YOU ARE HERE 20

[Esther Taylor taylor]

You're Here 20
By Esi Taylor






Ka bul ah a rawn muthla ve nghal zat a, a ban ka kham sak a. Tihian ka khawvel hi a famkim a, a mah chauh hi ka tana khuanu ruat ani ang tih ka ringhlel ngailo, ngaihzawng la nei ngai lo ve ve kan ni a, chuvangin kan awm dan apiang hi kan tan chuan thil thar a vawi khat na vek a ni.



"Hlawhtling taka ka awm hun thleng min nghak angem? " a tih chuan "imm" ka ti sap a, engtia rei pawh nise ka nghak dawn tih ka hrechiang.



"I tiam em? '


"Ka tiam sak che" hlim hmel zet in a nui nghawr dat a


"A vawt em? "


"Vawt lo" ka ti sap a, kan awmna hmun hi a dai ruih a, mahse thing kar atangin nizungin min rawn en a, chu chuan min ti vawt lo.


Nileng in hun kan hmang dun a, a kiang ah chuan hun an kal zung zung a, reilo te chauh ala ni emaw ka tih laiin tlai lam a ni lo leh der tawh bawksi. A kiang ah hian awm reng ilang ni hi a rei awmlo thin mange.



Inchhung ka lut chiah chu ka nu in ka pindan lam ah min kai chho nghal hlawk hlawk a, a sawi tur ka hre vek. Bawihtea hriat a inhauh chiam aduh loh vangin ka pindan min panpui daih hrim hrim pawh hi a lawmawm tho e.



"Vanlalhruai vawi engzah fakau hi nge ka sawi ngai dawn a? " mak ti lutuk in ka nu ka en a, tun tum hi ka hriattheih chin ah ka hmingpuma min koh vawikhatna a ni.



"Ka hrilh lawk tawh che a, tun tum hi a tawp na ber a ni ang. Tetea nen a in chhuak dun emaw inzawmna inla nei tih ka hriat chuan i duh loh tur thil ka ti ang, i hrechiang em? "



Ka hmingpuma min kohna hi ka la na a, ka rilru ana takzet. Mahse hemi chauhlo thil dang tamtak in minla tina dawn tih ka hriatchian phah thung



"Nu engatinge i duh loh em em a, i hrechiang a mi? Bel chiang la, a mizia te, a rintlak zia te. Ka tan hian a tha ber i ti ve tho ang"



"Aih, a ni aia tha saw i phu tih ka sawi tawh, uluk taka kan lo enkawl chhan che hi enge ni ang, nuamsa taka i awm loh hi a sin kan hlauh, sawpa sawn engmah neih a neih lo zia i hria, alak atangin enge maw i beisei le? " beidawn hmel zet in thawk a la kawk a, keizawk hi a sin ka nu laka beidawng chu.


"Hreawm in ka awm lo ang, a hlawhtlin hun ah chauh kan innei ang, tun ah ka nei dawn hleinem, hlawhtling takin in phalna ngeiin kan innei dawn alawm" ka nu hian rem ti maisela aw



"Inneih a? " awih lo lutuk in a nui a


"Inneih te thlengin ilo ngaihtuah amaw? Vawikhat mah hmu leh tawh ngai suh chu chu hre rawh" fiah zet in a ti hmuk a, a chhuak zui nghal daih bawk.



Nu dang te hian hetiang hian an fate an ti ve ngai angem?



Ka nu in kan in chei tura a rawih ho vin kan in kan chei a, ka nu hi a duh uluk bawk si, Christmas tree chei dan tur ringawt pawh a buaithlak. Kan awmpui te ho nen kan buai nileng thak a, tlai lam ah chuan ka chau ve hnawk thei hial, mawi ve viau bawkin ka hria




Ka christmas hman dan tur thleng in zu han rel fel vek a mawle?!



Ka nu remruat ang a ni ber in ka hria, Marcusa nen kan chhuak dun a, ka nu in lei tur list a siam teuh a keimah in ka chhuak dawn a maw ka tia, ka insiam peih meuh chuan Marcusan min lo nghak der tawh.



Hmanhmawh ru zet in ka lei pui nghal zung zung a, zawh vat a, haw thuai thuai ka duh.


"I ril a tam em? "


"Aih tam vak lo"


"Kan la vak kual char char a, i chau em? "


"Aih i chau a mi? "


"Thil ei ila"


"Ihh Marcus haw vat ila, in lam ah ei zawk mai ila" ka ti hliai a,



"I inren lutuk, lo kal rawh a tuina ber ah ka treat ang che" ka duh lo han tih tlat ka hre ve bawk si, tul tilo zet in ka zui lo theilo.



