MY TRUE STORY last chapter By: Cietei samte

Story tawi te te emaw luanliamna emaw post na
Cietei samte
Posts: 63
Joined: May 19th, 2020, 11:13 am

MY TRUE STORY last chapter By: Cietei samte

Unread post by Cietei samte » February 26th, 2021, 10:49 pm

MY TRUE STOYY 2
(Ka edit lo aw. Ka tawi tuk a ziah dan tur pawh a awm tawh lo. Tih ngaihna a awm lo a ni e)

"Nupui a nei a ni maw?" rilru na leh ṭah chhuak ṭunin ka ti sep a......

Ni e, a dik. A ni hi ka duh mai emaw ka lo tih kha nizan mai khan ka hmangaih tih ka hria a, a bulah chauh ka hlim a, a tel ve lohna khawvel chu maw, ramngaw pilril tak ang mai a ni.

A bul a ka awm a, ka hlimna te, a mah chauh ka ngaihtuah a, ka mitthla chang pawh a, thawnthu a a tawp a changtunu leh changtupa te hlim takin an awm ta a, tih ang maiin ka ngaihtuahna chuan a tawp a khar leh ṭhin. Hmani lawk a ka nun a rawn lang mipa, ka pian ve hma ata tawh ka tan a awm ve tawhte aiin, ka nun ah hmun a chang hnem zawk a, thil eng kim ka tih dawn a piang a a mah ka care na ka tihlan te, a tello a ka hlim loh zia te, ka ta chauh ni se ka tih a, ka ngaihtuah a, midang ta lo ni ta se tih ngaihtuahna ka neih ringawt chung pawh a ka ṭah nasat zia te ka ngaihtuah a. A tan a ka in pek zia te ka ngaihtuah a, hei hi hmangaihna a ni lo em ni? Hmangaihna chu, hei hi a ni lo mi? A bul a ka awm a, ka famkim bikna te a mah a famkim vang hrim hrim ni lo a, ka hmuh famkim tlat chhante hi hmangaihna a ni tih ka hriat vangin l, a mah nen chauh ka hlim tih ka hria chu vang chauh a, a mah pawh bia ka ni.

Mahse, hmeichhe dangin a phone an lo khawih si chuan!

"Eng tik khan nge in inneih a" mittui tla zung zungin ka zawt a. Ka aw pawh a lawi nghal rut bawk. Ka hmangaih tih ka hriat a ka hlimna kha tun darkar reilo te ah khan a kehchhe vek.

"Ciete.... Rohlua chu a thi a"

Ka phone ka thlauh deuh bawl! Ka hre sual a nih ringin ka zawt nawn leh a. Mahse, chhanna ngai ka dawng! Ka ṭhu khawng reng a, ka awmah min hnawh tup tup in, thawk ka harsat em em a, ka ṭah chhuak em em siin awrawl chhuah tur ka nei lo a, ka mittui a luang zung zung thung.

Ka awmna hi inchung a ni tih ka hriat leh meuh chuan, dar 12:00 a lo ri daih tawh. A mak ka awih thei lo! Ka ṭap chhuak hawk a, ka phone bawk chu a rawn ri leh! Ka nu a ni.

"Mambawih, Rohlua a thi" ka nu in a rawn tih chuan, awrawl chhuah meuhin ka ṭap ta nghal hawm hawm a.

Mumal nei lo zetin ka rak nawk nawk a, ka nu pawh ka be rei em pawh ka hre lo. Ka riak sawn tur chu ka lawm letling phian, in tiharh hram hram in, Bethlehem lam panin ka kal a, kal kawngah Hpi leh Clawmi chuan min thlah a, indum takin ka bialpa chanchin ka sawi mial mial a, ṭah chhuak tak chungin ka nui leh hak ṭhin. Min khawngaih ve lutuk tih ka hriat hian ka no a chhuak zual sauh.

Ngawi rengin Bethlehem chu ka thleng ve mai. Chaw pawh ka ei ṭha thei lo.

Chutah ka phone a rawn ri a, ka chaw ei lai ka kham nghal hmak. Rohlua nu a lo ni, a thih miau vangin huphurh zetin ka chhang a, engmah sawi loin an inchung zawlah bawk ka chho leh.

"Ciete, hei ka fapa hian i tan lehkha a hnut chhiah a, i chhiar dawn nge kan phum dawn?" Ngeng lutuk in a la rawn ti hram a nih chu!

"Eng vang a thi nge? Eng na in nge?" A zawhna chhang ta lo chuan ka ti chhuak deuh ṭhawt.

