Fiction ......4,5,6

[Twins Mom]

Fiction.....4,5,6
.
Lucy Jun Hauhnar Bests
.
.
No. 4,5,6
KHA HMEICHHIA KHA
Based on true story
( Fiction )
.
.
.
Ka Office kal tur chu ka buai leh hle mai. Ka tih than dan in Bus ka chang mek a, bus chu a rawn thleng ta. Ka luh tur chiah chu Hmeichhe pakhat bawrchhawr deuh mai hian min lo nek lut bawrh bawrh a. Seat chanloh hlau ni awm tak in seat awm ah chuan a thu nghal than a. Tukver chu hawngin pawnlam chu a hawi nghal chat a. A bul chiah ah chuan ka va thu nghal a kei pawh chu thutna dang awm tawh heklo a bula thut mai loh chu. Tichuan bus chu a kal tan ta bus Conductor chuan bus fare a rawn khawn tan ta. Kan bul a rawn thlen chuan ka bul a nu chu ala awm ngai in tukverh lam chu a hawi ta reng a. Keichuan bus fare chu ka pe a, ka bul ami chu kan nghawk zeuh a arawn hawi phei chu a mittui a parawl kuang a " Ka pu min ngaidam hram rawh. Bus fare tur pawh ka nei lova " in thlahrung tak chuan a tia. Keichuan " keiman ka lo pek kep ang che lungngai mah ta che. Khawilai nge i thlen dawn Ka pi " ka ti a. "Bawngkawn ah ka kal dawn a " a tia. Bus conductor hnenah a fare chu ka pek sak ta a.
" Nula, ka va han lawm tak em. A let in Lalpan mal sawm che rawh se. " Lawm avanga mittui tla chung chuan a ti a.
" E....ka pi kei deuh hi a lawm le lawm zawk chu. Khangte chu engmah tham pawh a nih loh kha. Pui thei che a ka awm hi ka lawm zawk a sin. In thlahrung miah suh " ka lo ti ve a. Tichuan ka Office kal na tur hmun ah chuan ka chhuk san ta a. Ka chhuk chu min lo en zui vang vang a, ka ngaih te pawh a tha lo let ling zawk hial min lo en dan kha. Thil eng emaw ni a chungah thleng a awm tih ka hrethei....keimi chik mi tak ah.
Kan Office ka lut chu ka thiante ka thawhpui ho chu an lo zi mur mur a. Kan pu te zin tur in thil mamawh anneih nual avangin an lo buai hle hi alo nia. Keipawn ka theih ang in ka pui nghal a....mahse ka hnathawh pawh chu ka tui meuh lo, ka bus chuanpui nu ngawt khan ka rilru a luah a ni. Chhun chawlh lai pawn ka rilru ah awm reng avang chuan ka thiante chu ka hrilh ve a. An ni pawn la hmu ve lo mahse an khawngaih ve hlawm ngei mai. Kan Office bang bus ka chang leh a chutia ka chan lai chuan ka hnung atang hian tukin a ka bus chuan pui nu khan min lo ko chawt a " Nula " tiin. Hming kan la inhriat tawn loh vang ania. Ka hmu leh chu mak ka ti hle mai a " Mami ka lo nghak tawp che a, rem i tih chuan ka kawm lawk duh che a " inthla hrung tak chung chuan min lo tia. " E....ka hman teh reng mai. Kal rawh kan inlam ah kan in kawm dawn nia. Lut phawt ila " ka tia bus ah chuan kan lut dun leh ta a. Kan in kan thlen chuan alo lut zak deuh va mahse zaklo tur in leh tumah an hlauh awmlo thu ka sawi hnu chuan ka hnungah ti dak chungin min zui lut ve ta a. Ka pa leh ka nu te bakah ka unau te leh an thiante ho chu an lo awm khawm luih luih a. Min hmu chuan min lo en deuh tham hlawm a thian ka hruai luh avang chuan. Ka thian thar anih thu leh kan in a leng tur a ka sawm hawn a nih thu ka sawi hnu chuan an lo be ve nghal siam siam a. Keichu in thlak tur in ka luh san phawt a, ka in thlak zawh chuan kan inchung ah ka nau te ho inkawm hlimna tur ka pa in room te pakhat a siam sak ah chuan ka chhoh pui ta nghal a. Ka nu ka text a " Ka thiannu hi chaw lo chhum kep tur in leh ei tur atam thei ang ber ka nau te min lo pek chhoh tir turin " ka tia. Ka thian thari chuan nuam a tih hmel in a thla amuang tih ahmel ah ka hre thei nghal ani. A mah hi ka pi ka ti tak nang a nula si lam kan tih ang vel khan ala va lai tha in ahmel pawh a chhe lo hle mai. Mahse a nun ah thil khirh khan tak atawng tih a hmel ah hian a hriat a ni.
