I'LL WAIT BY : Msi Miluhlulnui

Story tawi te te emaw luanliamna emaw post na
Msi Miluhlulnui
Posts: 101
Joined: October 18th, 2019, 7:46 pm

I'LL WAIT BY : Msi Miluhlulnui

Unread post by Msi Miluhlulnui » May 22nd, 2020, 8:23 pm

‍‍‍‍‍‍‍‍‍‍‍‍‍‍‍‍‍‍‍‍‍‍I'll WAIT (Short Story) 💓

@Tetei... MGBY💞


Whatsapp group joint duh tan👉
https://chat.whatsapp.com/L5jkYEw4MNg9lWjNbrwFos





"I hria em? Ka birthday alo thlen chuan maw ka thawh veleh darthlalang hmaah ka dinga ka lam vak vak zel asin hla nuihzatthlak tawk mai ka play țhina ka lam vak vak țhin"    tiin ka hmaa hmeichhe naupang țhu sam chu ka khuih sak mawlh mawlh a, ka thusawi avang chuan alo nui ker ker bawk.    "Ih.... au, an hau ngai lo che ami inu ten"    a rawn ti a.





"Min hauh ka hlau a chuvang chuan zâwi te te in ka play a mahse ka lam vak vak zel alawm nangpawh vawiin i birthday ania i thawh veleh darthlalang hmaah i lam ve ngai em?"     Ka ti a, a lu a thing zui nghat nghat a, naupang dang chu pawnah infiam turin an chhuak ani ngei ang an lo au chhuak chêl chûl bawk     "Ka Hmangaih, naupang tan function țan a hun tawha chuan kan Lucy pawh hi a tel a ngai tawh ania"     Jezreel chuan a rawn ti a. Lucy hmaah chuan țhu in a biang chu a piai sak nghal zat bawk.





"Infiam turin an chhuak amaw ka tia"    tiin Lucy sam chu ka țawn sak nghal zata min rawn en pah chuan min rawn nuih suka   "amaw itih vang anih chu. Pi Awmi alo thleng tawha chuvang zawk chu ania"     a rawn ti nghal supa, rawn thawh chhuah pah chuan ka bulah rawn țhu in a phone rawn ri chu a chhang zui nghal zata a day-off ni ti ila ka hruai luih ni pawh hian call lamah hian a buai tho zel hepa hi chu.





"Le, Lucy... ka țawn zo tawha midang awmnaah chuan va kal ve rawh le nakinah a zawh hunah i birthday cake chu i țhiante zawng zawng nen kan zai vek dawn nia aw"    ka ti a, bûk nghat pah chuan a tlan chhuak zui ve nghala. Naupang dang te pawh an piancham alo thlen chuan hunâwl insiam in cake nen kan lawmsak țhina duhsak bik kan neiloa engkim inang vekin kan tihsak țhin. Chuan naupang hian an piancham an nghakhlel thei em em bawk.





"Keini pawh kal ve tawh ila"    tih pah chuan ka ding chhuaka mahse ka banah rawn pawt in a mal chungah chuan a lam hawi zawngin min pawt țhu a ka kawngah chuan a rawn vuan nghal chat bawk.    "Ka bulah hun i hmang hnem lo, naupang dang zawng zawng sam i khuih sak veka tunah chiah hian ka bulah i awm ve thei chiaha kal lehnghal mai i tum a"     a rawn ti sup. Nuih pah chuan a kut chu ka vawn hnana.





"I thîk ani maw? Ti teh.... Jez, naupang mai an nih kha, duattu leh duhsak tu nu leh pa an neilo an tana ka tih ve theih tawk ani a, tih zel pawh ka duh i thîk zel dawn chuan ka hruai tawh miah lo ang che"    ka ti hmak, nuih suk pah chuan ka biangah chuan a rawn fawp a    "i ngai diklo, thîkna tlem chu a awm alawm ka bulah hun i hmang ve thei chiaha chuan kal lehnghal i tuma... ti chuan ka thusawi i man em?"     A rawn ti leh, ka ner nghal nâwng.





"Hun chu nei ilang chuan ka awm ngei ang ka duh bawk mahse naupang dang pawnah an awm veka Pi Awmi alo thleng tawh bawka heta lo awm ve reng chu thil țha ani lo"    ka ti a, a bu zui nghut bawk.   "Anih chuan kan kal hma in eng emaw min tihsak chu a ngai ngei bawk ang"    min pawh hnaih leh salh pah chuan a rawn ti a. Pawn lam ațang chuan zai thawm alo ri a, programme an țan tawh ani ngei ang.





"Aw le, nang hi chu a hunah hi chuan i chimawm ve thei ngawt mai. A chang chuan rualpui hnek pawp mai che hi ka chak țhin"     tih hlak pah chuan a hmuia fawp lovin a biangah chuan ka fawp a rang zetin min pawmna ațang chuan ka tal thlaa ka tlan chhuak zui nghal ti tih bawk. A lung a awi lo leh ngei ngei ang mahse buai lai lai hian min lo tibuai ve thei ziah anih kha.





Ka țhutna bulah chuan rawn țhu in ka beng bulah hremna ka dawn tur thu a rawn sawi nghal zata ka nui ringawt bawk. Naupang dang te nen chuan kan zai a, an ni in item hrang hrang an nei bawka hetia naupang te bula chhun hun hman hi nuam ka ti țhin, hreawm ti ru ve viau țhin mahse an hlim tih hriat zeta an nui hmuh hian min ti hahdama nui leh theia an awm avang te hian ka hlim em em bawk.





Tam zawk hi chu an chhungten an duh loh avangin tuna an awmna ah hian an daha a țhen te erawh chu nu leh pa nei tawhlo te an ni thung. Nichina Lucy, hmeichhe naupang kum 6 mi lek ka biak pawh kha a nu leh pa an in țhena a nu in a kawla mahse a lerh sana a duh leh loa hetah hian a awm tira vawikhat mah a rawn tlawh leh tawh ngailo. Lucy erawh kha chuan a nu a ngaih thu a sawi ve foa mahse anu a hriat loh thu a sawi lehnghal zat țhin. A chhan chu kum 3 mi lek anih ațanga awm tawh ani miau a, naupang tuarchhel tak ani.





