The cruellest lie

Episode kal lai dah luhna

Moderator: writers

Nui leo Khawlhring
Posts: 24
Joined: May 15th, 2018, 7:22 am

The cruellest lie

Unread post by Nui leo Khawlhring » May 22nd, 2018, 7:25 am

The cruellest lie
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODES 6:
"He thil hi engvanga ti nge i nih chu le? 'Claudia - i chuan thinur tih hriat tak hian a ti a. Chhuat hnum hlurh aan lam lai chuan midangin a thinurna an hriat loh nan a insum hram hram a. Hawihawm tak hian a nuih sang a.

' Ka lampui che mawle. Lam nuam i tih thu kha i sawi a' Morgan Stone - a chuan awlsam zet hian a ti a. A hnung ruak kang maiah chuan a chul thla deuh kher lehnghal a.. Eng rilru pu in nge akawrfual ahnung lam in hawng zau tak kher kher alo hak chu le? tih chu a ngaihtuah ta hial a.

'He thil dinner ei ho..... tih lam ania ka sawi zawk ni!' Claudia - i chuan ati a.

'Chu zawng i thiam loh tur chu nagmah chiah a sin, Claudia. Hetiang ang kher lova inhmuh kha ka rawt in duh i thlang thei ani.... mahse, a dawizep zawngin i che a, i dawt sawi chuan a tibuai ta che a ni ang, kei ni lovin....?

Dawihzep..... dawt sawi... Chu thu chuan a inchhuan na chu a tichhe lo chauh a ni. He thu pahnih hian Morgan Stone-a nen an inkungkaihna chu a sawi chhuak a. A hmaa adinner ei chungchang a sawi khan lo chiai buai mai lo sela tha tur hi ani a. Mahse, chutiang a a tih chuan eng thu nge Morgan - a chuan arawn sawi leh ang tih kha hriat a hlau tlat a ni. Morgan Stone - a te ang hnial ngam lova a awm chuan buaina dang a chawk chhuak thei tih lo ngaihtuah awm tak hi a ni a. Hnial ngam lovin an dinner party neih chu eng ang chiahin nge akal a, an mikhual te an lungawi tawk em tih hriat a duh chhuanlamin kalsan mai atum a.

'A tha.... He hotelah hian dinner chu kan ei mai ang chu' tiin Claudia - i kawlsawn mai tum insawifiah lai chu alo pawt chat a. 'Thil awmdan eng nge a nih tih va en ngawt ai chuan nagmah ngeiin i chhim kha a tha zawk fu lawng maw? I ai awh thei tur an awm bawk ang a....'

'Oh! Chutiang a theih....'

'I duh phawt chuan Simon - a bulah ka lo sawi mai ang' atih san mai a.

'Simon - a a??? `Hrethiam lo fe hian a lo ti nawn ve ngawt a.

' Moore-a, i boss hi. Sumdawnna lamah hian kan indawr tawn thin a. A hma pawhin private school khatah kan lut ho tawh thin a ni.... 'a ti a.

' Oh!!!! Ni lo'a ti a, chutia rapthlak tih hmel taka a awm chu mitmeng pawl raih chuan a rawn en reng a.

'Thianpa hian hna hi aduh hraih hraih viau a ni, i ti ve ngei ang maw?' a lo ti a.

Maimawm ril a tho tang nghet tlat ang maiin a awk hneh ta ni hian a inhria a.

'Ni lo, ka sawi awmzia chu, Simon-a chu ngaihtuah a ngai lo....' a ti vat a. Dik tak chuan chutianga a chhuah bo daih chu thil tih chi ani lo. A chhan chu zanin a an thiltihpuiah hian Claudia - i chu mawhphurtu a ni a, publishing lam te chu akhawih tel vek a, an hun hman dan turte pawh a ruahman a ni a. Mahse, ei leh in lamah siam tur thil ahrilh chuan a lungawi dawn lo tih hria in akutah a dah thung ani.

