The Flyboys' Temptation 6

Episode kal lai dah luhna

Moderator: writers

Lin kholhring88
Posts: 402
Joined: March 31st, 2017, 9:18 pm

The Flyboys' Temptation 6

Unread post by Lin kholhring88 » May 22nd, 2018, 8:10 pm

Hope i chuan thildang a ngaihtuah thei tawh lo. Vawikhat nawmna vawrtawp avanga a thluak buai zo ta mek chu mak ati ani. Hmeichhe then khatin a vawrtawp thlen nawm zia leh a ropui an tihzia an sawi alo hre fo tawh thin nain, mahse chung ho chuan an uar kual vel mai2 ah alo ngaihsak thin anih kha. Tunah erawh an tem ve takah chuan an lo sawi dik hle in a hre tawh ani.

J.T a chuan zawi muangin a kekawr zipper chu a pawtthla tan ta a, a mipatna khawng tha tawh tak chu a boxer chhanah chuan alang chiang hle a, Hope in a hmuh chuan a chil alo put thei hial ani. Nawmna nasa a pek ang kha pek ve ngei pawh a chak a. J.T a mitmeng thim raih mai,tisa chakna a khat a hmu chiah phei chu a ruh chuktuah thleng hian a tuiral dawn hian a inhria a. A dam chhungin chutiang reng2 a it hmel chuan tuman anla en ngai lova- hmeichhe duhawm ber, hmeltha ber leh ruih theih ang hiala melh ala hlawh ngai lo ani.

Chumi hunlai kher chuan engpawh dil se a pek ngei pawh a inring chiang a. Zawi muanga tho kangin, a dar ruak kang chu alo en ve reng a, a mawngbawr chu it hmel tak hian J.T a chuan a en vang2 a, na deuh takin arawn tham sakta hrawk2 a.

"I thil hmuh chu i duhzawng ani em?" an inkara boruak vuak hawt tum tak chuan Hope i chuan alo ti zauhva.

"I ngaihtuah phalo hial ang," aw thum deuh chhak sexy bawk si hian alo ti thuai a,mipa in eng thildang tehlul nge an duh leh tawh chuan ang. A mawng tam bawr chu nghet taka chelhin vawi leh khatah a lamah chuan a pawt hnai nghal ta pawp a, Hope i alo thawk hlawp2 lai chuan hun khawhral tawh hauh lovin a taksa nem laia lut tur chuan alo in ring nghal at a. Dimna tel vak lo chuan a mitpatna lian tha tak, hrawl hre hru,khawng tha tawh tak chu Hope i taksa nem nal deuh par tawh ah chuan a thun nghal ta pawp a, a neih len that em avang chuan a kaw lai chu a hnawh ping chiang hle ani.

J.T a mipatna hrawl tha tak khawng bawk si an chet tan takah chuan nawmna a pek nasat em avang chuan Hope i chu alo si deuh hlarh2 a. J.T an dimna tel hauh lova a mipatna duh tawka Hope i hmeichhiatna nal tha tawh taka an thun luh tak zawt2 ah chuan a thluak te chuan hna an thawk tawh lo hial hian alo hria ani. Chutiang em2 a nawmna nasa chu Hope i chuan ala tawng ngai hauh lova, nuam bawk si hreawm bawk si dik tak chu! An pahnih karah chuan,tisa chakna, zauthauna leh in mamawh tawnna nasa tak bak chu eng thildang mah a leng rih lo ani.

J.T an a duh dan anga a awmtir ang zel chuan alo inher rem ve nghal zung2 zel a, a nuam tawrh mek chuan arsi thlawk te a hmuhtir hial hian Hope i chuan a hria ani. Hetiang nawmna nasa tak hi chu thil zawngchhang theih tak ani ngei dawn ten a hre hial a.

