THE FALSE RIDER (Cowboy) (Completed)

Western cowboy Re-type, lehlin leh mizo phuahchawp dahna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: THE FALSE RIDER (Cowboy) 1 - 18

Unread post by Ngaia » May 29th, 2018, 6:02 pm

THE FALSE RIDER.
Lettu..PL Liandinga

Bung 16.
KA RILRU KA SIAM FEL TAWH--WILBUR.

Re-type Tmawii

Chu khuaah chuan taksa him pial si, mahse rilru tlachhe mek midang an awm ve bawk a. Chupa chu Henry Wilbur a ni. A neih zawng zawng chu a " Mangṭha," thuai dawn tawh a ni. Zingah a bank-ah a kal a. A kawngkharpui hma lamah chuan.;

Ka mimal bungrua zawng zawng ka hralh vek anga, he bank rawk avanga thil chânte laka ka ba rulh nan ka hmang ang. Bank-a pawisa dah reng reng chuan a pawisa aiah enge maw tal a hmu let leh vek ang.
HENRY WILBUR.
tiin a tar a.

Chu thu lawmawm tak atar lai a rawn en tute pawh chuan lawmthu kamkhat te pawhin an rawn sawi duh lova, mtmeng rum tak takin an melh khui khui zawk a. Wilbur chuan a sakawr chunga chuangin an In, tlanglam ami chu apan chho ta a.Inchhung aluh dawn chuan a nupui leh a fanu chuan an lo hmuak a, Wilbur chuan a fanu kut chu a'n vuan a, anupui hnenah chuan,' Molly, a lo dik ngei e, pawisa chu an rut fai hneh kher mai. Lehkha tlem azawng a la awm a, chulah pawisa a han chantir mai theih ani si lo." a ti a.Mrs Wilbur chu nu tereuhte dang dil del, cher lam deuh ani a, a pasala hmel chu a'n en a, " Henry, thil atthlak engmah tilo turin i rilru i siam fel ang ti rawh,"a han ti a.
Wilbur chuan anupui chu nui chungin a'n melh a, a darah a'n chulsak a." Chu zawng, eng hi nge thil atthlak i tihah a innghat ang chu.,"a ti ringawt a. Anupui chuan tlemin a'n tawlhsan deuh a. Apasala rilru huaisen, tumruh lutuk mai chu chiang takin a hmu tlang a, " Henry , i hloh anga nasa hi tuma'n an hloh ve lovang. Nangma mimal bungrua te hi i thil hloh khuh nan i hralh lovang tirawh,?"a ti leh ta a. A chhan pawh nghak duh lovin, "engzatnge an lak?,"a ti leh ta a.
Wilbur chuan afanu hmel chu ava en a, a dang deldawl hle nain, a rilru chu Sailo lungphun ang tlut maiin a nghet ani tih ava hmu a. A fanu chuan, "Ka nu,tunah chuan ka pa hi tibuai rih lo ila aṭha zawk ang. Tunah chuan a ṭhat dan ber lo chuan atih theih tawh lova, ka pa hian aṭha ber chu a hre si a," a rawn ti ta nghe nghe a. A nu chuan, " Ka hre duh alawm, Henry Wilbur, bank pawisa bawm aṭang chuan engzatnge an lak,?"a ti ta hlur mai a. Wilbur chuan,"Dollar Nuai-li-chuang zet ,"a ti ta a.
Mrs Wilbur chu a ṭê tuar a, ," Henry, a ṭhen azar tal rulh nan pawh i mimal bungrua hi chu i hralh lovang,"a rawn ti a. A fanu chuan, "Ka nu, i kalsan rih ang, kan kalsan rih tur a ni.Thil tihtur chu pakhat chauh a awm a, chu chu ka pa hian a hria ani."a rawn ti a. A nu chu a thidang titih ta mai a. Khumah an han mut a. Ruth Wilbur chuan a'n zut vel a, awm pangai deuha arawn awm leh hnu chuan Mrs Wilbur chuan,"Bawihte, i pa hnenah chuan ṭhingṭhi in kal la, a bungraw hralhlo turin va dil rawh. Khawvel zawng zawngah a hmangaih ber che a lawm. Kutdawh thihin kan thi mai anga sin va dil rawh." a ti ta a.
Ruth Wilbur pawh chu pindan aṭang chuan apa hnen lampan chuan a chhuak phei ve ta a. Mahse, ṭhingṭhi a bungraw hralhlo tura dil tur chuan achhuak phei hauh lo. A pa chu lehkha chhiarna pindanah a va hmu a. Wilbur chuan a thilneih 'list,'a lo siam mek a. A thingkung huan te leh a thil laihchhuahna khurte chu awlsam takin a man rel dan ahre nghal zung zung a, mahse mimal bungrua deuh tak tak chin chu a buaithlak em avangin ngun lutukin a ngaihtuah a. A fanu lo lut lai pawh chu a hmu reng reng lo va. Harry Graig, Wilbur-a secretary chuan apu thilsawi chu alo ziak zung zung zel a.

Henry Wilbur-an Harry Craig te ang a'n kawp hi chu a vannei ngawt mai. Harry Craig chu hmelchhe lutuk tak mai, pian herh em em, taksa chanve deuhthaw zeng hi ani lehnghal a. A hmelchhiat lutuk avangin tuman an kawl peih lo va, chumi avang chuan a rilru pawh a lo sawngnawi khawlo zo ta a. Nimahsela Wilbur chuan duat deuh maiin a enkawl a, sum ṭhahnem tawk a pe ve ṭhin bawk a. Harry-a rilru khawlo sawngnawi kalsual tawh chu zawi zawiin a rawn ṭha ve hret hret zel a, Craig chuan Wilbur chu mihring ang pawhin a en tawh lova, a sakhua, a pathian ani ringawt tawh a.Harrya tan cbuan Henry Wilbur a pawimawh ber a, a bak chu--hla takah ,khawvel dang, hmuh theih riairuai a awm ve chauh a ni mai. Tunah pawh hian apu thil sawi chu uluk em em in aziak zel a, a kutziak mawi leh mawiloh chauh chu a ngaihtuah niin a lang.

Henry Wilbur chu Ruth Wilbur chuan a bihrukna, kawngkhar bul aṭang chuan ava en a, amitmeng a danglamin akhawhawi pawh a kun chuang eihlo tih a va hmu a, a biangah chuan mittui alo luang ta zawih zawih a. Ruth Wilbur chuan a pa chu a khawngaih avangin amittui ati tla lo, apa chu aropui ema ahriat vang zawk a ṭap a ni. Chutihlai tak chuan Wilbur chuan, " Chuti chu lo ni se, bank leh a dinna lai ani leh ta ang a. A hmun saw arem ve reuh viau a, bank neitu thar pawh lo kal se, adang sak leh ai chuan a rawn ring nghal mai duh ta ve ang. Dollar singhnih leh sangnga hu velah lo dah ta ila, tuna kan awmna in hi ani leh ta a,"a ti a.
Craig chuan a en ngai en reng chungin, "He In hi maw?"a'n ti a. Wilbur chuan,"Ni e, he In hi," a lo ti a. Craig chuan a pu hmel a rawn en a, " I In hi maw !?"a ti leh ta a. Wilbur chuan, " Ni e, ka In hi, a ṭul tlat a ni. A vai hian tihral aṭul tlat,"a ti mai a. Chutiang thu a'n hriat chuan Ruth Wilbur-i bianga mittui chu a lo hul ta vek a. Chutiang mihring he khawvel a alo awm ve chu lawmawm ati lutuk a, chu mihring chu apa ngei ani bawk si. A hlim hmel chu engilo mai maiin han nuai reh rual ani lo.
Wilbur chuan," Tin, a hmun hi alo ni leh bawk ang a, chuti alo nih chuan dollar singhnih alo ni anga, bungrua hi ao ni leh bawk ang a, hengte pawh hi aman diktak chuan kan hralh thei lovang, tunah mai hrih hi chuan Crow's Nest ah chuan thil a tlawm deuh hlek a ngai dawn ani.Chutah, lehkhabu alo ni leh ang a",a ti ta zel a. Chutih pah chuan a lehkhabu intiang khawm urh mai chu a'n thlek a, a hun nuam neih ve ṭhinte chu he pindanah hian ao hmang tawh ṭhin anih kha. A lehkhabu te chu alen zawng leh a dahna hmun aṭang ringawt pawhin an hming a sawi thei vek a. A kutphah tluk zetin he oindan hi chu a hrechiang ve a ni.
"Bungrua leh lehkhabu zawng zawng hi dollar singkhat chu ani thei mai ang, aman diktak chu chu ai chuan a tam zawk ang. Mahse lohtheihloh thila hralh ralah chuan singkhat aia tam chu kan beusei ngam ko vang a. Tichuan, avaiin engzatnge nu ta?",a'n ti a. Bah deuh nak hian Craig chuan, " Chubakah engemaw belh tur ala awm hlek a sin,"a lo ti a. Wilbur chuan,"Eng maw,?"a 'n ti a.Craig chuan, "i nupui leh i fanu lungmantam ilo vel hi," alo ti a. Wilbur chuan, Ka nupui chu a thlemthluk theih mai thei a, mahse tunah chuan ama mimal bungrua chu laksak tum rihlo ila, mahse Ruhti neih ang ang chu ka bungrua ang bawk a hralh vek tur ani ang,"a ti a.
Chutiang thu Ruth Wilbur-in a han hria chu alawm lutuk a, kum lo kal leh tura hrehawmna a tawrh tur zawng zawng pawh hian alawmna chu a chhilh leh thei tawh ngai lovang. Wilbur chuan afanu hming alam rual chuan pindan chu a'n melh kual a, Ruht chu a hmu ta a. Ruth a va hmuh chuan aṭhutna aṭang chuan atho nghal zawk mai a. Craig pawh chuan a hrawk ati ri bawrh bawrh ringawt a. Wilbur chuan, " Duh ber-a pawi ngawt mai.i bungrua leh ka bungrua zawng zawng hi tihriral a ṭul tlat a ni. A khuh leh tura theihtawp ka chhuah loh chuan ka tan chuan a zahthlak tawpkhawk----"ati hman chauh a.
Ruth-i lam pan chuan mumal lo deuhin a petek phei a, Ruth chuan apa chu alo dawm ding a. Chiang takin a hmaiah chuan a en a."Thildang chu ngaihtuah ni la chuan, thil zahthlak tak ani ngei ang, i neih ang ang i ba rulh nana hralh ral i tum loh chuan i tan thil zahthlak ani ang a, keipawhin ka zahpui bawk ang che."a ti a.Wilbur chuan, " Craig, i hria em ?Craig mawh? , mi pakhat chuan ahrethiam,----"a ti nawk nawk a, chhuat laiah chuan atlu sawp hnawk a, Ruth chu a ṭhingṭhi vat a. Apa thinhnun zawnah chuan a beng a zuk dawh a. Engmah a hre thei lo. Craug chuan a pu chu a zu bawh a."I that ta, i tihlum anih hi."tiin a ṭe tuar tuar a. Ruth chuan kawngkhar lam pan pahin ," A hmai zahsak rawh, Tukverh kha hawng la, daktor ka va ko ang e," a ti a.

Mi rinawm leh midik te'n khawvel an tihnawmna aia nasa daih in, Mi pamham leh diklo ten Khawvel an chawhbuaina hi abuaithlak zawk fo.
Mahse, DIKNA in a hneh let leh ṭhin.
T Lalrin mawii.
Khuangleng Venglai.

THE FALSE RIDER
Lettu PL Liandinga
Re type Tmawii.

