D LO RINAWM PART -10

Story tawi te te emaw luanliamna emaw post na
Mòymòyee tahbelhnùi
Posts: 1
Joined: May 25th, 2021, 10:28 am

D LO RINAWM PART -10

Unread post by Mòymòyee tahbelhnùi » October 13th, 2021, 10:51 pm

8-) Ka kawngah kuahin engmah hre lo ang mai chuan min kalpui dawr dawr a. A chetdan chuan mak tihnain min khahtir nghal vek a.


He mihring fapa hian ka ngaihtuahna inlùmlet vel zawng zawng hi a luah khat vel vek a. Hlimna, lunggaihna,tahna leh mak tihna te, ka eng kim hi a luah khat a.


Ka thiam loh nge ni a,a thiam loh zawk tih pawh ka hre tawh bik lo.Mah se,tuna ka hriat zawng chu a hmeltha hliah hliah te,a landan pà leh fresh em em maite hian min hìp hliah hliah a ni.

Ka thinlung kil khawr berah hian hmun thùk takin a la khuar reng zawng a nih hi maw.....a kiaga ka awm hian ka thla a muang tak zet a.


"Ka hmuhnawm viau a mi a,kawngte hi en ve la" tih rì ka hriat chuan harh chhuak zawkin hma lam ka en thuai a.Eng vanga a hmèltha zet,ka tana natna ni ta si chu thlir veng veng nge maw ka lo nih reng reng le!

Khìk suk pah a "Vanneihpuii mize mawlmang tak hian min la tihlim reng a nih hi"a tih leh sap chuan "Eng a!!" tihpaha amah ka en chu ka pheikhawk bun lek thutin ka thu sawp hnawk a.

Ani pawh chu rawn thu hniam vatin ka khup pilh deuh ser ser chu a rawmawl la chhuakin dìm tak chuan a hru a."A na em?"tia zawhna min zawh chu ka chhan hmain Mathew-a ka hming lam paha a lo tlan chu ka va en a.


"Bek,i tha em?" tiin min rawn hnaihchilh thuai a."Aw....engmah a ni lo,ka tlu sual palh mai ....." ka sawi zawh hma chuan "Naupangchhia pawh i ni tawh a mi, eng tin nge hetiang hmunah i tluk theih?"vìn zeta tihpah chuan ka taksa dangah te chuan hliam a awm leh awm loh a en pah zung zung bawk a.

"Mathew,engmah a ni lo ka tih chu....ka tha a lawm"ka tih chuan min chhang tawh lovin min pawm tho nawlh a.Tlankima rawmawl chuan ka khup chu a hreng a.

Tlankima chuan ngawi rengin kan hnungah ka purse kengin min lo zui ve bawk a.A hmelah chuan min ngaihtuah hmel ve tak zet a ni tih a hmuh theih a.


Rose-i pawh chuan min hmuh hlauhthawn hmel tak chuan min rawn zui ve nghal a.Mathew-a chu min dah thla turin hrilh mawlh mawlh mah ila,ka thu a awih leh dawn chuang lova ka hriat vangin hauh pawh ka hau zui peih tawh lo a.


Motor-ah min thut luh tiriin Civil Hospital lamah min tlan chhohpui nghal a.Doctor-te chuan eng eng emaw min hnawihsakin kan inzui chhuak leh nghal mai a.Ka khup pilh mai mai emaw ka tih kha rin ai tak khan thi a chhuak duh phian a.


Chu mi vanga damdawi hnawih vel pawh rem ti ka ni reng a.Kei chuan ben-aid bel hi ka duhtawk thin viau a .Mathew-a chu hau mawlh mawlhin a zahthlak ka tihthute ka sawi a.

Ani erawhin intihtheih nan tak hmangin a infak zui zat zat a."Kha tiang pemte pawh kha a pùn thei a,nula tan chuan fimkhur tluk a awm lo.A changtupa ka che rang hlauh a,i vannei ta a nih kha" a ti deuh kher a.


"Mahni infak leh sakhi ngalah engmah a bet lo"


"Chu tia mi.....a hmulte chu a bet ve ang chu "ka dara a ban rawn dah paha a mit ko min sàn khum pah chuan a ti a.

"Awi awi,Khiangsata,Khiang mè chì" tihpahin a chalsam chu ka pawt leh vak a.


"Innei tawh mai ila"pamgchang àw taka min rawn melh leh chuan, "Awi....pàwl thum bak i la zir loh kha" tihpahin a chal chu ka pen fawk a.


"A nà"tihpahin a chal a dawm vang vang a.A dinna ngaiah chuan a ding reng a.A kut chu dahsawnin a chal chu ka chhèmsak a. "Nèp lutuk mai" tihpah chuan rum zetin ka melh a.