" Hming te kan la inhrilh miah lova. Kei chu Lalremruati Remremi min ti mai dawn nia " ti in kan in kawm na chu bul kan tan a. " Ni dawn tak ti rawh, i bulah ka awm a ka thla a muang nge ni ka lo theihngilh daih alawm. Lalsiamthari ka nia siamte min ti thin a " nui vur vur chuan a ti a.
Ka nau ten ei tur chu an rawn dah a ei tur in leh inthlahrung miahlova ei theuh tur in ka ti nghal a. Zing atangin engmah ei lo tih hriat tak in a hap lut nghal bawrh bawrh a. Ka lo en reng a thingpui in pah chuan hmuh nawm ka ti zawk mah. Ka khawngaih in ka lai nat tak zet a ni.
.
Thil ei tur te kan ei zawh hnu chuan
" usiamte, eng vanga min kawm duh nge i nih chu min hrilh thei tawh a ngem ? " kan ti nghal tawng mai a. Sawi tur avang bawk sia ka tih mai loh chuan.
" Aaaa, nia a hmasa in i chungah hian ka lawm tak zet a ni. Tunah chuan ka puar in tha ka nei let leh ta ni ber in ka hria" a tap a hnuailam pang chu a melh run a. Chutah a arawn hawi chhuak leh nghal a amittui hruk pah chuan. " Ka kawm duhna chhan che chu maw i bulah hian ka thla amuang ruk em avangin zah pawh dawn lovin i chhukna ah khan ka lo chhangta tawp che a ni kha ( A ho lutuk kha te chu Pawi ti reng reng suh ). Chuan i bulah hian ka hringnun kawng bumboh tak hi sawi ka duh a ni. chuvanga kawm duh che chu ka nia " an tap leh rih a.
" E....in thlahrung ho lovin han sawi par par teh. I unau nu bula i sawi ang ah ngai tawp rawh " ka lo ti ve vat a. Keipawh chu ka in sum thei biklo, ka mittui alo luang ve hman tho.
.
A aw an thian karh karh hnu chuan
" Kei hi mirethei leh vanduai bik tur reng reng a lo piang leh seilian tur ve reng ka ni nge pawh ka hre lo. Ka chungah hian vanduai na hlir in thla a zar a. Vanneih na hi ka hmu ve ngailo ang tluk ka ni. Ka pa hian kum 7 mi ka nih in min boral san tawh a. Keimah chiah hi ka piang a keimah chiah hi fa min nei ka tih na a nih chu. Tichuan ka nu nen chuan thingtlang atangin khawpui zawk lam ah Aizawl ah kan rawn pem lut ta a ka pa min thihsan hnu chuan. Chhung leh khat kan neih loh avang chuan hreawm kan ti thin hle mai. Hun alo liam zel a kanu chuan school ah min luh tir a, ka school hlan in bazar ah chawhmeh te alo zuar / vah kualpui thin a. Kan school ban in inah ka nu alo la haw hman loh chuan keimah te in ka lo awm tawp mai zel ani. Chaw chhum vel chu ka tih thiam ve avangin ka thei ang ang in ka nu chu ka lo tanpui ve thin a. Ka nu lo haw chuan chaw ei te ka lo peih ve hman diam zel a. Ka nu pawh a lawm ve thin hle mai.
