RINZUALA

Story tawi te te emaw luanliamna emaw post na
Zuali khiangte
Posts: 2
Joined: July 6th, 2022, 8:00 pm

RINZUALA

Unread post by Zuali khiangte » August 18th, 2022, 12:03 pm

'Vawi khat chiah' pangchang tak a tiin ka lo luanliam fo na thin a mitmeng mawi zet chuan min en bawk, 'mawh vawikhat kiss chu a har viau em ni' tiin in a hmui a ti pawrh zeuh a cute reuh lutuk  'a nih vawikhat chiah aw' nui hak pah a ka tih chuan phur hmel fahran a min rawn hnaih sauh in ka lam ah a hmui a rawn dawh nghal a ,a chetdan duhawm zet avang chuan nui leh hak in muangchang chuan ka hma a mipa hmeltha zet kiss tum chuan ka awm hnaih hret hret a

"A naa!!"ti vak in Ka ban puam a sik hlawk tu an awm vang chuan chu ka  suangtuah na khawvel atang chuan ka harhchhuak zawk , ka bul mai a thu ka nu chu ka melh nghal ram ram bawk "min tibuai kan khawvel i rawn thiat vek " ka ti nghal hlar

"A eng khawvel mah ka thiat lo,i suangtuahna kha at pui at pui suh,a tak ram ah hian i rilru pe zawk rawh ,ka haw dawn nangmah in dawr chu lo nghak mai rawh ,inlam ah tih tur ka la ngah ang reng e mai' ti nghal zat in ka nu chuan a bag a hai rak rak a ''aww.. a tak ram a kan neih theih loh te hi suangtuah na ah chuan kan nei thei vek,chuvang chuan ka suangtuah na khawvel hi chu ka ta chauh ka duh duh dan in ka herkual thei,a chang zeuh zeuh in min tibuai tur in khawvel tak tak atang alien ang in i rawn in lan thin a" ka tih chuan ka nu chu a ner nasa ngang mai

"Mawl mawl suh nula ve uai tawh si,suangtuahna tih vel mai mai, i dawr ah hian i rilru seng tam zwk rawh bungraw lak pawh i ngaih leh tawh dawn hi" ka  nu chuan ati hlak hlak

Ka dawr chu ka enkual a bungraw lak thar chu ka ngai ngei dawn,kei hi  Remruatzeli ka ni a kum 23 na ka hmang mek, ka la naupang in suangtuahna khawvel thalai tam tak in an hlimpui em em thin chu keipawn ka hlimpui ve em em bawk ,lehkha zir ka nin em avang in school pawh ka chawl hma a ti hian MC a kan dawr enkawl  hi ka hna chu a ni mai, thawmhnaw leh pheikhawk  brand hrang hrang ka zuar a heng thawmhnaw thar nalh tak tak te hian minti hahdam sawng sawng thei thin,chuvang chuan ka dawr ah hian ka tui ve em em bawk,mahse ka suangtuah na a ka chen tawh tak tak hi chuan midang ten a min biak hi ka lo hrelo fo,hei vang hian ka nu pawh hian min hauh phah fo bawk

Nichin mai a min hauh chhan pawh kha ka suangtuahna vang bawk,a tawng ka lo hriatloh vang a nia,ka suangtuahna ah khan ka mipa duh leh vei em em Rinzuala nen kan lo inkiss dawn mek asin mawle,tunge Rinzuala chu kan ti maithei a ni chu Mizo nula zawng zawng  deuhthaw in a kan star rawn tih theih hial tur,actor leh model ni in kum lam ah chuan kei aiin kum thum vel in a naupang,kei aia a naupan na vang hian ka iai phah lo va,tu hmeichhia hian nge maw a ni ang mi perfect lutuk te han iai reng reng ang ni, khawi hmun ah pawh hian a mah duh tu kan kak nawk a ni ber,naupang te nisi in mizoram chhung na na na chu a tuamchhuak hneh ve khawp mai , a hmelthat mai bak ah a pian a nalh in nula te duhthusam chu a mah ah hian a kim kan  ti thei ang chutiang khawp a mizoram chhung a lar chuan kei helai MC 2nd floor a dawr neitu pakhat ve mai hi engtin nge min han hriat tehlul ang ni,mahse heti chung hian ka duh ve em em tho,a number pawh engtin tin emaw ni ka nei ve ngei a biak tum in a chat ah ka han lut a ,biak tan dan tur leh sawitur hlawl ka hriat loh vang in ka out leh thin

Zan dar 6:30 vel ah dawr kan khar a thawk tu hi pakhat ka la bawk,eng emaw thut a kei ka awm loh pawh a dawr lo enkawl tur in,.. zing lam ah dar 10 vel ah a rawn kal a kan pahnih in dawr chu kan nghak mai thin,a ni pawn Rinzuala chu duh ve tak a ni,kan kum a in rual bawk a kan inkawm thei khawp mai customer kan neih loh chang te hian Rinzuala chungchang sawi in kan  hlimpui ve em em zel

Ka nu haw hnu ah eitur chah in dawr chhung ah ti ti mawlh mawlh pah in kan ei a ,a chang in kan nui leh hak hak thin 'mc ah hian rinzuala hi a lo kal ngun ve tawh nen tinge kan dawr hi a rawn luh ve ngai miah loh ,a mak ka ti kan thil zawrh ah hian a duhzawng a awm velo a maw ni" Zomuani chuan a ti a.,ka ngaihdan ve tho a ni vawi eng emaw zah chu kan dawr chhung a lut lo in a kalpel fo tawh ,engtik ah tak customer ang tal pawn be thei ang i maw

"Naupang  zun ah kan han uai chu a nia a nuihzatthlak reuh" nui kar kar chung in Zomuani bawk chuan a ti leh "naupang a ni tawh hleinem ngaihzawng an neih ngam tawh chuan naupang  en a en chi ah pawh ka ngai tawh lo,engkim hrethiam rual an ni tawh" ka lo ti vei duah, a ni reng bwk a,Rinzuala ka sawi na bik  pawh ni lo in  ,inchhung a nu leh pa bul a naupang chhia tak a khawsa mi thenkhat hi chu an pawnlam nun dan a dang daih thin inchhung ah leh pawn lam ah chuan mihrang hlak an ni ,naupang chhe en a kan enlai hian tu tu te emaw inkar ah buaina siam in an lo in rawlh daih thei tawh thin,chuvang chuan ngaihzawng nei ngam chin tawh hi chu keichuan naupang ang ah ka ngai tawh lo

