THIS LOVE - 2 By Bearr Chhakchhuak (Dreamer)

Story tawi te te emaw luanliamna emaw post na
July chhakchhuak
Posts: 211
Joined: July 5th, 2019, 4:57 pm

THIS LOVE - 2 By Bearr Chhakchhuak (Dreamer)

Unread post by July chhakchhuak » November 20th, 2020, 10:28 pm

CHAPTER-2 🖤




Zan ah chiah ka u chu a lo haw dawn vangin vawikhatmah kha pa rawn kal atang khan kawngka ka hawng leh tawhlo,rawng ka bawl vek a ka u nghak pah in ka chhungte ka han be leh a ka biak pah a tukverh pawn lam Veranda tê ah ka chhuak a nichin a mipa lo kal chungchang hrilh ka tum lai takin ka piah piah leh lawk a Veranda ve tho ah chuan khapa kha ngawi rengin a lo thu!




Ka phone hmang chu nuihzat ang deuh hian minlo en a,a pa te pawh chu engmah ka hrilh leh ngam lo chair ah thu in kan room veranda lam chu a rawn hawi reng, room veranda hi a in hlat hlawm lo bawk nen a hmel awmdan thlengin ka hmu thei vek zawi muang hian a thle vel a "U Mami call mai ka duh" ti a phun chungin inchhung ah ka kut nghal daih




"Tunge..?" ring deuh tak hian ka au a, doorbell chu a rawn ri nawn leh a,ka hlau tak tak tawh! Kha pa kha anih ka rin vangin veranda ah ka chhuak leh a mahse ani kha chu alo la awm reng a cigarette alo zu ham ham mai! Ka u in a hnathawh hun chhung a sawi nen a rawn haw a la hun chiah bawk silo a ka hlau tawlh tawlh




"Min lo tanpui,kan kawngka ah sawn mi an awm ania!" Veranda atang chuan Watchmen tei lai tak ka zu hmuh chu ka au vak a,kan room awm na hi a san em vangin a hre mai lo lehnghal! doorbell lah chu a khat mawi tawk hian a ri a! Mi fel leh pangngai chu nise chuan a mah a in sawi tawh em em ang




"Zuang thla mai ta che" ri deuh lenglawng hian kha pa bawk khan a rawn ti a,a lam pawh ka hawi chuanglo Watchmen chu ka au chhen a a tar tawh emaw ni tinge ka aw a hriat theih miahloh! "Aw lawk in min lo tanpui thei angem?"




Kan hnuai chiah veranda ah chuan vai nu pakhat leh a fanu hi anlo dak chho a,mahse ka piah piah leh a awm an rawn en chuan min tanpui theihloh thu sawi in min luh san leh daih! Phone chu ka phawrh a u Mami ka call tawp,kawngka ka hawng ngam silo helai kal ka ngen chiam te kha ka in chhir lek lek!




"Ui ka duhlo! enge I tih kha?" ka au thawt,chupa chu a Veranda bar ah chuan a lawn kang! Keimah zawk hian ka lo hlau ka mawng a ti za mur mur thei hial "Ka pu chhuk rawh I tla ange" kawngka lam vangin ka hlau bawk,mahni in tih hlum tum ang mai a awm pa bar a lawn kang mek vangin ka hlauthawng bawk




"Ka pu!" Ka au vak a ka mit ka hup nghal bawk,chu pawh kan in kar a Veranda ah chuan a rawn Xuan phei vang ani, Veranda te hi in hnaih viau mahse in chhawng sang tak a zuang a nih vang pawh hian ka hlauh pui takzet ani,che sual palh se chuan a dam chhuak miahlo ang




"Nilo,,nilo! Lo kal tawh suh tah khan ding tawh rawh" tiin rawn zuan phei leh a tum chu ka lo hau vak vak a mahse awnzia a awm lo,a lawn leh tui tui a a tlak ka hlauh em vang leh a tlak vaih a hmu hamsa ber tu nih ka hlauh vang chuan in chhung ah ka lut tawp a eng emaw a ri nghal tawk bawk




"Hey,kawngka saw va hawng rawh" Veranda lam atang chuan a rawn ti a,mahse ka ngam lo a rawn zuang phei nge a thulh leh ta pawh ka hrelo, Mami ka call na a chhang lo tih ka hriat vangin ka call nawn leh vat a "I van luhlul tak e aw! Va hawng vat rawh" atih rual chuan ka hawi a a lo zuang phei tak tak!