BUNG 17.
SAMSEI AWMNEM AN ṬANGKAI..🌹

Pindan lehlamah chuan Ruth chuan anu a va hmu a. Anu chu a sam alo tlabuai nuaih tawh a, a sam lem chu anghawng lehlamah atla a,a sam tak tak chu anghawng lehlamah a invet chibuh nuaih a. "Ruth hnenah chuan," Ruth, enge ni ta,?" a lo ti a. Ruth-i hmanhmawh chuan tlanpelh tumin han kunpial mai a tum a, mahse anu ban tha chak tak mai chuan aman bet ta tlat a. Theihtawpin Ruth chu a tal ngial a, atal chhuak a, kawngkhar lam pan chuan atlan ta zel a. Chutih lai chuan kawtthler aṭang chuan mipui tamtak au rual ve ni a lang pawh chu arual hleithei lo va. Ruth chu an kawta sakawr thlunna thing khampheia sakawr inthlung, lo awmsa reng chungah chuan aperkai nawlh a.
Chu sakawr chu alo hel ve tumhrang vei nen, Sakawr vuakna hruihrual a'n chelek leh ngial a. Vawi sawm vel a'n kuk zawt zawt a, sakawr pawh chu anem ve ta a.Gate kawngkharah chuan alim chhuak ta puat puat a.Piah lawkah chuan mipui tamtak,zarual vel zet tur hi an lo bial tuau tuau a, thinrim tih hriat tak mai hian an kut an lo vai sup sup a. A laiah chuan palian tak mai, sakawr lianpui chunga chuang hi a ding zuah mai a. Chupa chu sakawr aṭanga pawhthlak a tihhlum an tum tih Ruth chuan ahrethiam nghal vek a. Chulam chu Ruth chuan angaihven lo. Daktor hnen thlen a duh a, mahse mipui chu daktor in panna kawngah chuan an awm tlat si a. Kawng lehlam aṭanga ahel fe anih loh chuan atan daktor hnen thlen ngaihna a awmlo a ni.
Mipui thlafemah chuan kalin apaltlang theih mai a inring deuh a, a zu kal chhin a,mahse a sakawr chu a tal tak chiam avangin mite chuan kalna kawng an lo kian zung zung mai a.Paltlang thei mai dawn tawh a inhriat lai chuan mi thusawi sup sup chu a hre ve ta a. An vai mai chuan Jim Silver an hmusit zia leh an huat zia thu an lo sawi bawrh bawrh hlawm a. Khawthlang ram a roreltu ropui ber-Judge Linch (Roreltu -Khaihluma)an ro arel sak dawn a ni. Mi pakhat chuan Silver-a nghawngah chuan hruizen ava vawrh âwk a. He pa chu Silver,---Ruthi pa that lek lektu hi ani reng mai. Ruth chuan chhete pawhin a khawngaih lo.
Hmeichhe khawngaihna pianpui ang leh hmeichhe hlauhna ang hi chutih lai chuan Ruth chuan a pai hauh lo. Mahse chutiang bawkin a tihtawh vekah chuan hlauhna chu anei lova.Hepa, tuna sakawr chunga ngawi renga ṭhu, an tihduhdahna zawng zawng pawh hmel danglam map lova ṭhu chunga tuartu hi an huan a fawh tumtu kha Ruth chuan aniin a hre thei tlat lo. He pa hian ngawirengin achunga thil lo thleng chu anghak a. Ruth chuan,"He pa hi in mi duha ani lo. Inti diklo a ni, hei hi chu in duhlo," tiin a theih patawpin a au a.
Sheriff Dick Williams chuan theihtawpin Jim Silver-a hnen lam chu pan atum a,mahse a thei lo. A lukhum te pawh chu an ben thlaksak ta zel zawk a.Ruth chu Sheriff kiangah chuan ava phei a, Sheriff bengbulah chuan,"Lo lawn ve rawh, i paltlang ang,"a va ti a. Mipui lam hawi chuan," He pa hi chu in mi duh, bank rawjtu kha chu ani lo," a ti vak vak a. Sheriff Dick chu sakawrah chuan alawn ve nghal a, " Khawi keima'n, ka'n paltlang ang e,"a ti a. Ruth chuan, " Mipa tan tihtheih a awm lo, hmeichhia an ṭul tawh a nih hi," a ti mai a. Dim lek lo maiin mipui karah chuan sakawr nakthawlah chuan a'n kheng ta a. Sakawr chuan mi pakhat a suthlu a, a chil zui nghal ta mai hian Ruth chuan ahre nghe nghe a. Sakawrin a rah hlauin mi pawh chu an kiang zung zung a. A ṭhen chuan athawmhnaw an lo pawhthler sak bawk a.

Ruth-i sam chu an pawh phelhsak tawh avangin a tla buai niai a, a theih ang aag chuan a vela mite chu a sakawr vuakna hruihrual chuan a'n hlap nawk nawk a. An han en ṭhin a, dan kengkawhtu hmel leh hmeichhe mangang hmel an hmu a, an tawlhkiang deuh hlek a. Mississipi khawthlang lamah chuan hmeichhia chu an zah tlat a, khawih thianglo angah an ngai a, chu tak cbuan Ruth pawh chu thil atihtir thei a ni. Ruth chu, "He pa hi chu ani lo, he pa hi chu bank rawktu kha chu ani lo," tiin a au leh ta vak vak a, abul vel ami te chu an tim deuh a, Silver-a bul chu a va thleng phei a, a kut lehlam chuan Silver chu a kuah a, akut lehlam chuan abul vel ami te chu a sakawr vuakna hruihrual chuan a hlap zawtbzawt bawk a.
Sheriff Dick pawh chu Silver hnungah chuan arawn lawnkai ve a, Jim Silver-a kutah chuan kutkawl a rawn bun tir a, mipui hmuh theih turun a rawn leklang ta a. Nimahsela mipui chuan engvakah an ngai duh lova. Mahse hmeichhia a tel miau mai a, dan kengkawhtu a inrawlh ta bawk si a, Ruth lah chuan ahlap pawp pawp hlawm mai si a, tlemin an han tawlh deuh a, Silver teho chu an tlanchhuak ta a. Ruth chuan Jim Silver-a darpharh hlai ṭha pui mai kawmkar thim deuh zinga atlan lut chu a hmu a, daktor ko tur chuan akal ve ta a.

Mob rule ka ti mai.
T Lalrin mawii
Khuangleng venglai.

THE FALSE RIDER.
Lettu..PL Liandinga

Bung 18.
THLIPUI A HNAI.

Re-type Tmawii.

Ruth-in an Ina daktor a hruai thlen leh pawh chuan apa chu library chhuatah chuan ala mu hlawm reng a. A chang chang chuan athaw ve leh zeuh zeuh ṭhin a. Han en chuan a thi nimaiin a lang. A ke leh a dar velah chuan hrukpuan hian an kam vel bawk a. Khumah an zawn kâng a, an mut a. Chutih lai chuan Wilbur chuan engmah a hre lo va. A inngaihtuah hah luattuk avangin a rilru in a zo lo va a tùar ta lo ani, tiin daktor chuan a sawi a, a hnu lamah pawh a ṭhat chhuah leh ṭhat chhuah loh tur pawh sawingam ani chuang lo a ti mai a.
Ruth chu apa bulah chuan a ṭhu reng a, achang changin apa chuan, " Hralh vek rawh u," a rawn ti leh ṭhin a. Ruth chuan apa ban chu a hmersak a, " A ṭha vek e, " a lo ti ṭhin a. Tlailam ah chuan apa chu alo harh ta a, amit a rawn meng zau a, "In hralh vek tawh em,?" a rawn ti a. Ruth chuan, " Hralh vek ang,"a lo ti a. Wilbur chuan Ruthi hnenah chuan , " Ngaithla rawh, ka thi dawn miahlo nain ka thih palh hlauh chuan---Ka thih palh hlauh chuan, pawusa bo avanga tuartu zawng zawng kha in rul leh vek tur a ni. Dollar khat aiah cent 85 zelin in lo rul leh vek tur a ni. (Cent 100 in dollar khat a tluk, Pll) i nu thusawi hi ngaithla suh la, thudik aṭangin tlanbo hauh suh. Khati khawo khan miin min ring a, ka hming pawh a ṭha ve tawh ṭhin a. Hming ṭhatna hi pawisa ai chuan a hlu zawk si a. Ka pawisa leh bungraw neih chhun hi ka hming ṭhatna lei nan ka hmang tur a ni. Mahni hma ka sial deuh oawh ani ta ve ang, i nu nen hian kutdawh hial khawp a in vahvaih mai theih avangin. Mahse i hming a ṭha thung ang a, heng thu hi ka hrilh che pawh I ngai lo, i hre vek. Ukil va ko la, ziakin i lo dah ang," a ti ta a.
Ruth chuan Ukil chu a va ko va, anu pindanah alut nghal bawk a. Anu chu pindan thim takah alo awm a, aṭap a, a rum a ni. Zawi te tein, " Kumkhaw chawr lohna ani, ni e, ni e, kan vakvai dawn anih hi. A va diklo tehreng em ! A rilru abuai tawh anih hi, Ruth, ka nau khawngaihthlakte," a ti reng a. Ruth chu Library ah bawk chuan ava phei leh a. Craig chu alo petek lut nawk nawk a. Lehkha hi arawn oe a." I pa a thihdan lai khan engtin emaw ka hau che ani awm e. Ka rilru abuai ani, a pawi ka ti khawp mai.," a rawn ti a. Ruth chuan, " Pawiti duh suh, i thusawi avang khan ka ngaina sawt che,"alo ti a.

Craig chuan alei hmawra thil awm chu sawi chhuah mai tumin a hrawk a han ti ri bawrh bawrh a." Nang chauh hi ani a ngaihtuah che," nelawm koh fe hian a han ti a.Pindan aṭang chuan a chhuak ta a, achhuah hnu chuan Ruth chuan lehkha chu a han hawng a, Silver-a rawn thawn alo ni a.Hetiang hian;