Tichuan le thingdelh loh lung delh loh na na na chu ka lo thang lian ve zel a. Ka nu ka chhun nge ni ka hmel pawh a pangai ve hle.( a nui suk a ). Ka pian lah chhe zawk zawk a nilo bawk a, ka luck ve thin khawp mai. Mahse kan din hmun in zir miau heklo le, a hminga min lo duh der ve ngawih ngawih tu te pawh chu ka be tha ngamlova ka hnaih ngam ngai hek lo. Pawlsawm ka zir kum hian ka nu chu a hrisel lo ta tan a, eng eng emaw ni insawi selna a nei tan ta a. Keipawh in sikul chu chawlhsan mai ka duh ta rum rum mai a. Mahse ka nu in a phal tlat loh avang chuan ka nu chu ngaihtuah hle mah ila ka kal san leh ta nge nge thin. Kan sikul ban ve leh ka nu chawhmeh lo lak sa te chu zak ve thin hle mai ila zak thei din hmun ah ka ding tak si loh vah chuan kan thenawm khawveng te in ah ka vah kual pui thin a. Thenkhat chuan kan din hmun hria in min lo leisak ve thin a ni. Ka hralh zawh vek hi chuan ka hlim haw thei ngei mai ka nu hrilh hlan hi ka nghak hlel thei tawp. Ka nu chu a ni telin a thla hniam a, a chau tak zet a ni. Damdawiin ah kan kal ta pui ta a kan in neitu te nen. A chhul ah bawk alo awm a, chu chu Cancer alo la ni zui.....ka hriat hlim chuan ka rilru hi ana ngawih ngawih. Tih thei nei heklo le inlam ah awm tawp bak chu. A khua asik emaw na a neih emaw chuan tuilum leh nachhawk na bak a ei ngai lo kan neih chhun a ni ve bawk sia. Yma leh veng chung kohhran ten an lo hria a min lo tanpui ve thin tak na engmah kan an pah silo. Kan exam a hnai tawh si ka nu lah kal san ka hreh si ani lah in sikul kal loh a phal der si lova. Ka sikul kal chhungin a mah te in alo awm tawp thin ani.
.
Kan exam pawh tha tak in kan zo thei ta chu ka thaw veng huai thei. Mahse ka nu erawh a chhe chak hle mai a engtik hun ah nge kapa bulah min kal san ang tih hi ka ngaihtuah ran thin. Ka lungngai lawk in a ruk in ka nu hriatloh vin ka tap ru fo thin.......( A in sum theilo a tap ta zawih zawih phawt a. keipawh ka ni tho)
.
A sawi zawm hma chuan " Ehe, dar eng zat nge ni tawh ? A tlai tawh viau lo maw ka haw na tur a hla si " a tia. " Hetah chaw ka chhum kep tir vek tawh alawm. Lungngai suh haw lam pawh kan thlah dawn che nia " ka lo tia. A ni chuan " a chi lo ang kan fanu te bulah ka dah tawp sia " a tia. " Lungngai suh kan thlah dawn che alawm " ka tih tak ah chuan a awm ngai chuan a awm leh ta a. A thu sawi lai chu asawi zawm leh ta a
" Kan exam result chhuah ni chuan ka nu chuan sikul ah va kal ve rawh ka ngaihtuah awm lo e " min tih avangin huphurh takin ka kal san leh a. Mahse ka nu ka hmuh hnuhnung ber tur ni a ang tih hria ila chu ka kal hauh lo ang male. Kan sikul ah ka thleng chu kan sir ten min lo chibai ve liam liam a ka pass vang chuan. Ka result kan en chu First ah ka lo pass ve hlauva ka lawm dan chu lawm tak ka ni, ka tlan haw nghal vat vat a. In ka thlen chuan ka nu chu chhuat ah alo let rum mai kan ko thin ka ko ei thei tawh lo. Ka tan chuan hemi ni ka nu min boral san atang chiah hian ka vanduai na chu a in tan ta ni. Khatia ka nu min boral san tak hnu khan ka nu min ral na neuh neuh leh tanpui na min pek tlem azawng te chu ka nu in a dam lai a Bank Account a hawn ah chuan ka dah tha hmak a, keimah te a khawsa ka nih tak ah chuan ka ei pawh a hau tak lo. Midang pawn min awm pui an chak lutuk mahse keiman ka duh lova keimah te a in chawm kha ka thlang ta zawk a ni.
