parliament member ni turin an thlang tling teuh a ni. Sicily-ah chuan sumdawng inzawmkhawm ho chu ramhuai hnathawh ang hiala ngaih a ni a, Industry tam tak leh ram neitute chuan inzawm pui an duh ngai lo. Eng thil nge thleng ta mai hi?

Don Croce chu a thinur kher mai. A mite chuan an tih tur chu an ti ngei a, thingtlang lama khaw tam tak chu an vau a, chu vauna chuan a tihlau hle. Mahse chu vauna chuan a tawpah chuan awmzia a nei si lo a ni. Catholic church puithiamte chuan Communist dona lam hawiin thu an sawi a, Nun te lahin Christian Democratic vote tura intiam te hnenah chauh thilthlawnpek atan Spangheti basket khat leh Olive oil te an pe bawk a. Puithiam rorelna kohhran chu a dang der a ni. Eitur atan cheng maktaduaih man hu sem chhuah a ni a. Mahse Sicilian lonei mite chuan an chhang sem chu eiin, Christian Democratic chu chil an chhak khum thung a ni.

Minister of Justice, Franco Trezza pawh chu a sicilian puite chungah chuan a thinrim kher mai. An chungah a beidawng hle a ni. An chhungkaw ziding tichhe vek thei leh Italy-a Cathedral ropui tak tak atanga Christian Pathian dah bo vek tur, Socialist leh Communist chu engvanga vote nge an nih ang? Chung zawhna chhang thei tur chu mi pakhat chauh a awm, inthlan lo awm leh tur chuan Italy ram rorelna dinhmun tur chu a hril ang chu. Don Croce Malo chu a ko ta a.

Left wing party vote tu leh an lal duh tak paihthlak thlang zawktu sicilian loneitute chuan hen milianho thinurna an tawnbuak meuh chuan mak an ti hle ngei ang. ram chak tak tak USA, rance leh Great Britain ten Italy chu Russia thurualpui a ni mai ang tih an ngaihven tih an hriat chuan mak an ti hle bawk ang. A tam ber chuan Russia pawh an hre lo a ni si a.

Sicily mipui rethei tak tak, Democratic tana vote pe thin te chuan a vawi khatna atan man man taka anmahni puala ram an neih theihna tur tiamtu Political party leh Candidate te chu an vote mai a ni.

Mahse an chhungaw inrelbawl dan kalhin vote an thlak tih te, Virgin Mary kalhin vote an thlak tih te, khum pindan leh choka tina an thlalak an tar thin Catholic kohhran thianghlim kalhin vote an thlak tih te an hriat chuan rapthlak an ti hle ang. An Cathedral ngainat takte chu Museum atan hman a nih theih nan te, an vote thlak avanga an pope hmangaih tak chu Italy atanga hnawhchhuah a ni tih an hriat hunah chuan rapthlak an ti hle bawk ang.

Ni lo ve, Sicilian te chuan anmahni leh an chhungkaw tana ram zimte pe theitu tur chu an vote mai a ni, Political party tan pawh a ni chiah lo. Mahnia ram han neih a, thlantui far zawih zawiha an thawhchhuah te anmahni leh an fate tana an nei thei tur tluka hlimna an nei lo a ni. An vanram hriat ve chu buhhmun lian vak lo te, tlang panga thlai hmun te, grape huan tereute, ser huan leh Olive huan tih vel a ni.

Minister of Justice Franco Trezza chu Sicily-a piang leh seilian a ni a, Fascist pawl dotu niin Englanda a tlanchhiat hma pawhin Mussolini-a taninah a tang ren rawn tawh a ni. Dung sang, mi lian hmel ruih mai a ni a. A sam chu a dum hlap a, chuti chungin a hmuihmul erawh chu a buangin a pawlh thet thet thung. Ram pasaltha dik tak a ni chungin politics leh rorelna lamah a fet hle thung.

Rome-a minister pisa chu a lian hle a, a bungruate pawh hmanlai furniture hlui leh hlu tak tak a ni hlawm. Bangah chuan President Roosevelt leh Winston Churchill thlalak a intar vang a. Tukverh darthlalang chu rawng hnawih a niin chumi pawnah chuan bathlar tereuhte a awm theuh bawk. Minister chuan a khual zahawm Don Croce malo tan chuan wine chu a thlitsak a.

Wine in pah chuan Sicily politics boruak leh inthlan lo awm leh tur chungchang chu an sawi dun a. Minister aw-ah chuan hlauhthawnna a lang thei, Sicily-in ballot box-a left wing lam a hawi reng chuan Democratic sorkar chuan a thuneihna a hloh ngei ang a. Italy sorkar Official religion Catholic kohhran pawh chuan a dinhmun chu a hloh maithei bawk a ni.

Don Corce chuan chun zawng zawng chu a ngaihsak lem lo. Muangchangin ei tur chu a ei a, Sicily chaw ai chuan rome-a chaw hi a tui zawk fe tih a pawm thlap a. A ei mial mial mai a ni. Ministerin chung zawng zawng a sawi chhung chuan thumal pakhat pawh a chhak chhuak lo. Thei leh cheese tam tham tak an ei zawh hnu a, Coffee bakah brandy te an han dawm leh hnu chuan Don chu tawng turin a inpeih ta a. Minister chuan hmanhmawh ru zetin Drawing room lamah a hruai a, chhiahhlawh chu coffee leh brandy rawn la tura a tih hnuah, a kal tir leh nghal a. minister chuan Don chu Coffee a thlitsak leh hnuah a tana pawimawh tak tur don Croce-a finna ngaithla tur chuan a inbuatsaih ta a.

“Inthlan lo awm turah chuan sicily chu i kutah ka pe thei ang,” Minister Trezza hnenah chuan a ti a, “Mahse silai ken mi kan mamawh ang. tin, Guilianno kalh zawngin i che lovang tih i tiam tur a ni.”

“Chu thutiam chu ka tih theih loh tur thil a ni.”

“Chu thutiam chu i tih ngei tur thil a ni,” Don Croce chuan a ti a.