DEAR MISS WILBUR.
Thil rawn inher chhuah dan tur hi tumahin an sawi thei lova, mahse a tawp kan thlen hmain thu tawite sawi ka duh a. Thildang zawng aiin, he khawvel mi tumahin an tih ve theih loh tur min tihsak tih hi ka sawi duh ani.
I pa thi lek lek bawihsawm tur,daktor ko turin i kal ani tih Sheriff in min hrilh a, mahse i thiltih ropui tak mai kha han belhchhah ropui leh chuan ngaihna pawh a awm lo.
Tu pa mah hi sehhel tluan tak tak ka la tawng ngai lova, nimahsela, nu rorum diktak erawh zawng ka tawng ta a nih hi.
An kutlawng ngawta min thah an tum anih kha. Min pawhdarh vek an tum a ni. Min pawtdarh ṭep zawng a nih kha. Kha thil kha hmeichhia chauh lo chuan an dang thei lovang. Hmeichhiaah pawh nang ang chauh lo chuan a dan pawh an tum chuang lovang.
I lakah mikhual ka ni tih hi theihnghilh loh ka tum ṭang ṭang a. A hma kha chuan mikhual dik tak i lakah hian ka ni a, tunah chuan mikhual dik tak pawh ni tawh lovin, mikhual takzet ka lo ni ta anih hi.
Yours.
JIM SILVER.
Ruth chu anui ta var var a, chu lehkhaah chuan thu diklo pakhat a rawn ziak tel tlat mai. Chu chu. Mikhual ani tih chu. Mikhual ani ta tlat lo. Pawnah ava chhuak a, Craig chu ava hmu a, Craig hnenah chuan, " Jim Silver chanchin hi sawipui che ka duh ani." a va ti a. Chutah, "Engatinge jailah ala awm reng ?"a va ti a, Craig chuan, "Chhuak thei hek lo," a lo ti a. Ruth chuan, "Thei lo â! Engatinge ,?"a lo ti a.Craig chuan thaw hak chungin, "Chhuak se i ti ani maw,?" a ti ta a. Ruth chuan, "Teh reng mai,"a lo ti a. Craig chuan, " Misual, i pa tichhe vek tu hi chhuak se i ti maw !,?" a'n ti leh nghal a. Nula chuan ,"Ngawi deuh teh, ka pa in ahre reu reu ang e," a lo ti a.
Craig chuan, "Hria se ka ti ngawt a sin, a thih hmain a fanu hian amah aiin bank rawktu hi a hmangaih tih hi hria se, i nihna diktak hi hria se ka ti ngawt asin."a ti a. Ruth chuan, "Jail ami saw bank rawktu a niin i ring em ni?"a ti a. Craig chuan "Khawvelah Jim Silver pahnih an awm em ni? Ruth, i â deuh tak tak tawh ani awm mang e,"a lo tihsan a. Ruth chuan," Nichina mipuiin thah an tum kha chu ka pa hnena thawk kha ani lo tih i hre ko ani maw?"a ti leh ta a. Craig chuan, "Eng maw?" a ti a.
Ruth chuan, "Ka hmu tawh a, ka hria asin,"a ti mai a. Craig chuan, " Chutiang deuh chu ani ta ve ang. Mahse dan kengkawhtute hi hmeichhe fing deuh, Ruth Wilburi te ang tan pawh han bum mai mai chi an nilo. Mipuiin Jim Silver pahnih a awm an hre kova, Sheriff pawhin a hre hek lo, ka va be tawh a, ka hrechiang khawp mai," a ti ta a. Ruth chuan, " Dick Williams chuan misual ani maw Jaila khunga ain hriat ?"a han ti leh ngat a. Craig chuan, " Ruth hmeichhia a..hmeihhe â tak chauh lo chuan jail ami saw misual kha ani tih an hre vek ang chu, Williams chuan sawtah sawn a kawl reng ang. Mipui thinrimin an pawhdarh thlengin a kawl reng ang," a ti ta khawl mai a. Ruth chuan,"Mipui thinrim chuaa jail chu an bei duh tak takin i ring em ni,?"a ti a.
Craig chuan, "Ka hrelo le, Bei se aṭha ngawt ang, chumi lemah chuan chumi chu a chang, chumi chu ani lo, ani lo zawk a ni, tih thu lenglak, dawt hlawm mai mai hi an hre ve chiang a. An thinrim tawh anih hi, Biangno. I pa hian rulh nan aneih ang ang tih riral a tum a, chumi avang chuan athih phah ṭhelh ani tihte oawh an hre ve vek a. Chuvangin Jim Silver hian bank a rawk chauh ni lovin tual athat niin an ngai ani. An ngaihdan lah hi adik chiah lehnghal,"a ti ta hrep mai a. A sawi zo hman chiah tihin mi pakhatin Ruth chu a hmu duh tih an rawn hrilh ta a. Craig chuan, i pa hnen lamah kal rawh, heoa hi chu ka lo dawr mai ang, misual, thu lawilo fahtu te zinga mi hi ani reu reu ang e,"a lo ti a.
Craig chu kawngkhar lamah chuan apetek phei ṭak ṭak a, pawnah chuan pa inchei uluk fe mai, la naupang deuh, kawrchung dumpawl fai tak, ahmalama pangpar tar vah ha, kutkawr ṭha tak bun, tiang derdep tak, khawihnawm hmel deuh mai dawm ran mai hi ava hmu a. Chupa chuan pheikhawk tle nalh em em mai hi a bun a, tuallaiah chuan a thlawhin a rawn thlawk ani ang e tih hial tur hian vaivut hmel reng a pheikhawkah chuan alang lo. A lukhum buang chu a zakzeh fel thân a, a sam khuih pial tat chuan Craig chu angei hle a.
Chu pa chuan, "Hei hi Henry Wilbur, bank neitupa in em ni?" a rawn ti a. Craig chuan ṭhen deuh nâng chungin ,"A ni maw,?"a lo ti a. " Chuti lo ni se Miss Wilbur-i hnena min hruai duh khawpin i fel ngei ang maw? Rei lote han biak zawk ka duh ãwm hle mai,"a ti a.Craig chuan, "Ka fel tawk hauh lo ang le, miss Wilbur pawh i be thei bawk hek lovang,"a ti ta a. Chupa chuan a mitmeng ati danglam a, Craig cbu a rawn melh ta a.
Chu pa chu pa inchei uar naran mi mai anih pawhin chu bak chu engemaw a awm ani ngei ang. Craig-an a mitmeng a han hmuh chuan tlemin atîm deuh nghe nghe a."A pa a damlo na hle mai a, enkawl a ṭul tlat ani,"a ti leh ta a. Chupa chuan, "A pa a damlo tih ka hriat vang alawm biak zawk chauh ka dilna chhan che," a ti ta a. Craig chu tlem a han tawi khawmuang deuh a. Mahse Ruth Wilbur hraui tur chuan alut ta a. Ruthi hnenah chuan, " Kawngkhar bulah sawn incheina dahna thleng pakhatin hmuh che a duh a, i nuih chuan anuih let ve nghal zaih che in ka ring," a ti a.
Ruth chuan chupa chu ava pawh phei a. Chupa chuan thawm nei hauh lo hian Ruth chu a kal pel a. A pheikhawk hnuaiah chuan ṭhelret chu a vuah chuan alang lo. Chhuatah chuan a hniak alan tlat loh avangin. Chu pa chuan Ruth-i chu chibai a'n buk phawt a."Miss Wilbur, Jim Silver-a ṭhianpa dik tak hi ka ni tih hrilh tur che in ka lo kal ani. Ka sawi awmzia chu---Vawina anunna i chhanhim sak ang bawk khan ka nunna min chhanhim sak ani tih ka sawi duh mai ani. Tunah hian atan ahlauhawm nep chuang lo. Mahse vanneihna tawn tur te a neih theih hlauh chuan nangmah vang liau liau hi ani ngei ang. Lawmthu hrilh tur che a lo kal ka ni a, Mi pawhin thudik chu hria se chuan lawmthu an hrilh ve tho ang che. Buaina i tawh a ṭanpui i ngaih phawt chuan han faifuk vak ringawt la, lei khi kar aṭang pawhin ka lo chhuak zel ang, ka hming tak chu sawi tlak pawh ani lo. Mahse Taxi tiin min ko ṭhin,"a ti a.
Ruth chuan Taxi hming chu a hretawh ṭhin tehmeuh mai. Amah chauh hi ani Jim Silver-an he khawvela mi rinngam a neih chu. Ruth chuan, "Jim Silver tan chuan ala hlauhawm tih ka hria, Khaw mipui te hian jail saw pawhthiat an tum ani. Ka thiltih avang khan lawmthu hrilh ka ngai awzawng lo mai. Taxi, engtinnge kan tih ang,? Khawvel zawng zawng hian Jim Silver-a lakah hian bat an nei vek a sin. Mahse mipui chuan jail saw an pawt ṭhiat thei tak tak angem,?" a ti a.
Taxi chuan, " Bang sut chhiatna tur liantham tak an siam a, jail bang saw chu a tawn thla thei ngeiin ka ring. Zanin hian buaina laih chu a awm ngei dawna ni. Hotel pindan kawt lama tukverh inhawng chite pawh an luah khat vek tawh, khua hi a lun ṭan hle mai,"a ti a. Ruth chuan, " Mipui zingah hian he pa hi bank rawktu kha ani love ti a thu kan thehdarh a ngai a ni. Sheriff pawh a bul ṭan nan kan hmang tur a ni." a ti a. Taxi chuan, " Chu pawh ka ti tawh, mahse tlanchhe rang hle lo ila chuan min hnek fuh hman ngei ngei ang a, anih loh leh inkah a ngai ngei ang. I pa damloh chhan pawh hi Jim Silver niin an hre tlat a. Silver-a thah hi a thawidamna ṭha ber niin an ngai a. Chuvangin tih ngaihna a awm tawh lo. An lo thlen hun an nghak a ni mai,"a ti a. Ruth chuan ," Engmah kan ti thei nange,'" a 'n ti a. Taxi chuan, " Tih chu ka tum a lawm, mahse keimahin ka che dawn,"a ti a.🕴

Engtin awm ta zel ang maw?
T Lalrin mawii
Khuangleng Venglai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2018, 7:08 pm

THE FALSE RIDER.
Lettu..PL Liandinga.

Bung 19.
AMAH CHAUHIN TAXI A CHE TA.
Re-type..Tmawii.

Taxi chu Jail lan theihna tur hmun, tlang lamah a chho ta a. Tlangah chuan lungpui chungah a ṭhu a, a thuamhnaw kar aṭang chuan entlang bung hrang hrang hi a phawrh zeuh zeuh a, a remkhawm ta a. A entlang chu a bungraw dang ang bawkin a tê hle a, mahse pawisa a lei ralah chuan chu aia entlang ṭha chu a awm kher lovang. Taxi chuan ngun deuh maiin Crow's Nest khawlai chu a entlang chuan a han thlir ta a. Khawlai chu chiang deuh maiin a zu hmu a. Jail kawta mipui thinrim, jail tihchhiat tumin jail tihchhiatna tur an daibawl map map pawh chu a zu hmu thei vek a.
Jail chu a ding fal nalh a. Ni a sat dawn ṭhin em avangin a siamtute chuan jail bulah chuan thing an phun thluah nghe nghe a. Chung thing kar chu Taxi chuan ngun deuh maiin a melh a, rei fe a zawn hnuah chuan a zawn ber, khawnvar eng chhi lo pawha jail, chhung a lan theih nana an siam, inchung rehkuak chu a zu hmu a. Chu chu Taxi-an a zu hmuh chuan a entlang chu a ṭhiat darh leh vek a, a thuamhnaw karah chuan a zep ral leh ta vek a. A entlang hmai chu a kawnghren kara thun theih tawk chiah hian a bial kher bawk a, a thun ta a. A thuamhnaw chu uluk deuh maiin a beng fai a, khaw lam pan chuan achhuk thla ta chhat chhat a.
Taxi chu chaw zawrhna dawrah ava lut a, chutah chuan chaw ava lam a. A ei zawh meuh chuan khua chu a thim chhe ṭhelh tawh a. Negro pa, thleng siltu chuan a thuamhnaw balh loh nana apuan ven, a hnathawh unifirm (apron) chu a theh per nawlh a, pawnah a tlan chhuak a, chaw chhumtu pawh chuan rang mang hian a zui chhuak ve nghal a. Dawr nghaktu chauh chu a awm ta a. Lungawilo hle hian alang nghe nghe a. Taxi chuan khawiah nge an kal dawn tih chu chhun khaw êng ang maiin a hrechiang hian a inhria a. A chhuak ve nghal a. Nepnawi zuar dawrah a kal a, hruizen sei tak alei a,a chhuak leh a, mi awm lohna hmun deuh hnimbuk phen a thlen chuan a kawrchung a phelh a, hruizen chu a taksaah chuan a vet ral ta vek a.
Jail bulah chuan mi an intlar a, hmun pakhatah hian khawnvartui an lo thun a, an inoe chhawng zel a, an khai fur hlawm mai a. Chumi intlarna leh jail inkar hmun fai lai chu Taxi chuan han kal pelh ngaihna ahre lo kher mai. Jaila kal tur anih si chuan chulai hmun fai lai chu a kaltlang ngei angai si. Chutah ngaihdan anei ta thut a. Khawnvartui thunna hmunah chuan ava kal a, khawnvar pakhat chu a va khai ve ringawt a. Mi dingtlar zingah chuan avakvel ta a. Chutah jail lam pan chuan a kal ta ngauh ngauh a, tumah kal phal lohna hmunah chuan a kal chu a ni si a. Mi pakhat hian, "Khawnge i kal dawn?,"a rawn ti a. Taxi chuan, " Fiamthu ka thawh emaw i tia lo,?"a rawn ti ringawt a.
Taxi-an chutia a'n tih takah chuan mi pakhat hian, "A chhaw pawh i chhaw mang reng reng e ka ti, thil ṭhalo tih tum nise khawnvar a khai êng hluah dawn em ni ?"a lo ti a. Midang, Taxi-a thiltih duhlo deuhtute pawh chu chu ṭawngkam chuan ati tim ṭi ta a. Taxi chu tha khur der der chung chuan jail lam pan chuan akal ta zel a. Jail a hnaih ta hle tihah chuan khawnvar chu a herh hniam deuh hlek a, a han thing deuh nghal a, a thi ta a. A han thim thut chuan a entute mit reilote ati phe a, Taxi chu jail bang bulah chuan akal ta zel a.
Jail khawthlang lama thingkung lian tawk tak pakhat lam pan chuan akal ta zel a. Chu thingkungah chuan zawng ang maiin a lawn chho ta a. A lawn zawng chuan chu thingkung hnah chu a ri seng seng a. Jail inchung a ṭang chuan khaw êng luhna (skylight) chu hla ta viau hian a hria a. Chumi va phihawk tur chuan a hruihrual chu a valh ta niap niap mai a. Chung lai ram vela bawng veng hovin hrui phihawh an thiamna chu tlemte han hawh zawk theih a chak kher mai. Mahse a theih tlat si lova, dawhtheih lama a tlak ngawt loh chuan engmah a ang dawnlo tih a inhria a.
Chutih lai chuan jail kawta mipui pungkhawm thawm chu a dangvta deuh hian a hria a. Engvakmah chu va hmuvthei lo mah se khawnvar ênga mi ṭhenkhat hmaikawr vuah chu ava hmu nual a. Chuti anih chuan alawk zual an lo thleng tawh tihna ani a, jail pawh chu an bei thuai tawh ngei ang. Taxi chu alawnna thingkungah cguana chhuk leh a, lung tereuh te panga vel aṭu chhar a, alawn chho leh a. Chung lung chu hruizen hmawrah chuan a hling aṭ inchungah chuan atheh phei ta a. Khaw êng luhna tur kaw bulah chuan a thlak ri keuh a. Taxi chuan a hrui hmawra lung a hlin chu In chungah chuan lumin engah emaw hrui chu a lum tanpui a beisei a, zawi te te, fimkhur deuh maiin hrui chu a pawt che hret hret a.
Ahnuai lam aṭang chuan jail kawngkhar chu mi pakhat hian arawn chum dawt dawt a, " Hei Sheriff Williams, Heyṭ Dick, biak che an duh ,"a rawn ti a. Inchhung lam aṭang chuan Sheriff chuan , "I aw-ah khan Nick ka hrereng che, hetiangin bawlhhlawh takin che ve mah ta che,"a rawn ti a. Nick chuan, " Ka tel ve daih tawh, Misual, bank rawktu leh Henry Wilbur thattu Jim Silver kha kan duh a, kan kutah a awm ngei dawn bawk," a rawn ti a. Sheriff chuan, "Wilbur chu a thi tawh em ni?"a ti a. Nick chuan, " A thi teuh tawh lutuk. A thih loh oawhin Jim Silver-a thiamloh ani hleinem. Dick, â lutuk duh mah ta che," a rawn ti leh a.
Sheriff chuan, " Ka â lo. Ka hna ka thawk mai ani a, ka ti tkang ngei dawn bawk,"a ti ve tlut mai a. Nick chuan, "Dick, min hrechiang a, chuvangin misual pungkhawm hi zing chu ni sela, ka tel duhlo tawpang tih i hrereng alawm,"a ti ve thung a. Sheriff chuan,"He jail hi pawh ṭhiat in tum phawt chuan misual pung khawmho zingah i tel tihna ani mai. In pawh ṭhiat vaih chuan, naktuk ka dam thlen si chuan hremna ka tuartir ngei ngei ang che u," a ti ve thung a.
Nick chuan, " Ti lo la aṭha zawk ang. He jail hi kan pawt ṭhiat dawn tih hi mipa i nih avangin kan hrilh tlang nghal mai ang che."a ti a, Sheriff chuan, "I unaute hnenah khan sawi la, jail hi aa rawn hnaih vaih chuan ka kap ngei ang a, thihna turin ka kap ngei ang tih hrilh bawk rawh."a ti ve thung a. Nick chu angawi hlek a. "Jim Silver hi misual aniin i rung em ni Dick?" a rawn ti leh a. Sheriff chuan, "Mi â ka ni hleinem, a sual chiang tih chu ka hria."a ti a. Nick chuan, "Jim Silver-a lemah midang an chang te an ti a, dawt mai mai ani tirawh? Misual khaihlumna ah ka tel dawn," avti a. Dick chuan, " Ka tihtur chu ka ti dawn chu chu ani mai,"a ti a.