' I ti tak tak maw? Buaina thlentu che nih hi ka duh miahlo ania aw' a lo ti a.

Pathian leh! Chupa tenawm dan chuh!! Alak atanga tal chhuah theihna tur kawng a zawng a ni tih a hai lo. Claudia - i chu an nui lui hram hram a.

'Ka ti tak tak alawm. Mahse, tun ang hun tlai tawhah chuan dawhkan ruak luah mai tur kan chan tawh pawh ka ring lo a ni' tiin Mark-a lam chu an en a. Chhun lam hian a rawn kal tur chuan dawhkan an hauh lawk vek tawh thin a ni, zirtawp zan angah phei chuan a ni zual'a ti a.

Morgan Stone - a lakah chuan thudik ani emaw dawt ani emaw engmah danglamna a awm chuang dawn lo tih ngaihtuah thiam awm tak hi a ni a. A duh ang a nih chuan engpawh ni sela a nei tawp a ni ber mai. Eng ang kawngin nge a thil duh chu aneih tih erawh a hre lo. Thamna nge mi ahneh theihna chu a hmang tangkai zawk, restaurant chhungah chuan dawh kan achang satliah mai pawh ni lovin a nuam lai ber mai a chang ta a. Vaukam lam thlir theihna dawhkan, darthlalang bula inhunnaah chuan a ni a. Chu hmuna thu tan chuan an hnuai mai tuifinriat ni nghal bawk nen, khawmual a awm lovin lawngah an chuang ni hian alang a. Claudia - i chuan a eitur a hmaa inchhawp chu a ei pawh aei mang lo tih theih hial ani. Mark - a nen ati ti dun chu a ngaihtuah na zawng zawng sawmkhawm a rilru fim tak pu chunga angaihtuah angai hial a, a chhan chu mupui ang maia mitmeng fing, dumpawl ram mai chuan a chezia leh tawngkam zawng zawng chu hmaih nei lo hian a lo thlek reng tlat ani. A zam rilru hle reng a, a him chin nia ngaiin a hna lam pang hlir chu asawi lang a, thil dang zawng zawng aiin a hna ngawt ngaihtuah anga lan chu a pawiti zo tawh lo.

'Mahse, ka duhthlanna chiah chu' a ni lo ani lawm mi? 'Claudia-i chuan lungawi chiah lo hian lam tual a Morgan-a nen an lam dun pah chuan ati a. Thil thleng a ngaihtuah let leh chuan duhthlang theiin a siamah angai ve lo. Chutih rualin nula hmeltha tak tak hian a lampui mipa hmeltha tak mai avang chuan awh hmel tak hian an rawn en reng hlawm a, haider a tum ngar ngar thung. An bul lawk a mipa pakhat tawi thau lam deuh hlim hmel pu taka nula pakhat nen an lam chu awh hmel tak hian aen ve thung a. A dinhmun hnawk nuaih mai nena tehkhin chuan midang te nun chu anuamin a hahdam hmel hle hian ahria a. 'Khawi hmunah mah dinner eipui che hi ka duhlo ani... lam te chu sawi loh' an ti salh a.

'Mark - a lampui i duh zawk amaw?'

'Min sawm ve hleinem'

'Sawm che chu atum kha'

An hawi chhuah chuan Morgan - a mitmeng pawl raih chuan cho hmel zeta a lo en reng chu ahmu ta a. Chuvang chu em mi mipui zinga a kala a lampui tak daih nachhan chu. Chu chuan a thin a ti ur deuh thut a.

'Chu pawh chu nisela eng nge pawi a? Mipui karah lamna hmun lehnghal eng thil nge kan tih i rin chu le?'

'Min zawh kher angai em mi? Tih pah chuan a hnung zang ruak maiah chuan achul a, alamah chuan an pawt hnaih salh bawk a. A taksa khauh tang mai chu an nghen hnaih tir a. An lam paha an kut invawn sak chu an inkarah la pheiin an awm zawnah chuan adah a.