Tichuan keimah te in ka awm hnu kum khat liam a, kum khat dang leh a liam leh meuh chuan keipawh midawr ah ka in hlawh ve a. Nula pui tling la nilo mah ila ka kum phulovin ka taksa a tang lian a, min lo duh der tu te an lo awm leh tan ta. Dawr a ka thawhna te fapa chuan min ngaizawng ta tlat mai le. Tih ngaih na ka hre silova ka dawr thawhna atang chuan ka bang ta nge nge a. Hmun dangah ka thawk ta daih a mahse min ngaizawng tupa chuan min la tibuai fo mai. Ka thawhna thar te chu an fel em em a, min duat hle bawk. Thla hnih ka thawh hnu chuan Ka thawhna hmasa te fapa chuan min tih buai reng avang chuan Ka tum loh pui in ngaihzawng ka nei ve ta a. Min tih buai chu a la sim chuanglo, rui chungte hian alo kal a dawr ah chuan. Min ti zak thei khawp mai kan in ka hrilh duh loh avangin kan in ah em chuan min lo kal hnan lova. Ka bialpa chuan a khawih hrep hnu chuan min lo tibuai khat taa. Ka awm pawh min ti nuam hle tawh ani. Ka bialpa chu hnathawh em em neilo rem chang apiang a inhlawh fa ve mai thin a nia. Min duat in min ngaihsak hle, chutia kan in kawp reng tak ah chuan kan che sual ta. Kan chet sual chuan rah a rawn chhuah ta nau ka pai ta mai le. Ka mangang khawp mai ka naupai chu tih tlak erawh ka tum lo bur mai ani. Ka bialpa chuan min neih a tiam ang in an in ah chuan min hruai lut ta, mahse a chhungte chuan min duh lo ngang mai. Thlakhat pawh ka awm hma in kan in bul hnai leh an hmel hriat te bul ah min rel cham chi a. An sawina te hian aruk in min hrilh leh thin a. Mahse keichuan ka ngawih bopui ta mai mai a. Chhiar hlawh chhawr in min chawr thin a mo pui Pahnih ka neih ve reng chung pawn kei chu ka awl ngailo. Ka Mopui te chu an that chhia in min rel/ sawi chhe reng bawk si. Ka naupai vang chuan ka dawh hram hram thin a arei anga hetiang hi ka ni reng bik nang ka tia ka inhnem chawp ve thin. Tichuan tlaikhat chu kan pa chu zurim a rawn nam haw ta tlat mai a, kan inngaih zawnlai khan vawikhat a in pawh ka hre ngai lo. Kan han mu a leh lam min hawisan daih a. A zu invangin ka lak ah a inthla hrung a niang ka tia ka ngaih tha awm ta mai mai a. Mahse a lo ni hauhlo, a chhungten an lo fuihfawrh thin chu niin ka awm loh hlan in. Kei lah thenawm te panhnah ilo ka naupuan man tur ka tuak e ka tia ka kal bo hlan in an lo fuih thin a ni. Zan khat chu tlai takah a rawn haw a rui tak mai hian
" Nang hi ka hlau ru riau che....tuna i pum chhunga nau te pawh kha ka fa pawh a nih ka ring leh ta tlatlo " khum a mu chung chuan min ti a. Ka rilru hi ava na teh reng em...." Engvang ngawt chuan nge i fa chu a nih lo ngawt ang, nang bak tu nge ka mutpui thin. Nangmah ngeiin ka thianghlim na i tih chhiat kha i hre na nge " tap pur chung chuan ka tia. A lo muhil daih tawh a ka muthei ve tawhlo ka tap ta char char a. Zan lai ah chuan kan pa chuan " Ka thawmhnaw hi min lo phelh sak teh " min rawn tia. Ka phel sak ve mai. Mahse ka thil hmuh chuan min va han vel