Bung 20.
A VA BUAITHLAK ṬHIN EM.!

Hun a tepter ta kher mai. Sheriff thusawi chu mipuiin an hriat chuan an thinrim in an bawh nghal duh mai thei ani. Taxi chuan ahruizen chu a'n pawt leh de de a, a tang thei hauhlo mai a. A tlawlh leh ta ni ber hian ahria a, a mangang kher ma. Mahse engtin emaw a hrui chu atang leh ta hlauh a, a han pawt deuh fan fan a,a ngheh hmel hle a. A hrui hmawr lehlam chu thingkungah chuan avet nghet a, a uai phei ta a. Inchung ava thleng a, a hrui chu a thlah zawng chuan hrui chuan a phih thlu ṭhelh a. A hrui hmawr inbah tanna chu a han enchiang a, perek khen tlum mumal loh pakhatah hian alo in bat der der a, han tla palh se ti a a in ngaihtuah chuan amur uai uai a.
Khaw êng luhna darthlalang chu darthlalang zaina in a zai a, kuttum leng zet hian arek kaw ta thuai a. A'n chawi chhin a, alo rit hle mai lehnghal a. A chhung chu kawlphe khawnvarin a zu en a, celling chu a hniam hle a. Celling chungah chuan thingrem paw deuh deuh pahnuh hi alo awm bawk a. Khaw êng luhna kua aṭang chuan celling chungah chuan step a in dawhthla a. Taxi chu chu stepah chuan a chhuk thla ta a.Ceiling chungah chuan a pheikhawk cbu a phelh ta nghal a, a zuk bih chhuk ta. Pindan chhung chu a rin ang chiah alo ni a.
A hnuai chiahah chuan oindan lian tak a awm a, chu lai pindanah chuan Sheriff leh vengtu pahnih an awm a, vangtu pahnih te chuan shot- gun an zakzeh reng bawk a. Vengtu pakhat chu Taxi bul chiahah chuan alo ding a, a ṭhianpa hnenah chuan " Pete, enge kan an zel dawn,"?a ti a. Pete chuan, " Engtinnge ka hriat bik ang,? Pawna mite chet dan athu thu saw ani mai alawm,"a lo ti a. Sheriff chuan, Silver chauh hi ngaihven rih rawh u, midangin an ti buai rih lo ang che u, a kutkawl saw a awm pangaiin a awm tuh hrechiang hle ringawt ang che u,"a ti a. Pakhat chuan, " Ka shot-gun hmaah hian tu pa mah an che fuh tak tak lovang. Kawtthlera mipui pungkhawm hnawt bo vek tham khawp saw ka thun miau maiah," a ti a, a nui hak hak a.

Sheriff chuan, "I thusawi hmang chuh, mipui hian rawn bawh sela, in nuai vak ila ti te pawh i ang hle mai."a ti a. Pete chuan, "Chuti lam lam phei chu ka duh hran lo. Mahse ka vanglai chuan vatawk fu tlar chu ka kap thlu ve ṭeuh tawh alawm,"a ti a. Sheriff chu alo nui sak a, chutih lai chuan pawn lam aṭang chuan mipui thawm chu alo nasa ṭual sauh a. Sheriff chuan, "Chhei le, an rawn bei ta, Office lamah ka va phei ang e."a ti a. A tlanliam ta nghal a, Pet chuan a enzui vang vang a.
Chutih lai chuan Taxi chuan ceiling aṭang a inchhunga ṭum thlakna turin ceiling kawngkhar chu a hawng mek a. Ri haublo hian chhuatah chuan aṭum thla ta a. Chutih lai chuan vengtu chu pindan leh pindan inkal pawhna ah chuan a awm a, Taxi nen chuan an in hlat hle a.Taxi chu pindan inkakoawhnaah chuan atlan chho vat a, pindan pakhat alai taah chuan Jim Silver vhu a va hmu a, mahse Jim Silver chuan en pawh arawn en meuh lo. Chutih lai chuan Pete chuan ," Ui sa a so ṭan e,"a'n ti a. Vengtu pakhat zawk chuan, "Nia, a sa ṭha tawh kher mai,"a lo ti a. Pete chuan," I lei a kan loh nan in dim deuh rawh," a lo ti a. Lehlam hawia veikual leh mai chu a'n tum a, chutuh lai chuan Taxi chuan ava zuan a, a automatic piztol kawm chuan achhu ta bur mai a.Mi achhut hmasak ber ani lo bawk a, a hnathawh dan tur chu ahrechiang kher mai. Mahse Pete chu a tlu ta tlat lova, a silai chu Taxi chuan ava phih thlaksak a. Chhut zui leh mai a'n tum a, mahse amitmeng a han hmuh chuan chhut zui angai tawhlo tih a hria. A kokiah a pu lawk a, Jim Silver-a tanna pindan bulah chuan Pete chu akeuh hnawk a, kawngkhar chu abei ṭan ta a.
Pawnah chuan mipui an au nuai nuai a, Sheriff chu a ṭawng lung lung bawk a, chung ri nuaih nuaih pawh chuan Taxi-a beng chu a verh zo tawh lo a, tala chu uluk deuh maiin a hawlh niap niap a. Thawkkhatah a hawmg ta phat a, mi tang dahna pindan chhungah chuan Pete chu a theh lut hnawk a, Silver-a kutkawl kalhna chu a hel leh nghal vat a. Silver chuan, "Taxi, a khirh viau mai thei a ni. Hun a duh rei phian ang,"a lo ti a. Chutah Taxi chu a zuangtho thut a, Pete-a kawr leh kekawr chu a phelh a, ahak hnan ta hmiah a. Pete chu a len zawk avangin a thawmhnaw pangai chu a khuh bo hneh hle a. Petea pheikhawk pawh chu a len ṭhat em avangin rang takin a inthawlh ta thuai a. Alukhum pawh chu a mit chhin ṭhelhin a pawt kun ta bawk a.
Pete-a shot-gun chu a hum bawk a.ama automatic pistol chu Silver-a ape a, a zuang chhuak ve ta nghal a, chutih lai chuan sheriff chuan sheriff chuan," Boys, bang sutchhiatna hrawl deuh mai an kawl a, bang hmai lam chu an kheng thla ngei dawn. Misual khaihlum an duh vang ngawta han thah lah chu ka thei si lo."a ti a. Pakhat chuan," Dick, sava kahna chi khan phuh mai rawh,"alo ti a. Sheriff chuan, "Mi â, sava kahna chi kan thun hleinem,"a lo ti hlur mai a. Sheriff a kal liam veleh chuan Taxi chu Silver-a hnen lamah a tlan phei a, a kutkawl chu a buaipui leh ta nghal char char a. Chutuh lai chuan pawn lam aṭang chuan bang sutchhiat tum chuan an rawn thawk a, In chu a nghing luai luai mai a, thing tliak ri tuar tuar te pawh a hriat theih a bawk a.
Taxi chuan pawnlam thawm chu ngaithla xuh kovin a thiltih lai ngawt chu ding lutukin a ngaihtuah a, tala ri rek chu a'n hria a,a in hawng ta a. Jim Silver chuan dam duai hian," I ti ṭha lutuk, ava ropui teh reng em!.Pindan inkal pawhna lamah va hawi thengthaw rih rawh. I tala kar hawnna kha min hnutchhiah la, tihdan ka lo hre mial mahna. Ka ke an phuarna hi ka lo bei ang e,"a ti a. Taxi chuan a tala kar hawnna chu a pe a, pindan inkal oawhnaah chuan achhuak phei ta a. Chutih lai chiah chuan sheriff cbuan, "Pete, ti teh, kawngkhar hi min dawmpui teh,"a lo ti a.
Taxi chuan Pete-a aw ni awmang thei ber chuan, "Ka hna chu heti laiah hian ani a, hetah hian ani ka awm dawn,"a ti ve ngat a. Sheriff chuan," Mi â lian pa,"a'n ti a. Chutih pah chuan kawngkhar chunglam chu puakrukin a'n kap ṭhuai a. Sheriff chuan," Kawngkhar kha tawlhsan rawh u, chuti anih loh chuan nangmahni ngei kha ka rawn verh ang che u," a va ti a. Kawngkhar kehkar aṭang chuan pa pakhat hian ," Williams, i rawn kah leh vaih chuan kan oawt bung ngei ang che. Â lutuk duh mah ta che,"a rawn ti a. Taxi pawh chu Silver-a hnen lam pan chuan atlan phei leh tawh a. Silver lah chuan tala kar hawn chu a beidawn san a, a bulah chuan adah reng ringawt a. Chhuat a Pete-a mu pawh chu alo che telh telh a.a rûm ṭan ta bawk a.

Bung 21.
A NAWLPUIIN.

Duck Willuams chuan a tihtur a hma ami chu tih ngei a duh si, a ti hlei thei meuh si lova, a ṭe tuar tuar mai a. Jail bang hmailam chu an tichhe tawh a, a hnung lam an bei leh mek a.Sheriff chuan puitu a nei mumal si lova, a au tuar tuar a, a kal kual vel zung zung bawk a. Chutih lai chuan Taxi chuan Silver-a kekawl chu a lo phelh fel mek bawk a. Silver chuan Pete a puakruk pahnih chu a laksak a, Pet-a lo harhchhuak mek hnenah chuan," Pete, second sawmthum min lo nghak lawk ang che. Chumi hnuah chuan i duhtawkin i bengchheng thei tawh ang."a lo ti a. Chutih lai chuan Dick Williams chuan kawngkhar luchung chu alo kap zawt zawt a. Taxi chuan,"He lamah hian" tih pahin Silver chu alo luh lama a ṭum thlakna ceiling kaw lam alo pan pui a.
Taxi chuan engtinnge ceiling chung lamah chuan an invawrh kai theih dawn a hre phak lo. Mahse a aia fing zawk leh chak zawk Jim Silver a awm tawh miau a, Silver kutah a dah vek mai ani. Silver chu hmalamah zawi deuh fe hian a'n tlan a, a zuang ta vak a, ceiling kuaah chuan ahan in uai tang a, a tgen chho nawlh nawlh a, a ban arawn phar chhuak a, "Taxi, rawn zuang rawh le,"a ti ta a. Taxi chuan chu ceiling kaw kotlang chu a ban pha lo tih a inhria a, mahse Silver chuan a kut chu a rawn thlah hniam em avangin a han zuan phak a.
Taxi a zuangkai fel tihah chuan Pete chu theihtawpa au chungin a tlan kual a, " Dick, Dick, Dick Williams, kan ramhuai pa kha alo kal a, Jim Silver a tlanbo pui ta."a ti vak vak a. Mahse chutih lai chuan Dick Williams chuan thildang ngaihtuah tur oawimawh tak anei tlat mai. Jail in hnunglam oang chu mipui chuan an rawn bawhthla ve mek tlat a ni. Jim Silver chuan Taxi rawn chet hun chu a dik zia a hmuh chuan anui sak a. A thawk thei ṭek ṭek chhung chuan Jim Silver chu angaina reng dawn tih pawh a hre nghal a.

