Big Girl Don't Cry

Story tawi te te emaw luanliamna emaw post na
Tluangpuii Ck
Posts: 110
Joined: February 24th, 2023, 2:29 am

Big Girl Don't Cry

Unread post by Tluangpuii Ck » March 23rd, 2023, 10:17 pm

Big Girl Don't Cry





Ka phone vibrate thawm chuan ka ngaihtuahna atangin min tiharh zawk a ; ka nui sak a ,Isaka ani tawh ngei ang .....Ka phone screen a hming lo lang ka hmuh chuan ka thaw halh ringawt a . Isaka nilo in Sawmtei zawk alo nia..

"Hello," ka tih rual chuan lehlam thawm chu a ri rak2 a ,dah mai ka tum lai chuan lehlam ami chuan " in chhuak dawn tawh em?" A rawn ti a ....Darkar hnih hnu ah kan chhuah tur thu ka hrilh ve mai bawk a ..Kanin biakna pawh kan ti tawp zui nghal mai a .



Ka insiam sa vek tawh avang chuan thil ei tur a chhuah lawk ka rilruk a ; thil ei zawh a counter lam pan mai ka duh tawh ani. Tum dang ah chuan ka rualin Isaka alo tel thin a , chuvang pawh chu ani mahna mal riau a ka inhriat ni.




Thil ei zawh a hostel lam ka pan leh lai chuan ka hmanhmawh ru viau tawh a ,ka duh ai in ka rei deuh ani. .Room ah chuan lutin ka lagage ka la a , theihghilh ka neih leh neihloh ka check leh zuai hnu chuan counter lam pan turin room chu ka chhuahsan zui nghal a.




Kan chhuah ala hunloh deuh avang chuan thutna awl ah chuan ka thu a ,ka phone chu ka bih leh zeuh thin a .Saka message emaw call dawn ka beisei ani mahse a reh hmak thung a , nidangah pawh thu inbah fuhloh chang kan nei fo a tawpna siam nan erawh kan hmang ngailo.



Kan in hau ve anih pawhin rei tak in be lo in kan awm ngailo ,a tlawm zawk a tan a hreh lo a min be hmasa leh nge2 thin . Nidang ang lo takin min be lo a ,ni khat mai pawh nilo karkhat lai a liam hnu pawn a reh zui vang2 mai. Ka haw tur thu pawh ka hrilh duhlo a ,ka hmel a hmuh chuan a lungawilo reng bikin ka ringlo ani.Min hmuh rual a a hlim hmel leh hamhaih tur hmel ka ngaihtuah chuan keimahin ka nui sak a .



Ka seat ah chuan thu in ka mit ka chhing vang2 a , thlen vat ka chak zia chu pui tak ani..

Darkar 6 vel lai kan tlan hnu chuan kan thleng ve hram a , sumo atang a ka chhuk chiah tih ah chuan umama hmel ka hmu nghal a minlo hmuak ani ngei ang. Umama nen chuan a bike in kanin phur leh lawp2 a ," i tan pawh lo haw reng a buaithlak a , chhungte bul lo a awm reng pawh hmeichhe tan thil tha anilo bawk a ,,nang talin ka nu chu lo sawipui la tha ang" a ti charh2 a ,a tlan chak ltk lo bawk nen a thil sawi chu ka hre chiang viau mai.


Ka u te hian Aizawl lam a awm ngheh an duh laiin ka nu nen hian kan hreh viau thung a ; chhuanlam kan la siam ve zel chu nia ...Ka pa lu nghahna nia ka nu tan chuan chhuahsan hi har deuh tur asin ka ti hram a ka u chuan " kan hria alom mahse ka pa kha la awm se chuan hma lam pan turin a duh ngei ang" a ti ve tlat thung a.



Ka pa hian Kum 17 mi lek ka nih laiin min boralsan tawh a ,ka pa kha ka ngainat thin em vang khan a awmlo ta thut pawh kha ka hrethiamlo a ka tuar viau bawk.



In kan thlen chuan khua a thim fel der tawh a ,chaw ei ah minlo nghak thap a .Chaw ei nghal mai an rawt a keipoh ka ril a tam viau mai.



Chaw ei khamah chuan inbual turin bathroom lam ka pan a.... Ka in bual zawh chuan a vawt ve vur mai ,ka chau emai kan mu mai teh ang aw tih leh room lampan ka rual nghal a .


Mut hmunah chuan phone ka check zuai2 a message alo awm nual a ,lsaka message chu ala awm ve chuaglo a ka ngaih a ti thalo hial tawh ani.


Hreh deuh chuan ka call a rei pawh a ring hma chuan alo la ve mai bawk a ,i la thinrim ami? Ka tih chuan lehlam thawm chu a reh vang2 mai ...Saka ka tih leh lai chuan thaw hak thawm ka hre zui a ,ka ngawi ta reng a .


"Adik," a rawn ti zawi sup a,rang lutuk in kalo chhang vat a ; ka ngaih tawh zia ka hre chiang sauh bawk.Kalo haw a ka ti tham tiak a ,ka muttui a hnai nghal rigawt a.


"I chau em"? Alo tih leh chuan ka lung a chhe dawn2 alom le ...Chau lo e ,minlo be miahlo a ka ti niah2 a ...A nui suk ri ka hre zui a ,ka thutak ve tehreng nen ." Min ngai tawh ami"? A rawn ti chuan min fiam deuh tlat hian ka hria a .



" Inhmuh I duh em? Kalo kal dawn mi" a ti leh a ,aii naktukah kanin hmu dawn nia ka ti vat a .Tinge minlo biak miahloh a ka tih chuan" Kanin then a ngai alom" a ti leh ang lawi a ..I la thinrim ami ka ti ta ringawt a .