Jezreel chuan țanpuina hlan in pawisa leh naupangte eitur thil tam tak a pe bawka hun a neih chuan min kalpui turin ka ti țhin a theihtawpa hun insiam a tum ve țhina mahse a buai țhin lutuk takzeta vawiin pawh hian ka tilui tlata a meeting pawimawh tak a kalsana chuvang ania call a dawn zin em em, an meeting lai video hmangin live in a en ve zel bawka ka inthiam lo ru viau nângin amah zawkin in thiam lo lo turin min ti a, mahse ka in thiamlo tho.





"Enge a an? Naupangte nena hun hman chu"   naupangte kan thlah liam lai chuan ka ti a, an vaiin min bye bye lauh lauh a lo kal leh vat turin min hrilh vek bawka karleh ah chauh ka hman tawh dawna nitin kal chu duh viau mah ilang ka hna avangin ka thei bik si lo    "a hlimawm, ka sawi awmzia chu a hahdamthlak takzet, ka hna lamah call dawng reng pah mah ila an zinga awm a thlamuan thlak, an nui hmel hmuh a nuam"    a rawn ti ve supa, ka nui chhuak nghal hak bawk.





"Ani dawn reng asin, chuvang chuan alawm kar tin ni khat emaw ni hnih emaw ka kal ziahna chhan an bula infiam te hi nuam ka tia. Hun hreawm tak an tawng tih an inhre ve renga nu leh pa, chhungte thla zar hnuaia awm ve an chak ngei bawk anga chuta karah a tlawhtu apiang te hlim hmel an lo hmuha thinlung taka an nui tih hriata han hmuh bawk hi a nuam dangdai takzet ani"    ka ti chhuak hapa an vai chuan ka bye bye let ve nghal zat bawk.





"In vaiin lo in enkawl țha vek rawh u aw, nakinah au Irene'i hian alo tlawh leh vat ang che u aw, chumi hma chu thawh veleha tih tur ka sawi kha in lo ti char char anga ka lo kal veleh ah kan vaiin kan ti ho leh vek ang aw tunah chuan kan haw tawh dawna in vaiin bye bye vek u aw...au Jez'a pawh hi alo kal leh dawn ania"    tiin ka kut chu ka vai a, flying kiss pe in car ah chuan ka lut zuia kan tlan liam thleng chuan ka en zui reng bawk.





"Karlehah kal leh tum ila nangpawh lo kal leh tum la"    hla play pah chuan ka ti nghal zata Austine Mahone 'Shadow'    chu a rawn zai nghal zat bawk     "kan buai loh chuan aw.... hna chinfel tur hi a tam ang reng viau a naktuk hian Micaly a rawn chho dawna tuna an case neih leh tur hi sawihoa tih țan nghal a ngaia chung chu vawiina meeting kan neihna chhan pawh kha ani reng ani"    steering herh kual pah chuan a rawn ti a. Oh! Kha vang tak khan.





"Ka tihpalh lutuk, chutiang hun pawimawha i tel theilo chu kal tur khan tur chhen lo che ilang chuan i hna pawimawh takah chuan i tel ve thei bawk anga"     ka ti a, ka kut ka mal chunga ka dah chu rawn hûm in a hmer deuh vang vang a    "inthiam loh a ngai lo ka tih tawh kha ka tello pawn engkim an buaipui thei min tih luihna avanga kal ka ni loa ka duhthlanna hmanga kal ngei ka ni. Chuan hun nuam tak ka hmang reng bawka vawikhat mah ka hriatah in thiam lohna aw kâ kha ri chhuak tawh suh se"     a rawn ti nghut. Bu nghat nghat in a kut chu nghet zetin ka vuan let ve nghala kan in lam pan chuan motor chu a kual tir nghal zat bawk.





"Lo hahdam la, zanah ka rawn kal dawn nia aw. Office lamah ka kal leh a ngaia ka buai zia chu i hriat vek kha"    a rawn ti a, bu nghat in ka chhuaka car chu kal hualin a lamah chuan ka pheia Glass chu down tir turin ka kik dat dat a, nuih suk pah chuan a rawn down a    "zanin chu lo kal miah suh ang che ilo kal anih pawhin ka lo muhil daih tawh ang ka ring ka chau lutuka i duh leh ka nu leh ka pa ilo be mai dawn nia aw"    tih pah chuan a dar ah chuan ka beng nghal thak thak a, kalsawnin ka kut ka vai khum zeuha ka chimawm a ti leh ngang aniang kawngkhar chu hawngin a rawn chhuak leha ka lo nuih vur vur bawk.





"Lo kal teh"    tih pah chuan ka banah pawt in a âwmah chuan min kuah bet nghal zata keipawh chuan nghet zetin ka lo kuah let ve nghal zat bawk     "i chimawm zia hi ka lo theihnghilh leh țhin. Engtik lai pawhin ka ngai chea theih se i bula awm reng ka duh mahse a karah hna alo awm ve lehzela thlahthlam theih ani bik si loa"    a rawn ti a, ka bek ah chuan fawp zeuh in ka dar ah chuan a lu a nghat lehnghala.





"Um, ka hria alawm i hna chu țha takin va thawk rawh ka nghak thei che alawm va kal tawh rawh a tlai tawh si keipawh ka lo intifai ang ka taksa hi a na deuh țhûm mai"    ka ti a, a nui chhuak nghal hawk.  Awm hla deuh hlekin amah chu ka melhin ka mit ko ka sân khum ak      "Ok, parcel bawm khat pawn nâ a siam thei che a anih chuan engmah ti ve tawh lo lang a țha ang. Engtin nge maw tuna i hna te hi ila thawh theih zawk le mak reuh lutuk"     a rawn ti nghal hluk. A âwmah chuan nem vak in ka tawlhsawn nghal.





"Parcel bawm khat vanga nâ pawh ka ni bawk lo thil i ngai mak thei lutuk, va kal vat rawh ka hahdam dawn mai mai sa la"    ka ti chhuak hlak, amah rum zeta ka melh rual chuan a rawn nui chhuak hawk hawk a    "khawvela thinrim thiam lo ber te zinga mi i niin ka ring ani"     tih sup pah chuan ka banah pawt in a lamah chuan min pawt hnaia ka chalah chuan a rawn fawp zui nghal vang vang bawk.





