AFTER Chapter 2

[Ellie Sanders]

Darkar khat dawn ka nu in parties leh mipa chungchanga min warning hnu chuan haw tumin pawn lam pan in a chhuak ve ta hram a.. Amah Carol Young style ngei mai chuan rang zeta min kuah thuakin ka biang ah a fawp zeuh a. Noah hnenah pawn a a lo nghah tur thu sawiin pawn lam pan chuan a chhuak ta a.
"Nitin ka hmu thei tawh dawn si lo a. Ka ngai dawn lutuk che" min kuah vang vang pahin Noah chuan a ti a. A rimtui inkah, ka ngainat em avang a kum thum chhung a zawn a Christmas a pianga ka leisak thin chu hnim in ka hip lut vang vang a... Heng a rim te leh duat tak a min kuah thin te hi ka ngai dawn takzet!
"Keipawn ka ngai dawn lutuk che.. Mahse nitin kan inbe thin dawn alawm" kuah ngheh sauh pah chuan ka ti a... "Kumin ah hian lo lut ve thei la ka ti takzet!" a nghawng a ka hmai phum pah chuan ka sep a. Noah hi kei ai in inches tlem te chauhin a sang a, palian pui mi din hliah run thei khawp anih loh vang hian ka lawm... Palian hi ka ngaisang ve emem lo! Ka nu in pawn lam ah car horn a lo hmeh rik sek avang chuan a tawp nan min fawp leh vang vang a, a chhuak ve ta a...
Ka nu leh Noah te an kal liam hnu chuan ka thawmhnaw leh bungruate chu la chhuak in ka inremfel tan ta a. Ka thawmhnaw te chu fel taka thlepin thawmhnaw dahna ah chuan ka remfel thlap a, khai ngai ho chu felfai takin ka khai thlap bawk a. Room side leh lam pang ka en chuan ka ner deuh sak a, mihring hi a lo inan loh theih khawp anih hi!
Ka chauh deuh avang chuan khum ah chuan ka mu zal a, lunglenna thlarau in min zem chiai2 a, ka roommate lah hi a awm tlem dawn hmel nasa mai sia..tinge roommate inkhung peih tak leh lehkhazir peih tak ka neih zawk loh le....?? A...a tha zawngin ngai phawt ang a chhan chu keimah chauh in room ka chang tam a, ka duh dan danin ka khawsa thei zawk dawn alawm! College chu ka rin ang a ni dawn lo top mai! Mahse darkar rei lo te chauh a la nia, naktuk te chuan tiang ang kha ani tawh bik top nang...
Mut hmain ka textbook leh planner la chhuakin kumin chhung a ka class neih dan tur leh Literary Club zawm ve ka tum dan vel chu ka ziak fel hmasa thlap a. Naktuk plan atan bik chuan bazar tur a chhuah a room a keima lam side atan a mamawh ho lei tih ka ziak tel bawk a.. Ni e, hei ka nih dan ani, plan lawk sa vekin engkim ka ti thlapthlap thin. Car ka la nei lo hi vahvel a ti buaithlak dawn riau mai, a rang thei ang ber a lei vat tur ani. Graduation gifts ka dawn ho tangin car leina daih pawisa chu ka nei sa reng tawh a, mahse a hma kha chuan mamawh emem a ka la inhriat loh vangin ka ngaihven rih lo kha ania. Vawiin a thil thleng zawng zawng te ngaihtuah kual chung chuan ka muhil ta riai riai a.
A tuk zing ka harh pawh chuan Steph khum chu a la ruak huai tho! Mipa pahnih zing a tu emaw zawk kha a bialpa anih ka ring. Sambuanga zawk kha nise ka tihpui, pakhat kha chu a sual hmel em mai!
Ka toiletry bag chu la in shower room lam chu ka pan a... Dorm a awm ka duh loh na chhan emem chu bathroom kan intawm vek vang hi ani! chu ta karah mi pa leh hmeichhia hman tur a awm hran lo zui!Engatinge maw room tinah an dah mai loh! Mi an lo tam loh ngei ka beisei! Naktuk atang chuan hma tak ah alarm ka set a nga mi thawh hma in ka inbual ziah tawh ang!
Shower lah chu a la lum har emem zui a! Rei fe tui lum chhung ka nghah hnu chuan ka inbual ta chauh a. Ka inbual pah chuan Noah ka ngaihtuah pah mai mai a, ka lo ngaihtuah tui deuh nge towel ka ban tur chuan a bul a ka ban ka thawmhnaw hak tur a ka dah chu ka vai thla ta hlauh mai!Ugghhh ..tui ka la off si lo a a huh nghal vek! a va han chet khir theih tak....! Towel chauh veng chungin corridor ka paltlang a ngai dawn! Hmanhmawh takin ka thawmhnaw ka khawm sawk sawk a,hawi kua zukzuk chungin ka room lampan chuan ka tlan ta vak a. Ka room ka thlen chuan chahbi ka rawlh sawk sawk a ka hawng thuai a, ka hahdam huai thei...oh ni lo! Ka hahdam leh lo engthil nge ka hmuh hi! Kha misuala kha Steph khum ah lo mu in min lo en reng anih chu!!!
"Ummmm... Khawnge Steph?" tiin ka zawt a... Ka towel ven chu ka pawt khawm sauh2 a hnuai lam bih in ka taksa a khuh tha em tih ka en nghal vat bawk. Min chhang lo chuan min en reng ringawt mawle!!
"Ka sawi i hre lo ami? Khawnge Steph ka tih chu?" a ai a polite deuh in ka zawt nawn leh a... Chutah zawi te hian , "Ka hre bik nang" tiin a phun sup ringawt anih chu! Steph khum bula tv chu on in a al en hmak zui! Steph awmna hre si lo enge hetah a rawn tih reng reng!? Room te pawh anei ve lo amaw ni... Na tak a ka tawngkhum loh nan ka insum tang tanga.
"Well..... Anih chuan i lo va chhhuak thei angem? Inthlak lawk ka duh a" ka ti a, towel nen chauh ka awm tih pawh a hriat hmel loh., a... Hriat chu a hria anga, mahse eng he hu ah a ngai lo anih hi!
"Inchhuang khanglang lo mai teh! Ka en dawn che pawh ni hlei lo" ngeiawm zet a khuh kharh2 pah chuan a tia, lehlam hawiin a hmai an hup ngei ah..!! A aw atang ringawt pawh chuan British ani tih a hriat.. A English awphawi chu a ri ril ruih mai! Engatinge British a nih si chuan WSU ah daih2 a rawn kal ve le...!Huss.. Ka buaina tur ani lo em mai... Ka en dawn che pawh ni lo a tih kha enge a sawi tum aw... Gay a ni nge, hmelchhia min tia min en peih loh hrim hrim vang pawh ka hre nek lo e.!
"I la zo lo mi?" A rawn ti bul leh hmuk a... Ka thinterek a ko chhuak ta!
" Enge maw i buaina le? Ka room ah zawk i awm a, chuti chung chuan min la ngaithei lo zawk ania! I chungah tihsual ka nei ami heti tak a ka chunga i sual?"ring zet chuan ka ti ta hrep a! Chu ti tak a ka tawgkhum chu a ring bik lo aniang mak ti hmel a pu ve deuh!
A ngaihdam dil na ka nghah lai chuan ngawi rengin min en a, chutah za em2 hian a rawn nui chhuak phut anih chu! A nui ri lah chu a mawi phian leh nghal mawle... Chhungril a fan raih2 thei! A nuih zawng a biangsum lo lang ka hmuh phei chuan a tha ka ti takzet! Mi mawl ang mai ka ding ngawi reng ringawt.
"Ka rawn tlai a pawi ka ti lutuk hangover ka pe na deuh alawm mawle" kawngkhar in hawn rual in Steph chuan a rawn ti lut bawrh bawrh a. Chutah Harry nen chuan min en tawn ta sek a "Sorry Tess, Hardin a lokal dawn tih ka hrilh lawk lo che a" a ti ta a.
A hma kha chuan Steph nen hian engtin tin emaw kan khawsak dun ve nawk nawk theih kha ka ring ania, mahse a thian duhzawng ho ka ngaihtuah hi chuan ka ring vak tawh lo!