Minister chuan a khabe hmul tlem te chu a zut a, “Guilianno hi eng ang mi nge maw a nih le?” harsa ti takin a zawt a, “Nunrawng tak ni tur chuan a la naupang hle a ni, Sicilian pawh ni mah se.”

“Ah, ni love, mi tha tak a ni,” Minister lo nui lui sawng chu a hmu lo der a, guilianno chu hmaichhanah a la hmu lo tih a sawi duh bik lo.

Minister chuan lu thing chungin, “Chu chu thil theih niin ka hre lo,” a ti a, “Carabinieri tam tak thattu chu mi tha tak tia koh theih a ni lo.”

A dik a ni. Kum liamta atang khan Guilianno chuan pawisak a nei lo ta hle a ni, tiin Don chuan a ngaihtuah a. ‘Father’ Dodanna a tihhlum atang khan a hmelmate, Mafia leh police-te chungah ang khat rengn a thinurna a lek nasa hle a ni.

Chanchinbuah Sicily khawthlang lama roreltu a nih thu leh Rome chuan a duh duh ti rawhse tiin thu a thawn tan a. Montelepre, Corleone leh Monreale-ah zanlai hnu lama carabinieri kawttthlera veivah khapna thu te a thawn bawk a ni. A sawifiahnaah chuan a mite chuan chhungte leh thiante tlawh an duh thin a, khuma an mut lai emaw, in atanga an chhuah laia kahhlu an nih a duh lo va, amah ngei pawh chuan Montelepre-a a chhungte tlawh a duh thin vang niin a sawi a ni.

Chanchinbute chuan chungte chu phur takin an chhuah a. Guilianno chuan cassetta(bawm tawt taka mihring hremna, indawpna) hman a khap bawk. suamhmang maiin Police ten dan anga an patrol tur a khap a maw? A va huangtau thlak ve. He tlangval hian Italy lal emaw a inti em ni? caroon an tihlan pakhatah chuan carabinieri chu montelepre kawtthler kawmkara an bih ruk laiin Guilianno-a lem lian tak chu kawtthlerah chuan lal ang maiin a leng kual vel a ni.

Montelepre-a Maresciallo tan chuan tih tur pakhat chiah a awm. Zan tin kawtthlerah patrol a tir chhuak a, tin an barrack pawh Guilianno-an a rawn beih thut loh nan mi za talin thut chilhin, inring renga awmin, tlang atanga khawchhung luhna lai chu an veng reng bawk.

Mahse vawikhat chu carabinieri te chu tlang lamah chuan a tir a. Guilianno leh a chief panga - Pisciotta, Passatempo, Terranova, silvestro leh Andolini te chuan an hote mi sawmnga rual nen an lo lam bun a. Guilianno chuan zahngaihna a lan tir lo, carabinieri paruk thah an ni a. Sipai pawl dangte chu Machine gun leh rifle mu sur karah an tlan chhuak thei hram a ni.

rome chu amah do turin a inkau ta takzet mai. mahse he Guilianno-a pawisak neih lohna chiah hian an tan a thawk thei tlat thung a ni, Don Croce-an Minister of Justice hi a hmin thei hlauh a nih chuan.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » May 21st, 2018, 9:06 pm

CHAPTER 18B

“Min ring rawh,” Don Croce chuan Minister Trezza hnenah chuan a ti a, “Guilianno chuan kan hna hi a thawk thei a ni, Sicily-a Socialist leh Communist party laka indo puang turin ka hmin ang a. an hmunpuite a beiin, a buaipuitu te a vaubet thei bawk an. Ka sipai pawl ang a ni mai dawn a ni. tin, kei leh ka thiante chuan lang chhuak lova kan tih tur awm ang ang chu kan ti bawk dawn a ni.”

Minister Trezza chu chu thurawn chu mak tiawm pawhin a lang lo, Mahse induh deuh larhin, “Guilianno chu ram puma thang chhuak tawh a ni a, ka dawhkanah hian amah tudai tura sipai rual tirh luh dan tur ruahmanna, Chief of Army Staff atanga ka dawn a awm a ni. A lumanah cheng maktaduaih khat phal a ni a. Sicily rama carabinieri-te pui turin carabinieri sangkhat chu inring rengin an awm tawh a ni. A mah hum tur chuan min beisei a maw? My dear Don Croce, bandit dang te man tura min puih thin ang khan tunah pawh hian amah manna turah min puih ka beisei zawk a ni. Guilianno hi Italy ram pum hming chhiatna a ni a, mi zawng zawngin tihboral ngei an duh a ni.”

Don Croce chuan coffee chu a in a, a kut chuan a hmuihmul tlemte chu a han hru a. Rome ho that derna mai chu a ning deuh hle. A lu a thing mut mut a, “Turi Guilianno dama a awm leh tlang lama a thil tih te hi kan tan hian a hlu em em a ni, Sicily mipuite hian an be lo chauh a, a thlarau leh him taka a awm nan an tawngtaisak reng thin. Ka thliarkarah hian amah phatsan duh tur tumah an awm lo. Khang bandit dangte ai kha chuan a fing zawk hle bawk. A campah enthlatu ka nei a, mahse chumite chu ka laka an rinawm leh rinawm loh pawh ka hre ngam tawh lo. Guilianno chu chutiang mi chu a ni a, mi ngainat hlawh theihna riau a nei tlat a ni. I sipaite leh Carabinieri sangkhat chuang i tirh luh a an hlawhchham chuan - a hma pawhin an hlawhchham fo tawh ang khan - eng tin zel nge ni ang? ka hrilh ang che, inthlan lo awm leh turah Guilianno hian Left party-te a tanpui a nih vaih chuan Sicily chu i chan a ni mai, tichuan, i hriat chian em em ang khan, i party chuan Italy an chan ve thung ang.” a han chawl vang vang a, chutah Minister chu a melh vung vung a, “Guilianno nen chuan inremsiamna i neih pui ngei tur a ni.”

“Heng zawng zawng hi engtinnge kan tih chuan ang?” hawihawm takin a ti a, chungtlang deuh taka a nui chu Don Croce chuan a helh hle. Rome ho nuih dan a ni a, a ni chu sicilian a ni reng si a. Minister chuan a sawi zawm a, “Thu ka dawn danin Guilianno hian a ngaina vak l che a ni awm a.”

