TIHPALH AW! KA TLAI A by Phlatershy

Story tawi te te emaw luanliamna emaw post na
Tetei tt Phlatershy
Posts: 5
Joined: May 10th, 2020, 10:06 pm

TIHPALH AW! KA TLAI A by Phlatershy

Unread post by Tetei tt Phlatershy » May 12th, 2020, 11:00 am

Kolasib district a thingtlang pakhat ah kan awm a, Kar hmasa a HSSLC result chhuak ah vanneih thlak tak mai in ka pass ve a, thingtlanga zirna chhunzawm reng ai chuan tiin kan chhungkaw khawsak a harsat lutuk bik loh avangin Aizawl a ka u chiah pasal neia awm ta te kiangah college ka zawm ve Dawn a, ka phur ru ve viau mai!


Aizawl kan thlen chuan tlai dar 5 ari tawh a, khua pawh a thim ve tawh viau a, ka u pasal in counter ah min lo hruai thlap a, in kan thleng a, Ka u nen kan han in hmu chu kan ri chel chul mai a, khawhmun ah awm lo a, duh duh huna in hmu theilo ta chu kan in ngai ve thin khawp mai!



College kan tan na leh Aizawl a ka awmna pawh karhnih lai a ni ve tawh a, chhungte ngaih ana thin viau mai a, achang hi chuan phone kaltlang pawn ka pe vak duh thin lo a



Ka u te an harsa lo bawk a, inchhung khur hna khawih tur pahnih lai mai an chhawr avangin thildang ngaihtuah buai loin lehkha ah ka rilru ka sawrbing hle a, thildang han ngaihtuah kual velna hun hi ka neilo viau mai!


Weekend a ni a, ka u te nupa in bazaar chhuah an duh avangin Bawihtea(ka u fapa) Ka awm a, ka awi darh darh laiin kawngka an rawn kik kharh2 a

"lo lut ru" ka ti lang2 a, kawngkhar a U Sangzuala(ka cousin ti mai ila ka pu unaupa fapa) lo lut chu chiang fahran hian ka lo en a, ka thinphu a rang ringawt a nih chu! Kan khua ah pawh hian an rawn zin ve zauh2 thin a. Chutia ka lo zak/lai ringawt chu á ka in ti ru khawp mai


Lai zet hian "E U Sangzual lo leng rawh " ka ti sep a, ka thinphu ran dan em2 chu ka hrethiam lo zawk... "khilai workshop ah khian ka kal lawk a, ka lo peng kawi zuai a nih hi"a rawn ti ve sup a, eng2 emaw a sawi a khawr zet hian ka chhang ve zel a, a chhuak chu ka lawm kher asin...




Wednesday a ni a, kan Class bang ka thiannu Debbie nen thingpui dawr ah kan chawl a, thutna awl lo awm ah chuan kan thu thak a "enteh enteh Laldik saw2 i cousin chhelo deuh University kal kha tiraw? " Debbie min rawn hrilh ru sur2 a, a en na lam ka en chu U Sangzuala leh hmeichhe chhelo zet hi kan table piah lawk ah an lo thu a, a chhan ka hrelo ka thinchhung hi ana veng veng nia mawle...enrei duh loin ka hawisawn nghal a, ka tah achhuak tun mai!..."a nih saw" ka ti bung ngut a, tha tih hmel fe hian Debbie Chuan a en reng a, nia a chhelo ve bawk em ani zep tur a awm lo




Thil kan ei zo a, kan chhuak tur eng nge ka hriat pawn ka hrelo ka hawi let chu U Sangzuala nen kan in melh chiang lutuk chu ka thin hi a su dup thei! Chumi zan atang chuan mak lutuk in u sangzuala ringawt mai ka rilru ah a awm a, lehkha pawh ka zir thei lo ka hui leh pap pap thin.... A hmel a tha a, mipa e tilo in a ngo phian lehnghal a, a sang tha em2 a, à a tha ni tawp mai!!