"Ka lo kal har lo ang lo hahdam rawh"     a rawn ti leh sup, nui sak in ka bu zui nghat nghat a. A inkhalh liam lai chu ka en renga keipawh chu muangchangin in lam ka pan nghala ka nu chuan eirawng alo bawl a ka pa erawh chuan tlai lam chanchinbu alo chhiar mek thung      "aw le, in fanu ka lo haw ta e chuan ka chau hle bawka ka han inbual ang e"    engmah an hriat loh hmel êm avang chuan ka ti chhuak hluaia an pahnih chuan an lo la  nui khur char char zui lehnghal.





"Tui lum a awma han inbual rawh chaw ei hunah eng emaw zawh che ka duh dawna"    ka nu chuan a rawn ti a, ka pa erawh hawi pawh a rawn hawi lo. Ka room lam ka pana ka intleuh zui nghala ka hahdam sawng sawng thei. Ka țhiante hnen ațangin call ka dawng nuala mahse ka call back lemlo thung thil ho tê an rawn sawi leh anga chupawh an bialpa te laka an thinrimna, a ho thei si a chang chuan an sawi zing lutuk hi khumah phone ka daha thildang ka tihsan daih zela a tûk ah min hau hrep zel.





"Nu vawiin chu Lucy birthday kha ania a enkawltu pi Awmi lo thlen rualin function hman pahin an lawm kawp nghala naupang dang te bulah pawh thil hrang hrang kan sem kual bawka a nuam ang reng lutuk chuan Pi Eva'i khan ngatinge inu leh ipa an lo kal ve loh a a ti bawka hmuh cheu alo in beisei lutuka"     chaw ei siam pah chuan ka ti a, plate chu la in chawhmeh chu ka suak zui nghal bawk.





"Nia, min rawn call a ipa te bungrua tur rawn thleng dawn lo se chuan kal kha chu ka tum ve dan ani a mahse kha a rem ta chiah lo anih kha. Hun in hmang nuama a lawmawm anih chu karleh lamah kan kal leh mai dawn nia"     a rawn ti a, ka bu zui nghat bawk.    "Jez'a chuan enge ang a tih a? Nuam te a ti maw? A vawikhat kalna te ani bawk si a"     ka pa chuan chokaa rawn luh pah chuan a rawn ti a. Ka lo nui ver ver bawk.





"Aw, nuam a ti lutuk naupang bula awm te kha hahdam thlaka a thlamuan thlak a ti bawka karlehah hna lama a buai loh chuan kan kal leh ang keini pawh pi Eva'i pawn lawmthu a sawi renga țanpuina tur pawisa leh naupang te ei tur thil hrang hrang a pe țeuh bawka thawktu dang pawh an lawm hlawm lutuk naupang pawn an ngaina a"    ka ti a. A bu nghat bawk.





"Vawiinah Jezreel-a nu kha alo kal leha nangmah nena in inzawmna chungchang vel min rawn zawt leha. Mamte, a nu pawi saw i sawi em ni ngatinge a huat em em mai chea"   chaw kan ei hnu chuan ka nu chuan a rawn ti a, ka chaw ei lai chu ka tawp chiang mah mah    "sawi lo an ina min kalpui pawn nu Hlui saw chuan hlim hmel min hmuh ngai reng reng lo min hua tih a chiang takzet bawka mahse Jez-a nena kan induh zia pawh a hre ve veka ngatinge kan inkara rawn tlâk zeh phêt a tum mai le"     ka ti chhuak țhat. Ka pa chuan inbengdaia ka nu thusawi ngaithla turin min ti lehnghal zat.





"A sawi chhan chu mo hual lawk a neih tawh vang ani. Anu saw kan tleirawl lai ațanga ka hriat ania sum ngah ngah kawpa nuam tawl țhin ani tunah hian Jezreel-a nupui atan pawh hian mi hausa bawk ani a thlan ni a rawn sawi alawm, kan veng ami hi ania saw i țhiannu ve deuh reuh i Pu Zuia tunu hmelțha zet saw"     a rawn ti leha ka meng zui nghal kâwk!   "Angie-i saw maw?!"     Ka ti nghal vak, mahse ka pa in min rawn mitmei nghal avang chuan ka kûn nghal riai riai.





"Chaw ei khamah kan sawi leh dawn nia in chaw ei ka ti tui lo vek palh ang kei chu ka ei peih tawh lo"    tiin ka tho a, ka thleng chu ka seng a choka chu chhuahsan in sitting room-ah chuan ka țhu thla nghal dawt! Engtin nge Angie-i chu anih theih zawk? Ngatinge ka țhiannu kher, chuan keimah engmah min hrilh lo bawka ka bialpa nu in ka țhiannu ngei a fapa nupui atan alo huala chuan inhnaih hle chung pawhin kei hian engmah ka lo hre ve loa. Amak in min țhawng takzet ani.





Ka ipte chu ka dap nghal chûk chûk a ka phone ka ak miahlo, taka room-ah ka charge daih tak e. Angie-i chuan a hre tawh ngei âwm si a chuan engmah min hrilh hauh loa kan inngaizawng tih pawh a hre renga engtin nge ka lakah a zêp theih zawk le? Nilo, ka zawh ngei a ngai ang engkim a bo a bâng awm lova hriat vek ka duh ani. Chuan Jezreel hian a hria em tih pawh hriat tel ka duh bawk.





"Bawihi, i ril a țam lo em ni?"     Ka pa chuan ka bul maia rawn țhut pah chuan a rawn ti a, lukham ka kuaha ka melh ngai ka lo melh reng ringawta    "um, ka chaw ei a tuilo vek nakinah zanah ka ril a țam chuan ka ei nawn leh mai ang. Ka nu thusawi khan min țhawng lutuka"     ka ti chhuak sapa, ka pa chu thaw chhuak ham ham in ka lamah chuan alo tawlh pheia.





"Engmah hriatchian hma in thinrim nghal ringawt tur ani ngailo. Chuan in inhmangaih tak tak anih chuan tuman an țhen hrang thei ngailo ang che u, Hmangaihna chuan engpawh min hneh tir thei kan Hmangaih ah khan chiang ila kan Hmangaih tak zet em tih chian țhin zawk tur"     ka pa chuan a rawn ti a, țhu țha in lukham chu ka pawm nghet sauh sauh a hmalam chu ka melh ngar ngar bawk.





