THE CRUELLEST LIE-8

Episode kal lai dah luhna

Moderator: writers

Nui leo Khawlhring
Posts: 24
Joined: May 15th, 2018, 7:22 am

THE CRUELLEST LIE-8

Unread post by Nui leo Khawlhring » May 23rd, 2018, 8:22 pm

The cruellest lie - 8
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODES 8:
Inneih an tum thu chu han sawi lan zauh hi a tum a, mahse, a awih dawn chuanga a ngaih loh avang chuan a ngawi leh ta zawk a. A thusawi fiahna tur thil a nei lova amah insawi thiam atum vangah angai ni ah a ngai ang tih a hlau hle mai a.

'Damchhung daih a? Oh!! Inneihna maw ni i sawi?' zang vah hian ati a. 'Mahse, inneihna pawh hian damchhung a daih kher lo a ni lawm mi? Mi tam tak hi chhan eng eng emaw avangin an innei a, an zahawm na hum duh vang lek niah a ngaih theihna lai pawh a awm ang' a ti a. Chutiang ang khera a sawi chhuak chu a inchhir leh nghal a, a hma lawk khan achanchin chu alo hrilh a, chuvanga sawi chhuak angah angai ang tih alo ngaihtuah lo. Morgan-a chuan afapa chu aen zawk a, a hmel chu a lang dur deuh khaih a.

A tawng chu rawn chhang let ta lo hian, a wine chu an la kang a, 'A va ropui ve le! ngeiawm thei ang bera i awm hian i lang duhawm hle tih hi midang in an lo hrilh tawh reng reng che em?' an ti a.

Chutia arawn sawi chu a rin loh tak thil a nih avangin Claudia-i chu asen ap ap a, Morgan - a chu alo nui hawk thung a.

' I tawngkam hman hi i ngaihtuah na ang maiin a ngeiawm thei hle ang tih hi an hrilh tawh che em? 'an ti let ve salh a.

' Nang anga nula hmeltha chuan la sawi lang hauh lo mai, Duchess 'tiin a wine chu an in leh a, a mitmeng fing zet chuan a rawn en reng a.' Zanina ka tawngkam a lo mawi chiah lo anih pawhin rin loh taka ka hmuh thut vangah che ngai mai rawh. I rilru ka lo tina anih chuan apawi ka ti hle ang. Racing driver kawp tu hmeichhe lar tak mai kha, nula lelawm loh le class nei zet, hnathawk rim si i ni ta hi hriatthiam ka tum vang mai a ni'ati a.

Eng thil nge maw a ngaihtuah chu le? Claudia-i chuan ringhlel hmel tak hian a en a.

'Dad.... engthil nge i hriat chu le? Claudia-i hi i ti hrilhhai hle a ni' Mark - a chuan a pa awmdan chu a ngaihna a hre bik lo tih ahriat mai a. A hmel landanah chuan apa awmdan chu a lungawi chiah lo tih pawh a lang thei ani.

'A teuh lo, chutiangin a hrilhhai lo ani lawm mi, Claudia?'

A chona chu a lo chhang let ve nghal hmiah a. 'Teuh lo mai. Chanchinbu mi leh mipa hmeichhia dang lova an bawr luih luih reng tawng tawh tan chuan sumdawng mi tawng nazawng te chuan engvangin nge min tih hrilhhai ang ni?' a lo ti hmiah a.

'Tawng na zawng!!! Min ngaihdan thlak thei tur hian engtin emaw ka chet angai dawn a nih hi' a lo ti sup a. A rawn en leh tak reng avang chuan Claudia-i chu ataksa pum hian a mur chhuak thei hial a.

'Le, dad. Hnathawh bak hre lo piangthar ta kha i ni chiah alawm' tiin Mark - a chu alo in rawlh a. 'Claudia-i hnenah hian kum hnih khat chhung a i hnathawh ngawr ngawr piah lam thil i ngaihtuah ve tan tih ka lo hrilh a.....'

'I sawi awmzia chu roreltu ang maia ka chet thin ka sim hi maw?' ro halh hian apa chuan a lo ti a. A fapa in athinur laia a ankhumna tawngkam arawn sawi lang leh ni hian alang a. 'I naupan at chapona hian ka sumdawnna a tlak chhiat mai dinhmunah min din tir a sin.....'

'Sumdawnna tlakchhiat a?!' tiin Mark-a chu a nui sak a. 'Ka rawn tel ve atangin kan thil hralh chhuah chu a hma aiin a tam fe tih i hria ang chu. I ngaihtuah na hmanlai deuh tawh tak chawk harh tur hian rilru naupang lam hi i lo mamawh hle pawh a ni mahna...'

