- images (1).jpg (9.2 KiB) Viewed 4992 times
.
.
Zan a lo thlen hian ka lunglen a zual thin , keimah in ka awm a , mahni a awm hi nuam ka ti ngai lo , a tul na in min nang ta si chu ania
Tv hma ah chips nen ka thu a , ka movie ngaina ber mai 'The boy i admire from a far' chu ka en a , a changtupa hi ka duh lutuk tlat ZION leh CLARE te hi an in hmeh lutuk tlats ka va han duh dun tak em!!!!
ka Movie en lai a ka luanliam tehreng nen ka kawngka a rawn ri chu ka haw ngei mai , lungawilo tak chungin ka va hawng pawp a "nang!!!" Ezra ka kawngka pawn a lo ding vang chuan ka hamhaih takzet "Diner kan ei dun ang ka tih tawh kha" lut tur a sawm pawh a ngai hran lo a rawn lut tawp mai , "chhuak leh rawh , engtin nge ka awm na te hi i hriat " kawngka bul ah ka la ding reng a , a rawn hawi let a "Beauty , min hnar reng lo mai rawh" a rawn nui pah suk a , ka va han ngei mai mai tak "tunge ka chhuahpui dawn che ti , ho leh vat rawh" ka ti vat a , chhuahpui tr chu a sawi ngam zawk e a"anih chuan hetah hian ka awm mai ang , oh!!! hei movie i lo en a" tih pah in sofa ah chuan a thu hmak a nih chu , zak thei lo hian , min hnaih lo se ka duh viau asin , a kiang a ka awm hian ka hahdam thlawt lo hlauhthawnna in ka khat nghal vek thin
"Um 'The boy i admire from afar' maw ni a?" A ti leh zat a ,he movie hi kan pahnih in kan en dun thin ka la hre reng
"Chhuak la ka duh Ezra..." a bul a ding in ka ti leh a , rawn hawi chho in ka mit ah tak a rawn en khalh a "Beauty ..... ka awm dawn ka tih tawh kha" a nui suk a " lo thu rawh le" a tih zawm Zat a , a luhlul zia ka hria , ka sawi vang mai in a chhuak hauh lo ang van hahthlak thin tak em........ sofa sur te ah chuan ka thu thla ve a ka thil en lai pawh ka rilru ah a lut thei meuh tawh lo ,ka va hawi phei apiang in min lo en leh kur zel lehnghal a "i sawi dawn lo em ni?" A rawn ti zawi sap a , hriathiam lo tak in ka en ha a "eng chungchang nge i sawi" ka tv en lai chu ka melh tlat a , a mah en chu ka ngam thlawt lo " min hlat chhan te , tiang a i awm chhan te leh , khang kum liamta chhung a i nun dan te ,engkim..." a tih chuan ka thaw hak a
Chu zawng zawng chu ka hrilh kher a tul na ka hre lo hun liam tawh chu liam tir mai tur sawi chhuah leh hian awmzia a nei lo . Ka ngawi tak vang vang a vang chuan ka hnaih ah a rawn tawlh a . Min hnaih chilh tawh hle ani"sawi teh...Beauty eng chiah nge thleng?" Ka kut ka khalh neuh neuh chu rawm hum lum vang vang in a fawp zeuh a . Chu ringawt pawh chuan ka chhungril ber hi a ti nem leh hman viau tawh . Ka tah a chhuak ngawih ngawih a .kuah vawng vawng a ka ngaih zia leh ka thlakhlelh zia hrilh ka duh mahse ka thei lo .ka lei hmawr ah hian a tang tlat a . A chhuak thei thlawt lo hlauh na in min fan chhuak nghal zel mai si
"Beauty ....... tap suh " ka biang a mittui luang a rawn hruk hul tak ah chuan ka tap ani tih ka hre chhiah "Beast... ka..." ka tum ,sawi ka tum a lawm mahse ka thei thlawt lo
"Sawi rawh hlauh tur a awm miah lo ania , i kiang ah ka awm hi" min kuah a . LALPA a awm lum nuam tak ah hian ka thlamuan na a famKim a sin .....tinge ka hringnun hi a hahthlak bik em em ...... 'bawihte .......Apa in min kuah mek a sin...'
