DAMTE'N LENG LA, I TUANNA TLANGA'N CHUAN!

Story tawi te te emaw luanliamna emaw post na
Hruaitea Hauhnar
Posts: 5
Joined: May 11th, 2018, 7:58 am

DAMTE'N LENG LA, I TUANNA TLANGA'N CHUAN!

Unread post by Hruaitea Hauhnar » May 12th, 2018, 11:47 am

Enteh 'D', khawi loh Chawnpui pawn pâr a chhuah leh tak khi! Thlir nin reng a har mang e. Aw, Kan nunhlui zamual liam tawh hnu kha, Pâr ang vul leh hian ka nuam ngei e. Theih nise, kha hun auh kir leh nan khan ka theihna zawng pawh ka hlan mai tur!

Thliahloh Tlangsam pawh sik ni lo êngin Pâr ang lo vulin, Chuai zai rel leh thin mah se, engtikah emaw chuan, Par a chhuang leh thin a sin. Mahse, I hmangaihna pâr erawh dawn ni rêng a awm thei dawn si lo! Chu thu ka dawn chang apiang chuan nguina leh chauhna rilru in mi bawm a, lang chhuak si lo vin ka chhungrila'n hian Luaithli ka nul thin a sin...!

~ Aw 'D' , I hnuchhawn tak Chhingmittui far hi han hmuthei tehreng la aw...! Vawikhat chauh tal pawh ka thinlai na hi han thawidam leh ta la; khang kan hun hmanral tawh zawng zawngte kha auhkir leh hian mawi tawh dawn lo mahse, kei a tan chuan dam sawng sawngna a ni mai tur.

Raltianga Romei zâm paw chûk saw ka thlir a, Lunglenna mai lo chu hlawhchhuah tur dang reng a awm lo. Nunhlui liam tawh hnu chu thinlaia'n lo thar lehin; Aw 'D', khang hunlai khan chuan Samangthen zai kan rél ang tih kan suangtuah ngai loh kha..! Mahse, chantawk khuarel angin Samang kan lo inthen leh ta si a! Ar ang ka vai zo ta!

Sirva mawl ber pawh hian in e, a Rûn chhuahsanin, ni tam thangbo in mual hla takah thangbo mah se, hawn zai a rel leh thin a. Mahse, nang erawh zawng, kir zai i rel ve silo! Suangtuahna mai hi maw ka chantawk lo ni e. Damte'n lengla, i tuanna tlanga'n chuan, keipawn tawrhthiam zai ka lo rel tawh nang e. Damtak in Mangtha mai le!!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)