Kum hnih chhung teh meuh an pafa chu an lo in mi hran a, chu chuan an inrem tak hnuah hia a inhnaih tir sawt a ni mahna, Claudia-i chuan alo ti rilru a. Mark - a chuan hrethiam lo mahsela, a pa ang thovin pa tumruh leh aduh ang neih tum ran mi a nihna chu a hmu thei a. Pafa te chu an chapo dun hle a ni. Morgan - a nun inthlak danglam ta chuan an pa fa inkar a siam tha ta ni hian a lang a. Chutiang a Morgan - a awm chu a hneh tumna hmarua a niin Morgan - a leh athian rin em em in dawt an hrilh tih hi rawn hrechhuak ta ang sela engtin tak ngai ang maw? A inthiam lo hliah hliah tawh a, chumi belhchhah tur thil dang insiam leh duhna chu a nei tawh lo.

'Kan kalphung thlak danglam hret a awm hian kan sum lakluh ati pung a ni lo. A nihna takah chuan keini hmanlai rilru pu hian i hnunga kan rawn zui che avang hian lawmna tha tak hi i hmu ta mai a ni' a lo ti a.

Hmanlai rilru pu? Claudia-i chu a nuih a za zawk hle maia. A dinner suit hak tunlai zet mai, thui nalh fahran leh private school a an nunchan zir achhawm chhuak nen chuan hmanlai rilru pu tura ngaih chu thil harsa tak ani.

'Second - hand car zawrh hi alo hlawk hle ang tih ka lo hre hleinem' Claudia-i chuan ati sap a.

Mipa pahnih te chuan mak ti zet hian an en rual thawt a, an ngawih tak rengah chuan Claudia-i nui hmel chu areh nghal riai riai a. Engthu pawi nge asawi tak tih chu a ngaihtuah a.

'Second - hand car a?' Morgan - - a chuan a rawn ti chhuak hrawih a.

'Aw chutuang ang sumdawnna company chu i nei ani lawm mi?'

'A enga maw?'

'Pakhat aia tam a awm tih ka lo hre hleinem' Claudia-i chuan ati a. Mark - a hawihai hmel chu a ngaihna hre lo tak hian a en a, a pa tawng bung zet avang chuan nuamlo a ti tih a hai lo. 'Ka..... Mark-a hian i sumdawnna hi second hand car hralh atangin bul i tan thu asawi a....' Morgan - a mit dumpawl raih chuan a fapa mit zim san chunga a en takah chuan a aw chu a zuih niah niah a.

Mark-a chuan a aw chu an thian kharh a, engmah a sawi lo,..

' Chutiang ringawt chuan em mi a hrilh che a? '

' Aw... a ni mai. I chanchin emaw a mimal chungchang hi kan sawi vak lo a ni. Han sawi tur ber lah atan sawi chhuah a chak awm lem loh bawk nen' a ti khauh a.

Chutah eng vang nge tih a hriat hauh loh hian a mitmeng vawt raih maiah chuan nuih zatna niawm tak hi a lang chhuak a. 'Han ti ti na hun in neih a rinawm loh leh si e..' a thu sawi awmzia tak a man hma chuan a rawn tawng zawm leh nghal zat a. 'Motor chi hrang hrang... Lamborghinis te, Ferrari te, jaguar te, Porches te... hmanlai chhuak ang deuhin ahlui leh a thar hlak pawh kan zuar chhuak vek a ni. Racing car pawh kan sponsor tel bawk' an ti a.

'Racing car a?' Claudia-i chu achhing vang vang a. Car tlan chak tak mai, a ke kang rim leh petrol rim inchawhpawlh chuk mai chu ahre thar leh ta a. A phurna leh hlimna chu atawpah chuan tihchhiat ani ta a nih kha. Chris - a a thih hma pawh khan an intlansiak zo hi a chakna zawng zawng sawmkhawm a an intlansiak laiah chuan a pen lut ve ngam chauh thin a ni a. Eizawn nana ahman in fiamna hlauhawm tak mai, thihna kotlang a dah tirtu a cara atanga a rawn chhuak a hmuh hma chuan ahlimhmel a lan tir thei ngai lova.... Ani lah chuan eng ang pawhin hlauhawm mahsela a nuam ati hliah hliah tih a hai lo. An mengchhuak a, Mark-a chuan alo en reng a.

'Formula one-a car an hman ang chi hi chu a ni lo. Claudia. Sport car te ang hi alawm. Mahse, i kianga ka sawi lan ngai miahlohna chhan chu racing car chungchang in i rilru a tihnat leh ka hlauh vang zawk a nia. Car-a
Chuan pawh kha hun eng emaw chen chu i hlau hle a nih kha. A pawi hle mai, ka pa khan khatiang thil kha rawn sawilang miah lo tur ani asin'tiin a pa chu an melh ram ram a.

