THE FALSE RIDER (Cowboy) (Completed)

[Ngaia]

cover.jpg (22.35 KiB) Viewed 14978 times

THE FALSE RIDER
Bung..1..
Lettu..PL Liandinga.

Retype..
T Mawii.

(Miin hah taka an type sa hi lo ruk sak lo hram ang che u, a post tu in a duhna hmunah a post a, a post tu in chhiar tura a dahna hmunah chhiar ve mai rawh u, a link hi khawiah post share kan phal em em a, share darh tur pawhin kan ngen nghal bawk che u a, a story tak erawh hi chu khawngaihin mahni type ni awmzia zangin duh duhin lo sawisa lo hram teh u, Thenkhat phei chuan a re type tu hming in lo delete sak tih pawh kan hria, a then phei chuan delete mai duh tawkin mahni hming lo dah tawk te in awm, mi tha hmanga lar khel te pawh in ang tlat, a zahthlak, sim hmak chi, hetiang tu te hi mi pangai pakhatmah an awm lo)

Duff Gregor chuan Piute khua chu a theihpabilingin a tlanchhuahsan a. A tan thil thar a ni teh vak lo. A chang chuan khua atangin sakawrin a tlan chhuak ve mai a, a chang chuan ke lawngin an um chhuak a, a chang phei chuan engtin tin emaw a biru him thei hram a, a letling zawngin sakawr sawizawi lohah te pawh an phuarbet fo thin. Maxican-ho hian inum chuah dan chi hrang hrang hi chu hre hnem ve tak an ni. Vawikhat phei chu alkatra-in an luan chhuak vek a, chutah chuan arhmul an thiat khat tlat a, chuti chung chuan khua atangin an um chhuak ta mai a nih kha. Chutiang thilte han ngaihtuah neuh neuh chuan Piute khua atanga a tlanchhuah mai dan chu vanneihthlak tak a ni.

Gregor a’n hmamhmawh tak a Piute khua a chhuahsan na chhan chu pawisa khelh vang a ni ber mai. Duff Gregor-an vanneihna a tawh chuan pawisa khelh vang a ni a, a vanduai vaih chuan pawisa khelh vang bawk a ni leh thin. Hemi tum pawh hian an lehkhadennaah a ma lo ken sa, lehkhaden a va telh ru pek a, an pawisa vawmkhawm a tlinghnem tawh angreng si a, a khelpuipain puakruk a chuh ta mai a ni. Puakruk a chuh hma hret chuan Gregor chuan a khelpuipa dar han tikum vel leh mitmeng inthlak atang chuan a thil tum a lo hriat sak a, chutiang rikrum thil atana a lo pai that ve hlauh, a kawrchung thlafem a laite pai, kaw phir thaih mai chu a phawrh ve thuai a. Chu laite chu a tawi tektawh hle nain pensawmhnih velah chuan pa ruhno deuh ruh chu a kher khawlo ve thei tho mai. Sahdah bur tiat lek a ni nain, dawhkan pakhat danah na na chuan awllan tluk zetin a hlauhawm ve tho a ni.

Chumi tum pawh chuan Duff Gregor chuan a thianpa puakruk chuh tur chiah chu a va kap a, A Chiau thawt nghe nghe a. Duff Gregor chu silaia inbeih ralah chuan pa thluak nei lo tak a ni hauh lo. A silai mu hmasa zawk chuan a thianpa a kap phawt a, chutah khawnvar inkhai a kap keh leh a, dawkana pawisa chu a hui leh a, pawnah a tlanchhuak a, a tlan nghal daih mai a ni. Mel nga zet a tlan hnuah chuan a sakawr chu a han enchiang a, a lo tlan hleitheih tawh hlek lo mai a, a han dap vela a pang chu a lo hliam pek niin a thi zur zur mai a.

A sakawr chu a buaipui teh nain a khawngaih chai lo. A zin leh alakam a hlip a, anchhia a lawh mawlh mawlh ringawt a. A silai mu pawh a sengthlawn duh hek lo. Midang chu nise an khawngaih anga hliamtuar a dah reng ai chuan an kaphlum nghal ngei ang. Mahse Duff Gregor chu pa khawngaihna ngah tehchiam a han sawi tur a ni tlat lo. A chuang a liam a mit tui han sen phei chu a tih zawng a ni hauh lo. Khawngaihna leh lainatna, lungngaihna chu tlachham hle mahse , Gregor chu a fing ve riau a. Chuvangin a sakawr zin , lakam leh a hruihrual, fip lutuk a herh, feet sawmli zet a sei chu a hnutchhiah mai duh lova. Tu sakawr ramtla emaw pawh a hmu palh thut thei a, chuti a nih vaih chuan tuta nge a nih leh a neituin a phal leh phal loh pawh a zawt si se lovang, chutiang zawt buai khawtlai mai mai turin Gregor chu a â tawk lo.
Sakawr zin hi thil put nuam a ni lo hle a, sakawr lakam pawh a zang fahran lo, hruizen pawh a ma tawhah chuan khin fe a ni vet tho. Mahse Gregor chuan a tukkhum a ti chhah lui a, sipai sakawr tha ang main hmalam panin a pen tlut tlut a. Gregor chu pafing var ve tawk tak a ni a, dinhmun hreawmah a din laia tihtur tha ber , chhel tak a tuar chhuah nachang pawh a hre ve bawk. A duh ber chu Piute khua atanga hla tawk tak, mipui thinrimin an chimphak lova awm a ni. Nimahsela sakawr a la nei tlat si lova. Tunah pawh phaizawl kalpelin tlang bulthut a lo thleng reng tawh mai

.Duff Gregor chu tlangah chuan a lawn a. Chulai tlang atang chuan a hnuai lam chu a zuk thlir thla a, phaizawlah chuan sakawr lian tha deuh mai, eng tle zuk mai hi a zuk hmu a. Chu sakawr chu a lian tha khawp a, duh se chuan thlaa zuan kai zawk thei hmel hi a pu a. Tlai nitla tur chuan kapathir tha mi ang mai hian a chhun tle sur mai hian a hriat a. Duff Gregor chuan fimkhur deuh mai hian darker khat chhung zet chu a veh thla ta a. A va hnaih deuh chuan a han enchiang a, sakawr chuan mihring siam chawp thil engmah a in bel lo ti a hmu a. Chuti nise ram sakawr a va ni mai awm em?

Duff Gregor chu pahuaisen ve tawk tak mai a ni. A huaisenna chu semswm ta se pa pangngai pathum tan pawh a duhawm tawk taka insem tham zet a ni ve a. Mahse a fing ve em em bawk. Hei hi ram sakawr a lo nih hlauh chuan a vannei nasa mai dawn a ni. A sakawr zin leh lakam chu tlang chhipah a la dah daih a, chute chung chuan hruizen chu a val a, a kual pap a, sakawr chu a va pan hnai a. sakawr chuan a lo hria ningei tur a ni, a dak ur a, a mei a ti kawh suang bawk a, van boruakah per cho deih thei hmel hi a pu a, Gregor chu hnimbuk zing atang chuan a lo tho chhuah a, a thawh pah chuan a kawng zawn atang chuan hruizen chu a vawr nghal dawr a. Hetiang a hruizen a thil phihawh hi mexico ramah a lo zir fo tawh a, chuvangin a thiam em em a. Chumi tum pawh chuan sakawr nghawngah chuan a va in thun zaih a.
Chu sakawr chu sakawr kawl a ni ngei ang. Gregor an a va phihawh veleh chuan a tal nghal a, Gregor-a cuan a pawt hneh ta lo tawp mai a, a mawngkaw tha n en lam a tan pawh chuan hnimpik zingah chuan sakawr chuan a hnuk ta hrem mai a. Chu sakawr chu a thlah ngawt lo chuan amah chu a thi ngei mai dawn si a, a puakruk a pawt dawk a, chutih lai tak chuan sakawr chuan hnimpik karah a han phih tlang a. Gregor-a chuan mumal lo zetin silai chu a hmetpuak ve ta ringawt a. Silai ri ah chuan sakawr chu a han tang leh zual sauh a, chutah zet chuan Duff Gregor chuan nun nawmzia a hre hman uar uar mai . A thi ta hial emaw te a in ti rum rum a.
Chutah mipakhat hi a lo au lauh lauh a sakawr lim puat puat pawh chu a zawi deuh a, a ding ta nge nge a. Gregor chu a lo ding chhuak vat a, a hnuktu sakawr chu chiang lo ruai hian a va hmu a, chu sakawrah chuan palianpui awmna lam hi pan a, chu pa chuan ‘’ muangchangin le boy, parade, muangchangin,’’ a lo ti a. Gregor chuan a ke a hruizen inbat kual chu a lo phel mawl mawl a, chu sakawr hming chuan a hriatthiam lo zawng zawng chu a rawn hriatfiahtir ta vek a, ‘’ parade maw? Kha kha parade em ni? A ti a.
Sakawr chu a pu bulah chuan a ding hle hle a, mikhual chu a en vawng vawng a. Sakawr bul a ding chu palian pui, darphar rinawm tak Red Indian hruihrual ang mai a phiar, lu lian ve tak, hmeltha pui mai buang thung mai hi a ni a. Heihi parade a ni. I na lo maw? a han ti a . Gregor chuan, parade maw? Chute Arizona Jim-Jim Silver I ni maw? A han ti a. Chu pa chuan, chuzawng nilo ka ti thei ta hauh lo mai a han ti a. Gregor chu pa fiamthu duh zawng a ni hauh lo mai, a nui ve ta hawk hawk a.
Gregor chu a han tawng leh chuan, parade kha engah nge ka man lo ang, engahnge man ka tum lo ang? Helai vel hi sakawrin khat tlat mahse engahnge parade hi man ka tum bik khaer loving? A han ti a. Silver erawh chu a ngawi reng a. Gregor chu a phaleh nghal zung zung a, sakawr zin a inphah si lo a, sakawr ramtla mai mai emaw ka ti a ni a han ti a. A kut a phar chhuak a, ka hming chu Duff Gregor a ni. I sakawr ka lo phihawk a pawi ka ti khawp mai. Ka sakawr chuan mitthi khua min pan san ta , a han ti a. Silver chuan Gregor kut chu a lo vuan ve mai a. Gregor chuan a lo hr eve kiau bawk a Silver chu chhete pawhin a tim ei lo.
Gregor chuan chu kut hmingthang tak mai a vawn lai chuan midangin chu tiang chuan vuan ve ta se chuan lehlamin puakruk an chuh duh mai ang tih a ringhlei hauh lova. Chu mi hming thang tak mai thattu nih chu chakna a nei vethova, mahse chu tianga kut lehlama puakruk chuh chu thil tih thei rual a ni lo. Silver chuan a kut dinglam tluk bawkin a kut veilam chu a hmang thiam tih a hre si a. Jim Silver nen kut thingin chibai an in buk tih chu a tu leh fate ala hril chhawng ve a nga , in hmachhawnin an ding tawh a ni tih pawh a la hril ang. Chu palian pui chuan rukru leh misual te a huat em a vangin an tan chuan hmelma kumhlun a ni si a.
Silver-a hmai chu tlemin a khem nian niang a…….. a khem nian nian a ni mai lo, hmun sawmhnih velah a khem a ni zawk e. Silai mu hnuhma te leh chemte hnuhma te chu a kal nuai a. Ni e, Jim Silver-a hlauhawm paltlang tawh zawng zawng paltlang ve tur chuan chutiang hmaifang ser neuh neuh put ve chu a ngai ve tlat a ni. Chubakah Jim Silver-a hmel han enchain chuan a hmuh thiam tan chuan indona leh buaina sulhnu hmuh tur a awm tlat a ni. Duff Gregor chuan Jim Silver-a kut chu uluk ve hian vawithum a han thing lap lap a. A rilru chuan a kutzungpui, tun a a kut hnung lam nemtu hian , Duff Gregor a aia ropui zawk miengzat tak that taw hang maw tiin a ngaihtuah neuh neuh a.
Duff Gregor chuan Jim Silver chu a aw nem mawi ang leh a inngaihtlawm ang bawk a huaisen leh ropui a ni tih a hre kiau a. Thenkhat chuan buaina reng reng chheltakin an sutlang tang tang thin a, an silai hmawr , zenin a tihsat a daih hma hmain ngaihdamna thinlung an pu hman leh mai thin, chutiang mi zingah chuan Jim Silver pawh hi a tel ve a ni. Chu lehkhaden a mi bum hmang, silai atchilh, misual tawrawt tak Duff Gregor –a chuan a ruk takin Jim Silver-a chu a ngaisang a a awt ru em em bawk.
Jim Silver-a te ang hian mitha te dinhmun an tizahawm a, mirinawm lote dinhmun an tihmusitawm thin. Jim Silver-a chuan dinhmun in ang leh in ang inbeihna leh hlauhawm ngei mai hi a ngaina si a. Duff Gregor chuan "Jim, I hmelah hian engemaw awm tlatin ka hria. I thlalak te chu ka hmu tawh pawh a nimai thei, mahse engemaw tlatin ka lo hreve tawh thin chein ka in hria" , a han ti a. Jim Silver-a chuan chuti maw? A lo ti a. Silver-a chu a nui suk a, chutiang a pa nui suk suk duh chauh mai chu pa hlim thei nifahran loin Duff Gregor chuan a hria.
Silver- a chuan, "Darthlalangah I in en anga, kan inanzia chu i hre mai ang . Inang tak kan ni", a ti a. Gregor chuan, chuti maw? A ti ve thung a. Silver chuan , "Ni tehreng e, kan len lam a in ang vel a, kan hmel lah chu a inang em em mai bawk a. unau pawh in ti ila awm ve ving veng tak a ni Gregor "a ti a. Unau maw? Gregor chuan a tunhma nun leh a nun kal zel, lehkhaden a mibum hmang a nih zia te a hanin ngaihtuah a, Silver-a huaisen zia te leh miin anngaihsan ziate a han ngaihtuah neuh neuh a. A mur uai uai a, a landanah chauh na na na chuan an inang kher mai. Gregor chuan, "Pheicham ka man zukni ngawt a le," a han ti a. Silver chuan " mai mai a", a lo ti hluk a. A nui ve a ni ber ang chu a han ṭhen suk a, mahse a ṭhen rei lo kher mai...

(A ngaihnawm dawn leh dawn loh ka hrechiang tawh lo a nia, ka nghilh nual tawh a, a tawpah erawh a ngaihnawm tho tih chiang takin ka la hre thawi..hehe
TLalrin mawii.
Khuanglng Venglai)

THE FALSE RIDER..
Lettu PL Liandinga.

Retype.Tmawii.

Bung ..2.
SAKAWR- TAWLAILIRA CHUANGTE KHAN BAN PHAR RAWH U..

Gregor leh Jim Silver chuan riahbuk an sual dun ta a. Jim Silver-a duhthlanna ang ngein luite bulah an inkhuar a. Sakhi an kap a, an hem hmin a, an zanriah atan an ring dun ta a. Jim Silver chuan a zin vel naah Rifle leh chi leh nawhalh ringawt a keng ṭhin a. Gregora'n a han hmuh chuan, "Jim, i va inkeng hnawklo tehreng em ! Engtinnge zanah i mut ang?"a han ti a. Silver chuan ," Hei kawmawl leh ṭhelretpuan ka nei a lawm," a han ti a, Ani chiah reng a, Kawmawl hmul tlakawng tawh tak leh ṭhelretpuan anei ve a, chu zawng chu ani mai a.
Silver chuan,"Ka chetchhuah aṭul chang chuan hmanhmawh taka kal mai a ṭul ṭhin a, chubakah ,hla deuha kal angaih changte a awm ṭhin si a ni,"a ti mai a. Ani reng a, pa hlauhawm pui pui, aang tam hi Jim Silver-a chung a phuba lak tumin an phe huai huai reng a. Jim Silvera tan inven reng aṭul tlat ani. Titi ah chuan Silvera thah tum hian misual engemaw zat hi an inhlawmkhawm fo tawh ṭhin a. Hmar tawp aṭanga chhim tawp thlengin an zawng ṭhin a, mahse Silver-a sakawr 'PARADE ' chuan man phak loah apu chu a phurbo ṭhin a. Chutah a umtute beidawn hnuah an han khenglet ve leh a, misual pahnih pathum chu an han tukzal leh ngei bawk a, Jim Silver thah tuma um hi misual turu ber ber pawhin an tum ngam tawh ngailo niin an sawi ṭhin.
Nimahsela, Silver-an thawmhnaw akentlem na em em chhan chu, amah thah tumte lak aṭanga tlanchhuah a duh vang emaw, beihlet a duh vang emaw ani chuang lova. Duh duh a awmhmun nghet nei lova vahvel mai mai achak vang zawk niin an sawi ṭhin. Chumi tlai chu Gregor tan theihnghilh mai chi rual ani lo. Jim Silver, pa ṭawngmawh hmingthang, mahni chanchin sawi ngai lova an sawi chuan thlalera akal chanchin te, mi maksak tak tak atawn te leh Ramri bawr vwla Red indian chanchinte leh mihrang hrang chanchin chu a sawi ve ṭeuh avangin.

Silver-a chu amu hma hle a, a kawmawl leh a ṭhelretpuan chu apu a, buk pawnah amu ta a. A bulah chuan a sakawr lianpui chu a vei thoh thoh a, a mut dawn chuan Silver chuan, "Hetia pawna mut hi ka duh zawk, heti hi chuan Parade hian min venghim a, buk chhunga ka mut chuan tuemaw lo kalin ka hriat hauh lohin ka bul arawn thleng thei mai ang. Kawmawl pakhat leh ṭhelretpuan pakhat chauha mut pawh ka zir nasat tawh avangin vur zingah pawh lum nuam takin ka mu mai ṭhin," a ti nghe nghe ani. Parade pawh chu khawvar dawn lam chuan achawl ve ta a, achawlh hmain kawlkil lamah chuan ahnar a han len ruai ruai a, chutah muangchagin hnim a pet ta mawlh mawlh a.
Chutiang ngata inpe zo Sakawr chu miin aneih chuan a him viau reng ang. Mahse, chutiang tluka sakawr ṭha pawh chu Gregore chuan nei mahse, Silver nena dinhmun inthleng chu a duh chuang lo. Mupui ang mai a ei hrawmhraw leh mupui ang mai a sehhel nih chu Gregora chuan atlin ve dawn chuang tlat lo. Jim Silver chu engtinnge thlamuang takin khuaah aluh mai ngam ang? Englai pawhin kawngkhar reng reng chu silai hmawrin arawn tawn hawng thut mai thei reng a. Pindanah ṭhu se, a hnungah bang pahnih a awm tih a hriat phawt loh chuan engtinnge a thlamuan theih ang.? A hma tlaia Gregora'n "Jim, engtinnge hetia engmah nei lova zinvel hi i theih? Coffee i nei ai lova,eitur engmah i keng bawk si lova, bawng sa rep te pawh i keng bawk hek lo. Thil chhumna tur bungbel lah i keng bawk si lo. Engmahlo mai lo chu neih pawh i nei hleinem,"a tih khan Silver khan engtinge a chhan?.
Silver khan," Zinnaa thil tlemte ken hian thil ati awlsam sawt zel alawm. Hmanah chuan chi pawh hi ka keng duh ngai lova, mahse, tunah chuan ka keng ziah tawh ṭhin. Ka lo upa ve tain ,nawmsakna hi ka lo ngaina ve tawh pawh ani ang e, mahse Gregor, heihi hrereng rawh; Khaqi hmunah pawh kal la, thlaler pawh nise, nunna khawp hi chu a awm ve tho. Chuvangin, fimkhur taka i veh chuan kah tur tawk chu i hmu zel ang. Ni hnih vel chaw i nghei hnu phei chuan i hmuh ang apiang chu ati tui sawt zel ang," a ti anih kha.
Silver-a thurin chu a mawl tawk hle a, mahse Gregora chu a ti ṭim sung sung thei mai. Gregor chuan hreawm tuar lohva, ropuina leh taksa hriselna pawh dawn loh deuh mai a duh ṭhin. Nimahsela, zantin mai a zing khawvar leh tur hmuh inbeisei ngam reng reng lova han mut mai leh, chemtein emaw, ailaiin emaw min rawn kaiharh mai ang tih hlauthawng reng reng a han tlaivar mai ṭhin chu rapthlak ati talt a ni. He pa lian puiin misual hmingthang, Barry Christian-a duh duh a a um kawi leh a thehphar mai hi chu thilmak ani lo. Hetia atih vang hi ania Bary Christiana pawh areh tak daihna ni.
Gregora ahan harh chuan Silver chuan mei alo chhem fel diam tawh a; a hma zana an eitur neih ang chiah kha chumi tuk pawh chuan an ei alo ngai leh ta a. Gregor chuan, " Sa hem hmin leh tuisik ringawt mai hi engtinnge i rin theih?" a ninawm i ti ve ko em ni?," a ti a. Silver chuan, " Ram pilrila ka han vahvel tak tak hi chuan nikhatah chaw vawikhat chauh ka ei ṭhin a. Ka ril a ṭam ṭhin em avangin sa pawh hi ka ning ngai lova, ka tui ahal ṭhin em avangin tuisik pawh hi zu aiin tui mahin ka hre zawk ṭhin a sin,"a ti a. Chumi ni chuan Jim Silver chuan Gregor chu hmun pakhatah a hruai a, "Saw saw Allerton ani a saw sawn Crow's Nest aṭanga sakawr tawlailir lo kal chu alo dawngsawng ṭhin ani," tiin apiah, in tlemte awmna hmun chu a kawhhmuh a. Chutah, " I duh chuan sawlai aṭang sawn Sakawr tawlailir lo kal i lo man thei ang , pawisa i nei em?";a han ti a.
Gregor chuan pawusa chu anei tehmeuh mai. Mahse a dang han neihbelh leh pawh a hnial miau loh avangin pawisa aneih loh lai tak ani tih thu sawiin pawisa chu ala ve ta mai a. Silver chuan aipte aṭangun dollar 20 note panga a rawn phawrh a,Gregir chu a pe ta a. Amah chuan anei tkem tawh kher mai, tun hmaa pawisa tam tak tak alakluh ve ṭhin te pawh a vawng ve im em lo chu thilmak ani hran lo. Miin thil an dil reng reng hian, "Ni love," han tih hi a thei ve tlat ṭhin lo. Chuti taka bum awlsam leh mite ring mi nimahse, a hmaichhana nuihsawh rilruk ringawt pawh Gregor chuan a ngam chuang hauh lo.
Thli arawn thaw heuh heuh a, Silvera chuan inchhem daihtir tumin alukhum a phawk a, a in zap lauh lauh a. A lukhum a han phawh chuan abek chung si, achal lam hnaih takah chuan samṭuak ni awm tak, sam dang kar aṭang a hranpa ve reng a lo chawrchhuah tum niawm tak hi alo lang a; Chu chu Silvertip ti a hming an vuah nachhan ni te pawhin ṭhenkhat chuan an sawu ṭhin. (Silver-- tangkarua, tangkarua anga tle, tip- hmawr, hmawrzum Pll)