"Nangmah vang! Nangman i that. Nang hi awm lo la chuan ka fapa hi tunah OD in a thi lo tawp ang" thinrim aw ṭeng chhuain a rawn ti a. Kei erawh ka khawng nghal vek! Keimah vangin a thi maw? Chu pawh OD! Eng tin nge a nih theih. Meizial 0awh zu ve ngai lo mipa kha tunah OD in a thi maw?

"Nangmah hian i that. A nun ah rawn inlan lo la a nu leh pa thu awih takin a nupui tur a ka duh chu a nei ang a, nangmah vangin a kehchge hek lo ang" rawn ti tawn tawnin, a phone a dah a nih chu! Ṭawng tur pawh ka awm tawh lo. Chet pawh ka che chang zo ve tawh lo. Ka thinlung hi samzai tiat tiat a zai sin sak ang maiin a sawm vekin ka hria, a na lutuk chu min hnawh ur a, ka thaw thei lo bawk.

Ring lutuk in ka khek chhuak tuar a, ka phone bawk phawrh leh in eng nge ka ngaihtuahna a awm pawh hre lo in, Rohlua nu chu ka call leh nghal zat. "Eng nfe ila duh cheu a" vin lutuk in a rawn ti a. Ka na lutuk leh thinrim lutuk awm ngaihna pawh hre lo chu ka nui hak.

"Lehkha chu ka chhiar lo ang. I lo phum tel dawn nia" eng tin nge pangngai tak a ka sawi theih pawh ka hre lo.

"Maw?" Mak tih hmel zet a a rawn tih chuan. Ka thaw hak.

"Phum rawh ka ti a nih chu! I fapa thil engmah kawl emaw neih emaw lak ka tum awkawng lo. Bul ṭantu chu nangmah i ni" ti let erh in ka off a. Ring lutuk in ka ṭap leh nghal hlawp hlawp.

"Apui" ka tawt lutuk chu ka inbun ruahna ngaithla turin ka ṭhiannu ka phone ta tawp.

A bialpa nen min rawn bia a, kei erawh mahni inthiamlo leh inkhawngaih ru zetin ka ṭap hawm hawm a, a chang leh ka kawr awm ka ṭham nawk nawk a, a changin ka nghen mek sintex chu ka nawr leh ngawt ngawt ṭhin. Rei lutuk ka ṭah hnu chuan ka thawl nghal hawk. An pahnih in min tih nuih an tum char char a. Mittui tla zung zungin ka nui hak hak a. Mahse, ka ṭap zawk ani. Phone aṭang chauh a min bia an nih miau vangin min hmu thei lo tih ka hria.

An hriatthiam loh lutuk ka hlauh vangin, ṭap ṭiau chungin fiamthu ka thawh kual chiam chiam a, ka bulah teseni ṭhuin min kuah bawk.

Phone ka dah a, a ngaite bawkin ka na leh a. Kei mi tling lo tan maw i lo thih a. Mahni pawh in enkawl zolo mi nep tak leh sual tak vangin maw ilo thih a? Eng kawngah nge ka kal tak ang? I rual a ke pen ve ka chak a, i kut vuan a din chhuah ka chak ve asin!

Ka na lutuk awm ngaihna hre ta lo chuan, Rokimi ka bia a, dawrah zan rei hnu ah kalin avil ka va lei a. Ka bar nghal hmiah. Kei mahni tawk a hrisel leh kum tluan a damloh nei ngai mang lo tan mum hnih lek pawh kai na tham a ni.

Awm ngaihna hrelo zetin ka tal ka tal a, Rokimi hnenah zu ka dil leh hmiah. Ram an tih mai hi min rawn pe a, ka avil ei nen ka pawlh a. Ka harh leh chuan, ṭhutthlengah ka lo mu diam tawh.

Mumal in ka awm lo a, ka ruih khan ka zia in ka hria! Zu chu sawi loh weed tak ngial pawh ka ti chhin ngai reng reng lo.


Mahse, tunah khan zu ka in vangin ka rui a, engmah ka hre lo. Ka ngaihtuah zui lo a, ka ṭap hek lo. Chu chu nuam ka ti!

Hostelah let a lo hun a, ka phurlo takzet. Eng tin nge ka awm ang? Ka natna lan tir buan buan a rem tawh dawn lo!

Ka let a, a ni telin ka chhe telh telh a, zu leh damdawi weed thlengin ka ti vek tawh. Ka ruih apiangin eng nge ka chungah thleng a, eng tin nge ka awm ka hre ngai lo. Chu chu nuam ka ti takzet!