"Thih I hlau lo ami?" Vin deuhin ka lo ti ringawt! A ngam pat zia kha a rapthlak! Khatiang khan a zuan lai in rawn zuang sual sela chu a tla anga thih bak hmabak a nei lo ani ringawt ang "A u ka call.." kawngka hawng tur a min tih pawh chu ka hanwg duh chuanglo ka hlau



"Hrep che chuan! dawih zep lutuk" ti a phun chungin a rawn lut a min kal pel in kawngka chu a hawng nghal pawp! Min pui tur pawhin ka tih tawp loh che kha tih hrep ka chak! A tawngkam te chu a thlah dah mai sia ka ngei zawng tak ani



" En rawh" putar lampang tawh pakhat hi kawngka pawn lam ah chuan a lo ding reng a " hei hi maw I lo hlauh viau a" ngeiawm zet a kiai suk pahin ati a,a mi melh dan saw ka ten tlat lerh kawh hmel si



"Ih,a ngawi reng anihkha! Eng emaw tal rawn sawi sela chuan ka hlau bik miahlo ang" thin la phu ru dep dep chungin ka ti a,putar lah chuan engmah la sawi a tum chuanglo lehkha pakhat hi a keng bawk a



"Tawng theilo anih hi, enge sawi se I tih?" A mit dinglam ko san ngar ngar pahin atih chuan putar chu mak ti deuhin ka en a,tlem in ka in thiamlo ve deuh mahse hmelhriat nei miahlo a awm ka nih vangin ka hlau pawh hi ka in dem teh chiam chuanglo




"Ka hlau tho tho,enge lo tih a tum reng reng?" Ka ti leh hram a,putar chuan nui chungin a lehkha ken chu a rawn lek kang a chupa a bul a ding chuan alo pawt thla hmak a putar pawh chu a kal ve leh mai mai



"Kha,rawn la ta che.." tiin lehkha chu ka lam ah a rawn lek phei a,tim deuh chung a va pan in lehkha chu lak mai ka tum a ka ban fuh hma in chhuat ah chuan ati tla lui kher! A va han sual setana tak!



"Khawi atangin nge ilo kal?" Tih zawh bawk, lehkha chhar tum a ka kun lai chuan min zawt leh a ka ngei em vangin kei lah chuan



"Mars atangin" khawvel pawn lam planet hming chu ka sawi ve hmak a,chu veleh min pawt tho lawp! Chik deuh hian min en a ka hmui a en tih ka hriat rual chuan ka tal chhuak nghal vat



"A mak hle mai" tih chauh sawi in a chhuak nghal nal nal a,rei vaklo ah ka u a rawn thleng ve bawk a thil awmdan zawng zawng te chu ka lo hrilh fai deuh vek kha pa rawn zuang phei tih loh kha chu!



"Mate,chhuak tawh miah Suh mamawh I neih pawn keimah minlo phone la hnathawk an awm alawm ka lo tih tir zel mai ang,a hlauhawm ania" atih tak ah chuan kha pa rawn zuang phei kha hrilh tel tur ani em tiin ka ngaihtuah nghal ngut ngut



Chaw ei in kan thut mual mual lai chuan " enteh U..in colony ah hian sap emaw vai emaw thlah pawlh hrim hrim in luah ve an awm em?" Ka tih chuan a thil hawp lai tawp meuhin min en a



"Ngati nge?" Ka zawh na chu mak a tih hmel lek lek zawk "mipa pakhat nizan a ka sawi kha a awm a lawm,a mah kha thlah pawlh an tia" atih chuan dar kan ak in ka sawi zui tawhlo a



"Mate,a mah kha I hmuh chuan hnaih vak suh aw..enteh a mak lutuk vawikhat chu ka hmu fuh tawh a lawm amah kha keichuan mizo a ang ka tia..vai chu ang tho mahse mizo ang tih na ka nei tel tlat"



"Hmm,keichu sap emaw vai thlah pawlh anih ka lo ring asin mizo chu ang ka ti vaklo zawk a" ka lo ti let ve vat a



"Mars an tia.." a rawn tih leh chuan ka thil hawp lai ka phuh thawt " nia keipawh a hming ka hriat tirh chuan mak ka ti lutuk..a sual ve reuh a helai hnai ah phei chuan hrelo pawh an awm vaklo ang "



"Pla..planet hming ang daih te engtin nge a neih theih a?" Ka chaw ei chawl meuhin ka tih chuan tawng zawi deuh turin min lo ti nghal vat



"Ka hre bik lo an sawi dan chuan fa lak an tia,mahse a pa ber chuan fa lak anilo ati ve tlat a maw mahse a fapa hming a Mars tih a phuah chhan ah hian thenkhat chuan khawi atangin emaw a chhar anga a chuvang in khawvel dang atang a lo kal Mars tiin a phuah sak phah aniang an tia"



"Awi a hahthlak e, khawvel changkang tawh chu thuhran ni se Engtin nge khawvel dang daih atangin alo kal theih ang? Chutiang te chu nise Alien an ti ang chu"