Mipat hmeichhiatna lamah chuan a theihna hmanga hmeichhia te buai nak khawp nawmna vawrtawp siam sak dan thiam khawpa zei ani ngei ang chu, an nawmna tawrh vanga tap chhuak hial khawp pawn a siam thin reng fo ani. Mahse a hun hman mek chu a nawm em avangin Hope i chuan engmah J.T a that lohna lam chu a pawisa zo thei tawh lo ani.

J.T a a duh tawka an che tak2 chu Hope i chuan awm ngaihna reng a hre lova, a lu te chu thle tawn chhenin, J.T a mipatna hrawl tha takin an dep tlir leh tak zawt2 ah phei chuan nuam tih avangin alo rak that2 ringawt mai ani. A rem lai2 ah chuan a kut chuan alo chul kual ve ang tak tawk2 a mahse chumi ti tur pawh chuan a nuam tawrh mek chuan tha a neih zawng2 chu a hip kang sak tawh hial hian a hria a.

J.T an a zawh dawn hnaih takah chuan rum chhuak hawk2 pah hian a hma aia rang lehzual chuan arawn dep ri ta zawt2 a, a zo chiah chu chau tak hian Hope i chungah chuan a bawk thla nghal thlawp a. Minute rei fe chhung chu tawng pawh tawng chhuak mai thei lovin an pahnih chuan an thaw dun hawk2 a.

Hope i chuan J.T a hlat tur chuan a tawlhsawn ta deuhva, thosilen inzar lam chu hmu chuang hauh lova melh reng pah hian," Kha thil kha.....a rapthlak hle ani,"

J.T a chuan nui hawk2 pahin a keu va inbang kangin Hope i chu a nuihza mitmeng de sar chung hian a en a," Chu2 min fakna ah ka ngai dawn em?"

"Ka hre bik chiah lo,"

"Thudik tal i sawi alawm,"

A lungphu rang lutuk tih ziaawm tum chuan thawk an la leh te te a. Chuan tunah engtin? Tun lawka an thiltih zawh hnu angah chuan engtin nge a hma ang khan an in dawrna chu Hope i chuan a kalpui zel tak ang tih chu a hrethiam lo ani.

"Thil i ngai serious hma lutuk anih kha," Hope i chal chuar nang zawhna a khat en reng pah chuan," Tisa chakna ringawt anih kha,"

Hope i chu a thu chhuak ta hlawl a, J.T a hlat deuh tur chuan an tawlh hla leh phawt a, in ngaihtuah fim nan hun a mamawh ani. "Ani alawm tisa chakna ringawt chu," ati deuh hliai a. "I sawi ngai hauh lovin ka hria ani. Ka .....engpawhnise mipa chi hrang2 tisa chakna avang ringawta mutpui chu ka chin than ani hran lo ania,"

J.T a nui lai chu a tawp deuh chawt a, ngaihtuah chhuak thut nimai awm hian an mutdun hma a alo ngaihtuah chhuak lo chu mawl te pawh a inti leh hnahnawh hle a," Khawngaih in rai lohna damdawi i ei tih min hrilh rawh....,"

"Chung thil chu engvanga hmeichhia tena kan ngaihtuah tur nge ni bik ziah a?" ati leh deuh nghek a, a zawhna chuan ati thinrim lo zawhna fair tak ania lawm, mahse an inkara in hip tawnna lo piangchhuak a do zo lo tih chu a hre tho nain, eng ang dinhmun ah pawh ding se lo inveng tur ani tih pawh a hria ani. "Aw, ei e, rai lohna damdawi chu ka ei alawm, i hlauh thawnna kha i dahtha thei tawh ang,"

"Lalpa ka lawm e,"

Hope i chuan ava melh zawk a, khum atang chuan a tawhsan nghal ta daih a. Shower hman a mamawh mai bakah a ngaihtuahna chu a fim leh theihnan hun a mamawh ani.

"Khawiah nge i kal dawn?" J.T a chuan alo ti thuai a.

