- KA FANU LEHKHA MIN THAWN BY JAREDMOMMY_LRS
Vawkhniakzawn thla (July) ni a,ruah a sur cherh cherh bawk a. Ka fate pahnih nen chuan sitting
room ah T.V enin kan thu a,kan pa erawh chu committe in a chhuak thung. Chutia tui tak a T.v kan en lai chuan khawngkhar chu pawn atang a rawn kik in lut tura ka lo chhawn hnu chuan kan khaw
tlangval fel tak mai Jared-a chu a rawn lut hlawl mai a. Aizawl a kal haw in ka lehkha tur a lo hawn
thu sawiin lehkha chu min pe a,rei pawh thu lo in a chhuak leh mai a. Eng lehkhathawn nge maw ni
le aw.? tiin ka rilru chuan ka ngaihtuah a,min lo thawn tu awm ang ka ngaihtuah pawhin ka hre thei
lo,a pawn ah lah chuan engmah a in ziak bawk si lo a. En rih lem ta lo chuan roomah lutin ka lukham
hnuaiah chuan ka dah leh rih a.
Dar 10 vel ah chuan kan pa pawh lo haw in mut zai kan rel ve ta a.Rei pawh kan mut hma chuan kan
pa chu tui takin a muhil nghal bawrh bawrh a. Lukham hnuai a ka lehkha dah kha hrechhuakin light ti
engin ka chhiar ta a. A chhungah chuan ti hian a in ziak a
Ka nu duhtak,ka hmangaih leh min hmangaihtu ka lei Pathian ni tura Pathianin min pek ka mamawh
leh duhzawng theih tawp chhuah a min tihsak tu,a hmasa berin i fanu hian a hmangaih lutuk che tih
hi min hriat sak rawh aw. He khawvel eng hmu tura ka pian chhuah ni atanga ka tan a zirtir tu tha ber
i ni a,hrehawmna,hlimna leh lungngaihna engkim ka hrilh na pawh i ni. Khawvelah hian piang nawn
leh dawn pawh ni ila,i fanu nih hi ka thlang leh tho ang ka ti thin. Mahse,tuna i awmdan miin an zawi
zui dan che vang hian ka rilru mai pawh ni lo ka thinlung chhung hi a na a,keimah a na thei zawng
zawng hi a na ti ila a dik ber ang! Pa chawi loh a thanglian tih hriat loh khawpin min enkawl a
lawmthu ka hrilh nghal bawk che khang hunlai pawh khan kan nufa a kan hlim theihzia kha koh kir
leh theih chu nise ka koh kir leh ngei ang. Pasal i neih leh pawh khan ka hlimna chu a ngai reng PA ti
a koh tur ka nei leh ta ka hlim zia kha nangpawn i la hrereng em..? Tun a ka pa (i pasal) pawh hian
min hmangaihin min duhsak lutuk tih nangpawn i hriat kha min hringtu ka pa pawn hei bak chuan
min hmangaih leh theih chuan pawh ka ring lo hial. Engthil hian in nge mawlh che a pasal nei reng
chunga i nuna mipa dang i seng luh tak mai le ka nu? I hlim phah a mi.? lo hlim phah tehreng pawh
ni la,i fanu hian ka natpui a sin. Ka naupan lai pawhin nangmah ngei in ‘’i hlimna chu ka hlimna a ni
mai’’ i tih thin kha i la hria em? Keipawhin ‘’ka nu a hlim chuan ka hlim a ni mai’’ ka ti thin kha a nia.
Mahse tunah chuan a ni tawh lo i hlimpui ni a i hriat khan min ti na a,i fanu in ka natpui hi i la hlimpui
tho a ngem.? I hlimna hi thil dik nise chu ka hlimpui lutuk ang che mahse,hlimna dik a ni si lo tih
nangpawn i hriat kha! Nu i hriat miah loh hian maw pawi lian tak i khawih a sin tualthah lama ni lo
sual lian tak a ni asin. Bible pawhin ‘’ uire suh’’ a tih kha.
Pathianin pasal tha tak ka pa (min hringtu) a pe che a,tichuan hlimna tizual turin kei ka lo piang leh a
chhungkaw hlim tak kan ni thin a nih kha tiraw..? Mahse mihring kan ni a,khawvelah a tha leh hlimna zawng zawng kan chungah a thleng vek thei si lo a,hma thlir thui tak nei a kan awm laiin ka pa
in min thihsan ta thut kha a ni a,mahse nang ka kianga i la awm a vangin a zawng zawngin hlim kher
lo mahila,ka hlim lutuk tho thin. Chuan Pathian malsawmna i dawng zel a,tuna ka pa hi i tawng leh a.