" Thinrim lo e ,thinrim ngam tur ka ni hleinem..Tawpna siam tu nih ka duh ngailo ang bawkin tawpna siam turin ka duh ngailo che ,mahse hun hian kan tawp ni tur a her chhuahpui tho anih hi" a tih chuan ka hrethiamlo viau tawh.


"Inthen ang ,a chhan min zawt lo la ila hriat tur tho ni mahse ka hnen atang a i nat belh lehna tur thu I hriat hi ka duh hauhlo " a tih leh a ....Sawi ve tur reng2 ka hre tawhlo,enge I sawi tum ka ti ngawt a " kanin kawp ve hi a rem tawhlo, thudik engkim i hriat hunah minla hmu duh anih chuan ka lo nghak ang che thlahna thu sawi tur tal pawn ...Muttui le" tih leh phone chu hmeh tawp a rual nghal a .


Min van ti hrilhhai ve tikhan kan tawp tak2 tihna ami? Vawi tamtak kanin hau fo a , tawpna thu a sawi angailo min kalsan hi alo duh viau thin zawk amaw ni chu le ?.



Ka ngaihtuah ngun pauh leh hreawm ka tihna a zual a,Sawmtei ka call ta rigawt a . Sawmtein ka call a chhan rual chuan ka mittui a tla nghal ti tih a ,tawp hlen a duh a ,min then a duh thu a sawi a ka ti bah nawk2 a ,min ti hamhaih em a zah ka sawi theilo .



"Hahdam phawt la rilru fimin kan sawi dawn nia ," a ti dam thlap a ...Rei fe kan ngawih dun hnu chuan ka thiannu chuan ti hian min hrilh a " Hrilh nghal mai che ka duh a ,mahse saka khan hrilh che a phallo a .I exam lai ani bawk sia ,bakah thiantha leh chhungkhat awmlohna hmunah rilru na a awm chi anilo a tia ,chuvag ania ka hrilh duh rihlo che ...Englo ania Rosyi birthday lawm zan a beer ka in ve ka tih kha I la hria em ? Saka te pawh an ruih zan kha " a ngawi dat a " Rosyi hian a ngaihzawng tih chu I hriat ve tho kha , saka alo rui ve bawk nen an lo chesual aniang ...Rosy khan nau a pai a ".


Sawi tawh Suh ka ti vin hlar a ,ka thiannu chuan " saka chu i hriatchian kha ruilo se chuan a phatsan ngai hauhlo ang che " a ti zui leh a .Ka rilru dam nan a sawi tih lah chiang reng.



.
Muhil theilo lekin ka in ngaihtuah a ala reiloh tehreng nen ,thla hnih chhung lek kanin hmu lo a kanin biak lohna phei chu kar khat tha vel
bak ala nilo asin.




A last seen ka en a zan tir ami daih kha ani tawh a ,muhil theilo lek a na ka tawrh lai hian tui takin a muhil thei bik dawn em ni?.



Zing a ka harh chuan ala hma viau a tho chhuak peihlo chuan ka mu reng a ....Engtih mah ka phurlo ani. Room a tawm bo reng theih nilo le dar 8 dawnah chuan ka tho chhuak ve ta hram a .



Sawmtei hnen atangin chanchin ka hre zeuh2 a thlathar ni 8 ah an in nei dawn tih thleng chuan min hrilh ve zel a ,kei in kalo chauh pui ngawih2 thung a.


Saka nen kanin be ngailo a ,ka ngai thei lutuk hi a hreawm ka ti thin..Room ah ka tawm chawt a ka chhugte hmai ka zah viau na chu ka pangai thei thlawt silo ani..Zankhat chu ka room a ka awm laiin ka nu alo lut a ,ka bulah lo thu in ka kut a chelh a " bawihte,in chanchin kalo hria a" .A ngawi dat a , a pawi ngawt mai mahse hringnun a ni miau sia tiro" a nui sak a ."I putea te chhugkua shillong lamah awm an rilruk sia kanin pui kha luah tu tur an awm silo a,mi hran han luahtir kha kan ngaih a ngam zanlo bawk nen kan nufa hian kan zu nghak mai dawn mi kn ti deuh a " a ti zui dap2 a.


Ka chhan ve hma chuan i u nen pawh kan sawi dun tawh a ,i thuthlukna chauh kan nghak tawh a " a tih leh chuan kalo bu nghat a .Ka nu chhuah hnu chuan kanin ngaihtuah a dawizep thlak viau mahse he hmun chhuahsan chu ka duh fan ani.


Zing a ka thawh chuan umaman minlo be vat a ,in sawn chu I duh em ni? A ti a ..Duhloh pawh a awmlo ka ti ve mai bawk a .

" Kanin sawn dawn chuan hmanhmawh a ngai a putea te an hmanhmawh tawh si a , he thu thlukna siam hi ka nu tan a harsa tih hria la ,I rilru tur a dawnpui vang che tih hre bawk la ,nagpawh in tih pachan tum hram2 rawh harsa viau dawn mahse " a ti ve sap sap a.


Kan chhungkua chuan kanin buatsaih chu ani nghal mai a ; ka phur hlawllo ani.Mahse engtin nge ka tih chuan ang ka hmachhawn ngamin ka ring silo ani.Khuarei ah chuan ka nghilh ve mahna mahse a sarhu lai hian tuilian ang maiin min chim pillo chauh anih si hi ....



Sawmtei te in lamah lenphei ka rilruk a kan chanchin hrilh ka duh vang ani pakhat a kan buai lutuk tawh chuanglo bawk a tiin ka chhuak a, kan veng kawn ka thlen chuan mi hian min en duh riau a hriatna te ka nei a , Saka nen kan chanchin anlo hre ve te pawh ani mahna mahse a hmingchhe zawk te hian ani lawm ni hreawm ti tur chu? Ngati nge he thil ah hian a victim zawkah ka tan reng mai ni, hmeichhe nep tak kalo ni zawk tihna mi.