Don Croce chuan a dar a chhin uk a, “Inhuatna theihnghilh lo khawpa ^ tur chuan khang kum thum chhung a tuar chhuak lo ve. Amah nena inzawmna kan nei a ni. Hector Adonis chu ka mite zing a mi a ni a, Guilianno-a godfather leh a mirin ber a ni bawk. Ka palai a anga Guilianno nen kan inremna a siam dawn a ni. mahse nangmah atanga intiamna nghet leh rintlak tak ka neih a ngai dawn a ni.”

Minister chuan tiel deuh takin, “man ka tum bandit chu ka hmangaih a ni tih ka hming ziah hnan i duh deuh em ni?” a lo ti a.

Don Croce-a chakna ber chu miin an hmusitna tawngkam te, an zah lohna an tih lan te a hre lo der tlat thei thin chu a ni, mahse a thinglungah a vawng reng thung thin. Awlsam takin a chhang mai a, inthup ru tak chungin, “Ni lo ve, Guilianno tudai tura Army chief-in ruahmanna a siam copy leh sicily-a carabinieri sangkhat thawn an nih tur order lehkha copy kha min pe la a tawk mai. Guilianno-a hnenah ka entir ang a, Sicilian voterte hmin tura min puih chuan chung orderte chu tihchhuah a nih loh tur thu ka tiam ang. Chu chu nakina i tan a pawi thei a ni chuang lo vang- rukbo a ni i ti thei mai ang. Chubakah Chistian Democratic te inthlan leh huna an chak a nih chuan Ngaihdam a ni ang tih ka tiam bawk ang.”

“Ah, chuzawng a theih lo,” Minister chuan a ti a, “Ngaihdamna chu ka thuneihna piah lam a ni.”

“Thutiam ringawt chu i thuneihna pawn lam a ni lo,” Don croce chuan a ti a, “a lo tih theih ta a nih leh a tha a ni mai a, thil tih theih loh a nih leh, chanchintha lo chu kan hrilh mai ang chu.”

Minister Trezza chuan a hrethiam ta chiah mai. Don Croce-an hmu se a tih chu a hmu ta a ni; a tawpah chuan Don Croce chuan Guilianno chu a dah bo ang, an pahnih chuan Sicily-a awm dun thei an ni lo. Don Croce chuan chung mawhphurhna zawng zawng chu a la vek ang a, Minister chu chung harsatna sukiang tur chuan a inrawlh ve a ngai lo vang. Thutiam te chu a neih theih alawm, sipai ho ruahmanna copy hnih kha Don croce hnena pek chauh a ni mai. (Tu te emaw ram Politician an ang awm hi ka tia!)

Minister chuan a thutlukna chu a buk vel mek a ni. Don Croce chuan a lu ropui tak chu a kun deuh a, nem takin, “Ngaihdamna chu a theih dawn a nih phawt chuan, theih tawp ka chhuah ang.” Minister chuan thil buaithlak lo thleng thei tur ngaihtuahin roomah chuan a vei tuak sek a. Don Croce chuan a chet dan en zui tur chuan a lu emaw a taksa emaw pawh a ti che lo reng reng a ni.

Minister chuan, “Ngaihdamna chu ka hmingin tiam ang che, mahse a har hle ang tih i hriat a tul. Hmingchhiatna a nasa lutuk dawn a ni. Tunah pawh chanchinbumi ten kan pahnih hian kan inhmu tih an hriat ringawt pawhin a nung chungin ka vun an duh hial ang a, Sicily-a ka loah ka let a ngai ang a, ran ek leh beram rual ka khawm a ngai mai ang. Khang ruahmanna leh order copy-te kha a ngai takzet em ni?”

“A tel lo chuan engmah tih theih a ni lo,” Don Croce chuan a ti a. “Guilianno chuan keini pahnih hi thian kan ni tih fiahna leh a thil tih avanga a lawmman tur a hriat a ngai a ni.Ruahmanna te ka hmuh huna tih hlawhtlin a nih loh tur thu ka tiam hunah chuan keini pahnih chuan kan tih tur kan zo a ni mai. Sipai leh police-te laka harsatna nei lovin zalen takin a tih tur chu a ti thei dawn a ni. Ruahmanna copy ka neih hian nang nen inzawmna kan nei tih a tichiang dawn a ni.”

Minister chuan, “Ka rem ti e. Hei hi hrereng ang che, Kan party hi Sicily pumpui vote kan hui thei dawn tih ka tiam theih a, Guilianno chungchanga harsatna hi ka tihfel theih bawk chuan Italy ram rorelnaah hian engtia sang nge ka thlen dawn tih sawi theih a ni lo. Eng anga sang pawh thleng ila, ka theihnghilh ngai lo ang che. Ka thian, i tan ka inhawng reng ang.”

Don Croce chuan awka rinawm tak, a hmingthan pui em emna ngei chuan, “kan inthianthatna avangin lawmthu ka hrilh a che. I vanneihna kawng sial pui tur chuan ka theihna zawng zawng ka hmang ang. kan remti dun ta bawk a, naktukah Palermo ka chhuahsan ang a, zing lama hotela ruahmanna leh order copy kha i lo dah theih chuan ka lawm khawp ang. Guilianno chu, a hna a thawh zawh hnua ngaihdamna pek theih loh a nih tak leh a awm bo theih nan ruahhmanna ka lo siam ang e, America-ah emaw, hmun dang buaina a siam theih lohna hmun lama kal turin.”

Mi pahnihte chu an inthen ta a. Sicilian mi Trezza, vantlang tumdin tumtu leh Don Croce, Rome dan leh dunte chu he leia a mah khuahkhirh tura ramhuai lo awm nia ngai tlat tu te chu.

Palermo-ah chuan Don Croce chuan Hector Adonis chu a ko ta a. Trezza nena an inhmuh dan leh inremna an neih te chu a hrilh a, Chutah Guilianno dona atana sorkarin ruahmanna a siam copy chu a hmuh ta a. Don Croce-a beisei ang takin chu pa tereuhte chu a mangang hle mai.