Chibai an inbuk a, Gregor chu tlang pangah chuan achhuk thla ta a. Thui pawh ala kal hma in Silver chu alo tlanliam hman daih tawh a; Silver-a nun zalen tak mai chu misual vanduai zual deuh in an la tawng leh dawn a ang hke mai. Gregor chu Allertin ah chuan akal ta a; Saloon a hmuh hmasak berah alut nghal a, zu inna dawhkan chu a beng ang ei awi a, no thum zet a'n tlak pap pap a, chutah thil ngaihtuah a ṭan ve ta chauh a. A rilru chuan, "Jim Silver-a mai mai," ti chungin chaw zawrhna dawr lamah a kal a. Duhtawka chaw ahan ei hnuah chuan chu palian pui, ṭhatna hlum niawm tak pawh chu ahrechang ta meuh lo va.
Duff Gregor chuan Allerton chu a'n thlir vel a, chenna tlak nin angailo. Ani ang tan chuan Allerton khawte -ah chuan tihtur a awm ve tlat lo. Chuvangin, Crow's Nest a kal tur tawlailirah a chuang ta a. Mi sawi danin Crow's Nest ah chuan thing lakna hmun a awm a, akhaw laiah chuan tui achik chhuak zur zur a, chung vel avang chuan mi thatchhe vak rawlai, hnathawhna hmanraw hum peih hauhlo ho te pawh ahip em em bawk a. Chubakah ,damko angreng, pa hrisel ṭha meuhlo ho te chuan Crow's Nest boruak chu aa chhim ve reng bawk ani.

Chutiang hmun chu Duff Gregor-a awm duhna chi tak ani. Pa hnathawk peihlo awm tamna hmun apiangah hian ṭul lova paqisa theh ral mai mai a tam duh bik a, chubakah naktuka thih mai inring miah lo ho chuan pawisa an ren duh bik a, Crow' Nest ah hi chuan pa damrei inring em em an awm mang hauh si ko. Chutiang, tihtur nei mumal lo leh thihna thlazar hnuai boruak vel chuan Gregor-a chu a hip tlat. Chuvangin Gregor pawh chu dar hnih a chhuak tur sakawr tawlailirah chuan mupui ar chàng ang maiin a ṭhu ve ta vung mai a. A kalpui tur te chu a'n en ṭhin a, Allerton a cheng ho ai chuan penkhat vel hian an dinhmun a sang vek hian a hria a. An pawisa ip lah chu 'pawisa awm' tih chhinchhiahna tar ang vu mai hian apuar ṭha bawk si a.
Chutiang a'n hmuh chuan Gregor chu a lawm kher mai. Henglai ram velah hian mithar ani a, he ram hi mel Zanga pawh ala paltlang hman lovang. Duff Gregor chuan thil thar hi angaina em em a, hmel thar angaina a, zu thar angaina a, pawusa thar angaina a, silai thar alawm em em bawk a, engkim mai hi a thar chua ngaina em em vek mai ani. Mahse, Jail thar erawh chua ngaina ve theilo tih mai ani. Khawvel hi nuam ve ṭhin haih haih hle hian ahre bawk. Misual leh miṭhate chungah hian Ni hi a inang rengin a êng a, Duff Gregor, misual turu chuan Jim Silver-a, puakruk phawi rang si, fel si, thi thei bawk si lo chaw chhumsa vawihnih lai a ei tawh ani lo'm ni?.

Chubakah Dollar za lai a laksak bawk. Enge a ngaihtuah buai vak ang?.
Crow's Nest chu mel 50 chauh a hla ani a, sakawrte chu hmanhmawh vak lovin , darkar khata mel 15 kal tluk velin an pen thluk thluk a, Ni chu a sa vawl vawl a, kawngkawiah an han inher dawn chiah tih chuan tuboh leh tuboh han intauhtir bawp ni awm hian rifle alo ri a. A hmalama sakawr pakhat chu a thi nghal der a. Lungpui phen aṭang chuan hmaituam pakhat hi rifle ngul zei fe a vuan chung hian alo ding chhuak a, " Boys, phar rawh ule, in lu chungah reng khan dah ula a ṭha ang. Englai pawhin van lam khi han chibai tum niawm takin awm rawh u, khawngaih takin lo chhuk rawh ule,. Driver, fimkhur rawh, chutilo chu....."
Rifle chu apuak ṭhak a, meikhu tlemte alo chhuak a, angul chu anghing dawt a, driver chuan a dar dinglam chu a dawm ta ngawih ngawih a. Chu rukru pa chuan, " A va pawi teh hlauh ve unaupa, khatiang thil kha tihtur ani lo asin," a hanbti a, chupa che vel chu azei em avangin han hnial mi rual anilo tih an hre ṭheuh a. Thsen an han hmuh phei chuan chet thawh an chakna zawng zawng a bo nghal vek a. Gregor pawh chuan , " Ka vanduai ṭum anih hi,"ti nuah nuah chungin midang ding tlar chu a zu dinpui ve a. 🕴🕴🕴.

A ṭanna ni bawk a, ti zawngte phawt hi aw, ngaihnawm maw? Nawmlo maw? Han dah veleh thawr phawt mai ang hmiang.
(A bul ṭan ṭhat hi a chanve zo tluk ani, an tia mi kha,,? hei ka rawn ṭan e, a ṭhat leh ṭhat loh chu chhiartute thu thu nimai teh se,,
Ka lawm e.)
T Lalrin mawii.
Khuangleng Venglai.

[Ngaia]

Bung 3.
BARRY CHRISTIAN SAKHMELMAWIA

Re-type, T. Mawii.
(A tawi deuh nain ka rawn dah ta mai e).

Driver chu a tukkhum a chhah ve tawk hle ni tur ani, a sakawr thi tawh chu va en leh kher a tum a, hmaituama chuan, " Unaupa, penkhat lek pawh i pen leh vaih chuan nichina ka kahna aia thuk hretah khan ka kap leh ngei ang che," a lo ti a. Chu driver chuan anchhia a'n lawh leh hram a, chu driver palian pui, samsen therthur, hmuihmul kuai vun mai chuan, " Silai ka keng hleinem, nichin pawh khan sahdah hmuam tumin a sin ka ipte ka zen. Silai khawih ka tum reng reng lo. Mahse, iduh chuan min kap tho la, ka sakawr molly hi i kaphlum nge hlumlo ka en reng reng dawn," a ti ve ta tlat mai a.
Misual pa silai tin pawh chu ngaihsak miah lovin a sakawr lam pan chuan a kal a. Misualpa pawh chuan " Pu a, i tidik mai thei, Khai le, naute u, ka insiam chhungin inhnunglam min han chhawn zawk teh u," a ti leh ta a. A insiam rem chhung chu a reilo kher mai. A rifle chu a dah ṭha a, a puakruk aphawi nghal vat a. Apuakruk chu a hmai zawnah lek chho lovin a kawngzawn ah alek kawh a, a puakrukah lah chuan a enzawnna a awm heklo. A kut zungchal pawh chu ahmehperna ah a awm hek lo. Chu ai chuan a hmeh perna chu a kut zungpui chuan avuan ran a, a thlah vaih chuan a puak dawt mai dawn ani. Chutianga silai tawk chi reng reng chu pawngzuam ngawt chi an nilo tih a lang reng mai.
Chuvangin tumah chuan hnial lovin hnunglam an chhawn ta vek a.rukru pa chuan a dinglama puakruk keng reng chungin a veilam chuan hneh deuh maiin a dap ta zeih zeih hlawm a. Khawilai hmun mai pawh chu a dap hneh hle zel mai. Kilkhawr tak tak aṭang hian eng engemaw hi arawn phawrh nawlh nawlh a. A thil phawrh apiang chu leiah a dahthla zung zung zel a.---Sana, rangkachaka siam erawh chu a ipte ah a khung zel thung. A thiltih apiang chu a zei em em zel a, a tleirawl deuh ber hnenah chuan an thawnhnaw dahna sakawr tawlailir thlun zawmna chu zai chat turin a tir a. A'n zaichah chuan an thawmhnaw la bang zawng zawng chu kawnglaiah chuan a lo lumchhuak ta vek a, an thinrim chu an phun nawk nawk hlawm a.

Rukrupa chuan, " Naute u, a va pawi tehlul em !! Mahse, thilawm zawng zawng hi hmuhkim vek ka duh tlat alawm. Thil hlu deuh chu ka duh vek a, mahse suahsual vang chuan engmah ka tihchhiat sak dawn lo che u. In thawmhnaw pawh pakhatmah ka laksak lovang che u. Inla duh chuan darkar chanve hnuah inlo kir leh dawn nia. Mahse darkar chanve hmaa lokir in awm vaih chuan nichina driver dara ka kap kha ka themtlaw vang ani lo tih a hringhranin ka lo hrilh ang. Pa nunnem tak ka ni nain ka tiam hun hmaa hemi hmuna lo kir leh in awm chuan ka nunnemna hi ka hloh vek mai ang tih hlauhawm tak ani.Driver,i sakawr hmahruai kha chhuah leh law law rawh. Kawppui pawh aneih tawh loh kha, chu bakah ka duh ve hranpa reng reng a," a han ti a.
Driver chuan ngawirengin a sakawr hmahruai la dam zawk chu a phelh mawlh mawlh a, a dinglam ahman theih tawhloh avangin a veilam ngawtin a khawih a. Leia sakawr tlu reng chu a'n en a, " He sakawr hian helai khaw inkar kawng hi a hrechiang em em a, zurui chunga ka khalh pawhin tlai miah lovin ahun diktakah ka kal tumna min thlenpui ṭhin, nula ang mai ani a, ka hmangaih a ni,"a han ti a. Tawlailirah chuan alawn leh a, passenger pakhat chuan ahliam chu lo tuamsak atum a.
Driver chuan, " Ka bulah hian lo ṭhu la, ti tur a ka hrilh hunah che a pawh dinna hi pawt ringawt mai rawh. Crow's Nest kan thlen hma chuan enkawl ka duh miah lo. Misual vakvai pakhat pawh pa pasarihin in ngamlo ania, indawihzep hlawm emai, in thisen dawihzep hi ka kai ve ang tih pawh ka hlau hlel lo" a ti a. A mittui aparawl ṭeuh mai a. A ṭhutnaah chuan a'n ṭhu a, midang pawh chu an ṭhutna ṭheuhah chuan an ṭhu a, tleirawl pakhat chuan apawh dinna chu pawh tumin a'n vuan a, chutah rukru pa chuan," Hei, nang kha, kha a hnung ami kha, ka bulah lo kal rawh," a rawn ti a. An vaiin an lehhawi ṭhap a. Puakruk kua chuan Duff Gregor chu alo melh ran a.

Gregor chuan, " Keimah maw," ? a han ti a.a ṭim sung sung a, Rukru pa chuan, "Nangmah ngei kha, i ban kha phar rawh. Chet thawh i tum vaih chuan ka duk zawt mai ang che. Âtmu lian ka hrereng che a sin,"a rawn ti ta mai a. Gregor chuan angaihna a hrelo kher mai. Mengkhup lup chungin sakawr tawlailir tlan liam lai chu Gregor chuan a en reng a, passenger hovin anchhia an lawh mawlh mawlh chu a bengah chuan a cham reng a. Chupa leh Gregor-a in kungkaih theihna tur thil tamtak a awm. Gregor-an midang pawi alo sawi tawh zawng zawng chu ziak vek dawn ila lehkha tui bur te deuh chu a sitawm mai awm e. Chu puakruk kengtu pa chu lehkha denna alo bum tawh emaw,a zu rui alo nan fuh a, a lo chinphar hrep tawh pawh ani mai thei.
Chu rukru pa chuan tawlailir kalliam lai chu a thlir reng a,,chutah Gregora thinhnunah chuan apuakruk chu arawn tin a, thinrim tih hriat reng reng hian, " Ka kutah vawihnih ilo tlu lut tawh a, tun hi avawi thumna ani a, a hnuhnung ber ani nghal bawk ang. Mi hre nange,?" a han ti a. A thinrim em avangin a aw chu dar vuak ang mai hian ari bawl mai a. Gregor chuan, " Ka hre lo che," a lo ti a. Chupa chuan, "I danglam ta hle mai, i danglam tawh lutuk a, ka hai palh thei mai dawn che alawm. Min hrelo takzet niin a lang. Nang chu ni ila, ka aw ah ringawt pawh hian ka hrethei ang che, ka hmai hi i duh chuan ngun takin en rawh ,Jim Silver,"a han ti a. A hmai khuhna chu a pawt thla nghal a.
A hmai khuhna hnuaiah chuan chupa hmel chu alo lang fai vawr a. Fin hmel hle hian alang a, a chhelo hle lehnghal a. Mahse, a hmelah chuan nunrawnna engemaw hmuh tur a awm tel tlat thung. Mikhualpa chuan, "Jim, i duhzawng ani vak nange, ? Jim, Jim Silvera mi ropui chu tawlailir rawknaah a ban an phar tir vu mai ani maw!? Tunah hian i dinna hi thihna aṭangin second sawm chiah a hla ani. I vak rei tawh bawk a, i thih a hun ve ta anih hi. Nang ka thah avang che hian naktukah pawh min khaihlum phah dawn se lawm takin ka thi mai ang," a ti a.
Gregor pawh chuan a thih teuhzia chu a hai miah lo, khaq lo la awm tura kal a duh siloh chuan rangtaka thil angaihtuah aṭul ani tih a hre ve reng a. "Unaupa,min hresual hlauh ani,.tunah hian ka hmai lehlam hi Ni in a chhun thei lova, a hlim lamah a awm a, lehlam min han hawitir la, Jim Silvera hmaiser ang kha ka pu em tih i han en teh ang,"a ti a. Chu mikhualpa chuan ,"Iau,"?a han ti a. Chutah Gregor chu akokiah avuan a,a han pawther a,thinrimin a phun ta nawk nawk a. "Lo hriat ve tawh awm tak. Jim Silvera'n mipakhat a in mantir duh lovang tih chu lo hriat ve awm. Hetiang em em a Jim Silver-a ang hmaifang hi tu pek che nge?"a han ti a.
Gregor chuan, " Unaupa, ka hmel chuan Jim Silvera hmel a ang pawh a lo ni ta ve ang, mahse, Jim Silvera chu anna chhete pawh ka neilo," a han ti a. Chu rukru pa chuan, "Lehlam zawng a han en chuan alo ang vak hleinem maw tak le, beisei naa ka khah avangin ka mit a del pawh alo ni ta ve ang. Mahse, leihnuaiah i leng teuh hle mai, lo kaphlum che ila, mi tam tak tan chuan a ṭha zawk ang,"a han ti leh hram a. Gregor chuan, " Silver-a ka an vangin maw?Pu- a,lo ngawiteh, Sakawr tawlailir ulo rawk kha ka tan chuan a lawmawm ta zawk hlein ka hria, ngaihdan ka nei ta.,"a han ti a.
Rukru pa chuan,"Enge i ngaihtuah,"a han ti a. Duff Gregor chuan, "Ka duh duh, naupang infiamna leh silai ka thliarhrang thiam a, chaw tui leh tuilo ka hria a, satuihang oawh hi belah dah lo mah ila, a tui tho tih ka hre ve a sin," a han ti a. Mikhualpa chuan "Tunge ka nih rindan i nei em,?"a lo ti a. Gregor chuan,"Barry Chrustian pawh ni la,a mak ka ti nang, i nih ka rin miau che avangin,"a ti a. Mikhualpa chuan, "Amak i ti lovang maw? Silver-a lellul hian hian sakawr tawlailir rawk duh khawp, misual naran angin min siam anih hi ka hmel hi ngun takin en la, thluak i neih chuan Barry Christian ka ni tih i hre thei ang,"a ti ta a.

Keifangah Power an siam a, darkar 48 aia tawilo zet current awm lo a, power bank pawn a daih meuh lo ta ni.hei alo awm leh chiah e.

Mi tupawh an inhmuna ding a, an pheikhawk i bunpui ve zet loh chuan, SAWISEL mai ngai suh ang che..

T. Lalrin mawii
Khuangleng venglai.

THE FALSE RIDER .
Lettu..PL Liandinga.
Re-type, Tmawii.

Bung 4.
A KILA LUNG PAWIMAWH.🕴

Chumi hnu chuan mel sawmhnih zet an tawlhsawn leh ta a. Gregor chu Barry Christiana'n a sawm nasat em vang a Christiana hnena awm ve ani a. Gregora duhthlanna chu ani chiah lo. Mahse, a hnial ngam tlat lo. Chu Barry Christian-a, misual hmingthang , sorkar danin a hrem theih reng reng loh chu hnial mai mai mi ani lo. Barry Christian chu misual lawtlak, pawi tinreng tawhnaa in hnamhnawuh ve zel mai, misual zingah chuan Choak zingah chuan mupui fu ve vung ang maia chungnung ani a.mahse, Jim Silver erawh ala ter pha lo deuh tih mai ani . Jim Silver chu ṭhatna entir nana hman tlak anih laiin Barry christian chu sualna entirna atana tling tham ani a.mahse, anmahni ve ve han ngaihtuahin Silver-a chu a chungnung zawk tlat ani. Gregora suangtuahna ve te lah chu rang lutukin Barry Christiana chuan a chhuidawn thiam ni hian a lang a. Tum dan huallawk aneuhte chen chuan hre vek ni mai hialin a lang. Barry Christian chu chutiang mi chu ani, a tana a hlauhthawnawm zia pawh a hre ve renga arinawm tehlul nen Gregora chu ahnungchhawn lamah a dah fo va, hmingthangin lar teh mahse, Gregora silai mu pakhat lek chuan a tihlum ve thei tho va, a thah vaih chuan dollar 15000 a hlawh mai dawn bawk.
Gregor-an Barry Christiana a thah vai chuan a hmingthan dan tur chu pui tak ani. Chanchinbu ah ahming a chuang uai uai ang a,mitinin an sawi sup sup ang a, a chanchin chu hnam chhuina buah te pawh a chuang ve hial dawn ani. Chutiang thil chu Jim Silver-a bula a awm lai pawh khan Gregor chuan angaihtuah ve tho va. Niamhsela Gregor chuan miropui thah hi a harsat ani ang e. Christiana bula a awm lai oawhin thah tumin a kut alek lova, Silvera kianga a awm pawhin a lek hek lo. Christiana chuan bel leh caw eina buatsaihna thuamhnaw ṭha fe fe hi alo pai a, chaw tuitak an ei dun ta a, Gregor chuan chaw tui tak hi a lawm tlat.

