ENZO 19 By- Rodingliani Vanchhawng

Episode kal lai dah luhna

Moderator: writers

Rodingliani
Posts: 196
Joined: February 26th, 2018, 8:27 pm

ENZO 19 By- Rodingliani Vanchhawng

Unread post by Rodingliani » June 21st, 2018, 9:20 pm

ENZO
Chapter - 19

Zing ah basketball court ah chuan, Evan sawi ang chuan ka kal a, inkhelh peih at in ka kal a, a hmun ka thlen chuan Evan chu ball a lo sep at² tawh a.

Min hmuh ve leh ka lam ah ball chu a rawn vawm phei nghal a, ka lo man chat a.

"Eng vang in nge min koh a"

"Eng vang nge a nih i rin?"

"Andrea maw?!!"

"Aw,, tun ah hian khel ang, ka chak chuan ka duhthusam min tih hlawhtlin sak ang che"

"Eng vang in nge i duhthusam chu ka tihhlawhtlin ang"

"Tan ang"

Kan khel tan nghal, he pa hian eng chu nge a duh ni, a chak te chuan kan khelh pui pauh a niang chu.. Ka la sawi hauh lo ang, kei hi basketball ah kher hi chuan ropui tak ka ni lem lo.

Kan khel zel a, min melh dan hi ka duh miah lo, min ngaihnep hmel mah² , engvang in nge basketball kher hi a thlan le? Ka thiam ang tawk chuan kan khelh pui ve chu a ni a a duhthusam ti hlawhtling tur a ka inpeih a ngai a nih hi.

A thiam khawp mai, ka mipa pui a nih na ang in, ka ngaisang zawk hial e.

A chak ngei e, chhuat ah chuan chau tak chuan ka mu nghal a, Evan chu hah ve hmel pawh a pu lo, ka kawr ah pawh chu thlan in a ti huh vek

Ka thaw hluam² a, Evan chu ka melh haa a.

"Eng chu maw i duh chu?"

"Thil ropui lutuk mawle"

"Andrea, hi kal san rawh i ti dawn a nih chuan theihnghilh zawk rawh"

"Ai, Enzo"

Tun ah khan Enzo tiin min ko em ni, nge ka beng chhe ri zawk, ka beng chu ka tuai nau2 a

"Tun a i thusawi kha ka hre sual lo tiraw?"

"I ti mah² Enzo, tun atang hian Andrea hi ka ban san ang"

"Mawww!!"

"Aw, Andrea hi ka duh tawh lo ang, i chak ka tlawm a ni"

"Chuan enge?"

"Ka hmeichhe hmangai ber ka chan tawh a, chu ai ah chuan thil dang ka nei thei ang tiraw?"

"Enge"

Ka hmaah chuan a kut a rawn pharh a, (chibai tur in) mak ti tak in ka melh kur a

"Enzo, nang leh kei ho thian kan ni thei ang em?"

Ka thu hriat chuan min ti hamhaih zawk hial, a kut chu ka melh tlawk² a

"Tinge ka thian nih chu i duh lo em ni?" A rawn ti leh a. Tianga a awm teh thut hi mak ka tih vang zawk ania, eng vang in nge a ni ang thian nih ka duh loh ang chu tia Andrea lak ah a beidawn tawh rau² te chuan teh reng mai

A kut chu ka va vuan a, "teh reng mai" tiin ka nui vur² a, a ni pawh chuan min rawn nuih let ve bawk a
....

Andrea hmu tur in phur tak in ka kal a, ka hmu rual² chuan ka kuah nghal a, Andrea min chuh pui tu tur an awm tawh lo a nga, chu mai bak ah tun ah chuan ka nun ah a vawikhat nan thian ka nei ve ta, ka hlim lutuk chu ka kuah vawng² a

Andrea chuan "vawin chu i hlim viau a ni maw?"

"Aw, ka hlim tak zet"

"Evan vang in maw?"

"Eng tin nge i hriat ?"

"Ka hre ve tawp"

Mipa aw chuan aw a rawn thian kharh² a, kan hawi chuan Andrea pa hi a lo ni reng a

A meng rum ngei mai, Andrea hlau hmel chu hmuh a van hreawm tak, ka kuah na atang chuan a tal chhuak nghal a, a pa chuan Andrea chu a pawt nghal dawr² a, ka um zui nghal

Dawi tak in kan awm tawh lo ang, a nih tur ang ang chu a ni vek tawh hlim kan duh chuan huai tak a kan chet a ngai a ni.

Andrea pa hmaah chuan ka ding a, min khawih mai duh hmel pawh a pu a ni, mahse ka tawlh kir dawn lo

Thawk ka la a, "Andrea nen hian lan in zui leh dawn a ni"

"Ka fanu i kawp hi ka rem ti lo"

"Mahse kan inhmangaih alawm"

"Mr Enzo Miller, ka fanu bul ah hian ka hmu leh che anih chuan Police ka ko lo ang tih ka sawi thei lo, ka fanu hi hmu leh taeh suh ang che"..

"Ka pa, khawngaih in" Andrea cbuan a lo ti ve a

A pa chuan "Nang kha lo tawng ve suh, i hna hi chhunzawm i la duh a nih chuan a ni hi hmu tawh suh ang che"

Car ah chuan  fanu chu a nam lut dawr² a, ka dang ngam thlawt lo a ni. Ka pa in a chung ah khang thil rapthlak tak a tih hnu khan ka duh dan² in ka tawng thei lo a ni. Andrea pa chung ah hian ka inthiam thei thlawt lo a ni.

