THE CRUELLEST LIE

Episode kal lai dah luhna

Moderator: writers

Nui leo Khawlhring
Posts: 24
Joined: May 15th, 2018, 7:22 am

THE CRUELLEST LIE

Unread post by Nui leo Khawlhring » May 22nd, 2018, 10:41 pm

THE CRUELLEST LIE
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODES 7:
'A ni mahna.... a chhan ber angin alang lo, mahsela anihna chin chu a awm thei ang...' Marka chuan muang ban charh hian a ti a. Chutiang ang thil chu alo ngaihtuah ngai miahlo ni hian alang a. 'Nula te chu a mitmei ahmuh ngai hauhlo thung a. Khatih lai khan inlak hranna khan hmeichhia a hip ni turah ka lo ngai mai a, midang nen a in kungkaihna neih hi a duhlo ang hian a langa.. Ka lakah pawh adang chuang lo. Oh!! Hun aneih chuan min ngaihsak a, a theihna zawng chuan. Mahse, a nun hi ka tawm pui thei tak tak hian ka hre thin lo ani ber mai.... Entirnan sumdawnna kawng nuam a tih leh ngaihhlut em em ang te hi. Rokhawm tur tlangval hausa tak ka nihnaah chuan lungawi mai turah min ngaiin chu chuan min ti nem vekah a puh a. Eng pawh nisela ka sual chhuah hrim hrim hi aduh ber niin a lang thin. A fapa ka nihna hi abo ngai lovang a, a enkawl tur, a mawhphurhna hi.. Mahse, amah tlukpui chu ka ni thei ngai lovang. Amah chauh hi eng thilah pawh thuneitu a nihna tihlan reng atum a ni ber mai. Min ngaihven hlawh ka tum na lamah a nun ka lo ti hrehawm viau awm e, a inthunun thei ta lo hial a ni. A nun hi ahmalamin i lo la hre ngai lova, tunah erawh hi chuan a inthlak danglam tawh tih hi i hmuthiam lo ve zawk chauh ani. Awih har ka ti viau ani. A hnathawh nasat dan ang thovin intihhlim lam pawh auar chho a.. ka lakah a nelawm tawh in ainla hrang lo.... Engtin nge ka sawi ang.... A hma aiin.... a...... '

' A nem ta deuh em mi? Claudia-i chuan alo tihsaka.

'Aw, a nem ti ila adik ber ang. Ni dang zawng aiin pawh leh kawm anuam tawh a..... Chu tak chu a nia hmeichhe chunga aawm dan nia ka sawi chu.. Nidang aiin a hnathawh chauh duh tawk lovin a nun ahmang chho ve tawh miau a....'

'I lungawi chiah lo niin alang thei a' Claudia-i chuan alo ti a, Morgan - a mize inthlak chungchang a rawn sawi chhuak chu anuih a za ang reng hle mai a. 'Tunah chuan a hnuaiah i thawk ta bawk a, i kut ah thil tam tak a dah thei tawh ang chu,' alo tihpui a.

'A hnuaiah ka thawk lo, partner kan ni zawk..... tunah chuan kan sumdawnna thenkhat hi ka hmingin a awm a, Mark-a chuan ati a.' Kan company logo-a 'And Son' tih an belh mai chu ka awih hleithei lo hial zawk ani. Nula laka nuam ti taka aawm kual vel laiin kei hian nupui neia chhungkaw din tura min duh tlat hi ka hrethiam lo bawk 'an ti a.


"Uh-Oh!!!!! Serita-i maw' tiin alo sawi chhuak a.

Mark - a chuan rawn hnial tum niawm tak hian a dak deuh vah a, chutah adar asan ak a. 'Nula fel tak chu ani alawm. Mahse, dad hian a naupan deuh lai leh a hlimawmna boruak tawn duh vanga tu neih a duh chuah a nih chuan......' a tawp chat a.

Claudia-i chu a phu zawk a, a ke chhep sual chu Mark - an a lo man vat a, lamna tual atang chuan akai chhuak ta ani.' A pawi hle mai, Stone chhungkua te min lampui i duh tawk tawh viau ngei ang chu maw? Kan desert ei tur a rawn thleng chiah a, kan pu ber kan va zawm a that zawk ka ring.....' a ti a.

Mark - a chuan thei thar lam rak mai rose lem anga lang tura chocolate veka an siam bulah chuan a thuttir ta a. A riltamna erawh abo zo vek tawh thung a.

Morgan - a chuan a wine sen chi order chu atawp nan an thlit sak a.