"I duh zawng i sawi duh bawk silo a" in ep chih in kan thu a, ka eiduh zawng min zawt a, a order ang ang ka duh ve thu ka sawi tawp.


"A tui lutuk alawm" ka ti hliai a


"I chauh hmel lutuk, kan kal zung zung a nga kan haw vat dawnnia" a ti ve sup a, min nel ka hlauh lutuk na lam ah hian ka awm dan hi ka ti mah mah angem aw ka ti ve hial tho.


"Ehe Hruaii chu? " ka bul ah Tei leh Sangsangi an rawn ding a,


"Kan van inhmu khat tak tiraw? " Tei zawkin a rawn ti hliai a, a ni hi chu tawng duh zet a buang chi hi ania, ka ngaina lo hran lo.


"Nia i dam em? Lo thu ve ru" ka ti ve vat a



"Ngailo kan tibuai palh ang che u, i bialpa chu min introduce ve la" Sangsangina a rawn tih chuan ka ner nghal nawk a, za lo tih hriat rengin a la nui sawng zui bawk a


"Marcusa ka nia, kan inhmu chu alawmawm e"Marcusa zawkin a rawn ti vat a


"School ka kalpui thin te annih hi, Sangsangi leh Tei" ka lo tive vat bawk a


"Nia college pawh kan kal dun kan pahnih hi chuan tiraw? " Sangsangi bawk,



"Nia " ka ti hmuk a, ka lawm der chiam peih lo


"Hruai nang zawng i ti thei bawk a, i bialpa thar pawh a chhiatloh hi" ka hriattur tawk lek in arawn phun sap a, ka melhrum nghal kawk mai.



"Anih lehlam ah sawn kan va thu ange, tui deuhvin u" Marcusa en in a ti leh a, ka chhang peih tawh lo. Ka thil ei lai ka eitui tawh lo tehreng nen ka mood zawng zawng an rawn ti chhe vek.



In kan thlen meuh chuan tlai lam a ni der tawh , Marcusa kan in a rawn lut zui lovin a haw tlang nghal a, ka thaw huai mai.



Ka nu in office a chawl tawh a, ka pa erawh
Christmas dawn ah tak tak chauh a chawl ang.


"Anuam bawk em? " in chhung ka luh rualin ka nu in alo ti nghal vat a


"Nuam lem lo" ka ti hmuk a, a la nui sawng zui.


Ka chauh deuh avangin ka pindan ka pansan a, khum ah ka bawk thla nghal thlawp mai. Tetea bul ah ka chhuahtur thu zinglam ah khan ka sawi tawh a, a duh aiin ka haw har maithei bawk.


In ka thlen tawh thu hrilh tum in ka call a, a pickup theih loh avangin message ka thawn zui bawk a, ani hi chu hnathawk leh lehkhazir hian a buai em a, a hmuh hun ah minlo chhang mai ang chu.



Kan intihfai zawh in Bawihtea ka awm leh a, kan pahnih chauh pawn awm mahila a reh chuanglo kan rak chul zel tho.



"A tleilo reuh e, a ril tam aniang" ka u ka pawm tir a


"Umm vawiin chu amu tlem hrim hrim" tih pahin hnute a hnek tir nghal vat a, a hnute hne lai chu ka en a, engtik ah nge fa ka neih ve ang le, pasal te pawh ka la nei ve ngei awm si a.



Zan thlengin Tetean minla rawn be lova ka ngaih a tha thei tawh lo, whatsapp a alast seen ka en a, nichin lawk kha anitho a, ka message a open lo hrim hrim.



Ka lak ah thinrim na a nei ani ngei ang, mahse engvangin? A phalna la thlap in ka chhuak bawk si.


A online a vangin ka be leh ngat a, a seen duh lo hrim hrim.


Minute 10 hnu vel ah thlalak pakhat min rawn thawn a , rang lutuk in ka download nghal vat a, ka hmu chiang chiah chu mak ka ti lutuk hi ka ka hau ringawt.



Marcusa nen a hotela thil kan eilai kha a ni, he thil thawn tu hi Sangsangi bak ani lo ang tih ka hre chiang.


"Marcus a kha a nia" ka ti vat a


"Imm" tih chauhvin min rawn chhang


"I thinrim em? " thinphu dawt dawt chung in min chhan hun tur ka nghak a.



"Umm" ti leh tawp.


"Sorry"


"I bialpa ang in a sawi a" ka chhan hma in amah zawk in min rawn call a, ka pickup rang teh a sin


"Ihh.. "


"Umm sawila ka ngaithla"


"Sangsangi sawi aniang tiraw? "


"Umm"


"Ihmaw thil kan eilaiin an lo kal a, i bialpa animaw an rawn ti nghal ringawt a, bak ah a mah nen a kan inmillohzia i hriat kha" a rawn nui ri dat a, ka laka a lungawi loh ve pawh hian a che buan buan ve ngailo, rilru fim tak a pu reng thei te hi ania ka ngaihsan em em na pakhat chu.