"Nia tiraw? A mah pawh hi vai tak tak a ang lo mizo ang tih na ka nei deuh tlat a,helai ka awm tirh khan mizo a maw ka tia ka hnam pui an awm ve anih hi ka tia ka lawm ru viau a,mahse in luah thenkhat te hian mizo anilo an tia tuman a lo chawr chhuah dan tak pawh an hrelo a pa pawh hian a thup tlat anti.. Hindi pawh a thiam mumal chuanglo English a hmang nasa an tia"



"A sual ka ti.." ka lo ti daih a " Mars maw? " Tih leh pahin chaw chu ka ei tan leh a,zan ah ka u chu a chauh deuh vangin khum ah a mu mai mai a keiin thawmhnaw vel ka su leh te te a,puitling pangngai ang tho ka nih ve tawh vangin ka u ka phut em em tawhlo



"Karleh ah chuan khang te kha keimah a ka tih leh vek angai dawn sia" ka u chuan khum atangin a rawn ti a,karleh a haw chho leh mai tur ka nia.. Mumbai fan na hun pawh ka nei tlem sawt e, vawiin nileng in ka awm mai mai bawk si




"Anihchuan hetah min cham hlen tir mai rawh" tiin ka lo fiam zui ve bawk,kan awm na a sang tha tho bawk a tiin veranda ah chuan thawmhnaw te chu ka zar hlawm a,ka luh dawn chuan Mars kha ka hriatchhuah vangin a alo awm na veranda kha ka va melh leh zauh a




"Ui...!" tiin ka tlan lut nghal


"Enge a?" Khum atang bawkin ka u chuan a lo ti leh a


"Engmah a nilo,thil ka hmuh sual a" tih chauh a chhang in Veranda kawngka chu ka kalh a,hmu theilo mahila ka va melh leh hram


"Engtin nge khatiang khan a hn**e a khawih tir mai mai theih a?!" ti nuah nuah chungin ka mu a,nichin a ka thil hmuh lah chu ka mitthla ah alo lang ziah lehnghal! ka va hawi phei khan Mars khan nula pakhat kha Veranda ah a lo sawngbawl deuh nawk nawk a chuvang a tlan lut pawh ka ni



"Ui ka ning lutuk!" Ka lukham in ka lu chu ka in khuh sak hmak a,ka ngaihtuah zel khami te kha ka ning lutuk!



★ Next Morning ★



"Mate tho teh.." ka u leh leh midang aw tawk ring zet zet a au ka hriat rual chuan rang deuhin ka thu chhuak a,ka u chuan ka tho phang pawh sawi lo in min kai nghal dawr dawr!



"Tunge a!" Keipawh ka phak thei tawhlo pawn lam ah chuan tu te emaw hi an in hnial vak vak a Hindi thiam velo mahila an aw rawl atang chuan in hau an ni tih ka hrethiam vek tho



" Mars te kha an in tibuai a,nizan ah mi bialnu a lo awm pui aniang" atih tak ah chuan chhuah a va en ve ka chak ta thut! Kawngka chu ka u min khap hma in ka pawt hawng lawp a



"Mate! " ti mahse ka u chuan min zui chhuak veleh tho,zingkar chu sawi loh colony ami te ho chu an lo pungkhawm chiam a a room zawn vel ni awm tak ah Mars chu alo in hrosa nghek nghek!



" A bialnu emaw ka ti a sin,nizan khan ka hmu dun a!" Ka u bul ah chuan ka ti zawi sap a,a bialnu tur ah ka ngai char char, Mars hma lam ah tho chuan kha nula leh mipa pakhat chu an ding bawk a nula chuan a bul a mi chu ngaihdam a dil bawk a



" I bialnu phiangsen khan min rawn pan hmasak vang anihkha nang mihring nep lutuk tih theihloh thil a chung ah ka lo tih ni" a ka thi chhak thawt pahin ati a,mipa pakhat zawk phei chuan kut a tuar tih hriat deuhin bang rin chhan deuh chuan a ding a



"Police hnen ah ka report ang che nang mi laktlak loh pa! I pa pawhin a chhan theilo ang che jail ah tang la,I chapo na zawng zawng kha police ten an paih bo sak vek ang che"




"F*ck you.." tih pahin Mars chu a rawn tlan phei a chupa chu a rawn hnek leh pawp a ka phu zawk lehnghal! Tumah va thelh tum a hnaih tum pawh an awm lo an en mawl tawp keini unau room nen chupa te din na chu a in hnaih sia min rawn chim takngial dawn a ka hriat vangin ka u chu " lut ang " tiin ka u chu ka nem rawk rawk a



"Mate..!" Ka la luh ve hman loh vangin chupa chu a rawn tlan phei a kut a tuar nasa bawk nen a rawn tlu phei nawk nawk chuan min rawn delh tlu thut a hnungchhawn tu ka nih vangin ka hmalam ah ka bawk thla pawp!