"Adik lo haw hma rawh aw,pa Mawia te inah Esther i bday chaw kan eikhawm dawn nih chu aw"ka u in ka Class kal chhuak tur a rawn ti chu ka thinphu hi a rang lehnghal dawt dawt nia mawle.. Nilo, awi aw ka va hreh si em!!!!



Kan in siam sang sang a, kawrfual pawl par ka khup chungvel thleng ka ha a, Nike Air women ka bun leh tawp a, ka phur hlawl lo..U Sangzuala ka hmu Dawn chiang bawk si ...U sangzuala laka ka rilru hi a dik lo.. Ka dik hlawl lo



Essyi'n thian a ngah bawk a, chhungkhat te nen kan tam khawp mai... Vanneihthlak lutuk in ka hmuh hreh ber pawh ka la hmu miah lo a, ka hlim kher asin! Ri hut hut ka nin ruk deuh avangin balcony hnai berah ka chhuak...U Sangzuala hi ka duh tihna em ni le? Nilo, nilo, ni lul suh se, a chi dawn loh email!!!



"nuam iti vak nange " Aw Lalpa engvangin nge a rawn kal


Hawi let chuang loin "ti lutuk.. ka chhuak harh mai mai a" ka en Dawn teuh lo mai! Ka bulah chuan a rawn ding ve a, ka kiang hnai a a awm vanga ka thinphu ran zia hi hria se maw min rawn hnaih hauh lo ang mawle... "ka lut dawn " ka inher a, pen pawh ka pen hman lo min kuaiher lawp a, min fawp ringawt...AW LALPA MIN FAWP ka khawng vek mai in ka hria ka hamhaih lutuk "Adik ka duh che ka zep thei tawhlo kei hian ka duh lutuk che engtin nge ilo dawn sawn ang tih pawh ka ngaihtuah thei tawh lo" zawimaung in min rawn fawp leh riai riai a, mim ai kaih vek a, muangchang in ka chhanglet ve riai2 a, ka hlim lutuk hi ka tap thei mai Dawn in ka hria



U Sangzuala nen a kan in kawp ve na pawh thlahnih lai a ni ve ta, chhungte laka in thup re2 in hun kan hmang a a hlimawm rualin achang chuan a hahthlak ve thin bawk.Achang chuan mak ka ti thin ti tak mai a kan induh hi nilo, keiphei chuan ka hmangaih tawh lutuk tlat...Class la kal ve2 kan nih avangin duh ang thal in kan awmdun thei lo a, kan in ngai thin hle a...



"kan chhungte hian min hrechhuak ta se"

Min rawn thlek vut a, ka en chho ve kiau bawk a, nie ka hlauthawng ani manchhuah kan nih vaih zawngin ka pa pa strict ve tak leh pa tawrhhlelh awm ve tak hian min enliam mai2 dawn lo tih ka chiang si a, chutiang bawkin u sangzuala chhungte pawh "lungngai suh i kianga ka awmchhung chu tumah in ala hrang lo ang che"ati sup a, sawichhuak lo mahila min va hnem nep si em



"Adik in be lawk teh ang"ka u in a rawn tih chuan ka thin aphu dup2 mai... "eng nge ni ka u? " kati sep a, a ruk tak chuan ka tim ru hle

"thil awmzia diktak han sawi teh" chang fak tiin a phone a u sangzuala nen a bike a kan in phur lai thlalak min rawn hmuh a nih chu!!! Ka chil ka lem khawlh a, ka dang aro nghal halh mai