“Minister chuan heng ruahmanna hi a pawm lo vang a, hlen chhuah a ni lo vang tih a tiam a ni,” Don chuan a ti a, “Mahse i Godson chuan inthlan lo awm leh turah a theihna zawng zawng hmangin a inrawlh tur a ni. Nghet leh chak takin a bei ang a, mi retheite a ngaihtuah lutuk tur a ni lo. A pang damna a ngaihtuah zawk tur a ni. Rome leh Minister of Justice te an tan ho lai hi hun remchang tak a ni tih a hrethiam tur a ni. Trezza chuan carbinieri zawn zawng te, Police zawng zawng leh Judge zawng zawng a thunun vek a, engtik niah emaw Italy Premier a la ni maithei. Chutiang a lo thleng a nih chuan turi chu a chhunte thla zar hnuaiah a kir leh thei ang a, politics lamah pawh a la kal duh maithei a, Sicily mipuiin an hmangaih tlat avangin. Mahse tun dinhmunah chuan ngaihdamna thinlung a put a ngai a ni. Thuhneh turin ka rin dawn che a ni.”

Hector Adonis chuan, “Mahse engtinnge rome thutiam chu a rin theih ang, Turi hian mirethei tan a bei fo va, an tana hlawkna awm lo turah chuan engmah a ti duh lo vang.”

Don Croce chuan hriam hrakin, “Communist a ni lo tih a chiang a, kan inhmuh theih nan ruahmanna siam rawh, ka lo hmin ang e. Sicily-a thil ti thei ber pahnih kan ni a, eng vangin nge kan thawh dun loh vang? A hma pawhin a lo hnial tawh a, mahse hun a inher danglam tawh a ni, tuna mi hi a mah leh keini tan nun khawchhuahna tur a ni asin. Communist chuan kan pahnihin phur takin min ti chhe vek mai ang. Communist sorkar chuan Guilianno ang pasaltha leh keimah ang misual hi an tuar lo vang. Inhmuh a duhna hmun apiangah ka lo kal mai ang. Rome thutiam chu a chiang a ni tih hrilh la. Democratic hi tun inthlan hi an chak a nih chuan a ngaihdamna turah chuan mawh ka phur ang, ka nunna leh zahawmna chhalin ka sawi e.”

Minister Trezza thutiam chu tihhlawhtlin a nih loh chuan Guilianno thinurna chu Don Croce chuan dawn a inhuam tih Hector Adonis chuan a hrethiam a ni.

“Heng ruahmanna te hi Guilianno entir turin ka keng thei ang em?” Adonis chuan a ti a.

Don Croce chu reilote a inngaihtuah a. A nei let leh thei lovang tih a hria a, Guilianno hnenah nakin lama ralthuam hlauhawm tak ni thei tur a pe dawn tihna a ni. Hector Adonis chu a nuih a, “Tehreng mai, i ken thei ang.” a ti ta a.

Hector Adonis nghah pah chuan, Guilianno chuan a thil tih zel dan tur chu a rilruin a buk kual vel a. Inthlanna leh left party te an chakna chuan Don Croce chu tanpui dilin a rawn kal a beisei reng a ni.

Kum li dawn dawn chhung khan Guilianno chuan Sicily khawthlang huam china miretheite hnenah cheng maktaduaih chuang leh eitur a sem ral hman a. Mahse thuneihna tlemte a neih hmang chauh chuan a pui thei a ni.

Economics leh Politics lam lehkhabu, Hector Adonis-an a chhiar tura a rawn kente chuan a tibuai hle. History kalphung atanga thlir chuan Left party te chu America tih lohah chuan miretheite tana beiseina awm chhun a ni tlat a ni. Chuti chungin chulam chu a la awn chuang lo. Kohhran lam kalh zawnga an thusawi leh Sicily chhungkaw dan hmasang atanga an chhawm an hmusit chu a haw hle a. Socialist sorkar chuan Christian Democratic sorkar ai chuan tlang atanga umchhuah an tum nasa zawk dawn tih pawh a hria a ni.

Zan a ni tawh a, Hector Adonis a lo thlen chuan American khawnvar battery hmang inchhitna hmun puk lian tak chhungah Guilianno chuan a hruai lut a, chutah chuan dawhkan leh chairte a lo awm bawk a. Hector chuan a kuah thawk thawk a, lehkha bu ip khat a rawn ken sak chuan Guilianno chu a tilawm hle. Lehkhaa khat file hi a pe bawk a, “Heng hi i hmuh duh ka ring tlat a ni, i chhiar nghal tur a ni ang.”

Guilianno chuan lehkhate chu thing dawhkanah chuan a han pharh a. Guilianno-a pawlte bei tura Sicily-a caribinieri sangkhat chuang tirh luhna tur order, Minister Trezza signature chuang te, Army Chief of staff in ruahmanna a siam te chu. Guilianno chuan ngun takin a zir chiang a, mahse a hlau lem lo. Tlang pilril lehzual lama insawn luh leh a ni mai. mahse inthawtlawkna chu a hun chiah chiah hle.

“Hengte hi tu pek che nge?” tiin Adonis chu a zawt a.

“Don Croce,” Adonis chuan a ti a, “Minister Trezza hnen atang ngeia a dawn a ni.” Guilianno chuan mak ti hmel pawh a pu lem lo, a nui sak mai chauh a ni.

“Hei hi min tih hlauhna tur em ni?” tiin Guilianno chuan a zawt a, “Tlang lah hi a zau thain a pilril tha tawk a, Mihring an rawn tirh zawng zawng a dawlh zo thei ang chu, keilah thinghnuaia muhil turin thlamuang takin ka faifuk hlerh hlerh thei tho dawn a ni.”

“Don Croce-an hmuh che a duh a ni, i duhna hmun apiangah lo kal a duh a ni.” Adonis chuan a ti a, “Heng ruahmanna lehkhate hi a duhsak zia che entir nana a tih a ni. Rawtna siam a duh a ni.’

Guilianno chuan, “A nih nang, godfather, Don Croce hmu tur chuan min duh em?” Ngun takin hector-a chu a en a.