Chutih lai chuan Crow's Nest a mihring awm chu a pa chhuakin an zi luih luih mai a. Khawnvar an khai de sup sup mai a, khaw êng luhna tur a rehkuak an va thlen leh chuan Taxi chuan, " Hei le, hruizen ka dah chu. A kawngkharah hian kan suih ang a, i uai phei anga, ka rawn zui dawn che nia,"a ti a. Jim Silver chuan, " Ni love, kal hmasa rawh,"a ti ta tlat a. Taxi chuan, "Ni love Jim, kei chu engahmah min ngai hleinem, nang hi alawm an duh che,"a ti ve thung a. Jim Silver chuan muang dam duai hian a ṭhianpa chu a'n melh ringawt a, Taxi chuan hnial a sawtlo tih a hre nghal a, thingkung lampan chuan a uai phei ta a.
Taxi chuan a hnuai lama mi awm ṭeuh chuan an rawn thlir ṭhup ni hian a hria a. Mahse thingkung a va thlen chuan tumahin an tlanchhuah chu an lo hre hranpa lo ni hian a hre leh ta zawk a. Kawtlaiah chuan Parade chu mipui karah chuan a ding luah mai a. A mei ati kawh a, a hmai chu adak ual mai bawk a, a mawi em em a. Taxi chuan hlauhawm a awmlo ani tih hriat nan hruizen chu vawi tam fe a'n thing a. Chutah Jim Silver chu alo uai phei ve ta a. Hruizen chu a kul pawp pawp a, thing pawh chu a âwn vak vak bawk a. Thingkung a rawn uai thlen chuan hruizen an thlunbeh chu an phelh a, jail bang bulah chuan an uai thlak tir ta a.
Chutih lai chuan ceilingah chuan leilawn an dawh ta tih hriat tak mai hian an bengchheng em emmai tawh a. Silver chuan, "Taxi, Taxi, i kawrchung chhung thuahna kha hmaituam nan, "a ti thuai thuai a.Taxi chuan a kawrchung chhung thuahna hnunglam chu a'n pawt thla a.hmun hnihah a kut zungpui chuan a'n nem pawp a, a lu chu puanin a tuam nghal a. A thup hneh ta kher mai, mahse a hmai khuhna cbu a nalh fahran lo. Taxi chuan Silver chu a in peih tawh tih a hria a. Thingkungah chuan a chhuk a,a zar hnuai ber vuan chuan reilo te a'n in uaitang a. Chutah leiah chuan a ṭum thla ta a, lei a thlen rual rual chuan an rawn dawm nghal ṭak ṭak a.
Pakhat chuan," Tunge i nih,?"a rawn ti a. Taxi chuan, "Inchungah khian Silver a awm. Silvera silai mu nghakin thingkungah khian ka ṭhu reng duhin i ring em ni?," a lo ti a. A bula mi te chuan, " In chungah, in chungah khian Silver a awm,"an ti ta chul hlawm a. Chutih lai chuan Silver chu thingkung aṭang chuan lei lam panin muang changin alo chhuk ṭiah ṭiah a. Silver chu Taxi bulah chuan arawn ding a. " Khawnge i sakawr,"k a rawn ti a. Taxi chuan, "Sakawr thlunna hmunah, heta ṭang chuan in pakhat velin min kar dan ang,"a ti a. Silver chuan," Va kal rawh, khawi lamah nge ni dawn?"a ti a.
Taxi chuan, "Ding lamah kal phawt la, chutah kawtthler puiah i kal phei dawn nia,"a ti a. Silver chuan, " I sakawr va lam rawh le," a ti a. Taxi chuan, " Sakawr engtinnge i ngaihtuah ve dawn?"a ti a. Silver chuan," Parade zawng an dawmbet hneh chuang lovang, ka faifuk ri ahriat phawt chuan an chelh hneh theilo reng reng. A rawn thingse hnah ro pal mai mai nghal loh. Hengho hi an bawraw sawt riau mai,"a ti a. Silver chuan ati dik kher mai, chutihlai chuan jail chhung, boruak kuhna tur a an rehkuak aṭang chuan an in au loh loh a.
Taxi chu mi zi nuai nuai karah chuan a sakawr lam pan chuan aphei a. A sakawr awmna ava thlen veleh chuan a zuangkai nghal a, Silver-a sakawr Parade awmna lam chu ava thlir a. Ṭhenkhat chuan,"Silver-a a chhuak ta, Parade kha en ngun r'u," an rawn ti a. Chu thu chu pawisak loh rual ani lo,a chhan chu Silver chuan Parade tel lova tlanchhuah ai chuan a kut dinglam tel lova tlanchuah a duh mai zawk dawn tlat avangin. Taxi chuan kawng sira mihring kal nan an siam thingphel phah sir a Ruth Wilbur, ngawi renga ding chu ava hmu a. Chutah mipui bengchheng au ri nuai nuai karah chuan Silver-a faifuk ri chu a hre ta a.
Chu faifuk ri ring ṭha tak mai chu tun hma pawha alo hriat fo ṭhin avangin. Sipai ral ram kal tur inkoh khawmna tawtawrawt ri ang maiin Taxi bengah chuan alo ri a. Thawk leh khata a sakawr chu pawt her a, Silver-a hnen lam chu han pan nghal ruak ruak mai chu a duh a. Mahse chu kohna ri chu atan ni lovin Parade tan ani tih a hre reng bawk a. Chutah le Parade chu buaina bur hi ani ta ringawt mai.a tal chiam chiam mai a, hruizen pakhat a pal a, atlu ṭhuai mai leh nghal a. Mahse Parade tlu tawh hnu pawh chu mi naran tan chuan han rehbeh ngaihna ala awm ta chuang lo va. Parade chu mipui karah chuan a duk phei ta zur zur a.

Mipui thlafem aṭang chuan Parade-a pu chu fiak ṭhakin a rawn faifuk leh a, chutah Parade chungah chuan arawn perkai thawk a. Taxi-an alo nghahna kawmkar lam pan chuan a lim leh ta zur zur mai a. Taxi chuan a sakawr chu a pawt her a, kawtthler dungah chuan an liam thla dun ta puat puat a.

Mi dik tan hi chuan hun chep tak karah pawh dikna hi ali dingchhuak leh nge nge ṭhin..
Ṭanpuina dawn beisei vang ni lovin, Puih chakawm zawk khawpin, rinawm leh taihmakna nen. Dik takin hna thawk rawh le Hnathawh ani mai ani.🙏🏼🌹
T Lalrin mawii.
Khuangleng venglai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 4th, 2018, 9:31 pm

THE FALSE RIDER BUNG 22.-------26(Last).

Hei le, The false Rider chu kan lo zo leh dawn ta reng mai.Hriselna leh theihna min petu Pathian zara zo thei ka ni a. Chutah, Lo chhiara, like leh comment min pe a, min fuih phur rengtu nangmahni zar ani bawk a, ka mawl ang ang leh a ṭul ang zela min pui a min finchhuah mai ni lova, tih ngai a piang min tihsaktu kan group boss te, J Lalzahngaia leh Ar EL Khawlhring te chungah ka lawm tak zet bawk ani. Tih makmawha ngai a min dil lemlo a whsp group lama lo ru chhuak ṭhin te pawh khan, kan rype hah ve manah kan hming leh ziak te lo khuaikhem ṭhen tawh lo a, a nih ang ang tal a in tih ka beisei bawk e.
Pathian zarah kan dam ang a, story dang pawh kan la inhlui thei zel em ang chu maw.! In zavai chungah ka lawm em em e.
(T Lalrinmawii
Khuangleng Venglai)

JIM SILVER HI RUKHMANG EM NI?

Duff Gregor chuan sum tam tak mai an kutah a awm ta tih a'n hriat chuan naupang chhe hlim tak hian a hlim hurh mai a. Barry Christian chuan an chawlhna, thil laihchhuahna khur hlui kawngka bulah chuan a chhun mut chu nuam ti awm deuh mai hian a hmang der der a. He thil laihchhuahna khur, thlaler bul lawk ami ah hian an tlan chhuah hlim atang khan an la tawlh sawn ta reng reng lova. An súm ruk chu thil laihchhuahna khur luhna veilam peng bulah chuan an phum a, tin, ip khat maia phum vek duh lovin, ip hnihin an phum a, pakhat chu an thlang lawk, luite kiangah chuan an phum bawk a.
Duff Gregor chuan nuam hi a'n ti khawp a, lal ni ta ber hian a inhria a. Lal hi a la ni chhin ngai lova, mahse lal kawrfual han awm phawt mai se a tihdan dan chawp zelin a ring a. A ni reng a ni, Duff Gregor leh Christian-a te ang an han inkawp meuh zawngin michhe tangrang khawlkhawm sa zankhat thil thu lekah an piaithla zung zung mai alawm. Duff Gregor chu a hlim takzet a, lal kawrfual chu a hnunglam fual tak, a hma lam var, nghawngawrh var leh lunghlu bel khah deuh ṭup niin a ring a. A beng chuan tlang kar luite luang ri te chu hre mahse a ngaihtuahna chu lamna pindanah a awm daih thung a.
Duff Gregor chuan hmeichhe cheng dehdan hi chu thiam ve bawkin a inngai a. Tunah chuan renlo baksakin pawisa a'n chelek ang a, nula inti tuavawn ber berte pawh hawihhawmna nen a kherhthlu zung zung tawh mai dawn a ni. Chutiang a ngaihtuahna hlimawm tak tak chu tlansanin a bul a Christian-a chanchinbu chhiar duh tawh loh let reng chu a'n bih a, chu chanchinbu chu a hma zan a Christian-an mi thil a rawkna lama a rawn hawn a ni a. An eitur ilo mamawh reng reng chu mi hnen aṭangin an chhuhsak mai zel a, mahse an che dun ngai reng reng lo. A chhan chu miin an lo thah emaw an lo man palh vaih chuan an sum ruk sa chu an chan hlen hmiah dawn tihna ani tlat a ni.
Chutianga mi rawka an kal velna lamah chuan Jim Silver chu an la zawng nasa hle tih an sawi an hria a. Christian-a chuan khua leh tui rinawm, mi ṭha te chu ,'fanghmir ,' tiin a vuah a. tin, misual um tur a thawk chhuak reng reng hi, "Sipai lalu," tiin a vuah bawk a. An thilsual tih zawng zawngah chuan Jim Silver chu mipuiin an mawhchhiat ta vek a ni. Chu chanchinbu chu ' Crow:s Nest Centinel' tih a ni a. Chu chanchinbu a'n hmuh chuan Gregor chu a lawm kher mai. Chanchinbu hmalama tlar hmasa berah chuan hawrawp mit la thei ang ber tur hian,'Jim Silver hi rukhmang em ni,? a lo ti kuau mai a. Hetiang hian alo in ziak a;
Jim Silver hi rukhmang em ni,?
Jim Silver hi rukhmang tak tak chu ni se bank rawk hnu lawkah Crow's Nest aṭang a tlanchhuak a, Taxi awmna lo kap vak tute, Taxi awmna chhawlbuk lo bei tute kha tutenge ni ang?
Taxi, a ṭhian ṭha ber leh rinawm ber thah hi Silver hian aphal dawn em ni?
Jim Silver hian bank hi rawk ni ta tak tak se, bank rawk hnu lawkah khuaah alo lut leh duh anih chuan achhaw hle tihna ani.Han ngaihtuah mai pawhin hei hi thil awm theilo tak ani tih a chiang.
Jail-a an khung tak, Taxi-an nalh lutuk a achhanchhuah leh Silver-a hi mihran an ni tiin chhia achham bawk. Mi tamtakin Jim Silver-a leh bank-a ralvengtu an mi chhawr kha mi thuhmun lo an ni tih an hria, mahse an buai ni khan mipui tam zawk thinrim sosang hlauh avangin an puang ngam lo mai ani.
Misualin Silver-a lem a changin min bum a ang hle mai. Misual zawngin mi za velin khaw chhehvel an tuam dul dul reng mai. Hmu ta ni se, atak leh alem chu engtinnge an thliar tak ang?
Misual chhuichhuak tur chuan Jim Silver diktak kan mamawh leh ta. Nimahsela Silver-a tan silai mu lenglak pawh a hlauhawm tawh a, a rawn inrawlh duh dawn em ni?
Thil achingchivet nuai avangin he buaina hi chin fel a, misual man mai pawh hi a huphurhawm hle.misual pahnih hian an sum ruk hi khawi laiah emaw an thehthang hman ni ngei tur a ni.

Duff Gregor chuan chu thu chu a chhiar nawn sek sek a, Henry Wilbur pawh a ṭha chhuak leh tawh ani deuh mai a, a bank-a pawisa dahtute rulh nan a bungraw hralh dan tur a ngaihtuah mek zel niin chu chanchinbu chuan a sawi a. Chu chanchinbu kamchhuak chuan Wilbur-a ropui zia, a bank-a sum dahtute tan chuan pa ang mai a hna a thawh dan te chu fak tawk awmlo lek hian a rawn ziak bawk a. Chutiang thu Duff Gregor-an a'n chhiar chuan a ṭhen nai nai a. Christian-a sawi ang maiin 'Fanghmir' an nih hlawm hi. Ṭhiante tan chuan thisen hial pawh sengin an mawi e, tih a ngaihtuah a.
Gregor chuan Henry Wilbur chu a ngaihtuah vung vung a, chutah a ngaihtuahna chu Henry Wilbur-a fanu chungah a pakai a, Ruth Wilbur a han ngaihtuah chuan ama mimal lungawina lo neih sa ve te reuh chu abo nghal ta duak a. Tih ngaihna hre lovin, "Ka theihnghilh daih ang," a ti a. A chanchinbu ken lai chu dahin a thlang ruam chu a zuk thlir a, a thlang ruamah chuan mi an in nghir-ngho deuh ni awm tak a ni. Silai ri a hre viai viai bawk a.
Mi pahnih hi mi sawmthum vel awm hian an um a, a tlanchhe pakhat zawk chu sakawr éng zuar mai chungah hian a chuang a, Duff Gregor chuan ama hriat tawk lek hian, "Jim Silver a ni lo. Ani thei lo vang," a ti mawlh mawlh a, entlang a phawrh a, a zu enchiang leh zual a. Silver a ni tih chu chiang takin a hre ta a. Silver chuan a sakawr chu tlan chak tir vak lovin a ṭhianpa, a hnung deuh fe a lo tlan chu a nghak leh ṭhin a. A ṭhianpa sakawr lah chu a chak vak manglo hle lehnghal a.
Chu sakawr chung chuang te zawk chu sakawr chungchuan a thiam hmel hle mai. Hmalamah a kûn thân a, theih tawpin a bei ve ṭang ṭang a, mahse a um tute zing a filawr zual deuh chuan an va nangching pha ngei dawn tih chu a chiaag hle a. A ṭhianpa chuan a sakawr tlan lettirin a silai chuan a umtute chu a va kap leh ṭhin zawk pawh a.chuti nilo se an inthlur rei hauh lovang le.A umtute pawh chuan theihtawpin an va kap thin a,mahse sakawr lianpui chung a chuang chu hliam tuar lovin a khawchhuk leh mai thin.
Duff Gregor chun,"Barry,Barry ,lo chhuak teh,"a va ti a.Mutchhuak aw deuh mai hian Christian chuan ,"Enge ni?"a rawn ti a.Gregor chuan,"I dam chhung a i tana thil hmuhnawm ber tur heta hi a awm.Lo chhuak la en ve teh,"a rawn ti. Christian chuan thinrim hmel tak mai hian,"Eng pawh chu ni raw sek sek,ka chhun mut mi ti bahlah tham tur a ni lo reng reng ang,"a ti ve thung a.Gregor chuan,"Chuti maw?"a ti a.Christian chuan,"Teh reng mai,"a lo ti a.Gregor chuan,"Mi sawmthum zetin Jim Silver leh Taxi um hlum tumin um mahse i lo chhuak lovang maw,"a ti leh ta a.Christian chuan,"Mi tibuai suh,"ti chauhin a chhang a.
Gregor chuan,"Khulai a khu an in um mek tak tak alawm,"a ti ta a.Christian chu rang deuh maiin a lo zuang chhuak a,entlang chu a la lawk a."Hm,Duff,khu zawng Silver leh Taxi an ni ngei mai.Engtik niah emaw chuan an tluhlum lai ka la hmu ngei tur a ni reng a ni,"a ti a.

