AMEN LO"!!

Story tawi te te emaw luanliamna emaw post na
Pjsstephen1997@
Posts: 43
Joined: March 8th, 2019, 9:44 pm

AMEN LO"!!

Unread post by Pjsstephen1997@ » September 22nd, 2019, 8:09 am

"AMEN LO!!"
(True story😆)


Pjs


Hmanhmawh takin khawngkhar chu ka hawng ṭhuai a, ka bag; varandah-a ka dah chu ka ak nghal a, driver chuan, "Hmanhmawh rawh hei ruah a sur dawn a nia, nang chauh kan nghak tawh che.." tih pah chuan ka bag lian zawk chu sumo chung lamah chuan a vawm chho a, hmanhmawh takin silpouline chuan a khuh a, a ṭawn fel nghal sawk sawk mai bawk.


Chutia kal kan peih takah chuan kan chhuak ta a. Sumo seat hmalamah chuan ka hmingpui pa, "my name" tiha ka koh mai ṭhin chu a lo awm hlauh mai, ani chuan min lo be nghal mawlh mawlh a, Aizawlah chuan eng nge ka tih dawn eng titura kal tum nge ka nih chu min lo zawt nghal a. Ani pawh chu eng titura kal tum nge tih ka han zawh chuan tihtur em em nei ang pawn a in sawi chuang lova, "Aizawl kal ve hrim hrimte hi a nuam a, Diary bu ah 'feh, feh, feh feh, sunday chaw hma inkhawm, chawhnu ruih" tih ringawt ziah ai chuan , nilaini ah Aizawl ka kal, tih ve ngei te pawh chuang ve se.." a han timai a.

Kan titi hre ve kan bula ṭhute lawmah a tla a, kan nuiho dar dar mai a ni.

My name-a chu mi tumlum ve tak mai hi a nia, a ruih tawh chuan mi kawlh ve tak, insual peih at reng mai, fip ṭha ṭeng ṭawng palian vak bik lo, lu kawlh hi a ni a, hre ngai lo tan chuan ṭihbaiawm tak a nih ngei ka ring.

My name-a bawk chuan "Tun ṭum ka zin tur chu UPC sumo-ah ka chuanga, kan tluang lo ang tih te pawh ka hlau mange" tih pah chuan driver lam chu a hawi phei a, zamna reng reng nei hauh lo hian, UPC rindan dik lo ni a, a hriatte chu a sawi nghal bian bian mai bawk a, Driver chu zalo tak hian a nui tawi tak tak reng a, a mood a fuh vak lo tuk a nih ngei a rinawm a, Pawn lam melh pah chuan eng emaw ni tak ngaih tuah hian a hawi leh vauh vauh ṭhin.

Khawdaia ṭawngṭaina hi kan thlen dawn chuan driver chuan hnunglan a rawn hawia, kan chuanpuite zinga mikhual pakhat chu a ṭawngṭai theih leh theihloh a han zawt a, a ni chuan "ni e, kan ṭawngṭai ang nge" tih chuan a lo chhang ve mai a.
Myname-a chuan "Duat deuhin aw, hei upc motor a ni nen, kan tluang lo hlauh dah ang nge.." a lo tive leh pek a.

Tichuan, mikhual pa chu a han ṭawngṭai ta a,
A duah ṭha ngei mai a, a ṭawngṭai rei fu lehnghal..tichuan le, a ṭawngṭai chham tawp dawnah chuan "i fapa, Lalisua hming kan dil a che.." a han ti khanglang pek a, passenger zawng kan Amen vek hnu reilo te ah chuan Driver ber chuan, titak ru ang reng tak leh ring lenglawng tak mai hian "Amen lo" a rawn tibung ta hmak mai a..

Engtin nge kan awmzel ang, kalkawng a thui tham si, huphurh awm tak a ni..😆



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)