"Kan thil tih zawh chiah kha enge anih ngaihtuah chian nan hun ka mamawh ani,"

"Enge ngaihtuah chian ngai chu? Thil i la thutak lutuk anih kha,"

A hmel chu chiang taka en sak pahin," Chu2 i buaina ani,J.T. Engmah ngaihtuah tak2 i neilo nang hian. Thil tih thut2 i chinga chuan pawisak i neilo bawk,nang ang ka nilo. Thil reng2 hi ka tih hma in uluk takin ka ngaihtuah chiang phawt thin. Ka pen hma in ka kalna turah khuar a awm em tiin ka chian phawt thin. Thil ka tih dawn reng2 in a thatna leh that lohna te ngun takin ka ngaihtuah chiang phawt thin bawk,chuan tun lawka kan inkara thil thleng zo chiah pawh kha khunkhan taka ka ngaihtuah fel thlip thlep te zinga tel ani lo tlat,"

"Enteh, duhlai,a chang chuan kan nunah hian kan duhloh te pawh hi alo thleng ve thin ania," Hope i en reng pah chuan ati a. "A chang phei chuan thil tih thut2 leh pawisak neihloh, i sawi dan takah,te hian kan tan khawvel thar kan la hriat ngai hauh loh, tihluih na avang chauhva kan hriat phah tak ah te pawh hruai thleng ve fo thian ania ,"

Hope i chuan engvanga thinrim ta viau nge anih pawh a inhre bik lova. A bialpa ni kher lo mipa a mutpui vawikhatna pawh ani der si lova. A ka atanga a thu chhak chhuah anglo tak chuan, zankhat lek nawmna vawrtawp tawn zeuh chu alo nei ve tawh alawm, chuan chumi hnuah engmah zahna hranpa pawh nei lem lovin a kalsan leh mai thin.

Mahse, J.T a nena chutia an han mutdun tak avanga thil engemaw riau awm ta tlata hriatna a neih avang chuan a hma ang mai2 a engmah thlenglo anga awm chu a tan a harsa tlat hian a hria a. A nihna takah phei chuan hlauhthawnna a nei ru tlat ani, mahse enge a hlauh erawh a hrelo thung. Tu emaw in rim taka a thawh rah chhuhsak an tum lai mek ai mahin tuna a ngaihtuahna a hlauh thawnna awm chuan ati hlauthawng zawk tlat ani.

Aw, Hope. Engemaw tak chu i rilru ah khan duh i nei chiang alawm tiin a in ngaihtuah a.

Thinrim avanga a ke a per tan2 hnu chuan J.T a chu ava melh leh hram a, a nihna takah chuan enge tihtur ber a hrelo ani, bathroom a aluh hnu chuan kawngka chu na tak hian a khar zui nghal chawrh a.

Puitling teh. Puitling teh tiin a inzilh a.

Bathroom kawngka ngheng chung chuan Hope i chu a ding deuh vang2 a, engtin nge amah leh amah chu a hrilh haina avanga in siamrem dantur a hrelo ani.

Engtin nge zankhua in khum khatah an mutdun theih tak ang? Khatiang zawng2 a thlen hnu ah lek phei chuan.

J.T a chuan bathroom kawngkhar pan tak chhanah chuan Hope i inbual ri sar2 chu a ngaihthla reng a, va luhchilha a duhthusam ti puitling lo tur chuan a insum nasat hle a ngai hial ani. Amah dawrtu muptui chu thil thaber chu ani chiah lo alawm.

"Pathian hmingin,i thil kha i kekawr chhunga awm hle2 tur khan veng rawh!" tia Teagen an rawn zilh tlat hian a inhria a. Nia, a unaupa hi chuan a tana tha tur hlir hi alawm a ngaihtuah thin mahse a thusawi zawm fo erawh a har thin....chutih rual2 chuan Teagen a thusawi erawh a dik tlangpui thin thung. A chhan chu J.T a ang mai2 in thil ngaihtuah chiang hlei lova chet lak ringawt a ching ve tlat lo ani.

Teagen a chu an flight plan sa ang lovin a kal ve ngawt lovang.