'Ni ve tho, khawvel a hmanhmawh tawh naupang te te  kum 15 rawn hmang chho ve dek dek ho pawh in
'nanglo chu hmangaih ka neih ka ring tawh lo,i tello chuan ka awm thei lo ag' an ti tawh a nia rual u zawk te min ti hawi lawl lawl a lawm le" a tih chuan kan nui dun hawk hawk

customer kan nei tam lo bawk nen,ni dang aiin kan inkhar hma deuh a,a tuk lam a in hmu leh tur in zomuani nen pawh kan invai liam ta chu a nia,lirthei ka neih loh vang in ke in ka haw mai thin,scooty ka chhung ten lei an sawi pawh in keichuan ka hnial tlat zel a chhan pawh ka khalh thiam loh mai bak ah ke a kal hi nuam ka tih ve hrim hrim vang a ni, nidang aiin ka haw hma bawk a tiin in ka thlen veleh  mu hahdam  mai mai pah in whatssap ah ka lut a,mi status ka en chu mahni in ka lo lungawi lo ve em em,Rinzuala leh  mizo hmeichhia actress kan neih that ber te zing a mi Rinrini chuan sawi an lo kai a ni awm e,keilo pawh lungawi lo an tam ngang mai,phone chu dah hmak in ,zangthal zawng in khum ah ka mu duai,ka rilru chuan phatsan ni ang mai ah ka in ngai ve ringawt

Zan ah pawh phone ka khawih peih lo Rinzuala chungchang status ah an hmang sup sup a,group ah nen lam an  sawi a vang in ka ning lutuk a ka mu hma ta daih,zing ka tho pawh tuk dang ang in ka phur sarh lo

"Nu ka kal dawn,dawr ah thil chu ka ei mai ang " tih pah in chaw eilo a chhuah nghal mai ka tum chu ka nu chuan "leh ringawt zel hian tunlai thang thar ho hian chaw ei loh te,thil ei tlem te hi in in tih hmuh reuh a " a ti nuah nuah ka nu hi chu phunchiar chi hi a ni ve hrim hrim a,nu sual tak erawh a ni lo

Dawr ka thlen chuan dawr kawt ah zomuani a lo awm der tawh "tuk in chu i va hma  ve i kal hma tur thu i rawn sawi silo a ,i thlen na a rei tawh em' ti a ka zawh  chuan a thlen ve deuh chiah thu leh vawiin ah Rinzuala MC ah a kal dawn tih a hriat vang a kal hma a nih thu te chu min hrilh nghal zung zung

'Egtin nge mc ah a kal dawn tih i hria a ' ti a ka zawh chuan "nizan a  ig story kha i en lo em ni,'naktuk chu mc lam ah paidal ang' tih a hman kha" atih chuan an rumors vang a ka mood off ka muthma thu ka hrilh ve nghal,a ni pawh zan lam a a mood off thu a sawi  ve nghal hlak hlak

"Rinzuala hi chuan model a nih na leh actor a nih na hi a larpui ber lo .lemchan lam huangchhung a la dai hnem lo bawk hrim hrim a..a hmelthatna hi a larpui ber in ka hria" zomuani'n a tih chuan ka pawmpui hle,a hmeltha teh vawt em a tin ni,hmeltha na na na hi chu tuman kan hmuh hmaih lo a social media ah pawh an lar chak reng a ni

Chutia kan ti ti mawlh mawlh lai chuan "helai jaket hi a man egzat nge in chhiar" mipa aw in a tih chuan a,aw lo chhuah na lam chu kan hawi vat,kan mi hmuh a vang chuan kan tawng zawm leh lwk thei lo, kan dawr ah Rinzuala a chanchin kan sawimek pa a lo kal a nihchu a vawikhat nan tak meuh ,"thiannu a man zat chu" ti a min zawh nawn leh chhuan khap fak fak chung in "a van hmeltha tak " tiin ka phun chhuak sep "eng maw" ti a Rinzuala hawihai ta deuh chuan min ti harh zawk "englo 2000 man a nih kha "tiin a lather jaket enlai mek man zat chu ka hrilh a "min lo pack sak ta che" ti a min zawh chuan phur fahran in ka pack sak nghal,a thianpa pawh in min dawr ve bawk ,kan dawr atang an chhuah hnu thleng chuan zomuani nen kan ni deuh huih mai sawithiam a har hnai tak a ka hmuh vawikhat na leh,kan inbiak vawikhat na a nih vang chuan ka normal hleithei lo a ni ber,

"en thuak in a tha thuak a,en chet chet in atha chet chet a,hnai tak ah phei chuan a lo tha tehkher em a nih kha mawle"tih chu status ah ka hmang a, meng star pawp lai stiker pahnih leh tunlai emoji chhuak thar saranghae emoji kutzungpui leh kungzungchal hmang a love sign an siam emoji chu ka dah tel bawk

Status ka up zo chiah midang status en ka tum chu Rinzuala status ka hmu thut a nihchu,ka van phu nasa tak,awihlo deuh chung in  a aia uluk deuh zawk in status chu kan en nawn leh a,'Rinzuala crush' ti a ka save number ngei chu ani si engtin nge ka number a neih theih ,phur ru deuh chung in a status chu ka en a,"vawiin chu ka be ve ngam ta"  tih a status a a hman chuan min ti  hnual leh deuh,tu a sawi na ni nge ni  ang tih chuan ka rilru a luah leh nghal ngut ngut

"Tunge vawiin a a biak ngam tak chu ni ang le' tih status ah ka hmang nghal a,ka status view hmasa ber tu chu Rinzuala a ni lehnghal,ka thinphu ran zia chu ,engtin nge ka number a neih tih chu ka hre chak zek zek bawk

Ka status a view hnu reilote ah status a rawn up ve lehnghal a

"A mah lah chu a in hre der mai silo,a va hahthlak thin tak!' Tih hi a hmang a beidawn hmel deuh a chal dawm lai stiker a dah  tel bawk