Aizawl lama awm kan tum thu Sawmtei ka hrilh chuan a ngaihdan anilo viau a ,a ruk tak chuan keipon ka hreh deuh ani..Class tan leh hunah hostel a awm ngailo in kan bulah ilo awm daih thei dawn alom te ka ti ta mai mai a.



Saka chanchin sawi ka duhloh vang in min sawipui tawh ngailo a ,mahse ngawih bo pui hmak theih ni heklo le kan sawichhuak leh thin.Rosyi nau pai chu thla hnih chiah ala nih thu te chu a sawi sap2 a ,ka hriatloh lamah an lo in zui ve zeuh2 tih te leh Rosyi mizia vel a sawi nual a ,ka hrechiag chak viau kha nia ka hre ta Cheng a ka hlim phah chuag hauhlo a.




Tlai eirawng bawl hun velah chuan haw mai ka rilruk a Sawmtei chuan thui vaklo min thlah a , Sawmtein min letsan hnu chuan keimahin hmanhmawh lo fahran hian ka kal chhet2 ani ber a ,ka hming a min ko thawm ka hriat chuan ka hawi chhuak vat a Rosyi nen kanin tawk hlawl mai




Ka nui lui ngial a "Enge i tih a "? Alo ti vat a ,Sawmtei te in a ka kal thu ka hrilh ve zat a ..Sawi leh tur chu a vang takzet I tha zel em ka ti ta ringawt a ,a that thu leh hreawm a tih thu a sawi chuan keimah zawk hian hreawm kalo ti ....He hmeichhia pasal neilo a naupai mi tamtak in an diriam leh ka mipa hmangaih ber fa pai mek tu hmeichhia lakah hian nelawmna pakhat mah neilo in kalo khawsa emaw ni le ? Hreawm tih thu a sawi danah mahse kei hi lawm tuar tu ti in ka inthiam rilru ve tlat.




A pum chu ka melh leh zauh thin a ,a hresa lo tan chuan nau a pai tih pawh a hriatloh a mahse he apum chhung ah hian ka hmangaih ber nen a min then hrang hlak tawh tu tur naute pawisawilo a pai mek thung si ani.



Hreawm ka tih em vang chuan kalsawn hmasa zawkah ka tang ta rigawt a ....Sawmtein Rosyi mizia a sawi dan leh min biak dan chu a dang viau bawk a ,keipon Rosyi chu ka hriatna a rei tawh viau a kei aiin a naupang zawk tih thlengin ka hre ve bawk alom..Saka a ngaihzawng tih chu keipon ka hria a mahse naupang chhe ngaihzawng neih ang chauhin kalo treat thin a chutiang bawkin Saka pawn eng ah he hu a ngai ngailo kha nia mahse tunah chuan eng dinhmun nge kan thlen tak hi.




Chaw kan ei lai chuan "ka nu chuan karthar lamah hian kan chhuk mai dawn mi le? Hmabak nei reng a awm chu buai a zual emai" a tih chuan ka u pawn alo pawmpui viau a ,keichu ka ngawi deuh reng a .



Zantir atang chuan ka room ah ka tawm leh chawt a ,ka thawmhnaw te chu ka siam ve mawlh2 a .Saka nen a thawmhnaw in ang kan neih ho te chu ka keng a ngem tih te ka ngaihtuah a ,thawmhnaw in ang kan nei nual a .



Saka nen a thawmhnaw inang Kan neih ho chu keng lo a ka patea fate ho pek ka rilruk a ,ala thar tha hlawm bawk a an lawm viau in ka ring ani.Ka ken loh tur ho ka dah hran chu ka en nawn leh a kawr pakhat ka hmuh chuan ka la kang vat a , Jersey dum a hnung ah 7 tih a in print kalh a ,ka hming nen .Saka khan football a ngaina viau a , nikum a tournament an khelh in ka en ve fo a fiamthu in ka fans I nih hi a tih ziah bawk a .. An club jersey ang chiah a no hak thin 7 in print ngei chu in ang a hak a duh tlat a ,a thiante pawh chuan nag chu kan club ah ilo tel ve ang khel lo mahila Chaw ei khawm na ah pawh lo tel ang che an tih tlat vang chuan ka ha ve ta tho a .



Ka dah hran tawh hnu ah chuan hei hauh tal chu ti rilru in Jersey chu ka la kang a ,a rim chu ka hnim vang2 a .



Ka phone ri chuan minti phu zawk a ,Sana ka en chuan dar 10 alo ri der tawh a .Tun ang hun a Saka call ka dawng chu ka hamhaih ang reng mahse kala lo phal chuanglo a



Hello ka tih chuan " pawnah lo chhuak rawh,ka nghak che" a rawn ti thawr a ....Chhuah loh ka tum viau a mahse ami zia ka hrechiang a ,min hmuh hma chu a haw dawnlo tih ka hriat vang chuan kawrlum ka ha sawk2 a ,ka chhuak zui a ..Ka chhugte chu anlo mu vek tawh a ,alo reh thiap mai .




Hmanhmawh deuhin ka chhuak nghal a ,pawn ka thlen chuan ka ding dat a min hnungchhawn zawng a mipa ding chu ka thlir vang2 a .Ka en reng lai chuan rawnin herin min hmu chiah chu ka lam panin alo kal phei hlawk2 a,eng mah sawilo chuan nghet takin min kuah a in la hrang vat tur ka nih laiin ka lo kuah let thung a ,a tawp na tur te pawh ani mahna ti in keimah ka in thiam chawp a.



