WAKE UP CALL 18+ (Chapter -1)

Episode kal lai dah luhna

Moderator: writers

Noah Hringngen
Posts: 225
Joined: June 14th, 2016, 10:29 pm
Location: Durtlang

WAKE UP CALL 18+ (Chapter -1)

Unread post by Noah Hringngen » August 24th, 2018, 1:55 pm

WAKE UP CALL

-Noah Hringngen




Chapter -1
.
"Ka duh lo.....Khawi maw..kal tehh.!!"
.
Ka nu au ri leh tap ri chu ka room a tang chuan a hriat chian theih hle a,ka hlauthawng a,ka thin a phu dup dup a. A rin em a vangin lu um hi a vit ngawr ngawr mai a ni.
.
Ka blanket chuan ka inlukhup a,ka mittui chu ka biang tai tek maiah chuan a rawn luangthla ngiai ngiai a.
.
Ka pa in a ka nu a hlap ri pawp pawp thawm ka hre zui a,chu erawh ka hriat than tak a ni. Ngai a neih erawh a har hlemai. Bedroom a tanga chhuah chu a ngam hian ka ngam lo hrim hrim a,blanket a invial tlat chung chuan kawm takin ka mu a, ka tirilah ka khur der der a.
.
"A tul lo... a ni va khawih a ngai lo". Ka nu chu a tawng ring kher mai. "A nin thiam lohna engmah a nei lo"
.
Inhnit hlawp hlawp chung chuan ka beng ka hup a,chu thawm chuan min kalsan se ka duh a ni. Mahse awmzia a nei tlem khawp mai.
.
Thawm chu a rawn hnai zel a,tunah chuan ka room kawngkhar bul lawkah chuan an awm tih ka hria. Ka hlau lutuk chu ka luak te hial a rawn chhuak a.
.
Blanket kar a tang chuan kan dak dek dek a,chu veleh kawngkhar chu a rawn inhawng thuai a,ka pa zurui chuan ka nu chu chhuatah a rawn theh thal hlawm tawp a. Thisen a chhuak zur zura reilote ah ka nu chuan nikhua a hrelo zui nghal a.
.
Chutah ka lam a rawn hawi a,a mitmeng chu ramsa koham ang mai a ni. Ka au a,ka tap a, ka lam panin a rawn phei zel bawk si,ka maimitchhing ta ringawt a. Ka taksa khawi lai ber chu nge rawn na zawk tih pawh ka hre thei lo.
.
"Aihh.....Ka duh lo...!!"
.
.
Ka thangharh hlawl a,thlan fimin min lo bual huh dup a. Ka kut chuan ka hmai chu kan chul a,ka thinphu rang lutuk tih daih nan thawk kan la hak a. Westville, Florida a ka pemna pawh kum khat lai a liam ta. Mahse chu mangchhia chuan zantin min la bawhbuai chu a nih si hi.
.
Bathroom ah pheiin ka va inphih harh a,ka mascara pher deuh lek lek leh ka sam pheng nuaih mai chu darthlalangah chuan a lang chiang hle a.
.
Sana kan en chuan 10PM a lo ri dawn der mai. Hnathawk tura ka chhuah a hun tawh tlat.
.
Rang takin shower ah ka zuang lut a,tui lum sa ver vawr chuan kan inphuh tir seng seng a. Ka nawhfe hlui tawh angreng tak chuan ka taksa a natna awm zawng zawngte chu nawh bo vek ka tum ta emaw tih mai tur hian ka innawt sauh sauh a.
.
Ka inhru hul a, pawnfen chhing tak a dum ka ha a,silver rawng t-shirt leh silver rawng pheikhawk sang ka bun a, ka phone chu laiin Taxi ka ko nghal a.
.
"1313 Remington ah min dah lawk thei a ngem? Rawn hmanhmawh deuh la"
.
Rei lote ah Taxi chuan ka apartment kawtah min rawn lama,hmanhawh takin ka lut nghal a.
.
Driver pa chuan nuisung chung hian hnunglam a rawn hawi a. "Ka pi...?"
.
"Tase of Poison ah aw..." ka ti hmuk a. "Hmanhmawh deuh teh...ka tlai tawh a nia"
.
Rear view mirror a tang chuan Driver pa chuan min rawn melh leh zuk zuk thin a,tiang mitmeng chu ka huat zawng tak a lo ni bawk nen,ka ngaithei lo kher mai.
.
Tase of Poison kawtah chuan chhukin $10 ka pe a.
.
Kawngka luchungah chuan ligh senno hian 'Exotic Dancers' tih a eng pup a,chu thil ka hmuh chuan ka mittui hi a hnam leh sawk thin.
.
Ka pum chu ka dawm vang vanga,building chhunglamah chuan ka lut a. A chhunga mipa awm ho chuan min lo thlek vung vunga, an mitmeng a tang reng chuan an thil beisei chu hai rual a ni lo. Tiangah hi chuan keimah leh keimah hi ka inten thar leh thin.