A status atang chuan mi duh a nei a ni ngei a nga, a nih chuan tun a a bialnu ang a an sawi hi a bialnu a lo nilo thei mai a ngem tih te chu ka ngaihtuah,status pahnih vang lek in ka rilru ka seng nasa kher mai,midang status chu ni se eng ah mah ka ngai lo ang,mahse  hei chu midang nilo in Rinzuala a ni tlat

Tuk dang ang lo tak in ka zing tho chu eng emaw hian min mawlh tlat ,dawr thlen thuai thuai chu ka duh hma tak ah ka tho a ka in tifai nghal zung zung bawk ka dawr ka thlen chuan a la hma ang reng viau na in midang thenkhat pawh an lo in hawng ve tawh tho nidang ah chuan a tlai pawl ka ni ve ziah a vawiin chu ka hma ve khawp mai,ka thlen atang dakar khat hnu vel ah zomuani pawh a rawn thleng ve a,traffic jam ah atan reithu a sawi nghal mawlh mawlh,mi ram ah chuan kawngpui a zau a motor tlan pawh awmze nei tak in a felfai thlap a mizoram  erawh a tir atang kan plan hi a  fuh lo ni ber in ka hria ,kawngpui a zim bawk si zauh leh dawn se zauh ngaihna vak a awm tawh silo kawngpui chep deuh ah kan tleh hul hul reng dawn a nih hi maw

lunch ei hun a nih tawh vangin kan eitur kan order a ,eitur nghah pah a kan ti ti mai mai lai chuan kan dawr bul mai ah thawm  ri deuh huk a  awm a,an thawm atang chuan insual an awm a nih hmel hawkdak ta reng reng chu zomuani nen pawh tute nge insual tih hriat chak in kan dawk chhuak rang leh hle ,kan dawr piah lawk pen li nga vel ah chuan mipa pa li hi an lo insual a,thenkhat in thelh an lo tum ve mek  ,pathum chu tute nge ka hre lo a pakhat erawh hrechiang tak ka ni,  'a tawk ,a tawk tawh bawiha khin chi vak pawh an nih loh hi' Rinzuala thianpa ni awm tak chuan a ti a Rinzuala chu a vuanbet bawk,a insual pui te pawh midang in an lo chelh ve bawk a Rinzuala erawh in a hma a mi pahnih an chelhbeh mek te chu rum tak in a la en reng ,"e nge i hriat a mi awm tha hle hle lai min rawn hnek ngawt chu le ,khawi maw min thlah teh u chutia insual i chak viau te chuan mipa leh mipa chu a tawp rak thleng in in bei ang hmiang" pakhat chuan a ti pung pung a,Rinzuala erawh in engtin mah a chhang lo a a mitmeng erawh thip tha tak a ni,a landan ah chuan buaina siam hmasa tu chu Rinzuala a nih hmel,

"In phu tawk chiah a nihkha,mipa chu in in ti ve sia maw,in thil tum kha kan rawn hre pha vek" Rinzuala chelh tupa chuan a ti let ve a,
"in tan enge a pawi na ,kan duh duh kan ti a nga in lo inrawlh na tur a awm lo,sawnu saw i bialnu a nih ngawt loh chuan" tih pah in Rinzuala te sual pui pa pakhat zawk chuan min rawn kawk a nih chu ka va han hrilhhai chiang tak,thawm kan hriat avang in kan chhuak kha nia,enge kei ka tel ve theih ngawt dan, "ngawt a che ,enge kei min rawn hmer tel ve ngawt a,i zaklo" tiin ka mak ti bawk si chuan ka lo vin let khar khar,Rinzuala chuan min rawn en a a mitmeng chu ka chhiar thiam lo,chutah a thianpa in a vawn na atang chuan atal pit a,min kawk tu pa hma ah tak chuan ding in  "aw ka bialnu a nihsaw ,ti khan ka hnek nachhan che kha i hre tawh em..i rilru tenawm zet hmeichhia te zahna nei lo kha thlawhbo pui vang vang rawh" a mit ah chiang zet a en in Rinzuala chuan a ti chang fak a,tlem chuan thil awmzia ka man thiam ta deuh,mahse engvang a keimah vanga in sual ta mai nge an nih , 'Ka bialnu' chu thu chu Rinzuala'n a sawi a maw ka chil ka hak thawt lo chauh thil awmzia ka vam man lo si tak em

Mi thenkhat in Rinzuala insual pui te chu an hruaichhuak a,Rinzuala leh a thianpa erawh kan dawr ah an rawn lut thung,

"Tinge in buaina ah khan min hmer tel ve rikngawt a ," ti a ka zawh chuan

"Kan hmer tel che pawh a nilo nangmah vang a buaina chhuak zawk alawm" Rinzuala thianpa chuan a lo ti thuai, 'eng a ,e nge keimah vang a nih na!' Tiin ka melh deuh khai khai,keimah vanga an intihbuai chhan tur ka hre miau lo , 'tak tak a,khang ho kha i hmelhriat te an ni em," ti a pangai tak a min zawh tak ah chuan tun hma a kala hmuh ngai loh thu in kalo chhang "i haw hun  ah lo chan che an tum a,an thusawi kan va hre hman sia,chuvang mawle,tunlai mipa thenkhat hi chuan hmeichhia te zahawmna tih bawrhban hi an hreh tawh lo' a tih chuan ka tiril a khur nghal thei,tiang te chuan mahni in ka haw ngam nang 

Rinzuala chuan enge a sawi ve ang tiin ka melh zeuh zeuh a,eng mah sawi ve a tum lo anih hmel a ngawi ngul ringawt,ka number a neih dan te zawh ka chak viau na in ka be bawrh bawrh ngam leh chuang tlat lo, Kan dawr a an awm.chhung zawng in Rinzuala a tawng ve miah lo a thianpa erawh tawng duh ve tak a nih vang nge a ngainat awm phian Rinzuala chu in duh ka ti reuh khawp lehnghal,a bialnu ag in min sawi te te a,dawr a an awm.chhung zawng in eng mah a sawi veleh der silo

Dawr khar a lo hun chuan mahni a haw ka huphurh ngei mai,Zomuani'n ka lo thlah ang che a tih erawh chuan ka in thlahrun ve bak ah zan rei a la ni lo bawk a hlau ang a lan ka duh bik loh vang in ka lo hnial thung ,dawr atang kan in hi hla lutuk lo mahse kan veng chu mi an mu hma thei hlawm ang reng a,khawlai a reh hma tlangpui