" I bialpa hi a sual hle mai!" Ka inrin hmain ka sawi chhuak!
An pahnih chuan an in en a za tak hian an nui ta vak ... Ennge maw heng ho hian min nuih reng le...?
"Hardin hi ka bialpa ani hleinem" nui reng chung chuan a ti a.
"Enge i lo sawi a?" Hardin lam chu hawi pah in a melhrum deuh a.
Ka lam rawn hawi leh in "Hardin hi chu mi a kawm ve dan hi a dangdai deuh a" a ti a... A sual tih a sawina chi khat ah ka ngai hmiah! Hardin lah chuan engahmah ngai lo hian tv channel a hmet kual zut2 ringawt!
"Zanin ah party a awm dawn a, i lokal ve ang chu tiraw Tessa?" huhhh.... Ka nuih hun a thleng ve ta!
"Party tih vel hi ka ti ve ngai lo, bakah bazar a chhuah ka lo tum a" ka ti a.
"Come on Tessa, college anih hi..... Party vawi khat lek mai mai te chu a pawi hleinem.... Bakah car i nei lo ani lawm ni? Engtin nge i kal reng reng anga?" tiin min zawt a...
Party naa kal ka duh lo hrim2 ani top mai. "Tumah hriat pawh ka nei ve si lo, bakah zan ah Noah nen video chat kan tum a......" Hardin a lo nui leh hmanhmawh! Ngai pawimawh lo luiin, "bus in ka kal mai ang" ka ti a...
"Saturday a bus chuan te chu i duh dawn teuh lo.... An tawt thei ltk ringawt! Hardin hian a haw pahin a hruai pah thei ang che. Tiraw Hardin?? Chuan party na ah chuan keimahnmin hre dawn alawm! Kal ve rawh aw Tessa please .." A kut pahnih suih zawm a minngen chung chuan a ti a..
Steph hi ni khat chauh ka la hria a, ka ring ngam angem ka hre lo, a ngainat awm viau... Mahse party?????
"Ka hre lo leee.... Chuan dawr a min hruai tur in Hardin ka duh lo bawk!" ka ti a... Hardin chu mengrang vel chungin a khi thaw mai! "Oh no.... A van pawi tak i bula chhuah ka chak tehreng nen aw!" ngeiawm ltk a nui thaw chung chuan a tia, a lu ah sawn lehkhabu a chhut chawrh ka chak!
Nui chung chuan " Come on Steph, he nu hi party na ah a kal lo ang ti i hria alawm" ati a. A aw ri ril ruih mai ka ngaihthlak hi chuan khawi lam chuan khawilam chhuak nge anih zawh ka chak etet zel!
A hmel a min nuihzatna lang chhuak chuan a dik loh zia lantir ka chak ta tlat! Steph lam chu hawiin " Tak tak in, party na ah chuan ka lo kal ve ang" Hardin bawk a lo nui leh ta!
Steph chuan khek raih chungin min rawn kuah a.. "Yay.... a va nuam dawn tak em..." a ti a...
A sawi dik hram ka beisei takzet!!!!