MIN RING RAWH-41 BY Basta Tlau

[Ngaia]

MIN RING RAWH-41
Basta Tlau
http://www.storyfb.com

(Ka remtihna lovin hmundanga post ka phal lo)

A link nen a share dan : http://storyfb.com/viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...

(A hnuai para hi i ti danglam anih chuan mi kutchhuak khawihdamlamtu i ni a, hremna a nem lo ang, story ruk thubuai bakah mi kutchhuak hre reng chunga ti hmelhemtu i ni ang a, i chungthu a rit hle ang.
Whatsapp group a story ruk ching ho khan lo ru tawh lo ula, induh anih chuan share on whatsapp tih atang khan a link nen share ve mai rawh u, whatsapp group atang chauh a chhiar tum ho kha chuan chhiar ve tawh lo mai teh u, a ziaktu in a post na hmun a chhiar peih lo chuan thuziak leh a ziaktute zahna leh ngaihhlutna an nei loh avangin chhiar ve lo mahse a pawi lo khawp mai.)

'I van duhawm thei tak De,nang hian min ti hamhaih reng dawn nih hi'ti pahin min pawmkang nawlh a.

'Hey min thlah teh,khatin min ko ziah suh,mi zingah phei chu a zahthlak,ka hming in min ko ve mai la'ka ti a.
'Tunah chuan ka bialnu leh ka nupui hual hmeltha tak i ni a,nakin lawkah ka nupui i la ni thuai ang.chumi hunah chuan 'Dear' tiin ka ko thei tawh ang che.ka la koh theih loh che avangin a chanve tal a koh che ka duh che alawm'thu tak zetin a ti sap a.
Mak ti taka engmah sawi tur hre lova ka en reng avang chuan ka mitah a rawn fawp zeuh a.'engtiang pawn thinrim mah la,De tiin ka ko zel tho ang che De'a rawn tih chuan za tak maiin ka nui hak hak a.a biangah fawhsak zeuh in'kan haw tawh dawn nge?heti hian nilengin min pawm reng dawn?nui chunga ka tih chuan chhuatah dim takin min nghat a.awmze takin ka mawnga rawn tham pahin 'mipa dangin an melh tur che nilo'thu tak zet in a rawn ti nghal a.
Ka clutch chhunga ama min pek zungbun phawrha ka bunlai chuan a rawn en chhiang a,hriatthiam loh hmel zeta min rawn en chuan ka lo nuihsak a.'i keng reng a maw?a rawn ti a.ka lu thing chungin inchei nan bun ka tum zet a.ka bun leh loh vangin ka bag ah ka dah nih hi'ka tih chuan 'phakar reuh lutuk,ina dah angin i insawi zo deuh chhiah a,lo kal teh i hawng vat vat ang'ti pahin ka banah vuanin min chhuahpui a.
Kan ina Davida'n min thlah hawn chuan a rawn lut ve nghal a.ka uruata te nupa leh ka nu leh pa chu sitting room lamah an lo thu thap a.kan lut chu tumah pawn min rawn chhawn tha duhlo,kan lam an rawn hawi hlawm ringawt a.an bulah chuan kan kalphei a,uruata chu thinrim hmel takin a rawn dingchhuak a,kan lamah a rawn phei a,ka hlau lutuk chu ka lo en ngam lova,ka maimichhing ringawt a.
Inhnek pawp ri ka hriat rual chuan ka meng nghal a.
Uruata'n 'engangah nge i lo in ngaih a?,i duh duh a,i bum kual tur chhungkua kan ni a mi?ka thian angin ka lo ngai che a.ka nau leh kan chhungkua hi nangmah avangin kan mualpho nasa tawh lutuk,kan hmuh turah rawn inlan tawh suh'thinrim ha chang thial bap bapin a ti piap piap a.
Chhuata Davida thingthi kan hmuh rual chuan kan vaiin mak ti zetin kan en hlawm a.
'Davida'n min ngaidam rawh u,keimah avangin harsatna tam tak in tawk a.hreawm ka ti tak zet.mahse jessy hi hmangaih tlat lo ila,hetiang mualphona leh zahna hi in chhungkua leh kan chhungte chungah a thleng kher lovang.ka hmangaih tak zet a ni,khawngaih in kan inneih remti hram rawh u,a chungah eng harsatna mah a chungah a thlen ka phal ngai lovang.Min ring rawh u'thingthi reng chungin a ti a.
Kan inchhung chu a reh thiap a.ka Pain 'nupa ni tur chuan in inhriatna a la rei lovin, inla inhrechiang si lova'a rawn ti a.