Tun ah pawh kan veng chin ka thleng chiah chu a reh  ruih mai meng tawk la awm tho mahse , kan in ka thleng tep tawh minute 5 vel chiah kal a ngai tawh ang tih chuan ka hnunglam aj thawm ri a awm avangin ka phu deuh zuk ,ka hawi tang nghal hra bawk,ka hnung lam thim zing ah chuan tu emaw ka ke pen rual a pen ve zel hi an awm in ka hre tlat ,ka bag ah lai hmer nghet salh in ka kalchak zual sauh ,chu veleh ka hnung a mi pawh a rawn kalchak ve sauh vawiin lam a Rinzuala thianpa thusawi kha ka ngaihtuah pah vang nge ka thla a muang meuh lo, ka kal lai chu ka chawl det a,ka hnung a mi pawh a pen tawp ve chat chutah one two three ka rilru a chiar in ka tlan thut ,'hey,ding teh keimah lawm keimah' mip aw in a rawn tih chuan ka ding chawt , ka hawilet nak chuan street light eng hnuai ah Rinzuala hmel chiang lutuk in ka va hmu a nihchu, "e,e nge i hriat a'ka ti bah nawk,min tih hlauh em avang chuan ngei tak ka ni Rinzuala ka vawikhat ngei na a ni hial ang,

"Ti nge min zui ruk" ti in ka chhuahchhal nghal ,a ni ve thung chuan 'ka veng che" a lo ti awlsam et a nihchu, ka zawhna vang chuan a lungawi lo nge min melh khui mai ,keimah zawk lawm lo tur ka nihlai a lawmlo hmel min hmuh zawk chu ka lawm lo lehzual

"Ven ka ngai lo,keimah in ka haw thei i kal na tur ah kal rawh' ka ti leh ngat,a ngawih vung vung hnu ah a dar san uk in "ka kal na tur zel ah i kal bawk sia' a ti a nihchu,reuh hian a,lawm tur nge thinrim tur tih pawh ka hre tawh lo min ti hlau hman hle tih erawh ka chiang,

Lungawi vak lo a ka melh rawm rawm hnu ah inher in ka kal zawm leh a,ka hnung ah zel a rawn kal a nihchu,a hma aiin min rawn kalhnaih tawh lehnghal ka thinphu chu ri chhuak  thei nise a ri ring viau ang,lungawi loh na leh zam na inpawlh chung a ke pen chu confi har tak a ni,a khat tawk in hnunglam ka hawi zeuh zeuh a nui heu chung in  zaizir hian kal tur in min lo ti a nihchu ,confi lo zet in hmalam pan chuan ka pen ve zel a,an insual  na a an  hnek na tih hriat zet in a mitko chu a duk raih a,ka ngaihtuah chiang a keimah vang a insual an ni bawk si tiin, ka pen lai chu ding in hnunglam bawk ka hawi leh   "Rinzual" ka tih chuan a mitko min san khum ak a nihchu   "van over reuh" ti sep in ka kal hnaih a,min lo en reng "

"Tinge a,kal ta che" ti a min biak na pawh chhang ta lo chuan "a na viau em' ka ti a, hriatthiam loh hmel deuh a min en chuan "englo i'

"E,hei hi maw,hmeichhe tan chuan a na ve deuh maithei ,mahse mipa ka nia mipa tan  chuan na teh nang le" fiamthu tak a a tih chuan ka nui ta ringawt ,a mah pawh  a nui ve tho

"Sawlai lawk saw kan in a ni tawh a,lo lut la damdawi kan hnawih dawn nia" ka tih chuan
"Nula in ka hliam ah damdawi min la hnawihsak ngai miah lo' a lo ti daih a nih chu ner nang chung a " i van uang peih reuh" ka tih chuan ,a hma aia tak deuh zawk in " i nui hmel kha a mawi lutuk,tu ma lakbo phal miah suh" a tih chuan "lakbo tir dawn mai mai lo ka nui hmel chu ka ta lawm"
Tiin ka chhang a

"That's my girl" tiin ka sam ah a tuai zeuh a ,ka lungphu ri chu ringtha leh dup dup tak a ni,a rawn hre pha ang tih hlauhawm tham in a lawm le a rik rin ,

Tum loh leh beisei loh deuh in Rinzuala chuan kan in thleng min thlah a ,leng lut tur in sawm.ve ngial mah ila zan dang ah ka lo leng ang mahni chuan ka zak a ti deuh tlat ,a awm ve tho kei aia naupang ve lehchhawng kha a nia

Mut hnu ah min lo text a ,kan inbe rei phian lehnghal 12:00am  ah ka mutsan a ,zing ka tho ig a ka lut chu Rinzuala story a lo awm a ka view nghal zat , a story ka view chu ka tui in lai ka hak lo chauh engtik lai khan nge ka thla a lo lak hman ka hrelo reng reng ,street light eng hnuai a ka kal lai a ni ka hnunglam chiah lang mahse tunge mahni te in hai thei ang,nizan a mi tih ka chiang bawk caption engmah a siam lo na in ,Alex Hauhulh leh Jh Peka hla 'Lam dun ila' tih kha a hmang thung ,

Whatsapp ka lut leh a,Rinzuala hnen atang " Remruatzel ka bialnu i ni duh em? Duhlo mah la i ni tawh,nizan ah pawh ka thlah haw che ,kan first date a nih kha" tih a lo awm a nihchu a tih dan teh tawp chu  nuih za bawk si,lawm tho bawk si chu mood a fuh duh ngei mai

"Teh ringawt a che,i bialnu ka nih duh leh duh loh pawh min zawt lo" ti a ka chhan na chu a seen rang kher mai "min duh tih ka hria a zawhbuai ngai ah ka ruat lo che,ti hian kan inkawp tawh,bialnu ,bialpa an tih ang hian" ti a min lo chhan na chu nui var var chung in ka chhanglet ve leh thuai a

