MIPA I LA RING THEI ANGEM? BY Ponto de Matteo

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

MIPA I LA RING THEI ANGEM? BY Ponto de Matteo

Unread post by Ngaia » August 21st, 2016, 11:30 am

MIPA I LA RING THEI ANGEM?

He ka thuziah hian hmalam hun atana thutlukna siam harsat mek te tan tlemte tala a lo chhawk takin Mipa ka nihna anga Mipa mizia tam tak phawrh mualphona leh Hmeichhe tana kawppui tur thlan kawnga fimkhurna tur a lo nih theih ngei beiseiin ka ziak chhuak ve ta rawih a nih hi. Sawt tak maw?!

A hmasa berin Nupui/Pasal inzawn kawngah chuan awlsam taka hlawhtling ber chu, Hmeichhe tan, Hmangaihtu leh Mipa tan, kan hmangaih te ngei neih hi a ni awm e. Mipa hi kawng tam taka rilru thlak mai ching kan ni a, nupa inthen chhan tam takah mipa rinawm loh vang emaw, mipa mize mak riau hi chhan bulpui ber pakhat chu a ni awm e. Chhan a awm tih erawh hriat a tha.

A chunga kan sawi tak hi a bulpui ber chu hmeichhe upa zawk emaw, inngaihzawn laia hmeichhiain a care zawk an ni tlangpui thin. Hmeichhia hian care loh tur ka tihna chu a ni hauh lova, I bialpa khan nangmah care aia amah care tura a duh reng che anih chuan, i thlatin hlawh lak thinchhiat lai te, i raino rilru sual lai te, i harsatna tawh lai te khan eng tihna chang nge lo hre ve se tia i beisei fo ang le? Inthen mai kha nakina i hlimna tur a ni zawk lo'ng maw? Ka hmangaih alawm tiin excuse i siam lui anih chuan i thu thu a nia, i nuthlawi hun kan lo ngaichang mai dawn nia.

Mipa miziaa mak tak pakhat ka relhruk ang che; 'Hmeichhia leh Uite chu a chul nel peih peih' tih an ni a, a duatthiamte nge nge hian an chang thin. A tira an ngei tak pawh hi, hmeichhia chuan zuk hmangaih chhunzawm thei tlat a! Mahse maw, thiannu... Mipa chu chutiang a ni ve tlat lo. Hei hi i lo hre ngai lo a ni maithei. Ngun takin ngaihtuah la, ka thusawi i huat hma hian chutiang mipa chu tlanchhiatsan tum ang che.

Mipa hian ngaihzawng tura a duh ngeiah hmeichhia angin rei a rial ve peih lo, a ri vat vat a, a duhzia tihlan thuai thuai hi a tum hmasak ber a ni thin. Khawiah emaw mipa i duhzawng tak i chhuahpui a, Party, Chaw eikhawm, engemaw ah.. I lu a lo kai a, i ngaih a lo sam ta a, chutah chuan engemaw tiin in lo in Kiss hlauh mai, a duhzawng tak hmeichhia emaw i nih chuan rang takin a duhthu che a hrilh ngei ang che. Chutiang ni lova, thian ang emaw, ho mai maia a la biak che chuan chutiang bawk chuan a play nawn mai mai che anga, nangin duh ve che emaw i tih lai khan, a nula te zinga pakhat i ni tih i hre der dawn si lo. I fimkhurnan be tawh lo la, i ta tur ni lovah inhambuai suh.

Mipa hian min be rengtu hi kan nel mawh khawp a, kan ning in kan hne mah zawk thin. I Mipa duhzawng tak kha biak hmasak fo a ngai anih chuan a type i ni lo tih inhria la, engthawl takin kalsan phawt teh le, i tisual chuan ka ring hauh lo. Mipa hi kan duhzawng te leh duhloh zawng te laka mize chi hnih nei kan ni a, duhzawng takte tana damchhunga mize thup thei kan nihna hi kan ropuina lai a ni lehnghal, chutiang ang mipain a lo atchilh che anih chuan, lo hmusitin lo diriam hlek suh. Nangmah avang hian hmeichhe engzat chiah nge a hnawl i hre pha hauh lo ang.

A tawpnan duhthlan tur pahnih i neih hi ngun takin ngaihtuah thin ang che. I nunah mipa pahnih an lo lang ang. Pakhat chu a romantic hle ang a, i lo dream thin ang Love Story-a thil thleng tam tak a tihsak thin ang che, mahse ngun takin ngaihtuah let la, i love story chu a hlimawm lamah deuh chauh a thlenpui lo che maw? A nih leh i mangan laia i belh thin, i mamawh huna i koh thin, i harsatna leh i bialpa chanchin ngei lungchhe taka i hrilh thin MIPA ve thung kha? Kha Mipa kha engvanga i harsatna apianga i bula awm nge anih? Engvanginnge i tah apianga tinuitu che anih thin? I bialpa hnena i hrilh ngam loh zawng zawng i hrilh thin khan, thian nih ve mai kha a hlimpui tawk laiin damchhunga a kianga awm tur atan phei chuan a duh lehzual che tih i hriat loh avangin nang chuan a hmingah thiantha i vuah a, a bula mipa i rin theih tawh loh thu i sawi lai pawh khan, Mipa ni chungin i kiangah a ding thin anih kha tiraw?

Chutianga i duh hun huna i koh phar a, i mamawh hun apianga lo kal thina chu hmangaih tlak a ni tih hre chang lovin, i hlim nia duat thei riau che mipa chu i pansan leh thin a, i na leh mai thin si anih hi. Zah taka be thintu che a ni a, i pawi sawi hlau em em a kil khata i mamawh hun lo chang ran tu khan tihtur dang nei thlawt lovin i hria a nih chuan i hresual hle a ni ang. Hmangaihna mitin vawi khat lek pawh han thlir la, i laka a thiltih zozai kha han ngaihtuah let chhin teh.

'MIPA HI KA RING THEI TAWH LO'

tih hi i sawi phalin ka ring tawh lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)