Christiana chuan, "Hmanah chuan ngunthluk takin thil tak tak tih tur ka ngaihtuah ṭhina, ka thil ngaihtuah te pawh apui hlawm ṭhin kher mai. Mahse, tunah chuan ka lo tla chhe ta a. Tawlailir naran te ka rawk vel ta mai mai a, a chhan i hre duh em?" a 'n ti a. Gregor chuan "Duh e," alo ti a.
Christian-a chuan Gregor-a mit chu a melh ang renrawn a, " Jim Silver-a hrethrut hian min tikhawlo zo alawm mawle, vawihnih zet min ti buaia , a vawihnihnaah phei chuan mi a ṭhuai hneh deuh a, ka mihlun te pawhin min ring zo ta lo ani. Hun harsaa kawp tlak lovah min ngai ta niin ka hria a, mahse ka theihtawpin ka ṭang a, ka huikhawm leh thei hram ang chu," a ti a.
Chutia atihpah chuan a thil lak chu a chhepṭha mawlh mawlh a, dollar sangnga zet a lo tling a, chubakah Sana te, lung mantam leh eng engemaw ala awm ṭeuh bawk a. Christian-a chuan dollar sangkhat leh nepnawi zawng chu Gregor-a kutah chuan a hmehbel ta chawt a. Gregor chuan, " Engatinge,?" a lo ti a.Christian-a chuan, "A tawplam ah khan i tel ve ta alawm,"a han ti a. Chutah, "Ka thawhpuite reng reng chu ka sem ve ziah,"a han ti leh nghal a. Gregor chuan, " I lamah ka ṭang lo. Hun remchang chu nei ila, ka kaphlum daih ang che,"a lo ti khawl mai a. Christian-a chuan, " Khangte kha chu kan inhriatchian hma a lawm, Ka pawlah i tel tawh a, nangmah aṭang hiaa ka lungphum ka rem ṭan leh dawn a ni. Tun hma aia lian khan ka inti nghet dawn."a ti mai a.
Duff Gregor chuan a chanai chu a en vung vung a, ngawi rengin a ipah chuan a khung ta mawlh mawlh a. Christian chuan, " Mahse, ka mite zinga mi angin in ngai phawt la ka duh ani.," a ti a. Gregor chuan, "Engtinnge i mi leh sa ka nih ka phat theih ang? I mi leh sa angin mi ngai la, i mi leh sa ka ni mai alawm. Nang phatsan duh khawp che in ka â tawk lo. I chanchin hi ka hre ve hle a sin. Ka hre viau anih loh pawhin a ṭhen azar tal chu ka hre ve tho. Mahse engahnge kei kher mi thlan? Ka mizia i hre silo,"a ti a.

Christian chuan, "Mi silai a ja tin chuan an mizia tamtak ka hre mai ṭhin,"a ti mai a. A kut zungṭang sei pui mai chuan a sam sei deuh mai chu a zut hauh hauh a. Khua avawh tak deuh avangin a nghawngah chuan puanthem hi a suih talt a, a nalh kher mai. Chutianga hmelṭha pa thiltithei hmel chu Gregor chuan la hmu lo hialin a inhria. Christian chuan, "Jim Silver-a ang em em chuan Jim Silver-a ang bawkin thluak pawh a nei ve tur a ni,"a han ti a. Gregor chuan ," Silve-a chu a fing hle ani maw?" a ti a. Christian chuan Gregor chu no lo fe maiin a han melh a, "Silver chuan vawihnih mi hneh tawh. Chuchuan a hril tawk bawkin ka ring," a han ti a.
Gregor chuan," Hneh mah che sela enge a hlawkpui ang? Chinghne ṭhian neilo ang maiin a vak vel mai mai si a. Kutdawh chaw ei ang a ei a, mi vakvai ang maiin a inchei bawk a; dan pawna hnawhchhuah ang maiin khua a kal lahin a tan ahlauhawm ve tho si. Enge a dam chhan,?" a han ti a. Barry Christian chuan," Hlauhawm raw sek sek, a duhnaah chuan akal mai zel a ni. Khawvelah hian ama duhdan chauh a sin a zui. Khawthlang rama sakawr ṭha ber a nei a, a tlanbo zung zung mai ani. A koh phawt chuan mi hausa e,rethei e, a tana thi duh tur tamtak an awm a sin," a ti a.

Gregor chuan," Mahse, a tana thihna hun remchang an neilo a ti raw. A mah chauhin a che ṭhin a,a atthlak lutuk ka ti mai," a ti a. Christian chuan," Keinu tana thil hreawm ber hi ani tan chuan thil thlakhlelhawm ber a ni talt ani," a ti a. Gregor chuan," Mi sawidan phei chuan hmeichhia phei chu pakhatmah a ngaina lo ani awm asin."a gi a. Christian chuan, "Hmeichhia a hmangaih ve chhun chu e, Gregor, mitmeng fiah em em mai ani a, keini ang phei chu min melh ringawt pawhin kan zâm mai ṭhin a, chu nula hming chu 'Hlauhawm,' a ni a. Chu chu Silvera damchhan ber a lawm,"a ti a. Gregor chu a bu nghut nghut a.
Christian chuan," Silver hian hna a thawk tam tawh khawp a, a hming hi khawthlangah chuan hrelo fa an awm tawh lovang.Khawchhak lamah pawh khian chutiang bawk a hmingthang chu anih ka ring, amah hmu tute hi chu an tam vak lovang , a khawsak danah hian pa intheh tlanglawn lutuk ani lova, mahse a hming ringawg pawh hi tlang sawn theihna khawp hial a thiltithei a ni."a ti a. Gregor chuan ,"Engvangin?"a lo ti a. Christian chu angawi reng a,a mei chu a pak talh talh a, a in ngaihtuah muk hle a. Chutah, "Gregor, ka lamah i ṭang em?"a han ti thut a. Gregor chuan ," A tawp thleng rakin,"a lo ti a. Christian chuan, " Chuti, chibai inbuk ang,"a ti ta a.

An han invuan chat a, Gregor chu Christian'an a en ngun em avang chuan a meng siar siar chauh a. Chu an inchibai chu Gregor-a tan chuan a nunkawng danglam ṭanna tur ani tih a chiang hle a. Thihna kawngkhar lamah a tawlh hnai lek fang ni te pawhin a lang. Nimahsela Gregor chuan chutiang han tawnluih chakna rilru chu a nei ve tlat ani. Chrstian chuan, " Tunah hian ngun takin lo ngaithla rawh, Silver nen in intiat thawkhat hle a, mahse ani ang em chuan i dar a pharh ṭha in i kawng pawh a fek ve lo. I sehhel hmel nep deuh bawk.mahse, in inang khawp mai, i hmai pawh hian chuti lutukin a ang lo nain, kei meuh pawh thimhmulah chuan min bum thei khawpin in inang a ni a, in inang thawkhat tih chu a hriat mai. Thimhmulah kei mi bum theih chuan mi zawng zawng tih theih deuhthaw hi chhun khaw êngah i bum thei dawn tihna a ni. Silver-a ang deuhhlek zawk turin ka chher dawn che a ni."a ti a.
Gregor chuan," Engtin maw?" a han ti a. Christian chuan, " I chal leh i beng inkarah sang takah khan samṭuak ang deuh a tawn tawnin kan siam ang a, i hmaiah ser lem kan dah bawk ang, darkar hnih chhung velin chutiang chu ka peih thei mai ang a,ka siam zawh hnuah chuan enlenna nen lo chuan alem ani tih hriat theih ani lovang. Thil pakhat--- Parade ang tak sakawr i mamawh a ni."a ti a.

Gregor chuan, "Ka chhe vek zuk nia, Parade kha ka hmu a, a ang sakawr dang a awm lo tih ka hrechiang ani,"a ti a. Christian chuan, "I hresual anih chu, Sakawr rawng êng pakhat, Parade ang chiah a siam theih ka nei a lawm. Parade aiin inchi khat pawhin a tê lova, Parade aiin ser khat pawhin a rit zawk hek lo. Parade ang mai a hawi vah mai a sin. Heta ṭanga mel sawmhnih vela hla ranch pakhatah a awm ani," a ti a. Gregor chuan, "A ke zawng zawng a khup hnuailam a dum vek em ni,?" a han ti a. Christian chuan, "Pakhat chauh a dum, mahse rawng hnawih theihloh a ni dawn em ni Gregor? Chu sakawr chu dollar sanghnih emaw sangthumin ka lei thei ang a, chu sakawr chunga i chuan ngat chuan khawi khuaah pawh kal la, an bawr mup mup mai ang che. Kan pahniha kan chet dun ngat chuan kan duh duh hi kan neizj mai dawn a ni. Entirnan. Crow's Nest te ang te hi.? Bank lian tak a awm ani lo'm ni? a'n ti a. Gregor chuan a hrethiam ve ta a. A ban a'n phar duai a, "Lalpa duh tak, a va tih chi em ! Khawvel hi kan pumbilh mai dawn e," a han ti a.

Engpawh lo niin ka chungah lo thleng se.
LALPA,
Misual ka ni a, ISUA KRISTA'N min chhandam tih hi hrereng turin min pui ang che.🕴
T Lalrin mawii.
Khuangleng Venglai.

[Ngaia]

THE FALSE RIDER.
Lettu ..PL Liandinga.

Bung 5..
CROW'S NEST LAITUAL NUAMAH.

Retype ..Tmawii.

Chumi hnu rei vak lovah chuan Crow's Nest chu a phusa kher mai. Mitin mai chu anmahni tawk tawk cbuan an hlim hle a. Damlo tamtak, damna duha Crow's Nest rawn pan te pawh chu an vei vung thur thur mai a. Rilru a hlim miau chuan rmtaksa chu adam mai zel niin a lang. Meipui ang maiin an hlimna chu a sosang zual zel a, naupangte chu an veikual chhen bawk a. Chumi te hlimna chhan ber chu kawtthlerah chuan muangchangin an lo chho bauh bauh a.
Pakhat chu samsei tak mai,mithmul dum tak. Hmuihmul meh tawi tektawk, rual ṭha fahran mai ani a. Ahmai a ser deuh a,chu ahmai ser avang chuan a ṭhen deuh reng hian ahriat a. A hmel chu a naupang hle a, a vunrawng leh a sam chu a inmillo tlat hian a hriat a. A chhan chu a sam chu avar a,a vun erawh cbu amam ṭha em em si a. Thawmhnaw buang, hlui tawh tak a ha a, Sabengtung pawr fe chungah hian a chuang a, amah chu hmalamah a kun deuh a,a dak deuh hlek bawk a, Sakawr tlan nghawr zawng chuan akiu chu a insep darh darh a, sakawr chuan athiam lutuk lo a ang hle mai.
Chu pa chu mi pawhin an en duh hran lo.En duhna chhan tur vak a awmlo reng a. Miin an en ber zawk chu sakawr êng lianpui chunga chuang chu a ni. Chupa chuanna sakawr chu a ṭha tih hi a hriat khawp a, a pen zawng chuan a ṭum deuh elh elh hian ahriat a, a lian em em a. A chunga chuang lah chuan sakawr chungchuan a thiam tawk tih hriat reng reng hian hneh deuh maiin a thunun a. Chupa chu palian tak, la upa lo tak, buang thung mai ani a. A bulah chuan akhaw naupang zawng zawng chu an bawr luih luih a,an zuang vel a,an au chelchul bawk a.
Hla deuh aṭang tein an lo kalkhawm a,vaivut chu a khu rum rum a, naupang tê deuh te chuan sakawr lianpui chunga chuang ke nghahchhan chu khawih teh an lo tum bawk a. Khawthlang ramah chuan mi an intihvei theih tehlul nen tumah chu intivei awm miahloin an hlim viau vek nimai hian alang a. Pa pakhat phei chuan alukhum a vai a; "Jim Silver, Three cheers.for Arizona Jim !," a han ti a. Chutah chuan sakawr lianpui chunga chuang chuan alukhum a phawk a, mipui lam hawi chuan alu a'n bu a.
Nu pakhat chuan ," Silver-a ani, a samṭuak, ran ki aag tak pawh ka hmu alawm. Silver-a mifel tak hi,"a han ti a. Chutiang tak chuan mite cbu hlim mup mup mahse, mi ṭhenkhat chu an hlim ve hauh lo mai. Hotel pakhat aṭang hian mi pakhat, sang tak, hmuihmul seipui mai hialo chhuak a,a kokiah chuan kawmawl che fe hi apu hnu hnu a, chu chu sakawr chungah aphah lawk a, a tlan ta chiam mai a.a lukhum chu thliin a'n chhem thlaksak lehnghal a, chu pawh chu a chhar duh tawh lo. Chutiang deuh bawk chu mi tamtak an awm ve a. Silver-a hming lamrik an hriat veleh an tkan nghal sang sang mai ani. Pawisa khelh chingte leh sumdawnna thianghlimlo tawk ṭhinte chuan Silver-a hming ringawt pawh chu silaia tin tluk zetin an hlau ani. Silver-a chuan enge arawn tuh dawn pawh hrelo mahse a tawpah chuan tu misual emaw chu a hrem leh ngeiin an ring ṭheuh si a.
Sakawr rawng êng lianpui chunga chuang chuan atih dik mangloh avangin kal pah chuan sam-var-a chuan zawi tein, "I awm kha poh el ul suh , Jim Silver chu pa inngaitlawm ber ani tih theihnghilh mah ta che."a han ti sap a. Gregor chuan, "Anih leh le Barry "a han ti ve sap a. A ṭhu hniam ta deuh a,a chapo nep deuhin a lang a. Hotel kawt an lo thleng a.An sakawr leh sabengtung chuanna chu an thlung ṭha a. Pa pakhat hi arawn kal hnai a,"Jim Silver, hotel lian leh ṭha chu thlanglamah khan a awm, han chho rawh. Helai hi zawng a ṭha ber awmna ani lo," a rawn ti a.
Gregor chuan, "Ṭhianpa ka lawm e, mahse hotel lian deuha thlen chuan pawisa sen ṭeuh angai zel alawm, pawisa hi ka nei vaklo a sin, helai hmun pawh hi a ṭha tho vang,"a lo ti a. Chutih lai chuan hotel neitupa, pa tawite, sa ṭha lenlawn chu hlim deuh maiin alo chhuak a, Gregor chu abanah a rawn kai a, hotel bathlarah chuan a rawn kai chho va. Alo chhoh pah chuan, "Hey, Mr Watson, pawi i tih loh chuan i pindan luahlai kha Jim Silver-a luah tir ila, nang chu pindan hnuailamah phei ta mai che,"a han ti a.
Watson chuan ," Pawiti lah love ka pu, Jim Silver-a tan thilṭha tihsakna hun kan neih tlem tehreng nen ka lawm ngawt ang chu. Pindan luahlai sawm chu nei ila Jim Silver-a tan ka pe vek ang,"a lo ti a. Gregor chuan Watsona lam chu a'n hawi a, chutih lai tak chuan Christian chuan a kheimitah alo chhuih zauh a,"Mi â pa, duh mah ta che,"a lo ti a. Gregor chuan, "Ka lawm e, Mr Watson, i pindan chu ka luahsak thei lovang che, ka tana pindan ṭha ber chu khawilai emaw a hnunglamah hian a awm mai ang. A ,engmah hi ka pawiti vak hleinem, bengchhen lohna hmun tukverh tamvaklo ka duh mah mah ani,"a ti a.
Chutah, "Ṭhianpa i hre ve reng alawm, vawi khatah tukverh pathum aṭangin silaiin an rawn tin rual thei che a. A chhunga awm chuan vawi khatah tukverh pakhat chauh a veng thei dawn ani."a han ti a. Chutia ahan tih chuan an lo nui dur dur a. Chutah Christian chuan Gregora ke chu a rawn rahsak leh a. Gregor pawh chu a ngawi ve ta tial tial a.
Gregor leh Christian chuan hotelah chuan, James Silver leh Thomas Bannet tiin an hming an ziak lut a. Pindan chunglamah an chho va,an pindan duh an thlang a, hnunglama pindan pakhat , mutna pahnih awm chu Gregor chuan Christiana mitmei zarah a thlang ta a. An pahnih chauh a an awm hnu chuan Christian chuan kawng a kalh sauh sauh a, ṭhutthlengah chuan a ṭhu a, chiang tawk tak maiin a ṭhianpa chu a'n melh a. Gregor chuan,"Enge nita Barry, ka ṭawngsual ta pek em ni,?" a han ti a. Christiana chuan muangchangin, "Aih, i tichhe hranpa lo, Nangin i tih chhung chuan achhe hranpa lovang. Khawchhung nula tupawh hi vawihnih i siai peih phawt chuan i nei thei vek tawh ang. I sakawr duhzawng, i ui duhzawng ,i silai duhzawng engkim i nei thei tawh ang. Heti chuan kumkhuain nuam lutukin i khawsa thei tawh ang engvangin,?a'n ti a.
Christiana bawk chuan, " Jim Silver-a i an em vang ringawt hian maw le. Jim Silver-a chuan dan kengkawh tute ṭanpui nan a silai a hmang ṭhin si a."a'n ti lehnghal a. A ṭhutna aṭang chuan a tho va,pindanah chuan avei tawn ta sek a. Chutah, "A za tel paqhin Jim Silver-a tan chuan an thi duh ang,. A lei rahte thleng hian an ngaina vek tawh anih hi. Mahse kan duhtawk a nang leh keiin Jim Silver-a kan haa bawlzan hnu chuan an ngaihdan a dang ve deuh tawh ang chu. Hming ringawt hi chuan sakhmel pakhat chauh a khuh zo lo tih hi hre ve se a ṭha ang. Heng mipui ho hi ka haw tak zet ani. Jim Silver-a hming lawma an au apiang hian chemte zum taka vih ang zawk zawk hian ka thin anâ ṭhin a ni."a ti a.
Tukverh biangah chuan a ṭhu a, tlangsang lama thing ṭo tlar chho ṭhiai chu a thlir vang vang a. Gregor chuan, "I rilru chu ka hriatthiampui che alawm, hetiang mipui bawraw lutuk zi nuai nuai hian pa fingvar deuh chu a tikhawsik thei mai ṭhin. He khua hi tunah chuan ka thuhnuaiah ka dah ta a. Engtinnge ka suasam zui dawn,?" a ti a. Christian chuan Gregor a chhan hma chuan a rilru a siam nasa hle tih a hriat a. " I ti ṭha khawp mai, mahse thil tamtak ka hrilh che kha i theihnghilh ṭeuh ani. Silver chuan ṭawng bungraw diktak leh tluang zaih a hmang ṭhin. Chuvangin zirtirtu leh bawng enkawltu inkar chiah vel hi hmang thei la a ṭha ang. Silver chu mipui hlau niawm tak hian a khawsa a, nang zawng râlrun chak zawk hawlam ang maiin i hawi ta vual vual ṭhin a, boruakah te hian rim hria niawm fahranin i hnar lên niawm takin i dak leh ual ual ṭhin. Silver-a chuan leilam abih a, a nui zen zen ngai lo. Silver-an mi a ên reng rengin ami ena chuan a hrereng tawh ṭhin. Silver-a chu inngaitlawm tak ani."a ti a.
Christiana chuan a sawizawm zel a,."I hriatreng tur pakhat----Nangmah i nilo tih hi inhre reng rawh.i rilru pawh i ti thar tur a ni. Rilru lian tak out i tum tur a ni a,i huaiin i ngilnei hle niin i inngai bawk tur ani. Silver-a chuan khawi aṭang mahin pawisa sen paqh aru lo vang a, a kutlawng pawhin sakeibaknei pawh abei mai ang. Thih chhan tling ni a angaih phawt chuan engvang pawhin lungawi takin a thi mai ang. Unau, keini zawng chutianga duanchhuah chu kan ni ve lo anih hi. Mahse i nihna baka i in lantir angai dawn anih hi.hrethiam em?," a han ti a.Gregor chuan,"Hrethiam e,"a han ti ban chut a.
Miin kawngkhar an rawn kik a, Christian chuan Gregor chu a ṭhutsawn tir a, amahin kawngkhar chu ava hawng ta a. Chu hotel neitu pa chu lehkha kengin kawngkharah chuan alo ding reng a."Pindan hnuaiah khuan mi pakhatin he lehkha hi pe tur che u in min ti a, Silver-a ahmu duh ani."a han ti a. Christian chuan ring fe hian, " Silver chu a damsam rih lo, a chawl hahdam a, tun ṭum hi mut pangai ahmuhna awm chhun ani a,a mamawh em em bawk.Taxi hnenah chuan Silver chuan hmuh a chak em em a, mahse kei a ṭhianpa hian tumah hmuhtir ka tum hrih lo tih han hrilh rawh. Silver chu darkar hnih vel amut zet hma chuan tumah ka hmuhtir dawn lo." a haa ti a.

