The One That Got Away

Story tawi te te emaw luanliamna emaw post na
Lost Girl
Posts: 4
Joined: February 15th, 2019, 11:26 am
Contact:

The One That Got Away

Unread post by Lost Girl » October 24th, 2020, 12:24 am

“Min duh lo mi?”

“Aw” Ti a ka chhan bul hmuk hnu a phone I dah hmak trum kha I aw ka hriat hnuhnun ber trum ani.

Kum 3 dawn liam tawh mahse khami ni kha ka rilru ah ka ngaihtuah let tluk tluk thin.

I hria em, “aw” ka tih kha dawt ka sawi anih kha.

Dik tak chuan ka duh lutuk vang zawk che khan ka hlau ani. Ka duh zia che I hriat chuan min hne nga min kalsan ka hlauh vang ani. Mahse ka hlauh em em chu a thleng tat ho tho si.

I number pawh ka la nei reng asin. Lo biak che hi ka chak thei khawp mai mahse min chhan duh loh maw midang ilo neih chuan ka na nawn in ka inti mualpho mai mai dawn si, enga tan maha min ti lo tura ka ngaihtuah phei hi chuan ka zuam lo.

Kan in tawn ni kha koh kir leh thei se ka va ti em, zantin ka mut hma khami ni ah khan ka cheng thin.

Aizawl City Bus kan intawnna ngei mai kha.

DC Office ah kal ka ngaih vangin hmanhmawh takin bus ah chuan ka lut a, bus seat hnuhnung ber dawt tu, kawngkhar hma chiah chu ka bus chuan pianga ka thut duh berna nih vang chuan ka thu a. Ka hma ah chuan mipa leh hmeichhia thu an lo awm a. In ngaizawng an nih ka ring ve ringawt a. Chupa ngei mai chu ka nun thlak danglam tu anih ka ring ngai lo.

Entrance tling hlim tih takah inah lehkha zir in kumtluana inkhung hnu chuan biak tur pawh chu aneih loh ve theih khawp mai. Ka rilru a awm zawng chu college tran a lehkha zir a tih that kha ni deuh tawp mai. Ka suangtuahna pawh chu a hmun ngaihtuah chuan a chut thlak ve khawp mai.

Chutia ka in ngaihtuah melh melh lai chuan ka hnung atangin mi han min lo au a, ka hawi let rual chuan ka hma a thu pa pawh chu alo hawi let tih chu ka mit sirin ka hmu a.

Min lo au tu te chu ka coaching kalpui thin te an lo ni lek a, result te kan college thlan te kan han soi deuh neuh neuh a, chumi hnu chuan hma lam ka sawi san leh mai a.

Bus a che tran tihah chuan ka hma mi chu ka bulah alo in sawn a, ka rilru chuan mak ka ti reuh hle. A thut pui nu nen khan an in hriat hmelh sia, tinge a hmelhriat aiin a hriat ngai loh bulah a insawn duh le ka ti a mahse thil dang ka ngaihtuah san leh deih a. Bawngkawn kan thlen dawn chuan ka bula mi pa chuan a kiu in thian kan ni ni awm tak in zawi te in min lo nghawk a, ka va en chuan min lo nuih ringawt a, ka hrilh hai hle.

Tihpalh thilthu niang ti chuan tukverh lam chu ka hawisan leh daih a. Min rawn nghawk nawn leh ta. Ka en leh chuan a ngai te bawk chuan min nuih leh ta, a hmel a pa reuh nen nen a a deuh mawni ka ti hman rum rum. A vawithum na ah chuan min fiam tih ka hre thiam ve chiah. Chut ve tak, zakzum leh mi biak tham lo em em mi ka lo ni bawk nen, mak ti deuhin ka en hraw ringawt , nuih let nachang maw biak nachang pawh ka hre lo.

Amah chuan min be hmasa ta nge nge, a rei ve taw em avang chuan kan thusawi chipchiar ka hre tawh lo mahse ka hriat zawng erawh chu kan mizia in an lohzia ani, ka opposite hi ani ringawt, a confi em em a, a trawng duhin tawngkam a hneh si, a funny em em bawk, tum loh deuh, zak chungin ka nui ka nui ta mai. A mizia chuan ka rilru a hneh nghal khawp mai. Kan ti ti trang reng reng chuan a fing tih hai lo. Ka rilru ah chuan a kar hmasa a ka mumanga ka mipa hriat ngai loh hmuh, a taka ka tawn chak em em kha Pathianin min pe ani ta berin ka hria. A chhan chu mipa a ka mize duh zawng zawng a nei vek ani.

Midang tan chuan kha bus a darker chanve lek kan chuan kha chu a ho tham maithei mahse ka tan chuan ka hun tawn tawh zawng zawng a ka nuam tih, min ti hlim tu leh ka theihnghilh ngai loh tur ani si.

A chhuk dawn hnaih ah Chanmari bus stand ah chuan ka whatsapp number chu min dil. Kei lah zakzum mawl tih takah pe chak chung khan ka pe zak tlat pek a.

“Whatsapp ka hmang lo” ka tiha min melh dan chu a nuihzathlak zawk a chhan chu ka hman lai min hmu ve reng si.

“Ka bula awm reng pawn dawt min hrilh nia” ati chu ka zak reuh khawp mai mahse mak tak main min hip tu ani leh tlat. Mipa dang chu tianga ka hnawlin ka hreh tih hrethiam in min tlawm san mai zel, ani chu ani ve hauh lo. A rilru a awm chu a sawi phung phung a, ka kut a ka phone ken chu la in a number chu a type lut a, a number a call a, ka phone ah chuan a hming chu a save ta.