.
"Bawih-i helamah hian lo kal teh" phak ang reng tak hian pakhat chuan a rawn ti a. A sam chu a chalah a invaw thla suau a, a dul chu an chul kual pah a.
.
Chu veleh rang takin ka inher nghal vat a,mahse ka rin aiin a che chak daih mai. Ka banah rawn vuanin min phih ding chawt a. Ka mit ka chhing a,thawk ka la vang vang a, ka chunga engmah a thlen loh nan ka rilruin ka tawngtai nghal a.
.
"Kal tehh....hmel-a" a kut chu ka paih thla lawp a. Ka inher a, inchhung ril lamah chuan ka lut tlang nghal a.
.
Music ri ruai ruai chuan ka beng a rawn luah nghal a, stage a tang Stripper pakhat a rawn chhuk chiah bawk a. Puanzar piah lamah chuan mipa rual an ri dur dur mai bawk si.
.
Ka luh a hun ve nghal chu a ni mai a. Ka pum te chu a nuam lo rum rum ni mai hian ka hria a,mipa rual ho lah chu ramsa koham..an hmuh a piang ei zawh nghal vek duh hmel pu hlir an ni bawk si.
.
Thlan tur dang nei hek lo le. Stage ah chuan lawnin Stripper pole lam chu ka pan phei a. Hethil hi ka ti lo a nih chuan ka nghei a ni mai dawn a,hna dang thawk tur lahin qualification ah mi ka phak lo a,experience leh transportation engkimah ka tan chuan tih ve chi pawh a ni lo. Stripper hna hi ka thawh loh chuan khawlai a vahvaih bak hmabak ka nei lo.
.
Club dang angin security tih velah a tha tawk ve bawk si lo. Ka lam lai chuan ka chawn a rawn thip zawk a,mipa pakhat rui zet mai hian a beer cane ruakin min rawn vawm hi a lo ni a. Nuih huah huah pahin beer dang an lam belh a "He hmun hi nuam ka ti ber..." tiin zam lo zet hian an la au zui a.
.
Ka thin a rim ngei mai. Ka chawl dawt a,mahse a nei tupa Pu Kendal-a hian min dawrtute a ngaih pawimawh em a vangin ka thimrimna ka lantir chuan min ban duh mai ang tih ka hlau bawk si.
.
Dressing room lamah ka let phei leh a,a kil lam dawhkan ruak,Stripper dang awm lohna lam chu ka pan phei a. Tumah chu ka be peih lo...mahni inla ve tak tak leh hmasial tak an nih hlawm a vangin. Ka thawh tir a tang reng khan thian siam ka tum ngai lova,tunah pawh a tulna ka la hre chuang lo.
.
"Hey...khawimaw i lipstick kha min lo hawh teh. Ka ta ka pai lo a"
.
Min rawn pantu Stripper chu kan melh chho a. A sam sen hnuang mai chuan a dar a vaw chhap a,ngawi reng chuan kan en vang vang a. Ka mithmul san ak pahin ka lipstick senno chu ka pe a.
.
Stripper dang ho hi chuan an makeup mai bakah thawmhnaw thlengin an intawm a,kei erawh chuan tiang chu ka duh ve lo. "Ti khan i nei nghal dawn nia"
.
"Ka lawm e" tihpah in boruak chu an fawp vel a. "Mi thar i ni ang maw...?"
.
Nuih hak pah chuan ka hawi sawn a, ka be peih vak lo a sin le. "Ni lo ve...thla 10 ka thawk tawh" ka ti hmuk a. Kal vat se ka duh ber.
.
A nui suk a,lawmthu min hrilh nawn leh hnu chuan a kal sawn ve ta a.
.
Lipstick sen lar vet vawt chu ka hmuiah chuan kan tat hlarh hlarh a,mascara ka inhnawih tha bawk a. A dawt lehah chuan sexy police officer lem ka chang dawn a. Dik tak chuan kan costume te hi ka ngaina hauh lo. Ka hne a ni.
.
Leather uniform ka hak zawh chuan ka kawnghren bulah chuan kutkawl senno ka bat a, minutes 15 hun ka la nei. Darthlalang hmaah uluk takin ka inen vang vang a,nalh lo lai reng a awm tur a ni lo.
.
.
~~
.
"Avery...i luh a hun e" Pu Kendal-a chuan a rawn ti a. "Tha deuhin i va che dawn nia" tih pahin a rawn nui suk a. Chhuahna lam chu a kawk a "Tah khan ding reng mah ta che" a meng de ram a.