' Kei aiin i mamawh zawk niin ka hre tlat mai' a rawn ti zawi sap a. 'I kum a upa ve deuh ta pawh a ni mahna. I naupan deuh lai chuan zankhua khua in i lo lam thin pawh a ni ang. Dawhkan chunga han intheh kual te kha.... tunah erawh hun a danglam zo ta a ni ange' a ti a.

'I naupan deuh lai a!' ram hmak hian ati a. A no chu la in wine chu ain zauh a. A awm dan phung pangngai hloh loh a tum ran a. Dawhkan chunga a intheh kual..... Chris - a a champion tum kha a sawi a ni. Chris-a chuan press mite hma a han in lantir chu nuam ati thei hle a, amah zawkin dawhkan chungah ahlang a, press mite chuan a thla an rawn laksak ta a nih kha.

Mark -a chuan athlir tawn sek a, tim deuh hlek chung hian,'Claudia-i leh Nash-a chungchang kha i hria ani tih kalo hre hleinem, dad.......' a rawn ti a.

'Claudia-i chanchin hi ka hmuh hmasak ber atangin ka hrw vek tawh zawk a ni' a pa chuan dam thlup hian alo ti a. A hmai dang ta vek chu a rawn en reng a. 'Thuruk ni turah ka lo ngai a ni' an ti a.

Claudia-i chu akhawng deuh lah a. A vawikhat hmuhna hun chu Morgan - a chuan sawi chhuah atum em mi ang? A zam hmel chu a mitmeng dumpawl raih hian a rawn en reng tih a hai lo.

Claudia-i engmah a sawi tak si lovah chuan Mark-a chuan, 'Thuruk chu ni lo ve. Mahse, Nash-a thih hnuah khan Press miten Claudia-i hi an bawr buai reng a, chu vang chuan a nun pangngai nei leh thei turin a bihruk angai ta hial a ni.' a rawn ti a. A tana tanpuitu pasaltha zawng ani chiah mai.... Mahse, a zahawmna hum atumna lamah chuan achungchang mawihnai lo takin a chhuah thei tih a ngaihtuah pha hauh lo thung.

' A hlawh chhuah chungchang a thubuai awm kha ani ang chu. A manager-in asum a ruk saka, ni lawm mi? A chhungte lah khan heng buaina thleng hi i thil tihah an puh a.. thil awm dan tak hi an awih duh lo tlat ani lawm mi?' a lo ti a.

Claudia-i chu athle bak a. Morgan-an achanchin a hriatna chu kumhnih hma lam a chanchinbu chhuak atang khan a ni ngei ang tih a hre mai a. Chuta tang chuan a mizia a thlir dan tur awm chu a lang thei hle bawk..

A tir lam kha chuan Chris - a ahmangaihna avang chuan chanchinbu lama thu inziak ho tak tak dik silo te chu anuih a za thei viau mai a. An pahnih chuan fiamthuah la in an inchhaih fo bawk a. An intawn tirh hian Claudia-i chu mi ngawichawi leh thutak thei zet mai ani naa, a nun chu Chris - a atawn atang chuan a inthlak ta hlauh a ni. Mahse, chhungrol takah chuan anundan pangngai chu a inthlak hian ahre lo thung a. Mi sawi duhdan te, a nu leh paten chutianga mipa akawp an ngaidam thei tawh lo te an chhuah chuai chuai thin chu engah mah a lo ngai ngai lova.

'Manager an hmuh leh chuan asum tih chingpen kha an hmu kir leh ta em? Chanchinbu lamah khan kalo chhiar ve a, state court-ah an inkhing a ni lawm mi? Khatiang ang thilah kha chuan...' Mark - an a tih lai mek chuan Claudia-i chuan a lo pawt chat hmiah a.

' Teuh lo? 'ati a. A mitah chuan Mark - chu sawi zawm zel lo tur chuan angen a. Mahse, Mark - a chuan angenna chu a rawn hmu thiam lo ni hian a lang a.' Kha pa kha... a ma sum ngei pawh a enkawl thiamlo lovang tih tur a nih laiin Chris - a sum han enkawl chu atan tih theih a ni lo a ni ber.... Chutiang ang thil chu sawi chhuah ka duh tawh lo...' a ti a.

Mark-a chuan a rawn hrethiam ve ta tawk a, chutah Claudia-i rum tir hawk tur hian an che zui. A kut chu arawn vuan a, an hmer sak salh a. "Oh.... tehreng mai.... ka hrethiam e
...' an ti zui!

A rawn tawng chhuah danah chuan Chris - a fa a pai mek ani tih chanchinbu miten an hriat chhuah mai a hlauhthawnzia te chu sawilan a hreh niah a ngai tih ahre thei a. Chutiang ang thu chuan ram pum adeng chhuak nghal dawn tih lah a hriat a. Mahse, kha hun han ngaihtuah chuan tuna a bula mipa thu reng maiin a rilru atihbuai ai chuan chanchinbu mi ten an zim buai kha thil holam leh engmah ni lo ang zawk ani tlat ani.