Rinzuala nen pangai tak a kan inkawp atang hun pawh a kal leh duai tawh ,kan in ngaizawn dan kha awlsam viau a kan inkawp rem phian bawk ,a sawi dan chuan dawr keiman ka enkawl tirh atang khan min lo hria in min lo duh daih tawh a min lo be lawk ngamlo hi a ni awm e,  ka number a neih dan ka zawh chuan "i dawr kawngka chung ah lianpui in i tar a lawm mawle,pawtthla la i nu number tar rawh" a lo ti hlur a nihchu ,ka thikthu  a chhe  viau emaw ka tia kei aiin a thikthu a la chhe ve leh chhawng ,mi hriat hlawh a lo ni bawk nen kan inkar chu reilote ah a darh thuai a a mah pawn zep  tum na a nei hran lo bawk,kan in ah a lo leng fo va,a tir chuan a lai in a in thlahrung ve viau a,a rawn len ngun deuh hnu ah erawh ka chhungte awm lai pawn thingpui lum tur in min  tir ngam tawh

"Vawiin chu dawr ka lo ngahpui ang che," a tih chuan ka lo hnial bik lo,
In ah min rawn lam thlap a,dawr kan thlen chuan Zomuani pawh a lo awm leh vang tawh ,nileng in Rinzuala chuan dawr min ngah pui a,Rinzuala awm vang nge maw ni nidang zawng aiin kan in hralh thei,customer an awm a piang in a lo buaipui nghal vut vut a eng mah leilo a chhuak chu a tlem zawk an ni hial ang

Zan lam ah pawh a rawn lawr hma ang reng viau ,ka nu nen an inkawm thei phian a an ti ti duhzawng a lo in ang lehzel bawk in inbiak ve na hun pawh kan nei meuh lo

"Tunlai thangthar te hi chuan rim tak a hnathawh te hi an peih tawh lo,a thawkrim apiang nuihzat tur emaw hi an ti tawh a,nu leh pa te thawhhah zia hmu thiam lo lo hian thawmhnaw leh inchei na duh tui hlei hlei hi an ni leh ang lawi a,chhungte thawhchhuah sa hmang a thaw lian ve tak tak mah nin engmah neih nei silo,chhungte thawhchhuah hmang a lirthei lei,petrol thun na tur pawh thawk peih leh silo chhungte dil leh reng ang te hi an tam tawh khawp a,khawlai ah chak tak tak in motor an khalh fua fua a a tawp ah an chesual leh nge nge a in enkawl nan sum sen leh teuh a ngai a,hetiang ho chhungte tan hi chuan a beidawn thlak duh awm hi ka tia lawm" ka nu chuan a ti deuh duah

"Nia tiraw nu Madik ,tunlai mi hi chuan kut hnathawh te hi zah ah kan la tawh ni ber in ka hria"tiin Rinzuala'n a lo tui hnih ve zat

"Ni chiah e mawle,social media lam thleng hian kan hman dan te hi a dik tawh lo,kan tan a tangkai lo kan sawi peih bawk si a,mi rilru engtiang in nge kan hliam theih tih lam kan ngaihtuah leh hlawm mang bawk silo , thil a pawi tawh hnu a inchhir  leh hian awmzia a nei tam lo ,saptawng te lah hi ka hmang e hi an tia,social media ah chiah saptawng hmang thiam a tak ah tangkaipui hun a hmang thiam leh mumal silo te hi kan tam khawp a,in lak changkan tum reng reng hian tunlai mi hi chu an in el tawh anih hi kan hunlai ve te kha chuan lehkha thawn phekkhat a thu inziak thlum dan a zir khan kan lawm tawk ve em em a,tunlai mi zawng bike nei an ti,a dress a nalh em tih ah te an buai lutuk a kan thil thlir dan hi a in ang lo thin teh e " ka nu bawk chuan a ti leh duah,an tawng tui dun bawk si a lo inrawlh ve pawh in thlahrunawm zawk tak a ni

"Chu nu Madik lehkha thawn chu i dawng hnem thei fu lo maw" tiin Rinzuala chuan a lo fiam zauh

"A hunlai te chuan dawng hnem pawl chu ni ve e" ti a ka nu in uangthuang tak a a chhan chuan kan nui ho dar dar

"Nangzawng Rinzual,naupang te hian i puitling el reuh a,rilru nei deuh in hmasawn zel tum la engmah thawh hreh neih loh tur a nia" ka nu in a tih chuan a lu a lo bu nghat nghat mai

"mahse nu mizotawng a thiam lo lutuk hau rawh" ka lo ti zauh ,Rinzuala chuan min rawn melh rum nghal hle

"A nilo nu madik mizotawng thiam lo hi min tia tun ah pawh mizotawng hlir in anih hi tiraw kan inbiak'  min hnial khalh dan hre zet a Rinzual an a tih chuan ka nu a lo nui nasa ngang mai

'mahni tawng ngei thiam chianglo tawk lek a hnamdang tawng thiam hi a pawi a nia,saptawng thiam loh tur ka tih na a ni miah lo saptawng thiam hi a pawimawh lutuk ,mah erawh chu kan hnam tawng hi dah pawimawh hmasak tur a nia,eng ang pawn hnamdang te zing ah tal nasa mah ila kan identity mizo kan nihna a bo dawn lo a,chankan lam kan pan mek na ah hian kan hnam zia hi kan humhalh sauh sauh a ngai hnam zia kan humhalh thiam leh hnamdang mit hmuh ah pawh kan mawi a ni mai" thu tak deuh a ka nu in a tih leh chuan kan lo pawmpui viau

Ka nu hahawlh zawng kan sawi pawp bawk zan dang  aiin Rinzuala pawh a haw tlai nghe nghe ,

A karleh ah chuan ka nu leh pa te ka pi te khua zo kaw lam ah an zin avang in mahni in in ka lo nghak a ,chutia hun thawl nei tam ta ngang chu Rinzuala nen pawh kan in hmu zing malh malh khawp mai,hun thawl kan ngah bawk a hmeichhia leh mipa harh vang tha ve ve ta chu in ven reng  sen a lo ni bik lo,kan chesual ka ta nge nge,'vawi khat in a lehpek a hring' an tih ang deuh in kan awm dun tawh chuan ramri kham kan nei thei meuh lo,a tawp ah phei chuan ka ruak lo tih ka hre ta hial ,ka mangang ru viau a Rinzuala ka hriattir nghal thuai bawk,a ni erawh a lo lawm viau thung , chu chuan ka awm pawh a ti nuam sawt nghe nghe ka chhungte erawh ka la hriattir ngam lo,