leh chiang em. Kan pa kawrlum chhung lam ah chu Tu underpant nge tih pawh ka hriat loh chu ka khawih fuh ta a nih chu. Ka rilru na lutuk hi tah pawh ka tap hlei theilo ka tlaivar thak ani. A tukah chuan ka hna leh inchhung khur chu ka che leh ta ngat ngat a. Tlai velah chuan ka lu a nat em avang chuan ka mu zal a ka lo muhil daih a. Mahse rei pawh ka mu lo ang tih in Kan pa nu chuan " Tho vat teh i that chhe leh lutuk mai. Hei eirawng bawl angai nia tumah kan hman lo. Na hman pawh i nih loh kha lo chhuak vat rawh " min lo ti nghal bawrh bawrh a. Engmah ka sawi ve ngam silo keilah ka rit ve tawh ropui si luna tun chungchuan ka chhuak ta a. Midang ho ka Mopui te chuan Tv an lo en mai mai lek hi a nia. Ka thin in a tuar ta nganglova " Mo in ni ve ani lawm ni. Hetiang hian em ni mi ina mo ni tur in in awm. Ka raipuar lian tawh a ka rih ve tawh em hi. Nizan ka mu bawk silo tun tum tal chu min awl ve hram theilo em ni " kan ti dek dek chu kan pa nu in alo chhan a. Min an khum ta hrep mai. Ka tih ngaihna hre lo chu ka chhuak ta daih a, ka inluah kha ka nu nen a kan awm na thin a nia aluahman a to lo bawk ka thawmhnaw thenkhat leh ka nu thil ka la a chutah chuan ka kal ta daih a. Ka muttui lai chuan ka kawngka chu a rawn in sawi ta vak vak mai le. Kei la luna pawh sawilo vin peih lo chung chuan ka va hawng a, tu nge ka hmuh chu Ka dawr thawhna thin te fapa sual tak mai chu lo ni in. A rawn rui ropui leh nghal a ka luh san ta daih a, amah chuan a awm ta a. Kei khum ah ka mu a , chutih lai chuan kan pa chu alo kal ta min ngaizawng tu pa alo awm ve bawk si a thinrim chu kut min thlak nghal ta vak mai a. Keilah engmah ti thei heklo ka lo dawh tawp a. min ngaizawng tu pa lah rui si a min lo thelve atum a kan pa in khawih tak hrep avangin min chhan thei ta silo. Mahse ka vannei akan in neitu te an.rawn chhuk hlau va kan pa chu an rawn hnawt chhuak thei ta hram a ka va lawm tak em. Keichu ka lu leh ka hnar atangin thi alo luang a mahse ka ngaih tuah awm hranlo. Min ngaizawng tupa kha a har tak miah loh avang chuan ka mang ang zawk. Kan in neitu ten an lo hriat hlauh avangin a chhungte chu an ko ta vat a. A chhungte an lo thlen chuan keima thiamloh ah bawk min rawn puih leh ta. Mahse in neitu nu thinrim chuan a ankhum ve ta nghek mai a, min lo chhan ve avang chuan min tu ngam ta lo va an fapa chu an hruai chhuak a an haw ta nghal a. Kan neitu nu hian ka nu tlukin min hre chiang em alawm. A chhan chu Aizawl kan lo luh atangin kan awmna nia kum 9 pawh ka la tlinglo ang tih in kan awm tawh a ni kan in ah hian. An mah ni chuan ka hliam vel chu min buaipui a ka thla muang ngei mai. An fanu ka kawm ve zeuh zeuh chuan min riah pui ta a chumi zan atang chuan. Katia kan pa in min khawih hrep atang khan vawikhat pawh min rawn ngaihtuah lo hrim hrim a. Keipawn ka tumlo bawk a ka fa ko piang tur chu ngaihtuah ran chung in ka hun leh ni te chu ka thlir liam ta a ni.
