THE CRUELLEST LIE

Episode kal lai dah luhna

Moderator: writers

Nui leo Khawlhring
Posts: 24
Joined: May 15th, 2018, 7:22 am

THE CRUELLEST LIE

Unread post by Nui leo Khawlhring » May 20th, 2018, 9:42 pm

The cruellest lie
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODES 5: A theihtawp hian a kut han pawt thut a a pawnfen a han tah nawk nawk a duhna chu a insum hram hram a. A deusawhna leh a hmusitzia lantirna ani chiah mai, a ni chiang lutuk!!!!
'Khati kha chuan che vel teh suh, Dad' nui hak chung hian Mark-a chuan a ti a. A pa in hmeichhia a hmelhriat hmanlai mite ang maia an cheibawl te chu a nuihzat hmelin, a mita thil eng emaw lang erawh a hmu thiam ve hauh lo tih a lang thung a. 'I ti zak dawn a nia. A lakah hun i khawral mai mai a ni, a chhan chu vacancy a awm tawh lo a ni' a ti a.

'Oh??' Morgan Stone - a chuan a kut chu ala chelh reng a, a rawn vuan nghet salh mai bawk a. A fapa nen chuan a en tawn ta sek a. Kum hnih liam ta a a hmuh ang tho va pa tawk tak, pa tawhkhirh tak kha a la ni reng a. A sam dum hlap maiah chuan sam tuak var hi a awm phoh phauh tawh thung a.
'A sawi awmzia chu kan General manager - in ka hna hi ka ngaihlu in pasal ang hiala ka ngaih thu a lo hrilh kha a rawn sawi chhuak leh mai mai ani' Claudia - i chuan alo ti vat a.

'A nih chu. Chuti pasal i la nei lo tihna ani maw?'

'La nei rih lo' a nelawm lutuk chuan Claudia - i ngaih a ti tha lo hial a.

'Oh!! Chuti a awmzia chu pasal hual i nei tihna em mi?'
Chutia hawihhawm taka chupa rawn tawng chhuak ti tawp hmiah tur chuan pasal hual lo nei sela a inti kher mai.

'Nei lo' a ti chang fak a.

'A nih chu'
A eng ber chu maw? Claudia-i chuan a kut chu an ti che zauh a, Morgan - a chuan a lo thlah dul deuh a. Tunah chuan a kut chu a vawt thler tawh lova, dik tak chuan a sat hian asa chhuak a, a kut chang ni lovin a taksa pum pui chu a sa chhuak vek hial ani.

'Wellington - ah hian i rawn insawnna a la rei lo em mi, Claudia?'

A hming hmasa a rawn ko chu nuam a ti lo hle mai a. Pangngai taka a ti ti pui pawh chu amak atih tawh nak a laia. A hma a huat hmel fahran a, Miss Lawson a tihna tawngkam chu a bengah ala cham reng tlat a.' Auckland a Baron Lake Point atangin thla hnih liamta khan min rawn sawn chhuak a ni' a ti a.

'I ngenna avangin maw?'

A rindan chu khawvel a thil dik lo ber te zinga chhiar tel tlak a ni hial awm e. 'Ni love..... Lake Point - ah khan nuam ka ti hle a ni' nghet charh hian ati a. 'Hotel - a thawk tute sawn kual hi an lo tih thin dan a ni tlat a' a ti leh a.

'An chindan i hnial thei hauh lo maw?' a lo ti a. A rilrua awm ang chu alang chiang hle ani. 'Wellington i rawn kalna hmasa ber a ni em?'

Eng thil nge maw chupa chuan a ngaihtuah hrep le? A hriat loh laiin Mark - a hmu tur chuan a kal ru turah a ngai em mi dawn le? Thinur tak hian, 'Aw' a ti ram ta hmak a.

'A nih chu, tunah hian khawihmunah nge i chen tak a?'

'Hetah Hotel-ah hian. Mahse, ka hna ka thawh tirh vel chauh hian ka awm ang ka ring. Tunah hian ka in luah tawk tur awm vek ka zawng a ni.....' aw vawt raih hian a ti a, chutah a chungchang alo sawi hnem mah mah tawh tih hria in a thin a ur ru viau mai a. Nelawm loh tak hian,' Nang khawiah nge i chen a? 'an ti a.

' Marine Drive bul lawkah sawn in ka nei a'a ti a.