Mi suaksual chuan miṭha a phiar a, an chunga chhiatna lo thleng tur a châng a, mahse, chhiatna chuan a mah chu a rawn nangching zawk ṭhin. Tmawii.

Bung 23.
MAI THEI, MAI LO THEI.

Duff Gregor chuan "Jim Silver khu chu a sakawr pianhmang aṭangin i hre mai thei a. Mahse engtinnge Taxi khu heta ṭangin i hriat theih tak?"a ko ti a. Christian chuan an thlang ruama mite chetdan chu en reng chungin, " Khu Taxi hnung lawkah khuan an phar luih luih alawm, Taxi khuan atheih ang tawk a lo beih ve chu a tum a, a sakawr khu a chhiava tawh lutuk a, han tlansan thei dinhmunah a ding tawh hleinem. Khu Silver-an ṭanpui tumin Taxi leh a umtute inkarah tlak a chuh khu. Silver-a lo kal tur chu Taxi-an tlansawn turin a kutin a vai a. Khatiang a vai duh tur mihring chu Taxi te ang mi â chauh an ni. Khu Taxi leh a umtute inkarah Silver a awm e, a umtute an in ṭhen darh ta. Engatinge kan mi â ho khu an tlan darh aw,?"a ti a.
Gregor chuan, " Engvangin nge an tlandarh loh vang? Silver hi 'hlah thiam ve lo' an tih ang chi hi ani lo'm ni?"a ti a. A hnuai lama tlan vel chu Christian chuan hmuhnawm ti teh mah se Gregor-a thusawi chu han hrilhfiah lohva chhuah atan chuan a phal ngang lo ani ang chu a entlang chu a lek hniam a, "Gregor, Silver-a chanchin hi ka hnen aṭang pawh hian i hre tawk fe tawh a, khung a umtute khuan dan kengkawha Silver-a khu um an nih phawt chuan an tan hlauh tur engmah a awm lo. Silver-a lak aṭanga silai mu a chhuah phawt chuan, nang ang chi chauh hi ania averh ve ṭhin ni," a ti a.
Christian chuan a entlang chu a'n vuah leh a, "Khu le, Silver chuan a umtute hma lawk lawk a lungte a kap per ur ur mai. An lu thawi thuak thuak te
Pawhin a kap. A umtute pawh an kun zar zar mai. Taxi nen hmalam panin an tlan leh ta,"a ti a. Entlang chu a la thla leh a, chutihlai chuan thing hmun phenah hian an la in umlut ta zar zar a. Gregor chuan, "An man ta le, kha kha Pu Silver-a vaivut palkhuk hnuhnung ber ani ta. Taxi pawh a bang bik lo,"a ti a. Christian-a ringhlel hmel chu ava en leh te te a. "Barry, eng thil dang nge thleng leh thei tawh chuang? Silver chuan Taxi chu a kalsan hreh si a, Taxi sakawr lah han tlan thei chi ani tawh si lo. A umtute lahin sakawr sawm leh panga zet, tlan chak et et an nei si a, an man lo thei lovang,"a ti leh ta a.
Christian chuan, "Chutiang chu a nih leh nih loh tur ka hre lo.Lehkhabu ah chutiang tak chu a inziah reng ka lo hre pek lo,"a ti ta daih a. Christian chuan a hmui a pet fan fan a. Gregor chuan, "Barry, i thusawi kha i ti tak tak em ni?"a'n ti a. Christian chuan, " Silver te ang, chinghne ṭuanṭha laklawh hi uipui ek ei mai maiin an umphak theih ka ring lo a ni.Silver-a umhlum tur chuan mi danglam deuh an ngai ani," a lo ti a. Gregor chuan, "Barry Christian te ang deuh tirawh,?"a lo ti a. Christian chuan, "Ani mahna,"a lo ti a. Gregor chuan, "Khawvel aṭanga Jim Silver te ang nuaibo tur a khuanu ruat i nih i inring em?" a ti a. Christian chuan thinrim hauh lo hian, "Chutiang lam chu ka ngaihtuah ngai lo. Mahse engtik hunah emaw chuan a tu emaw zawk zawk hi chu kan la inthih phah ang tih ka ring,"a ti a.
Gregor chuan, " Chuti a nih ahnu, hei thil liantham tak i'n khawih pawi a, amawh chu Silver i phurh tir a, mipuiin an chilhlum mai a, i tih vek tho alawm. Silver-an a thihphah che ani mai,"a lo ti a. Christian chuan," I hrethiam lo a ni. A tawp kan thlen tak tak chuan pa leh pa kuttum ngawtin kan innuai in ka ring, silai emaw chemte emaw pawh kan ken ka ring lo. Kutlawngin, inhmatawnin kan la innuaiin ka ring tlat,"a ti a. Chutah a kut chuan hriatthiam theih mang loh chuan a:n zaizir a, puk luhna bulah chuan a vei ta nghauh nghauh a. Duff Gregor chuan alo en reng a.
Barry Christian chuan, " Hemi hmun aṭang hian kan chetsawn aṭul dawn ani,"a han ti a. Gregor chuan, "He hmun hi kan tawlhsawn san dawn i ti elo,"a'n ti a. Christian chuan, " Thil theihloh ani em ni,"a lo ti ve thung a. Gregor chuan, "Thil theihloh ani em ni i ti maw? He hmunah hian sum tamtak kan ṭhutbet reng tih tuma'n an hre hleinem, a hun hma a kan chetsawn chuan kan â hle tihna ani mai."a ti a. Christian chuan alu a thing a, hmun hla tak mai thlir niawm tak hian,"Nuam ka ti lo ani,"a ti a. Gregor chuan," Nuam i ti lo maw?a eng chu,?"a lo ti a.
Christian chuan," Silver rim a nam phak tlat. A rim anam phak chuan ahnarah kan rim pawh a cham phak ta ve ang," a lo ti a. Gregor chuan," Engtinnge kan rim a hriat theih ang,?"a lo ti a. Christian chuan, " Ka hre lo, Silver-a thil hriat theih dan hi a zawh pawh min zawt suh. I duh leh mipuiin khaihlum an tum laia jail aṭang a a tlanchhuah dan kha mi zawt zawk rawh,"a lo ti a. Christian vek chuan, "Jail aṭanga tlanchhuah ai khan heta kan awm mi rawn zawn hmuh hi a awlsam zawk,"a ti ta tlat a.Gregor chuan,"Barry thil pakhat milo hrilh teh,' Silver hi i hlau em ni,?"a ti ta phawng mai a.
Christian chuan thutak deuh mai hian van lam chu a kawk a," A nih leh nang ṭek hi i hlau em,?"a ti a.Gregor chuan,"Hlau e, mahse hlauh a sawt hleinem,"a ti a. Christian chuan, " Silver chu ṭek ang deuh hian ka ngai ani, eng hunah pawh alo thleng thut thei mai si a. Chuvangin kan chet vat angai ani,"a ti a. Gregor chuan ahnial hneh dawn lo tih a inhria a."Thil atthlak tak ani. Engtikah nge ni ang?"a ti a. Christian chuan," Tunah hian,"a lo ti a. Gregor chuan," Tun, chhun pachang, mi zawng zawngin min hmuh theih lai hian maw,?"a ti a. Christian chuan," Khawêng hi miin hmuh nan an hmang ang bawk chein nang pawhin mi hmuh nan i hmang ve thei tho a lawm, tuna kal hi a ṭha ani,"a ti a.
Gregor chuan,"Chu zawng ka thil hriat azawngah ala atthlak ber awm e. Tunah kan chhuak ang nge chhuak lovang tih thu ah chuan pawisa i vawrh mai zawk teh ang,"a ti a. Christian chuan Gregor-an inchawi angainat zia chu a hre reng a."Vawrh rawh le,"a ti ta a. Boruaka avir map map lai chuan Christian chuan," Mi lu lam le,"a lo ti a. Lei alo thlen chuan an va bih dun a, Christian chuan, "A nih leh le, thla chhuah hunah kan chhuak dawn nia,"a ti ta a. Gregor chuan,"A tih chi daih zawk lo maw?"a lo ti hram pek a. Christian chuan," Ka hrelo le, mahse nuam ka ti theilo reng reng, i sawi tawhlo teh ang,"a ti ta a.
Christian chu engmah ngaihsak lo niawm tak hian a muhil ta bawrh bawrh a. Gregor erawh chuan duhthu sam velin chumi lai chu a hmang ral a, ni pawh chu alo tla ve ta mai a. Ni a tlak fel chuan Christian chu alo harh a, Gregor nen chuan zanriah chaw dai dek duk chu an ei dun a, mei chu a them pawh tih ên Christian chuan aphal tlat lova, thla pawh chu alo chhuak ani ve chilh mai a. An sakawrte chu puk aṭangin an kai chhuak a. Puk kawngka bula thingtuaiah chuan an thlung a, a thlang lui bula an pawisa ip phum la tur chuan an chhuk thla dun ta a. An sum thuhrukna bul an thlen chuan Christian chu a ding ta thut a. An chhak lawk a thingṭang rah tliah ri bak chu a hria alo ni. Gregor chuan,"Enge ni ta,?"a'n ti a. Christian chuan," Khi lamah khian enginemaw engemawni a rap a ni, mihring em ni,?"a ti a. Gregor chuan,"Mihring chauh hi eng ilo rap thei an ni hleinem, Barry, ngaih ṭha lo duh suh,"a ti a. In ring reng chung chuan an englo phumna hmun chu an zu thleng thla a. A phum nana an hman suahdur chuan Christian chuan a'n lai leh a, mak ti hmel tak hi apu ta tlat a. Gregor chuan,"Enge ni,?"a lo ti a.
Christian chuan chhang lovin lei chu alai ngawt ngawt a.Rei vaklo hnuah chuan achawl ta a, a thaw hlawp hlawp a. Mahse a thaw hlawp hlawp mai chauh ni lovin a puakruk ngul sei reng rawng chuan thla êng hnuaiah chuan Gregor chu a tin ta chheu mai a. Christian chuan,"Uicho, thil awmzia chu i hre vek, hemi hmun aṭang hian pawisa chu i la sawn a nih kha,"a ti ta a.

Rukhmang hi chuan tumah an ring tak tak thei ṭhin lo.
T mawii.

Bung 24.
RUK SA, RUK LEH CHHAWN.