"Pa, chutiang pawh ani lo a nu in ka țhiannu ngei a nupui atan a duha chuan anni pahnih pawn an hre ngei anga mahse ngatinge engmah min hrilh ve loh, hriat ve ka mamawh tho asin"    ka ti chhuak hap, ka lung hi a âwi thei thlâwt lo. Nu Hlui chuan min ngaina lo tih ka hria, min ngaihnat loh chhan lah ka hre heklo kan chhungkaw dinhmun vang hi anih kan ring ve tawpa keini chhungkua hi chuan.





"Aw.... ka sawi zo chiah engmah hriatchian hma hauh hian i thinrim țhina an pahniha an hria anih chuan i hriat an duh lo ngei ang tih ring thiam tur ini. Hre ta la, in inkar a chhiat phah ngei anga ka rindan chuan tunah pawh hian buaina chinfel mek an tumin ka ring ani. Kan tleirawl lai pawn ani tho alawm. Inu ka neih theih nan hi chuan engpawh tih kha ka huam asin huam tak ka ni mahse a nu khan kan inneih kha a phal tlat lo a chhan chu zu te ka ina kut hna ka thawka ka sual ve ang reng bawk si a chuvang te pawh chu ania mahse inu kha ka Hmangaih tlat si ani.





Anu bula ka mark a țhat nan te an lo ah te ka inhlawha mahse a țhat phah chuang loh, ka chanchin chhia kha a hre tawh miau ani siam țhat theih ani tawh hauh si lo chuan retheih pawh huam in kan in ru tawp mai kha ania mahse Hmangaihna chuan tunah hei, engkim a siam țha veka dinhmun sâng, in lungrualna, chhungkaw hlim min pea i rin ang aiin Hmangaihna hian thil a ti thei ani tih hria la. Nangni pawh, Jezreel nena in in Hmangaih tak tak anih chuan tuman an țhen hrang thei hauh lo ang che u"     a rawn ti a, an nulat lai vel a sawi avang chuan ka lo nui ringawt bawk.





"Pa, ngatinge an mo atan hian an duh tui theih hlawm em em a? Pu Hminga te pawh saw an fanu hringnun hlimna tur ngei an tihchhiat saka tisawn a hlim alawm an ti a, mahse a hlim loh zia chu dâwt ai pawn a hmutu te tan a chiang zawk. Pa, kei chu ka hlim lohna turin engmah ti ve miah suh u aw"     ka ti a, ka pa chu alo bu nghat nghat bawk.





"Rilru puitling pu rual inni tawha mahni tana țha tur hre rual in ni tawha nangmahni duhthlanna chu kan zahsak tur che u ani alawm. Nu leh pa reng rengin an fapa te nupui tur chu an duh uluk țhin mipa chang an ni lo hmeichhia thlengin. An mahni siam puitling leh chhawng tura enkawltu tur zawn sak an duh țhin. Hmeichhia phei chu, an enkawlna hnuaiah leh an thlazar hnuaia awm tawh lo tur an ni a an mahni siam puitling tu tur an duhpui țhin. Mahse nu leh pa tam tak chu sum duhna avang in thil an ti țhin an fate hlimna an tihchhiat sak ve thunga chung an ngaihtuah thleng pha tawh ngailo. Mahse ka fanu, i hlimna tur anih phawt chuan engpawh kan ti mai ang"    ka pa chuan a rawn ti a, ka kut chu rawn vuam in a hmer vang vang bawk. A thusawi avang chuan ka mittui a tla țep ani.





Zana Jezreel a rawn kal chuan Angie-i chungchang leh ama chungchang a hriat leh hriat loh thu ka lo zawta ka rin ang ngeiin a hriat thu a sawia mahse ka pa sawi ang chiahin chinfel mek an tuma engmah min lo hrilh ve lo alo ni a. Jez pawh hian anu duhdan chu a pawmpui lo em em a, keimah avang hian vawitam an inhnial phah tawh bawka apa erawh chuan engmah a sawi ve ngailoa a ngaihdan dik tak erawh ka hre chuang hauhlo thung.





"Jen, vawiin bungraw lo thlen tur kha dar engzatah nge?"   Tiin zingah chuan insiam mawlh mawlh pahin Jenny chu ka biaa amah hian tuna ka hnathawh hi min kawhhmuha mahse kei aiin a thu daih thung "dar 10 velah chuan alo thlen hman ka ring. Ilo kal țep tawh em? News ropui lutuk ka hria ania"    a rawn ti nghal zata hna chungchanga kan inbiak pawn minute 15 vel bak sawitur kan hrelo, a dang chu thil dang daih kan sawi țhin.





"Aw... kal țep, dah phawt ang aw Jez-a call alo luta kan chhang lawk ang e"    ka ti a, off in Jez-a call chu ka chhang nghala Office a thleng leh daih tawhin ka ring ani. Chawhnu lama inhmuh a duh thu a sawia mahse dar 3 velah, khawi hmunah emaw min hruai a duha zanriah kan ei nghal dawn pawh ani maithei. Hun ka lo insiam tur thu sawiin kal pah chuan kan inbe zela anu chungchanga lung ngai lo turin min hrilh nghal zat bawk.





Dawr ka thlen chuan Jenny bulah ka phei nghala ani pawh alo buai leh tawh ngang mai     "enge i news ropui lutuk hriat chu ka hre ve duh e"    ka va ti nghal thawr a, a thil ziah lai chu dah in ka bulah chuan a rawn tlan phei nghala chawn chawn zel hian ah!  "Naupang man a hralh leh țhin an awm kha i hre ve em? Tunah pawh hian Police in an zawn mek kha"    thil pawimawh deuh a sawi dawn amaw ka tia hetiang lam a rawn sawi ta daih mai.





"Chu chu mi i news ropui deuh hriat chu ni a ka hre ve vek alawm keipawn, naupang pawh pawn an chhuah țhat ngam tir vak miah loh hi"     ka ti nghal vaka, mahse ka banah chuan min rawn beng lehnghal pawp!     "Amak, engmah ka la sawi zo lo ngaithla rawh, chung misual zingah chuan kha kan College kalpui țhin Sena kha a tel ve asin Police in an mana a tlan chhuak leha tunah hian amah leh a kawppui te pawh an zawng meka"     a rawn ti leh rual chuan ka țhu țha rang mah mah bawk.