Teagen a chuan a inluah mantur holam mai2 in hmeichhia ah a khawhral ve ngailo bawk.

Thih mai theihna angah phei chuan engtik lai mahin Teagen a chuan a nun a thap ve ngai lovang. Amah ang chuan engtik lai mahin thu tlukna diklo siam avangin buaina ah pawh a in hnuk lut ngai hek lo. Chutianga a unaupa chungchang a ngaihtuah chhuah takah chuan biak tlang dantur a ngaihtuah vat angai ani tih a hrechhuak a. A chhan chu alo ngaihtuah leh em2 dawn miau ani!

Tunah chuan an thlawhna a tlak thu pawh a unaupa chuan a hre tawh ngei anga chuan sipai a tan laia a thiante chu a nau zawnpui turin a biak fel tawh ngei pawh a ring ani.

Phone a neih theih dantur chiah a rilrua a awm tawh avangin an thlenna lodge manager chu a zawng nghal ta vat a. Manager in an phone hman alo phalsak hnua a unaupa aw a hriat tak meuh ah chuan hahdam nghal sawng2 hian a inhria a.

"Khawiah teh hrep nge i awm a?" rawn ti vin hle mahse a unaupa aw atang chuan arawn ngaihtuah hle ani tih chu a hre nghal mai a. "Thlawhna dahna a ka rawn let leh khan silai mu in a suasam hrep ani tih ka hmu ani, chuan thlawhna lah alo awm lo bawk nen. Engthil tehlul nge thleng a?"

"Thawnthu sei tak ania, unaupa, States a ka rawn kir leh hunah ka tiam a che engkim ka hrilhfiah vek ang che. Tuna tan chuan ka tha a minlo ngaihtuah angai lo ani tih hrilh che ka duh a,"

"Khawiah nge i awm a?"

"Lancanja, Mexico ah. Ka thlawhna kha ramhnuai ah a tla alawm male. Kan thi lo chauh ani,"

"Thlawhna a tla ah?"

"Aw, a chhe hneh khawp lehnghal,"

Teagen a chu thaw hawk pahin a phun hluk a,mahse J.T a chutianga thi tepa a awm lai2 a hauh hrep chu tha in a hre ta lova, bakah enge a sawtna awm tawh chuang,tiraw?

"Enteh intih buaina alo thlen dan leh min kahna chhan kha ka hre bik miah lo ania, thil kha awlsam viau turah ka lo ngai mai a, a chhan chu hlauhawm chhinchhiahna ka lo hmuhthiam loh vangte pawh ani ang,"

"Eng ang hlauhawm chhinchhiahna nge i sawi chu,"

"Tuten emaw min rawh kah ang kha male,"

"Min a?"

"Aw, kei leh min dawrtu male, hmeichhia ania, a hming chu Dr. Hope Larsen i ania. Scientist chungnung an tih te zing ami anih hmel he nu hi ,chuan pharm corp tih vela thawk ani bawk. South America a ka hruai thlen phawt chuan, thlawhna thar min lei a tiam alawm,"

"Thlawhna thar a?" mak tih hmel tak hian Teagen a chuan a ti a. "Ziakin in dah em anih chuan,"

"A ngaih ka ring lo chu2. I hrelo anih kha, American Express Card dum ang chi ngei hmang pha chin kha ani alawm,"

"Chuti chu ava ropui hmel ve a," Teagen a chuan ati nghet ta charh a. "I tha hrim2 em?"

"Ka tha alawm,tlem a pem leh pilh nin nian tih mai loh chu mahse beer vawt tui takin hetiang te lek2 chu min theihngilh tir vek ang,"

Thil ri karah chuan," Awle, i tha chu a lawmawm e. Thlawhna kha chu theihngilh rawh. Him takin in rawn thleng la a tawk ani mai,"

J.T a chuan a chil a lem khawlh a. Hmanlai chuan a unaupa nen hian Air Force pilots an ni thin a. Boruaka an thlawh chhuah dawn apainga an tihziah thin ani," Him takin ilo thleng dawn nia," chutiang thu a unaupa in a sawiloh na pawh alo rei veleh ta hlemai.