Ngawi reng a kanin kuah vang2 hnu chuan "Keimah vang ani em? " A ti sup a....Eng ber chu maw kalo ti let ha a "Aizawl lamah in awm dawn tih ka hre vek ,min pehhel I duh hrim2 vang nge ka hmel tak ngial pawh hi I hmu duh tawklo zawk? A ti leh a



Kan chhugkua leh keima hmakhua ka ngaih vang chauh ,nupui nei a I hlim hmel ka hmuh hreh vang ah ilo ngai a nih chuan I tisual viau ang,phatsan tu vanga indawm kun ka tumlo ka ti ta duah a .Alo nui suk a


" Hmeichhe tuarchhel tak I nia lom" a tih leh chuan kalo na vawng2 mai ...Tun bak hi inhmuhna huntha kan neih tawh kher ka rinloh avang in ka insum duh ta biklo a .



"Ka tuarchhel vang chuan ami min phatsan? Ka tuar leh theih mai i ring ami? Ka tih chuan alo thawhak a ka biang ah dawmin ka hmui ah a rawn fawp a mahse reilo te tak2 ani.


Nupui neilo turin hrilh ta che ila engtin nge I tih ang? Ka tih leh chuan minlo en vat a " hmeichhe rilru tha tak i nia lom" a ti leh rigawt a ,ka thinrim viau tawh ani.Kei hian I fa lo pai ve ni ila chuan Rosyi ai hian min thlang zawk ang tiraw? Ka tih leh lai chuan ka mittui a hnai kuar tawh a .Ka kut chu la kangin ka zunbun chu a tuai zeuh a


" He zungbun ka bun tir lai che a ka thu sawi kha I la hria em? Ka hmeichhe hmangaih ber I nia ,a hun hma a i thianghlimna tih chhiat hi ka duh hauhlo " a ti leh a .." Hmeichhe dang it in i chakna tih puitlin nan i hmang leh tho a chu thil chu ka tan a a nat zia leh a tlawm thlak zia I hria em " ka thinrim leh rilru na ltk chu ka tawng tha thei tawhlo hial a .



Ka mittui chu a luang zung2 a tah hawm2 ka chak a mahse chu thil chuan engmah a siam tha tawh dawn silo a ni."Hmeichhe chak tak I ni tih ka hria,tap lo la mipa laktlak loh tak vang a I mittui a tla anih chuan engtin nge hmalam i pan theih ang .Keimah vang a I na a nih chuan engtin nge ka mawhphurhna hlein pa tha tak ka nih theih ang"? A tih leh chuan min ti na takzet tawh ani.


" Kei hi I mawhphurna ka ni ve lo ami? Khang hun chhung zawng khan ka lakah hian feelings I nei ngai miahlo ami "? Ka ti leh hram a ,min rawn kuah in ka hnung a chul heuh2 a " ka nupui I nihloh hi ka ring ngailo ,siamtu hian chance vawikhat chiah minpe leh ni ngat se chuan " a ngawi zui daih a


" Ka bulah awm ta che ,i duhthusam i sawi thin ang chiah khan tuma min hriat lohna hmunah bul tan in kan duhthusam zawng2 te kan ti puitling dun a nga ,fa tam deuh kan nei a nga a" a nui zui suk a ."Ka theihtawp in ka duat che nga ,I tan pasal tha ber ka ni ang " sawi tawhlo zawk teh kalo ti hluk a .


"Ka bulah I awm duhlo maw"? Min lo hmagaih ngai miahlo zawk anih hi? A tih leh chuan a zak theilo hi ka ti ngawih2,a thiamlo zawk ang mai a min tawngkum ni.


Ka hmangaih che mahse kan kara hmagaihna hi bawhzui a thiang tawhlo nupui leh fa I nei thuai dawn a , chutiang kar a lo inrawlh ve kha a rem tawhlo siamtu kalhna mai2 ani..Pawmlai nei ngaizawng a fahran siam tur hian ka huaisen tawklo ni rawh se .Remlo tur na na na lo sawirem tum talh hi a harsa a ,khuanu hian kawp rem tur a ruat bik a nei thin an tih kha ka ti zui duah a .



"I hmalam hunah vanneihna sang tam takin alo hmuak che ang a ,pasal tha tak neiin nupui tha tak nih tum la i duhthusam zawng2 te I puitlin theih nan siamtu khian mipa tha tak ala tawn tir ngei ang che " a tih leh lai chuan ka mittui a lo luang zung2 a ,ka biang a mittui luang chu tuai zeuh pahin

"Big Girl Don't Cry " tiin a nui zui suk a .



"Nupui tha tak neiin hlim deuhin awm ang che " tih leh in lam pan a kal chu ka rual a ,min kauh zui na pawh chu ka hria a mahse hawi let thei ka ni tawhlo ,min phatsan tu lakah hian ka mualpho zo mai dawn asin.




Muhil theilo in ka in letsek a; ka ngaihtuah a ka ngaihtuah nawn leh thin a a fair lo ka ti takzet ani.
Ani kha chelh lui ngat ila chuan min hnar dawnlo tih ka hria mahse ,mahse ka ti leh thin ang.Kum 17 lek ka nih laiin ka pa in min boral san a pa tello a nun hman hreawm zia ka hria ,chutiang bawkin ka duhna chauh kha kaltlang pui ila chuan naute pawisawilo lo piang tur khan ka tawrh ang chiah a rawn tuar ve ang ,chu lo rengah hmeichhe sual tak ka ni dawn asin.



Kar hnih a liam leh meuh chuan keini pawh Aizawl lam kan pan a,kan in kha ka patea ten an luah a indan an tum lai alo ni bawk nen a remchang angreng viau a. Keipawh phur vaklo chungin MA ka zir zawm leh a ,ka phone no ka thlak a ka chhugte no tihloh chu ka save lo a , Sawmtei pawh ka be pawp ta lo a mahse ka thian tha ber a ni thin a ka ngai viau zel ; biak pawh ka duhloh hrim2 vang anilo a mahse Sawmtei ka biak Chuan ka hriat ngam siloh ka hriat chak si thil tam tak ka hre thin chu2 keini kalo natpui leh thin a.