"Tak tak ami? Lalrinchhana kha maw?!"    Ka ti nghal vak, alo bu nghat nghat    "avan mak ve.... mahse, engtin nge naupang ruk bo hmang te angah a tel theih zawka? Avan mak em em"    ka ti lehnghal vata. Mak tak ani, College kan kal lai kha chuan kan inkawm ve țhina tlangvel fel leh taima tak ani a, anu leh apa te tih beidawn tum ngai miahlo mihring ani min duh ve țhina mahse amah kha ka duh ve miau loh avangin pangngai takin ka hnawl a mahse a hnuah chuan min theihnghilhin bialnu dang te a neia keini nen pawh țhian țha tak kan ni chho zel bawka, chutiang thil a ti chu a mak ka ti takzet ani





"Ka pa khan min hrilha tunah hian an zawng meka an hmu chhuak țepin ka ring, keipawn ka hriat tirh chuan mak ka ti lutuk takzet ani a fel thei ropui si hetiang laka a in hnamhnawih hi awih har ka la ti hle bawk"    a rawn ti chhuak ve hap bawk.    "A number ila kawl ah khan i be thei em?"    Ka ti a, ka phone a chhiat avang khan ka number neih sa te pawh a boa Sena number pawh hi a bo tel bawk.





"Nei e, mahse a hman tawh loh thu a insawi zela a mak ka ti takzet kei chu a inthlak danglam nasa tawh e. Anu leh pah te tih beidawn a duh lo kha ania mahse tunah chuan a rin phak bak in a ti beidawng tawh âwm si. Ka pa phei chuan an hmuh hunah hremna a pumpelh loh tur thu a sawia a hremna chu a na ngawt ang ka ring"     a rawn ti a, ka âng phuau lo chauh ani. Hetiang khawp hian mihring rilru hi alo in thlak danglam theih khawp anih hi.





"Chuan englo, tunah hian hnunglam i hawia i buaina i chinfel a ngaiin ka hria"    a rawn tih leh rual chuan rang zetin hnunglam chu ka hawi nghala nu Hlui chu kan hnungah alo dinga ka țhutna ațang chuan ka tho rang mah mah bawk.   "Aw... um... enge hetah te ilo tih dawna?"    Ka ti deuh nawk a, ka hmuh thut avang nge ni ka awmdan a pangngai lutuk theilo.





"Irene-i tiraw inih? Kan inbe lawk thei ang em?"    A rawn ti a, Jenny chu ka en a min la en duh țhak lo lehnghal    "aw.. ah thei lutuk e mahse ka hnathawhna hmun ani si a pawn lamah kan inbe thei zawk ang em le?"    Ka ti a, bu nghatin kan dawr bul maia thingpui dawra min lo nghah tur thu sawiin a chhuak zui nghala ka thaw chhuak nghal ham ham mai.





"Avan den ve, Jen... Jez-a tello chuan engtin nge keimah chauhin ka biak ngam tak ang ka theilo ang nilo, ka ngamlo ani ka hlau Jez-a nen ințhen turin min ti anga loh theih loh din hmunah min siam ang tih ka hlau takzet ani. Chutiang chu ka duh lo kalsan ka duhlo ka Hmangaiha kumkhuaa a kianga awm ka duh"     tiin ka kut chu ka hmer vaka Jez-a tello chuan ka hmu huphurh takzet.





"Mahse, Jez-a telloa hmachhawn i zir a ngai zawk asin. A ni tel chauha i hmachhawn ngam anih chuan engtin nge i beih let ve ngam anga mi thlazar hnuaia awm reng hi a țhat lohna lai a awm ve ania. Engmah anih ring lo phawt rawh, chutiang engmah a thleng lo ang va kal chhin phawt rawh. Pawh țhen che u a tum chuan țang ve țang țang rawh"     a rawn ti a, min rawn kuaha ka hnungah chuan a beng thak thak bawka ka huphurh lutuk chu ka thaw chhuak leh vak vak zel bawk.





"Aw le, ka kal ang ka kal dawn.... ka thei dawn alawm vawiin hian chinfel ngei ka tum bawk ang ka ti thei ang"    ka ti a, thaw chhuak hak in Jenny chu ka en a, a kut zungpui min lo tihpir khum zeuh bawka. Ka bag chu ak in bungrua a lo thlen veleha min rawn call nghal turin ka hrilha chuan nu Hlui dawr  sawina lampang pan chuan ka kala ka va thlen chuan Angie-i nen an lo țhu duna min hmu lo phei se chu ka let leh daihin ka ring ani.





"Ka fapa bialnu leh a nupui tur ka hmu kawp theia a lawmawm khawp mai intur kan chah ange"     nui sânga a rawn tih rual chuan ka duh loh thu in ka lo chhang nghal vata Angie-i nen chuan kan inmelh deuh zak zak bawk     "duh loh thu sawi lo e, kan in ho vek ang chu"    tiin a tho chhuak zui nghala thingpui vel chu ava lam dawn pawh ani mahna.





"Irene, ka duh vanga kal ka ni hauh lo ania aw chuan Jezreel pawh hi ka duhlo kei chuan Hmangaih ka nei ani mahse nu Hlui leh ka pa hian innei turin min duh tlat si a ka theihtawpa dan ka tuma mahse ka dinhmun a țhalo zawk zela i lakah pawh hian ka inthiamlo lutuk asin"    Angie-i chuan nu Hlui hriat hlau zet chuan a rawn ti a, chhan dan ka hriat loh avang chuan ka ngawi renga ka haw lo a rilru hah tur zia ka hriatthiam puia ka hrethiam em em zawk.





"Aw le, in tur te alo thlen hma in kan sawi tur ilo sawi ho tawh ang u aw hna te in la thawk ve ve dawn sia chutiang chiahin keipawn"     Nu Hlui chuan rawn țhut pah chuan a rawn ti a, ka malchunga ka kut ka dah chu ka hmer vaka loh theih loh in min siam ang tih ka hlau ru hle bawk.     "Irene ilo hriat tho tawh ka ringa Angie-i leh ka fapa chungchang hi, an innei vat tawh dawna. Chuan nang hi a rawn bel tlat bawk si chea ka mo atan ka duh lo che tih hi hrethiam la ka duha ka fapa tan hian i țha tawk lo ani Angie-i pawh hian in ințhen hun alo nghak reng tawh asin, tiraw Angie?"    Nu Hlui chuan a rawn ti chhuak nghal pang a, Angie-i chuan min rawn ena ka lo bu nghat.