'Eng thil nge tia i inhriat chu le?' thinur deuh tak hian an ti a. A taksa lum chhuak pap pap chu ahre thei a.

'Kan lam mawle' a beng bulah chuan arawn ti sur sur a. A chhipah chuan a khabe a rawn nghat a. 'Engvanga thinur viau nge i nih chu le, Claudia? Lamna hmunah miawm lai pawhin eng thil nge thleng thei i hre duh a ni lawm mi?' Tiin an kuai her a, an mal chu a insi zauh a, chu chuan Claudia-i chu ati pai deuh dat a. Morgan - a chuan remchang a lain an kuah nghet zual sauh a. Mipa anihna lam lo ngaihtuah pawh nisela tunah chuan ahre ta riau mai thung a. Thima leh zei taka lampui chung hian ataksa thahrui ngah tak mai ngheng chunh chuan awlsam takin a lampui a....

VA nuihzatthlak hle mai, Claudia-i chuan ati a. Chutia atih pah chuan ake chheh leh tur chiahah chuan Morgan - a pheikhawk bu hmalamah chuan apheikhawk sang tak mai chuan an rap lui ta kher a. Tun tum ve thung chu Morgan - zawk a che chhe ta a, phun sup chung hian ading a, a thaw deuh hrawih a.

Claudia-i chu Morgan - a kuah reng chung hian ading at a. A mipatna in ahneh zia leh a tih zamna chu lan chhuahtir loh tum hian ainpet ruh teuh reng a. ' i duh tawk i hmu tawh em mi, Mr Stone. Tun aia chakna nei zawk tur hian ka lo ngai che a' an ti deuh kher a.

Morgan - a chuan chiang fe mai hian a rawn melh chhuk run a. 'Chu chu chona emmi, Claudia?'

A aw-a tihtakna leh chona lo lang chu ahai lova, rang hian, 'Ni hauh lo mai... hetianga.. hetiang....' tiin atawng bah nawk a, a chunga a thiltih chu han sawi chhuah mai dan tur a ngaihtuah a.

'Hetianga lam pui che hi maw?' a lo ti a.

'Oh!!' thinur zeta melh rawm rawm chung hian a ti a

'Kan lamdun a ni mai lawm mi? Thil awmdan sawiin kan ti ti pah bawk a?' a rawn ti leh a. A hmel landan ngeiawm tak chuan Claudia-I chu ati hawi hai lek lek zawk a. 'Hun kal tawh akan thil sawi bak, kan chinfel loh kan sawi dun mawle. Mark - a nen hian eng rilru emaw chinfel hmaih lo nei ru ta reng sela....?'

'A nupui hual arawn kal ve thei lo chu kei a thiam lohna awm lo.' Claudia-i chuan ati a.

'A sawm pawh asawm emaw ni.......?
'
Claudia-i chu ameng zau kawk a, 'Chu zawng ngaihdan atthlak tak a nih chu' a ti a.

'A ni maw? Dinner ei ho kha chu rang takin apawm thei nghal mai a, mahse, tu mipa pangngai in nge a hmei leh tuna a bialnu ni mek te chu dawhkan pakhat ah chaw kilpui duh teh reng ang ni? A ti a. An lam dun leh tawh tih pawh Claudia-i chuan hrelo hial a. Ala vuan nghet in an ke chheh pawh rual lo thei lo tur khawpa inhnaih hian akuah zui!

'Bialnu a? An inhual tawh i ti emaw ka lo ti a....?'

'Serita-i nen hian kumkhat chhung chu an inhre tawh ang a, tunah thlaruk vel chu inthlah hauh lovin an leng chhuak tawh ani. Nula duhawm tak, fing fel tak, hmeltha tak Mark-a kawp tur chi tak ani.....'

Claudia-i chu Mark-a tan chuan atha tawk lo tih chu asawi tum ber ani tih a lang thei maia.