Ka nu leh ka u chuan kan neih zawng2 tak meuhin bul tan nan dawr siam an rawt a ,ka u chu a phur viau mai.Ka u chuan theihtawp chhuah in dawr chu a enkawl a a hahpui viau bawk ,ka u leh ka nu thawhrimna vang liau2 in Kum hnih a liam meuh chuan kan dawr pawh hrelo chu mi tlemte chauh an ni a tih theih ang.



Ka zirlai ka zawh hnu chuan engvakmah ti zui lemlo in inah ka tawm chawt a ,Kum hnih lai liam tawh mahse nimin a thil thleng ang maiin ka thinlung ah hian a cham a , khawlai a ka chhuah ve tum te hian ka zawng rilru a ka chetla minlo thlir reng tur ang a hriatna ka nei fo a mahse chu2 suangtuahna mai ani.Kum hnih lai chu a hmel pawh ka hmu tawh lo a tunah chuan nupui fanau neiin hlim takin a awm tawh ngei ang .


Mahse ka tan chuan Isak Malsawmzuala ka mipa hmangaih ber kha ala ni fan ani.



Thlathar mai ah hian u mama pawn nupui a nei ve tawh dawn a ,a buai theih em avangin dawr lamah pawh keimah ka kal ta zawk a . Dawr lampang hi ka buaipui vaklo bawk nen thil chinchang ka hrelo lutuk chu kan nula chhawr zawk chuan min nuih leh thin a keipawh chu za lo deuh chuan ka nui suk2 rigawt zel a.




Umama te in neih ni ah chuan phur zetin biak in lam kan pan a ,ka unaupa neihchhun ka neihloh hlau a a chan ai pawh min pe phal tu ka engkim tih hial a kalo chhal ve ngam ka unaupa a ni miau a .


In neih thutiam an chham laite chuan an hlim dun zia an mitmeng ah a chhiar theih a,an mawi dun takzet bawk a hlimna zawng2 nei se ka duhpui .



Kum hnih liam ta thil thleng kha ka ngaihtuah na ah alo thar leh a ,kha hun duhawmloh zet kha hmachhawn lo ila chuan sawtiang taka hlim hmel pu sawn ka nui ve ngei ang .


Thlalak chu nuho chuan nuam an ti viau a anin din chhawk sek a ,Umama lah chuan a nin tawh hmel viau a ..Keini ho chu Uhriati (umama nupui) cousin te ho nen inkawm in shooting leh after party buai in kanlo buai thung a .



Uhriati nen chuan dawr lamah kan awm chawt a,Kan rilru a in mil viau bawk nen kanin kawm thei phian a ..Kan nula chhawr lai Apuii nen pawh Uhriati chu anin nel viau a .



Kan chhugkua pawh hma kan sawn ve zel a, hriatloh karin ni leh thla a liam ve bek2 a .Dawrah nitin ka tap chawt a hna dang ka thawk ngai lemlo,dawr chu ka tuipui viau a ka thawhrim pauh leh ka hlim ni maiin ka hria .


Umama te in neih atang pawhin kum khat aliam ve tawh a ,nau thla thum mi an pai ve mek bawk nen Uhriati chu dawr lamah lo kal tawhlo in in lamah a tul2 alo ti thin a .Ka nu nen nilengin an inkawm chawt a ni ber mai; Uhriati hi a fel a ka nu pawh a duat viau a ka nu pawhin ka fanu ni tur a Pathian min pek a ti fo thin.


" U Adik, bialpa te hi nei ve ta che ka duh aiin inleng rei dawn tlat" nui chungin Apuii chuan a ti a kei kalo nui mai a ."Bialpa I neih ngai pawh ka hrelo" a ti leh a nei ve ngai e kalo ti leh mai a ..

Ni e ....Bialpa te chu ka nei ve thin alom hmagaih thleng pawhin ka tan a ruat anilo tih mailoh chu tunah chuan a hmel ka hmuhlohna pawh hun rei tak ani tawh a ,ka hmuh hnuhnun ber pawh ka hre tawhlo hial ani.Bakah mi pa pawmlai nei ngaihsak reng tur atan chuan ka kum a tam ve tawh .


" I nghal tlat bialpa ngawt sawi mai, coffee va la teh" ka tih chuan "ehh,i nei chiag mai" ala ti hram a .




Kum hnih hnu ah chuan




"Ani, ani ....Ka vahpa kum thum pawh la tling lo hian min ko chelchul reng mai ...Nitin dawrah hian min zui chawt a ,ka chhangchhe thei khawp mai.

Dawr a lo kal apiang hi alo ngen a ,nula leh tleirawl te te lo kal thin ho chuan an lawm viau a .A nu leh pa ai pawh hian min ngaina emaw tih mai tur ani zanah pawh ka bulah a riak fo mai.


"Ani ,ice cream ka duh tawh" ban charh a alo tih chuan uar fe hian Nooo kalo ti vat a .Ice cream hi a duh viau a mahse ka ei tir khat viau mai a tha lo an tih kha ka hre thawi ve bawk nen


"Dominic, lo kal daih rawh ani chu a sual emai ,
dawr ah kal ila thil tui deuh ka lei ang che ,"Apuii'n a tih chuan phur fe hian a tho zui tharh a .Anin zui chhuak nghal a Apuii hi kan dawrah a thawhna a rei tawh a Bawihpuia pawh hian a ngaina lutuk.