Hotel neitupa chuan, "Ka hrilh ang e, ka lo hrilh ang e, a ṭhianpa em ni,?"a han ti a. Christiana chuan,"A ṭhian ṭha tak anih ka ring,"a lo ti a.Hotel neitupa chuan, "chuti anih chuan he in hi chu ata a ni mai," a han ti a,akal sawn ta nghal a. Christian chuan kawngka chu a khar a, "A tir phat aṭangin buaina a awm ta pang mai, kan thiltum zawng zawng a sukuk zo ta vek ang ka ti,"a ti a. Gregor chuan, "He Taxi hi tunge ni?"a han ti a. Christiana chuan "Taxi chuan Silver chu a unaupa ang maiin a hrechiang ang chu. Taxi chu khawchhak lam aṭanga misual lokal, hmingthang lutuk mai ani a. Ka kut aṭangin Ailver-an mi chhuhsak ani. Vawikhat chu Silver chu belchhunga sa anga ka ngaih tawh hnuin Taxi alo kal a,a rawn chhuah ta ani. Taxi chu Silver aiin puakrukah chuan amuang deuh hret a,a fing nep deuh hret bawk. Mahse kan tha leh tui zawng zawnga Taxi hi kan dawr loh chuan kan chhe nghal ani mai,"a ti ta a.

Bung 5 ka type sa hi alo bo leh vek a, ka type nawn hmak,
Nu remhre lo,
Pa tal hah, an tih hi ka niang. Hehe.

T Lalrin mawii.
Khuangleng venglai.

THe FALSE RIDER.
Lettu..PL Liandinga.

Bung 6..
TAXI-AN A SAKHMEL A TARLANG.

Retype, Tmawii.

Christiana chu tukverh lamah aphei a, tukverh puanzar chu a pawtthla a. A lukhum chu ala a,a mit khuh ṭhelhin apawt kun a. Gregora hnenah chuan, " I pheikhawk hlip la, i kawrchung kha phelh bawk la, i kekawr kha phelh bawk la, khumah khan mu rawh,"a ti a. Gregor chuan, " Taxi hian enge a tih thiam?,"a han ti a. Chutih pah chuan Christiana hrilh ang chuan ati pah mawlh mawlh a. Christian-a chuan, " Kawngkhar kalhna siam chi reng rengah hian aputtlang thei vek. Pawisa dahna bawm kalhna hi a hre deuh vek bawk a.a hriat vek loh pawhin a kutzungṭang elh rik tluk lekin a hawng thei tho,"a han ti a.
Lukham chu a la a, Gregora hmai hliah thei tur ang ber chuan a'n dah a. Christian chuan, "Taxi chu thil tihtur puitham tak i nei tih i hrilh ang a, amah pawh tunah mai nilo, i mamawh hle a ni tiin i hrilh bawk ang. Chutah khua aṭanga chhuaka i hrilh hma loh chuan lo nghak tur chein i hrilh tur a ni."a han ti a. Gregor chuan, "I ti duh dawn em ni?"a ti a. Christian chuan, "Jim Silver i ni anga angaih phawt che chuan khama zuan thlak tih loh chu a tihsak duh vek ang che,"a lo ti a. Chutah,",Amit en reng reng suh, Thimthamah pawh zawhte ang maiin khua a hmu thei a nia, hnuailam melh tlat ang che, chau em em niawmin awm rawh. A kutzungṭanga atawh ringawt pawhin a hre mai thei ang che. A kutzungṭang te hian mit an nei a nia. Kut thing pawhin chibai buk suh. Hei, i kutkawr hi bun rawh",-a ti a. A sawi tur a sawi zawh hma in kawngkhar chu an rawn kik ta a.
Zawi te tein vawihnih rang deuh hlekin an rawn kik a, chutah a han chawl det a, vawikhat na deuh hlekin a rawn kik leh ta a. Chu inbiakna engemaw tak ni awm tak chu Christian chuan ahan hriat chuan a mit ameng zau kawk kawk a. Kawngkhar chu ava hawng a, a hmaah chuan pa ria deuh, pa vantlang chen awrh chauh hi alo ding a. Chupa chuan kawrchung a ha a, kutkawr a bun a, tiang a hawl tat bawk a. Milem bua mi hi ni mai awm ani a, mahse Christian chuan anuih thei tlat lo.
A kut aphar chhuak a, Taxi kut zungṭang sei sil sel chu a han vuan a, "Hello Taxi, kan putara khan i awm thu min hrilh a sun. Silver chu a chau rih. Awm rei suh aw, a ṭha lo teh ania, a chau em em ani ka tuhna mai a nia."a han ti a. Chutia a tih pah chuan a ding sawn a. Taxi chu alo lut a. A pen zawng chuan thawm pakhatmah a awm hlek lo va. A mit, hnuailam melh deuh reng chu chunglamah a han len zawk a. Khum lam chu a pan a, a kut a phar chhuak a," Jim, Sakhmel tar theilo lunglai thar reng pa," a han ti a.
Gregor chuan akut a phar chhuak a, "A pem deuh alawm maw le, Dam maw Taxi, a han ti a. Taxi chuan, " I bul hnaia ka awm chuan ka hlim em em ṭhin tih i hria alawm," a han ti a. Chutah, "Enginnge chuti taka ti chau mai che,?"a han ti leh a, Gregor chuan alu chuan lukhum chu a nekkhuar nasa zual sauh a, a ban chu a thlak thla a. "Ka buai lutuk, buaina tam zawk tawh tur ala awm,"a han ti a. Taxi vhu a ding a, "Ka inpeih reng e,"a lo ti a.
Gregor chuan, "Nakinah le, mi engzatinnge helaia ilo kal hi hmu che,?"a ti a. Taxi chuan, "Pathum vel an ni ang, Kawtthlerpuiah hi chuan a theihhram chuan ka kal ngailo," a han ti a. Gregor chuan, "Kan sazu hmelchhe hi chuan ka bulah i awm tih an hriat chuan ka deh hman hmain puk ril lam an pan palh ang e,"a ti a.Taxi chuan ,"Eng sazu hmelchhia maw?"a lo ti a. Gregor chuan, "Nakinah le, Taxi,min ṭanpui turin i inpeih ang maw?"a han ti a. Taxi chuan, " Inzawh a ngai hleinem, i hrevek alawm,"a lo ti a. Gregor chuan,"Ṭha lutuk,khua aṭang hian chhuak la,khua aṭanga mel nga mel ruk velah awm rawh. I awmna min hrilh la, ka duh hunah ka rawn ko mai ang che," a ti ta a.
Taxi chu tlemin a tim deuh a, " Crow's Nest khawthlang lamah hian kawng bumboh deuh mai a awm a. Mi pawhin an zawh ngai tawh manglo. Chumi piah lamah chuan mel li mel nga vela hlaah tlang pahnih inkarah chuan puk chhete a awm a, chutah chuan ka lo va awm ang e. Hotel aṭanga ka chhuak lai hi chu hotel neitute tih loh hi chuan min hmu lo tawp ang. Hotel neitute hi an rin ngam angem?"a ti a. Gregor chuan, "Tumah ring suh, tumah an rin ngam loh,"a ti a. Alu a thing mut mut a. Taxi chuan akut a'n phar chhuak a, Gregor chuan alo vuan a, chutah hah awm deuh maiin akut chu a thlauh leh ta hnawk a.

Gregor chuan,"Kan in hmuh leh hma zawng chu,"a'n ti a. Taxi chuan, "I nat zual chhung chu hetah hiaa awm ve thei ila ka ti ngawt mai. Mahse i remruatna hi aṭha ber fo ṭhin a,ka lo nghak mai ang che, sakawr chak tawk tak ka kawl ang a, tlan mai thei turin ka lo in peih ang",a ti a. Chutah, Christiana lam chu a hawi a," Ka hrelo na chein khawiah emaw chuan ka hmu tawh che,"a han ti a. Christian chuan, "Ka hming chu Thomas Bennet a ni.ka vak tam ve tawh em a,khawiah emaw chuan min hmu tawh mai thei ani."a lo ti a.
Taxi chu kawngkhar lamah chuan akal ta a, mahse, engemaw sawi tum niawm tak hian akâ a han ang zuau a, Christiana chu a'n melh zawj a, engmah sawi ta lemlo chuan a chhuak ta mai a.a chhuah paha kawng akhar zawng chuan kawngkhar chu ari hlek lova. Duff Gregor chuan,"A nih leh--a'n ti a.Barry Christian chuan ṭawng rihlo turin alo zaizir thuai a. Gregor chuan Christian chu thimthamah chuan ava en a. A ṭhianpa chu thlanin alo bual deuhthaw ani tih ava hmu a. Christian chuan,"Ava hahthlak ve le !a hahthlak lai ber ani mai thei, kan pel fel thawkhat chu a ang hle,"a'n ti a.
Kawngkhar lamah chuan aphei a, kawngkhar chu a hawng a.a en vel a.alo lut a, ṭhutthlengah chuan aṭhu ta hnawk a."Kan zawhte liana kha, amit ang kha i hmu ngai em? I tho thei ta e,"a'n ti a. Gregor cbuan ,"Aninin ka ning hluah hluah hman,"a lo ti a. A lo tho va, athuamhnaw chu a inbel mawlh mawlh a. Ani pawh chu thlanin alo bual ve titih a. Christian chuan," I ti ṭha khawp mai, a aia ṭha a ti thei kha an awm kher lovang. Mahse rinhlelhna ala nei cheu ani."a ti a. Gregor chuan, " Unaupa, amelh chiang tawk kher mai che."alo ti a.
Christian chuan," Min hre teuh ther ther hle mai.mahse Jim Silver leh Barry Christian an awm dun a ring ngam lo ani mai thei, min hre lo tluanchhuak pawh ani mai thei bawk. Silver-a chetdan chu i chetdan kha a ni.thu tlemte a sawi a,a bak chu angaithlatu ngaihtuah zui atan adah mai ṭhin."a han ti a, Christian chuan ,"Taxi kha akal zawng khan ri engmah zuk awm lova, zawhte ang mai ani. Silvera hi chu vannei tak ani. Taxi aia hlauhawm ṭhian kawp tur a hmu lovang,"a ti a. Gregor chuan, "Keioawh chu chu ka ngaihdan ani, zawhte ka tehkhin ber mai, engatinge pawisa pe a i lamṭanga ilo siam mai loh?," a lo ti a.
Christian chuan,"Isawi chu ka hrethiam khawp mai, hmanlai chuan chu chu keipawh ka rilru ani ṭhin.mitin hian lungawina tawk pawisaah hian nei ṭheuhvin ka lo ring ṭhin a, mahse chu chu Jim Silver ka hmuh hma ani. Ani tan chuan oawisa bi bawlhhlawh tling khawm mai ani a. A uisathiam hruai Taxi tan pawh khan pawisa hi bawlhhlawh ve mai tho bawk ani. Lunghlu kuttum tia pawh pe ila,engatan mah ati lovang,"a ti a. Gregor chuan, "Kei pawh he khua aṭanga kan in chhehchhuah thuai hi a ṭul in ka ring,"a lo ti ve a. Christian chuan, "Kan chet vat vat angai tawh ani. Taxi a thluakah rinhlelhna alut tawh a.enchiang turin alo kir leh mai thei ani."a han ti a.

Gregor chuan, "Khuaa hlim leh lawm awm tak mai a ka lâm lut leh khuma hetia chau awm tak mai a ka mut hi ahriat kawp a, a khaikhin palh mai chuan a fello viau mai lovang maw?" a ti a. Christian chuan, "Fello teuh nang, Silver hian ahunah chuan Setana pawh bum thei khawpin a taksa hreawm hia tuar thei ṭhin tih Taxi hian a hre tlat alawm. Kan chet vat angai ani ringawt mai, kan chet fuh chuan Jim Silver'an nihna pahnih anei tih a inhriat hmain vanneihna tham lawih pawisa kan nei dawn khawp mai. Khua kan chhuahsan ang a, Crow's Nest aṭanga mel nga velah chawlhbukah ka leiba kumhlun ka va ṭhing anga, chutih hunah chuan khawvel hi mi pakhatin a kiam dawn tihna ani ang a. Chu mi pakhat chu Taxi hi ani ngei dawn,"a han ti a.

Mi suaksual chuan apuk a,ape leh ṭhin lova;
Mifel erawh chuan mi a khawngaiha, a pe zawk ṭhin.
(Sam 37:21.)

T Lalrin mawii.
Khuangleng venglai.

THE FALSE RIDER.
Lettu..PL Liandinga.

Bung 7..
PAWISA RIM A NAM ṬAN.

Retype..Tmawii.

Chumi ni chuan emgmah dang vak ti lovin Gregor leh Christian chuan khawchhung chu an fang vel a. Vawi sawmnga vel zet tur chu mihrang hrangin an lo ti dingin zu inpui atan an lo sawm ṭhin a.mahse, Gregor chuan," Ka lawm e, mahse, tun ang hunah zu ka in ngailo,"a lo ti ziah ṭhin. Christian chuan ,"I aw ti zawi deuh la, ṭhen zen suh. A nuih phei chu nui mang hauh suh. Ngilneih hmel tak leh hah hmel deuh takin lang rawh." tih te chauh hi Gregor chu ahrilh mawlh mawlh reng a. Hotwl pakhatah chaw an ei a, chu hotel chu an va luh hma lawk lawk chuan mihring lu hlir mai hian akhat hmur mai a, nimahsela chaw ei tura an han ṭhut meuh chuan an oahnih chauh chuan hmun fianrial takah chaw an ei thei ta a. Chutiang dinhmun a din chu Gregor chuan nuam hi a'n ti nasa khawp mai a. A hlim lutuk hi alâm lo chauh hi ani mai ṭhin a.
Mipa naupang, kum sawm mi vel tur, hmai paw em em mai, thlanin aleih huh dap, infiam zo hlawt tih hriat reng reng hi alo lut a. Gregor-a hnenah chuan " Mr Silver, ka ṭhiante'n i hnena lo kal a chibai ka rawn buk ngam che hi an ring lova, kan inchawi asin. Hei ka lo kal ta a ni. Ka hming chu Joe Crosby a ni," a rawn ti a. Gregor chuan akut chu nui chungin a phar chhuak a, Christian chuan chutih lai tak chuan dawhkan hnuaiah na fein alo tlawh zawt a. Gregor chu abul aṭangin a'n ding ṭha leh a. A ṭhen ṭhu chu nui hmelin athlak nghal bawk a. "Joe, ka lawm e, i ṭhiante leh nang hmuh che hi nuam ka ti hle mai. Enge ka tihsak theih ang che,?" a han ti a.
Chu naupang te chuan hlim deuh maiin, "Min tihsak theih maw!? Parade chungah sawn mitkhap kar tak tak te chauh min han ṭhuttir zawk teh, chu chu min tihtir phal angem?"a ti a. Gregor chuan,"Naktukah le, Naktuk zingah Parade nena kan awm dun hunah le,"a lo ti a. Chu naupang chuan hlim deuh maiin a ṭhiante awmna pawn lam chu apan phei a.akal pah chuan a zuang zak zak a. Christian chuan,"I ti ṭha e, mahse, chhiahhlawh thawmhnaw thar pek ang maiin nui vur vur suh."a lo ti hlak a. Gregor chuan hlim lutuk aw khur dur dur chungin, "Chu ai chuan ka hlim daih (hahaaa ka nui tm) he khaw roreltu hi niin he khaw leilung hi duh leh ka hralh thei ang chu, Jim Silver ka ni tawh miauva," a ti a.
Christian chuan nui chungin, "Chutiang ngaihtuahna hlimawm tak tak chuan lo in hnawhpuar rih phawt la, mahse, mi tak tak, sa tak tak i tawh palh hlauh chuan buruk hrui zaichah ang vang vang i ni mai,"a la ti ta cheu a. Chumi zan chuan an mu hma hle a, mahse an mut hma chuan an ṭul ve tak zet mai. Khawi khawi aṭangin emaw chanchinbu mi an lo kal khawm a, Gregor chu biak teh an rawn tum a. Mi chi hrang hrang chuan Jim Silver (Gregor) chu chibai an rawn tum chhen bawk a. Gregor chu kailawnah alawn chho va, chutih lai chuan Christian chuan ring fe maiin, "Ṭhian te u, kan pu hi a chau tawh ani. Inchungah alawm em em nain vantlang zinga din tohluah hi a duhzawng ani tlat lo. Amaherawh chu Crow's Nest ah hian awmhmun benbel a tum deuh ani awm e. Khawdang zawng aiin a ngaina a ni."a han ti a.
Christian chu an mutna pindanah chuan ava lut a. Gregor chu alo mu a. "Christian, han ngaithla teh, hlimin an chiau teng tung anih chu, an au hla chu Jim Silver-a malsawmna hlirin a khat ani. Ka ten hluah hluah hlawm mai. Heti taka ropuina leh duhsakna hlawh tur hian Jim Silver hian enge a tih chiah,"a lo ti a. Christian chuan ngaihno beili deuh mai hian, "Engvakmah, a tih ang chu i ti ve thei vek ang chu, silai kah thiam ber han ni phawt mai la, sakawr chak ber han nei leh phawt la, miaual i hmuh phawt chuan, inring leh inring ngeiin i nunna han thap zat zat mai la a tawk mai. Engmah dang tih angai lo. Chutia i tih phawt chuan kum reilote hnuah , i thih loh pawt a, i vanneih bawk chuan Jim Silver-a ang mai a hmingthang ji i ni ve mai ang,"a ti ta a.
Gregor chuan inchung lam chu amelh vung vung a,"Barry, min dawn thui tir hle mai.rilruah te pawh abul aṭanga nun han ṭan ṭhat leh a, nunkawng dik han zawh ve te pawh min chak tir alawm le,"a ti a. Christian chuan, "Tichuan misual vannei zualin an kahhlum hnuah che vaivut zingah pil kukin i mu ang a, misual turu pui puiin an tlan pel khu rum rum mai ang che'nga ti rawh,? Chu chu em ni i chak?" a lo ti a. Gregor chuan, " Ka hria alawm ,chu chu ka duh lo, mahse, ngaihtuah zawng mi ngaihtuah tir ani," a ti a. Christian chuan, "I muthmunah thil ngaihtuah lampang chu i ching dawn nia, tun ṭuma kan thiltih laiah hi chuan , ngaihtuah lampang chu keima'n ka tum vek ang e,"a lo ti khauh mai a. Gregor chuan ," Ka hrereng ang e," a lo ti khup dui a.
Zingah Merchants & Miners Bank an hawn hnu lawk chuan Duff Gregor (Jim Silver) chu bank ah chuan alut ve ta a. Chu bank chu a tirah chuan te tak te, chaurau deuh mai ani a. Mahse a sum enkawltu ber Henry Willbur chu a fin em avangin tunah chuan alian tawh hle a. Henry Willbur, pafing, thil engmahlo mai mai ngaihtuah ngailo chuan zotui thiang luang ri her her te pawh amawina lam thlir lova chung ngaw hnuaiah chuan lung man tam tak tak engzat tak laihchhuah tur awm ang maw ti angaihtuah zawk a, ni tla turin phul mawi tak tak a chhun en suar suar te chu lengzem zai nena thlirliam mai mai lovin a hausakna chawkchhuah phah theih tur zat nen a hisap zawk ṭhin.
Henry Willbur chuan sumdawnna tham thil lian tak tak chithum a thiam em em a, mahse chung chu a hmang thei tlat lova, a thiam ve tho, pawisa dahna-siam lampang hi abei ta zawk a. A thluak a ṭhat em avangin alo lian ta thur thur reng ani. A chang chuan pawisa sen pawh neilo hnenah pawusa apuk tir ṭhin a.chutianga apuktir ṭhin avang chuan tihsual chang chu anei ve na meuh mai. Mahse, vawithum a puktur phawt chuan vawi hnih chu a fuh ngei ngei ṭhin a, chumi avang ngawt pawh chuan sum angah phah thei zel tho si a.alo ṭhang chho ta zel a ni. A beiseina te chu mihringah hian a nghat tlat a, pawisa a hloh chang pawh hian hlim takin anui mai mai thei tho mai.
Pa inngaitlawm te mai anih avangin a pawisa dahna in pawh hnamchawm tak maiin a sa a.miina apawisa dahna in lung sakhat naran mai mai atian khawm chu timawi ve deuh tura an han sawihmuh pawhin, "Mihringin kan thil mamawh chu a tam lo. Khaw êng ṭha tawk tak, mahni hnathawh chiang taka hmuh theihna, boruak thiaag ṭha tak hip luh tur, inngaihtuah nan leh ṭhut hahchawlh nana hmun zau tawk mai ani.Ka insakah hian hetiang hi a awm kim vek a, ka hnathawk tute pawhin chutiang thil chu pakhat mah an tla chham lo. Chuvangin, ka ti danglam dawn lo,"a ti mai ani.
Chumi ni pawh chuan aṭhutna pangai, kum sawmhnih lai alo luahlum tawhah chuan aṭhu a, an oisa khualchhawntu chuan kawngkhar arawn hawng a. Duff Gregor chu alo pen lut ta a. A lo luh pah chuan ," Hei hi ani maw 'bank'an tih chu. Hetiamg hmuna ka luh hmasak na ber ala ni awm e,"a rawn ti chuar cbuar a. Chu ṭawngkam chu 'bank' panna kalkawnga arawn zir chawp ani. Christiana'n, " Jim silver chu khawsa mawl tak mai ani a.naupang kum nga mi awm lek lek thuaawi niawm tak tak hi a sawi nawlh nawlh mai ani. Intihveina hi amizia ah a tel lo reng reng. Miin an fak phei chuan a hreawm ati tih hi a hriat reng mai ani."a tih tlat avangin
Pisa khualchhawntu chuan ,"Aw ni e, ka pu hei hi 'bank' a ni e.Ka'n entir vel ang che chu.Ngawi rawh, ka chahbi ka'n la phawt ang e."a ti zung zung a. Grigor chuan, " Mr Henry Willbur cbu abuai lutuk loh chuan ka'n be zawk duh mai asin, ka tibuai palh ang che a."a lo ti a. Khualchhawn chuan "Mr Willbur chu nang be tur che chuan abuai lutuk lo tawp ang, Mississipi luipui kam helama cheng reng reng chu nang hmu tur chein tumah anbuai lutuk tawk zo lovang. Hei le, Mr Willbur chu a fanu nen an lo kal alawm,"a ti zat zat a. Gregor chu a'n leh hawi a, Henry Willbur chu ava hmu a. Henry Willbur chu pa dar pial deuh vetvawt, rih hmel tak, rinawm taka kal vel, palian tak, hmai sen sak, pa mitmeng ngui lek lek, hmel nui deuh sang si, buaina tawng hnem tawh, mahse dâwl eihlo hmelpu ani a.
A fanu pawh chu apa ang deuh, mahse taksa rimtawng leh mitmeng ngui hmel pu ve lo, ria zeihzawih ,pian ngil zetzawt, mitmeng fuah tak. Mitmeng duhawm leh sual lo deuh mai. Hmelṭha tih mai bak a engemaw riau la pai ani a. Gregor-a rilruah chuan chu nula chuan Jim Silver chu engtin tak ngai ve ang maw ? tihna alo lut nghal a. Khualchhawntu chu Willbur-a kiangah chuan ava kal a."Hei, Jim Silver alo kal asin, Mr-Willbur, biak che aduh ani. Jim Silver, heihi anih hi mr Willbur chu," a'n ti a. Chutah, " Hei hi miss Ruth Willbur ani bawk," a han ti nghal a. Gregor chuan alukhum a'n phawk a, a lukhum chu chhan leh vang oahnih vangin a phawk a, pakhatnaah chuan hawihhawmna vangin a phawk a, pahnihnaah chuan a sam chawr,a ṭhialpawn bula Christiana'n fimkhur lutuka alo siamsak tawh ti lang tur chuan aphawk bawk ani.Henry Willbur chu alo dingchhuak a, hlim deuh maiin, "Mr Silver, ka lawmin ka hlim ngei mai,"a rawn ti a. Chutih lai chu Gregor-a tan chuan a dam chhunga hun nuam lai tak ani ve tak meuh meuh a ni.