"Mate..! A na em tho rawh" ka u chuan min kai tho dawn a Mars rawn che leh chu a rapthlak em vangin chhuat a thu chung chuan ka lo en tawp! Chupa tlu tawh pawh a hnek chilh hmiah hmiah mai chu a nunrawng zia an lang vek



"U police phone rawh" ka ti sap a ka u lah chuan a ngam bik chai silo,a tawp ah chuan tu te emaw in an call aniang police an rawn lang ta hlawl a an pahnih leh nula te nen chuan station lam pan tumin an in zui chhuak a, police te bul ah chuan Mars chu pawi sawilo ang maiin a awm leh daih tawh!







"Awi a rapthlak hle mai.." ka u chuan in siam mawlh mawlh pahin ati a,kei pawh kha tih lai te khan chhungril tak in ka hlau..ka thut na bul mai ah khan in thah tum ang hrim in an in khawih anihkhai in sual ka la hmulo tih theih ani a rapthlak ka ti takzet



"U vawiin chu chawl mai la..keimah chuan ka awm ngam lo e, anihloh pawn I thawh na ah ka lo kal ve mai" ka u chhuak tur bul ah chuan ka ti a



"Mate,a chiloh a lawm hotel lian tak ani bawk sia manager ten an hrethiam lo ang che" atih si vangin ui tak chungin ka u chu ka thlah liam a,a kal hma a min chah ang thlap in kawngka pawh ka kalh hmak a tukverh pawh pakhat chiah ka hawng



In chhung a in khung deuh tawp ka nih vangin in chhung chet zawng zawng chu chawhma lam ah ka zo fel vek tawh a,tih tur a awm tawh bawk silo a nu leh apa te biak ka tum lah in ala busy ve ve zui! Khum ah te ka mu a,a chang leh ka u laptop ah movies te ka en leh vel a,ka muthlu daih zui ka harh chuan lu na bur chungin kawngka lam ka pan a



"Lalpa leh! " Thil ngaihtuah Chiang hlei lo in kan room kawngka ka hawng ringawt! Kitchen a luh tum kha ka nia hetah enge maw ka va kal ngawt chu! hmanhmawh turu a khar ka tum chuan Mars a rawn lang hlawl



"Engtin nge hetah te! " Police station atangin a rawn let leh rang kher mai,a hmai te chu a thi ve pheuh pheuh a band aid pek ka rilru ah a rawn lan thut vangin hlauh pawh sawi lo chuan bedroom ah ka tlan lut a band aid ka pai reng thin chu va la in ka tlan let lehnghal



"Enge..?" Ka va lek phei va hnu pawhin band aid ani tih hrelo der ang mai chuan alo ti a,thaw hawk pah a a kut lak sak pahin a kut phah ah chuan ka dah a ka hum tir nghal bawk



"Band aid ania,I hmai ah khan bel rawh a thi zel tur a veng mai ang" a kut châng te chu ka hmu fuh a,alo pilh thi bawk..a awm lo chuanglo kha pa kha a hnek nasa em ani



"Ka duhlo,hetiang bel tur khawp in ka na lo" ati tlat a min pek let that mai ai in chhuat ah bawk chuan a ti tla lui leh kher! Ka thin a khei chian em vangin tih luih chu khawi lam ani ringawt melh ngawr ngawr pahin chhuat ami chu ka chhar a



"Ka duhlo ti tha ve mai ta che,I pa in tawngkam mawi leh awmdan mawi a zirtir ngailo che ami?" Ka ti ve nghek a,mahse mizo tawng pangngai ka hman vangin engmah a hrelo kawngka chu khar nghal ka tum a



"Hey! Min chhuah pui duh em?" kawngka chu rawn nam let ve thung pahin ati a kei ka lo tang ve bawk


"Duhlo,kalsawn rawh anihloh chuan security ka ko dawn nia"


"Ka koh sak zawk ang che I duh em?" A la ti zui,a ngal nge a Chimawm pawh ka hrelo!


"Nula I duhtawk a I khawih hnu ah min len chhuah pui I tum te kha I zak ve nange,zak rawh"


"Ai,,engtin mah ka ti Chuang hleinem..mahse nangchu ka khatiang pawh khan ka khawih lo ang che..tha em?"


"Engvang a min chhuahpui duh ngawt nge I nih? I hmelhriat pawh ka ni hleinem"


"A chhan hriat kher angailo" ka ban rek ah chuan pawt pawp in a âwm ah chuan ka va in tauh a chawrh a,ka sam chu tuai sawn in ka chal chu ka tauh na em tih hriat tum ang in a thlek vung vung a ka rihloh deuhin ka chal ah chuan a fawp ringawt! Min thawn em vangin a kawr ah ka tham nghek ringawt



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)

Post Reply
  • Similar Topics
    Replies
    Views
    Last post

Who is online

Users browsing this forum: No registered users and 4 guests