Dawr bungraw hnawk zual chu ka rem fel a ," Apa hei hi ka duh" tih thawm ka hriat chuan ka hawi vat a hmeichhe naupang hmeltha zet counter hma a lo ding chu ka hmu vat a ...Bawihi enge I duh ? Nelawm thei ang ber tur chuan ka ti a ,nuih sei pah chuan naupang tlereuh chi hrang2 awm na lam chu a kawk va a,"Bawihte ilo kal daih a " hnung lama rawn ti tu lam chu ka en vat a ,min hmu chu kei ai mah chuan a phawk zawk a "Adik," a rawn ti sup a .


Ka chhang mai lo chhan ka tum lai mek chuan dawr chhungah Sawmtei alo lut hlawl a ,enge awmzia Sawmtei leh Isaka chuan hmeichhe naupang hmeltha zet nen...Min hmu chu an hamhaih hmel viau a ,mahse a reilo Sawmtei chuan min rawn kuah nghal in "Awiii! Ka hmu che chu ka van lawm ka ngai lutuk che a ti chul a" ,keichu ka awm ngaiin kala awm reng a .


" Min hmu chu I lawm vak lo ami"? A rawn ti ta reng a,ka chhan leh hma chuan i no ka neih kha I hmang tawh silo a biak pawhna tur che ka hrelo alom ,I no min pe ang che " a ti zui a .


" Apa hei ka duh"? Naupang te bawk chuan alo ti leh a ..." Kanlo enchiang dawn mi " Saka chuan a rawn ti sup a ,a tawng ve ta alom.. " Bathroom kalo hmang lawk mai ,ka zun a chhuahna a rei tawh ltk " Sawmtein a tih chuan bathroom ka kawhhmuh nghal zat a .


Khawge Rosy? Ka tih chuan min en zawk a ,min chhan tum ni awm takin ka a ang zuau a mahse a ngawi leh daih thung a ..Tawng leh ka tum lai takin Bawihpuia alo tlan lut a ice cream a rawn keng fa bawk a


" Dominic " ka tih rual chuan atei min lei a lo ti vat a ,Apuii chuan rawn luh pahin " UAdik,vawin chauh chu ei tir mai ang,bakah a tha lo I ti rigawt a a thatlohna pawh i hriat loh kha " a rawn ti zui ham2 a.

Kan HMA a hmeichhe naupang tlereuh en mawlh2 lai chu Apuii chuan a enpui vat a ," I fapa ami? A rawn ti sup a Isaka lam hawi pah chuan "Aw" ka ti ve ta ngat a , engvang nge pawh ka hrelo tih el ve ka chak tlat a." Khawnge a pa "? Engkim I hriat ve a tullo ka ti hmak a,alo nui suk rigawt a ..Ka dam tawh amaw ka tih laiin a hmel ka hmuh leh meuh chuan ka la danglam fo mai.



Sawmtei lo chhuak leh chu a rawn ri hlut a ,heihi I fapa em ni? A rawn ti vat a "aw" tih bawkin ka chhang leh a.."I danglam tawh I cool bawk si min hre ngailo ang maiin I khawsa" lungawi vaklo chuan Sawmtei chuan ati tan2 a..Ka theih ang2 chuan ka insawifiah ve bawk a .


" A tlai tawh sia ,kan kal mai ang aw ....Eee i no chu" tih leh phone phawrh a rual a ,ka no chu ka sawi ve mai bawk a .." Zanah kanin be dawn nia" tiin an in chhuak zui a .



Sawmtei te haw hnu chuan thil tamtak ka ngaihtuah a ,khawge Rosyi ? Sawmtei nen khan engvang a lo kal dun nge an nih ? An ni hi aa ka ngaihtuah ang chu ni lul suh se


Dawr pawh chu nidang aiin kan khar hma a,ka scooty chu tinungin Bawihpuia nen chuan kanin phur haw leh ta a..In kan thlen chuan Bawihpuia chuan sawitur a ngah leh viau a ,ka in tifai nghal a ka chhuah leh meuh chuan chaw ei mai an rawt a kan ei zui nghal a .



Zanah chuan Sawmtei message ka chang ani ber a minlo be har hrep lehnghal a ,dar 9 dawnah chuan no lawng atangin call ka dawng a Sawmtei anih ka rin avang chuan ka la vat a ,alo ni ngei mai.


" Mipa naupang kha I fa anilo tih ka hre vek" a rawn ti nghal thawr a ka lo nui rigawt a ." Saka pawn I fa anilo tih a hria " a ti zui leh hram a ....Eng ti turin nge Aizawl ah ilo kal a ? Ka ti ta daih a " kanpa hna thil ah lo kal lawk angai a ,kalo veng anih hi " a nui zui kar2 a ...Awiii! Pasal I nei tawh ami? Ka ti chel chul a " nei ang chu,thian tha ah pawh min ngailo a min be duhlo tu chuan i hre ve tawp nag" a tih leh chuan ka in thiamloh viau ani



" Malsawmzuala kha I pasal a maw ka lo ti hman alom" ka tih chuan uar fe hian a nui a " pathlawi ka duhlo" a ti hlak a .. Pathlawi maw ? " Ni e ,ni e " tak2 in maw sawitur a tam ltk a ti leh a



Sawi ta reng che kalo ti vin hlar a , " nui hmasa leh te2 in ti hian min hrilh a "Vawin a hmeichhe naupang kha Rosyi fanu ania ,Rosyi khan pasal a um leh daih tawh a Saka nen anin then tawh tihna anih chu" tiin a chawl dat a..." In hmangaih lo a nupa a insiam an nih vangte pawh aniang kum khat em pawh a liam hma in anin then zui a ,Rosyi chuan mipa dang a um deuh nghal mai a ,chutih lai chuan an fanu hi thla thum bak ala nilo in ka hria ka chiag tawhlo ati nuai a"



Chuan kalo ti vat a ," mahse maw thuruk ka hrilh ang che hmeichhe naupang hi Isaka fa anilo " a tih chuan ka ka hau tawh enge awmzia? " Saka chuan a hrelo em ni? " Hria e, hmeichhe naupang pawi sawilo kha a lainat em a ,a nu a laktlak loh bawk nen theihtawp chhuah in an enkawl zui a ,tuman an fa anilo tih an hre kherlo ang Kan pahnih leh saka chhugte bak chuan ,an chesual lai vel khan Rosyi khan nau alo pai tawh reng alom" a tih leh phei chuan min tibuai zo vek tawh.



