Unexpected Love - 7

Episode kal lai dah luhna

Moderator: writers

ZonuniLeo
Posts: 41
Joined: April 14th, 2018, 7:18 pm

Unexpected Love - 7

Unread post by ZonuniLeo » May 21st, 2018, 1:07 am

UL-7

"Bawihi, thu rawh" ka pheikhawk sang bun chu ka inchhir ru hle, rangzetin ka thlawh thla nghal, Mahse, min ti confi tu ani ve tlat..

Min hruaina hmun chu a reh ruai a. A hahdam thlakin a mawi em em bawk, ka mumang ang mai niin ka hria.

"Kelly thusawi kha engnge a awmzia?" ka hmaah tak a ding a, a kekawr ipte zenin chulai hmun mawi zet nen chuan a inhmeh hluah hluah...

"Josh, kei hi engvanga min kaltir mailo nge i nih ka hrelo. Naute vang anih chuan i buai a ngai miahlo..."

"Bawihi, chulam ka sawilo, Nu leh fa inkar a sawi kha engnge a awmzia?" chhanna ka pek ngei a ngai dawn tih ka hria...

"Ka chhuahsan ni che khan Kelly lokalin kan inhnial a" ka sawi hreh lutuk chu ka ngawi dat a "I nu alo lang thut a, engchennge kan thusawi a hriat ka hrelo, nangmah hi chhuahsan tur che-in min hrilh ani" ka sawi chhuak ta hlawl mai, han sawitur dang ka hre thlawtlo ani.

"Chuvang ringawt chuan engmah sawilo in min chhuahsan a...." Josh chu a thinrim tih ka hria. "Kanu tehhrep pawh chu..." engvanga thinur nge anih ka hrechiahlo.

"Josh, I nu khan dik lohna a neilo. An fapa neihchhun kawp tura mi pangngai chunglam duh chi ka nilo, kei hi ka awmlohna turah ka awm ani, khawngaihin min dang suh..." ka mangang in an nufa inkara huatna thlentu nih ka duh miahlo bawk.

"Khawiahmah i kallo ang, ka tan hmeichhe dang zawng zawng aiin i thianghlim tih i hrelo emni? Bawihi.. I duhthlan ni miahlo, harsatna i tawh zawng zawng hi ka hria" ka bulah a rawn thu a, min kuah vang vang bawk...

Ka khabe kuai dakin ngunthluk fahranin min fawp a, chhanlet loh theih loh khawpa serious in.. Ka inlakhran chuan ka awmdan chiah pawh ka sawithiamlo.

"Kan Inneih vat a tul ani" Josh chu ka en a, ka dan ngei a ngai tih ka hre bawk.

"Josh, hmanhmawh lo ang. I nu ten min pawm hunah ka nei ang che" min hmangaih thu sawilo mahse atan hian engemaw tak chu ka ni ve tih ka hria.

"I neih tur chu anni niloin keimah ka ni, ka bulah i cheng dawn bawk.. Ka neih che chuan An pawm mai che a ngai tih an hrethiam ang" A aw-ah chuan anu lakah a lungawilo hle tih alang. Eng thil nge an nufa inkarah thleng hrelo mah ila, keimah vang chuan a chhiat ka duhlo.

"Josh, Nu leh Pa ka nei ngailo tih i hria, Anni hi kanu leh pate annih dawn chuan an duhthlanna ngei hmanga min pawm ka duh ani" ka tumruh zia chu ka aw-ah a hrethiam ve ta ani ngei ang.

A nui suk a "Bawihi, ka hrethiam e.."

Helai hmun leh Josh hi an inhmeh takzet, a cool ruihin a nalh em em a, sawiselna tur ka hrelo ve ve. A khabe hmul to siar siar, seilo tak chu ka khawihsak zauh a..

"Hei hi i inhmeh..."

"I duhdan anih chuan a awm reng ang" a nui ri chu hriat nuam ka ti.

"Bawihi, midangho kan va zawm ve leh tawh dawn mi?" a tho va.

"Josh, ka ke hi.." ka pheikhawk sang zet chu ka kawk ringawt. Ka ke bulah rawn thu hniamin ka ke chu uluk zetin a enkual a.