Chuti anih chuan Port Nicholas luikam ep, tlang pangah a awm a ni tih a hre thei a.. Claudia-i chuan mak a ti viau mai a. Mark - a sawi anga a pa chu hna thawh atchilh mi a nih chuan khawpui chhung khawimaw laia a chen ngei a rinawm a ni si a. Khawpui chhung hmun tha laiah tal cheng ve awm tak hi a ni a. A chenna hmun lah chu a nuamin vaukam hmun mawi tak tak thlir theih a ni tih chu ahria a, mahse, ani ang mipa eng lai mai pawh a ahna chauh ngaihtuah ang tan chuan vaukam hmun mawi thlira len kual vel chu hun khawhralna mai mai lek a ni awm si a.

'Nang nupui i nei tawh a?' tiin Claudia-i chuan chupa in dam thlupa a chhanna chu ngei rilru tak hian a mimal chungchang zawhna chu an phuh chhuak leh ta a.

A chal a chuar ta tap mai a, Mark-a lah chu a nui chhuak deuh hawk hian ahria a. A rawn chhan takah chuan a hma aiin a aw chu adanglam chuang lova, nuih zat hmel lek lek hian,
'La nei rih lo' a ti a.

'Chumi awmzia chu neih mai tur hual lawk i nei ta tihna em mi?' an ti halh a, a rawn nuihsawh hmel chu a tbungrul ve ngei chuan a inhria a. 'Tunge chutiang a.. hmeichhe..... van...... er....... nei tak chu ni le?' a ti a.

Morgan - a chuan rei fe hi a rawn thlek vang vang a. Claudia-i chuan chutia alo cholet mai chu a inchhir hnuhnawh lek lek a. Chutah rin loh hnu lamah chuan a rawn nui chhuak ta var var a, mahse, a nui hmel chuan a ti lang nelawm lovin a hlauhawm sawt hian a hre thung a.

'He mi taksa chhungah hian mi pngngai leh satliah chuah a awm a,' tiin a awm chu an khawih a. 'Nupui ka nei leh a nih chuan hmeichhe pangngai tak, chungnung larh lo ani tawh ngei ang. Heng hmeichhe changkang tak hi chu hmuhnawma thlir tur chauh an ni a, hmeichhe pangngai te hi chu nupui tur an ni thung. Thu ho te angin a lang na a, thil nih phung dik tak a ni zawk..... Mipa leh mipa tleirawl nena tehkhin nen a dang chuang lovang' a ti a..

'Chutiang chu thil awmdan a ni tih pawh ka lo hre lova.' Claudia - i chuan ati a. Chu pa chu a pheikhawk sang bun chung pawh chuan inchi ruk vel zetin a aiin a la sang zawk a. A la rawn enchhuk run ta zui!

'Tak tak maw?' a lo ti hrawih a. 'Duhtak Claudia, i chen lohna tur hmunah i cheng a ni' an ti a.

Chutia an pahnih a an tawng a an inhnial reng avang chuan Mark-a pawh a lo hre chang lo a ni tih a hre chhuak leh hnuhnawh a. A bula nuam ti chiah lova alo che sek a hriat chuan a hre chhuak ve zauh zawk a.

'Hey!!!nangin pahnih hi in inhau chu a ni lovang chu maw? In in ti thinur dawn emaw ka ti lek lek alawm. Eng nge in inkar a awm hi? Bakah thil pakhat in ang neih in nei miau a.... keimah hi!' a lo ti a.

Chutia Mark - an fiamthu arawn thawh chuan an ngaqi sun vang vang a, insawi fiah tuma eng thu emaw a sawi chhuah dawn lai tak chuan Morgan - a chuan pangngai tak hian,' Oh!! a dik alawm, Mark. Eng thil emaw chu kan inkarah hian a awm ngei alawm, ni lawm mi Claudia? Eng anga dawn sawn tur nge kan hre lo mai ani' an ti a.

'Huh??'

'Taka Claudia-i hian a champagne a nwi tawh lova, kei pawhin ka la tem lova an tih chuan Mark-a chuan phut lutuk hian a lo en a. An pahnih a awmdan hrethiam lo taka a en dun reng chu hre awm pawhin a lang tawh lo.