Hun aliam a, mipa ah rinna ka nghat ngam tawh lo a, keimah vang a thi ta mipa kha ka khawngaih vang ni hauh lo in, a nu ṭawngkam chhia ang kha, mipa nu hnen aṭangin ka hria ang tih hlau takin mahni hmeichhiatpui ka ngaizawng ṭan ta a.

Ka rilru chhung erawh an luah pha lo. Ka duh ber chu engmah ti lo chung a, sawichhiat ka tawrh ai chuan ka tih ngei ni chung a tawrh ka duh zawk tlat a ni.

Ka chapo na sual chu ka kalpui ta zel a. Mahse, Kimkimi ka bialnu thar chuan, tih takte in min lo ngaizawng a, ka buai ṭan ta.

Ka tan na hmun ṭawp tak aṭanga tal chhuah chakna ka nei a, ka nun a beidawngin pan ber tur pawh ka hre tawh lo.


Kimkimi chu ka ṭhen a, kei pawh ka na ve tho. Mahse, eng nge ka tih chuan ang? Eng tikah mah ka hmeichhiatpui ka nei thei ngai dawn chuang si lo. Ka nihna hi ka ngaihtuah a, ka mihring ten berte nihna chu ka ta a ni a. Mahni hmeichhiatpui ngaizawng duh tur khawp a rilru tenawm ka lo pu kha ka in ten a ni. Mahse, ka hmeichhiatpui in a an pui a ngaihzawn duhna tur khawp thinlung a pu thei chu ka hrethiam ta kuar a, ka dem ṭhinna te leh ka lo ten rukna te kha maw, khawngaihna thinlungin a rawn thlak thleng a. Thil reng reng a tuartu lo chuan, an hrethiam ngailo bawk.

A tawp nan tiin, zankhat chu ruih leh ngei ka tum a. A tawona tur tak tak a ni tawh ang tiin ka infuih sauh sauh a, hostel a kan awmpui ve tho naupangte Sentei tih hi a awm ve a, a bialpa in zanah hmuh a tum vangin, remchangah ka laksak a. Grape juice ka chah a, a awm loh vangin Apple juice an rawn keng a, phur lutuk in ka in nghal piap piap. Mahse, a thawk dawn a ka hriat loh vangin ka awmna bula mipa lo kal pakhat hnenah chuan, Avil ka lo dil ta tawp.

Eng chu hria ni maw mipa pawh chuan min pe ve mai. Ka kai ta tak zet a ni ang, engmah chiang in ka hre tawh lo. Ka ṭap tih erawh ka hre chiang mah mah thung.

Ka harh leh chuan, brigade field sirah mipa pahnih leh ka ṭhiannu fel tak ka chhiat lai ber pawh a min hawisan ngailo tu, Clawmi chuban lo awm a. Umelodyi kan hosteler pakhat ve tho chuan min lo pawm reng. Ka ṭap nghek tih ka mit bui deuh lukah ka hre mai bawk.

Mahse, mipa ka hmangaih vang a ṭap ka ni hauh lo tih erawh ka in hrechiang ta thung. Mahni tawk a mi chapo tak ka ni ka tih tawh kha, ka chapo na vangin Rohlua nu ṭawngkam khan min ti chapo zual sauh. Ka nu te ka chhungte hrim hrim ka be khat a, ka inthlahrung tawh a ni. Hetiang fanu ka nu hian min nei tih hria se, eng ang takin nge a nat ang. Mahse, a fanu hi ka kehsawm a ni.

Ka harh chian hnu ah ka ruih lai a ka awm dan ka ṭhiannu in min hrilh a, eng nge ka chan in hre duh em? Ka zak lutuk chu pawn pawh ka chhuak ṭha ngam tawh lo. Ka thuamhnaw thlengin hmelhriatloh ta ka lo inbel vek.

A tukah pawh chuan, ruih chakna in min tuam a, ka ṭhiannu in call a dawng a, min be duh tiin phone min pe a, ka zak asin! Ka ruih lai a min buaipui ve tho tu USawma kei ai a a thla a upa chu a lo ni a.
Lalkhawlo tiin min ko a nih chu! Hnial ngaihna ka hre lo. Hmeichhia in vawikhat thil a tihsual tawh chuan maw a damchhung a daih an ti a. A dik ngeiin ka ring bawk. Kgawlo ka nih chhan kha ka mipa hmangaih vang emaw ka tia mahse, a nu ṭawngkam vang chauh a ni.