"Aw, ka nghak alawm"     a lo ti ve mai bawka vawiin hian a theih ang ang chinfel ka duh ka hmangaih lak ațang hian tuman min la hrang thei lo    "ka fapa hi kalsan hmasa zawk la ka duha a hmuh phak loh naa i awm chuan ani pawn reilo te ah a theihnghilh ve mai che anga chutiang chu ka duhdan ani. Ka fapa puitling tak hi amah enkawl zo theitu tur hmeichhia ka duha chu chu nang hi ini lo"     a rawn ti leh hmak bawk. Heihi chu vawihnih ka hriata a sawina ani tawh.





"Nu Hlu engatinge keini hi min țhen hran i tum tlatna chhan? Mi nun i tihchhiat sak ani ringawt dawn asin"    ka ti chhuak sap, a nui deuh saka a hmel a țhaa a nu lian bawk mahse zahawmna reng reng a neilo ka ti tawp mai kei chu     "ka tihchhiat sak dawn hleinem ka ti țha zawk dawn alawm nang ang mo neih ai chuan neih tir loh law law pawh ka thlang zawkin ka ring"     min duh loh zia zêp miah loh chuan a rawn ti leh a.





Hetia a fâl a kan inkawm ve hian Jezreel kalsan turin min ti nasa țhina mahse ka kalsan theilo ka chhang let hnem ngai lova Jezreel pawh hrilh lo in ka tuar tlawk tlawk țhina tuar chhuah hun ka la neih ngei ka ring bawka     "eng nge min duh loh em em na chhan?    Ka ti leh.





"Nang ang thawmhnaw dawr mai mai a thawk hi ka fapa Police Officer chin ngat neih atan chuan i hniam mah mah alawm mahse hna chu thuhran lo ni ta se in chhungkua saw chhungkaw hmingțha leh zahawm in ni loa chu bakah i mizia te hi ka ei reng reng hleinem, ka sawi ang khan ka fapa hi kalsan la hlim takin a nun hmantir tawh rawh"     a rawn ti a, min ti nui ve deuh ta sak bawk     "ka mizia hi, tuna ka mizia hi ei rawh pawh ka ti reng reng hleinem i ei tura nei pawh ka ni lo bawka chuan Jezreel hi ka kalsan dawn lo"     ka ti let ve saka min melhna ang reng viau bawk. Engtin nge hetiang ang hi Zofate ah kan awm theih zawk le.





"Nangnu hi! Ivan zak lo ve mawle țha te te in thil ka sawipui chea min la hnial ngam zawk ania lo en reng rawh ka fapa nena in in neih hi ka phal ngai lovang ka damchhung......"      a sawi zawh hma hma chuan mipa aw hian a hmingin a rawn ko ta hrâwih a, a hawi chhuak chiah chu hlauh hmel zet hian a ding chhuak nghala keipawh chu rang zetin ka hawi let a ka hnungah chuan Jez-a pa alo ding reng bawka a thinrim hmel ang reng viau bawk.





‍"Mama pa, e... enge hetah i rawn tih daih daih a?"    nu Hlui chuan a ti ban deuh chap a, pa Asanga chuan kan lam a rawn pana nu Hlui bulah chuan a rawn ding chat    "vawi engzat nge bansan tawh rawh ka tih che. Mahni fate ngei hlimna tur pawh hmuh thiam sak thei lo mihring eng em em nge maw inih le. I fa hrin ngei hlimna tur duh lo in a nun tihchhiat sak ila tum ania i rapthlak ani tih hi i inhre hauh lo"     a rawn ti ta hrâwih. A țawng ringlo mahse kan hrechiang em em thung.





"Chutiang ani lo, a nun siam țhat sak ka tum mai ani he hmeichhia nena an awm hian min ngaihsak tawh ngai reng reng hleinem a chhungte, a nu ngei pawh hi min theihnghilh țhak thei asin"     tiin nu Hlui chuan pa Asanga en ve kalh pah chuan a ti a, he ta țanga chhuah vat hi ka duh     "in thusawi kha ka rawn hre hman vek. Kan fapa hian Irene'i a neih ațanga a hmela nui hmel rawn lang chhuak hi i hmu theih lovem ni. Nu i nihna angin i fate hlimna tur chu i zahsak tur ani duh thlang thei rual an ni tawh, an mahni tana țha tur thlang rual an ni ve tawh naupang kum 6 mi ang leka khuahkhirh a ngailo"    pa Asanga chuan a ti leha...





"A tawk engmah sawi tawh suh, min rawn zui rawh.... Irene engmah hlauhthawn tur a awm lo ania Bawiha nen hlim deuhin hun hmang rawh u inu Hlui chu vengthawng suh u, kei ka awm chhung hi chuan in hlimna an tihchhiat sak lo ang che u"    tiin pa Asanga chuan min țawng thlamuana chhan dan tur ka hriat loh êm avang chuan ka lo bu ringawta nu Hlui chu a kai chhuak zui nghal bawka engtin nge hetah a rawn kal theih daih zawk le. Min ngaina lo ve tho amaw ka lo ti a mahse ka thlavang min hauh saka ka lawm takzet ani.





Ka tho tur chu ka phone a rawn ri a, Jenny chuan bungrua a rawn thlen tawh thu a rawn sawia ka kal vat tur thu in ka chhang let zui nghal bawk.     "Englo, Irene i kal hma in leh lawk aw. Thil nihdan chu i hre vek tawha kei hi min hua em ka tih awmzia chu nu Hlui khan a mo atan min duh bawk sia"    Angie-i chuan inthlahrun hmel zet hian a rawn ti a nuih pah chuan ka lu ka thing nghal vat.





‍"A tir kha chuan ka hua chea a chhan chu ka țhiannu ini a engmah min hrilh ve loa Jez hi i duh ve anga ka ngaih vang ania mahse tunah chuan engkim chiang takin ka hre vek tawha huat nachhan tur che ka nei hleinem itan pawn a harsa ngawt ang ka ring keipawh ka buai ve hrep tawha"    ka ti a, hahdam hmel zeta rawn thâwk chhuah hawk pah hian a rawn nui chhuak a.