"Thil ka zawt ang che aw" a rawn ti sap a


"Imm i duh duh"


"In inkar ah enge awm? "


"Engmah a awmlo, thian pawh kan ni chiah lo. Kan chhungte ve ve an in hriatthat em avanga inhmelhriat ve mai chauh kan nia"


"In inkar chu"


"Tete min ring em? Engmah a awm lo"


"Immm ka inrin aia nasa in ka ring che"


"Keipawn ka ring che"


.................

Tetea te in a kal ka lo tiam tawh avangin naktuk ah hian ka kal dawn a, tun atang hian ka helhhawlh tawh, ka zam ru takzet bawk. Tlai ah Remsangi alo haw dawn a, hmuah hman ka tum bawk a, naktuk chu ka buai nileng dawn anih hmel.



"I chhuak dawn em? " ka nu in a tih chuan


"Naktuk ah ka chhuak ang" ka ti sap a, chik zet in min melh nghal


"Enge nak tuk ah"..


"Remsangi alo haw dawn a"


"Airport a lo hmuah i tum tihna? "


"Umm min rawn phut ve em a, Mercy lah alo haw thei dawn silo a"


"A nih chu a" ti ve hliai a, min hnial lo ka lawm zia chu pui tak a ni.



Tetean a chhungte lak ah kan inkar zep lovin a hrilh tlang vek tawh a chu chu ania ka zam em em chhan chu.



Mahse kan lo intiam ve laklawh tawh sia, ka kal ngei a ngai tho tho. Zan ah pawh ka muhil tha thei lo, ka mangphan char char, ava han hreawm thei tak.



Hruai ka duh loha vangin an inbul ah min lo nghak a,min hmuh rualin arawn nui var var a,


"I hmeltha lutuk". A ti sap a, ka inrintawk phah ve em em tho.


Ka kal hmasak ang zawk tho khan kan in be bawrh bawrh a, thil thleng danglam engmah a awmlo, ka huphurh viau kha ania ka rin aiin ka tlangnel a, nuam pawh ka ti leh hle tho.



Pa muana alo awmlova, Tetea nu lah dawr lam ah a kal leh daih a, uLindai hovin Tv kan en a, kan nui leh hak thin. Tetea tetlai chanchin nuihzathlak deuh te min hrilh bawk a, keiphei chu nui nasa tak ka ni.



ULindai thiante anlo kal avangin Tetean a pindan min hruai a, a zau vaklo na in mipa pindan ah chuan afelfai ber te zing ami aniang, che felfai reuh lutuk.


"Anawm hi" tihpahin a khum ah ka thu nghal vat a


"I awm peih ang maw? "


"Ka chak tawh" ka ti hliai a, Tetea nen a nih chuan khawi hmun ah pawh ka awm thei.


Khum ah kan pahnih in ka mu dun a, ULindai thusawi nuihzathlak deuh ho ka sawi chhuak leh a, kan nui dun nasa mai.


"Lehkhabu i van ngah em em?" Tih pahin alehkhabu ho ka enkual a, ka ngainat loh chi hlir


"Ka zir nasa a"


"Umm dik chiah, lehkhabu i ngah ber anihhi" ka ti leh hliai a, ka bul ah a rawn ding a


"Ka hma hun a tan"


"Umm ka hrethiam e" ka ti leh hliai a, ka dar tawn tawn ah chelh in a lam ah min kuai her a, a hmel a serious run a, engmah sawilovin ka en tawp


"Ihmaw tun ah chuan pek tur che engmah ka nei lo tih i hria"


"Naaa " ka lo ti vat a,


"Ka theihtawp i tan ka chhuah ang, minlo nghak hram hram la I duh apiang leiin ka la tihsak vek ang che"


"Umm" ka ti tiau a, ka tan a inpekna nasat zia ka hria a ka lung achhia, nghet zet in min kuah bet a, lai zet in ka kuah let ve a. A mah hi ka ring a, ka thla amuang hliah hliah.


"Ka hmangaih che ka naute" ka hresual anih ringin ka en chho ha a, a chhan chu min hmangaih thu hi ala sawi ngai miah lo


"Ka hmangaih che" a ti nawn leh a, ka hlimna Afamkim hliah hliah.


..............

Remsangi airport a hmuah ka duh avangin ka haw san a, kan inkar pawh hi ka hrilh ve ang.


Remsangi nu leh pa te nen kan kal ho a, a rawn thleng chiah chu kan au nghal chung mai. Mercy rawn haw ve thei se ka ti takzet.


An in ah ka kal tlang ve nghal avangin chaw eiturin min chelh tlat a, ka eilo thei lo.


