MIN RING RAWH-42 BY Basta Tlau

[Ngaia]

MIN RING RAWH-42
Basta Tlau
http://www.storyfb.com

(Ka remtihna lovin hmundanga post ka phal lo)

A link nen a share dan : http://storyfb.com/viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...


Ka pa thusawi avang chuan kan nui hak a,Davia'n ka tiam a che,jessy nen kan inneihna tur a nih phawt chuan engkim ka huam,mahse khawngaihin a rang thei ang bera inneih ka duh'a rawn ti a.
Ka pain hmanhmawh vak duh suh.Dan khatna chuan in inneih thei lovang.nizan lamah te kan hriat lovin in riak bo a'nui chungin a ti a.

'A tha lawm,Pathian hriatpui na a,kan inneih phawt chuan ka lungawi vek'a ti sap a.
Davida haw hnu chuan ka chhungten min zilh hlak a.
Zanah palai kan inah an rawn lang nghal a.Davida ka va text zeuh a.
'In va hmanhmawh em em ve,a zahthlak a nia'ka va ti a.
'A hmanhmawh thlak,i pa laka ka thutiam teh hrep kha,nang si lo tura intiamna a ni ringawt,ka tan chuan tuar har tak a ni'tiin min rawn reply vat a.ka nuiri hak a.

Sunday zing inkhawm tura ka insiam zo,sitting room lama ka chhuak chu David-a phone khawia a lo thu ka hmuhrual chuan ka phu deuh zuk a.coat suit dum a ruka tial a ha a,a inhmeh in a lang pa takzet.min rawn hmuh rual chuan a ding a,a mitmeng hriat thiam har zetin min rawn melh vang vang a.ka bulah rawn kal hnaiin 'i nalh takzet'tipahin a rawn kun a.ka pa rawn khuh ri khar khar kan hriat rual chuan phun hluk pahin a tawlhsawn nghal a.
'Enge i rawn tih dawn,inkhawm turin kan chhuak vek dawn asin'ka ti sap a.
'In biak inah ka rawn inkhawm dawn,thildang min zawt rih lo teh,ka mood a off lutuk palh ang'a ti hmak a
Ka pain ka nu hnenah'bawihi hi i kiangah awmtir tlat ang che,biakin thliar hrang lo khawpin an che mawilo palh ang'a rawn tih chuan ka lo ner nawk a.
David-a motor ah kan chuang a.ahma ah ka pa thu in,a hnungah ka nu nen kan thu a,driver seat hnungah ka chuan vangin Davida'n side glass siam tha a,min rawn melh zauh zauh ka hmuh chuan ka nuisak a.
Biakin kan thlen chuan midang hoin min melh zauh zauh a.ka pa chu rawngbawltute thutna lama a thut ve avangin gallery lamah kan pathumin kan thu a,David-a nen kan inkarah ka nu athu hmak a.kan bula thu ten min sawi sep sep ka hriat chuan a nuamlo duh ngei mai.biakin chhung nilo sela chuan thla an lo la nasa leh ngawt ang.
Inkawm kan ban chuan ka kawm ngai vak pawh nilo,nidang pawha min be ngai lo hoin min rawn be sap sap a.hmeichhe thenkhatin David-a an enzui pawh ka hria.ani lah chu ngawi ngalin kan bulah midangin min rawn biak chuan a ding kur a.
Nu pakhatin David-a rawn chibai pahin min rawn en a.'nupui nei ve vat tawh rawh'nui pahin a ti a.Davida'n nui let pahin 'a dik khawp mai'ti pahin motor kawngkhar min hawnsak nghal a.
Zan ka inkhawm peih loh avangin facebook lamah ka lut a.ka buai em avang leh kan chanchin diklo pui pui an post thin avangin David-a nen kan inzui atang ka la lut leh miah lova. Ka lut chiah chu inbox lamah message a lo tam ngei mai.a tam zawk chu ka hmeichhe puite an ni in ka hria.
*David-a hi i phu hlawl lo,bansan nghal rawh.
*Davida'n a duh tak tak chuanglo che,in inngaizawng rei chuang lovang.
*engvangin nge Amosa leh Davida i kawp a,i lerh lutuk nangmah vanga an intihbuai leh chuan i sam ka pawt til vek ang.
*Amosa nge David-a i duh zawk.message rapthlak zet zet a lo awm teuh a.ka chhiar vek ngam thlawt lo.
Home lama ka luh chuan kan thlalak hrang hrang an lo post chuai chuai a,comment tu lah an tam.
Eheu vawiin lama kan thalak davida,n motor kawngkhar min hawnsak lai pawh an lo post nia.a hnuaiah (sunday zingah biak inah lehzel pawh midang zah zo tawh lovin,an inzui chawt tawh)tih ka hmuh rual chuan ka nu bulah kalin ka hmuh ve nghal a.

Ka nuin 'tu post nge?a va zakthei love,an mahni zawk a nih kha sunday nia,biak kawtah leh zel pawh facebook lama buai.an ninawm hlawm khawp mai'thinrim zetin a ti nghal a.
Ka thiante pahnih mafela leh Rintei an rawn lang ve nghal a.mafela'n a phone ken min hmuh pahin kan thalak an post thu a rawn sawi a.'a ni tawh em em lo,in ngawi reng a,FIR thehlut tawh rawh u,kan veng a mi mah ni sela'a ti lang lang a.
Ka phone a rawn rik chuan ka en a. Amosa lo nia,ka pick up rual chuan 'kan tha maw?vawiin lam chu inkhawm a va nuam awm ve'nui pahin a rawn ti a.
'tha e,inkhawmte chu engtik lai pawn a nuam reng alawm'ka ti hmak a.
'Hey ka rawn fiam che nih kha,i va lungawiloh hmel ve.David-a ka va be zo chiah a.inneih in tum thu min rawn hrilh pahin a best a ding turin min rawn sawm a.ka buaipui nasa em che u avangin ka lo aw ve hram a.nangin tunge i hman dawn i thiannu Rintei kha hmang la'a rawn ti nghal a.
Rintei hming a lam rual chuan ka va en a.'enge a ni kher,i star ni maw?'ka ti chuan nui hak chungin 'ka belchhiang chak alawm'a rawn ti nghal a.
'Buaina i siam vaih i chak lo ngawt ang'ka ti a.
Kan inbiak zawh chuan Amosa nen kan inbiak dan vel Rintei leh mafela ka hrilh nghal a.

Mafela'n ka rindan chiah Reiek kan hawn ho atang khan a endan che a danglam tih ka hre reng.nitin dawrah a rawn kal ziah a.nangmah rawn hmuh tum siin,Rintei a be char char zel'a tih chuan makti zetin Rintei ka en ha a.'tak tak mi'tipahin a banah ka chelh a.
Rintei'n 'hepa tak hi chu min tibuai ngawt mai.engemaw a hriat le?ka thin a ti rim takzet'a ti a.