"Ka la ngaidam miah lo che nia,Vanneihpui" pangchang àw tak chuan a rawn ti sap a."Eng vang chuan" ka tifiak leh thak a.A tawng zui duh ta reng reng lo a. A dinna ngaiah chuan tum bùr chung chuan a kut kuangkuahin a ding zar a.

Huizz....a va han naupan chhiatthlak thin em!

"Aw le...ka tihpalh a ni e...ka thiam loh vek a ni"ka kut pahniha ka beng sik chung chuan ka ti dam diai a.

"Ka la pawm lo" tih leh min hnuchhawn a rual a.

"Eng nge tihsak tur chein min duh a" dawh thei lo tihhriat zeta ka tih chuan rang zet hian "Saw laia naupang kuhva saw min treat la,ei dun ang" a lo tivar a.

"Hah thlak!." tihpah chuan ka va lei a,kan ei dun ta a.

A khi leh var var tawh a.

"Tu lei sen sen"tihpaha a lei a rawn chhuah chuan,"Ka lei a sen fe zawk ang aw.."rang zet leh intithei zet chuan ka lo tivat a.

"Ka lei a sei zawk tho tho" a rawn tih leh chuan "Ka awih lo"tihpah chuan kan bul lawka car lo ding darthlalangah chuan ka inenpui a.


Lei sei zawk nih tum chuan kan lei chu kan chhuah thui lui vak vak a.Darthlalang chu muang changa in-down-in, hmel pakhat a lo lang ta.

Laltlankima ngei mai chu!!.... tùm bur chung chuan ka purse a rawn theh chhuak a.Rose-i pawh hmun dang atang hmanhmawh taka lo tlan in,"Awii Bek,tah hian kan lo nghak char char che u a.Inla infiam tui hmel sia kan tia,car atang hian kan lo thlir reng che u a. Khi laiah khian ka thiante ka hmua ka han kal lawk a,in lo thleng ve thei ta a lawm,hei" nui sàng chuan a lo tisawk sawk a.



Tlankima erawh chuan engmah a sawi lo a. A car chu a rawn tiri a,Rose-i pawh chu hmanhmawh zet chuan car-ah chuan a lut ve ta a.Inenkawl tha tur chuan min chah zui lawm lawm a.

A awmzia chu.....Laltlankima khan min lo hmu vek maw!

"Ka va han zak tak...... nangmah vang"tihpahin Mathew-a mawl hmel zeta hawi vual vual chu ka beng dawt a.

Min ei lo hmel zeta a hmui rawn tipawrhin a kal nul nul a.


Car va la chhuakin min rawn lam leh a.Ka rilruah chuan Laltlankima ringawt a awm a.


A chètdan mak leh hriatthiam har tak tak thinte chu ka mitthlaah an rawn lang zut zut a.Ka ngaihtuahna a tibuai zo vek....

"Naa...ka ning,he pa hi" ka tichhuak hlawl a.Mathew-a chuan nui rulh rulh chung hian,"Bèm tha leh mai mai teh"a rawn ti a.


"Tu chu,tu chu maw...?"hre lo àwm tak chuan ka awm der vel a.

"I la luangliam hliah hliah a ni tih hi haider tum suh" a rawn tisap a.


Ka chhan leh hma chuan,"Bek,Tlankima hian a duh ve chein ka hria,vawiina a chetdan atang khan ka hmu thei tlat"a tihchuan ka thinlung hi a hlim veng veng a.


Mahse ka lan chhuahtir lèm lo a.Innghah nana hman leh rin chu ka duh tawh chuang hauh lo.A chhan chu beisei bo beisei leh hi ka duh tawh loh vang a ni.

Ruah hmì rawn tla seng seng ka hmuh chuan glass ka down-a.Ka va dàk chhuak ta a.Ka hmai ruah hmìin a rawn theh huh seng seng lai chuan ka mitthlaah mi pakhat hmel a lo lang zut zut a.


Ka mit ka men chuan kan bul lawka car dum nalh tak chhunga nula leh tlangval inhnìm hnai taka awm chu ka va hmu thei a.


A mipa zawk tukhum lam chauh chu hmu mah ila tu nge a nih chu kei aia hre chiang hi an awm bik kher lo a.Glass pawh up lo leh nghalin traffic jam karah leh nghal hian maw.!!...


He tiang mi hi maw ka lo hmangaiha ka lo vei ve thin em em chu...... ka thlir reng lai chuan insiam thain a rawn hawi phei a.Mit khap miah loa lo enin ka hawisawn thuai a.

Glass pawh chu ka up nghal a...


To be continue.........



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)