Unau tha tak ka neih phah bawk a,kum tam tak ka lo thlakhlelh tawh pa hmangaihna ka dawn leh
theih phah bawk a,lungngaihna ka nei ngai lo ka ti lo mahse,hlimna in ka nun ah hmun a luah hnem
zawk thin. Mahse khang ka hlim thin na zawng zawng kha thawklehkhatah ngaihzawng i nei tih ka
hriat rualin lungngaihna in a rawn thlak a,nuih chu ka nui ve thin mahse,chhungril tap leh natna in
thup reng rengin a ni ka nuih ni! Zan ka muhil thei lo a,ka zirna a nghawng mai bakah a nun dan a in
thlak danglam hret hret bawk. Ka thian te zingah pawh chhuang taka sawi che kha nuam ka tiin ka
hlimpui em em thin. Mahse,tunah chuan chhuang taka ka sawi dawn che hian ka chhungrilah hian
dik lo ni a hriatna ka nei thin min dem thei ini lo i nundan in a nghawng vek a ni si a. Khawvelah hian
mi famkim leh daisual awm lo a awm theih loh mahse,ka tan famkim leh tha ber ni hian hriatreng
che ka duh a,tuna i nun hman mek dan pawh hi hriat loh der a theihnghilh ka tum thin mahse
maw,theihnghilh ka tum nasat poh leh ka hre thar leh thin. Ka hming theihnghilh a harsat ang chiah
hian a ni theihnghilh a har. I damchhung a i tih duh pawh ka rin loh danin i nun i hmang chu ni si!
mihring hian kan hma hun kan hriat lawk loh zia ti lang chiang tu a ni. Kei leh ka nau te avang tal hian
kawng dik lo zawh leh hram rawh aw.
Khawvela ka in zirna ber i ni a,ka in zirna ber in tianga i nun i hman in kei i fanu nangmah atanga in
zir hian kawng dik leh tha ka zawh tak ang? Ka entawn ber i nih avangin a hma a i nun dan zahawm
tak khan awm leh hram rawh aw nu. I aw hriat ka chak a,i awka dam dap a min biakna pawh hriat ka
chak lutuk lo biak tum che hian ka phone hi vawi engzat nge ka lak kan thlawn i hre kher lo ang. Be
chak em em che hian biak loh dan ngawt ka zawng che nih hi! a chhan chu ka rilru hi a na em a ni.
Ngaihtuah let mah teh,mamawh ka neih pawhin ka pa hlir a nih kha ka lo biak thin tawh kha!
Mite’n kan hnunglam a “A nu pawh uire a nia,a fate pawh hian an chhun ang” ti a an sawi loh nan in
chhirin kawng dik lam lo pan leh hram rawh aw. I fate mi in chhe taka min sawi tur chu i duh bik lo
ang tiraw.? Ka nu .... Nu ka ngen ngawih ngawih che. Ka naupan atanga tun ang ka nih thleng hian ka
mamawh loh thil ka dilin ka ngen ngai loh che kha tuna ka ngenna che hi chu khawngaih takin min
tihhlawhtlin sak hram ang che aw Nu. Ka pa i bum char char a i in ngaihlai khan maw hrereng
chungin a lo haider pawh a ni zawk thei tih hria la,a rukin tui taka i mutthilh bawrh bawrh hlan khan
rilru hah luat vangin mut mu tuah thei lo vin zan engzat nge a awm ang tih ngaihtuah pui rawh a bum
dan kawng ringawt ngaihtuah lo in chu chuan rilru dik pawh a put tir phah mai thei che sin. Tuna i
pasal tluk a hmangaihtu che leh duat tu che hi chu i tawng tawh kher lo ang. Tuna i ngaihzawng hian
hmangaihin a duat hle che in ngai mah la,in nei in cheng dun ula,hlim ni aiin lungngaihni hmel i hmu
ngun zawk thei a nia,chutiang chuan vawikhat tal i ngaihtuah ngai em?
Ka naute thian ngaina leh hlim tak ang a lang thin lungkham nei ang pawh a lang ngai lo te kha,an nu
nangmah vang hian thian te zing ah pawg in kiltawih em em in an awm phah thei tih te i ngaihtuah lo
vem ni.? Hmun fianrial leh pindan chhungah vawizat ngenangmah vanga ruk a mittui an tih tlak ang.
I nundan dik lo hi hrereng chungin an hai der a ngai fo ang. Thil dik lo ni mahse nu i nihna angin an
zah che a,pa ber pawhin a sawi chhuah loh chu fate tan chuan sawi chhuah a harsa ve em dawn asin.