"A durh anih hi, tihian lo awm lawk rawh aw.." tih leh kalsawn a rual a. Engnge maw a tih dawn ni??

Harish leh hmeichhe pakhat anlo lang hlawl a. "Kim, i ke chu engtinnge a awm? Boss in min rawn tir, ka thiannu hi Dr Neetu a nih hi, Neetu.. Josh nupui hual Kim" min hmelhriattir a. Neetu chu a vai hmelin a nu deuh zamin ka hria.

Ka ke en a tum chuan a na loin a durh satliah mai anih thu ka lo hrilh a. Ka zak hle bawk, Josh chu a chaklo khawp ang.

Neetu chuan a en lui ta tho va, a silfai dantur leh hnawih tur damdawi min hrilh lai chuan, Josh chu pheikhawk flat kengin a rawn kal a. An pathuma an inbiak hnu chuan Harish leh Neetu chuan midangho awmna min pansan a. Ka pheikhawk bun tur chu Harisha nau pheikhawk niin ka ke durh lai khuhlo chi ani hlauh a. Dim zetin min buntir nghal mawlh mawlh...

"Josh, a natdan a hoh tehlul nen, Neetu khan min ensak a, ka zak viau ania" a lu-ah chuan ka pen kawrh a.

"Bawihi, natna ho deuh ni a kan hriat ngaih pawimawh hmasak hi a finthlak"

"A dik alawm mahse, hetiang thil te chu a dang daih..."

"Anni pahnih kha engahmah ngai suh.. i kal thei angem? ka pawm mai ang che" ngaihsam zeta a tih chuan a hnungah ka chum pawp a, a nui hawk duh chauh...

"Josh" ka lo ti thawt a. Hetiang nuaih nuaih kara pawm hi ka duhlo hrim hrim. Muang fahranin min kalpui a, a hmelhriat kan tawh ho chu mangtha in, Kelly te thiandun erawh ka hmu tawhlo.

In kan thlen chuan alo tlai tawh viau mai. Ka intleuhfai a, ka lu erawh ka su lo. Ka inthlak zawh chuan Josh pawh lo inbual zo tawhin a laptop a khawih mawlh mawlh a.

"Bawihi, naktuk chu kan zinchhuah angai leh dawn anih hi, zan hnih chiah kan riak ang, engpawh thleng se, i lo chhuak tawh miahlo ang tih min tiam theih loh chuan ka hruai ang che" a rawn hawichhuak lo, a buai viau anih hmel.

"Ka tiam ache, khawi hmunah nge?"

"Dehradun ah, chawhma ah kan chhuak ang. Hospital neitupa nen kan ni dawn.."

A buai bawk nen, ka ham bai bai a. "Josh, ka mutsan dawn che" ka tih chuan alo yes ve mai..

Ka lu in lukham a deh rual chuan ka muhil nghal ani deuh thaw. Zing ka harh chuan alo la hma viau.. Josh chuan min kuahin a muttui hmel bawk nen, chet pawh ka che tha ngamlo.. Ka lo muhil leh ani ngei ang, ka dul a kut kal riak riak chu hriain peihlo zetin ka meng siar siar a.

Harh veleh a mipa nuisang, hmeltha tak hmuh chu duhthusam ani. "Morning Babe" ka chalah a fawp zeuh va. A kut a hlei em em bawk. Ka lo ngheng hnai talh talh a.

Ka dulah a kut chu dah vang vangin "Bawihi, a rawn che leh ania" phur zeta a tih chuan ka lo nuih hak, mipa naupang ang mai ani. Mitmeng danglam deuha min melh in min fawp vang vang a.

Ka naupai vang ani mahna, Josh chu a fimkhurin min dim kher mai. Chau hnep in kan mu zawithlar a...

"Ka lo haw veleh Harish hnenah kan in check vat angai ang" Josh chu ka en ha a..

"Engvangin Josh, kan panna ala rei loh em kha" ka lo ti ve thung..

"Kan thiltih khan thil pawi thlen a nei em kan entir vat angai" a tih chuan ka lo nui hawk hawk a. Engmah pawh ka sawi theilo.