“Yes,” Hector Adonis chuan a ti nghal mai a.

Guilianno chu a bu nghat a, “Chutia nih chuan Montelepre-a i inah kan inhmu ang, Don croce chu a lo kal ngam ang tih i chiang a maw?”

Adonis chuan, “Engvangin nge a duh loh ang? A him ngei dawn a ni tih ka tiam dawn a, tin, nang he khawvela ka mi rin ber hnen atangin thu ka hmu bawk dawn a ni.”

Guilianno chuan Hector-a kut chu a vuan a, “I tih ang chuan le,” a ti a, “Ruahmanna lehkhate avang leh lehkhabu min lo ken avang hian ka lawm e. I kal hmain zanin chu bu khat tal chu min han tihpui dawn em ni ang?”

“Tehreng mai,” Adonis chuan a ti a. chumi zan chuan a lehkhabu lo kena thu har hriatthiam har tak tak te chu an inzirtir a. Guianno chun ngunthluk taka ngaithlain zawhna a lo zawt zauh zauh a. Hun rei tak liam taa Zirtirtu leh naupang inzirtir thin ang mai kha an ni leh ta a ni.

Chu mi zan chuan a ni Hector Adonis chuan thuthlung bu chu ziak tura a hrilh tak ni. Lehkha pawimawh te chu an pawl chhunga thil thleng chhinchhiahna tha tak leh Guilianno-an Don Croce leh Minister Trezza nena indawrna ruk a neih tih fiahna tha tak a ni ang a, nakina inhumhimna pawimawh tak a la ni dawn a ni.

Guilianno chu a phur thar hle. Chu thuthlung bu chuan thiltihtheihna a nei lo emaw, a bo palh emaw a nih pawhin kum za hnuah pawh hel dangin an rawn hmuchhuak maithei asin tiin a ngaihtuah a, Pisciotta leh amahin hringei ho sai ruh an hmuh chhuah ang khan.

(He bungah hi chuan Action lam a awm lo a ni ber e. Mahse thuthlungbu lo pian dan a niin apawimawh viau si a, a ngaihnawm lem lo maithei)
[*]Loma_Hmar[*]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Loma hmar
Posts: 123
Joined: March 20th, 2018, 11:51 pm

Unread post by Loma hmar » May 23rd, 2018, 3:09 pm

CHAPTER 19A

Inhmuhkhawmna hriatreng tlak tak chu ni hnih hnuah chuan neih a ni ta a ni. Chutiang hun rei lo te chhung chauhah pawh chuan Montelepre khuaah chuan an pasaltha ropui, Turi Guilianno hmu turin Don Croce ropuia chu a lo kal dawn tih chu a thang chhuak nghal vek a. Engtinnge chu thuruk chu a put chhuah theih tih pawh hriat a ni lo. Guilianno-an he inhmuhkhawmna atana venhimna lam a uluk zual em vang pawh a ni maithei. Palermo lam kawng dang ping turin a mite a tir a. A pawlte zinga mi sawmnga chuang zet chu an chhungte tlawhin zan hun an hmang bawk a ni.

Passatempo leh a hote chu Balempo Barrack lam veng tur leh, carabinieri patrol an awm hlauh pawha che thei lova siam turin a tir a. Castellamare kawng leh Trapani lam kawng chu Terranova leh a hote chuan an thunun bawk a. Corporal Canio Silvestro chu rifle kapthiam ber ber mi panga leh machine gun nen in chung lamah tomato phorona atana siam phera inkhuhin an awm bawk a. Chutiang pher chu Sicilian in tin deuh thawin an nei a ni.

Don Croce chu thim hmulah, Alfa Romeo Car lianpuiin a lo kal a, Car chu Hector Adonis-a in kawtah chuan a ding a. A unaupa, Father Beniamino leh guard pahnih chauh hruaiin a lo kal a ni. Guard te erawh chu Carah a khalhtu nen chhuak lovin an awm thung a. Hector adonis chuan kawngka bulah a lo hmuak a, a inchei nalh zar zar hle. Don Croce pawh chu nidang ai thlawt chuan a incheina pawh a uluk ve deuh tih a lang.

Father Beniamino chuan a puithiam kawrfual a ha a, thleng kum ang tak lukhum dum a khum bawk. Ina a luh hmain in chu mal a sawm phawt a, kraws chhinchhiahna siamin malsawmna a sawi sup sup a.

Hector Adonis chuan montelepre-a in tha ber a nei a, a chhuang ve hle. Furniture te chu france atanga lak luh niin lem ziak intar te pawh chhuanawm ve tak a ni. A thlengte pawh germany atanga lak luh a ni a, a chhiahhlawh rawih pawh italian nu valai lam, indo hmaa england-a in zir chhuak ngat a ni. Chhiahhlawh chuan Coffee rawn pein Guilianno nghakin an pathum chuan an thu tlang ta a.

Don Croce chuan a him hle tih a hria. Guilianno chuan a thutiam bawhchhiain a godfather chu a timualpho dawn lo tih a hre tlat a ni. Don chu a phur lawk hle mai a. Tunah chuan miropui ni chho mek chu a mit ngeiin a hmuin a en thlithlai thei dawn ta a ni. Chutichungin thawm nei hlek lova Guilianno a lo luh chuan a phu ru deuh zawk tho a ni. Lung phah chhuah vek kawtthlerah chuan a ke pen ri hriat tur a awm lo hrim hrim a, kawngkhar a hawn lai leh a khar leh ri pawh a awm hauh lo bawk. Mahse Guilianno chu chawei pindan kalpawhna laiah chuan a rawn ding thut mai a ni. A hmelthatna chuan Don Croce chu a deng deuh dawt a ni.

Tlang lama a khawsakna chuan a awm chu a tipharh lian deuhin a hmai pawh a tilang cher deuh a. Ramvah jacket thawl tak hain a chhung lamah chuan a ken fo thin Machine Pistol chu a hmuh theih bawk a. Kum 24 lai a ni tawh chungin a la lang naupangin, mipa naupang aia u awrh ni maiin a lang a ni.