Ka pa hi ka lainat ngawih ngawih i pasal i hmangaih leh duh ngawih ngawih khan midang kawp san
che sela engtin nge i awm ang? Eng rilru nge i put ang? I rilru a na anga i beidawn ang tiraw kha tiang
chiah khan ka pa hi a beidawng ve dawn asin i chan ah in dah chhin teh a nat dan tur zia chu,i
awmdan hi a hre lo ni loin i inchhir a i let hun a nghak reng zawk pawh a ni thei nia ka nu. I fate hi
chhungkaw zahawm lo taka kan seilen i phal lo a,mi hmuhsit leh hnuai chhiah kan nih hi phal lo a nih
chuan i tan na sual bawih a ta hi lo chhuak tawh rawh. Nu a hma a kan chhungkua ang khan kan awm
leh thei a nia,i la tlai lo; i pasal le hi fate hian kan ngaidam thei che nia,nangpawn chhungkaw hlim
deuh nih i duh tiraw. Beiseina nen kawng dik zawh a i lo kir hun kan nghak reng tih hi theihnghilh suh
aw.
Nu he lehkha hi mittui nen rilru beidawng lutuk a ka ziah nih hi nangpawn rilru leh tih tak zet a chhiar
a kawng dik zawh phah duh nan a i hman ngei ka beisei. I mittui ti tla a,chhiar liam tawp lo in kawng
dik zawh phah nan lo hmang hram rawh aw. Phone a awm tho si a,phone a tang lo sawi mai awm a
nia pawh i lo ti nih pawn lehkha ngei a ka sawi loh chuan ka rilru na beidawng lutuk hian engmah ka
sawi thei leh dawn si lo a,ti hian ka lo ziak ta ni. He lehkha ziak tur hian ka bei nasa lutuk mahse ka
rilru luah reng tu leh mi ti chau em em tu ka ziak chhuak a ka thawl huai mai! tuma hnenah ka sawi
chhuah theih loh thil a ni si a.
I tan beidawng lo in ka tawngtai reng a nia,engtikah emaw chuan ka tawngtai na hian chhan a la
hlawh in rah tha a la rawh chhuah hi ka ring tlat a ni. Tuna i daisualna hi Pathian hnaih zual tir tu che
a tan lo hmang hram rawh aw. NU kan thinlunga beiseina awm hi min tih beidawn sak suh aw i pasal
le hi fate hian kan ngaidam che in kan hmangaih che, NU ka thil ngen hmasak ber che ah hian min
tibeidawng dawn lo tiraw! Ka zirtir tu tha ber,ka khawvel ka engkim ni tur a PATHIAN in min pek ka
rohlu i ni NU KA HMANGAIH CHE.
- BEISEINA NEN A NGHAK RENG TU CHE
I FANU I HMANGAIH LEH HMANGAIHTU CHE
LAWMSANGKIMI
Ka fanu lehkha min thawn ka chhiar zawh ka tap zawih zawih a,ka zak bawk a. Tiang em em hian an
rilru ka lo hliam ang tih ka ring ngai lo. Ka bula ka pasal mu chu ka en a,ka in chhir ngawih ngawih a,a
lak ah pawh ka inthlahrung em em a ni.
Ka fanu hian he lehkha hi min thawn lo nise ka tan na ngai ah khan ka la tang reng thei,Pathian thu
tha tak a ni lo mahse ka thinlung ah hian a thawk na lutuk a ni. NUN THAR min pe tu a ni bawk.
Pathian khawngaihna zarah tunah chuan chhungkaw hlim leh in pawh tak kan ni leh tawh a ka fanu
hian chhungkaw kehchhe tur chu a lehkha pakhat hmangin min zawmkhawm leh a ni.
Ka hmeichhiat pui a bik in pawm lai nei te u,hei hi ka hrilh duh che u. In kawppui te lakah khan
rinawm tlat rawh u. Ka tihsual ang hi rawn tih sual ve suh u,nangni chu in lo hlim pawh a ni thei
mahse,i fate in fate kha a ni zak a,hrehawm tia beidawng thin tih chu keimah a tang hian kan
fate’n an tuar zia chu a hriat hi. I lo tisual mek a nih pawh in tun a tang kawngdik pan tawh rawh
khua i tlai tawh a maw i ti nge a la tlai lo a nia.Beiseina sang tak nen a nghak tu che i nei tih kha
theihnghilh lo ang che chhungkaw hlim tak kristian chhungkaw tha tak ni turin nangmah kha i
pawimawh chuvangin in chhir in kawng dik leh tha lam zawh la,nun hlimna tak tak i nei zawk ang
pawmlai nei reng a ngaihzawng neih ai chuan nasa takin hlimna i tawng a nga,nang chauh ni lo i
fate i chhungkua a lo hlim ang. UIRE NA HI SUAL LIAN TAK A NI
_____________XXXXXX____________XXXXXX_____________XXXXXX_____________
Min chhiar saktu te chungah ka lawm e. Hlawkpui na in neih ngei ka duhsak che u. Dam chhung ti a i
tiam pui i kawppui hnen a rinawm chu i mawhphurh na a ni.
<<<< NGAIHDAM NGAI NIH AI CHUAN NGAIDAM TU NIH A THA ZAWK>>>>