" Rosyi kha hmagaih lo mahse a fanu hi chu a hmangaih, I hrethiam maithei ..Sangsangi hi chu naupang te mah nise a nu ang lo takin hmagaih phu takin a awm thin a ,Isaka pawn a fa anilo tih hi a sawichhuak ngailo a Sangsangi hriat a tan phei chuan a duhlo hulhual"a tih lai mekin an pa tawng ri ni awm tak ka hre zui a ,nakinah kanin be leh dawn nia tiin kanin biakna a ti tawp zui a .

Engmah ka hrethiam teh nuai lo ,a bul berah chuan Malsawmzuala thiamlo vek kala ti fan ang.Kum 5 dawn lai chu an hmel pawh ka hmu tawh ngailo a ka theihghilh chu ka tilo mahse ka ngaihtuah tawh ngailo a mahse tunah ka hma ah ka duh vang pawh nilo in anlo lang leh zut2 si .




Nula naupang zawk2 ka ni tawhlo a ,ka hmalam hun ka hrelo mahse tunah chuan eizawnna tur dawr lian tak ka nei a ,kan chhungkua kan hlim a hei hi ani lawm ni tu te pawhin an duhthusam thin chu ? Mi tamtak chuan tun a ka dinhmun hi an awt ru ve fo in ka ring a ,mahse hringnun ani miau a ka hlawhtling in ka duhthusam zawng2 te ka nei ti mahila lungawi tak2 tih a awm theilo , hmeichhia ka ni a in nghahna tlak leh damchhug kawppui tur mipa tawn ka duh a pasal tello chuan hmeichhia hi kan mawi zo tak2 thinlo tih te chu ka hre ve alom.





Chutiang tur a hmalam pan ka tum lai chuan ka nunhlui leh ka hnungchhawn tawh te kha ka hma ah chhawp chhuah sak leh ka ni a ,chu chuan nasa takin min nghawng ka ti lo theilo . Ngaihdam dil ka ni lo a,mahse engkim siam tha theitu dinhmunah ka ding mek a .



Malsawmzuala hian vawikhat tal ngaihdam min dil ve ni se engkim hi a danglam ve deuh ni mai tur ,inthup tum viau mahila ka la hmagaih em asin.




Apuii a damsam lo a chawlh a, Bawihpuia kalo hruai lo chu ka inchhir viau mai.Customer an awmloh chuan a reh lutuk a keimahin ka inngaihtuah leh veng2 zel.


Ka phone bih a kalo kun ngar2 lai chu " Customer ngaihsak rawh", tih ri avang chuan ka hawi chhuak vat a . Hmeichhe naupang hmeltha zet kha a pawm a minlo en reng tawh a , hmeichhe naupang chuan min nuih ver2 bawk a.



" Nute hmeltha,kan haw tawh dawn laiin apa khan tah hian kal ang a ti a" a rawn ti ve zat2 a.Ka fiam chak deuh tlat a " Apa chuan nute hmelthai dawr hi nuam a ti niang a " nui pah chuan ka ti ve sak a .

Rang lutuk in apa pawmna atang chuan a tal thla a ," umm Keipawn a nuam ka ti" ka ti leh reuh a .. Hmeichhe naupang polite tak a nih kan ring ve deuh ngawt a .



Sangsangi chuan kan thil zawrh ho chu a enkual vel a,a khawih dawn ah erawh chuan " nute a tihloh leh miss heihi ka khawih thei angem"? A ti deuh ha thin a ,en ngawih2 pawn pawi a sawilo tih chu kei hmeichhe mawl ber pawh hian ka hre ve alom.



Lo thu ta che Saka lam hawi chuan ka ti a. Min hnial dawn emaw ka tih laiin a thu ve mai bawk a, Sangsangi chu thil vel enkual chuan ala buai viau a ka nuih leh sak2 thin a.

" Hmeichhe naupang fel tak ani,a hmel pawh a tha " ka ti sap a .Ka bul a mi pawh chu alo kiai ve suk mai."Nang aia ka thlan zawk ang ah ngai la haw viau tur i nia sin" a ti sup a .." Adik alom,mahse naupang pawi sawilo mai ani.." I rilru a chhelo ka tih fo kha" a nui pah suk a.Hepa hi min bawl deuh amaw ni chu le



" Apa ,ka ril atam " Sangsangi'n a tih chuan Sana ka en a ,riltam a hun viau tawh tak alom.Eitur ka va la lawk dawn mi thenawm restaurant ah hian ka order sa tawh a ka tih chuan " keimah ka va kal ang" tiin Saka chu a kal zui nghal a .A chhuah hnu rei vaklo ah chuan dawhkana phone chu alo ri a ,ka phone ani hauhlo Saka phone kha anih ka ring screen ah chuan Hmingthanpuia tih alo lang kalh a , hmeichhe hming alanglo chu kalo thaw ve huai rigawt a.



". Sangsang,apa phone hi a ri a" naupang te chu lo tlan vatin a la thuai a ,ka lo en reng rigawt a .


