My Cruel Husband (Jungkook ff) Ch-2 by Beatrice Scorpio

Story tawi te te emaw luanliamna emaw post na
Beatrice Scorpio
Posts: 105
Joined: November 14th, 2019, 11:33 pm

My Cruel Husband (Jungkook ff) Ch-2 by Beatrice Scorpio

Unread post by Beatrice Scorpio » November 17th, 2019, 9:03 pm

"Thla khat lai a liam tawh, Jungkook nen hian honeymoon hmang tura in kal a ngai ani. "Ka pa chuan ka hnung rawn beng thak thak chung chuan a rawn ti a.

Kan pahnih chuan haw turin ground floor lam chu kan pan a.

"Ka hnaah ka buai lutuk, chutiang bawkin Jungkook pawh" ka theih ang tawpa, a tak ang tur chuan kan nuih tlawn vel a.

Ka rilru chuan ka pa rawtna chu ka pawmpui in, ka hlim takzet. Mahse Jungkook erawh a hlim ve dawnlo tih ka hriatchian em vang chauh a hnar ka ni. Min ngaihsak ve ngailo a, ka pa leh a bialnu leh a hna chauh a ngaihsak. A ngaihsak te zingah chuan ka leng velo ani, a nupui ni mah ila.

"Boihte, hna lam chu lungkham reng reng suh, i hlimna hi ka duh ber ani. A kiangah hian hlim la ka duh ani. "Thutak deuh mai hian ka pa chuan a han ti a.
Ka nuih suk ringawt a. Ni e, a kiang a hun hman ka chak takzet. Kan pahnih chauh a awm a, a ngaihsak ve nih ka chak takzet ani.

"Jungkook chu ka lo bia ang a, a pawm ngei dawn tih ka hria alom. A nupui duhtak nen a hun hman hran chu a chak ngei ang"min tih hlim tum chuan a rawn ti leh a.

*A nupui duhtak a? Heh* I makpa hian bialnu a nei tih reng i hre silo a aw tiin ka ngaihtuah vung vung a.

"Ole" tiin nui sang chung chuan lawm takin ka pawm ta a. Ka pa-in Jungkook hnen a ti tura a tih tawh phawt chu a hnial ngailo tih ka hria a, ka lawm ru ve takzet. Ka nui sang reng mai.

In kan thlen veleh chuan ka roomah chho tlang nghalin ka bag chu khumah chuan ka vawm let tawp a, ka luggage bag chu ka zawng nghal chuk chuk a.

Hmun tin ka zawn hnu chuan room pakhat zawkah ka theihghilh tih ka hrechhuak. Chu room chu tu dang niloin Jungkook room ngei ani. Ni e, kan pahnih hian room intawm loin room hranah ve ve kan awm ani.

Jungkook-in room hrana awm a duh vangin ka hnial ngam bik silo. Ni e, ka pa chuan hetia room kan intawmloh thu hi a hre lo, achhan chu Jungkook-in zep tlat tur a min tih vang a ni.

Jungkook lo haw hma chuan rang takin a roomah chuan ka va lut a, a khum hnuaiah chuan luggage bag chu a lo la awm reng a, mahse tlemin a lo bal deuh tawh.

A khumah chuan thuin ka bag chu ben fai kan tum a. Chutia ka kut ka tin ran ran lai chuan thil hriat chhuah zawk ka nei.

*Awi lalpa leh, a khumah ka thu*
Ka hlim lutuk chu au chhuak lo turin ka kã ka hup hman hram. A room chhung a lut lo turin min hrilh a, mahse a awm chuanglo, a hre dawn chuanglo ti chuan ka inthiam chawp a.

Ka luggage bag chu chhuatah chuan paih thlain a khumah chuan ka let thla nghal a. He hun hlu lutuk hi a lohthlawn a ral tir mai mai ka tumlo.

A khum chu a dup nuam takzet, mahse chu aia pawimawh zawk leh hlu zawk chu, a rim chuan a khat vek. Ni e, Jungkook rim pa hrak leh zün ngah tak mai chuan a khat vek ani. He khumah ngei hian zantin a mu awm si a. Ka thik deuh rum rum a ni.
Mahse zantin a mutna khum ngeia reilote pawh ka mu thei hi ka lawm takzet.

Chutia ka ngaihtuahna rama hlim tak a ka lo chen lai chuan, ka mit te chuan min phatsanin zawimuang chuan ka lo muthlu a.

"Taehee-sii, tho rawh" ti a, aw mawi takin a
min rawn koh chu ka hria a. Chu ãw chu zingtin min kaithotu atan ka duh takzet.

Ka mit chu meng riai riai in, ãw ka hriatna lam chu ka en nghal a. Ka thil hmuh chu ka awih theilo. Ka mit chu ka khap fak fak a. A tak ngei chu a ni si.

"I roomah va phei rawh" melh pawh min melhlo chung chuan a rawn ti a.


Min hnungchhawn zawng chuan a ding a, a hnung chu ka en vang vang a. Ka zak takzet. Engvangin nge maw ka lo mutthluk reng reng ni ti a ka rilru a ka lo inhauh mawlh mawlh lai chuan.

"I la kal nange? " nin hmel tak chuan a rawn ti leh a.
Chu thu chuan min tina takzet. Mahse, ka haw thiang lo, ka thiamloh a ni miau alom.

" Ka tihpalh" tih sap pah chuan room chhung atang chuan ka luggage bag khai chuan rang takin ka tlan chhuak a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)