"Jez chu a hausaa a hmelțhaa, a pâ bawka a rintlak bawka innghahna tlak pawh ani ngei bawk ang ka duh chuan ka chhuhsak daih thei che mahse thil dik ani loa bakah ka Hmangaih miau bawk si loa ka duh chuan sum hi ka chên daih thei tawh mahse Hmangaih miah lo te bula sum nena nawm chen ai chuan Hmangaih tak te nena bahra khur laih an tih ang kha ka huam zawk ngei ang kan hlim dan kha a dang dawn em asin"    a rawn ti a, a nui a, a tho chhuaka chumi rual chiah chuan nu Hlui thil chah kha a rawn thlenga a chah tu nu ber a awm loh avang chuan a man kan inpek sem ringawt bawk.





Bungraw lo thleng chu motor ațang chuan hlâng thla in store room-ah chuan kan pawm lut zela puan than eng emaw zat alo thleng tel bawka nidang zawng aiin bungraw thleng a tam zawka a rit zawk bawk.     "Hetah hian i sign a ngaia nula"    tiin driver chuan lehkha hi min rawn pea   "englo, kan pi ber Sign tur ani lo ami?"    Bangbo lutuk chuan ka ti a, a chungah Madam sign na hnu a awm vek bawka, a chhan chu kan pi hian hetiang hi midang tih a phal ngai loh vang ani.





"Bungrua lo dawngsawng tu apiangin an la ngei ani tih fiah nana ti kan ni a ni dangah chuan in pi chuan a dawng țhin ngeia mahse vawiinah erawh nangman i dawnga hetah hian i sign a ngai ve thunga"     a rawn ti a, pen min rawn pe pah bawka. A pawi loh ringin lehkha ah chuan ka sign ve ta tawpa min hau thei bik lovang.





"Enge min chhang ve mai la i nu tur sual hmel zet nen chuan enge in sawia?"    Jenny chu ka hnathawh laiin ka bulah a rawn țhua chu ringawt pawh chu a vawithum min zawhna ka chhang peih țhaklo    "nakinah engkim chu ka hrilh vek ang che tunah chuan engmah ka sawi peihlo"     ka ti a, thawmhnaw chu la chhuakin ka khai nghal zel bawk.





"Hmm.... thil duhawm vak loh a thleng ani maw? Loh theih loh chuan a siam ta che ami? Mawh.... sawi mai mai teh i thawk dawn pawh nilo i kâ in alawm i sawi dawn thil har pawh ani lo"    a rawn ti leh hlak. Ka thawmhnaw khaina turah chuan rawn dingin ka kalna lamah chuan alo kal ve zela ka melh rum lah chuan min lo la nuih vur vur zel lehnghal    "aw le, a țha e... engmah thil pawi thleng a awm lo, a țha vek tikhan ka hrilh tawh chea i hlim tawh em?"    Ka ti chhuak țhat, a lu a thinga ka sirah chuan a rawn kal leh.





"Hlim lo, a chhan chu engmah min hrilh kim lo miau a ka lawm lo ani tawp mai ni i țhian anga min la ngai anih chuan engmah hmaih awm lovin min hrilh vek tur ani anih loh chuan.... ka sawi ani mai"     a rawn ti lehnghal zat     "chona min siam ziah suh aw ka sawi peihlo alawm. Zanah lo leng la ka hrilh ang che"     ka ti a, ner nâwngin min melh rum hrepa ka lo nuih mai mai bawk.





"Ehe! Saw, Jez alo kal anih saw khawnge ka va lawm ang e"     Jenny'n a rawn tih hluai avang chuan ka phu nghek! Pheikhawk sâng vak lo a bun bawk nen a tlan ri chu a ring em em bawk. Min tihder leh tawh ani ngei ang ti rilru chuan hmel nêlawm loh zet nen chuan ka hawi leta mahse ka hnung chiaha mak tih hmel zeta min lo en reng tu avang chuan ka inthlak chiang mah mah, min tihder lo.





"I thin a rim em ni?"    Ngeiawm zet chuan a rawn ti sup. Ka lu ka thing nghut nghut a, enge maw ka hriat le    "rim lo e, Jenny khan min tihder amaw ka tia chuvang alawm. Chuan, ivan lo kal hma em em dar thum pawh ala ri si loa hnaah i buai lo ami?"    Ka ti a, ka lam pan chuan a rawn kal nghal zat bawk.





"Buai lo angah i ngai thei ang ka bialnu ka hmu chaka meeting zawh veleh ka rawn tlan bo"    a rawn ti a, a lam hawi chuan ka inher     "ngatinge chutiang te itih, i hna thawk zo phawt ta che kan chhuah hnuah rilru nuam lo zeta min awm tir i tum leh ami? Chhuah lai lai in hrilhhai zeta awm turin hna lamah min kalsan leh anga i hna hi chu ka haw ngawt mai nang lah i rawn tlanbo chhen zel bawka"    ka ti chhuak hlak. Ka thusawi chhung zawng khan min lo nuih char char anih chu!





"Ka sawi kha nuihzatthlak pakhat mah a awm lo ania aw... duh leh nui rawh, nui zo vek rawh ka chhuahpui âwm lo che"    ka ti leh hmak. Ka sawi zawh rual chuan a nui chhuak nghal hawk hawk bawk    "enteh, Jez i bialnu han thinchhiat zia chu maw thil ka zawta min hrilh duh loa min vîn vel mawle vawiin chu a awmdan hi a dik chiahlo kha nangmah pawh nuih lo che in a rawn vin lehnghal ngawt che kha"    Jenny lah chuan ala rawn ti ham ham lehnghal.





"Engthil nge i zawha?"     Tiin Jezreel chuan Jenny chu a zawta pakhat lah alo phur ngang mai.





"Vawiinah inu in inhmuh pui ah a rawn sawma chuta an thusawi vel chu ka hre ve chak a ka lo zawt...."     a thusawi avang mai mai chuan a sawi zawh hma hma in    "Jenny!"     Ka ti chhuak vak, thil a ti pawieh vek dawn. Ani pawh chuan sawi sual tih inhre zet in a hmui a hup nghal chat a. Jez chuan min rawn en zui nghal zat bawk, min zawt leh ngei âwm si a engtin nge ka hrilhfiah tak ang.





"Hna ka ngah lutuka ka lo va kal hmasa ang"   tiin Jenny chu a inthiarfihlim nghal zata Jez chu ka en reng ringawt     "ka nu alo kala chumi chungchang chu engmah min hrilh i tum miah loa?"    A rawn ti a.