'I dul len hma in innei thuai ila a tha ang ka chhungte pawh ka lo sawipui a nga " ti a Rinzual an min hrilh chuan chhan mai dan tur ka hrelo kan la naupang dun si a,nu leh pa dinhmun hi kan luah zo meuh a ngem,chutih rual in tun ah ka ruak lo chu a ni der tawh bawk si ,ngaihtuahna a vak thui duh ngang mai , thla hnih thum vel tal nghah phawt a chhungte hriattir chauh chu keichuan ka duh ,ka thu tluk na ka sawi chuan a lawm lo viau dawn na a,min pawmpui hram thla hnih hnu ah in puan a inneih kan duh  thu sawi nghal chu kan tum a ni

Zomuani hnen ah erawh ka ruak lo tih chu ka hrilh a,thiantha ti a kawm hi ka nei ngai meuh lo ti hian Zomuani nen hian kan in kawp chawt a engkin ah ka mi rin ber pawh a ni ,

Chawhnu lam her a Rinzuala rawn kal chu a chhelo lehpek hle ,ei tur a rawn keng nual a zomuani'n a lo ban rang viau,'i tan ka rawn keng a ,ken sak loh zawk in a lo ban leh vut tawh" Rinzuala'n a tih chuan Zomuani'n a melhrum ngang mai "a ei ve lo pawh nilo ,ngawi mai mai rawh ,ka ei zawh vek nghal loh " a lo ti hlar an in fiam nasa thei bawk a,tawngkam bak deuh hi chu ngai ah kan nei tlang tawh ,Rinzuala chuan min duat thiam viau a,kum lam ah la upa lo mahse a ni aia upa zawk tam tak hian an tluk kher in ka ring lo ,a mah ah ka in nghat ngam a tha tak in min enkawl thei ang tih  ka ring tlat bawk

Kum 5 a ral leh meuh chuan engkim chu a in herdanglam vek tawh,ka dul thep zaih chu ka khawih a ka mitthla ah nunhlui an rawn lang zut zut bawk  ,a tawp ah hun harsa ber ka tawh lai a min kalsan dan ka ngaihtuah thlen phei chuan kum 5 pawh liam tawh mahse a nat dan a la ngai reng ,ni e a tir kha chuan kan hlim dun khawp mai ,nau ka pai thu chhungte hrilh kan tum ni pawh alo thleng a,khami ni khan tlu sual lo ila chu kan naute kha kan chan lo a nga,Rinzuala pawn min kalsan kher lo maithei a ni,

Naute ka chhiat atang a ni li nga hnu ah a mizia a danglam tan a,min pehhel dan mawlh a zawng a,ka call a chhang duh lo a,ka message a chhang duh hek lo .,a tir ah chuan naute kan chan avang in a tuar ve rih a nih dawn hi tiin hun thawl ka pe a mahse kar hnih hnu ah pawh min biak a la tum chuang lo,a chanchin ka hriat leh hmasak ber chuan a career zauh tum in phai lam a pan tih a ni,khatih lai khan ka thinlung nasa tak in a hliam a tun thleng in dam tih a nei theilo,eng vang a hetia kan kar tawp ta mai hi nge a nih ka hre lo a ,ka mamawh hun lai ber a min kalsan tak a vang chuan a mah huatna in ka khat a chutih rual in ka hmangaih na erawh kil khat ah mit lo in a la alh ve vet vet reng tho,

'Enteh mate Rinzuala a lo haw an tih kha i hre tawh em?' Ti a Zomuani min zawh na chu ka hriat tawh thu in ka lo chhang, ni e a chanchin hi hriat duh lo viau teh mah ila mi tam tak ngaihven a nih avang leh social media lam ah a chanchin hmuh tur a tam em a hriat tum miah lo chung pawh in khawi emaw atang chuan ka hre zel tho

"Keichu a mak ka ti hepa hi,eng mah sawilo in a kalsan che a biak pawh a tum miah lo  che a nia a rawn haw hnu pawn, kum 5 ral tawh mahse kar ah naute a awm tawh chuan intheihnghilh hi a har an ti a ni ngai a,hnaih tawh loh tawp a tha hetiang mihring hi chu ,nangpawn biak lo va tum suh ang che ka ngei a nia" zomuani chuan ati hlak hlak ,ka thian a ni a a thinrim na chu awm ka tihpui lutuk mahse ka thinlung hian Rinzuala a la theihnghilh tak tak thei lo,min tihnat ber lai pawh a ka thlakhlelh ber kha a mah a la ni fan tho , 

Mc a kan dawr kha ka nu in a enkawl a kei erawh in dawr thar hawng in a hma mi aiin a zau zawk a nawm pawh a nuam zawk bawk,zomuani pawh in puanthui lam a zir a tun ah chuan chhawr tlak in a thiam ve tawh , lunch chu chah lo a pawnlam a ei kan rawt a ka dawr atang a hla vak lo ah restaurant lian vak lo a awm a ,an thilsiam a tui in customer pawh an ngah thei viau

kan eitur te min rawn pek hnu chuan ti ti mawlh mawlh chung in kan ei a,eikham a bill pekna lam kan pan lai chuan beisei loh  lutuk in Rinzuala nen kan in hmatawn  ta ran mai,an thil eina pek tum ve tho ni in ka hria a bul a hmeichhe ding chu tunge a nih hrelo mah ila an in huatloh hmel viau, 'i lo dam a maw" zawi sup a a tih chuan ka chhang lawk lo,tun hma aiin a landan a puitling tawh a tun ah chuan tlangval tak tak a ni ve tawh, " Rinzual ka hmanhmawh a nia ka nu ten min nghak tih i hriat kha" a bul a awm hmeichhia chuan nin hmel zet in a ti a, "imm ,lo va chhuak la bill ka pe fel nga ka lo chhuak ag " Rinzual an a tih chuan chu nu pawh chu pawnlam ah a chhuak ve mai, "kan va in hmu lo rei ta ve tiraw kha,i lo dam maw "  Rinzuala bawk chuan a ti leh , "mate kal ang," tiin Rinzuala pawh chhanglo chuan Zomuani ka kai a kalchhuah pui nghal chu ka tum,  ahmel ka hmuh  chiah khan ka natna dam twh se  ka tih em em.thin kha a bul atang hliam nawn leh ni ang mai in ka hria,chutih rual erawh in ka ngaih zia ka hrenawn  a,a bul a kal hmeichhia ka thik zia pwh ka hai lo ,ni e thikthu a la awm a nihchuan hmangaihna pawh a la reh lo tih na,thikthu a awm tawh loh chin ah chiah hian alawm  hmangaih na in kianzai a rel tan ni,