Rome cho a, friends of friends khum zak a, Tualthah hmang Andolini thuhneh a, Passatempo te ang mi tawrawt pawh enkawl thei leh Sicily ram hmun lia thena hmun khat lai hneh a, Sicily ram pum mipuiin an hmangaih em em chu he naupang hi a ni thei dawn em ni? Don Croce chuan Guilianno chu huaisen rum rut a ni tih a hria. Mahse Sicily chu mihuaisenin an khat a, mahse inphatsanna tenawm takin lem zovin thlanmual lamah an liam leh mai thin.

Don Croce chu hlauthawng rilru viau mahse, Guilianno chuan a rilru tihlim deuh tu thil tih a nei tlat a ni. He naupang hi lamtanga siam turin a han intiam nawn leh a. Guilianno chu roomah chuan lo lutin Don Croce lam chu a rawn pan nghal a, “Bacio Tua Mano,” a ti a.

Chu chu Sicilian minaranin dinhmun sang zawk te- puithiam, ramneitu emaw lal chhungkuate emaw - chibai an buk dan a ni a, ‘i kut ka fawp e,’ tihna a ni. Guilianno chuan lawm hmel taka nui hmel a pu sang a. Engvanga chu thu chu sawi nge a ni tih Don Croce chuan a hrechiang zet mai. Don Croce laka a tlawm zia entirna leh a kum upat avanga zahna lan tir nana sawi a ni lo va, Don Croce chu Guilianno kuta a rawn intukluh avang leh chutia a rinna chu a zahsak a ni tih lan tir nan a ni. Don Croce chu muangchangin a tho a, tho tura a tha a han sawmkhawm vel chuan a hmel chu a thim zual sauhin a lang. Guilianno-a kut chu a lo vuan a, he tlangval hi mi tha tak a ni a, chuvangin a ngaina a ni tih lan tir a duh tlat a ni. Chutia a tih lai chuan Hector Adonis an a godson a chhuan zia- mipa dik tak a ni tia a hmela a tihlan chu a hmu zawk a.

Pisciotta chu pindan inkalpawhnaah chuan lo kalin chung zawng zawng chu a hmel tak ngala nui hmel pu chungin a lo thlir a. A hmelthatna chu hriatreng tlak tak a ni ve tho mai, mahse Guilianno that dan nen chuan dang tak a ni. A chuap lam dik loh avang chuan a cher deuh hle a. A sam dum tle hlarh mai chu mam taka khuih a ni a, Guilianno-a sam erawh chu lukhum ang maia chhing taka tan a ni thung.

Guilianno lamah thung chuan chibai a bukna kha Don Croce-a rin loh tak a ni ang tih a ring sa reng a, mahse Don Croce-an hrethiam tak leh ngaina taka a lo dawngsawng chu mak a ti lehling hle a ni. Don taksa lianpui a han hmuh chuan inrin reng a ngai tih a hrechiang zual sauh a. he mi hi mihlauhawm tak a ni, a lar vang chauh ni lovin, a huhang nat dan atang chuan. A taksa lianpui, pianhmang nalh lo zet chuan lumna thahrui a pe chhuak emaw tih mai tur a ni, room chhung chu a chiah hneh hle a ni. Don a lo tawng chhuah chuan, a lu ropui tak atanga aw lo chhuak chu zaipawl aw ang ruih a ni a, Hawihhawmna te, dikna leh amah hmin tumna te a tawngah chuan a lang thei vek a ni. Ani ang a thil tih apianga zei lo taka ti thin anga lang tawngka chhuakah chuan a mak dangdai hle a ni.

“Kum engemaw zah chhung chu ka lo thlir chein he hun hi nghakhlel takin ka lo nghak a, tunah hei a lo thleng ta a, ka beisei ang zawng zawng chu i lo ni vek mai.”

Guilianno chuan, “Ka lawm hle mai,” a sawi leh tur a han ngaihtuah zawk a, eng nge sawi tura beisei a ni tih hre ran chungin, “Thian kan nih hi ka lo beisei reng thin a ni.”

Don Croce chu a bu nghat a, chutah Minister Trezza nena inremna chungchang sawi tur chuan a inbuatsaih a. Guilianno chuan Sicily miputen inthlan leh huna thlan tur dik thlang thei tura ‘zirtir’ tura a pui thei a nih chuan Ngaihdamna kawng a inhawng thei dawn a ni. Guilianno chu a khua leh tui pangngai angin a chhungte hnenah a kir thei tawh ang a, bandit a ni tawh lovang. He inremna dik zia tih lan nan Minister chuan Don hnenah Guilianno beihna tura ruahmanna lehkha chu a pe a ni. A sawi leh tur uar nan Don chuan a kut a phar a, “I remti a nih chuan, khang ruahmanna te kha minister chuan a thuneihna hmangin a dang vek dawn a ni. Sipai vak chhuak leh Sicily chhunga carabinieri sangchuang dah belh a ni dawn lo a ni.”

Guilianno chuan ngunthluk takin a lo ngaithla a, mahse chung thilte chu mak ti awm pawhin a awm lo tih Don chuan a hmu a, sawi zawm lehin, “Sicily a awm zawng zawng hian mirethei i ngaihsak zia an hria a, thenkhat chuan left party i tanpui an ring maithei. Mahse Pathian ringtu i ni a, sicilian dang aiin i chung nung a ni, mahse i nu tana i inpek nasat zia hi tunge hre lo awm? Communist-in Italy an kaihhruai chu i duh takmeuh em ni? Kohhran chungah eng nge thleng ang? Chhungkaw tin chungah eng nge thleng ta ang? Italy leh Sicily tlangval indona-a kalte chu ramdang politics, Sicily-a awm thei ngai lo turin a ei chhia a a ni. Ram pumpuia thunei tur, a mipuite lungawi lohna pawh ngaithiam miah lo tur chu thuneitu atan i duh em ni? Left party sorkar hian kei leh nangmah do tur hian beihpui an thlak ngei ang, mahse sicily-a roreltu dik tak chu kan pahnih hi kan ni lo em ni? Left party te hi inthlan leha an chak a nih vaih chuan Russia mi ho hi kan khuaah te lo kalin, tunge biakin pan tur tiin duh an thlang vel ngei ang. Kan fate chu school-ah nu thianghlim Mari leh pa thianghlim Josefa aiin ram a pawimawh hmasa zawk tiin an zirtir ngei ang. Chu chu a phu kan ti em? Ni lo ve, tun hun hi a ni Sicilian diktak zawng zawngte chuan an chhungkua leh an zahawmna te ram laka an hum hun tur chu.”