"Aih, chutiang lam ani lo hrilh che ka tum reng alawm mahse hetah nilo se ka duh vang ani chu zawng chu i ngaih ang kha engmah ani lo"    ka ti nghal vata, min rawn pan hnaia     "ka nu nen chuan enge in sawi min hrilh rawh. A vo che em? Nge ni a, min kalsan turin a ti zawk che? Engkim min hrilh vek rawh"    a rawn ti nghal sup. Dik taka sawi chuan hrilh kha ka tumlo asin mahse Jenny vanga ka sawi leh ngei chu a ngai bawk si.





"Engkim sawi rawh, hlauh tur a awm lo ania ka awm hi, tuman min țhen hran rem ka ti ngailo ang"    tiin ka kut chu a rawn vuana thaw chhuak hak in thil thleng chu ka hrilh nghal veka a pa lo kal chungchang te nen ka hrilh vek bawka ka sawi lai reng chuan ka kut chu a hmer chawt chawt a. Ana lek lek bawk.





"Ka nu hian engkim a ti mah mah ani vawiin hian engkim ka tifel vek dawn ani"    ti hrâwihin ka kutah chuan nghet zetin min kai a     "ka lak ațang hian tuman an lak hran che ka phal ngai lovang"    rawn ti leh sup in ka chal ah chuan a rawn fawp zui vang vang a hahdam tura min hrilh lehnghal zatin dawr ațang chuan min kai chhuak a, an in lam min pan pui nghal zat bawk.





Ka pa sawi ang chiahin engpawh huam in anu leh pa kan hmua Hmangaihna chuan thil alo ti thei takzet bawk. Mittui mai a ko thla lo, chhungkaw inpumkhat lehzualna, inlungrualna, hman ațanga chhungkaw kehchhe tawh inzawm thar lehna, thinlung hliam thlengin a silfaiin a siam țha leh thei. Chutiang bawk chuan Hmangaihna bawkin nâ a zawnga nâ ber a siama a tuam dam leh tu pawh Hmangaihna bawk ani. Hmangaihna avanga vawikhat i nat avang ngawt khan ngainêp mai suh in chhungkua kha in in Hmangaih avang chauha tun thlenga la ding thei anih kha.





I nu leh i pa ten Hmangaih lo che se an fa atan an duh tawh lo tawp ang che khang hlimna i hmel ațanga nui hmel an hmuh theih te kha Hmangaihna vang ani. Hmangaihna chu miracle ani. Tuna nu leh pa neilo, Home lama awm te saw an mal amaw ilo ti ngawt ange an mal hauh lo ania Hmangaihna dai ve ngailo neitu Pathianin a awmpuia a venghima ani chuan Hmangaihna tam takin a vur a, an mal hauh lo thinlung taka hlimna an neia chu chu Lalpan a awmpui vang chauh ani.





🦋
"Ngatinge vawiin khera heta kal hi i tiha? A vaiin ila book lehnghal"    a hmun vel enkual pah chuan ka ti chhuak sap. Tunah hian Park-ah kan awm meka vawiin atan leh kan pahnih tan Jez an a hauh tawh bawk.    "Eng emaw sawi ka duh avang leh nilenga i bula hun hman ka duh vang ani"    ti sup in, hnunglam ațang min kuaha ka darah a khabe a nghat zui nghal bawk.





"Anih chuan sawi la"     ka ti sep.





"Assam lamah min post-a vawiin tlaiah hian ka kal nghal dawn bawka"     a rawn ti sup, a kut chu ka vuan nghal vat a     "engtia rei nge?"    Ka ti sap bawk.





"Chung erawh ka hre bik hauh lo mahse a rei ka ringlo"   a rawn ti leh supa, ka bengah chuan a fawp zui nghal zeuh bawk.   "Ihmaw... min tihder miah lo tiraw?"   Ka ti chhuak hap, a kut chu ka hmer vang vang a Post-ah vawikhat min awm san tawh, a hreawm zia ka hre tawh.    "Lo hawi teh..."    tih pah chuan ka ban bulah min dawm in a lam hawi zawng chuan min kuai her a.





"Ka rawn let leh vat ang a țha em? A hma anga rei kha chu ani tawh dawn hauh lo ania beidawng takin ka siam tawh lo ang che. Ka tiam a che, chuan ka rawn haw velehah kan innei anga ka kalna apiangah ka hruai zel thei tawh ang che. A țha em? Min nghak thei ang tiraw?"     A rawn ti sup, ka mittui a tling kuau mai.





"Țap lo la, ka zawhna chu chhang la, min nghak thei ang tiraw? Ka lo veleh ah kumkhuaa ka ta ni turin ka siam che anga chuan ka kalna apiangah ka hruai thei tawh ang che"     a rawn ti leh sup, ka maimichhinga ka mittui ka biangah a luanga, ka chalah a rawn fawp zui vang vang a    "Bawihi"    a rawn ti leh sup bawk.





Bu nghat nghat in    "aw, ka nghak ang che, ka nghak ang che. Ka nghak thei che hreawm dawn viau mahse ka thei em em ang kan awmna chu inhlat dawn viau mahse kan in Hmangaihna chuan mêl tam tak a tan tawia min țhen hrang dawnlo chuvang chuan khawi hmunah pawh awm la ka nghak reng dawn che Kan in Hmangaihna hian min ti chak dawn ka hria alawm mel tam tak inkar danah awm mah ila kan tan chuan kawng tawi tak chauh ani. Ka nghak ang che, ka engkim inih hun chu ka lo nghak reng ang"     ka ti sup, ka chala a chal nghatin a rawn nui ri suka    'Ka Hmangaih lutuk che'    ti sup in min fawp vang vang bawk.





Ka Hmangaiha, a chang chuan a hna hi ka haw țhin post-ah min awm san foa a chang chuan hreawm takin min awm tir bawka mahse a hna ani a, pawm thiam dan ka zir a ngai bawk ani. Kan in Hmangaiha, inhlat takah awm mah ila kan thinlung a inzawma thihna chauh lo chuan min țhen hrang hauh lo ang. Heihi ani Hmangaihna chu a hnathawh te hi kan in Hmangaihna ti zual sauh tu ani si. A hna avanga hmun hrana a awm ngai pawh nise ka Hmangaiha ani pawn min Hmangaiha ka engkim anih hun tur chu ka nghak thei tur ani. Ka nghak ngei bawk ang.





THE END....

A inkaw kalh nuai maitheia😅 ka rilru ah a lian lutuka ziah ka chak zek zek a.😅💓



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 6 guests