Rosangliana Khawlhring 4 By LalHruaitluangi Chhangte

Story tawi te te emaw luanliamna emaw post na
_C.Hruaii_18
Posts: 8
Joined: July 11th, 2020, 3:50 pm
Location: Kawnpui/Aizawl
Contact:

Rosangliana Khawlhring 4 By LalHruaitluangi Chhangte

Unread post by _C.Hruaii_18 » July 29th, 2020, 11:56 pm

Zanin chu ka dah loh aia ah aw.....🤗🥰





Rosangliana Khawlhring - 4 By LalHruaitluangi Chhangte



Kan inhmuhna tur restaurant ka pan mek a, thil ri bur ka hria a, ka tukhum a na zawk, abak chu a thim zui vek.......



Ka harh chuan ceiling a light eng var pup ka hmu a, ka lu a na em² bawk, ka mit a vai rum² a, ka kut chu nghet taka chelh tu an awm tih ka hria, mahse tu nge tih en turin ka lu pawh ka kân thei lo, ka mit ka chhing a, ka muhil zui nghal...



Ka harh leh chuan ka lu na a awm tawh lo a, ka sir lam ka hawi chuan khua a thim tawh tih ka hre thei, ka nu leh ka pi an lo tho a,

"Mambawih, i lo harh tawh maw, na te ila nei em...?" ka nu chuan a lo ti a

"Aih, ka tha tawh e" ka pi chuan chunglam melh pahin

"Lalpa, ka lawm e" alo ti sup a, ka mutna khum chu an rawn hual nghal vek a, ka Pi leh pu, Papuia te nupa, Pa Thangpuia te nupa leh ka thiante pawh an lo awm kim vek, mi pakhat tih loh, kan mihring inla Cool-a chuan min ngaihsak lo bik hle mai, a nupui tur ka inhliam chung pawn hmuh tur zu han awm lo a

"Mambawih, i tha tak² maw, na i nei tawh lo maw...? Min ti hlauthawng lutuk a" ka Nupuii chuan a lo ti bawk a

"Immm, ka tha tawh tak², na pawh ka nei tawh lo, min ngaihtuah su"

Ka pa chuan
"Tluanga, Doctor va ko ta che " a lo tia, Tluanga chu bu nghat chungin hmanhmawh takin a chhuak a


Doctor chuan min check a ka that tawh thu a sawi a, naktuk a ka chhuah theih tur thu min hrilh bawk, ka lu chu bandage varin an tuam a, ka accident dan kha chiang takin ka hre bik lo, darkar riat lai nikhaw hre lo in ka awm a lo nia, ka pu chuan

"Doctor khan i harh vat ang a ti sia, i muhil rei lutuk kha kan ngaih a tha lo hman a lawm" a lo ti charh² a

" Pu, ka tha tawh lutuk, min ngaihtuah su, na pawh ka neih tawh loh hi, inah va haw ula va chawl hahdam ru"

"Nia, pu RemRemi chu ka lo riahpui ang"Zami chuan a lo ti ve a

"Nia, va haw ru, ka tha e"

Ka thiante pawh an haw tawh a, ka chhungte leh PaThangpuia te pawh kan tih luih avangin an haw ve hram...
Dar 9:30 vel a ni tawh a, Zami pawh a chau tawh ngawt ang, mahse thil zawh duh ka nei


"Zam, engtin nge ka accident tih in hriat, chuan ka accident dan kimchang pawh ka hre lo" ka tih chuan a khi vur² a

"Eng nge, ver vur che chuan....?" A ngaihna ka hre lo, he nu hi chu aw

"Nia, ihhh i nu in chanchin min rawn hrilh a,damdawiin ah i hming ka zawh khan nurse duty khan i cabin nb min hrilh a, i nu te ho hmuh ka in beisei lai khan i cabin kawngkhar zim te a ka hawn khan maw, ka thil hmuh kha mak ka ti a sin aw, tun thleng hian ka la awi thei lo" a ti a,.eng nge ni ang tih ka ngaihtuah thiam lo

"Eng nge thleng a.....?" ka lo ti vat

" Rosangliana kha i kut vuan chungin i khum kha alo bawh a" ka lo ner sawng mai, khawvel ah a awih awm loh ber ang, mahse ka kut kha nghet taka chelh tu kha chu an awm, mahse ani kher chu a ni lo ang.