' Anih Mark-a chuan chu nula duhawm duhthusamna tha chu a tawng a? 'ngeiawm fe hian an ti a.' I inhmelhriat tir anih ngei ka ring e.... '

' Dik tak chuan a nula pa zawkin ahmelhriat tir mah mah a ni. Michael Glen - a, M. P kha.... '

' A pa nen chuan school in kal ho ngei ang tih arinawm e, 'a ti a. Claudia - i chuan a tawngkam chu a ngeiawm tak zet tih a hria a, mahse, a insum thei tlat lo a ni. Chupa in afapa tana tha tawk lo a tih thu chiang fahrana ahrilh chu alung ala awi thei lo ani.

' Kan boarding school kalna chu ain ang a lawm, mahse, kan kal hun chhung erawh a danglam a. Michael - a hi kum eng emaw zahin a upa a ni, ka u rual vel tur ani ang' a lo ti a.

'Chutiang a nih chuan Parliament member atang chuan achawlh tep tawh dawn chu' Claudia - i hian alo ti hmak a. VA thil tih theih na pawh i chhawr hman vak dawn lo anih chu'an ti leh nghat a.

Morgan - a chu thinur duh lo hian anui chhuak hawk a, a nui ri chu Claudia - in a vawikhat hriatna a ni hial a. A nui ri thawp sat mai chu mawi ati kher mai, chu zawng a lantir ngai lovang.

'Thla leh hian kum sawmli ka tling dawn tih sawi ta ila, i mi huatna thinlung kha lawm deuh angem? tiin anui suk a. A thusawi chu engahmah angai lo ni hian alang a.

' Mark-a pian hian kum sawm pariat chuah i ni a maw? 'Claudia-i chuan makti deuh tak hian ati ta hau mai a.

' Aw, a nia lawm, 'a ti a, a nui hmel chu areh deuh nghal a.' I naute kha damchhuak ta sela chuan Mark-a pawhin ka kum ang zah chiah ah fa a nei dawn tihna anih chu. Amah ang tho khan pa nihna dinhmun chuan min ti hlauthawng ve tho bawk' a ti a.

'Eng... engtin ng ei tih tak?' a ti a. Claudia-i chuan Morgan Stone - an hlauhthawn thil anei chu mak a ti viau a.

'Ka nei ta mawle' tiin Claudia-i hmel shock tak mai chu vawt raih hian aen a. A mak ti hmel en run chung hian, Ni e, school ka kal lai hian ka bialnu chu ka rai a. Ka hun kal tawha ka thil tihsual ang tho chu Marka hian rawn ti ve lo sela ka duh em em nachhan tur awm ang chu i hrethiam mai em? Kum sawmhnih hmalam te kha chuan inneihna chiah chu kan buaina chinfel theihna awmchhun ani miau a. High school atangin kan chhuak ve chauh a. Marina-i chuan chhungkaw han belh tur mumal a nei lova, kei lah ka chhungten ka nei anih loh chuan kawng engkim ah min pui duh dawn hek lo.... Ei leh barah te, sum leh pai leh chhungkaw khawsakna hrim hrimah min ensan an tum a. Chuan ka innei ta tawp a ni.... Mahse, ka nu leh pate min puitumna chu ka hnar ta tlat a. University a lut lovin kan ei leh in tur thawkin ka inhlawh ta a. Kan inneihna chu ahlawhtling lo hle a. Kan nun hman duh dan chu aletling tawp ani mai. Marina-i kha thi lo pawh nisela ka inthen na chu arei tawh hle tho ang'a ti a.

Claudia-i chu ahawisan ta daih a. Tunah chuan mi nunrawng leh huathlala taka nun ching nia alo hriat mipa chu a ngaih ang em em a, rilru chhia leh nunrawng a lo ni lova, mipa pangngai hringnun awmzia hre chiang a, hun harsa tak lo paltlang ve tawh tho ani tih ahre ve ta a. A ngaihsan awm hliah hliah zawk alo ni reng mai.