' Oh!! Ka va laksak ang che u... 'Claudia-i no ruak ken reng lai chu an laksak a. A in zawh lai pawh alo hre hauh si lova, tunah chuan Morgan Stone - a nen chauh awm dunin a fapa in aphaw atana a hman chuan a kalsan leh tak siah chuan a lu te chu a zang deuh huih hian a hria a. Thil awm nia a sawi kha eng nge ni chiah ang le?

'I lang nalh kher mai, a hmu che a hlim viau pawh hi a awm tho mai' an ti sup a.

'I... ka van hrethiam lo' Claudia-i chuan a ti a. Morgan - a aw thawp sat maiin chulam hawia a rawn sawi chu a hre sual ta emaw a ti lek lek a.

Morgan - a chuan Claudia-i makti meng zau kawk mai chu haiderin a sam dum hlap mai, a dara in vaw thla hnap mai chu a en reng a. A sam hmalam chu a awm ah hian a rawn uai thla sang mai a. 'Nalh tih satliah mai chu a tawk zo lo..... i nalh lutuk zawk a ni. Chu chuan i nihna dik tak a sawi chiang zawk ang. I sam tan tawi deuh tak khan a ti lang naupang che in.... tleirawl tan hlim leh engthawl tak angin a chhuah che anih hi' a ti a.

Engthawl tih kher zawng a tun dinhmun nen hi chuan a inmil lo chiang kher mai, a hmel landan a hmuh vang chuan nge a mit chu a lasawn a, zawi sup hian, 'Thil thleng kha i hrilh miahlo a ni maw? Kha thil kher kha chu kan inkar ti zau tura hmanraw tha tak a ni thei tlat a, mahse, engmah i sawi lova, ka lawm tak meuh a ni' a ti a.

'Ka..... I hrilh ka ring deuh a....' an ti sap a. Chutia a rilru nawm lohna tak tlang taka a rawn sawi chhuak chuan a awm a ti nuam lo hle mai a.

'Hrilh lo turin min duh i ti anih kha' a lo ti sam mai a.

'Ka thil duh chu a pawimawh i ti em mi?' makti tak hian a lo ti a,chutah tihel deuh tak hian, 'Ni e, i tan chuan sawi loh law law kha tha zawk dawn miau a' an ti a.

A mitmeng pawl raihah chuan engmah a lang chhuak lova. 'Chu zawng ka pha lova, mahse, kha thil chungchang kha min sawipui sela chuan ka sawi lang ang. Engmah a sawi lang tlat lo a ni. A raqn haqn leh tak atang hian kan inkar hi inhnaih tak tak leh kan rilru ang han inhrilh hi ala awm lo hrim hrim a. Kan pahnih tan hian... In siamthat na tur a la awm ve ve a. I chanchin a sawi ve chang pawh hian thu pangngai satliah bak engmah a sawi lang ngai lova. I nauchhiat tak thu kha a sawi lang a,mahse, vawikhat mah afa a nih thu a sawi lang lo. Dik taka sawi chuan a rawn hawn takah khan a nun a hahdam hmelin ina haw kha a chak hmel hle mai a, thil thleng khan a shock tak meuh turah ka ngai mai a ni. In pahnih tan ka rawn inrawlh loh kha a tha in ka hria a...... '

' Inrawlh loh a?? Damdawiin a min rawn tibuai sek kha eng ang in nge i sawi dawn a? I sumdawnna chungchanga inrawlh ve i phal ngai miah loh laia thawk leh khata i partner tura i rawn sawm ta thut te kha!!! 'Mark-a sawi dan kha chuan chu chu a pa nen an pahnih inkara buaina lo chhuah dan a ni a.

' Mihring nih chuan ngaihdan a danglam thei fo a ni lawm mi? Ka thiam lo a ni e, tia kan tlawm hun a awm tur alawm. Duhthlang theia awm turin ka duh a....?

' Ka bula awm kha a thlang dawn lo tih hria a ti i ni a... '
' A hmangaih che anih chuan i bulah a awm emaw.... a rawn hruai ve che emaw a ni ngei ang' a lo ti hrawih a. 'A duhthlanna chu amah chauhva rawn kir kha a ni. Nang pawhin i hmangaih loh thu min hrilh ve tho kha an ti a.

Claudia - i chu a hawisan ta daih a. Engvang a he pa hi hnial vak vak nge maw anih chu le? A dawtsawi a rilru ti nuamlo tu leh a inchhir na fo chu a tak angin a la sawi chhunzawm zel ani a.