"Doctor i ni a, kei aia hrechiang tur ini, Josh khatiang thil vanga in entir ziah te chu.."

Ka sawi zo hmanlo, ka mitah chiang zetin min en a "Bawihi, ka fa nena in nunna ah hian risk ka la theilo" a ti sup a. Sawi tur reng reng ka hrelo.

Josh chu ka insiam pui a, pui tih lemah engmah pawh ka ti ve vak chuanglo. Thawmhnaw ken a ngailo a, ama thil pawimawh ho a bagah khung in, a kal tur in khalh liam chu ka thlir reng a. Inchhung ka luh chuan ka ruak huai in ka hria.

Chhunah Nina alokal hlauh a, kan chanchinte hrilhin kan hlim dun hle. Min riahpui turin ka sawm nasa viau nangin Benji a ngaihtuah tlat si a, tlaiah min hawsan a.

An thlen veleh Josh chuan min rawn biain a khat tawkin min be zauh zauh reng a, a tukah erawh an buai tur thu min hrilh lawk thung.

Josh awmlai khan ka muthilh hma theih tehlul nen, ka muhil mai thei tlatlo leh nghal. Ka ning kher mai.

Zingah ka inbual a, Reenu nen eitur siamin juice ka in bawk a, breakfast ei zawh chuan ke-in ka chhuak a, pawisa engmah ka kenglo tih hrechhuakin ATM awmna ah ka lut a. Ka balance ka en chu ka thaw hawk mai. Josh khan engmah a sawilo, ka Ac ah 5+lacs lai lo awm chu mak ka ti, chutiang zat pawisa dahtu tur chu Josh bak tumah ka neilo. Alakah nuam ka ti lovin ka inthlahrung em em bawk.

Singhnih ka la chhuak a, eitur bak lei ka mamawhlo. In ka thlen chuan living roomah Kelly alo thu vang a, beisei lawk lohin Josh awmloh veleh alo lang chat chat zel anih dawn hi...

Ka nuih var var a, "Kelly, i lokal tur thu i sawi lova, i lo thu rei tawh em?" uluk zetin ka thawmhnaw zawng zawng chu an thlek kual leh te te a.. ngeiawm thiam ve tak ani.

"I englai hi nge a duh ka hrethiamlo" a tawng danah chuan thil tenawm tak sawite pawh a ang hial zawk.

Ka hrelo der tlat. "I unaupa chu a zin a, hna ah i kallo nge?" Juice vawt raih chu lain ka pe a.

"Michelle pawh Dehradun-ah a zin daih, khawnge Josh chu?"

"Oh.. Ani maw.. Dehradunah tho chuan a zin a..." a bula thutthlengah chuan thuin ka ke vung deuh chu ka hmet nauh nauh a..

"An pahnihin hun leh hmun in angah.. Ka hrethiam e..Josh hian a thlah dawnlo tih ka hrilh lawk che kha" a aw-rikdan ah chuan hnehtu ah a inngai tih a lang reng.

"Josh chu hna vanga kal ani alawm Kelly" henu bula damthlapa ka tawng reng thei hi kei pawh ka in hrethiamlo hial zawk ani.

"Ka va haw ange, Josh chu i biak tlang theih ka ringlo, Michelle buaipuiin a buai lutuk tlat" a phone a Josh leh Michelle thu dun, nuisang lai thlalak chu min entir thuak a. An inpawh hmelin an inhmeh em em bawk.

Ka awmdan chu ka sawithiamlo. Ka na a ni. "E.. Lawkin.. Remkim, Josh hian a kaltir loh chhan che chu Michelle nau pai theih loh vang ani. I fa hi i hrinchhuah chuan mamawh i ni tawhlo ang"

Nghenchhan chu nghengin ka thaw ham ham a. "Kelly khan thudik a sawilo" tih ka inhrilh mawlh mawlh bawk. Thlalak kha khawia mi nge ni ta ang? Ka ngaihtuahna a tibuai viau tho.

Ka phone ka check chhen a, Josh lah a reh hmak, an buai dawn thu min hrilh lawk a, ka be ngam bawk silo. Ka muhil theilo chu ka tal sek a. Zinglamah ka lo muhil ve hram ani mahna...