Heile, ka rawn dah hnawk mai e, a tawi ti ho chu a type tu ah hian ṭang hlauh se,,a sei duh khawp mai.
Ngaihnawm ti leh hlut der thiam tak a minlo chhiar sak ṭhin avangin ka lawm e. . Chhiar nuam ule
T Lalrin mawii
Khuangleng Venglai.

[Ngaia]

THE FALSE RIDER.
Lettu..PL Liandinga.

Bung 8..
SAKHMING LAMTHANG.

Retype Tmawii.

Chu nula chu anui a, a sen ṭáwn ṭâwn a, mahse amitmengah chuan Gregor chu angaisang em em ani tih chu ahriat reng a; han inthup pawh a tum chuang lo. Chumai nilovin Gregor-a kut avawn pah chuan ," Jim Silver, ka hmu che hi ka lawm tak zet ani, "a'n ti lehnghal a. Chu nula chuan chu palian pui Jim Silver chu hmeichhiain mipa an hlauhna leh an zahderna ang chi zawng zawng hi paihin naupangin zawhte note an nel ang maiin a nel nghal hmiah a. A ring em em bawk tih chu alang reng mai a. Chutiang khawp a hming ringawt avanga miin Jim Silver an ngaisang em em ahan hmuh chuan Gregor-a rilruah chuan itsikna leh awhna te pawh alo lut ta rum rum a. Gregor chuan Willbur hnenah cbuan biak a duhthu a'n sawinawn leh a. Willbur nen chuan pindamah an lut dun ta a. An luh dawn ṭep chuan nula chuan, Sangha tuitak mai an hmeh dawn thu leh Gregora chuan ei ve se atih thu a rawn sawi hram pek a. Gregor chuan a ui lutuk a, chhan pawh a chhang hleithei tawh lova, alu a'n thing ringawt a. Pindana an va luh chuan Willbur chuan cigar bawm a phawrh a, Gregor chu pek a'n tum a, mahse Gregor chuan azu duh lo. Ama ipte aṭangin vaihlo tuitak mai apai chu a han phawrh hranpa ngat a, a zial ta zawk a. Chumi atihna chhan kher chu chutiang chu Jim Silvera'n a zuk ni a an hriat teuh ber ani tlat ani.
Wilbur chuan, "Silver, nang i hnaih hi chuan mirinawm tan hi chuan a thawventhak ṭhin. I lo awm chu a tihzia ka ti viau nain ka rilru a hah deuh hlek a ni, misual hnu i chhui deuh fo ṭhin avangin, Crow's Nest ah hian misual buru deuh umin em ni i lo luh," a'n ti a. Gregor chuan, " Chutiang aia thil puitham chu a ni.Awm ngheh ka tum a ni."a ti a. Gregor chuan fimkhur deuh maiin Christiana hnen aṭanga alo zir lawk tawh chu a han chhamchhuak leh ta zut zut mai a. "Ka hun tamtak chu zin veivah nan ka hmang ta a, ka ning ve ti tih ta ani awm e," a ti a. Willbur chuan," I zinvak nasa tawk bawk tih chu tlang hriat alawm,"a lo ti a.
Gregor chuan, "Chubakah ka upa tual tual mai si a. Thlasik lai phei chuan ka hliam hlui te hi alo thual thar leh ṭhin a, hmar thli vawtin mi'n chhem chang hi chuan a tawrhhlelhawm thei ngawt a sin,"a ti ta zel a. Willbur chuan, "I hliam ser pakhatah hian dollar sangkhat nei thei ta zel la chuan mi hausa tawntaw i ni tawh ang tih chu a chiaag alawm,"a lo ti a. Gregor chuan a ser ngah lampang thu chu a sawi thui pui duh lova. "Buaina hi ka um tawh lovang a,buaina hi ka in umtir zawk tawh dawn ani, Crow's Nest hi ka tan chawlhna remchang taa niin ka hria a, mahse, engtinnge hna ka hmuh ang tih ka ngaihtuah deuh a ni, tunah lah hei pawisa ka cha titih tawh mai si a," a ti a.
Willbur chu abu nghut nghut a," Ka hria alawm , vanneihna tham vawi tam i tawng tawh a, mahse i tlansan zel aṭ miin thil an dil che chuan i pe zel bawk si a. Hna pe tur chein min duh tihna em ni?" a ti a. Gregor chuan," Chutiang deuh chu a ni," a lo ti a. Willbur chuan, "Henglai bawng vulhgu hi chuan foreman hna an pe thei vek ang che. Bawng enkawl chu thiam ta lemlo mah la heng laia bawmg enkawl thiam awm reng reng hi chu i hnuaia thawh chak avanga an lo kalkhawm dawn tlat avangin. Chutiang bawkin thil laihchhuah lampang beitute oawhin an duh bawk ang che. Hna chu i duh phawt chuan a awm em em ang. Hahdam deuh i duh chuan helai hmunah ngei pawh hian thirtlawn puaktheiah i ṭang thei ang," a'n ti a. Gregor chuan, "Engah maw ka ṭan ang?" a han ti a.
Henry Willbur chuan," Ralvengah i ṭang thei ka tihna anih chu. Anih loh leh puakthei lam secretary emaw, sergeant -at -arms emaw i duh zawk phei chuan Bank pastor ah pawh, ahming lam chu i duh duh vuah mai rawh. Ka bank ah i thawk tih miin an hriat phawt chuan kawlkil aṭang pawhin pawisa dah turin an lo thawk chhuak ngat ngat dawn a ni. Henglai tlangram velah hian pa un pui pui, bank hi a him tawklo ni a hriat avanga pawisa dah duhlo an tam asin. Mahse chungho chuan Silver chu pawisa tih lamrik tel tawhnaah chuan anmahni ai pawhin an ring zawk daih dawn si a."a ti a. Chutah thil ngaihtuahin pindanah chuan avei ta ngauh ngauh a.
Chutah, " Silver, ka hnena i thawh chuan ka ṭhatphah hle ngei ang le, mahse ka ṭhatphah phawt chuan bank dangte chu an chhe ngei ang. A chhan chu pawisa nei ve le le tawh phawt chuan heta dah vek hi an tum dawn tlat avangin. Chuvangin midang kan ti lungawilo dawn a ang hle mai, engtinnge i ngaih ve,?"a han ti a. Gregor chuan a ngaihna hrelo awm takin a hma a alo zir lawk tawh ang chuan a lu a han kûn a. "Ka hre lo, mahse tihtur dang nei lova thihawrh ṭhut reng hi chu ka lo inring ngai lo, ka mizia ani velo aniang ka pu," a ti a. Willbur chuan, "I thipût ṭhut hmanlo tawp ang. Mitin mitangin chibai teh che an rawn tum ang a, chutih lai karah chuan misual hmel deuh i melh a ṭul bawk si ang a..A..chulam chu i hre ve vek ang chu.Kan tan chuan belte phai theilo i ni ngawt mai dawn a ni. Kan bank hming oawh hi The Jim Silver Bank tia thlak hial ania ka duh ni. I hming hi chatuan lungpui ang maia innghahna tlak ani ve tho si a," a ti a.
A hlim lutuk chuan," Chawlhkar khatah dollar za ka'n pe phawt ang che'nga, ka beisei anga thil a kaltluan chuan chu aia tam chu ka pe thei thuai ang che,"a ti a. Cregor chu a hlim lutuk tlat tawh a, mahse Barry Christian'an ngun lutuka azilhna ri kha abengah ala cham reng a, chung a zilhna te chu apawisak loh vaih chuan Barry Christian chuan a Thophurh thah mai dawn bawk si. Chuvang chuan, "Ralvenga ka ṭan dawn chuan ralveng hlawh, chawlhkar khata dollar 15 emaw 12 emaw bak chu engmah ka duh lo. Mahse ka ṭhian ṭha tak mai Thomas Bannet kha zan lama thawk turin leh ka hlawh ang hlawh ve turin la thei la chu engmah dang ka phut tawhlo takmeuh a ni. Hetiang khaw hmelhruat lohah hi chuan ṭhian hluite chu an hlu en a nia,"a ti a.
Willbur chuan ring deuh maiin, " Chawlhkar khatah dollar 15 emaw 12 emaw ã ni !! I duh phawt chuan i ṭhianpa chu kan la em em ang.midang duhsak zawng ila nei anih chuan sawi nghal la, mahse, Jim Silver emaw a ṭhianpa emaw chawlhkar khata chuti zat leka han ruaitu nih chu a zah pawh ka zak ngawt mai," a ti a, Gregor chuan alu a thing a, "Mit pahnih chauh ka nei a, ralveng dangte aia rinawmna pawh ka nei chuang lo, chubakah chaw puar khawp eitur ka neih chuan atawk mai. Ka mutbu lah ala nuam khawp lehnghal, inrinni zanah zufang (beer) tlem ka in theih bawk chuan atawk. Pawisa tamtak hlawh theihna hun remchang ka zawng hleinem, tlema hahdam deuha nun theihna hun ka zawng alawm,"a lo ti a.
Phur deuh maiin Willbur chuan, "Anih leh tihian lo ṭhu lawk la, thu chu ka'n sawi darh ang e. Naktuk nichhuah hmain ka bankah hian mi engemaw zah chu an lo lawi ngei dawn,"a ti a. Reilote hnuah alo kir leh a, " Mi sawm pahnih velin khaw chhehvel an hrilh darh ang a, tumkar chhung ngei hian helai ram vel zawng zawng hian heta i thawh thu hi an hre hman ang,"a ti zung zung a. Chutah bank vel chu an fang dun a. Gregor chuan pawisa dahna save chu ngun takin a melh a, a mitthlain a chhinchhiah kiau bawk a. Willbur chuan, " Tunah hian i duh chuan i hna chu i ṭan nghal thei ang," a ti a. Gregor chuan, "Bennet nena kan awmna tur in zawn hmuh phawt ka duh ani. Pu Willbur, i mi ngaih ang chanve tal hian ṭangkai theih ka inbeisei," a ti a.

Diklo taka titu te chu,a tirah tluang angin lang mahse,,Dikna in alehthal hun a awm leh nge nge ṭhin.
T Lalrinmawii
Khuangleng Venglai.

THE FALSE RIDER.
Lettu..PL Liandinga.

Bung ..9..
DAM MAW ?

Retype..Tmawii.

Crow's Nest hmarlam hla feah chuan Jim Silver diktak zawk chu luite kam, hmun mawi takah hian alo chuangchhuak hlawl mai a. Chulai ram vel chu ni tla tur chuan achhun sen phut mai a. Jim Silver meuh pawh chu hlimin a nui ve sun sun a. A chenna ram, thlaler vel nen chuan a dan adang daih mai.Thlalerah chuan thliin thinghnah a chhem rik te hruat tur a awm ve si lova. Jim Silver leh a Sakawr chu ngawirengin an ding dun vang vang a. Parade chuan thingtuai hnah no nalh tak tak chu han peh a chak hle nain apu rilru ani lovaag tih a hre kiau va, ngawi rengin a ding a. Mahse Parade-a beng, zawhte beng aia fing zawk chuan an chhak lawkah chuan thawm a hria ni tur ani, alu chu van lamah a'n dak vak a, tlemin a thing deuh bawk a.
An chhaklam luiah chuan pa pakhat hi lawngleng tualchher deuh mai hian arawn inkar thla mek a. Jim Silver chu a rawn hmulo a ang hle mai. A thil kar lai ngawtah chuan arilru a dah ni tur a ni. Chutah Jim Silver chu a rawn hmu a, hlim hmel tak maiin arawn nui a, " Hei, Jim Silver, Cro's Nest chhuahsanin i han hawi thengthaw vel em ni? I hna bansan niawm te hian i insawi rawk ang e, ka awih dawn teuh lo ania. Nge ka pawisa ka la chhuak ang a, ka dahna bank pangaiah ka dah leh mai zawk dawn,?" a rawn ti a. Jim Silver chuan chupa kut chu vawn pah chuan," Ka hawi thengthaw ve zawk zawk ṭhin asin,"a ti a.
Chuoa chuan, "Jim Silver-an Merchants & Miner bank, Henry Willbur-a bankah hna athawk tih ka hriat kha chuan ka pawisa neih ang ang chu ka dah ve asin. Jim Silver-a thawhna bank aia him tur khawvelah a awmlo tih ka hre si a. Mahse hei, Crow's Nest aṭanga nikhat kal zet zawtah ka hmu si che a."a ti a. Parade-a hmui chu chul a'n tum a, Parade chu alo ṭhen ṭhu a."Parade chu mikhual lakah chuan tûr ani ngawt ang chu tih ka lo theihnghilh hmin der ani."a ti a. Chupa chu Jim Silver fakna thu chhakchhuakin a phul hlut a. Mahse Silver chuan ahre mumal lo. A tan chuan Crow's Nest lam pana meikawha tlan angai ta. Tu misual turu zual deuhin emaw a hming hawhin bamkah hna athawk tih a hre mai a. He khawvelah hian buaina chi hrang hrang alo tawk tawh a. Mahse, ahming ṭhatna tihliautu tur ala tawng ngai lo.
A sakawr zin hren nghehna chu a pawt mar sauh sauh a, a sakawr pawh chuan chumi ni aral hma ngei chuan engemaw an tawng dawn tih lo hre lawk vek tawh hmel a pu hial a. Kawlkil lama ni tla tur chu ava melh a, ni chu alo uitui ruih tawh a. A kalna chu a rilruin a chhinchhiah te te a, chutah Parade-a lakam a pawtmar chu a thlah dul ta a.
Hemi hnu reiloteah hian Gregor chu Henry Willbur-a fanu Ruth-i nen chuan huanah an leng dun a, Gregor chu a insum zo lova,a "che sual" ta ani. A chetsual nachhan chu thil pahnih a awm a, pakhat naah chuan Gregor chuan, 'Hmeichhe dehdan thiam 'emaw a intih vang a ni a, pahnihnaah chuan nula in unau ang maia a en vang a ni. Chubakah an lenna hmun chu huan nilovin ramhnuai ani zawk mah a. Chutih laivel nitla tur lunglenthlak leh nula mengmawi , ramril...inchawhpawlh vel chuan Gregor chu hmangaihna mitin alo mentir khawlo zo ta a ni. Nula lah chuan aban kual chhungah Gregor ban chu a thun a, a titi bawrh bawrh a, anui heuh heuh reng a. Gregor lah chu a meng dawrawm tulh tulh mai bawk a. Gregor-a, Christian-a thuhnuai a a chhun a zana awm ṭhin tan chuan anuam em a lawm. Barry Christian-a hnenah lah chuan bank lama a "duty" loh phawt chuan anmahni in lamah a awm reng ang tiin a tiam a. Mahse hei vawin chu a'n bawh chhia a.alo nuam phian si.