"I daw lutuk........ Zothanzam" tih pah in a ban bulah ka chum a

"A nahhhh, a nia lawm eng nge i awih loh." Ka awi lo hulhual

"Chuan ka accident dan chu....?" Ka ti leh daih a

"Kawngkhar ka hawng zau chiah tih khan i chhungte leh Rosangliana chhungte an lo thleng ve chiah a, ka hmaah ka luh tir a, ka luh ve chuan i khum mawnglam ah a lo ding daih tawh a, i pa in chanchin a zawt a,.' In hmuh in tum ni awmin a sawi a, chuan in inhmuhna tur a thleng chiah kha mipui khan eng emaw an lo bawr luih a, ka va pan hnai chuan Rempuii a lo ni renga a tukhum zawnah chuan thisen a luang a, a bulah mipa pahnih chu scooty in alo delh ve reng a, an hmel atang khan an harhfim lo tih a hriat bawk, police an lo thleng a, lockup lamah an kalpui nghal a,Rempuii ka pawm tho a, ka car lam ka pan pui nghal' a tia, chu bak chu kan hre bik lo , darkar khat vel a awm a, a hnu ah thil pawimawh a awm tiin a chhuak a, hei tun thlengin alo la let lo chu a nih hi" a tih lai chuan kawngka a ri rak a,

Doctor leh Rosangliana an rawn in zui lut a
Rosanga chuan ka bag a rawn khai bawk a,

Doctor chuan ka that leh that loh min zawt a, ka that thu in ka chhang a,

"Rsa nupui tur lek i lo nia, a inzep thei khawp mai, vawiin ah nupui a nei dawn tih kan hre chauh a nia, min sawm ve ngei ka phut a nia, Dr Ramdina " tih paha a kut rawn phar chhuah chu ka lo ban a,

"Rempuii" ka lo ti let ve sap a

Rosanga nen thian an nih thu a sawi a , ka nuih ringawt , ka hmelhriat a ni bawk si lo a, chhan ngaihna pawh ka hre lo, mahse a mizia atang chuan a nelawm ru phian

"Hey, Ramdin i ti hrilh hai zo ange, Bawihi hei i bag ka car ah alo la awm a" eng nga.... BAWIHI aa, ava zak lo e, ka melhrum teh e, a mit in min signal a, a thianpa a awm tak, ka lo nuih sak a, ka nui mawi viau lo ang.


" Anih thiana, ka kal aw, tui deuhin in mu dawn nia..." Kawngkhar lampan pah chuan Dr.Ramdin chuan a ti a, Rosangliana chuan a zui a, a chhuak ve dawn maw ka tia , chhuak ta mai lo chuan a rawn let leh a , Zami ep chiah ah a rawn thu thla a,

"Ka nu te ho hi an haw na a rei tawh em....?" Hmek hmuk chuan

"Rei lo, an haw deuh chiah" Zami zawk chuan a lo chhang a
Ka bag chhung ka en chuan Contract paper ka dahna file kha....ka hmu lo... Khawnge......tuma hmuh chi ani lo......?Engtin nge ka tih ang.....?Rosangliana hian a kawl nge ka chhungten, ka , engtin nge ka tih dawn...? Lalpa, min pui hram teh.....
Ka chi ai leh vek tawh, Zami chuan a hretthiam a ni ngei ang, min ngaihtuah hmel tak hian

"Rem, na i nei a mi, i hmel...." a tih chuan ka lu ka lo thing vat a, chutah Rosangliana chuan

"Zami, min lo hretthiam lawk la, Bawihi hi a fala biak lawk ka duh a..?" a tih chuan kan en vat a

"Awle², inbe ru ,pawn ah ka lo va awm ang...." tih pahin a tho zui a,Zami'n kawngkhar a rawn khar chuan ka khum bul thutthleng ah chuan a rawn thu thla a, kei chu ka lo ngawi kar thung.