Ka harh chuan ka bula min kuah chunga Josh muhil chu hmuin ka nui hak a, ka beiseiloh deuha alo haw chu ka lawm kher mai. Ka rilru buai zawng zawngte pawh a hmeltha tak, chauh hmel bawk si ka hmuh chuan ka theihnghilh zo vek...

Tho mai lo in a bulah chuan ka mu reng a. A rawn harh chuan ka lo enreng "Bawihi, kan hna zawh veleh kan lo let nghal. Neetu la awm duh pawh a mood a off khawp mai" ka chalah a fawp zeuh va.

"Oh..Neetu a kal ve tih ka lo hrelo va.."

"Kal dawn tepah a rawn tel veleh a, vawin chu Harish va hmu ang aw..."

"Josh, a ngailo ka tih kha..." hnial a sawt dawnlo tih hre mah ila, ka hnial lo theilo...

"Josh, Ka Ac-a pawisa kha a tam lutuk a, ka mamawhlo, hmanna tur engmah ka neilo"

"Bawihi, a tam loh kha.. Engahmah ngai suh" ka ngawi vang vang mai, kan khawsak inthlauhzia ka hrechiang leh zual bawk.

Kan tho va. Bathtubah ka inchiah vang vang lai chuan ka hnungah sahbon hnawihin Josh alo lut ve a, ka dul leh ka hnute kawh lah mai a khawih lai chuan ka lo danglam leh der tawh.

A mipatna min dotu chuan min mamawh zia min hrilh bawk. Ka hmuiah duhthawh zetin a fawp a. Ka taksa chu chulkualin kei pawh ka lo insiam rem ve zel a.

"A tawk e, Babe.. A him tih kan hriatchian phawt hnuah aw..." a aw chu a khur ve dar darin ka hria.

"Josh" ka mamawh in a pawina tur ka hre hauhlo.

"Bawihi, min thlem suh... Nang leh naute tan a him leh him loh kan hriat hmasak phawt angai" min kaichhuak a, showerah in tleuhin bathrobe min hak tir a, min fawh leh vang vang hnuah ka chhuak a.

Darthlalangah ka inen a, ka hmai chu sen tanin ka mitmeng pawh ala dik theilo. Josh khan min mamawh zia ka hria, chutichunga naute nena kan him leh him loh hriat phawt duha min hnar thei kha, a insumtheihna kha mak ka ti hial zawk...

H&M tshirt leh maternity skinny jeans ka ha a, a khup a thler ve ve bawk (rips in da knees) TOMS canvas sen bunin ka sam chu hnunglamah ka tawn khawm tawp, Josh chuan baggi jeans leh Tshirt var a ha a, sneakers var bunin cap a khum thung. A khabe kual a hmul to siar siar nen a inhmeh lehpek hle.

"Bawihi, ke in kal ang aw, exer lak fo a that kha.."

"Awle.. A hla hleinem" ka lo ti vat a.

"Kha le... Ka lo hawn che anih hi" Gucci shades nalhzet chu min pe a, lawmthu sawinan ka fawp zeuh va, a duhthawh hle.. Ka bun nghal va a..

Kalkawngah Josh chuan ka kutah min kai a "Lawk aw.. Josh" ka hidesign bag chu ka hai rak rak a. Iced beverage chu la chhuakin a straw in ka hip a. Josh chuan min lo nuih hak thung.

Min kai lehin Max lam kan panlo chu ka hrethiam lo. "Josh, Max ah anilo mi?"

"Nilo ve, Bawihi.. Vawin chu Inah a awm ang" muangchangin min kalpui a, min ngaihsak zia a tilang deuh reng bawk.

Harish chenna In chu kan lo hlat lemlo. A kawtah a lo thu duai a. Nihliap lianpui inzar chuan a tinuam hle.

Min hmuh chuan alo nui leh sang tawh. A bulah thuin ka thil ken chu a hmu a, a lo nui var var mai. Josh nen an zinna chanchin vel sawiin Ambiance Mall, Gurgaon a kal a ngaihthu a sawi a. A sawi pawimawh hmelin kal pui turin Josh nen chuan min sawm a. Harish hi kan tihbuai zin em vangin Josh hnenah chuan kalpui mai ka duh thu ka hrilh a. Min hniallo hlauh.