Ka kalpelh dawn lai tak a Rinzuala thusawi chuan min ti ding chawt

'I ngaihawm thin khawp mai' chuthu a sawi vang chuan ka hnuk a ulh lek lek a lam chu ka hawi a chiang tak in min lo en reng,a ngaihtuahna ah e nge awm ka hrelo a  a mitmeng ka chhiarthiam hek lo

"I dam thin maw" a vawithum nan a a tih leh chuan thawk la hak in ka nuilui seih a "imm ka dam e" tiin ka chhang ve ta  ,  minute tam pawh in hma tawn lo in kan kalsan nghal daih,a bul a ka awm khan ka thawk a chham mai dawn in ka hria a hma zawng aiin a mi uap a na takzet

ka beisei loh lutuk a Rinzuala nen kan inhmuh avang chuan zan mut pawh ka harsat phah viau,hunkal tawh ah ka ngaihtuah na a vak vel a,eng vang a hun harsa ber ka tawh lai a min kalsan nge a nih tih hriatchak na in ka khat bawk,khatih lai kha chhungte hmaisen mahni in ka hmachhawn a veng chhung ah zak tak in ka awm bawk ,ka kiang ah awm nise ka tawrh na kha a nep deuh tur ,

Kar thar kan chuang kai a Rinzuala chanchin pawh ka hre ta rih lo,dawr kal tur a ka insiam lai chuan number lawng atang call ka dawng a,tunge ka hriatloh avagin ka la duh mai lo mahse.vawi hnih vawi thum a rawn tih nawn tak.ah chuan a pawimawh a nih ring in.call chu ka chhang a , mahse a reh leh vung vung tho si ,'tunge i tawng loh chuan ka dah dawn' ka tih chuan thaw chhuak ham ham.ri ka hre ta ka ding ngil nghal awt nghe nghe,ni e  tunge a nih ka chian em vang a ni

'Rinzual' tiin ka phun sep,'in hmu lawk ang sawidun tur kan nei ' a tih chuan "sawidun tur kan neih ka hrelo" ka lo ti.ve hmak,engtiang pawn ka duh mah ila ka thinlung tina tu kha a ni miau a

"A pawimawh" a tih leh tak zel ah chuan keipawn ka hnial ta bik lo


Rinzuala nen kan.inhmuh na.tur ka.thlen chuan min lo nghak reng tawh, 'thu la' dam.thlup hian a lo ti a kei erawh ka la ding ngar thung "i sawi turchu sawi vat rawh ka hmanhmawh a nia" kati hmak

"Thu phawt la kan sawi dawn.nia" a tih leh chuan.ning zet in ka melh rawm a

"Sawitur i neih loh chuan ka kal a nge" ti a ka in her chu

"Eng vang in nge naute kha i tih tlak,ka fa ang in i puh bawk eng vang nge sawi rawh !!"  Thinrim lutuk in a rawn ti a nih chu,ka pen lai ka ding chawt a mak ti lutuk a a lam ka hawi chuan thinrim tih hriat ngawih ngawih in min lo en

"Eng maw i sawi kha," ka ti bah nak

"eng vang  in nge ka fa nilo ka fa ang a  i puh,i ti tla zui bawk a,ka fa nilo mahse i fa a ni a lainatna pakhat mah i neilo em.ni!" A rawn tih. Leh chuan mak tih na leh,thinrim na in min tuam nghal a,ka tah a chhuak nghal em em.bawk engtin nge.chutiang chuan a lo ngaih theih,a ni lo khatih lai khan kawp ka nei lo a tun thleng in tumah ka la kawp leh lo bawk,ka fa ngei ti tla duh tur a min ring chuan min chhun na takzet


"Eng,eng maw i sawi kha,dawt in min puh hlek suh" ka mittui lo hnai  tiam tiam pawh chu dan tum na ka nei lo,"ka naute kha ka duh vang a chhiat ka ni bik lo a sin,chuan,i fa lo tu fa nge pai se min tih,hei vang hi em ni hun harsa leh khirh tak ka tawh lai a minlo kalsan" a tirlam zawi viau mahse ka tawng tawp lam erawh ka awiki a sang tha viau ,ka thinrim leh rilru na bawk si chu tah chuah hawk hawk ka chak

"I thiantha ber thusawi chu awihlo tur in min beisei em ni" chang fak a a rawn tih chuan ka bangbo tak zet ,Thiantha a sawi chu Zomuani a nih ngei ka  ring ,a ni lo chu han kawm tehchiam ka nei lo tlat Rinzuala nen kan inkar hrechiang ber tu pawh a ni

"E nge a ni chuan a sawi" ti a ka zawh na chu,a chhanna chuan min van thawng taka

Minute hnih thum zen zawn ngawireng in  ka ding reng,engtin nge ka chung ah hetiang thil hi a tih theih,awih harsa ka ti takzet

'Duati' ti a Rinzuala'n min ban  a tum chuan ka lo tawlhhnung dat,in thiamloh hmel tak in min en bawk

"Ka tihpalh,thudik hrelo a ka kalsan che vang in,mahse khang hunchhung zawng khan ka theihnghilh ngai lo che i tan ka rinawm reng thin" A tih chuan ka nui tawk tak "a tawk,eng,engmah ka ngaithla duh lo ka insawifiahna pawh ngaihthlak tum lo leh mal tak a min kalsan avang khan ka ngaidam theilo che" tiin Rinzuala chu ka kalsan  nal nal,Zomuai thil tihdan chu na ka ti takzet Rinzuala a duh ve thin tih chu ka hria,hetiang rilru chhia ka chung ah a put hi ka ring ngai lo,ni e,a mah khan a ni ka naupai lai Rinzuala fa nilo ang a lo sawi ni, 'a tluksual hma khan nau tihtlak na a ei a ,bak ah a nau pai hi i fa a nilo hrim hrim bawk,i fa ang in a puh mai mai ani,ka thiannu a nia nangpawh ka thian tho i nia,bum a i awm hi ka duh lo" tiin Rinzuala hnen ah a lo sawi a ni awm e,a ni Rinzuala lah in ka thiannu thusawi a nih vang ringawt in engkim a lo awih a ka hnen atang a hriatchian pawh tum lo in min kalsan ta kha a nia,

