Newcomer kha Chapter 1

Story tawi te te emaw luanliamna emaw post na
Babydolll
Posts: 3
Joined: June 3rd, 2024, 4:01 pm

Newcomer kha Chapter 1

Unread post by Babydolll » June 12th, 2024, 11:40 am

π™½πšŽπš πšŒπš˜πš–πšŽπš› πš”πš‘πšŠ
π™±πš’ πš‹πšŠπš‹πš’πšπš˜πš•πš•πš•

π™²πš‘πšŠπš™πšπšŽπš› 1

Kan classroom chu a a ngaite ang bawk in a bengchheng leh hle a. Kan thianho chuan thil ho maimai sawiin kan nui vak vak a. Lucas-a chuan mi rawn nghawk sawk pah in " Cool ve a, i period ami nge in in then zawk" Tiin a nui kur kur a. Ka chhang hma hma chuan Clara-i chuan " Mawla, chu tiang hmeichhia an zawt ngailo! "Tih pah in Lucas-a chu a rawn kuk fawk a. Rebecca-i pawn rawn chhunzawm nghal in " An in then na a rei tawh. Kha mi mawl khan kan Nicole i a phu hlawl lo" Ati a. Mi dang an tawng mur mur lai chuan kan hawi kual vel a. Kil khat a mipa pakhat tarmit bun chu ka hmu a. Lucas-a tui in lai chu ka nghawk sawk a. A tui in lai chu a kekawr ah a leih bua a. Thinrim zet a min lo en chuan ka lo nuih ringawt a. A hnu deuh ah chuan " Newcomer kan nei ami a " Ka ti a. Lucas-a chu ala lungawi vak lo tih a lang a mahse chu tia newcomer kan sawi takah chuan a hawi vulh vulh a. Kilkhat a zahzum hmel tak a lo thu a lehkhabu lo chhiar chu a hmu a. Lucas-a leh Benjamin-a te chu newcomer bulah chuan an va kal a. An va in hmelhriat tir niawm tak ani. A hnu ah chuan an lo let leh a. Eng nge an sawi tih zawh ka tum lai mekin Ma'am alo lut a. Attendance kan lak lai chuan newcomer hming chu ka lo changran a. Ka rollno pawh lo hre tawh lo in ka lo kun reng chu ka thiante chuan min rawn sawi ta nawk nawk a. Ka harh zawk mai. "Present Ma'am" Tiin ka ding a. Midang chuan min lo nuih a. Ahnu ah chuan Ma'am chuan newcomer chu a ko chhuak a. Kan en thup lai chuan Ma'am chuan " Newcomer kan nei tlat mai a. Kum tawp lam ah chuan nei vak ngailo mah ila. Hei hi Ezra Zomuansanga ani a. A pa an transfer avang in kan bulah reilo te an lo om ve dawn a. Tha tak in in lo welcome dawn nia" Ati a

Ezra chu a tawng ngai mang lo a. Sir leh Ma'am ten thil an zawh bawkin a chhang ngailo bawk. Lucas-a leh Benjamin-a hian an ngaithei thak lo lehnghal a. A hmel chu a tha hle a. Vun ngo lam pang deuh niin. Tarmit dum a bun bawk a. A biang vel ah te chuan khuavang a nei nual a. A hmel chu a tha thlawt ani.

Tlai khat chu ka lu ana deuh a. Class kan la bang bawk silo a. Last period velah chuan ka lo muhil daih chu ni in. Rinsangi chuan mi rawn sawi nawk nawk a. Ka harh chuan ruah chu alo sur nasa mai a. Rinsangi chuan kan thiante dang chu an nu leh pa ten an lo hruai thu min hrilh a. Leh ani pawh in a nu te a nghah mek thu a sawi bawk. Kei chuan eng tia rei nge ka mut ka zawh chuan ala rei vaklo thu a sawi a. Rinsangi nu chuan alo hruai a. Kei chuan ka nu emo ka nute'n min lo hruai ka nghak a. Kei leh student tlem chauh chu kan la om a. Ka lu na bawk si chu tlan haq tawp mai ka duh tawh a. A hnu deuh pawh a min lo hruai tu tur an lo thleng tak si loh ah chuan ka tlan ho ta tawp a. Ruah chu a tam tawh vaklo avang in ka tlan muang deuh a. Mahse a rawn tam deuh thut a. Chak zet in ka tlan a kan in ka tleng tep tih ah chuan ka bawk thlawp mai a. Rang zet a tho in ka khup chu kan en a. A lo pilh thi sung mai lehnghal a. In ka thleng chuan kawngkhar chu alo in hawng a. A vawt ka ti lutuk chu ka khur hlawk hlawk mai a. In chhung chu alo thim thup bawk si a. Ka nu te chu kan zawng kual a tumah ka hmu bawk silo chu ka hlauthawng hman a mahse thut khawm na a ka pi lo mu ka hmuh chuan ka tho huai a. Tihharh hlau tak in ka room ah ka lut a. Inthlak mawlh mawlh in ka kawrlum hmullum a khat leh kekawr lum ha in khum ah chuan ka inthawlh sawk sawk a. Reilo te ah chuan ka lo muhil ta daih a. Ka harh leh chuan ka chal ah handkerchief huh in min lo dep a. Ka nu leh ka nute-i te chuan min awm pui a. Ka nu chuan chu tia ruahsur laia ka lo tlan ho ringawt te chu min hau mawlh mawlh a. Vawiin hi ka nutei min hruai ni ani a. Ruah a sur avang in ani pawh chu alo tang ve reng chu alo ni.
Karkhat lai chu school pawh ka kal tawh lo a.