An sumdawnna hmasawn tir zel tuma an beih na kawng hrang2 ah an thu a inhmu ta lo fo mai a, chu2 J.T a huat ber pakhat pawh ani. A chhan chu an in hlat phah tlata hriatna a nei fo thin ani.

An sum dinhmun a that loh em vang pakhat ania Hope i sawmna pawh a hnial theihloh nachhan chu. Blue Yonder tluchhe lo tura a tih ve theih chhun nia a hriat chhun ani miau ani.

"Nia, min hrechiang alawm....tawngtai na nen ka tih turte reng2 ka ti thlap thin ani tih chu," a unaupa leh a thil tawn ina a thinlung a deh deuh zawk avang chuan a aw te chu a lawih dawn takah chuan an thian leh deuh kharh2 rih a,"Enteh thil mim tihsak thei angem. Comitan lam panin kan kal dawn a, chutah chuan thlawhna min hruai tu tur kan mamawh dawn a. Tute emaw chulai velah chuan hmelhriat i nei mial em?"

"Aih.....thiantha tamna lam chu ani lo phawt alawm," Teagen a chuan a ti phawt a. "Engtin nge ka rawn biak pawh theih ang che?"

"Phone neih theih dantur ka lo ngaihtuah anga chuan ka rawn be leh dawn che ania,"

"Thlawhna chu hmuh theih dantur ka lo ngaihtuah dawn nia,"

"Ka lawm e, unaupa. I chungah bat ka ngah hlemai,"

"Inthah tir lo tur khan fimkhur hle la ani mai,"

Nui then tha pah hian phone chu a dah ta a. A unaupa chuan a theih ang tawkin engkim alo ngaihtuah pui leh ngei ang tih a hriatna chuan ati thlamuang hle ani.

He ramah hian thil pakhat pawimawh deuh chu sum ani.....sum an neih phawt chuan thilmak pawh ala thleng zel mahna. Chuan sum chu Hope i thil ngah zawng tak alo ni hlauh nen, buai chhe lo hram turah a inngai ani.

Hope i pawh shower hmang zo tawhin, bathroom atang chuan a chhuak ve ta a, mahse a rilru erawh ala buai reng tho ani,"

Khuma kawr leh kekawr tha taka lo inthlep a hmuh chuan mak ati rilru hle a, an hawi kual lah chuan J.T a chu hmuhtur a awm der si lova. Kawr chu la kanga an enchian deuh chuan a nui ta rah2 a. A chhan chu tourist ho tana dawr an siamah khan a hmu tlat ani, mahse thawmhnaw fai leh thianghlim hak tur a nei ta hlauh chu a lawm hle ani. J.T an a leisak a chuan a hak turin alo dah anih a ring nghal bawk a.

Alo ngaihtuah chikim hle mai ati rilru neuh2 a. Amah leh amah chu inchhang in," Aw, a ngaihtuah chikim," an ti leh rih a. "Khatiang khawpa a bula ka awm hnu ah lehnghal hetiang thil min tihsak hi chu ka phu hlawl lo ani,"

Aa taka nachin lawka J.T a chunga a chetdan avang khan Hope i chuan ngaihdam dil ngei tur ani tih chu a inhria a. A tisa chakna amah in a control thei lo kha J.T a thiamloh ani tlat lo ani. Khatianga awlsam taka themthluk theih hmeichhia ho te kha hmusit viau thin mahse. An pahniha an khawsak dan vel zawng2 kha camera in lo la ta sela, amah hian chu ngei chu en leh ta sela phei chuan, zah avangin a thi mai thei hial ang chu.

"Tunge i biak a?"

Hope i chu rang tak hian a hawilet nghal zawk a, a towel chu a tlak mai lohnan a vuan tha nghal vat bawk a. "Ilo luh lai awm reng2 ka hre lo," zam deuh taka nui hawk pah hian ati a.