Ni a liam a,kar thar kan chuangkai ta bawk Zomuani ka ngaidam thei lo a message in ka lawm loh na ka thawn hnu ah ka block ta daih ,hun kal tawh a ni a tih theih dang ka nei chuang lo mahse kawm chhunzawm erawh ka tumlo bur a ni pawn min be ngam bik lo a nia nge tik pawh a rawn ti eih lo,Rinzuala pawn min rawn be leh reng tawh,a message ka seen a ka chhang ngailo thung,a call ka la duhlo bawk

Tum khat tum loh deuh in Rinzuala ig story ka view fuh a,ka en ta reng,ka thlalak bawk a ni tih ka hai lo,pakhat chu kan inngaihzawn tirh a ka hnunglam atang thla a lo lak kha a ni a ,pakhat zawk erawh nimin lam a mi ni awm tak a ni,a hmun ngai ah, thlalak dan pawh a ngai chiah min lo zuiru leh tawh a ni ngei ang, a caption a 'hman ah leh tun ah pawh hmangaihna a dai lo ve' tih a hman chuan ka hnuk a ti ulh lek lek..en rei duh lo in phone ka dah ta daih


Dawr ka thlen chuan ka dawrkawt ah Rinzuala a lo ding reng a a nih chu, a bul a kal hreh viau mah ila ka dawr pawn a ding a nih vangin kal ngei a ngai si,a bul ka va thlen chuan hmuh loh der hram chu ka tum ,'in biak ka duh ,min pehhel reng lo teh' a tih chuan ka melh nghal rawm 'tinge hetah i lo kal tih tur dang i ngah ang" ka lo ti hmak  "Remruatzel !" A rawn tih tak vak ah chuan kan chhehvel chu ka hawikual nghal zak zak ,a au ring ang reng si a kawng kal te chuan min en deuh hawl hawl hlawm mai "mawla au chiam a ngai lo ,lut ang a.chhung ah kan inbe dawn nia" ka ti ta nge nge pawn a kan inhnial vak.chuan kan.mualpho lutuk ka hlau ve bawk a tin ni






Dawr chhung ah chuan kan in hmatawn ta ran mai,"enteh,min haw viau ang tih pawh ka hria,ka thiam loh zia pawh ka hre bawk,mahse engtik lai mah in ka theihnghilh ngai lo che,ka hmangaihna che a la danglam lo tih na a nihchu,khatih lai khan ka la naupang ve bawk nen bum kha ka awl viau a ni mahna i thiannu a lo ni lehzel bawk nen khan ka rilru a buai ve em a ni," zawi ruih a a tih chuan zeplo chuan ka lainat ve tho,kan thian pakhat kan mi rin em em in hnunglam atang min lo bei reng a,thil hrechiang lo in kum 5 chhung ngawt kan inthen hrang bawk,ka thinlung chuan a ngaidam a kuah vawng vawng pawh ka chak ,mahse ,ni e mahse tih hi a awm leh tih



"Tun ah chuan  i duhthusam ram i dailut tawh a,sang tak ah in hlangkai la..keichu min ngaihtuah duh suh i career ah chauh i rilru pe rawh,keichuan ka hnukhniam mai mai ang che ka thikthu chhiat zia pawh i hriatchian kha,hun kaltawh chu hun kaltawh ni se,ka ngaidam.che tihna a nih chu,mahse tun hun ah erawh kan kawng ve ve zawh zawm.zel ang,i career ti chhe tu nih ka duh lo" dam deuh zawk chuan ka ti a ,min.melh vung vung hnu ah min rawn hnaih hret a,ka kut lehlam chu lakang in a tuai zui hauh hauh bawk


"Sava hi  thla pakhat nen chauh chuan engmah a nilo a,a thla lehlam tello chuan sang tak ah a thlawk thei lo,chuvang in sang tak a thlawk tur chuan a thla pahnih a mamawh ,chutiang chiah chuan keipawh hi i tello chuan engmah ka ni lo a,sang tak a inhlangkai tur a min duh chuan ,ka kiang ah awm la ka thla dinglam lo ni la ,sang tak a thlawk tur in min pui rawh ,kan pahnih in sang tak ah thlawk dun ang" a tih chuan ka hnuk a lo ulh teuh ,rei ka in ti luhlul thei lo ka kuah thlawp a


" ka ngaidam che Rinzual,ka ngaidam che" ka ti mawlh mawlh bawk,nghet tak in min lo kuah let a ,kum nga hnu ah ka thlakhlel thin em em pangtilum ka dawng leh thei ta,




A lehlam zawng tak a thlir chuan khang kum 5 kalta khan kan hmangaih na leh rinawm na a fiah ni in ka hria

"ih maw duati,hmangaihna hrul ah hian natna a kaltel ve reng a,a chang in  chu natna chuan min kalpawh chang a awm thin ,mahse hmangaihna a chak that phawt chuan chu natna chu hneh in a a awm thin,hmangaih na ah chuan in rintawn na hi a pawimawh a,in rintawn na tello chuan hmangaihna vawnnun reng a harsa thin,hmangaihna a awm chuan thikthu pawh a awm thin a,thikthu hi hmangaihna in a kentel a ni miau a,chuvang chuan ka thikthu a lo chhiat deuh pawn lo hrethiam hram hram rawh aw " a tih chuan ,a tawp lam a uang a ni tih ka hria ,a banpuam ah chuan ka piai hlak

Min kuah nghet sauh in "ka ngai lutuk che " tiin ka chhip ah a fawp vang vang,kum nga chhung dawt vanga kan inthen hnu ah lungmuang tak in a kiang ah ka awm leh thei ta.






Tawp ta



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)