Ka lu kan bu nghat a,stage love shape a siam lam pan chuan ka chhuak phei a. Mipa hur mit hi a lo tlep nghal tuar a,light chu rawng chi hrang hrang hian a phe zawk zawk a,ka lu a ti hai rum rum mai.
.
Ka maimitchhing a,music rem chuan ka taksa chu kan sawi kual tan a. Ka pawisa hlawh tur ringawt chu ngaihtuah luih ka duh. Ka meng a,mipui lam chu kan en phei a, mipakhat beer um keng pah a lo ding,chiang mangkheng a min lo melh vang vang tu hi ka va hmu a. Chuveleh ka taksa chu electric a man ang mai hian a hit chhuak nghal vek a. A pa lianin hmeltha tak a ni. A banah chuan tattoo a chhu a, a beer ken chu an lem leh sak a,a jeans pawr deuh chhap chu a inhmehin t-shirt nghawng V a ha bawk a. Min aikaih ta emaw tih mai tur hian ka mit ka la sawn thei ta tlat lo.
.
Music a tawp a,mahse ka dinna ngaiah chuan ka la ding reng a. Ka mit ka laksawn theih loh ang bawkin a ni pawh chuan min en ve reng a.
.
Mahse din reng theih ni bik si lo le...Backstage lama ka let leh thleng chuan ka mitthlaah a cham reng a. "Avery...hei aw i hlawh tur $123" Pu Kendal-a chuan ka hlawh tur chu min rawn pe a. "Zaninah chuan a awm tawk viauin ka hria. A lehpekah chuan kha aia tha lehzual khan aw" thu tak hmel zet hian a rawn ti a. Duhthlan tur nei miau lo le.
.
Rang takin a pawisa min pek chu ka la a,hmanhmawh takin chhuahna kawngka lam ka pan nghal a. Pawn ka chhuak chiah chu ban tha chak tak mai hian ka banrekah min rawn vuan a,ka thin a phu nasa in ka kut chu laksawn vat ka tum a.
.
"Nangmah chauhte chuan i haw thei dawn em ni?" a rawn ti thum chhur a,ka kut erawh a thlah chuang lo.
.
"Aw...haw thei e" dam diai a tawng ka tum hram hram a. "Min rawn lam tu tur a rawn thleng tep tawh ang"
.
A tawp a tawpah chuan ka ban chu a thlah ta hram a. A kekawr ipte a tang chuan zial phawrhin an tan a. "A nih zan hman nuam le bawih-i". Ka lu ka bu nghat a,ka inher vat a.
.
Thler piah deuhah chuan Caleb a'n min lo nghak ran tawh a. "Rawn lut rawh" a rawn ti chhum hmuk a. Keipawh chu rang takin a Car chhungah chuan ka lut a. Caleb-a hi chuan ka hna hi a ngaitheilo tih pawh ka hria. Kum 25 a ni a,tlangval hmeltha tak, sam buang buk deuh chhap leh mitmu sen ralh mai hi a ni a, mipa tawih tak chu a ni. Mahse ka tan erawh a ni lem lo.
.
Passenger seat ah chuan thuin ka bag chu ka pawm ran a. "I duh leh awih suh...ka inveng ve thei a lawm" kan ti thla nghal ringawt a. Caleb-a chuan min rawn melh zeuh a,engmah pawh a sawi peih lo.
.
"I hlawh khawl la,hna dang zawng vat ang che. Tiang hi chu nang ang hmeichhe thawh chi a ni lo" lungawi loh hmel zet hian min rawn en a.