Inchhungah lutin roomah min hruai a. Ka dul vel chu uluk takin a check leh a. Pawna Josh lo awm tura a hrilh chu a ngaihdan alo ni lo nasa, a hrilhtupa lah a nui vur vur reng bawk. A hmuh phak loha ka taksa hrim hrim khawih a phalloh thu Josh-an a sawi chuan ka lo zak ru hle..

"Engkim a tha e" a tih chuan ka thaw huai. Josh nen hindi in thil chi hrang hrang an sawi leh a. Josh chhuah hnu chuan ka in siamtha mawlh mawlh a, Harish chuan "Kim, insum harsa a ti hle anih kha.. Insum a ngai reng renglo ania, mahse fimkhur deuh erawh a tha" a tih chuan ka zak chu ka lo sen ap ap a, Harish lah chuan engahvak a ngaih hmel loh..

Harish carin Gurgaon kan pan a. Harish chuan 'Sanam-Teri Aankhon se' acoustic Jonita nen an sak dun kha playin ka hindi hla duh em em ani bawk a, ka ngaithla tui veng veng hle .

"Harish, engmaw kan tih dawn?" ka tih chuan a nui vur vur a, a bialnu kan hmu dawn tih a sawi chuan Josh chuan a banah alo hnek pawp a, Harish lah chuan engahmah ngailoin alo nui vur vur ringawt.

Josh chuan ka kutah min kaiin Harish chuan thla min laksak sek a. Harish bialnu chu Designer niin Ambiance Mall-ah a awm a. Ritu a ni, a hmeltha in a nalh kher mai. Hmun hrang hrangah Dawr neiin a zinkual nasa a, Paris ah pawh a kal deuh reng bawk tih a sawi. Harish nen chuan an inhmangaih hmelin an awhawm takzet....

Josh nen pawh anlo innel tawh hle. Kan pali-in kan lengchhuak a, a hlimawmin a zawngchhang tlak. Kan let leh meuh chuan alo hma tawhlo viau. Mahse kan ineipuar tawh bawk a, a hrehawm lemlo.

Haw lamah Harish car chu Josh-an khalhin Josh dar nghengin ka lo muhil daih a. In kan thlen chuan ka harh ve chiah bawk. Harish chu a haw tlang a. Ka intleuh zawh chuan mu nghalin, Josh lo mut chuan ka lo kuah chial a...

Ka harh chuan Josh-an uluk zeta min lo en chu ka hmu nghal. Ka hnarah fawpin a nui var var a. "Morning, Babe" ka hmuiah fawp leh in, a kutin ka hnute hmur a khawih chuan ka lo thaw hak a, insum a tum miahlo, mahse min dim em em tho.

Lungawithlak tak ani. Josh ka hmangaih hi engtikahmah a reh dawnlo tih ka hria. Ka thawh hmain a tho va, a inbual zawh chuan ka tho ve chauh, ka tho tur chu min lo pui in, ka intleuh ve nghal a. Ka chhuah chuan a laptop a lo bih leh ngar ngar tawh...

"Ka chhuk dawn aw..." ka banah vuanin alam ah min kai phei a, a malchungah min thuttirin "Reilote, ka hman tep" a ti sup a.

A thil khawih lai mek chu pakhatmah ka hrethiam velo. Mihring taksa ruh chi hrang hrang ni berin ka hria. Nghah rei a ngailo, inhnuaia kan chhuk chuan Reenu chuan breakfast kan ei duh leh duhloh min lo zawt a, ei mai kan duhthu hrilhin a rawn chhawp a, juice ka inhnem bawk nen, ka ei tam lo hle.

"Bawihi, hna kal ka ngai a, zanah lo insiam la, kan chhuak dawn nia" ka hmuiah a fawp zeuh va. Dawhkan thawhsan in insiam turin min chhohsan a, a lo chhuk leh chuan ka lo thlir leh veng veng, a inhmehin a lang zahawm takzet bawk.

Ka lo nuih var var a, ka hmuiah fawpin a chhuak chu ka thlir reng a. Ka ngai leh nghal veng veng ringawt.