"Heihi i bag ah ka hmu a..." a tih chuan ka hawi chhuak vat a, contract paper ka dah na file chu a lo lek kang va a...Lalpa, ka va lawm ve.... Mahse

"Imm, kan chhungten an hmu em....?" ka ti vat a

"Aih, hmu lo, hei vang hi mi inhmuh i duh a?"
A lo ti let sup a,

"Aw,i lo chhiar vek tawh mi....?" Ka ti let a

" La chhiar lo, a hmanhmawh thlak loh, kan in neihfel hnu ah kan sawi dawn nia, dam vat phawt rawh, ka nupui tur hi hrisel taka a awm a ngai a nia" hmmm Rosanglian, i tho â chu a ni em lo maw, eng nge i hriat, inneih hnu a sawifel maw, nupui tur , eng nge i hriat teh hrep chu le...

" Tunah kan sawi fel thei lo a mi? Nakina sawi ka duh lo, tunah hian sawifel nghal ang...." Ka tih chuan

"Hah.... I hmanhmawh a nih kha, Bawihi....." A vei nuih leh suk a, a thutna tangin a tho a, khum mawng lamah a kal phei a, ava han ngeiawm mai² tak, ka melh rawm² ringawt a, chhan ngaihna pawh ka hre lo, melh nasat lutuk avanga thih theih chu ni se tunah hian a thi tawh ngei ang.......


"Bawihi, i thiannu a awm tho a, riahpui i ngaih hmel loh, mangtha aw" a tih leh chiah chuan engtik laiin nge ka ban pawh k hre lo, lukham a thlawk phei fua a, alo in bum hman tho, chhuata lukham tla chhar pah chuan,

"Nupui, kut rang leh kawlh tak ka nei dawn a nih hi" a ti leh a, ka kut ka hum ruh ngawt² ringawt, sualthiam lutuk... Kan inneih hun ah chuan kan insual zauh² pawh a rinawm....

Ava han sual tak, he inneihna hi ka pu vang chauh a pawm ka ni a, he mihring pa rilru hian eng tak chu ngaihtuah ang maw....? A landan ah hi chuan engkim hi a pawm thlap a ang bawk sia, ngaihzawngbte neiin a hnial ve lo amawn le, nge ni a.... Eee ka hria Valsenior luck lo a ni ngei ang, kum kua laiin kna inthlauh tak kha, ninawm ka ngaihtuah peih tawh lo.....
Zami lo luh hnu ah kan ti ti a,

"Enteh, Rosangliana hian ngaihzawng a nei lo mi le....? Ka tih chuan min en vat a

"Ehhhh, i ngaihven tan....?" A tih chuan ka ngei lutuk,

" I ring a mi, mawl suh.... Ka tih chhan zawk chu inneih tur chungchang an sawi te khan hnial ve awm tak, engkim hi a pawm thlap nimai hian ka hria, Bawihi tia min koh phei kha chuan e,,,,, ben thluk pawp ka chak, ka thinrim zia kha, tuman Bawihi ti pawn min la ko ngai lo" ka thinrim lutuk chu ben thluk ka chak dan te chu action meuh in ka ban nen ka phar vel a, Zami lah chuan min lo nuih char² lehnghal

" Nui suh..." Ka tih vak chuan, a kutzung chal a hmui zawna dah chung in nui pah deuh hian

"Shhh , a tlai tawh, i bengchheng lutuk "

" I sual emai....."


"Ka hre chiang chiah bik lo, hmanni deuh khan Model Zorinsangi nen khan an thlalak dun na te kha post a awm a, an inthen thu vel sawi a awm miah lo a, ka chiang bik lo"

"Chu nu nen chuan an inkawpna a rei tawh a ngem?"

"Ihhh, kum1 leh chanve vel a niin ka hria"

"Kan inneih tih hi a hre ngei awm sia, engtin nge a tih ang le...?"

"Thik che se i ti mi...?"

"Teuh lo, i â mi..."

"Rosangliana hian min va ti buai tak, ka ngaihtuah ngai miah loh tur thleng² in ka ngaihtuah phah...."


"I ngaizawng reng hi a ni lo maw...?"

"Hnai lo tak ani"

"Ehhh, ka va awi lo chiang tak"


"Hmm, i sual nangpawh hi Rosangliana lamah i tang a nih hi, mangtha" tih pahin lehlam ka haw daih a

"Muttui le" a rawn ti ve mai bawk a...