.
"Nia....kan tum dawn nia" ka lo ti sam et a,tiang zawnga inbiak chu ka peih lo.
.
Ngawi rengin motor ah chuan ka thu a,ka mitthlaah erawh kha pa...tunge a nih pawh ka hriat si loh kha a lang reng a,tiang hian mipa chhelo leh hmeltha tih deuhte chu ka lo tawng ve fo tawh. Mahse kha pa kha chu a mitmeng ah khan danglam bikna a awm tlat.
.
Ka apartment kawtah chuan motor chu a ti ding a,a engine pawh a off nghal a. Caleb-a chuan ka lam a rawn hawi a,ka ban a rawn vuan a. Mahse rang takin ka kut ka lo dah sawn nghal vat a.
.
"Eng nge a awmzia Avery...? Tiang hi chuan rei loteah i nun a la chhe vek mai ang"
.
"Ka nun chungchang hi engmah hriat i nei lo" kan ti nghal a. "Nang hian thla 10 chhung vel chu min hre ve tawh a,chu zawng chu a ni. I rawn lut dawn nge dawn lo?"
.
Min rawn en a,a lu a bu nghat a. "Lo luh loh ten le" tihpahin a Car a tang chuan a rawn chhuak a. Tian pawisa aiah ka taksa ka hlan a,chu chu a ni mai.
.
Ka apartment chhungah kan lut chiah tihah chuan a kawr hmaah thamin ka lamah kan pawt hnaia, a perfume rim chuan min ti za zar mai. A nghawngah ka kuah a, a hmai chu ka lamah ka pawt hnai sauh a,kan hmui chu a insi zui nghal a. Ka kut chuan a kekawr a thleng thla nghal a,a zipper ka phelh sak sawk sawk a,room lai taka thuttleng fai lem lo takah chuan kan thal dun nghal a. Hawi lam bik pawh nei tawh hran lo chuan kan rem dan ang zawng zawngin kan let dun tawp tawpa, keipawh ka kawchhunga ramsa awm chu rawn chhuakin zahpah tehchiam ka nei tawh lem lo.
.
.
.
Darkar khat a liam hnu chuan kan chau dun hlemai. Mahse hetah a riak ve tur a ni lo. A thawmhnaw chu ka chhar khawm a,a lamah chuan ka theh phei a.
.
Mak tih hmel zet hian min rawn en a, "Ni e...kan haw a nge" tihpahin a thawmhnaw chu a ha mual mual a. Engtia chutiang a ngeiawm taka che nge ka nih pawh ka inhre lo.
.
"I rilru ka thlak sak theih che ka inring a sin le Avery" a mitmeng chu a vawt raih a.
.
"Ka hre lo le. Mahse tunah erawh i thlak thei lo chu a nih hmel" ka lo tih khum hmuk a. Ka lakah feeling a nei tih pawh ka hria,mahse chu tin kei erawh chuan ka pak ve lem lo.
.
"A tha e..." a tho a,kawngka lamah chuan a chhuak nghal a.
.
Kei pawh chu bedroom lamah lutin ka khumah chuan ka bawk thlawp a. Zinglam dar 2 a ri tawh a,mahse ka la mengkur mai. Khang mangchhhia kha ka hne takzet. Ka lukham dup tak mai chu nghengin ka maimitchhing a,ka mittui a rawn hnam tiam tiam a, tla lo turin ka dang hram hram a.


END OF CHAPTER -1



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)