A chil an lem khawlh a, 'Morgan, ka...'
'Ka rawn tibuai lawk ang che u chu?' Mark-a hian arawn ti a.

Lamna tual zawlah chuan thudik chu hrilh a tum ta tak em mi le? Mark-a nen an lam dun takah chuan chu thil chu ati ngam angem tih
A ngaihtuah thiam lo. A thu hrilh khan a rilru ahneh riau tlat.


' Engthil nge inlo sawi vak chu le? A hma kha chuan eng thu mah sawi dun turin hre lo ni khan alang si a... Marka chuan hriat chak hmel tak hian arawn ti a. A pa nena an thusawi a hriat chak vanga rawn lam pui ta hi a ang mah mah lehnghal a. Mark-a chauh chu a be deuh char char reng a, buaina eng emaw chhuah mai hlauh vangin thil pawi thei sawi chhuak lo tur zawngin atawng a, mahse, chutianga a awm chhan chu ahlauhawm vang liau liau ani thung. Morgan Stone - a a bulah chuan a awm ve reng tih hriatna chuan amah a in rintawk na te atibo thei tlat ani.

'Kan inthianthat tbeih i beiaei khan ka lo hria a' Claudia - i chuan zang vah hian alo ti a. An sir maia mipa ding reng, an lam lai lo thlir tu chu hmu lo thei tur hian a hawisawn nghal daih a.

'Inthian thatna chu duhpui e, a bak dang ni lovin tiin Marka chu anui deuh suk a, a nui hmel chuan a pa a chhun fuh kher mai lehnghal.' Hei hi ka hrilh lawk ang che, Claudia. Hmeichhia chungchnagah hian ka pa hian chnachin tha tak anei lem lo ania. A chak lohna lai a ni ve mahna. Chona hi ahaider mai thei lova, mahse, a duh ang aneih tawh hi chuan aning zung zung ani ber mai...

'Chonaah min ngaih chu i lo ring deuh tihna em mi?' Claudia - i chuan khur ru der der chung hian ati a.


'Awle, mipa tana chona tawk tur hmel leh zia chu i nei alawm. I thawmhnaw hak inhmeh tak chung phei chuan ani zual ang' tiin an fiam zauh a, a kawngah chuan a rawn chul thla a. 'Ka pa hian tih loh tur thil han hrilh hi aduh loh ber a ni thin a....'

'Mak tain i pa hi hmeichhe kawp lawr dun dun ang tur chuan ka suangtuah thei tlat lo ani..' nuam ti lo deuh tak hian Claudia-i chuan ati sap a. Morgan-a chuan a lo en reng a nih vaih chuan Mark - an arawn tawh dan te chu a lo hmu ve vek dawn tih chu ahre mai a.' Chutiang ang hmel chu apu lo ani ber mai...... '

Mark-a chu alo nui hawk hawk a. 'Mi te hi an pawn lam lan dan ang ngawt hian engang mizia pu nge an nih kan sawi thei nang. Mahse, i sawi dikna lai chu a awm tho mai, hetiang hian a awm ngailo. Ka pa hi chu mi tum ruh tak ani reng reng a. A duh tawh hi chu eng ang hmanraw hmang pawhin neih atum ngei ngei thin ani. Chu tak chu hmeichhe tam tak hian an lo ngaihsanna chhan alo tling ve leh bawk nen. Hmeichhe thenkhat hi inah ka hruai haw a, ka pa hmel an hmuh phat chuan keimah min theihnghilhin amit lak an tum ta thin ani' an ti a.

' Chuan a lo ti ve zel tihna em mi? Chuvang chu ani em in pahnih buaina thlentu pakhat chu?' tiin Claudia-i chuan a zawt ta chawt a.
The cruellest lie
End of episode 6
RE TYPE :NUI LEO KHAWLHRING



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)