'Eng ang pawhin min hua a ni mahna,Claudia' Morgan - a chuan ati a. 'Ka fapa tana tha ber tura ka ngaih kha ka ti ani. Tuna kan hmuh leh takah che hian i tan pawh a tha zawkin ka hria.....'

'Ka naute thi ta pawh kha atana tha turah i sawi ta ve ang!' thinur zet hian an ti a. Kha tih laia a rilru natna te, a khawhar na te hian an ti a kha tih laia arilru natna te, a khawhar na te chu a rawn lang chhuak leh ta ni hian a hria a.

A hmelah chuan a rilru natna chu alo lang chhuak tel a ni mahna, a kawng ah hian arawn kuah a. A lamah pawt herin ahmel lang chiang thei tur hian an dah a. 'A pawi ka tihpui tak meuh che a sin, i naute i chan ta kha holam takah ka ngai hauh lo. I tawrh nasat zia chu ka hre chiang hle a nih kha. Chuvang chuan a nia ka rawn kan tak che ni. Rawn tihbuaia vau che tum pawh ka ni lo. Tuman an rawn kan silo che anih kha'a ti a.

'Khatih lai khan i khawngaihna ka mamawh lova, tunah pawh hian ka mamawhna ka hre chuang lo' chapo tak hian ati a.

'I mamawh lovang, mahse, ka lak atang khan mamawh chu i neih ngei kha, pawisa. Sum tha hnem tham tak ani e, ka ti mai teh ang' ngeiawm lek lek hian a arawn ti chhuak ta siah mai a. A kawng a kuahna chu dam viau mah sela, a aw chhuak erawh a chang tha hle mai a. Claudia - i inven vena chu a zahna chuan ati bo zo thei hial a.

Morgan Stone-a kha kalbo tura a tih lai khan akal bo mai duh lova, luhlul tak hian abulah a awm run reng a. Ni thum chhung chu nitin arawn kan ziah a, a pangpar te, thei te, chanchinbu te arawn ken a, chuti chung chuan Claudia - i chuan engah mah ngai lo niawm tak hian a lo hnungchhawn tlat thin a. A maimitchhing a, a khum chunga headphones awm chu a bengah a vuah hmiah a.

Tlema athat tak deuh hnuah chuan damdawiin room pangngaia awm lovin cabin-ah a lo awm reng a ni tih ahre ve ta chauh a. Morgan Stone - a chuan a awm man zawng zawng chu lo pe in, ani lah lawm tak aruang in a nun duh ang ang a alo khawih kual vel chuan a huatna a ti zual sauh mai a. Cabin te angah chuan atan han awm mai mai chi a ni lova, a awmman pek tur lah a nei hek lo. Chutah a rawn kal tawp ber ni thum ni chuan envelope hi ahnutchhiah a, a chhung an en chuan mualpho thuah hnihna a ni hial hian ahria a. A chhung an en chuan cheque dollar sang tam tak hu a lo awm a, lehkhate ah hian a fapa nena an in kung kaihna chu ngaihtuah tha leh turin a rawn a.... sum lamaa harsat thu sawiin Marka nenan inkawp dawn anih chuan a sum hmuh tur hrim hrim chu a awmdan a in nghat tur a niin, a remtihna tel lo chuan engmah a hmu thei lovang a ti a. Chu cheque - a a landanah chuan chupa chuan sum ringawt duh leh atchilh ah a ngai a ni tih achiang hle ani.

Claudia - i chuan chu pawisa a hmusitna lantirtu chu a hmaia han vawm let mai nan a hmang hman ta lova. Chuta tang chuan a hmu ta miah lova. A inchhuan ve na te chu tihchhiat in a awm a. A phuba lak theih ang chhun chu a pawisa pek hmansak a, a tihsual palh siam that nana a thil neih a ngaihhlutna ber sum hman chu a ni ngawt a.

A hnu deuh lawkah chuan Morgan - a bo tak daihna chhan chu ahre ta a... Mark - a chu anu leh pa te bulah a awm tih ahria a, Wellington lamah a thlawk haw ta vat a. Mark-a chuan apa nen an in mil lohna leh an inrem lohna chuan a lung ti awi lo viau mahsela, a pa a nihna bo dawn chuang lova. Chuvang chuan thiltihsual nei miah lo Morgan - a laka phuba lak chu ngaihtuah zui duh tawh lovin,hun lo kal zel tura an pafa tana thi tha ber a thlen duhsak na nen athlah ta zawk ani.