" Hello ,aw ....Apa chu dawrah a kal lawk a ,Apa Hminga maw ..Umm awle tiin phone chu a dah zui a he naupang fel dan hi a mak ka ti zawk .Phone chu a khawih zui mawlh2 a,phone rawn lek kan va pah chuan " Nute ,heihi nagmah tiraw? A ti var a ,ka lo ensak thuai a engtik a mi nge pawh ka hre tawhlo a rei tawh viau ang , college ka kal lai daih tawh a mi ka thlalak chu alo nia.


Nuam ti vaklo chung chuan phone chu ka ban a thlalak chu ka en chiang a,a lunglen thlak reuh lutuk. Ka en chiang a ka thlalak chu alo tam takzet University ka kal lai ami te ni hlawm in ka hria mahse University ka kal lai chuan Saka nen hian kanin kawp tawh mang bawk silo a .



Jersey in ang kan hak dun laite kan thlalak chu a tam takzet," ka phone kha kalo hmang ve thei tawh angem" a rawn ti sup a ka phu chiang lutuk rigawt.


" Hamhaih viau thinlo teh,ka nun a I mikhual loh zia hrechiang ber tu I nih kha " a ti leh ngat a ,ka ngawi reng tawh ." Kan vawikhat in tawnna ang mai in i khawsa thin,tun a i mizia hi chu ka ngaina lo a chhan i hria em? Tun a nagmah hi chuan min ngaihnat loh hmel ngawih2, min hrechiag ber tu hmeichhia kha I ni talo emaw ka ti thin"..Kum nga lai a liam tawh a ka danglam tawh chutiang bawkin nagpawh hmuh theih khawpin i danglam tawh ka ti ve ngat a ..Nui pahin " Kan rilru chhungril ber chu ala thuhmun tal alom, ani lawm ni? A nui suk a ..Hepa hi a nui reng maiin ka hria .




Sawmtei hnen atangin hetah in awm ngheh tawh thu kalo hria a thil ei pah chuan ka ti a." Kum hnih lai chu a ni tawh" a lo ti ve mai a ..Kan van in hmu har em2 ka ti hliai a," ilo puitling tawh khawp mai ,nula senior hausa I ni rigawt tawh alom ", ka senior thlawt lo Kum 27 chauh kalo ti vat a kan nui dun a ,a bulah hian tun hma ang bawk khan ka hlim ani.





Khami ni atang khan dawrah alo lang zing viau a,Apuii pawn a hre tawh khawp mai a hmeltha a tih thu a sawi fo mai.


Ka phone no a neih dan ka hrelo a zanah pawh minlo be fo a ka be chhe ngailo a chha chu ni..."Ka fanu nen a min pawm theih hun thleng kalo nghak ang che" a ti fo a , tlangval ni tawhlo a pathlawi fanu enkawl tur nei a fanu nen a pawm thei tu hmeichhe tha ber leh a hmagaih ber a nghah mek thu uar deuh takin a sawi thin.




A chang chuan Malsawmzuala hi chu ka hriatrengna a cham tawh tur chauh atan chauh a tawn tir ka niang ka ti hial thin..Kha hmeichhe naupang pawisawilo kha hnawk ka ti hauhlo amah pawn min ngaina viau anih si kha.


Tleirawl vei neilo leh nung satliah mai2 kha ka ni tawhlo a thuthlukna ka siam fuhlo leh anih chuan ka damchhug a nghawng tawh ang chu chuan inchhir na leh mahni i thiamlohna nasa tak min pe bawk ang.Chan tur tam tak ka neih te zingah hian engmah chan belh ka duh tawhlo Malsawmzuala thleng hian.



Min hmagaihtu chhungkua ka nei a ,mahni ka inchawm thei bawk a eng thildang vak nge kala mamawh belh? Ka mipa hmangaih ber kha a vawihnihna atan chan nawn leh ta ila .....


Engkim siamtha theitu ka nih lai khan khatiag thuthlukna kha lo siamlo ila ,ka thiamlo vek ani ti a inngaihtuahin khuarei ah kala inchhir mai angem? Ka thlan loh zawk2 kha ka tan a duhthlanna dik lo ni si se a vawihnihna atan k kehsawm leh vek dawn tihna ani mai angem? .....Kha mipa kha ka ring viau thin anih kha maw.



Khatiag taka ka natpui hnu khan thlamuang takin abul ah ka awm leh thei angem? Anih loh reng pawn khati khawp a na min tawrhtir tawh tu kha ka chhugte pawn min duhpui tawh kher angem ? Ka chhugte kalsanin amah kha zui ni ila ka inchhirna khua a sei mai lo ang maw ? Ka nun chu zawhna hlir in a khat a ,,a chhanna neitu ber hian chhanna dik ka hre chuag der silo ani .



Ni e..... Duhthlan tur thlan harsa tak2 hlir chhawp chhuahsak ka ni a,keimah ber pawh hian thlan tur ka hrelo a chu mai nilo in ka nun a zawhna tamtak awm pawh hi chhanna ka nei chuaglo.



Ka inngaihtuah a ,ka in ngaihtuah nawn leh thin a tun hun thleng pawh hian duhthlanna dik ber kala hre chuaglo a ,risk lak ka ngamlo a Isaka Malsawmzuala kha ka chan hlen phal chiah em ka hre chuag silo ani.



( I hlimna tur leh I tana tha tur i nia I hriat lam chu pan la ,I hlimna tur dal khawpin tu mitmei mah veng suh..I lo tifuh ta lo anih chuan I inchhir ang mahse chu Chuan duhthlanna dik zawk a hriattir ngei ang che , lunggai a indawm kun reng nan chuan nun hi a tawi em asin.)





Mahni theuh a inchan in engthlukna nge ka siam ang? Khuarei ah kala inchhir mai angem ?......Hei chu chhiar tute lam chan ni rawh se aw Thuthlukna diktak siam turin in thurawn ka mamawh viau dawn ania..





A tawp ta .....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)