Beidawng rilru hah tak chuan ka company lam pan chuan ka kal hna² a.
..
ANDREA

Ka pa thinrim zia kha, a hmel en pawh ka ngam tha lo a ni. A ang nasa hle mai, tawngkam khat pawh ka chhak chhuak ngam lo, ka hlauh zia kha, engkim hre vek chung in a thu ka hnial a, a tan chuan a tlawm thlak viau ngei ang

Ka ngawi reng anga, Enzo hi ka chan nawm leh dawn em niang, thil ti sual tu chu Enzo ni lo in a pa alawm eng vang in nve kei nin kan lo tuar ang, kan tan a fair lo em a ni

Ka huaisenna zawng² sawmkhawm in ka pa hmaah chuan ka ding a, ka mit ah thinrim mit sen rum a min melh ka hmuh chuan ka zam nghal vek, ka dawi tur a ni lo,

"Pa,, I duh lo tih ka hria mahse Enzo hi ka thinlung zawng² in ka hmangaih a ni. I hria ni lawm ni then ka tum a mahse hei tun dinhmun hi kan thlen leh tak hi, pa Enzo hi ka kal san thei lo a ni."

Min ben tum chuan a kut chu a phar uk a, a insum nasa hle tih a hmel atang chuan ka hmu,, min beng mahse pawi ka ti lo, ka phu a ni

Ka mitui a luang zawih² a. "Pa eng thil pawh thleng dawn mahse Enzo hi then la duh lo ka then dawn lo" room ah ka tlan lut nghal a.

Khum ah ka bawk nghal thlawp a, ka tap nghal vak² a, Enzo ka call a, engmah pawh ka sawi thei lo ka tah khum vak² ringawt, a bul ah awm a a awm ah tah vak mai chu ka chak takzet a ni.
......

Evan lak ah chuan buaina a awm tawh lo a, ka chhungte vang hian ka buai leh dawn zawk chu a nih hi, Evan chung ah ka lawm hle chu tih rual in ka rilru a hah khawp mai.
..

ENZO

In ah haw tur a ka kal chu ka hmaah ka pa chu a lo ding reng a, a hmel ka hmu chiah chu ka thirim a rawn chhuak a, nimin ka thil tawn ka ngaihtuah phei chuan ka pa a lo ni hi ka haw takzet a ni.

Midang chu ni ngat se, kut ka thlak duh hial mai thei a ni. Eng tin nge ka nun hi infiam.na a hman theih zawk, min hring tu a ni hi ka zak takzet.

"Ka fapa"

"Pawisa i duh leh tawh em ni"

Dawr ah chuan ka hruai lut a, a mah ngei in Andrea chhungte hnen a a thil tih dan a sawi ngei chu hriat ka duh a ni.

"Eng vang in nge i rawn kal"

"Ka zawng nasa lutuk che asin ka fapa, kum 3 chhung ka zawng tawh che"

"Eng vang in, ka nun ti chhe tur in i rawn kal leh em ni,, dik tak in min chhang ang che, eng vang in nge Andrea nu leh pa te chung ah tiang khan i chet"

"Kha Nula kha em ni i sawi chu hhh kha hmeichhia khan a phu hlawl lo che"

"Maw, i tih a ni lo tih pawh in i pha dawn miah lo amaw?"

"Eng vang in nge ka phat ang, i tan a tha tur a ka tih a ni"

"A tawkkk... Eng tin nge i tih theih zawk??? Ka tan chuan a ni kha engkim a ni asin, nang hi ka pa i ni tak² em? Andrea kha ka khawvel a ni asin"

"Nang aiin i tan a tha tur ka hre zawk , a nu leh pa te kha, engmah ni lo in an chapo ve em² a,"

"Ka pa duhtawk rawh i tan a ka pawimawh loh zia chu i ti chiang tawk tawh e,,"

"Khang ho kha kal bo san nghal rawh i sum bak an mamawh lo"

"Sum mawh!! Eng tin nge chu² i sawi ve ngam zawk, kha mi chapo i tih te kha ka tan chuan nu leh pa diktak ang an ni asin, nang chuan vawikhat pawh chaw eiin la siam sak lo a, an ni chuan an fapa tak ang mai in chaw ei min siam sak in min ngaihsak zia an ti lang asin ka tan chuan ka pa min hring tu ngei ai pawh in an hlu a ni. Vawi khat chauh vawikhat chauh chaw kan ei ho a mahse kha hun kha nimin ang mai a chiang in ka la hre chiang a, ka nun a ka hlim ber tum a ni."

"Hh, pa ah naupang ngawi hmak la, pawisa chu min pe mai rawh"

"Kei chu min sawi chhe mahla, a pawi ka ti lo, mahse khaengaih in ka ngen a che, Andrea leh a chhungte hi sawi chhe lo hram rawh, ka pa ngei ai pawh hian ka tan chuan an hku zawk asin, thil mak tak xhu a ni ang mahse thudik ngei a ni"

"Nang hi ka fapa i ni ngai lo, i lo piang ve hi khawvel a ka thil tih sual lian ber a ni"

Min ben tum in a kut chu a phar a, tu emaw hian a ka pa kut chu a rawn vuan a,

"Nang hian a ni hi i tih nat ka phal ngai lo ang, ka fapa a nih hi" tiin Andrea pa chuan a rawn ti a, ka mak ti lutuk chu ka meng phawk nasa ngei mai.

...to be continue...


Dingdongi

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)