Pisciotta chu inkalpawhnaah chuan ban nghengin a la awm reng a, rin loh takin a lo inrawlh a, tui loh hmel zetin, “Russia ho chuan ngaihdamna chu min pe maithei asin,” a rawn ti a.

Don ngaihtuahnaah chuan thil a lo lut ta a. Mahse he hmuihmul nei inchei nalh tehzawrina a rawn tih el avanga a thinurna chu a tilang chhete lo. Chupa chu a han zir chiang a, engvanga a awm ve a ni tih rawn lan tir nge a nih? Engvanga Don chuan hre ve se tih duh nge a nih ang? Don Croce chuan nakin lamah hepa hi hman theih dan a la awm mai a beisei a ni. A thil hriat theihna fing zet chuan Guilianno-a sipai hotu rin ber chak lohna lai chu a hre ta riai riai a, a chuap natna vang pawh chu a ni thei a, hlim lohna ruk a neih vang pawh a ni thei tho. Pisciotta chu tumah ring ring pumpuhlum mi a ni lo va, chutiang bawkin a mah chu rin pumpuhlum chi a ni lo vang. Don Croce chuan a chhan hmain chung zawng zawng chu a ngaihtuah hman a ni.

“Engtik laiin nge ramdang mi ten Sicily an tanpui tawh ngai?” a ti a, “Engtik laiin nge ramdang miin Sicilian te hnenah dikna an lan tir ngai? A bikin nangni ang tlangval chungah ngat phei chuan.” tiin Pisciotta hnenah chuan a sawi a. “Kum za tam tak chhung chu heng min rap bettute bei turin mi tamtakin friends of friends an zawm a, tuna Guilianno-an a beih dikna chanvo chang tur hian.Tun hi Sicily chhanhim tura kan tan ho hun chu a ni.”

Guilianno chu Don Croce-a thusawi chuan a tinghing eihin a lang lo. Ngaihtuah ngun tih hriat takin, “Mahse Rome kan bei rengin min awp turin mi an rawn tir reng tho a, Kan hmelma an ni a, tunah anmahni tanpui tur leh ringngam turin min ti a maw?”

Don Croce chuan thuk ruihin, “Hmelmate nena thil tum inang kan neih a tul hun a awm thin a ni. Christian Democratic hi an chak a nih chuan kan tan chuan an hlauhawm nep ber a ni. Ro an rel theihna atana puih mai kha kan tih tur a ni a, chubaka awlsam eng nge awm chuang?” a han chawl hlek a, “Left party chuan ngaihdamna an pe ngai lovang che, a chiang a ni. An verther lutuk a, ngaihdamna thinlung pawh an nei lo, Sicilian nungchang hi an hrethiam bawk hek lo. Mirethei te chuan ram chu an nei ngei ang a, mahse an tharchhuahte an chang bik dawn em ni? Kan mipuite an thawhho theih dan tur i suangtuah thei em? Kan sakhaw serh leh sangah Virgin Mary-in kawr sen nge a hak ang kawr var tih vang ringawt pawha inhnialin an inthat duh a nia.”

Guilianno chu a nui sang a. engtik niah emaw chuan he pa hi thah ngei a la tul dawn tih a hria. Guilianno chuan nem takin, “Communist ho chungchang chu ka pawmpui che, Sicilian tan chuan an tha lo a ni.” Tunah chuan Don Croce-a chu a duh dan dik tak sawi tir hun a ni tawhin a hria, “Rome ho hna bawlhhlawh tak ka ti a nih chuan, ka mite hnenah lawmman ka tiam a ngai a, Rome chuan eng nge min tih sak tak ang?”

Don Croce chuan a coffee chu a han in zo a, Hector Adonis chuan thlitsak leh nghal a tum chu a lo dang a. Guilianno hnenah chuan, “I tan kan thawk chhe lutuk lem lo, Andolini-an carabinieri ho chet dan tur chungchang i lo inbuatsaih theih nan a rawn ken thin che a, Tlang atanga um chhuak tur che uin tha an thawh tak tak ngai lo. Mahse chu chu a tawk lo tih ka hria, I tan ka tih theih tawk min tih tir rawh, tichuan keimah ka hlim ang a, i nu leh pate tan lawmna a thlen bawk ang. I godfather hmaah leh i thian tha tak Aspanu Pisciotta hmaah ngei hian hei hi ka hrilh ang che, ngaihdam i nih theihna a nih phawt chuan lei leh van sawn dawrh pawh ka huam e, ni e, i mite zawng zawng pawh.”

Guilianno chuan a rilru a siam fel tawh a, mahse chu intiamkamna chu a theih ang tawka tihngheh a duh a ni. “I sawi zawng zawng kha ka pawm deuh vek a, Sicily leh a mipuite hi ka hmangaih a, mahse bandit angin ka la nung reng a, diknaah ka innghat a ni. Mahni in leh chhungte bula kir leh tur chuan engpawh ka ti duh ang. mahse engtinnge rome chuan a thutiam a hlen ang tih ka hriat ang? Chu chu a pawimawh ber, tih tur min tuk hi a hlauhawm hle a, lawmman ka hmu ngei tur a ni.”

Don chuan a ngaihtuah vang vang a. Chutah muang chang leh fimkhur takin, “I fimkhur viau hi a tha e, mahse khan ruahmanna lehkha Hector Adonis hnena entir tur che a ka pek che kha i nei a. Minister Trezza nena inzawmna innei a ni tih tifiahtuah kawl ang che. Lehkha pawimawh dang pawh i hman theih tura rawn ngaihtuah ka tum ang a, tichuan rome chuan chanchinbua i lehkhathawn hmingthang taka i tih lan an hlau ang a, a tawpah i thil tih tur i tih zawha Christian Democrats an chak a nih chuan i ngaihdamna chu a chiang mai dawn a ni. Minister Trezza hian keimah min zah ve em em a, a thutiam a bawhchhe lo vang.”