Gregor chuan thildang hla dang angaihtuah thei tawh lo. Barry Christian cbu a phatsan chuan Barty Christian-a silai kawhmawr chu atan thihna puk a chang ngei dawn a. Mahse Ruth Willbur a neih phawt chuan vanneihna, khuanu'n mihringte a duhsakna chu tlem azawng a tem ve ngei dawn tih a hria. A bak chu a thluakah alut hleithei tawh lo. A han inher thut a,nula chu a pawm a, a fawp ta chawt a. Nulain amit ngo rãng a hmuh pawh chu a hmu thiam hman tawh hek lo. Chutah, khawvela aw ngaihno beilo ber mai hian, " Jim, i â ta em ni?" a'n ti a.

Chu aw chu Barry Christian-a aw a ni. Hnimbuk zing aṭang chuan alo chhuak a. Gregor chu nula awmna aṭang chuan ahnung tawlh thuai a, a rilru alo harh ta deuh bawk a, a thiltih dikloh nasat zia chu nula mitmeng aṭang leh a khawsak dan aṭang chuan a hmu ve ta uar uar a. Engdang sawi set set lo chuan nulain rawmawla a hmui a hup lai chuan a kalbo ta daih a. A kal pah chuan a hnungzang chu a hit chiai chiai a. Christian chu nula kiangah chuan alo kal a, a lukhum a phawk a, chutihlai te chuan nula chuan leilam amelh reng a. Christian chuan, "Miss Willbur, ka damchhunga hreawm ka tih ber ṭum ani tih i hriat ve ka duh a ni. Tunah hi chuan ani tawh chiah lo nain nichin deuh mai kha chu ani chiang hle. I hnenah thu tlemte sawi ka duh a, min awihsak ngei ka beisei bawk a ni." a rawn ti a.

Nula chu a rawn hawi chhuak a, "Ka ring thei lo, khami kha Jim Silver, a chanchin miten hriata an sawi fo hi anih ka ring thei lo. Jim Silver chu khatiangin a che lovang,"a ti a. Christian chuan, " Ka pi, hmeichhe dehdan a thiam hlawllo atin a ni, tunhmain hmeichhia hi an ṭangkaina a la hmu ve ngai lova, a tan hian inzirna reng reng a awm lo a ni.mahse nang hi chu a atchilh deuh tlat mai che a, ka hnenah pawh darkar engemaw zat hi i chungchang thu a sawi ṭhin. Tun ṭuma thil lo thleng hi i sawichhuah chuan a thin chu sawifiah thiam harsa khawpin ana ngei ang,"a han ti a. Nula chuan, "Sawi lah love, Jim Silver-a, mi tlinglo tak tak te tana thilṭha chhiarsen loh ti ṭhintu hi engvanginnge kei ve ringawt hian ka han ngaihdam theihloh tehlul ang ni? Chulovah nula fawh ringawt te chu chuti taka thilsual ani hleinem,"a ti a.
Christian chuan, "Ka pi, i thusawi dan chu , Pu Willbur-a te ang mi ropui fanu kâ aṭanga chhuak awm reng ani, i sawichhuah hlauh chuan miin Jim Silver hi mihring emaw an ti ang a, an fakna zawng zawng kha anchhiaah alet leh duh vek mai ang a, Silver-a tan chuan menna reng a awm lovang,"a lo ti a. Ruth Willbur chuan, "Silver hnenah chuan ,tumah engmah ka hrilh lovang tih han hrilh rawh. Mahse inhmu leh tawhlo ila ka duhthusam a ni, khai, ka khua asik deuh e,han titi teh vak ka peihlo, Pu Bennet, anih leh rih le," a tihsan ta a.

Christian chu an awmna chhawlbukah chuan ava phei a. Gregor chu chhuatlaiah zau pui puia penin alo vei thoh thoh a, Christian chuan kawngkhara dingin a'n thlir phawt a. Gregor chuan, "Khai le, i duhtawkin min liak teh le, ka at zia thu min han hrilh mawlh mawlh mai teh,"a ti a. Christian chu angawi tlat a. Gregor chuan, "Engtinnge khatin ati ang tih ka hriat theih ang? A kut kha ka ban kual chhungah arawn thun anih kha,. A nui alawm, ni e, a kutin min vuan anih kha, anui deuh reng lehnghal, Amak ani, anui seng reng mai.a kutin min vuan a.."a ti chhum nuaih mai a. Christian erawh chu ala ngawi tlat a..Gregor chuan, " Enge a sawi,?" a'n ti a. Christian chuan, "Ui dawih zawk ang maia meikhupa i tlan tak hnu khan maw? A hnenah khan phatna thu ka haa fah melh melh a, mahse atawp lamah ui hur ang mai i nih thu min hrilh a sin."a ti a. Gregor chuan ,"Ui hur maw?" a lo ti hu a.

Christian chuan,"Ni chiah e, Ui hur dawihzep deuh i ni ati che a sin. Ngaihtuahna rilru sen nana tlaklo khawpa tenawm niin a sawi che,"a han ti a. Gregor chuan, "Jim Silver vhu chutichuan ati ngam amaw?" a han ti a.chutah, "He khawvel tan thilṭha heti zozai ka tihsak tawh hnuah pawh chuti chuan mi la haa ti maw?"a ti a. Christian chuan, "Gregor, he khawvel tan hian thilṭha enge i tihsak tawh,? " a lo ti ta a. Gregor chuan a aw a han thian a, "A mitah chuan Jim Silver diktak ka ni alawm, mahse a hmuia vawikhat ka fawh avang maiin chuti chuan mi haa ti a.engatanmah a hman tlak bik loh tih chu a chiang ve mai. A pek pawhin miin min pe dawn se, ka la duh bik tawp nang,..hlutna reng anei lo...."a han ti a.
Christian chuan," Ngawi chipcham rawh," a lo ti a. Gregor chuan," Ka ngawi bik lek lovang, ka duh chuan...a han ti a. Christian chuan, "I ngawi dawn nge ka ngawihtir dawn che,? I ril khei hi ka hreh hranpa lo ania, chutiangin Willbura fanu chanchin sawi reng reng suh. A enga pawh nise, apa hnenah a hrilh dawn chuang lova, i hna chu ila thawhzawm zel thei dawn a ni, lawm hle mai rawh,"a lo ti a. Gregor chuan hlim deuh maiin," A pa a hrilh lovang tih a hrilh che em ni?" a han ti a. Christian chuan "Aw," alo ti a. Gregor chu ṭhutthlengah chuan aṭhu hnawk a.a hmai chu a'n tuai puat puat a. "Kan tawp chhe hul der dawn emaw ka ti tawh mai asin," a han ti a. Christiana chuan, "Kan tawp tawh alawm,"a lo ti a.
Gregor chuan,"I sawi chu enge a awm zia?" a ti a. Christian chuan, "A hun alo thleng ta Duff,"a han ti a. Gregor chuan, "Pawisa dahna bawm haihawn a hun ta, i tihna ani maw?"a ti a. Christian chuan, "Ni e, ahun alo thleng ta ,"a ti leh mai a. Gregor chu alo dingchhuak a,"Barry,thu atthlak pui pui sawi suh, nitinin dollar sangtam an dah belh reng a. Tlangram vel a pa inthup pawisa tlem te te paipawn ve ṭeng ṭeng ṭhin te oawhin an rawn pan nal nal reng alawm. Kan hotupa lah saw,zing ni chhuak ang maia anuihsang reng saw, tuna kan chet chuan pawisa tamtK kan chan dawn tihna ani ringawt mai."a ti a.
Christian chuan, "Chawlhkar dang la nghah leh rih ka tum ania, mahse, i chetsual takah kha chuan ka duh tawh lo. Jim Silvera-n a hming kan hawh tih a hriat hma chu arei thei ang ber awm ka duh a, mahse kan hna hi zawh fel ka duh tawh ani."a ti a. Gregor chuan," Engati maw? Kan ṭhiani chuan a ṭawng a cheh loh phawt chuan kan him tihna ani mai.chawlhkar khat kan nghah leh chuan dollar engzatnge kan neih belh dawn i hre hlei nem. A nuam lutuk dawn Barry, i damchhunga nuam i tih ber ṭum ala mi ang.."a han ti a. Chutah aban ahan phar a, "Kan nghah rei poh leh kan tan a ṭha.kan duh leh Europe ramah kan kal ang a, a nuam dawn lutuk. Nun hi enge anih chiah ka tem ve reng reng dawn ani. Chumai ala ni lo, pawisa dahna thingrem hawn dan pawh ka la hrechhuak hleinem."a ti a.

Barry Christian chuan," Ka hre tawh niin ka inngai, nimin khan endikna hun ka hmufuh hlauh mai a, A kalhna tjir ka la a. Chu chu thir zaiin ka thlak a. Chu thirzai chu ala hman theih maiin ka ring. Engang pawhin ka tihdan chu sawifiah mah ila, i hrechuang lovang,"a ti a. Gregor chuan ngaisang tih hriat deuh mai hian ava en a," Sihal ang maia fing i nih hi, mahse kan nghah rei deuh chuan aṭha zawk ang,.."a han ti a. Chutah Christiana hmel chu ava en a. " Barry, engatinge ni ta, i va dang em em ve,?"a han ti a. Barry Christian chuan, "Ka hre bil lo, hmeichhia chu ni se, puh tur apui an hre mahna, mahse kei chuan ka hrelo nain hun rei kan nei tawh lo tih ka ring tlat a ni.zaninah kan che ang. Chuvangin chhangphut puak thei kha han ur ṭan rawh le...Satuihang i han siam teh ang, eh,,Satuihang em ni,?" a han ti a. Gregor chuan," Chutianga chhumbuai kher kher enge ngai,? A kalhna chu i hrefiah tawh ani lawm ni,?" a han ti a.

Christian chuan, " Ka hre dik mai thei, ni khat dang chu han belchiang leh hman ila chuan ka thei lutuk ang tih chu ka hria , mahse, ka hriatna alo hman tlak loh palh hlauh chuan a phinin kan phin a ngai dawn a ni."a ti a. Gregor chu a rum vei huk a,Christian chuan a'n hnaihchilh phei a.a kawr nghawngah a ṭham a," Ngaithla rawh," a ti a. Gregor chuan," Ka ngaithla reng alawm,"a lo ti vin ve hlur mai a. Christian chuan, "Hetiang thil chhete ah pawh i thluak abuai vaih zawngin he khua ka chhuahsan hma ngeiin i lu ka lawk dawn a ni,"a ti a. Gregor chuan Christiana chuan ati mai mai lo tih a hrechiang em em a.chuvangin, " A hun alo thlen hma chuan mi ankhum vak vak teh suh, i hna chanpual chu ṭha takin ti la, kei pawhin ka ti ve bawk ang a, puannem hmul thipthepin pawisa chu kan funchhuak ngei dawn e,"a haa ti a.

Christian chuan "Chuti anih leh a ṭha anih chu. Chu chu alawm i lak aṭanga ka phut chu, i thil chhuan pawh chu peih thuai la, sahbawn nen a puak na thei ang ber turin han chawhpawlh rawh le. I thiam angem?"a ti a. Gregor chuan, "Thiam tehreng mai "a lo ti a. Christian chu bank lam panin a chhuak phei ta a.

Hemi chin phawt hi aaw. Tunlai chu ka buai deuh ṭhin a, ka regular vak thei ngang lo ani e.min lo nghak hram hram ṭhin a, ka lawm e.
Hmanhmawh suh, i tlai ang e
T Lalrin mawii Khuangleng Venglai.

[Ngaia]

THE FALSE RIDER.
Lettu..PL Lianding a.

Bung 10..
GREGOR-A A PHUSA.

Re-type..T mawii..

Chhangphut puak thei hi chu fimkhur taka enkawl angai a, a chhumna bel mawngah hian a tui, diak ban ṭha tak hi a tlakhawn a, chu thil diak awmkhawm chu a thawk na ṭha em em a. Saidawium phui taka chhin hnan chuan a puak dawt thei a. Khawvawt lutuka chetpui chuan apuak thei tho bawk a, a thunna bur tihchet nasat lutuk chuan a puak leh thei bawk a. Hetiang hi anih vel avang chuan Gregor pawh chu a han insiam peih meuh chuan a thlan atla zawih zawih mai. Sahbawn nen a beinghet the ang ber turin a char belhbawm a, hrui sei vak lo, tawi tak ni bawk si lo hi pawisa dahna bawm, tlema khi deuh hlek a 'bomb' siam tih beh nan chuan a nei bawk a.
Gregor chuan a sakawr chuanna tur te pawh alo tifel diam tawh a. Sakawr zinah chuan winchester rifle leh ṭhelretpuan leh ren taka ei a chawlhkar khat tla vel tur 'ration' a dah tel bawk a. Chubakah ṭhelretpuan ip angreng,an pawisa ruksa dahna tur ala nei ta cheu a. Chu ip chhunglamah chuan pawhzihna hi a awm nghe nghe a. Chu thil chu a zakah a'n zakzeh a, a in peih ta. Sana a'n en a, dar sawm pahnih alo la ri lo deuh hlek a. A la hma em a, Christian-a ala chechang duh lovang. Tunang hunah chuan mi an la meng thluah ṭhin.
Ala hma deuh avangin Gregor chuan sana chek ri ngaihthlak mai mai a tum a, a'n tluzal a. Mahse, aharh leh meuh chuan darhnih leh achanve alo ri der tawh mai a. Rang lutukin a rawn zuang tho va, kawngkhar lamah chuan rang deuh maiin aputchhuak ta a. Sakawrte chu bank hnunglam thingtuai hmunah ava thlung a, chung lai vela avei vel lai chuan Gregor chuan Christian-a ang tluka thawm dim thiam achak ngei mai. Taxi te anga thawm neih miahloh te pui pui chu beisei thu cheng suh.
A hnungah chuan Christian chu alo kal a, " Duff, a ṭha e. Mikhual i bitum lo hi chu a vanneihthlak ṭhin ngawt mai," a ti a. "A hal a kan hal a ngai dawn a ni. A kalhna ka hriat kha a fuh meuh lo. Thirzai khan min phatsan ta ani ang,"a ti zui a. Duff Gregor-a tan chuan Christian chu a ṭawng ring lutuk a, khawpuia mi zawng zawng chuan an hrevek ang chu ati hial a. Gregor chuan amitthla nge a tak tak pawh ahre lo. Bank lam pan chuan mi tlan zut zutin a han hrezuiblehnghal a.

THE FALSE RIDER
Lettu PL Liandinga
Retype..Tmawii.

Bung 11.
THLALERA AURAWL AIA RING.

Bank chhunga khawnvar chhit angam awm meuh si lo va, khawnvar tello chuan khawmuala nghapui dakchhuak ang chauh mai an ni si a. A tihngaihna tak Gregor chuan ahrelo tawh titih mai a. Chuvangin, "Engtainnge thimthamah kan chet theih ang,?" a ti a. Christian chuan, "Thimthamah engmah kan ti dawn hleinem," tih pahin pawisa dahna bawm hmalama thir inkham leh kawtthler lam hawi rinchhan chuan saiip a zar ta hmiah mai a. "' Ti hi ani mai alawm,"a ti a. Chumi phenah chuan khawnvar a chhi a, pawisa dahna bawm chu lungmuang takin a sawisa thei ta a. Mahse Gregor-a ngaih a ṭha thei pek lova, "Bank chhunga khawnvar inchhi chu tihdan pangai lo a nihna pawh a awm lova, mahse khawnvar hliah tura saiip zar kher chu a pangailo deuh lo maw, mi an rawn kal vaih chuan a ṭha lovang,"a ti a.
Mahse Christian chuan,"Mihring reng reng hian hmu a kan inrin chiah chauh hi ani kan hmuh theih ṭhin," a lo ti mai a. Gregor chuan, "Mahse pa thluak nei deuh, thluak hmanna chang hre ve bawk si lo kal ta se,?"a la ti ta cheu a. Christian chuan, " Hetiang lam hna reng reng hi chu a hlawhtlinna tur chanve hi chu vanneihna leh hun remchang hmuh fuh thilah a in nghat tlat zel a ni. Duff, thleng chungah pawisa hi rawn chawiin 'Hei le,' rawn ti se i duh zawk em ni? Chu aia i huaisen leh i rorum deuh chu ka lo ring ṭhin a," a han ti ngat a.

A thusawi chu ati tak tak chiah niin a lang, chutah, " Duff, kawngka kha tlemin haa hawng deuh teh aw,"a ti a. Gregor chuan kawngkhar chu tlemin a hawng deuh a, a hawn zawng chuan achik palh a, a zuang zawk mai a. Christian chu ring lutuk tak hian nui ta maiin Gregor chuan a hria a. Christian-a lah chuan," Kan hna kan zawh hma ngei hian kha aia ri bengchheng kha kan siam dawn alawm le,"a ti mai a. Gregor chuan ngawi rengin pawisa dahna bawm kawngkharah chuan a 'bomb' sahbawn ang mai a ban chu a bel kual zaih zaih a. a bel zava, a ' fuse ' a'n vuah a. Bangkil hla lamah an bawk phek ta a. An bawhphek chhung chu Gregor chuan rei lutuk ni mai hian a hre hman a.
Chutah le,..an thiltih chu a han puak ta mai a, apuah fel hnu chuan a la ring ta deuh deuh ni hian Gregor chuan a hre mai a. Pawusa dahna bawm lam chu an va pan a, a kawngkhar lah chu angaitein alo la nghet churh mai a. Gregor chuan, " Kan hlawhchham anih hi. Thil theihloh tawp ani i sawi ni."a ti mawlh mawlh a. Kawngkhar lam panin tlanchhuah a'n tum a, Christiana kuttum chu avung thuak a, Gregor lu chu ahai mup a, chhuatah chuan saiip bal thehthlak ang maiin a tla thlawrh a.
Christian chuan, "Ui â ang maiin phi chung suh. Kan hna hi a thlawna ni tih pawh ila hrechiang em hleinem. Han en ta che, a chunglam hi a hnuai lam aiin a kau deuhhlek hi. Hemi kuaah hian kan chhangphut diak kha kan hnawh lut ang a, kan han bei leh....."a ti hman chauh a, Gregor chuan thawh pahin, "Kan bei leh ang a!? a'n ti a. Christian chuan, " Ngawi chipcham la, tunah ṭan nghal ringawt rawh. He hmun aṭanga um lohva kan tlanchhuah ai chuan chi tui pawh mit kapparh chungin kan dai zawk ang. Vawinah thudik pakhat chiah i la sawi, 'He pawisa bawmah hian dollar maktaduai engemaw zat a awm mai thei ani,"a ti hmiah a.
Gregor chuan, " Mahse kan thawm kha an hre vek tawh ang a, tunah hian min um tute thawm chauh kan nghak tawh..." a'n ti dek dek a. A ṭhianpa chuan ," Chhang diak kha han la vat rawh,. Milo pui ang che. A hma ai khan kan chet hmanhmawh a ngai ta tih chauh ani. Tunah chuan kan hawng thei ngei tawh ang,"a ti chheu chheu mai a.
Gregor-a rilru chu a ṭhuthmunah ṭhu lovin pawnah a tlanchhuak a, pawna an sakawr thlun bul velah chuan tlanbo mai tumin a vei vel tawh a. Mahse ataksa erawh chuan Christian-a thupek chu zawmin pawusa bawm phin darhna tur chhangphut chu a bel mawl mawlh a. A hlauhtawn ang ngeiin pawn lamah chuan thawm a rawn awm a, a'n hawi zawk a, mi dawrzawn khat vel tur hi Bank bathlarah chuan an vei sung sung a, kawngkhar chu an rawn kik nghal a. " Barry, in hmalamah chuan an khat vek tawh. Mahse In hnunglamah a tlanchhuah theih ang.ti rawh, vat min man hma in,"a'n ti a. Christian erawh chuan a kutah thir chakai cheh ang maiin a rawn hmer a, " Pawnah va chhuak la, tir bo vek rawh. Jim Silver-a i ni tih hrereng la, i duh duh i ti thei tih inhre ta che. Khawnvar a puak palh a, engmah ani love ti mai rawh. Kal rawh ka lo veng ang che,"a han ti a.