Mahnia i inbiak mawlh2 danah khan ka ring mai e," scientist a an tih ang hi chu i ni tih chu min hrilh lo mai teh, hei thlarau te bepawp thin ang chi hi,"

J.T a chu alo hmelh nghek a," Ka a lo. Nia, keimah leh keimah chu ka inbe ngei alawm. Chuan ka chin fo thin ania. Ka rilru a buai lutuk hian min chhawk thin alawm,"

"I inbiak na atang chuan enge i ngaihtuah chhuah tak anih chuan,"

"Aw...kal mai teh, ka sawi te chu i hriat vek kha," a biang chu a sa hat2 thei hial a. J.T a nuih mawi dan em2 chu hri thalo kai theih ang hial khawp niin Hope i chuan alo hria a.

A mita riltamna nasa tak a hmuh chuan. A towel hnuaiah chuan engmah ala ha lo ani tih a hre chhuak ta thut a. A kawr tur khuma awm chu rang taka la pahin a hawi chhuak leh zawk a," Thawmhnaw in thlak natur min leisak avangin ka lawm e," tiin bathroom ah chuan a bibo ta nghal daih a.

Bathroom chu a tawm buk ani tan ta mai hian alang a. Hmeichhe chak tak i nih kha! Bibo reng lovin i hma a thil awmte chu hmachhawn rawh! Puitling ve deuh teh tiin Hope i chuan a inzilh mawlh2 a.

A dik alawm tiin hmanhmawh tak hian a thawmhnaw chu a ha ta zung2 a, hun reilote hnu ah chuan bedroom ah chuan a let leh ta a. J.T a chuan alo nghak reng a- a kekawr bul thar ha in, a kawng atanga chunglam zawng erawh ruak kang leh sexy tak hian alo awm a. Chutiang em2 a mip chhelo chu an vang hle ani, an tam hauh lo mai!

I thluak kha he mirhing pa leh a thil neih lian tha tak nawmna vawrtawp pe tu che ringawt ngaihtuah kual nan khan hmang suh. Mit tla lek lova amah en reng lo khan in awmdan zel tur ngaihtuah nan i hun leh thluak kha hmang zawk rawh,tiin Hope i chu a inzilh ru neuh2 a.

Harsa ti tak chungin J.T a taksa leh pian mawi tak en tawh lo tur chuan a mit chu ala sawn thei ta hram a,harsa ti tak chung bawk chuan a tawng chhuak ve ta hram a. "Enteh,hun hlimawm tak leh nawmna nasa tak chu kan inpe tawn ngei alawm mahse khangte leh ni reilote chhunga hun khirh tak kan tawn te kha theihngilh tum ila a tha in ka hria. Mahse chiang taka ka hrilh duh che chu hmeichhe sihhnip tak angin khatiang kha chuan ka awm khat hle ani tih hi,"

"Min hrilh chu a tha e,"

Bu nghauh2 pah chuan," Ania lawm, eng vanga khatianga thil kha ti nge ka nih ka hre bik lo ani," a zah em avang chuan a nui ta vak2 a, mi a te pawh a ang hialin a inring a. In siamrem leh thuai in, mawl leh at so hun ani lo tih chu a ngaihtuah a. "Khalam pangah kha chuan thiamna ilo nei sang.......engpawhnise, a vai ah khan ka tihna anih chu. Mahse ilo hre sa vek tawh tho chuan ka ring a,"

"Ka lawm e," J.T a nui mawi lutuk chuan a chhungril chu a fan hial hian alo hria a. Aw, chhelo te, nang nen hian zankhua a insi dun lovin engtin nge khum khatah kan mutdun theih tak ang le tiin a ngaihtuah chhunzawm a.


Note; khawsik chung2 in in tan k rawm dah hram2 e, click leh comment mawlh kha aw....tan ila tlang zel teh ang u....😀😀😀



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)