'I sum min pek i inthiam lohna leh hrehawm tihna chhawk zangkhai thei tura kha kalo hnar i beisei tihna em mi?' ram hmak hian alo ti a. 'Awle, ka la a, duli pawh bang lovin ka hmang ral thak a ni' a ti a.

'Ka bank dawr ten min lo hrilh e' a ti dam thlup a, Claudia - i hmai sen ap ap chu a en reng a. 'Fing taka i hman ngei ka beisei e' a ti a.

'Tehreng mai. Thawmhnaw leinan te, tlereuh lei nante, intihhlim nan te ka hmang ani' an ti hmiah hmiah a.

'Chutiang chuan i hmang tak tak a maw, Claudia?'

Morgan - a hmelah chuan nuihzatna tak tak lang lo mahsela a thusawi chu a lawm hle ni hian a hre tlat hi eng nge a awmzia ni ta? A en chho hra a. Technical Institute - ah Hotel Course zir nan a hmang ta a ni tih a hre hauh awm si lova. A pawisa chuang awm chu Baron Hotel - a athawh theih hma chu inchawm nan ahmang chho leh ani.

'Keini ang hmeichhe lepchiah tak te tih tura i ngaih chu ani lawm mi?'

'Lepchiah te chu ni love' a ti sup a. 'Claudia, chutin ka ngai miah lo. Ka hriat danah chuan i tih tur anga ka ngaih ang nilo zawk zel thil i tih duh zawk ka ring ani. Ka gaihdanah che i lungawi lo va, phuba lak nan hrim hrim i ti duh ang' thinurna emaw lang chhuak miah lo hian ati a. 'A hma a i lo sawi tawh ang khan, i mizia hre tawk turin ka la hrechiang lo tak meuh che a ni' ati a.

'Mahse, hrechiang awm fahran khan i awm si a ni!'

'Ka sawi tawh ang khan ka rilru chu ka thlak thei a ni' tiin a dar a san ak a. ' Ka thu ka duhin ka thin a ram ve hle tih chu ka pha lo. Ka thinur hi chu hlauhawm ve thei tak tur ka ni bawk. Mark-a rawn puitling chhovin ka thu a hnial ngamna te khan ka thin a ti ur hle thin a. Chu tak chu a ni kan inmil tak lohna bul chu ni ta a. Mahse, kum an tam tak deuh ah chuan ka nem chho ve ta niin ka hria.... '

‌' Nem chho a?? 'Claudia - i chuan han nuih vak mai chu aduh a. A sam tuak ve ta phauh phauh chu thudang nisela Morgan Stone - a pa tawh khirh leh thuduh zet mai, pauhkhauh hmel tak mai rilru a nem tur chu a ngaihtuah thiam lova, a kum upatna in a thlen theih a ring hek lo.

‌'Ka sawi uar ah i ngai em mi?'

‌'Chutiang ang i mizia a lanna ka hmu ve hauh lo mai!' a lo ti ram hmak a. Tihel hmel fe hian an en chho a, a taksa nalh thlar mai, a suit hak inhmeh bawk si chu hmuhnawm a tihna lanchhuah tir lo tur hian a inthunun hram hram a. A hmuh danah chuan kum hnih kalta ai khana tawh khirh hmeltawh zawk tlat ani.


‌'Chungte chu i hmuh duh loh vangah ka ngai a ni. Hun kaltaa thil thleng khan a tibuai che a. Engvanga i invenna atanga rawn chhuak mai lo nge i nih chu le. Claudia? I thil hriat chhuah thar hi mak i ti viau mai tur asin.....'

‌'Khaw nge Mark-a leh kan champagne in tur chu?' a lo ti daih achutiang thinur duh hauh lova a awm chuan a ngaih a ti ngam zan lo a ni.

‌'Kan inhriat chian theih nan hun min pe a ni mahna' Morgan - a chuan a lo ti mai a. Room chhung lam en lo tur hian a hliah run mai si. 'Kan in ngainat hi aduh pawh a ni mahna, atan a pawimawh hle ni pawhin a lang a. Hrilhhai takin siam lo rawh, Claudia' an ti a.

‌Thil awmdan phung pangngai sawi chhuak mai ai chuan vauna lam hi a aw ah chuan a lang thei a. 'Duh ta lo ila engtin?' vawt raih hian ati a.