Dt. 22 May 5:30 a.m

Ka muttui lai chu min rawn sawi dat² tu an awm avang chuan ka meng riai²,

"Thiannu tho rawh le... In buatsaih kan ngai a nia...." Zami chuan a lo ti a, ka va han tho peih lo em.... Vawiin hian ka damchhunga ka kawpuitur nena Pathian leh kohhran mipui hmaah 'Tiam tlat e' kan ti dawn chu a nia.... Awiiiii

"Immm, lo inbual rawh aw...."


Ka room balcony ah ka chhuak a, railing bawh chung chuan kawtzawl a ka chhungte ho phu nuai² chu ka en a, ka pa te lam hi chu an tam lutuk lo a, bakah Lunglei lamah an pem phei deuh vek a, kan inpawh lutuk lo, ka nu erawh chu Kolasib khua a nia, anni lam nen hi chuan kan inpawh ve pangngai, an thahnem bawk a.... An zi huai² mai a lawm....
Hethil ka chunga a thleng ta mai hi kala hrethiam thei chuang lo, ka u kha hmu hman lo mahila, a thi khaka ngei ber tum aning...
Mahse tih theih ka nei lo....

5 hours later


Ka damchhung hian ka nunah dar2 a ri dawn a, chumi 2 zinga 1 chu a ri mek a....

Biakin chhung ka lut chu mipui an lo thu khat vek a, ka lung chu a phu a rang kher mai....
Thu kan tiam lai te chuan ka nervous lutuk chu ka khur ru char² bawk. Tunah chuan pasal ka nei ta chu a nia, enge ka chungah thleng zel dawn erawh ka hre lo kher mai..


Pawna kan ding lai chuan, mi hrang² in min chibai a, an chhubg hnaivai deuh te kha an hming a sawi zel a, mahse ka theihnghilh leh vek tawh. Thiantha tak² a nei a, best a a hman hi Simon-a a ni a, keiin Zami ka hmang bawk... Mipui an tam si, kan branch pawh an rawn kal kim vek a, ka lawm kher mai, mahse mo kawr hak hi a lo hahthlak a nih hi, ka nuih dêrna lamah ka biangte hi a kham thum mai, mut hahdam siai² ka van chak tawh tak. Biakin ah ruaitheh vel an ti nghal vek bawk a, lehlamah a hahdamthlak....

Ka lawi hnu a ka chhungte haw tur chu zui haw ve mai te ka duh rum² mai, ka lung a leng lawk kher mai... kan thiante pawh an haw vek tawh a, tunah chuan kan nupa room ah kan pa2 chiah in kan awm ta ran mai, sofa ah a thu a, thil liantham deuh ngaihtuah a ang....


A rawn tho a ka lam panin a rawn pen a ka bul a rawn thlen chuan

"Va in bual hmasa la" a tih chuan a mah ka en a,

"Ihhh..... Eng lo.....ahhh..." Ka sawi hreh bawk sia, mahse khum khata mut erawh ka duh bau lo

"Eng nge....?" a lo ti hmuk a

"Khum hi kan intawm em lo ang chu tiraw...?" ka tih chuan a ka atangin a thaw chhuak hawk a

"Ka nupui neih zanah hian ka khum ah pawh ka mu thei dawn lova maw.....?" Vin hauh si lo, mahse khauh tak hian a rawn ti a

"Aw, theih loh, a theih loh hul hual, midang anga inhmangaih avanga nupa a insiam pawh kan nih loh hi" ka tih chuan min en vung² a, eng emaw sawiin a phun sup a, a thaw chhuak hawk a

"Sofa ah ka mu mai ang" a tih chuan ka lawm kher mai, ani nena khum hi tawm hi ka duh lo takzet.... Ka khi vur² a,inbual turin ka lut zui nghal daih.




Imagination is Reater Than Reality




Type mood ah ka cheng lo lutuk a, ahreawm zawk, hei ai thui rawn dah ka tum a, in delete palh hlauh mai, a pawi ka ti....

Next ah chuan thui tawk kan dah ang...🥰🤗🤭



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 4 guests