Chutih lai chuan kawngkhar chu a chhiat mai hlauhawm khawpin an rawn nawr luai luai tawh mai a. Gregor chu a chhuah hman loh chuan thil zawng zawng a khawlo vek dawn a ni.Gregor-a chu lungthlu lo zet chuan kawngkhar lam pan chuan a phei a. Kawngkhar chu ava hawng a. Gregor-a hmel an lo hmuh chuan, "Jim Silver a ni,a mah ngei ani, A fel vek e." tiin an lo au nuai nuai a. Gregor-a hlauhna zawng zawng chu akiang vek a. Kawngkharah chuan ading a. Pakhat chuan, "Jim, enge ni ta,?" a rawn ti a. An rawn hnaih tuau tuau a, Gregora chu a din sawn hlek chuan bank chhunga rawn lut mai tur anni tih a hriat reng a. Gregor chuan, " Kan khawnvar kan siam fel a, apuak ta mai palh alawm mawle, ka ti harh palh che u a, apawi ka ti khawp mai boys,"a ti a
Chutah chuan an nui sung hlawm mai a .Pakhat chuan ,"Engatinge zanah te i 'duty 'a,?" a rawn ti a. Gregor chuan, "Bennet a chau deuh a, engmah tham phei chu anilo nain pawisa a tam si a, a venhim laa hi ka koah a innghat riau hiaa ka hre mai a, ka'n tel ve zawk a ni,"a ti a. Pakhat chuan, " Good Old Silver, mi sawm pawh ruai ila,ani aia venghim ṭha tur hi aa awm lovang,"a ti a. Zawi zawiin an kal darh ṭan ta a. Silver-an kawng a khar leh mek lai chuan pakhat chuan, " Tu'n emaw a rukin ka lut emaw tiin va lut ta se, khawilai kil aṭangin emaw Silver kha lo dingchhuak ta zuah mai se a tan chuan amanganthlak duh awm teh e,"a tih chu a'n hria a.
Gregor chu Christiana awmnaah chuan ava kir leh a, Christian chu engmah hre ve lo ni awm tak hian pawisa bawm bulah chuan a hal puahna tur belin alo la bur ngar ngar a. En pawh en lo hian, " Duff i ti ṭha kher mai. Kan pahnih hiaa inkawp awm tak kan ni, nakinah chuan hei aia khirhkhan zawk pawh hi kan la phin darh thei ang. He khaw mite hi chu an â mang e aw...,A..mi rinawm hi chu mi â vek an ni.mi â nilo se an rinawm duh tawo nang."a ti malh malh a. Gregor-a chuan Christian-a hnuaia hnathawh zel chu a duh leh duh loh a lo ngaihtuah ve thung a. Chriatian-a chuan hlauh reng reng a neilo tuh chu a hria. Mahse a ṭhuante reng rengun hlauh an nei tur ani lo tih a beisei ve zel chuan ati hahthlak em a ni.
Theih tawpin an haa bei leh fan fan a, an in peih a, bangkil hla lamah chuan an han bawk phek leh ser dawr a. Chutah a'n puak leh ta a. In chu anghing luai mai a, tukverh te chu anghawr dawt dawt a, an bawhna aṭang chuan an thova, pawisa dahna bawm bulah chuan an tlan phei a, pawisa dahna bawm pawn zawk chu alo inhawng huai a. A chhung zawk erawh chu a lo la inkhar ta tho va. Chu zawng, thil enghelh tlak ani tawh lo. Chumi kawngkhar chhung zawk chahbi chu pawisa tawktu dawhkanah a awm mai mai a, Chu chu Gregor chuan ala a. Herh hawn mai a'n tum a, a hawng thei ta ṭhuai lo mai a, theihtawp a a'n herh pawh chuan kumsang rorel nghak ang maiin ala nghet tlut mai a. An thiltih khan anghawr khawlo a, a inkalh engemaw zo vek tawh a lo ni. Beidawng deuh maiin Christian-a lam chu a'n hawi a, chutih lai chuan pawn lamah chuan kawl alo eng ṭan reih tawh a.

THE FALSE RIDER
Lettu PL Liandinga.
Re type, Tmawii

Bung 12..
A SASEH.

Ṭawng miah lovin an han ding dun ren rawn a. Chutah Christian chuan chahbi a la a, a'n kar kual vel ngial a. A hawng thei chuang si lova,alo ding chhuak a. A kawrhma a vaivut chu a beng fai thak thak a. An tlanchhuak mai dawn emaw Gregor chuan ati tawh nghe nghe a. Mahse a ring sual chhiava a ni, Christian cbu pindan dangah ava kal a, ama ip ken chu a rawn khai phei a. Chu ip chhungah chuan kawngkhar hawn nana thil ṭul chi hrang hraag hi alo in fun khawm pek a. Chumi zinga thir pakhat sei ṭha deuh, zumzuih ṭha em em mai chu ala a, a hmawr chu puanin a tuam te te a. Pawisa dahna bawm kawngkhar chhung zawk chunglam tlem a kau deuh hlekah chuan a kar a. Na lo te te ina chhu ta det det a.
Christian chuan a chhu na lo em em khawp a, artui pawh a keh zolo ang e tihpalh hial a mawi a ni.Amaherawh chu zawi zawiin a chhu na ve tial tial a. A'n chhut nat deuh chuan Gregor chuan ring hi a ti khawp a, mihlimho khuangpui vuak ang dut dut hi niin a hre leh hman a. Mahse pawisa dahna kawngkhar insiksawi dan a han hmuh chuan a hlim khawp a, a hlauhna zawng zawng chu a theihnghilh vek a. Christian-a hêm hman te zawk chu alut thuk hle tawh a. A kar nat em avangin a kawngkhar chu a kau mai bakah ari ṭhet ṭhet a. Christian chuan akarna turin hêm dang a lak belh zel a, a kalhna bulah chuan pahnih a'n vuah belh leh a. Chumi pahnih a'n chhut tlum meuh chuan kawngkhar chu ṭingṭang hruipui herh chah ang maiin a ri ṭawk a, a hawng ta a.

Chumi kawngkhar chhunglamah pawh chuan pawhdawh hran hran, chahbi hrang ṭheuh a hawn tur alo awm leh thliah a, mahse chu chu zawng, Christian-a thirtlawn chahbi chuan a kar hawng ta zung zung mai a. Chumi pawhdawh hrang hrang chhungah chuan pawisa chu alo tling hmurmai a. Gregor chuan nuam ti em em in ipah chuan a huilut zung zung a. Dollar sawmnga note, thar ṭha em em mai pakhat, la inkilh ṭãn mai pakhat phei chu a ipte ah a ak ta a. A ipte a chu pawisa a'n ah a, saiipa pawisa hlawm awm a'n hmuh chuan pawimawh ta sawt hian Gregor-a chuan a inhre nghe nghe a.
Bank kawngkhar hnunglamah chuan an phei a. reilote an ha ngaithla zawk a, khua chu a ri ṭan mer mer a. Zuin ho leh inlehkhadena eizawng ho chu chhun lai velah an lo tho chhuak ang a, mahse hnathawk mi, runawm taka eizawng ho chu ni chhuah hmain an tho vek ngei ang le. An sakawr awmna an pan lai chuan naupang pakhat hi a rawn faifuk raih a. Barry Christian-a duhlo lutuk chu a phun nawk nawk a. Chu naupang chu khawvar tir, thim chhilhchhelhah chuan alo phei a, "Hei, Jim, tunang hunah khawiah nge i kal dawn? Darkar hnih darkar thum hnu valah chauh ani lawm ni bank ah i 'duty' dawn ?
Bennet, engatinge bankah i awmloh?"a rawn ti ta zet zet mai a.
Barry Christian chuan, " Son, min puitu ka thawhtir rih alawm,,"a ti a. Naupang chuan, "Tu apuitu che maw? Enge i sawi awmzia? Puitu i nei tih ka lo hremiah hleinem,"a la ti deuh deuh a.Gregor chuan, "Son, dam takin le,"a ti ta a. Gregora rinlohna lam, khawpui chhung chu aa pan dun ta ngeuh ngeuh mai a. An hnungah chuan mipa naupang chu arawn tlan ve auh auh a. Ring deuh mai hiaa naupang chuan, "Jim, khawnge in kalsawn dawn ? Bankah chuan tunge duty? Engatinge in pahnih hniha in kalsawn dawn?",a rawn ti lauh lauh mai a. Christian chuan, "Khai aw, khua mi zawng zawng a au harh vek ngei ang, bankah an va kal aag a,an va en ang a, pawisa bawm te pawh an va en ngei ang a, min puitu ka tih kha ava hmuhloh vaih chuan khua ami zawng zawng hi kan tan chuan uisathiam tluk zeta hlauhawm an ni mai dawn a ni. Khati tak khan an ring che a,kan bum tih aa hriat chuan han thinrim lohna rual ani lo,"a ti a.
Gregor chuan, "Engatinge heti lama kan kal si, luiruam lamah kan kal dawn i ti emaw kha ka ti a sin. Luiruam lamah chuan bihrukna tur hmun tamtak a awm bawk si a."a ti a. Christian chuan,"Kan kal tum lohna lam pan hi ka tum dan alawm , Duff kan tihtur zinga a khirh ber kan la ti lo."a ti a. Gregor chuan, " Kan la ti lo a!? Pawisa kan la tawh a, chulah chu a harsa em em lehnghal si. Eng hi nge khirh i tih,?a'n ti a.
Chrustian chuan "Gregor, mi sang tamtak, sakawr chak tak tak nei, silai kap ngil tak tak keng, an chauh chhiat hma lohva kan hnu chhui bansan duh miah lo tur laka him khawchhuah hi thil huphurhawm leh khirh deuh mai asin," a ti a. Crow's Nest khaw daifem, lungpui leh kham ti rekruk, khawthlanglam pana in sir zawm zut mai te chu Christian chuan apan duh ta reng reng lo mai a.Gregor chuan, " Hun kan khawhral mai mai ani. I sawi anga min haw tak tak te anih chuan Crow's Nest a ṭanga hla thei ang bera tlan sawn hi kan tan thil ṭha ber a ni."a ti a.
Chrustian chuan, "Taxi kan haa kawm hmasa phawt ang chu,"a ti a. Gregor chuan huphurh lutuk tih hriat reng hian, a baa a han phar kak hurh a," Barry, mi â chhaw tak chu i ni em lovang ti rawh,? Nge rothap tumna vanglai hun khawhral pumhlum ṭhak duh chi,?"a ti a. Christian chuan, '" Sakawr huanga sakawr chuan mai theih tura ading ang hian Taxi chu va kal a va kahhlum mai tur alawm. Taxi hi that ila chuan tuna pawisa kan neihsa let sawm neih ai hian ka hlim zawk daih dawn tih i hre nange?,"a ti ve thung a.Gregor chuan, "Barry, i â tawh anih hi, i â chhiava tawh anih hi,"a'n ti ringawt a.
Christian chuan hmel danglam map lo hian Gregor chu a'n lehhawi a." Chuti anih leh kan kal zel hmain kan neih sum hi insem ang le. Nakin deuhah emaw kan insem ang chu ka lo ti a, mahse hei tuna insem a tul ta anih hi,"a ti ta hmiah mai a. An pahnih chuan sakawr aṭangin an chhuk dun a. An sum ruksa chu kawr ruama lungpui chungah an chhung ta vâng mai a. Thli alo thaw a, pawisa note chu a rawn vhhem ri her her a. A ṭhen cbu leiah atla chem chem bawk a. Duff Gregor chuan,"A nih leh engzatnge ka chan ve dawn?"a han ti a.
Barry Christian chuan, " A chanve,"a lo ti a. Gregor chuan," Ka rin aiin a tam daih, i ngaihtuah chhuah vek ani si a ,"a ti a. Barry Christian chuan, "A chanve chiah ka chang ṭhin. A chanve dang chu ka thawhpuite ka sem zel ṭhin. A titu liau liau pawh nimah ila,"a ti a. Gregor-a ngaihtuahna chu a kal thui hman em em a.a thluak leh Christian-a thluak in ṭhat hleih zia pawh a hria. Gregor chuan an chhiar malh malh a, a chhiarchhuah chuan Barry Christian-a hnenah azat a han hrilh a. Barry Christian chuan rang deuh mai hian, "A ṭha e, Dollar nuaihnih leh tlem ve ve in kan insem thei dawn a ni.Kan thiltih hi a thang laih ngei ang. Dam taain kan inti tawh mai ani aag chu."a'n ti a. Gregor chuan achanpual chu a khal nuap nuap a, chutah hlim deuh mai hian,"Barry, ka â leh lutuk, i hnenah ka awm ve zel ang e. Taxi chu kan pahnihin i nuai bo ang. Chutah, kan pahnih vekin khawvel hi kan chhir khaikhup dawn nia,"a ti ta a.

Kut tlinglo a sum deh chhuah reirui ai chuan,
Mahni thawhchhuah ngeia tlemte neih hian min ti hlim zawk fo.
T Lalrin mawii
Khuangleng Venglai

[Ngaia]

THE FALSE RIDER.
Lettu..PL Liandinga.

Bung 13.
TAXI BARAKHAIH.

Re-type Tmawii.

Taxi chu zankhuain chhinkhat pawh chhing lovin ameng reng a. Khua alo var pawh chuan a awmna chhawlbuk chhunga a dawhkan chungah chuan ala kun ta ngar ngar a. A thuamhnaw inbel lah chu a tumbung rimrem hle mai. A chhan chu mu tura ain siam lai takin thil pakhat angaihtuah thut a, chu angaihtuahna chuan ala hruai ta reng a ni. A kawrchung a ha lova, anghawngawrh pawh a awrh lo va, a kawr (kamis) pawh a kilhna a inphelh bawk a, a kawrban lehlam chu kilh lovin a awm bawk a.
Midang chu nise, chutiang incheina mawlmang inbel ringawt chuan zan khawvawtah chu leh chen an ṭhu thei lovang a, an ril aṭamin an tuihal ngei ang. Mahse Taxi chuan athil ngaihtuah chu a ngaihtuah muk em kher a. Taksa mamawh... Mei zuk te, rilṭam te, tuihal te, khawvawt te chu a hrechang tawh lo reng reng. A hma dawhkanah chuan angaihtuahna innghahna bur ber, tala, lian lo tak chu a let ngat a. Chu Tala chu a nalhin a thir pawh a ṭha kher mai. Mahse chutiang thil mawi mai mai chu Taxi-an a ngaihtuahna a senna chhan ani lo va, a kalh angheh em vang zawk chu a ni. Chu tala zuartu pa chuan afak khawp a, haldarh loh chuan tihhawn theihloh tawpah a sawi a. Chuvangin Taxi chuan a lei ta ngat a, a zir ta a ni.
Taxi chuan tala leh kawngkhar kalhna chi reng reng , a chhuak thar leh aṭha deuh chi, a la hmuh ngailoh hi chu a lei zel a. Mahse darkar hnih khat khalh hi chuan a awmdan hi a hrefiah em em zel a, a hawng thei zel bawk a. Mahse he tala hi chuan zankhua a 'exam' a daih ta tlat a ni. Taxi chuan a hmanraw ken ṭhin bungraw chi hrang hrang chu a phawrh rum a. Chung a bungrua te chu a thawmhnaw khawi maw lai laiah a zep ral vel mai mai a. A ṭhen te chu khauh lutuk tak mai te an ni a. A ṭhen thung erawh chu anem em avangin midangin han khawih ve hlek se chu a tliak nghal vek mai awm e. Mahse chung hmanrua te chu a siam man lam inthlahrung hauh lova siamtir, man to tak tak an ni vek a. Taxi chuan ahmang thiam em em a, a tan chuan lung mantam tih vel mai mai ai chuan a hlu zawk daih ani. Chung bungrua te nen chuan pawisa bawm leh tala chi hrang hrang a hawn theih tlat avangin.
Taxi chuan tala chi reng reng chu anihna tak hmuhchhuah a, ani lai tak a zuk hawlh zeuh emaw, a tihchhiat lai tur dik tak zu tihchhiat zeuh emaw hi atih ve dan ani a. Hlawhchhamna nen hian an in nello em em a, hlawhchham chu thilthiangah pawh angai hek lo.dawhkan a ahmanraw phawrhchhuah zawng zawng chu tala endik nan chuan amamawh oawh ani chuang lo. Mahse a hmanrua te c chu angaina ve hrim hrim a ni. Chu bakah chung a hmanrua te chuan, tunhma a tuma puih loh leh hmanrua pawh nei hlei lova tala khirhkhan zawk zawk Lo hawn tawh te a hriatchhuah tirin beih zel duhna rilru aneihtir tlat a ni.
Taxi chu ngawirengin dawhkan bulah chuan a ṭhu a. A maimitchhing diar diar a, a hmelah chuan hla phuah thiam, hla phuah tur, ngun lutuka mahni rilru a thil awm, a mawi thei ang ber a phuhchhuah tum a kawlawm nena inchhawp sa rân hi a ang hle a. Mahse Taxi chuan kawlawm hum lovin thir lí nei, te reuhte hi a khawih niap niap a. A hmel ṭha vervawrah chuan engmah danglamna hmuh tur a awm lo.Mahse a â lo chauh tawh a, a rilru kal ding lutuk chu a puak pawp mai ang tih hlauhthawnawm khawo ani tawh a ni. A thin a rim em em tawh bawk a. Chu tala chu thawk lawka paihbo daih emaw chhutchhiat vek emaw a duh tawh a.A nih loh leh tkanchhuah lawk a ram palaileng chu va hal vak mai emaw a duh tawh ani.
Nimahsela Taxi chuan a rilru thinrimna leh duhna ringawt chu a inthununtir duh miah lova, ahriatfiah zawhloh tala chu inhnehtir a duhlo reng reng. Jhua pawh alo eng tial tial a, mahse apawisa lo. A awmna lam khawchhak lamah chuan 'electric' êng hnuaia a awm leh ni ênga awm a in zat nawk a, ni êng tih ang reng vel chu a pawi sa lo kher mai.Mahse chu zawng,Jim Silver a hmuh hma kha alawm. Jim Silver nen an han unkawp a, Jim Silver ṭhian neihchhun a lo ni ta. JimSilver phatsan ai chuan hreawm engpawh chhel takin a tuar fan fan ṭhin a. Mi huaisen anga chhal niin mi pawhin an lo zah ve ta em em a ni. Khawchhak lam aṭanga amah man tum a sawrkar milian lokal te pawhin a thangṭhat avangin mipui an hlau va, an khawih ngam ṭhin lo.

Taxi chuan khaw ên leh ênloh pawh angaihtuah tawh lo. Mahse amitthla leh ngaihruatna chuan hnimbuk, kawngkhar aṭanga feet sawmnga zet tura thi phe zeuh niawm tak chu a va hmu tlat mai a.mi naran nise chutiang chu an va hmu lek lo vang. Chutah Taxi chu alo harhchhuak a, khaw êngah mi hmuh theih mai turin a awm ani tih a in hria a, a puakruk mahnia inkau chawp theingat chu a kutah arawn lawrchhuak ve nghal zawk a, a piah ft sawmnga vel tura hnimbuk chu ava kap nghal zawt zawt a. Chumi hmun aṭang chuan silai vawithum a rawn ri ve nghal a. Taxi-a lu chungah chuan arawn ving thuak thuak a.
Taxi chu chhuatah chuan aṭhingṭhi rawp a, a in ngaihtuah ta a. Engatinge helaiah a awm? Pindan thim riairuaiah Jim Silver lah kha a aw a zawi em em mai lehnghal a, tuna lungpui phena akah ṭhelh tak kha Barry Bannet ani si a. Chuti tunge Jim Silver-a lemah chang ta mai?. Chutiang thil vel chu Taxi-a rilruah chuan a rawn lutin a in lumlet nghal zung zung a. Chutihlai vek chuan a kawrchung thla lehlamah chuan silai mu a rawn lut thawih mai a. Barry Christian-a silai mu chuan chhuat chung, inches khat vel tur chu arawn kap chik hle a. Chutihlai chuan Jim Silver niawm tak chuan kawng zawn velah silai mu a rawn thawn phei zut zut bawk a. Heti anih reng chuan Taxi chu ala fuh ngei ngei ang le.

Buaina ram khawvelah hian ,
Mi ang sa anga lo pian ve si chuan, buai loh hi ava har tak em !!.
T Lalrin mawii.
Khuangleng Venglai.

THE FALSE RIDER

Bung 14.
TAXI LO CHHUAK TEH.
Lettu..PL Liandinga.
Re-type . Tmawii.