‌'A nih loh chuan ka hmel i hmu i lawm vak lohnachhan diktak hi ka sawi chhuak mai ang mawle....'

‌'Tunah hian maw.. I hrilh ang a?' makti fe hian a lo ti a. Chutiang ang a rawn sawi chhuak chu aphu zawk thei hial a.

‌Morgan-a chuan a dar asan ak a, 'Dinner eiin engvangin nge kan sawi dun mai lovang?' a lo ti a.

‌Chu thu chuan ati phu chiang leh ta kher mai. 'Dinner a? nang nen hian maw?' an ti a.

‌'Mark-a nen......a nupuihual pawh a lo tel ve bawk ang a' a ti a.

‌'Mark - an nupui hual a nei maw?' an ti leh hau mai a.

‌'A la hrilh lo che em mi?' a mitmeng de deuh sar a hmuh chuan a thu hriat in a thawng hle chu a hmelah a tilang chiang hle tih a hre thei a.

‌'Eng vak mah kan sawidun lo a ni. Tukin khan kan inhmu leh chauh a, a ti chang fak a.' A hmel hmuh hi tumna pakhat mah ka nei tawh hleinem, zawk a na. Nupui hual anei emaw nei lo emaw chu ka ngaihdan chu a dang lam chuang lo'a ti a.

‌'Ani hian lo hmuh che duh tlat si sela?'

‌'Ka hmuh duh loh thu ka hrilh mai ang!'

‌'I hnial na chu lo pawm duh lo ta ang sela?' ala rawn ti ta fo a.

‌'Engvangin maw? Mi chunga leng anga inngaih tlat hi in chhungkaw ze in rochun a ni em mi? En teh, Mr Stone.....'


‌A tih lai chuan, 'Morgan mawle. Ka hming chu Morgan a nia. Kan lam panin a rawn kir leh mek a nia aw' aw zawi sup hian a rawn ti a. Chutah a vauna chu ati tak duh ngei ang tih lang thei tur hian, 'Hun kal tawh hrehawm tak mai kha ka sawi chhuah leh i duh lo anih chuan ka sawi ang hian tha takin awm mai ang che' an ti a.

‌'Chu zawng in nawr luihna thil anih chu!' Claudia-i chuan alo ti hak a. Chupa chu a a ta a ni ngei ang mawle. Midang chunga leng a nihna tihlan nuam a tihzia chu chu ngawt ah pawh chuan hai theih rual a ni lo. 'Morgan' an ti deuh sap a. Mak tak hian chu hming a lam chu a nuam a tiin a lo lam fo thin hi a ang zawk hial a. ' He thil hi i ngai sual let dera ni zawk lo maw? Kei ai chuan nang hian thudik tak sawi chhuah chu i hlau fe zawk tur ani dawn lawm mi? Kei mah zawk hian ka suh ang taka nawr lui thei che ka ni a sin.' a han tih chuan a hma amipa ding chuan athusawi chu engah mah angai lo ni hian a lang a.


‌' Min nawr lui thwi teh meuh mai, mahse, i ti duh chiah angem, Claudia? '

‌Claudia-i chuan a mithmul dum er sarh lang chiang zet hian hnuai lam a bih ta ran a. Chupa chuan kha thil thleng kha amah ang thovin sawi chhuah chu a duh bik hauh lovang le. Lungawi ru zet hian anui ta sak a, a biangsum nalh tak chu a lang khuar kalh mai a. An hawi chhuah chuan Morgan - a lo thaw hawk thawm chu ahre thei a. A mit meng nalh zet leh mi lem tak te, a heh sen hiam mai han fawh chakawm hliah hliah mai te chu ahre lo ni hian a lang a ni. 'Ka ti duh mahna' a ti sap a.

‌'I ngam phawt chuan tiin ka cho ngam che a ni' vzawi sup hian ati a. A chhan ve hma chuan Morgan - a chu a sir ah a ding a, a fapa kuta champagne no chu a laksak ta ani.

‌'Claudia-i hian zanin hian dinner ei ho ila tih a rawt a, eng ngw i ngaihdan le, Mark? Serita-i phone la, kan pali in hun hlimawm tak kan hmang ang chu' a ti zui a.
‌end of episode 5
RE TYPE :NUI LEO KHAWLHRING



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)