Uruata'n pawr zetin 'an in ngaihzawn na a rei tawh ang. Vid-a hian ka nau chanchin hi min zawt thin,chuan ka nau pawh hian min zawt fo mai'thinrim zetin ka pa lam melh chungin a ti a.

Ka nuin'enga!a va mak ve,thudik a ni em?bawihi engvanga engmah hi lo hre ve lo nge ka nih'rum tawka min en in a rawn ti a.

Ka thu hriat ho hi ka awihlo zawk.ka u en pahin 'u engvanga dawt sawi... Ka tih rual chuan Davida,n thingthi chungin 'a dik alawm kan in ngaihzawnna a rei tawh,jessy hi thil zirlai nei a la nih avangin in lakah kan inthup a,min ngaidam hram rawh u'a rawn tih chuan mak ti zetin ka zuk melh a.hmalam a la melh kur zui.sawi ve tur reng ka hre lo.

Thinrim zetin ka nuiin ka darah a rawn sawi nawk nawk a,'engvanga kei hi engmah min hrilh ngailo nge i nih,i nu ka ni a,engmah hrilh tlak lovah min ngai a mi?'mittui tla chungin thinrim zetin a rawn ti a.

'Nu khawngaih takin min ngaidam hram rawh'ka ti sap a.
Ka nu in Davida chu a kaitho nghal a.bai suih suih in cousin lam thutna awl ah a thu ve nghal a.ka nu in min kai nghalin ka pa bulah min thutpui nghal a.

Ka pain 'bawihi, Davida hi pasal atan i duh a mi?a rawn tih chuan Davida va melh in ka bu nghat a.
Davida melh ve leh in'David ka fanu hi i nu leh pain neih an remtih thlap chuan harsatna kan nei lo,mahse in lakah intiam kamna neih ka duh ni'muk zetin a ti a.

Davida,n 'ka pu Jessy ka neih dawn phawt chuan engkim tih ka huam' a ti sap a.
Thaw dep depin ka pa thusawi leh tur chu ka lo ngaithla a.
'In pahnih hian inchesual dun tawh em?'a rawn tih chuan mak ti takin ka en a,David-a ka melh leh nghal vat a.
Davida'n 'vawi hnih kan chesual tawh'a rawn ti zawi sap a.

Uruata'n 'ka pa khatiang engzawhna nge ni ngai.a ho e mai,kan vaia awmlaia in zawh chi ni hleinem...'a tih rual chuan ka pain 'tumah mihrang kan awmlo,enge an zahna tur awm puitling a ni tawh a,zak rual pawh an ni lo'uruata en pahin a ti hmak a.

Ka nuin 'i zawt anglo thei e mai,zak rual lo tak tak an awm ngailo'a rawn ti sap a.
Ka pain bu nghat nghat pahin 'nupa in nih hma chu a falin vawikhatmah in inhmu tawh lovang a.i duh leh David kan awmlai chauhin bawihi hi i rawn hmuthei ang.sitting room nilo hmundang in pelh tur a ni lo bawk,chutiang intihtheih dawn chuan inneih ka phal ang.in bawhchhiat erawh chuan engkim ka sut leh vek ang'nghet chharin a ti a.