Chanchin Tetea ka hrilh vek a, abuai deuh nge darkar chanve liam ta atang khan min reply zawm tawh miah lo.


"Thlipui a tleh dawn aniang a? " Remsangin a tih chuan


"Thlasik laiin ruah a sur ngailo" ka lo ti vat a


"Enla khua a dur em hi"


"Nia amak e" van lam hawiin ka ti hliai, thlipui nasa tak tleh tur ang maiin khua lah chu a dur khup lehnghal a.


Remsangi u in min thlah a, in ka thlen meuh chuan khua a dur nasa leh zual. Kan in lah a lo reh thup lehnghal a


Inthlak turin ka pindan ah ka lut a, ka u a rawn lut ve nghal zat a


"Enge a, bawihtea a muhil a mi"


"Umm lo thu teh" a hmel buai nak ka hmuh avangin ngaihtha lozetin abul ah ka thu nghal vat a


"Vawiin ah Tetea te in ah i kal em? "


"Maw? " mak ka tih zia chu


"I kal tiraw? "...


"Umm mahse engtin nge i hriat? "


"Ka nu in a hria, Tetea hmu turin a chhuak"


"Enga! " rang lutuk in ka dingchhuak nghal zawk a, ka hlauthawng lutuk


"Engtin nge, khawi ah"


"Ka hre lo"


"Ka kal dawn" tih leh tlanchhuh ka rual nghal a, ka u in min au tuar a, ka chhang hman tawh lo.


Ka nu tawngkam duhtui lo leh nasa lutuk hian engtin tak nge alo ankhum ang, ka ngaihtuah ngamlo zawk.



Tetea te inlam pan in ka tlan hlawk hlawk a, engmah ka ngaihtuah chiang theilo, ka buai zo a, ka hmalam ah ka tlan hlawk hlawk a, ka thlan a rawn bawl chhuak tiam tiam a, thli a thaw vuk vuk aTetea chauh ka ngaihtuahna ah a awm thung.


An inpiah ah Tetea nghakin ka ding reng a, khaw awmdan nuam lo zet vang hi nge motor tlan pawh avang lutuk.


Ka call char car a, min chhang theilo, ala haw lo tih ka hria chuvangin ka lo nghak mai ang. Aw Lalpa khawngaihtakin ruahsur tir lo hram rawh ka tawngtai mawlh mawlh a, ruah a sur chuan ka huh zawr vek dawn bawk si.



Ka phone a rik avangin rang lutuk in ka en a, Tetea a nih hi Lalpa ka lawm e


"Umm Tete khawnge i awm? "


"Heta hi lo hawi rawh"


Rang lutuk in kawngpui lam ka hawi phei nghal ruai a. Ka piah lawk ah alo ding a, thli a thawt anasat em avangin ka mit a thip a, ka meng tha hleitheilo.



Rang lutuk in ka tlan phei a


"Ka nu in enge a sawi? " hlauthawng zet in ka ti chhuak a, a hmel dul raih hi ka hmuhhmaih lo.


"Bawihi kal mairawh! " mak ti lutuk in ka en nghal kawk a


"Maw? "


"Kal mai rawh i hlimna ka duh"


"Aih ka nu in enge a sawi, engah mah ngai suh aw" ka ti tawk tawk a, kan inkar a chhiat ka phallo.


"Ngatinge a tir atangin min hrilh lo" dem hmel zet in min en a


"Ka ngamlo" ka ti sup a, sawi ka tum ngun alawm, mahse ka ngam ngang lo anih kha.


"I nu khan sawidikloh a neilo, hlim taka awm hi i phu ngawih ngawih.. "


"Enge a sawi? " ka ti tawk tawk a , ka na a, ka hlauthawng a, ka tah a chhuak a, tah erawh ka duhlo.



"Keichuan engmah ka nei lo, thawmhnaw chhuak thar leh man to ber inthuam tur in i tha tawk a, eitur pawh a tui ber ei a, hlim taka awm hi i phu ngawih ngawih a sin, kei aia mipa tha hi i phu takzet"



"Aih sawi tawh suh, i bul ah hian ka hlim" ka ti tiau a, kan inkar hi tawp tur in ka phallo, ka phallo bur.



"Haw tawh tawh, kal rawh le, ruah a sur vak dawnnia" a ti leh a, Tetea hi ana tak zet ani tih ka hria.


Min en lovin min kal pel a, a kal anih chuan akal hlen ang tih ka hria, midang tan ka phallo. Midang a ngaihtuah ka phallo, a tan chauh keimah hi ka awm alawm.


(Ka buai lutuk a, ka edit hman lo. Type sual a awm nuai maithei, min hrethiam hran hram ruuu, ka hmanhmawh lutuk a)