Kei hi Nicole Zonunsangi ka ni a. Class 12 zirlai ka ni. Ka pa in kum 13 ka nih khan min boral san a. Ka nu leh ka patea te nupa leh ka pi te nen kan chengho a. Ka nu hi high school zirtirtu ani a. Ka patea hi software engineer ani a. Ka nute-i chu middle school zirtirtu ani ve thung. Ka pi hi chu ka pa thih khan a tuar na bik em em a. A tawngtam lo in a mu reng zel ani. Kei chuan pa nei tawh lo mah ila ka nu leh ka nute-i te nupa hian min duat emem a. Fa an la neilo bawk nen. An naute nih reng hi nuam ka ti a. Mahse a chang chuan ka lung a leng thin ani. Ka nute-i phei chuan a fanu ang in min en a. Ka duh a piang min lei thin a. Ka nu hian min ti khawlo ang tih hi a hlau emem a. Mahse duatsual ang kha ka ni lemlo.


School ka kal leh chuan kan thiante Lucas-a, Rebecca-i, Rinsangi, Clara-i leh Benjamin-a te chuan sawi tur an lo ngah hle a. Rebecca-i leh kei ma in kar ah hian Lucas-a a thu a. Rinsangi leh Clara-i in kar ah Benjamin-a a thu thung. Kan hawi kual vel a. Ezra chu ka hmu lo reng reng. Nithum lai a liam tawh a. Ezra chu alo kal tawh dawn lo emaw ka ti a. Mahse alo damlo ve reng chu ni in. Chu mi ni chuan Ma'am in project tih tur min pe a. Partner neih a ngai dawn bawk. Kan thianho chuan kan partner tur kan lo in thlang a. Mahse Ma'am chuan " Kei mah in in partner chu ka thlang ang" A tih tlat avang chuan kan ngawi ta reng a. Chu tah Ma'am chuan midang ho chu an partner tur a tlan sak a. "Clara-i leh Malsawma" Ma'am chuan ati a. Clara-i chuan a duhlo kher mai. Malsawma hi nerd deuh mai ani a. En ang aiim a tawngthei hle a. Vawikhat phei chu Clara-i nen an in hnial a. Clara-i thinrim in a water bottle in a vawm pawp a. A chal ah tak afuh a. Karkhat chhung chu a chal a pawng ani. "Nicole-i leh Ezra " Atih chuan Ezra chuan min lo melh zawk a. A hawisawn leh nghal a. Kei chu ka lai tak zet a. Ka sen leh vek bawk. Ka thiante chuan min nuih tut tut a. Mi dang ho leh an partner tur a sawi zawh chuan kan topic tur min thlang tir a. Clara-i leh Malsawma te chuan human reproduction chu an tlang fuh a. Class a om zawng zawng chuan kan nuih a. Clara-i chu a tap tep tawh. Ezra nen chuan kan hun alo thleng a kan thianten min lo chhaih ve sek chuan min ti lai hle a. Ezra pawh chu a alai deuh in ka hria ani. Space lam pang kan tlang a. Karleh a tang tur anih avang in kan thawveng hlawm hle a. Ezra chu a thutna ah chuan lehkhabu chhiar in alo thu ngawi leh reng a. Mi dang in an partner nen a an topic an sawi ho laiin kei leh Ezra chu biak pawh kan la in be lo. Mahse muangchangin Ezra lam chu ka pan a. A bulah chuan va dingin " Engtik ah nge kan tih ve ang " Ka va ti mawl tawp a. Ezra chu zawimuang a lo hawi chho in min en reng a. Ka lai lutuk chu en pawh ka en tha ngam lo a. Min chhang tawh dawn lo emaw ka tih laiin " Eng tik ah nge niang. I duh chuan tun ah pawh" Ati a. Monday ah chuan tih kan tum ta a. " In in ah ti phawt ila chuan a dawt ah kan ni ah kan ti leh ang a." Ka tih chuan alo aw ve mai bawk a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)