Taxi chu a hawi vel vat vat a, a mangang ve hle mai. Dawhkan chungah ding dawn se, a keah an kah a hlauhawm si. A tihngaihna tak ahre tawh lo va. Chutah thil pakhat a hmuchhuak a. Chu chhawlbuk chunglam, a chhungah si chuan thil dahna tur niawm tak hi thing pali, a kilsir tin aṭanga kal pheiin alaiah chuan a insuihfin a. Chulai, a insuihfinna laiah chuan a han tawm theih chuan silaimu lenglak satliah chu a hlauhawm nep sawt dawn a ni. Dawhkan chungah chuan achuang a, thing pakhat, akil aṭanga kal pheiah chuan a han in uai tang a, a insuihfinna laiah chuan a awm ta a. Mahse abuaithlak ve leh ta thung. A hmelma te chuan rawn hnaih pawh nise a hmu thei dawn tlat lo.
Silai ri chu a reh a. Barry Christian-a aw ngei mai chuan ," Taxi, Taxi lo chhuak la, ilo in be teh ang," a ti a. Taxi chu mitthi ang maiin a ngawi reng a. Chutah Barry Christian chuan, " Taxi, ka zahawmna hmingin ka khawih na lovang che ka ti, lo chhuak teh, inremna thu ilo sawi teh ang."a ti a. Taxi chu anui sak a. Chutiang hun leh hmunah chuan Christian-a inremna thuthlung chu hresa thlapin a inngai tlat a ni. Christian bawk chuan, "Min chelh khawtlai a sawt lovang, ka duh chuan ka hal khung ang che'nga, ilo chhuak tjo tho ang, inbiak zawk ka duh mai a ni,"a la ti ta fo a.

A hal pawh an hal khung mahna le. Mahse chuti lawk chuan an hal khung bik lovang. Chhawlbuk bul vel chu hnim bawrchhawr mai mai leh lungpui ringawt awmna ani a. Buk hal tur chuan thliin abeng a ngai ngei ang a, tunah lah thli a thaw der si lo. Taxi chuan aṭawng ve vaih chuan a awmna apuang mai mai dawn tih a inhre reng a, chuvangin, atawmna inchungah chuan aṭhu ngawi reng ringawt a. Buk piahlam aṭang chuan pakhat chuan, "Kan that tawh aniang a,"a rawn ti a. Christian chuan,"Khatiang tûr hlauhawm kha chuti maia hmeh hlum chi ani hleinem,"a lo ti a. Taxi chu an fakderna avang chuan a nui sak a. Dawhkan lam chu a zu en a. A tala 'exam' lai chu zuk chhunzawm a chak zek zek mai a.Christian chuan a ṭhianpa hnenah chuan, "I inlan pek elo,? Mupui mit apu tih i hre nange, i dulah khan kap pawp zawk che sela ania ka tih zawk ni," a ti a.
A ṭhianpa chuan, "Engtinnge min hmu thei tih ka hriat ang,? A hriat miah lohvin ka veh ve emaw ka tia sin,"a ti ve tlat mai a. Christian chuan,"Hna ka thawhpui leh tawh takah le che,"a ti niah niah a.Bang chu a rawn kap leh ta zawt zawt a. Lehlama Chrustiana ṭhianpa chuan hnimbuk aṭang hian arawn kap zauh zauh reng a. Taxi chu inchungah chuan ahan dakchhuak a, a insum theih tak ngangloh avangin anih nih ni rawh se tih rilru puin silai khu rawn chhuahna hnuai chu a han kap a, atih ṭhindan pangaiin a silai mu chuan hmun thumah intlar ṭhapin hnimbuk chu a han verh a.
Mi pakhat hi a chiau ta vak a.Rifle ri pawh a reh ta daih a. Chutah Barry Christian-a ṭhianpa chuan, " inchung chhipah a awm. Sang deuh kap rawh Barry," a rawn ti tuar tuar a. Chriatian chuan," A rawn kap fuh lehpek che elo,?" a han ti a. A ṭhianpa chuan, "Ka darah boruak luhna arawn siam hranpa ngat pek anih hi," a lo ti a. Chutah," Ka thah hmain sahriak soah ka chhuang ngei ngei ang maw le,"a ti leh nuah nuah a. Chutah le, silai mu chu a rawn thlawk sang ta telh tleh mai a.Taxi pawh chu chhuatah cbuan atla thum nghal ṭawk a. A kaptu lah chuan rawn hmu niawm fahranin lei lam a rawn kap a, bangkil lamah Taxi chu alum phei ta rawk rawk a. Taxi pawhin tuhngaihna tak ahre tawh lo. A thi dawn a ang khawp mai.
Chutah Christian-a ṭhianpa chuan ring deuh mai hian, " An lo kal, tlangpang kawngah khan an awm mek. Barry, tlanchhuak rawh,"a ti ta tuar tuar mai a. Christian chuan hlauhawm tham zet hian anchhia a'n lawh mawlh mawlh a. Chutah rang deuh deuh maiin vawi ruk, a sang deuh leh a hniam deuh lamah a'n kap zawt zawt a, a reh ta vang vang a. Taxi pawh chuan a'n nghak hlek a, chutah vawi sawmhnih thleng a chhiar bauh bauh a, pawn kawngkhar chu ava hawng a, pindanah chuan alut leh a. Chutihlai chuan sakawr a tlan ri ta ṭak ṭak a. Taxi chu dawhkan bulah a kir phei leh a, tala bawk chu ava bel leh ta a,!!!
Taxi chuan thildang reng a hrechang leh tawh lova, a tala endik laiah chuan arilru hmun sawma ṭhena hmunkua chu anghat vek a, a rilru hmunkhat chuan apiah a sakawr tlan thawm ri dur dur, bang kila thuk nghawr che hlawk hlawk khawpa thawm na chu a hre ve eih eih lek chauh va. Buk bulah chuan an chhuk phak phak a,an lo lut ta a. Chutihlai chuan Taxi chuan tala chu a herh mek a. A ngaihna tak ahre tawh lo. Pakhat chuan ring deuh mai hian," Taxi a ni, a ṭhianpa Taxi a ni."a rawn ti a.Pakhat leh chuan,"Taxi eng..."a ti hman chauh a, Taxi chuan ," Ngawi rawh,"o ti vin tuk a. Chutih lai chuan atala ken chu engtinemaw tak hian a awm ta tlat a,a hawng ta a. Nakin lawk minit khat vel lekah he tala awmdan zawng zawng hi chhun khaw êng ang maiin a hrechiang vek tawh ang.
Pa pakhat lian ṭeng ṭung, sakawr thlanrim nam vut vut mai chuan a darah arawn vuan a."Biak hlek che kan duh a ni,"a rawn ti a. Tazi chuan a han en chhova, chu pa hmaiah chuan chiang fahran mai hian amelh a." I kut kha ka dar aṭang hiaa la sawn rawh."thu pe aw deuh mai hiaa ati ta a.chupa chuan rang deuh mai hian athlah vat a. Pa pakhat chuan, "Mack, gimkhur rawh tûr anih kha," a rawn ti a. Mack, Taxi-a dar rawn vuantu chu tlemin a hnungtawlh hret a, mahse rikrap pawh pawisa awmlo hmel tak mai hian a ke kak ṭaih chuan a ding a. Chutah, " Ka kut chu ka la sawn ang,mahse a rei ngut na maw. I ṭhian tenawm Jim Silver kha hetah alo kal a, kan duhdan chuan....."Mark chu a thle ngahl zawk a.mahse atlai lutuk ta.Taxi-a kut chum ṭha met mawt,ruh chang tak mai chuan akhabe a rawn duk zawt a.a ṭhiante kutah a tlu awn phei ta rawk rawk a. Taxi chuan akah nghal mai abeisei deuh a,mahse silai ri lovin pa pakhat chuan,"Mack hi chu a hmanh.awh lu deuh ṭhin a ni. Jim Silver leh a ṭhianpa chu Crow's Nest ah lo kalin bank-ah an rawn thawk a,min bum a, chuvangin an kalna leh pawisa an dahna min hrilh turin kan duh che a ni. Chuti anih loh chuan a ṭha lovang,"a ti ta zawk a.

Hunawl hman ṭhat tur neilo khawpin han taima ṭheuh mai ila..Hun hmangṭha kan lo ni ṭhin.
Tun hun hi i hman ṭhat zel si chuan, i nakin hun chu a ṭha sa alo ni mai ang.

TLalrin mawii
Khuangleng Venglai.

THE FALSE RIDER.
Bung 15..

PAWISA DIK TAK A BO THEI LO--SILVER-A DIK TAK PAWH A INTHUP HLEN THEI LO.
Lettu..PL Liandinga.
Re-type..Tmawii.

A chang chuan thusawi hi aṭangkai miah koh hun a awm ṭhin a, chutiang hun chu Taxi chuan atawng leh ta pek niin a inhria. A chunga mi mit fuk dan ṭhepṭhup chu a duhzawng ani miah lo. Jim Silver nen a an mizua reng reng chu mi en luih luih duhko chi an ni ve ve a, he mize in anna tak hian anni hi a kaikawp ta a ni.Taxi chuan tawite in thudik dik lutuk tak mai chu a'n sawichhuak a." Jim Silver chu bankah engti kawng zawng mahin a thawk lovang,"a rawn ti a. Mi pakhat chu ring fein anui ta vak a."A thawk lo, arawk ani zawk tak.Bank-ah chuan min bum turin alo awm a.min bum chung rengin a tlanchhuak a.mahse achhuak lam chu a ipte apuar lutuk ta deuh a. Hetah a rawn kal a.a thil tumdan zawng zawng pawh a hrilh vek ang che,min hrilh ve mai rawh. Phat ngaihna a awm hleinem,"a rawn ti lehnghal a.
Taxi chuan," Bank a hna rawn thawk chu Jim Silver-a ani ang tih phatdan kawng a awm a ni."a rawn ti leh bauh . Pa pakhat chuan ringtawk tak mai hian ",Eng maw? Phat ngaihna dan a awm ang e i ti elo? A ṭhialpawn bula samṭuak ṭo leh a sakawr chak lutuk Parade-a aṭang te khan Silver-a ani chiang ani,"a rawn ti a. Taxi chu a inngaihtuah vang vang a. Mack chuan, "Hun kan khawhral mai mai a ni. Hruizenin a hrawkah hling ila, thudik chu kan phihchhuak vat mai ang,"a lo ti a. Pakhat ve thung chuan," Engmah i hnukchhuak lovang, Barry Christiana meuh oawhin duhtawka a chin pawhin engmah a sawitir thei hleinem,"a lo ti thung a.Taxi chuan zawi te in."Jim Silver ani lo ka ti ngam, Silver chu ka ṭhian a sin, heti hian m8n ti duh dawn em ni?" tih pahin buk bang kaw chekchuk chu a kawk a.
Mack chuan, " Kha khan engmah a hrilhfiah chuang hleinem. Taxi leh Jim Silver chu pawnah an chhuak a,pawn lam aṭangin bang hi an kap chiam a, chuvang mai chuan ṭhian an nihna abo chuang lo. Taxi kiaagah hiaa an sum ruk sa chu Silver chuan a hnutchhiah a, a tlanbo ta a ni.chu aia min bum tum dan awlsam zawk a awm chuanglo,"a ti tlat a.Taxi chuan, "A nih leh nangni umzui ngei ngei tura bengchheng khawpin Silver chu a â reng reng em ni?"a ti leh ta a. Mack chu an ngawi hlek a, mahse..." Hemi hmunah hian min hruai chho va, in pahniha sum in thuhruk laiin pakhatin bang alo kap vak a, chu sum awmna chu tunah hiaa min hrilh mai rawh.Taxi,"a la ti ta cheu a.Taxi chuan ,"In tih dikloh pakhat ka hrilh ang che u," tih pahin a kawr chu a han keu a. A taksa tlem chu thawi hlekin a kawr chu alo pawp hak mai a. Chu mai nilovin a kekawr tlang, silai mu luhna pawp chu akeu lang bawk a. An hmelah chuan Taxi thusawi chu an awuh ani tih alang reng mai a. Mahse Mack chuan,"Dawt phuahchawp leh siam chawp mai mai.Taxi a thawmhnaw ah hian an duhthu a kap an ni......"a ti a,a sawi zo hman ta lo.
An zinga pakhat chuan, " A vunpui kapchat duh khawpin fiamthu aa duhin dawt an phuahchawp nasa peih a tirawh, em ni? Mack,â lutuk duh mah ta che. Naute u, i tlan vat teh ang u. Engpawh nise Taxi chu he thilah hian atel ve lo a ang a, Jim Silver chu lo kal kawi deuh ta oawh nise a ṭhian Taxi pawh phatsan duh khawpin a sual tawk tihna ani mai."a ti a. Taxi chuan muang nem diai hian,"Thluak chanve hmangin thu i sawi ve ta. Amaherawhchu heihi min han hrilh teh, Jim Silver leh Barry Christian hi an inkawpin in ring em ni?"a ti a.
Pakhat chuan,"Tunge an inkawp ti?Jim Silver leh Tom Bernnet an nih kha,"a rawn ti a. Taxi chuan, "Bernnet kha Christiana ani a, Jim Silver ni a inhriat kha misual tu emaw ka ṭhian pa hming hawh mai mai a ni,"a lo ti leh ta a.midang chuan ringlo chung si,ani thei ani tih hre bawk si chuan an thlir ṭhap a.pahnih khat chuan an la ringhlel ani tih chu a hriat hle a. A tam zawk chuan, "Ti ru, i kal vat ang u, oen hnih khat te te in Silver chu aatlanbo hla tial tial ania,"a'n ti a. Pakhat chuan, "Duh leh tlan daih ang hmiang, tunge parade umpha thei chuang ang?"a lo ti ve thung a.Pakhat ve thung chuan,"A dik,mahse Parade chungah an chuang ve ve hleinem,"a lo ti ve a.an chhuak ta dial a. Mack erawh chuan sakawra lawn pahin," Unau, ka kawng dal suh aw, i fin deuh phei chuan Crow's Nest chheh velah hian tei muang mai mai suh. Silver kan duh a,a ṭhian erawh chu kan duh lo."tiin Taxi chu a'n kam khat leh hram a.
Barry Christian leh a ṭhianpa kal lohna lamah chuan an tlan liam ta dul dul a. Mahse Taxi chuan kawngdik pawh kawhhmuh a tum lo. A chhan chu a thusawi chu barah an khawn tawh dawn loh zia ahriat vang a ni.
Chutih lai vel chuan Jim Silver tak tak chuan Crow's Nest khaw bul lawk tlangpang chu a lawn chho mek a. Chumi tlang chu a lawn chhuah chuan Crow's Nest chu a thleng mai dawn a ni.Nimahsela, a tlai zo ta. A hahin a chau em em a, mahse taksa hah leh chauhna chu a tawng zing tawh khawp a. Ngaiah aneih hial tawh a ni. Amah leh amah chu tumruhna nen a inti harh thei talt bawk a. Crow's Nest khawchhung chu a hming hawhtu, Gregora luh ang chanve pawhin a lut ropui meuh lo. Nu pakhat hian, "Jim Silvera alo kir leh ta,alo kir leh ta."a rawn ti a. Chutah chuan le, mipa ho chu an rawn chhuak ṭak ṭak a, silai an rawn hum chhuak far a, tumahin kam khat te pawhin Jim Silver cbu an be lo.
Jim Silver chuan biak loh mai mai chu angai pawimawh lo. Biak lumlam loh hi a dawn ve tawk ani a.hreawm pawh atilo reng reng,mahse an hmel rum tak tak mai chuan angaih ati ṭha lo hle a.chu mai pawh ala ni lo, Paradea lawm tur rungawt pawh chuan naupangte tal chu rawn tlanchhuah awm. Mahse hlau awm tak maiin kawmkarah an tawmim reng mai a, nuho lah chu thlipui lo thleng tur huphurh ang maiin an ngawi dek reng bawk a. Silver erawh chu a kal ngaiin akal ngauh ngauh reng a.a hmalamah chuan ṭhahnem tawk tak chu an inhawrkhawm bawk a.Chungho oawh chuan silai an keng ṭhap mai le.
Misual dan laka tlanchhe ho tawmkhawmna khuaah chuan va kal nise Silvera tan thil mak ani lo. Mahse dan leh hrai anihna anga pawm khua leh tui ṭha zinga chettlatna atan chuaa amak deuh ani. Mipa ho silai kengte oawh chu thupek nghak niawm fahran hian an awmna aṭang chuan an lo chhuak a. Kawnglaiah chuan Silvera hmaah chuan mi zathum zet tur hi an lo pungkhawm tawh a. Adangte pawh an lo la kal belh zel bawk a. Mi â lo tan chuan buaina chawhchhuah an hnial lo hle ani tih hairual ani lo.An rawn hnaih ang tuau tuau a, Silver chuan damdP hian."Naute u, enge ni ta?"a han ti a.
Reilote chhung chu tumahin engmah an sawi lo. Pa pakhat tar tawh tak,ria deuh, sahmul lukhum uih hmel tak khum hi alaiphir dawm ṭat chungin alo pen chhuak a."Jim, i fingin i fel hle ṭhin tih ka hria.chumi i fel ni a kan hriatna chuan kan mit alo tidel a, min bum ta reng anih kha. Mahse bank i rawk hnua lo kir lehin min bum theih cheu i la in ring em ni?,"a ti ta a.mi pakhat hian hnunglam aṭangin,"Silver, i ṭhian pa Benneta nen Crow's Nest in chhuahsan lau kha kan hmulo cheu em ni?"a rawn ti bawk a.
Silver chuan ngawirengin ahma amite chu a'n en a. Thil awmdan zawng zawng chu chhun khaw eng ang maiin a hrethiam ve ta nghal a, chung ho chu an neih zawng zawng tun emaw abumchhuah sak a. A bumchhuahsak tuah Silver chu an puh anih chu. Silver chuan rukru rual thinrim aiin mi ṭha pangai thinrim infawkkhawm .chu a tawrhhlelhawm tih a hrechiang em wm a.chutiang dinhmun chu englai mahin ala hmachhawn ngai lo. Heng mipui ho hi an thinrim em avangin khaihlum emaw, khaihlum tluk emaw vel chuan hremna atuar ngei dawn a ni.
Silver chuan," Ṭhian te u, miin an bum che u anih hi, Crow's Nest ah hian tun chauh hi Parade nen kan lo lan chhun ani. Tu'n emaw ka hming a hawh anih chu,"a'n ti a. Awihlo lutukin an phun mur mur a, nichina pa upa tawh tak thu rawn sawitu hmasa ber khan,"Ṭhianpa, nichina Jim Silver kha, nangmah ang hmel pu chauh.i pianhmang pu chauh i lema rawn chang tih min awihtir i tum ani maw? Kei zawng chutiang thu buluk mai mai ngaithla tur chuan ka upa lutuk ta e. Bank i rawk khan kum sawmhnih chhunga thi leh thau pawlha ka lo khawl ve chhun dollar 1500 i la tel a sin. Kha pawisa kha ka ruang phumna man tur ani a, i hnen aṭanga ka lak kir leh loh pawhin i vun tal ka hralh ngei ang,"a ti ta a.
Chung mipui pungkhawm zinga atam ber chu banka pawisa daha hloh deuh vek an ni a. An thinrim dan lah chu a sosang tual tual a.Jim Silvera hmingṭhatna chuan a hup zo dawnlo a ang khawp mai. Pa upa deuh cher deuh bawk kha ,a theipatawpin alo au leh a. Jim Silvera lu chu alaiphir chuan atin nghal a. Chutah mi pakhat hian."Kha pa leh nichina Jim Silvera kha an in ang lo."a rawn ti a.abul hnaia mi te chuan an peizawn kang lawk a. Jim Silvera lamah mipui chungah chuan an ṭham kang ta a.Pakhat chuan," Hepa hian, Jim Silver pakhat leh Jim Silver pakhat chu an in ang lo, zu han ti a, a chhaw anih hi,"a rawn ti a. Chupa chuan, "Nau te u, a in anglo ka ti ngam sak.A sakawr pawh saw alian zawk daih...."a la ti a. Chupa chu a bul hnai ami chuan a'n hnek tlu ṭhuai a.mipuiin an chil zui nghal a, Jim Silver chu an hnaih tuau tuau zel a. A ṭhen phei chuan an rawn ban zuau zuau a, Silver chuan an pawtsawm ṭan ta niin a hre ber a.

Like leh Comment min pe a,min lo chhiarsak ṭhintu zawng zawng te chungah ka lawm e.
T Lalrin mawii.
Khuangleng Venglai.