Pangpar an sawisakna ah nilengin ka awm ve a, nuam ka ti phian. Ka phun belh nasain ka in hai bal ve hle. Hnathawktu te erawh chu an awm anuam zanlo tih ka hria. Mahse, nuam ka ti miau si a...

Tlaiah ka inbual a, muangchangin ka insiam zui, Josh khan kan kalna tur a sawilo a, zawhna chang ka hre heklo.

Kawrfual hak nuam zet ka khup thlenga fual ka ha a, pheikhawk sanglo te bunin ka sam chu hnunglamah ka vial vek a, ka insiam lai chuan Josh lo lutin ka pheikhawk a en hmasa ber ...

"Bawihi, i pheikhawk kha.. "

"Hei chu a san loh hi Josh, a hrehawm lo" ka lo ti sawk sawk a, min thlaktir ka hlau hle..

A rawn inbual sa leh vek a, a thawmhnaw a thlak hnu chuan kan chhuak nghal a, a blazer hak chu a inhmehin hmuh a nuam hle.

Kan kalna hmuna kan dawhkan hauhah chuan mi pahnih anlo thu a, Nina leh Benji anlo ni, ka hmuh chuan ka lawm kher mai. Josh hnenah hmui phunin lawmthu ka hrilh sap a, Nina chuan "I hmeltha lutuk" min lo ti sa sa a...

Kan hlim kher mai, Nina chuan sawitur angahin Dave an min ngaihthu a chahte a sawi barh barh a. A chang chuan a thusawi chauh kan lo ngaithla leh thap thin.

Kan haw mek a "Bawihi, Tunge Dave?" Josh an a tih chuan ahmel chu en zauhin ka fiam chak tlat...

"Ka bialpa..." ka sawi zo hmanlo, kan speed a hniam lemlo sa nen, a break a rap thut chu a ri tuarh maiin ka hria.. Kan ding thut a, ka chal ka sawh bawk.

"Han sawi leh teh" Josh aw chu a hniamin a hlauhawm, ka dawtsawi chu ka inchhir kher mai. Ka chal chu ka khawih a, engtinmah a awmlo. Street light eng chuan a hmel chu a chhun chiangin a rum em em bawk

"Josh, ka ti ve mai mai anih kha.. Benji unaupa, kan thian ani.. kan inkarah engmah a awmlo" car kawngka chu hawngin pawnah a chhuak a, motor a tam tawhlo in kawng a zau tha bawk nen, car hma chu nghengin a ding vung vung a.

Abulah kalin ka va ding a "Bawihi, kan inhmuh zana i chhuahpui kha ani em?"

"Aw... Ka thianpa ringawt, a lerhlo lutuk" ka lo ti nghal zung zung a...

"Khatah khan rawn umzui cheu a, khawihlo tur khan rapthlak khawpin ka insum a ni" a thaw hawk a.

"Ka bulah mipa dang vawikhatmah sawi tawh suh ang che" min kuah in, ka hmuiah a rawn fawp vang vang a. Kei pawn ka lo fawp let chiang hle.

Carah chuangin In lam kan pan leh nghal a, naktuk chu chawhnu ah chauh Josh chhuah a ngai bawk a, men rei pawh a zia phian...

Josh an "Bawihi...." a tih chuan peihlo zetin ka meng a, mut tawh vek vek hi chuan ka kham hleithei lo. A nui hak a.

"Bawihi... Kapa a thalo thut a, Aizawlah kan chhoh angai" ka tho zawt a.

Ka mit ka nuai nghal nawk nawk.

"Ka kal ve dawn tihna emni?"

"Aw... Kan pahnihin"

"Josh, a chi dawn emni?" ka hlauthawng, apa that loh laia kei, raipuar chunga han telve kha ka tibuai vek ang tih ka hlau...

"Lo insiam rawh le, flight ka tifel tawh a, kolkatta atangin Aizawl kan tlang ang"
A chetdanah chuan hnialna hun a awm tawhlo tih ka hrethiam, rangzetin ka insiam ve nghal mawlh mawlh a. Ka hmachhawn tur Anu chu huphurh namen lo tak kani....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)