“C-a”

Israel point kan thleng chuan a chhuk alo hun ta, a ding chu mak takin ka rilru a lo hnual reuh khawp mai mahse ka ti lang duh bik hauh lo. Min lo call tur thu sawiin ka sam chu a tuai deuh kher a, ka lai khawp mai.

A sawi ang ngei chuan a hnu rei lo te ah min lo call a, kan in be chho tran ta.

Nitin kan inbiak chuan ka lo vei ve tial tial ta, ani pawn min haw lo tih chu ati lang hreh ngai lo. Min fiam in min ti lai reng mai a, nuam atih ber maw tih mai tur. Kei lah ka zei lo in ka la naupang chhia nen, a rilru ka lo hrethiam lo thei khawp mai mahse ani chu a dawh thei em em thung. Ka tlin lohna chu amah chuan anei vekin min tikim tu ani….mahse ka hrilh ngai lo.

State dangah college kal tura ka kalna chu ni kan buai tran na. Ka rin ai deihin college lo alo hahthlak a, kan buai thei em em a, kan hah bawk, senior ten min au ve chhen nen, mood on chu a har khawp mai.

Ani in hun ka pek a duh si, keiin a rilru hriatthamna nei hauh loin ka hun a duh chu a chang chuan ka mood ati off thin. A chhan chu kei chuan ka hun a duh lam aiin ka thil tawn min hriatthiam pui lo ah ka ngai vet lat thung.

Kan in hau ta fo mai, ka thinrim in ka block fo mahse ani chu thinchhe hle mahse a dawhthei vet lat thung, number dang trang min lo call leh thin.

Mahse nikhat chu kan in hau na deuh a, ka dawhtheihna in tlin ve tlat lo chuan ka block leh ta. Number danga tranga alo call pawh chuan ka la duh tawh ngai lo. Tunge ka chan ka hriatthiam loh vang ani.

Thlathum ngawt a ral ta kan in biak loh kha…nikhat chu number hriat loh trang call ka dawng, amah anih ka ring pha hauh lo mahse alo ni reng mai. Thlathum liam hnu a min la theihnghilh lo chu mak ka ti khawp mai. Min huat loh thu lam pawh ala sawi fo!

A hma ai pawh chuan ka nel sawt mai. Thil a danglam ta riau. Min lo be leh chu ka lawm takzet ani. Kan in biak te chuan ka thinlung hi a zang veng veng zel, kan inbiak leh hun tur te chu ka thlahleh thei khawp mai. Mizoram a haw a kan inhmuh hun tur te pawh ka suangtuah ve nasa lawm. Mahse ka duh tih vawikhatmah ka la hrilh lem lo. A lama trang a thutak tak tak nge, tianga min um mai mai hi nuam ati a, ka duh tih hriat velah min induh san ta se tih te, tawngkam te ka thiam ve si lo, ka duh tih a hriat hunah thil lo sawi se, chhan let dan te ka hre ve awm si lo, tih zawng zawng te ngaihtuah chuan sawi chu a chakawm lem loh.



Zankhat chu…a ngai ang te bawk in alo call a, pawn ah thosi seh karah ke pen chhawk chhen chuan ka be ve tral tral a, a hnathawh te chu a sawi te chu ngaihnawm ka ti em em a. Thil a pangai viau maw tih lai chuan thu ril lamah a lut ta, ka la hriat reng chu thil pahnih, min lo nghak ta se ka rinawm thei ngem tih kha ani, engtin nge ka chhan pawh kha ka hre leh ta chuang lo mahse ka chhanna chuan a lung ati awi lo hle mai,

“Min duh lo mi?” a tawngkam hnuhnung ber.

A sawi direct em vang chuan ka chiai ta, rang takin “Aw” ka ti ta.

Call chu a dah hmak mai! Nidang ang bawkin alo call mai ang ti chuan ka call let lem lo, mahse alo call let lo, ni2, ni3 a liam ta, alo la call chuang lo. Chuti chuan nitin alo call hun tur ka nghak thin, kar atrang thla a tling, Beseina ka la nei fo mahse a tlawn mai alo ni a chhan chu kum hial a tling ta.

Hun koh kir thei se chu ka naupanchhiatna te, ka induhtawkna te, ka zahzumna te zawng zawng peih bo in ka call anga. Tichuan ka huaisenna zawng zawng sengin, a tlai hma ngeiin callin ka hrilh ang.

Tun ah erawh a tlai zo tawh. Induhtawkna neh loh thlak viau mahse kum3 liam dawnah pawh a number te chu a khat tawkin ka en ka en thin. A dp te chu enin a hlim a ngem tih te, a thil tum min hrilh te chu a hlen ta em tih te chu ka ngaihtuah thin…midang a nunah a nei tawh em tih thlengin.

Ka tana khuanu ruat ani chu ka ti thei hauh lo mahse khuanu min pek, ka nunah a dah tih chu ani tih ka chiang, Chuti nilo se ka theihnghilh hi chu a hun tawh viau asin. Ka nunah mipa dang luh an tum lo pawh ni hlei lo, alo luh tum te hian C-a ang em em khan ka lung an dum zo vet tlat lo.

Khuanu bulah thupa chawi meuh in vawi khat leh chauh chance pe turin ka dil thin.

Lo kir leh rawh PC.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)