Chawlhni a ni a, inkgawm turin ṭhuampui lamah kan kal a, chutah chuan alawm Usawma hmel chiang tak a ka hmuhna chu. Usawma chu mipa sang a ni hran lo, a tirah bike a chuang chu ka hmu chiang lo a ni ang, kan ṭhian dangte inah ka luh pui a, a rualin vai mistiri pakhat a rawn kal ve bawk.

Min rawn kuah a, a kut ka hmu chiah chu ka awm dan a danglam nghal vek! A kut chu Rohlua kut ang thoin a zungte u chu a lian bik a. A hmel en chiang turin a mah ka en leh a, an hria em ka hre lo. Nasa takin ka phu a, ka hamhaih lutuk mah mah.

A hmel ka en a, a mitmeng rum deuh al zim deuh sun, a chal chuar deuh tap, a nuih zawng a, a ha uingho rawn lang zum ṭhah mai te, a hnar te reuhte thlengin Rohlua a chhun fai vek. Aw Lalpa! A mah a ni lo tih min hrilh hram teh.

A aw chu a danglam fe zawk ta thung chu ka thaw huai mai. Tin, Usawma chu maw a sam a ṭuak deuh va va a. Mahse, Rohlua san zawng leh hmelte chu a phawk lutuk mah mah. Rohlua kum 27 a nih laiin Usawma thung chu 18 a ni thung.

Kha mi ni aṭangin Usawma chu ka ngaihtuah ta ziah a. A mi kgawihna ka dang thei ngai hek lo. Hmeichhia induh tawk tak leh ka ramri kham chin pel a min khawihtu mipa tawh phawt haw ṭhin khan, ramri ka kham thei ta lo a. Rohlua takngial pawhin a la fawh tak tak theih loh ka humhalh em em ka hmui chu, ka phalna thlapin a fawp a nih chu!

Hetiang mi ka ni ang tih ka hre lo. Mahse, ka lo ni tlat si.

Ka awmdan ka ngaihtuah a, Usawma ka veina dan zawng zawngte nen. Mi tenawm tak ka ni, mahse, Rohluan a tih lih engkim mai kha ti se ka ti a. Hmuh chakin ka hawi kual ziah bawk. Hmuh tur a awm lo a, min be khat hle bawk. Ka hnute a khawih thei a, ka hmui a fawp thei bawk. Chute hlei hlei chu hmeichhe easy takah min ngai ngei nfei ang tih ka chiang em em a, ngai ngam tur ka nih loh zia ka in hrechiang em em lawi si.

A tukah chuan, ka ṭhiannu in councilor number min rawn pe a, va bia la min rawn ti nghal tawl a nih chu! Zak deuh takin ka va bia a. Ka nun beidawng leh awm ngaihna hre tawh lo chu beisei tur tal pek ka ngai tih ka hriat vang a ni.

Councilor ka biak hnuah chuan, ka ngaihtuah chiang a, thawhṭanni ah an office ah kal turin min sawm nghe nghe. Ka lo aw ve mai bawk.

A tukah chuan ramhlun bethel office ah chuan ka kal a, councilling min neihbpui a, ka duhthlanna dik loh zia ka hre chhuak. Mahni chapona sual vangin mi tam tak ka lo tuar tir a, kei ngei pawhin ka chapona diklo rah chu ka seng sia.

A theih ang angin ka chhungte ka ṭhiante chu ngaihdam ka dil a. Tun aṭang chuan, ka duhthlanna hi ka uluk tawh ang a. Nun thar nen bul ṭan a, hmalam pan ka tum ruh tawh takzet.

Ka bialpa thi ta kha ka thiamlo lo a, a tyar hi ka tuar ni ta se ka he ti lo ang tih ka sawi thei lo. Mipa in min tihnat vangin midang rin tur an awm lo tihna a ni lo a. Kan natna te huaisen tak a hmachgawn lo a, tlan chhe chung a, setana duh zawng um chunga kan tuar chuan a tawp a tuar tu tur tho kan ni tih ka hria.

Lalpa chu ring la a man engkim a tih sak vek ang che tih chu ka innghahna lungpuiah ka hmang a, chak tak a kal turin nunhlui ṭawp tak ata chhuakin hmalam ka pan ta a ni.

Ka ṭhiante ka chhungre ka hmangaihte leh min lo buaipuitu te in zavai chungah ka lawm e. Nunthar min pe in beiseina nung min pek vangin ka lawm takzet a ni.

Ka lawm e.

A TAWP TA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)