Claudia-i chu a nui lui sak a. 'A pawi love... engahmah ngai suh' Morgan - an a rawn en reng tih hria in an tih zawm leh hram a. Morgan - an a ngaihdan ngaihtuahin chuti taka a la na leh hrehawm a tih chu a awih duh aring chiah lova. 'Ngai ka awh lehna a rei hle tawh zawk ani. Racing lama lo tel tawh thinte thian tlema zawng ka lo nei bawk nen, a sawi chhuah pawh hreh viau reng mai chu ka tan thil theih ani reng lo a....' ati a..

'I thianpa tual chai puite maw?' ro halh hian alo ti a. Hreh tak chung hian Morgan - a chu an en a, 'Tun lawka ka tawng khan i rilru a lo tina viau anih chuan i ngaihdamna ka dil e, ka tum reng vang a ni lo ania aw' a ti leh sup a.

A huatna lawm taka a dawn sawn laiin chutiang ang chuan a la rawn tawng khum leh ta chu ania!!! Ngaihdam na maw? Chu zawng a letling chiaha thleng tur thil a ni ang.

'Engmah a ngaihdam nachhan tur i awmlo.' ati a. A ngai thutak lo a ni tih ahmuh theih ngei nan pangngai tak hian a ti ti zawm hram hram a.

Mimal thila dinner ei ho an ni lo tihlan a duh avang chuan an eina bill lo thlen chuan bill ape tur hian a hming a ziah dawn lai tak hian Morgan - a chuan a mi sawm a nih thu chu hnial chi rual loh hian alo sawi lang a. Chutia an inhnial vel chhung chuna Mark - a chuan an bill keng chuan counter lam a lo pansan daih a, Morgan - a chu anuih zat hmel viau lehnghal a.

'Sawtia a pek buai chhung sawn i room lamah ka lo han hruai chho ang che chu?' Morgan - a chuan ati a. A din chhuah lai chuan hawihawm tak hian a hnungah alo ding a.

'I hun khawhral tumna ka nei love' vawt raih hian a lo ti a. Mark - a lak atang chuan hruai bo phwt atum tih a hai lo.

'Oh, ka hun chu i khawhral dawn hleinem. Kei pawh inchung lam pan tur ka ni ve tho a. Mark - a chu i mangtha nghal thei tho alawm' A kawng a arawn kuahna chu anghet charh mai a. Restaurant atang chuan akai chhuak ta a. Morgan - a kuah chung chuan Claudia-i chu akal ve ta zel a,a bula a ding lawr zuah mai chuan a awm atinuam thei lo a ni ber a. Chupa chu pet chawrh a, han an khum bawrh bawrh a duh laiin mawihnai taka a chet a ngai miau mai si a.

'Coffee in tur a ka room-a ka sawm luh che i beisei a nih chuan theihghilh nghal ang che' nui lui sang chung hian ati a. Cabinet minister pakhat an hotel - a lo kal thang takin a rawn nuih chu hmu in an bu zauh a. He mihring hi zanin tih bak chu an inhmuh theih tawh ngai miah lohna tur angin a awm reng tur ani tawp mai.

A dar ruak deuh kanga Morgan - a thaw lum ham ham chu ahre thei a. 'Ka room-a sawm luh che kalo tum a...' tiin a tlak ri karh a. A khawng deuh lah chu hria in an nui chhuak hawk a. Eng thil nge maw chu pa chuan cho chhuah atum leh tak a hre lo.

'Duchess, he hotel - ah hian kan company chuan suite kan nei reng tih hi i hre lo em mi!? Min dawr tu emaw kan sumdawnpuite an awm loh chnag hi chuan ka luah ve thin tho a ni. In lama ka inkhalh haw peih loh chang hian a ni zual a.....'

Chutia a rawn sawi chhuah chuan hotel puan phah var hlak chunga Morgan - a taksa nalh tak mai an mu tur chu a mitthla ah a lo lang zawk a.' Zanin ber kher hi chuan in lama hawn ka chak lo hle bawk a. Tun dinhmun han ngaihtuah hian awm deuh rih pawh a that viau ka ring e. Hotel hnathawk i lo niin, in mikhual te harsatna chin fel lam i lo chang bawk a, hun lo kal turah hi chuan kan inhmu ngun viau dawn niin a lang e...'

The cruellest lie - 8
End of episode 8
RE TYPE :NUI



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)