Gregor chuan an sum dahna lei kaw ruak chu a zu en a. Silai ngul chu a'n melh leh a, chutah Christiana hmel chu a'n en leh ta a. Christian-a hmelah chuan khawngaihna hmuh tur reng reng a awm tawh lo.Gregor chuan," Pawisa ip kha abo maw? Khawnge suahdur kha mi'n pe teh,"a ti a. Suahdur chu lain a hma aia zau , a hma aia thukin a'n lai vel chiam a, mahse an laih bak, lung chang tak takin alo dan tak tlat avangin an chawl a, arum hak a."Thil thiang pawh va ni suh,"a ti ta a.Christian chuan, "Thiang lo a? Sazu dawihzep, thinlung derthawng lutuk tan hi chuan engkim hi a thiang vek a sin, tunah chuan i theihtawk aia rangin pawisa i chhehrelhna hmunah chuan kal vat rawh,"a ti ta a.
Gregor chuan," Ka khawih reng reng lo. A awmna pawh ka hre lo,"a ti a. Christian chuan, " I hre thuai ang, vawisawm ka chhiar chhungin in ngaihtuah fim vat rawh. I hriatchhuah veleh chhiar zawmlo turin mi hrilh mai dawn nia,"a ti a. Gregor chuan,"Barry, i ngaihtuahna abo zo ta em ni? A vaia neih duh ni ila, vawin khan i muthilh laiin ka kap darh vek thei che asin."a ti a.Christian chuan," Ka mu nghetlo tih i hre reng,"a lo ti a. Gregor chuan,"A nih leh a awmlo tawp tih hria in he lei hi hah phul kaiin ka laihtir ang che'nga, i thinrim lo thawk tur nghakin ka ding mai mai duh dawn em ni? i laih lai khan duh chuan silai muin ka hnawhpuar thei daih che a sin,"a ti a. Christian chu inngaihtuah ni hian a lang a, a ngawi vang vang a, chutah,"I thusawi chuan awmzia anei deuh,"a ti ta a.
Gregor chuan hlim deuh maiin, " Awm e, ka sawi kha thu dik hlir anih kha,"a lo ti a. Christian chuan," A nih leh tunge la ta ang,?" a ti a.Gregor chuan, "Ramhuai anih ngawt loh chuan ka hre tawh bik lo. Thilmak ber pawl ala ni,"a ti a. Christian chuan,"Ramhuai chu Jim Silver hi alawm,"a lo ti a. Chutah, henglai hi pa thawm dim thiam pui puiin an khat chu ani mai si a. Kan sum phum lai kha min hmu ani mai thei a ni. Sheriff zawng an hriattir lo ṭhuai ang le,"a ti a. Gregor chuan, " Anih leh engvangin nge alaihna hnu hi a hnawh khah leh kher?"a lo ti a. Christian chuan," Kan hmuhchhuah hma palh tak thulha a hnu kan chhui loh nan ani ang,"a ti a.
Gregor chuan,"Ani dawn tak e,"a lo ti a. Christian chuan,"Ni eng ang mahse kan ṭangkaipui lo hle chu anih hi,"a ti ta hram a.chutah a inngaihtuah vang vang a, a puakruk chu a bawmah a khung leh a, "Pukah khan han kal ila, kan ip pakhat kha i han la mai ang,"a ti ta a. Gregor chuan an sum ruk chanve chu a chang leh dawnlo tawp tih a hre nghal a. Duhthu a sam laia lâmna pindana perhkhuang rimawi a hriat te leh nula lâm lai thla a hmuh te kha achuai sawt sawt mai. Dollar singli emaw sing nga emaw achan theih hram chuan avaia hmang theilo turin a insiam ang a, kumtin eikhawp tawk lek lek a hmuh theih dan turin a thehthang dawn a ni. Chuvangin a hma lawk a kal Christian-a han din thut pawh chuan a ding ṭha ve mai a. Christian chuan," Engemaw a awm a ni,"a'n ti tawp mai a. Gregor chuan,"Hmu lova i hriatna i ring nasa sawt riau mai,"a ti a.
Christian chuan puk luhna kawngka bulah chuan bek lei siin thawm a ngaithla a. Gregor chuan," Thlahrang thawm i ngaithla ani maw?"a ti a. Christian chuan ngawi rengin Gregor chu a rawn melh a, Gregor chuan a ṭhianpa chu chhawnchhaih mai mai chi ani tawhlo tih a hre nghal a. Christian chuan," Khawnvar kha min pe rawh, hal phawt la min pe ang che,"a'n ti a. Gregor chuan khawnvar ung deuh mai chu a hal a, Christian chu a pe a. Christian chuan, "Ka hmaah kal rawh,"a ti a. Gregor chuan, "Ngawi hrih rawh, thilṭha lo tih ka rilruk i ring em ni,?"a ti a. Christian chuan, " Ka hre lo," a ti mai a.
Christian chuan khawnvar chu a veilamin a khai a, "Ka hmaah kal rawh," tiin a tur nawn leh ta a. Gregor chuan," Barry, engtia mi tih nge i tum,?" a ti ta phawng mai a. Christian chuan," Engmah, kan sum ip pakhat zawk tal chu kan hmuh ngei ka rin avangin. I chungah engmah alo thlengin ka ringlo."a ti a. Gregor chuan khur zawih zawih chungin," Kan hmuh loh chuan ka rukah i puh dawn ani maw,?"a ti a. Christian chuan, " Khu laia kan thuhruk kha chu tu'n emaw a hmu mai thei, mahse he puk chhunga kan thuhruk hi chu tumahin an hmu lo vang a. Chuvangin ka hmaah kal la, a delhna lung kha va kaiphawk rawh," a ti ta a. Gregor chuan Christian cbu a hrechiang em em a, pachang leh pachang inhmachhawna inbeih pawh a ngaina ve ṭhin tih a hria. A huaisen zia pawh a hai hek lo.
Gregor chuan tihtheih dang nei tawh hek lo. Hmalamah chuan chak fe in a kal a, akal chak lutuk avangin Christian chuan muang deuh turin a hrilh ta nghe nghe a. Vei lamah an han kawi phawt a. Chutah a chhuk zawngin an kal leh a. Khum chen velah hian thingluang a inkham ruah a. A rei tawh em avangin patêkin a bawh chuk a, a rih belhchhah zel avangin alaiah atliak nghe nghe a. Khawimaw lai laiah chuan tui a put ṭiam ṭiam a. Hma lamah chuan sazu a tlan noh noh bawk a. A rinchhe kher mai. An sum ip delhna lung chungah chuan Gregor chu ava chuang a.lung pound 200 dawna rit chu theihtawp chhuahin a chawikang ta a. Lung hnuaiah chuan ip awmna awm vel tur kua chu a awm ngei mai a.mahse ip hmel reng alang lo.
Chutih lai tak chuan thihna chu Gregor-a ban phak maiah a awm reng tih Gregor chuan a hrechiang em em a. A han hnungtawlh deuh a, "Khai aw Barry, a ip hnihin i la bo va, hnawksak thei tawhlo turin min thah i tum leh zel ani maw? Ngaithla teh-----"a ti a. Christian chuan," Uicho, van angel thianghlim hla mawi pawh sa mah la, i kâa ri chhuak hi ka ngaithla dawn lo.Mitthi mai i nih hi,"a ti ta a. Gregor chuan, " Ka thu sawi hi ngaithla turin ka duh tak zet che a ni, pawisa chu ka ngaihven therte lo. I duh leh nei vek rawh. I duh chuan avai pawh khan nei ang che. A chanve tih angreng te kha ka beisei ngam reng reng hleinem. Mahse min thah kher hi i tan enge ṭangkaina awm? Nangni ang hnung zui hi ka hriselnain a tlin ve lo tih ka hre reng a lawm,"a ti a.
A thlemthlu thei dawnlo tih chu a hre nghal a. Mahse a taksaa tih tak takna awm ve chhun chu a awrawl tawpah chuan abawk tel vek a. Christian chuan," Gregor, i nunna chu ka zuahsak ang che, mahse khawiah nge sum dahna ip pahnih te kha an awm min hrilh zet rawh,"a ti ta a. Gregor chuan," A awmna chu hria ila ka pe daih tawh ang che tih i hre na'nge?a ti a. Christian chuan, "Hre lo, i ãt em avangin nang ang chung a kut ka thlak loh ai chuan dollar maktaduai khat pawh ka hloh zawk mai ang t8h i hre na'nge? Ka that dawn chiang che a ni," a ti ta chheu chheu mai a. Gregor chuan, " Barry, kan lo inkawp ve tawh avang tal khan, hma zawng ngeiin min kaphlum dawn lo'm ni? Ui ang em chuan ka hnunglam aṭang chuan min kap suh,"a ti a. Christian chuan," Ui i nih avangin ui angin i hnunglam aṭangin ka kap dawn che. Ka kah hma chein ṭawngṭai hla i chham duh em?,a ti a.
Gregor chuan engtin emaw tak hian thil awm danglam a awm ani tih a hre ta tlat a. " In veng fimkhur rawh, an lo kal ania,,"a ti ta a. Christian chu a chek tlak a," Chutiang inbumna hmanlai lutuk chuan mi bum a, ka khawhawi tihsawn i tum ani maw,?" a ti a. Gregor chuan ," An thawm ka hria, ka hre tak----"a ti hman chauh a, hriat theih ngei tur a ring hian puk chhunga lei ṭhil tawlh ri chu a lo ring ta a. Christian chu a thaw hak a, chutah silai a rawn puak a, khawnvar chu a darh nghal vek a, chhuatah chuan aperbo zo ta a. Puk chhung khawk rum rum khawo chuan aw ring deuh mai hian," Barry Christian, ka rawn lam dawn che a sin," a rawn ti ta a.
Christian chu ui â ang mai hian aṭe hian aṭe a, " Jim Silver," a'n ti a.

Midik tak te hi chu misual tan chuan, an hming leh thawm ringawt pawh hi hlau a khurh na tham ani ṭhin.
T Lalrin mawii
Khuangleng venglai.

Bung 25.
AR KHAWTHIM DAI.