Hector Adonis chu a phur hle a, a hmelah a lang chhuak hial a ni. Misual ang ni lova a fapa a lo haw huna Maria Lombardo hlim hmel tur pawh a lo suangtuah lawk hial a ni. Guilianno chu tul lohah a fimkhur mai mai tawh niin a hria a, mahse Communist ho laka Guilianno leh Don Croce te tan dunna chu an inthianthatna phuar khawm tura kawng hmasa ber a ni maithei bawk a ni.

Don Croce-an sorkar ngaihdamna a sawi chu Pisciotta meuh rilru pawh a khawih hle. Mahse Guilianno thung chuan chung don thusawiah chuan dik lohna pawimawh tak a hmu tlat a ni. Chung zawng zawng chu engtin nge Don Croce-an a phuahchawp a ni lo tih a hriat ang? Ruahmanna lehkha te pawh kha ruk mai mai niin Minister Trezza chuan a thuneihna hmangin a lo dang reng tawh maithei asin. Minister Trezza ngei chu hmuh a ngai a ni.

“A tichiang viau e,” Guilianno chuan a ti a, “Nangmah bik intiamna khan i thinlung that zia a tarlang a, chuvang chu a ni ngei ang Sicily mipui ten ‘thinlung tha mi’ tia an koh che. Mahse rome-ho rinawmlohna hi a thang chhe em mai a, chubakah politician te - eng nge an nih chu kan hria e. Ka mi rin takin Minister Trezza ka ngei atanga a tiamna hriat ka duh a, intiamna tichiang tur lehkha pawimawh ka mamawh bawk a ni.”

Don Croce chuan mak a ti hle a, tawng nachang pawh a hre lo hial a ni. An inbiak chhung zawng khan Don Croce a ngainatna chu a zual zel a, he naupang hi a fapa ni ta se eng nge a an ang aw, ti tein a lo ngaihtuah hman hial a ni. Mahse a intiamna a pawm lo tih a han hriat chuan, a ngainatna chu a kiam deuh sawt a ni. Mit lehlam chauh chhinga muhil chunga fimkhur leh dilchhut thin ho ang maiin fiahna dang, intiamkamna dang a la phut cheu a ni. Don Croce Malo-a intiamkamna chu a tawk tlat lo.

An ngawi thap hlawm a, Don chuan a sawi tur a ngaihtuah a, midang chuan an lo nghak a ni. Hector Adonis chuan Guilianno-a thil nawr avanga a thlaphanna leh Don lo er let tur a hlauhthawnna chu thup hram hram a tum a. father Beniamino hmelah pawh chuan lungawi lohna a hmuh theih. Mahse a tawpah chuan Don chu lo tawngchhuakin an thaw ta huai hlawm a. Guilianno rilrua thil awm tur ang leh a mamawh tur ang chu hre tain inhria a ni.

“I pawm thei chu lawmawm ka ti hle mai,” a ti a, “Keima ngaihdan ka lo kal pui thui deuh pawh a ni ang e. Mahse hetiang zawng hian thu tih tluk han tum chhin teh, a hmasain Minister Trezza chuan chutiang lehkha pawimawh chu a pe ngai lo ang che, a tan a hlauhawm lutuk. Mahse tawngkain ka hnena a thutiam ang kha ahrilh thei ang che. He kan thil tih tura remtihna chu Prince Ollorto leh lal chhungkaw member dangte atangin ka nei thei ang. Chu aia tha zawk tur nangmah hmin thei tur che thian ka la nei a ni- Catholic church pawhin i ngaihdamna tur chu an hriatpui ang che. Palermo Cardinal atangin thu ka dawng a ni. Minister Trezza ka atanga i hriat hnuah, Cardinal nena inhmuh hun ka ruahman sak ang che. Tichuan, Minister of Justice thutiam leh Catholic church Cardinal, nakina pope la ni maithei thu, leh keimah ngei thutiam pawh i nei dawn a ni.”

Guilianno chu a nui hawk hawk a, “Rome-ah ka kal thei si lo a ni.”

Don Croce chuan, “chuti a nih chuan i mi rin ber lawrlak i aiawhin tir mai rawh. keimah ngeiin Minister Trezza hnenah chuan ka hruai ang e, tichuan Cardinal hnenah ka hruai leh ang a, Holy church lal fapa thu chu i ringngam em ang chu?”

Guilianno chuan Don Croce chu ngunthluk takin a en a. Inralrinna tur thu chu a rilruah chuan a dah bo tawh a. Engvangin nge Don Croce chuan puih a chak em em? Amah, Guilianno chu rome-ah chuan a kal thei lo tih a hrechiang em em a Cardinal leh minister sang chuang thu hmu pawh ni se a hlauhthawnawm tlat a ni. Chutia nih chuan a aiawha kal tur chuan Don chuan tunge a beisei ni ta ang?

“Ka second in command baka rin tumah ka nei lo,” Don hnenah chuan a ti a, “Rome leh Palermo-ah chuan Aspanu Pisciotta hi hruai rawh. Khawpui ngaina mi a ni a, Cardinal chuan a sual puanna a lo ngaithla hlauh a nih chuan a sualte ngaihdam a ni maithei asin.”

Don Croce chu hnung lama awnin Hector Adonis chu coffee thlit turin a han mitmei. Chu chu mi a bum dan thin a ni a, a lungawina leh hlawhtling a intihna thup a tumna a ni. Mahse Guilianno, bandit a nih atanga fighter ropu tak a ni tih tilang tawh tu chuan, mi chet dan hmang man thiamin, an rilru ziarang man thiamna a nei tlat a ni. Don Croce-a lungawina chu a hre ve nghal thei mai a. Don Croce chuan a thil tum pawimawh tak a hlawhtling a ni. Mahse Don Croce chuan Aspanu Pisciotta nena inkawm falna hun neih chu a duh ber a ni tih chu a ring thiam bik lo.
[*]Loma_Hmar[*]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)