Morgan - a chuan Mark-a kutin a rawn chelhna lai chu a en reng a, Claudia-i nuam ti lo lutuk chu a che deuh hrat a. Mi a a ni lova, Marka nen chuan eng thil emaw taqng chhuak chuang lo hian an inhrilh niah a ngai ngei ang a, engtin tak lo ngai ang maw, a ring sual hle ang tih erawh a hriat a. Stone mipa pahnih chu tun hi a hmuh hnuhnunna ber tur a ni tiin a intiam ta hial a.

A lo ngaihtuah tawh thin danah chuan Morgan Stone - a hmel a hmuh leh vaih chuan a huaisenna zawng zawng sawmkhawmin thudik tak ahmaa a lo hrilh hriat duh loh chua hriattir ngei ang a, chu chuan amah a inthiam loh tur zia pawh a sawi ang a ti thin kha ani a. Mahse, a mitmu dumpawl raih maiin a rawn melh takah chuan a huaisenna chuan a kiansan zo vek hial a. Chupa in a a laka effect a neih chu ahrethiam lovin a ngaihtuah duh hek lo. A awmdan ringawt chuan..... A ti thinur thei a, a vau a, a inthiam loh tir a a awm a ti nuam lo thei a ni a, chutiang ang ngaihtuahna a neih nachhan tur a awm lo tih erawh a hrechiang hle a. Mahse, Morgan-a chapona leh inrintawkna chuan ainchhuan vena keh chhe mai tur chu aveng him a, chu chu alawm rilru viau thung......

Mark-a kutin a rawn vawnnna chu laksawn a duh tawh em avangin a wine chu chhuanlam ah hmangin a no chu ala a, an in leh a.

'Eng thil nge awm a?' Morgan - a chuan an thusawi lai chu awlsam taka thudang a pakai san a tum lo hle a ni. An melh ram ram a a wine chu a lem zauh zauh reng a. Chu zan hun hrehawm tak mai chuan wine a lu tihai deuh chak chak khawpa in a mamawh tir tlat a ni.

' Er..... Awle, Us court hian dan tam tak an nei a. Nash-a hi US mi a lo ni a, chuvang chuan Claudia-i hian an pahnih a an awm dun chhung atanga chhiarin a sum hmuh chhuah zat ve vel chu a chang thei a..... A sum kha bang la awm ta sela chuan'a ti leh bauh a.

Morgan - a chuan, Nash-a nen chuan kum engzah chiah nge in chen dun a? 'a rawn ti a. A aw-ah chuan Chris - a nen an inkungkaihna chu thil tenawm leh bawlhhlawh berah a ngai ni hian a langa. A zawhna chu a chhanna tur awm ang ahre lawk vek tawh awm si a.

Claudia-i chuan huat hmel lutuk hian a melh rawm rawm a,' Kum li'an ti chhuak halha, Tih el zet hian, Kum li chhung hun nuam leh hlimawm ber kan hmang dun a ni' an ti leh kher a.

'A nuam hle ta ve ang. Chris Nash-a hi rilru nghet cherh chawrh angin athang lo tkat a. Chutiang hun chhung a ngaihven thei che a nih chuan engthil emaw hlu tak i nei a ni mahna' tiin a rawn en run a, a taksa chu a rawn thlir dan dan a, chu chuan ataksa chu Chris - a duh chhanah a ngai a ni mahna


'Dad!!!'

Mark-an chutianga a rawn ti that chu atu amah chuan an hre lova. Chutia Morgan - a mit pawl raih in a en a ahamhaihna a reh tak hnuah chuan hmalamah hian an kun phei a. A kawr hak nghawng zau lam pang atang chuan a awm bawr chu a hma aiin a lang chiang sauh dawn tih pawh a hre chiang hle a. Mahse, chupa mit hmuh a zam anga lan chu aduh tur a ni ngai lovang.

'A nia lawm, hmangaihna an tih hi' dam thlap hian a ti a. 'Eng nge hmangaihna an tih hi i hre ve em ang chu maw, Morgan? Mipa leh hmeichhia inrintawkna nena inkungkaihna an neih hian chu thil chu ani...'

'Inkungkaihna a?' a rawn ti chhuak hrawih a. 'Oh!!!! In affair neih i sawina ani ang maw. Mahse, in pahniha in inkarah chuan dam chhung daih inkungkaihna rawt tur khawpin in la thutak lem lo niin a lang' a lo ti a.

End of episode 7
RE TYPE :NUI LEO KHAWLHRING



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)