Chhanchhuaha a awm avang chuan Gregor chu lawm pawh a lawm hman bik lo. Khawnvar a thim veleh khan Christian chu aw lo chhuahna lam pan chuan bawkvakin a phei ta a. Gregor erawh chu a che hleithei hauh lo mai. Hlauhawm lam pan te phei chu nuam atihloh zawng tak mai ani pek a. Silver chuan engvanginnge Christian chu inpe tur a arawn tih loh? Rawn au pawh nise a sawt dawn chuang lova. Hman laiin Christian hi lungin ah khaihlum hmabakin a tang tawh a, chuvangun tan leh ai chuan engtiang kawng zawnga thih pawh a pawisa lo zawk ani an ti ṭhin a. Chuti anih chuan inpe tur a tih pawh chu a sawt lovang le.
Jim Silver chuan engvangin nge Christian chu khawnvar êngah khan a rawn kahthluk tawp mai loh? Christian-a sawi ang tak takin in hmachhawnin, pa leh pa, ngam leh ngam, kutlawngin ril an la inkheisak tak tak dawn ala ni mai thei. Gregor pawh chu hlau chung chungin hmalam oanin a tawlh ve hret hret zel a. Chutihlai chuan abul lawkah Christian pawh chu a awm a. Thawklehkhatah êng te reuh te hian Gregir hmai chu a rawn chhun ta thut mai a. Gregor chuan tluk pahin a puakruk chu a hmet puak nghal ṭhuai a. Christian pawh chuan Gregor silai rik rual chuan apuakruk chu a hmet puak ve nghal a, an silai kah nghawrah chuan puk chhungah chuan leinawu atla chem chem a.
Gregor chu puk bang ngheng chuan ading a. A hlauhna pawh chu tlemin a kiang ve deuh a. Thinrimna in a rawn luah ta deuh hlek a. Christian chu Silver chuan rawn veh phei pawh ni se duh thal chuan a tuai let thei bik hauh lo ang a, chumi chhungin Silver-a ṭhianpa Taxi chu Gregor chuan alo bitum ve thung ang. Taxi taksa pianhmang chu Gregor chuan a hre ve kiau a, a huphurh lo kher mai. Puk chhung lah chu misual riah buk ang maiin a thim phui tlat mai bawk si a. Gregor chuan thil pakhat hlauhthawn em em mai anei a, chu chu thimthama a kalna tur a dap vel naah Jim Silver-a taksa adap fuh palh ang a, duh lo chungin in helnuai angai ang tih a hlau ber a ni.
Chutih lai chuan êng te reuh te bawk kha alo êng leh a. Gregir-a hmaiah bawk chuan arawn chhun leh a. Gregor leh Christian chuan theihtawp chuan an han kap leh zawt zawt a. Lei nawi chu a tla leh er er ringawt a. Gregor-a hmaah chuan thawm a awm a, chulai chu êng chuan arawn chhun leh a. Chumi êngin a chhunna hmunah chuan palian tawk tak pahnih hi an in elh chiang chiang mai a. Pakhat chu Jim Silver a ni a, pakhat leh chu Barry Christian ani ngei mai. Gregor chuan tlanchhuah daih a, duh leh lungin chhunga damchhung hun tawite hman ral rek rek pawh a huam a, he puk han tlansan phawt mai tum chuan hmalam a bawh ta thut mai a. A kawng chu Taxi khan lo dal atum phawt chuan a theh per lawp mai dawn si.
Gregor-a hmalam pan tuma atlan lai chu mi pakhat, khauh ang ṭeng ṭawng hian alo dawm chaih a. Mahse Gregir chuan a pa lenna chhuangin a'n kap zut a. Chupa chu chhuatah atlu thlawrh mai a. Gregor-a lawm chu a au ṭial hman hial tawh nghe nghe a. A puakruk a lek a, han chhut zui nghal mai a tum a. Mahse tkemin a petek ve hlauh mai a. A han hriat chinah chuan thir chakai ang mai a hmer nghet hian a nghawng chu alo kuah tlat tawh mai a. Chu a nghawng kuahtu chuan a pal ban kuah mai mai lo tih a hriat hle mai lehnghal a, kahhlum tumin Gregor chuan a puakruk humna kut dinglam chu her rem a'n tum a, mahse a kut dinglam chu a rawn man behsak leh ta zel a.
A rawn man bettu chuan a hmer nat em avang chuan Gregor chuan a puakruk cbu chhuatah a thlauh ta thlawrh a. Gregora beng hnunglamah chuan engemaw ni chang ṭha deuh hian a tauh chawrh a, Gregor chuan engemaw ni hi a hmu sen zuai a, a thim zo ta vek hian a hria a. A lo harhchhuah leh chuan a kut chu alo in phuar fel thliam mai a, a ke pawh an lo ṭawn kawp bawk a. Aw pakhat hian, "Taxi lo khawih ve suh, ka chan pual ani. Ka chan pual liau liau ani",a lo ti ve mek a.
Hmehên te reuh te hian chhuat laia pa pahnih inelh ṭiang ṭiang te chu a chhun set set a. Chumi te pahnih chu an let dun tawp tawp reng a. Nakinah chuan an pahnih chuan an rawn ding chhuak hluai a. Gregor chuan amit a'n khap awk a, amit khap chhung chuan inhnek ri chawrh hi a hria a.A'n meng a, Christian chu alo tlu dawn mek a, a tlu tur chu Silver chuan, "Taxi, a zo ta e," a ti a. Taxi chuan," A vit hman ṭhelh che a nih kha, i na em?",a ti a. Silver chuan, " Teuh nang, ka phuar chhungin min lo ên rawh aw,"a ti a, Silver chuan Christian-a ke chauh chu a phuar a. Chutah Gregor-a hmaah chuan a phei a. Gregora chhipsam ah chuan a ṭham dak ta awrh a. Hmeh ên chuan a en a. "Gregor, nangmah i nih ka ring reng ani,"a ti a. Gregir chuan an in anna nuai reh nan puakruk ngulin a hmaiah a chhut nghal chawrh a ring hle a.
Engvangin nge Silver chuan Gregor-a hmai ah chuan mi thuhmun an ni lo tih hriatturna a siam loh vang? Gregor-a avangin a thi lek lek a, a hming a hliau zo vek tawh a lawm. Mahse Silver chuan engmah dang a sawi lo. "Gregor nangmah i nih ka ring reng ani," tih mai lo chu, Gregor chuan Silver chuan mimal thilah phuba lak a tum dawn lo tih a hre ta a. Sual chu dan hrem turin Silver chuan a dah leh dawn ani. Mahse Gregor chuan a hrethiam thei chuang lo reng reng ang. Chr8stian pawh chu a rawn rum ve ṭiah ṭiah a. Silver chuan, Barry, kha ai khan minute tlemte chuan la daih rei la ka ti ngawt a sin, chutiang khawp tal chuan daih rei la chuan mitthi kawngkhar vengtute pawh tunah hna an thawk nghal thei mai tur hi a ni a,"a ti a. Chu puk aṭang chuan an chhuak a, Gregor te pahnih chu an kut an hnungkhirh sak a, an ke chu phuar lohin an dah a, an sakawr chu Silver leh Taxi sakawr zinah an thlun zawm a.
Duff Gregor chuan pawisa ip an phur tih chu a hre nghal thuai a. Silver chuan," Taxi enteh, hei hi nia Parade ni awma an ngaih kha. In hmuhsitna chi khat ani ve ngat8n ka hria.Parade hi ka khawngaih zawk e," a ti a. A ni reng a,chung sakawr pahnih te chu an ding dun han en chuan engang fakauin nge an in an loh tih chu a hriat theih nghal mai a. Meialh lem bang a ziah leh meialh tak tak ang hlauh hian an danglam ani. Barry Christian chu a ngawi vang vang a, hla phuah thiamin duhtawk a thla êng a thlir ang mai hian a dak vauh a. Gregor chuan, "Hei min man chu a ni ta ber a, engtinnge sum ip hi inhmuh chhuah le,"a ti ta a.
Silver chuan, "Helai vela pafing ber pakhat hian helai ram vel chanchin hi hmaih awm hlek lovin min hrilh chhuak dap a. Englo laihchhuahna khur hlui a han sawi takah chuan chutah chuan intawm ka ring a, chumi pan tur a kan hel kualna lamah chuan i sakawr hnu kan hmu a, in thil phum en tur khan ni khatah vawi engemaw zat i chhuk ṭhin anih ka ring, i sakawr hnu kan chhui a, kan hmu chhuak ve ta mai ani. Chutah puk chhung kan lo lut a, in sum ip khuhna lung jha Taxi-an a han chhun fuh hlau mai a, vanneih thlak takin kan han phawk fuh leh zel bawk a tin ni,"a ti a.
Gregor chuan, "A nih leh engvangin nge oawn ni sa a kan awm lai khan min kahhlum mai loh,?"a ti leh ta a. Jim Silver chuan," Hetiang thilah hi chuan mihring man aiin sum hmuh leh hi a ṭul tawh zawk ṭhin a, chubakah kan duhna hmunah in tawm reng tho a lawm," a ti mai a. Silver leh Taxi chuan sawi tur an hrelo emaw ni tehreng ni an ngawi dun reng a, nakina Crow's Nest mipui ten an lo lawm dan tur pawh han hisap lawk eih an nei lo. Gregor chu lung inah ṭawihral ta pawh nise, a tan thil zahthlak engmah a awm tawh lo. Silver leh Taxi man nih chu a zahthlak lo reng reng a. Chubakah Christiana an man rualin an man ve kher leh nghal nen.
An kalkawngah chuan lui pakhat, a chung a leihlawn awm hi an kal kai a. Chu leihlawna an kal lai chuan Christian chuan a zia a rawn chhuah ta reuh a. Lèi chanve thleng chu ṭha takin a kal ve mai a. Mahse lèi lai an thlen lai chuan a sakawr chu na takin a kheng ni ngei tur a ni. A zuang ta thut a, Parade pawh lèi a ṭang chuan a nek thla ṭhelh nge nghe a. Silver-an man beh tuma a kut a lek veleh chuan Christian chu a sakawr ṭin aṭang chuan a er thla tawp a, a lum tawp tawp a,an hnuai tui dumkukah chuan azu tla pil ta bawrh mai a, Gregor chu leihlawn surah chuan azu dak a, an hnuaiah chuan Christiana taksa chu tui chakna chuan a theh vir tawp tawp a. Taxi chuan a rifle chu a chuh nghal rap a.
Silver chuan khap nan a ban a phar a," A bak zawng kan kuta awm ani ta lo ve. Barry Christuan-a zawng tui chakna in a that mau dawn a ni,"a ti a, an thlang lawk tuikhawhthla lamah chuan Barry Christian chu a leng thla nawk nawk a. Taxi chuan,"Jim, khawi lai lungah emaw in vuan tangin a chhuak palh mai thei mai thei a sin,"a ti a. Silver chuan," Theih chu a theih a, mahse a theih lohna dan sangsawm zinga pakhat awm ve tluk lek a ni. Chu em em zawng ka laksak tawh lovang e," a ti a. A lukhum a phawk nghal a. Taxi chuan a ṭhianpa chu a'n melh a, a lu a thing a," Misual tang rang mai mai, ka lukhum chu a awmna ngaiah awm rawh se. Inche khat te te a hal ral vek tlak asin a nih ni,"a ti hlak a. Gregor chuan, Jim Silver, a lem a alo chan tawh chu mak ti takin a en ta tlawk tlawk a..

Mi ropui leh ṭha tak phenah hian mifel leh rintlak tak hi an in phum fo a, chumi avang chuan an lo ropui zual ta ṭhin a. Amaherawh chu, mi ṭha leh ropui sa tan lo chuan a phena mi te vang ngawtin ropui leh thiltih theih erawh ani chuang lo.mi rinawm leh dik, tih tak takna nunpui te hi an dingchhuak fo.
T Lalrin mawii
Khuangleng venglai.

THE FALSE RIDER
Bung 26.
RAMCHHUAK HAW LAM. (Last Epi..)

Lettu..PL Liandinga
Re-type....Tmawii.

Zing deuh takah Crow's Nest chu an va lut a.a la zing hle nain mi chu an tho sup tawh a. In tlemte chauh an kal pel hman tih chuan kawtthlerah chuan naupang chenin an rawn pung ta huai huai mai a. Henry Wilbur-a bungraw lilam chhangtur pawh chu an lo tel ve nghal bawk a. Silver-a Crow's Nest a alo luh tirh ni ang bawk khan an ngawi ṭhuap hlawm a. Silver-a bulah chuan Silver-a lema rawn chang pa kha a kal ve a. A bul lawkah chuan Parade lem pawh a awm bawk a.a tak leh alem zawng alo danglam nangiang mai le. Mipui pawh chuan hrilhfiah leh chuan an ngai reng reng lo. Mipui an tam em avangin kal pawh an kal chak thei lova. Ṭhenkhat chuan eng engemaw an rawn zawt zauh zauh a, fel tak, dam thlap, tawi takin Jim Silver chuan alo chhang zel a.
Silver hmel chu a danglam eih lova. Crow's Nest mipui lo pung hut hut chu tlemte te in anuih sek sek duh chauh a. A thinlungah chuan ngaihdamna dik tak apai ani ta ve ang. Mahse miin an lawm ber zawk chu Taxi chu a ni. A naupan hmel em em a,a hmelah thiltih theihna hmel engmah a lang li. Mahse thil ropui tak ati tlat si. Chuvang chuan mi chuan an ngaisang lo thei lo a ni. Jail an va thleng a, Sheriff Dick Williams chu alo chhuak a. Kut phar chhuak chungin alo kal a, mi zawng zawng hmuh theih lai ngei chuan, " Ka lo â em a ni, Silver, min ngaidam ang che,"a ti ta a.
Silver chuan ring tawk tak hian, " Sheriff, engtinnge kawng dik i zawh theih ang? Barry Christian-an thilt8h a tum tawh hi chuan a tumna hi chu kuta sak loh In ang mai a nghet tlut mai a ni ṭhin a sin. Ka nghawng min khai fan sak lova ka vannei kher mai. Ka vannei tak zet a ni------Taxi pawh. Mitthi tawh chauh lo kha chu tumah ka dem lo a che u," a ti a. Gregor chu jail kawngkhar lam pan chuan a chho boh boh a, jail kawngkhar aṭang chuan alo hawi let leh a, tjil laihchhuahna puk bula an awm laia, mi rinawm te hi fanghmir ni awm taka a ngai thei te kha mak a ti rum rum zawk a.
Jim Silver-a lawm chuan mipui chu an au luih luih a. A...rinawmna ah hian lawmman enge maw hi chu alo awm ve ngei ṭhin dawn a lo nih hi tih te pawh Duff Gregor chuan a ngaihtuah ve rum rum a. Silver leh Taxi chu bank lam pan chuan muangchangin an chhuk thla dun chhat chhat a. Bank kawtah chuan an sum ip puar tak tak phurh chu an hlang thla a. Wilbur-an a bungraw lilam a tum thu 'chalk' a a tar chhuah chu Silver chuan puanthemin a hru reh a. A bula mite hnenah chuan," Khawngaihin tu'n emaw Pu Wilbur chu pawisa bo kan hmuh thu hi han hrilh ula, bank-ah hian hmun him tawk a neih chuan, chutah chuan pawisa chu dah rawh se,"a ti a.

Lungngaihna hian mihring hi a ti buai thei teh nain hlimna pawh hian mi a chawk hlim thei ve hle mai. Crow's Nest chu hlimna in a khat a. Wilbur-a inah pawh chuan mi ṭhahnem tak an tlan chho va, Wilbur lah chuan thu thar a han hriat chuan ao chak phah sawt a, bank thleng chuan a fanu nen chuan an rawn chhuk a.Ṭhenkhat chuan Ruth Wilbur hnenah chuan, " Nangin Jim Silver i chhanhim a, a nin Crow's Nest a chhanhim ve thung a ni," te an lo ti a. Chutah Jim Silver hnenah bank chhungah chuan an hruai lut a.inhmachhawnin an din tir a, engtinnge an awm tehreng tiin an tawlh hlatsan ta a.

Wilbur pawh chuan a bank chu tlachhe leh mai mai thei tawh lo turin a in sawhnghet zawk a ni tih a hre nghal a. Taxi hnenah chuan, " Taxi, lawmthu hrilh thiam zawh che u ka chak hle mai.Lawmthu hrilh mai che u ani lo, in thiltih awmzia hi hrilh ka duh bawk che u a ni. Khawnge Jim Silver hi,?"a'n ti a. Taxi chuan," Bengchheng suh, i ti buai ang, ngawi dek rawh." a lo ti a. Wilbur chuan pindan zaupui mai kilah chuan a fanu leh Jim Silver chu inhmachhawnin a va hmu a. A fanu chuan nui hmel piah lamah chuan engemaw a meng tel tlat mai. Wilbur chuan, " Enge a awmzia,?" a ti a. Taxi chuan zawite hian, " Chutiang zawh a hun lo. Ngaihtuah pawh ngaihtuah suh," a lo ti hlur mai a. Silver chu a kun a. Nula kut chu a FAWH sak ta a.❤💜💕.

Tu takin ka type hahna kut hi min fawhsak ve angmaw?🙈😀😀😀. Chhiartui vek ula. A tawp ta ..
T Lalrin mawii.
Khuangleng Venglai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)