Tichuan thla 2 keimah te a ka khawsak hnu chuan ka naupai zan chu ka pum a rawn na ta vak mai le, kan in neitu te bawk chuan min buai pui leh a. Damdawiin ka thlen hnu rei vak loh vah Nau chu ka hring ta nghal a. Hmeichhe duh awm tak mai leh no sen suk mai ka nei ta. Ka va han hlim tak em ka khawhar min hnem tu tur ka nei ta ti in ka tawngtai nghal.mawlh mawlh a. Damdawi in ah riah pawh ngailovin min haw tir leh ta nghal a. Ka naupuan tur vel ka lo lei sa hlauh va ka vannei hle mai. Ka fanu chu rin ai deih in a fel em em a zan ah lah a tap ngai lo ang tluk a ni ahnu te duh a rawn tap tih mai loh chu. A nu hi ka tawrh nasat zia min hriatpui anih dawn hi ka ti mai zel a. Tichuan keipawh ka chak.tha leh tawh hle mai, a pa in rawn ngaihsak atum lo bawk a ka tia bawihtei thla 2 anih hnu in kan in awmna ka sawn ta daih a. Kan awm na vengah chuan ka sikul kalpui thin ka thiannu a lo awm ve hlauva ka thla muang khawp mai. Ama zar ah hna te ka thawk thei a ka fanu chu anin min lo awmsak thin a. Mahse ka va hlim rei silo em, vanduaina bawk in min lo tlak buak.leh ta. Ka fanu chu tunah hian thla 10 a hmang mek a, a thisen a cancer tih ka hre leh ta. Ka vanduai na hi a thuah hnih tak zet a sin......( a tawng thei tawhlo a tap char char a keipawh ka tap ka insum thei bik lo )
Vawin khan apa te in ah an tunu leh an.fanu ve tho ania tiin ka va kal a. Mahse kan pa chuan nupui dang alo neih bakah ka fanu chu " Ka fa pawh ani hleinem. Engvangin nge ka sum ka sen ang. I duh leh i bialpa kha a hausa ani lawm ni va dil ta che " min lo ti ta hrep a. A nu phei chuan " I hmel te i la rawn lan ngam leh nghal alaw, kan tunu pawh a nih loh kha tanpui na te min la rawn dil ngam zawk a. Kan inchhung hi rah pawh rap tawh suh " min lo ti bawk asin. Tunah chuan ka tan hian dam hi ka thla hleh tawh lo tak zet ani " a ti chuai ta raih a. Pawn ah ka nu in min lo ngaithla ru reng chu ni in ka nu pawh chu arawn tap lut ve nghal bawrh bawrh a. Kan pathum chuan kan tap nasa ngei mai.
Kan han in hnem leh fe hnu chuan a fanu chu a ngaihtuah bawk si nen Chaw pawh ei ta lo chuan min chhuahsan mai atum a. Mahse ka nu in aphal ngang loh avang chuan chaw chu tlem a bar a, a chhuah hma chuan ka nu in kan pawisa khawl sa chu tam lo mahse a rawn pe a. Ala duh miah lo leh nghal a mahse ka nuin a pek.luih tlat avangin ka ve ta hram a. A han chhiar a " Cheng sing khat leh sang nga hi maw min pek a. Ka awi theilo zawk.....mahse hei ka kut ah ka keng ngei bawk si a. Lalpa ka va han lawm tak em.....Min hmangaihtu ka tawng ta e. Ka lawm lutuk o, Lalpan malsawm che u rawh se " a ti ta mawlh mawlh a. Kan chhungkua chu kan hlim ngei mai.
Tichuan ka nauvin an in thleng a va thlah ta a.............engtin tak khawsa zui ang maw tiin ka tawngtai na ah ka hre reng thin.