"In ah khan ka kal duh Beast......" min kuah na chu thlah in ka biang tawn tawn ah a kut lum thur thur in a dawm vang vang a "khawi in .... Beauty" a tih chuan kan In tura a lei ,a hriatna a hlauh lai pawh a a hriat reng In ngei ah khan ka kal duh thu ka sawi chuan nui suk in a bu nghut a "in ha lum phawt la Pawn chu a vawt a nia" a ti sap a ka hmui ah a fawp zeuh a , min kal tir mai dawm maw ka tih lai in a aia uar in min rawn fawp leh a , ka hnar reng thei lo,he mipa hi ka hmangaih a ka mamawh in ka ngai em ani
"Lut ang le . A vawt si" ka kut a vuan in min kai lut a , inchhung a ka luh chuan ka hawi kual a "kha zan kha i la hria em" ka ti zawi sap a ka nui deuh suk bawk . Kha zan kha ka hlim ber zan a ni a . Ka rohlu ber ka pai puitling thei ta lo erawh ka in ngaidam thei thlawt lo
Tap chhuak hawk in chhuat ah chuan ka thu hnawk a "Beast.....tinge tiang hian min tih bik....Pathian hi a awm lo mi" tap aw tuai in ka ti thlawt a . PATHIAN hi a awm a nih ngai chuan .eng vang in nge ka nun hi tiang hian a herkual bik
EZRA P.O.V
ka hmangaih em em Lucy tap chunga chhuat a thu chuan ka thinlung chhuril hi a chhun a ni ber , a hreawm ti hmel hi hmuh ka duh ngai lo , Pathian awm ring lo khawpin eng tin nge nun a hman ang tih ringawt ka ngaihtuah . Ka Beauty chu ka kuah thlawp a .tiang a a awm hi ka hmu thei lo "shhh!!!! bang rawh ....." nghet tak in min kuah a . Ka Beauty hi ka ngai a ka thlahlel ngawih ngawih bawk . A kut tereuh te in a min kuah a ka taksa a khawih te hian ka hahdam sawng sawng thin......ohhh!!!! Ka hmangaih ani...ka hmangaih thlawt ani
"hrilh tur che ka nei " a ti zawi sap a ka mit ah min en kalh a "awle...mahse tho phawt la ..in chunglam ah chho phawt ang hminag " ka tih chuan a bu nghauh a . Thuawih tak in a ding a min zui mai bawk . Room a kan luh chuan khum chu a en vang vang a "Ezra , kha zan khan......" a thaw hak a "Ezra ih...ka..." sawi harsa a tih zia ka hria a sawi tur chu engpawh nise hriat ka duh kher lo . A tan a hreawm a a harsat viau chuan ka hre duh lo . A hma ah ka ding a . Ka kuah vang vang a ka awm chu tham in a thaw leh hak thin
"Nau ka chhiat a sin" ka meng kawk mai in ka hria ka thawk leh thawk loh pawh ka hre lo "tha tak a enkawl ka tum a sin mahse ka tan khan a hrasa a ka nitin eitur pawh ka hmu tawk a , ka pum chhung a awm tan khan a mamawh ang eitur tha leh damdawi tha ka ei lo a . Ka .... ka that ani ...ka naute khawngaihthlak kha" a mittui a luang zawih zawih a , rei oo te chhung chu ka che lo . Ka rilru a buai hman vek anih . Kei hian fa ka lo chan reng a eng mah ka lo hre lo a , a mah in a tuar a , engtin nge tiang em em hian a chhel theih zawk
"Eng vang in nge min hrilh loh , tinge nang mah a i tawrh , chu tiang taka mipa tlaktlai lo chu ka nia mi i hreawm na pawh i hrilh theih loh khawp mipa " a lu a thing mat mat a "Ezra ... ka hlau ani ..... ipa khan ...." a sawi zawh hma in a Tawp chut a "ka pa chu eng nge ....sawi rawh Beauty ..eng mah zep nei tawh suh" a biang ah dawm in ka en khalh a . Mittui kar a tang in min en a ,a mit ah chuan hreawm na hlauhna hlir ka hmu
LUCY P.O.V
engkim ka hrilh hnu chuan nghet tak in min kuah vawng vawng "chu chu , eng vang a ngawih bo pui nge i nih Beauty , i tan awm reg tur ka ni lo ami , eng kim kan pahnih zel in kan tih kha" ka tih chuan a in hrut hruih hruih a "ka hria ...mahse kha tih lai khan ka hlauthawng a , accident i tawh hnu khan i dam that hun ah hrilh che ka tum a mahse ...nang.....nang chuan min hre tawh lo ..... han sawi teh tih theih dang nei in min hria a mi ........ i nu in min thawn bo lui a sin" ka sawi ta bawk a ka thawl huai mai
"A tha e ....... tun a tang chuan nang mah chauh i ni tawh lo ....engkim ah ka tel ve zel tur a ni" a tih chuang ka bu nghauh nghauh a . EZRA ka nei leh ta 'bawihte Apa ka bul ah a awm leh tawh dawn a sin'
Apa in a hriatchhuah hun ah eng tak thleng ang maw . Kan pahnih a min hnuh dun hun ah chuan Gi chu sawi loh kei pawh hi ka bang bik hauh lo ang ......
- images(6).jpg (8.46 KiB) Viewed 4992 times