"ka thu hriat hi adik loh hram ka beisei ania"a rawn ti leh a, sawi ve tur reng ka hrelo,ka pha thiam hek lo "ihh... Ka..Ka u"sawizawm tur ka hrelo..."ka rin iva ang lo ve Lalrindik min ti zak hle mai!! A pawi thui hma hian bansan nghal ang che " "ka theilo ka u"ka ti dek2 a, rum taka min melh in " Iva han zaktheilo em2 ve kan unaupa diktak ang chiah asin Sangzuala khu!!! Ka theilo à??? Puitling zawk te beng a thlen a apawi lutuk hma hian bansan mai rawh " min chhuahsan hnu pawh chuan ka ding tlawk tlawk a, ka phone a rawn ri a U Sangzuala ani " Bawihi" "umm"
"I nuam lo mi? I aw a dang riau "min ngaihtuah takin arawn ti a, ka tapchhuak Hawk teuh kher mai

"ka ngai che a " a nui ri hawk a " ka lal fanu te reuh hi min ngaih vangin a lo tap tihna em ni??

"ka ngai che " ka ti leh a, nie ka ngai takzet

"ka hmangaih che"rilruih in arawn ti a, Aw Lalpa min thenhrang lul suh aw


Chumi karkhat hnuah chuan ka hrelo,ka hrethiam lo engkim mai a rawn thleng zung zung a, engtin nge u sangzuala chhungte hian min hriatchhuah ka hrelo..Ka pa te an hriattir nghal a, ka mangang ngawih2



"engpawh kan chungah lo thleng se ka hmangaih che tih theihnghilh ngai suh" kan in biak hnuhnun ber tum a thusawi... Beisei hi ava bo si em!!!!


Inchhung a ka pa leh u mama te lo lut ka hmuh chuan ka bing chuk chuk a, mangan na in ka khat a, puitu ka ngai ngawih ngawih...Ka hmai athip zawk a, min beng a, min beng nawn leh a mahse ka pa min Ben na ai chuan ka thinlung hi ana zawk... "Min va han ti zak em2 ve Lalrindik zahpui awm lutuk...min tih muangpho zia hi i hria em? Ka vaw hlum zawk Law law Dawn che mi mawh...zirna tha zawk i duh avangin khawpui ah kan dah che a ti hian maw min rulh dawn a, ka zak,ka zak lutuk ka fanu ilo ni hi ka zak ngawih ngawih "


Ka phone min laksak a, kan khaw lam a zan a zanin min panpui nghal a, kan in kan thlen chuan ka nau Siamsiami tih loh chuan tuman min be ngai lo..Ka room hi ka khawvel ani a, thil ka ei thei lo a, ka mu thei hek lo hmuh theih khawpin ka tla rawk rawk a, U Sangzuala ka ngai lutuk hi ka à mai dawn te hian ka hre thin..engtin tak hun leh ni hmang ve maw??? Ka Nu ka awmdan min hriatthiam pui ber a ka rin lahin kamkhat pawn min be ngai lo ka hmabak chu thinlung na a, thih chauh mai ani tawh



Thlathum aw ka hmangaih nen a min thenhrang na atangin vawiin hi thlathum na chiah ani ta!! Ka nun ve hian awmzia a nei hlawl silo...Ka nunah u sangzuala mipa ka hnaih awmchhun ani chu ka ti hauh lo mahse ka thinlung zawng2 a ka hmangaih awmchhun a ni asin.... "u i muhil Amie? " Siamsiam aw ka hria a, ka mu chu ka thochhuak a, ka khum bulah alo ding kun ngaih a, "engnge a bawihte " alo hawichhuak a a mittui a sur ta zung zung mai!! Min ti hrilhhai lutuk "Siam tinge?thil thleng a awm ami!?" min rawn kuah "aw ka u iva han rethei bik tak em ka lainat em mai che " ka bo tulh tulh thung si..thil dang kan sawi leh hma in ka room ah Chan ka chhungte ho arawn lut sap sap a, eng an hria chu ni hlawm maw " bawihi in siam rawh Aizawl lam kan pan vat a ngai "phawk zet in ka pa chu ka en a...amit a min lainat na lo langchhuak chu engvang nge ka hre silo "ka pa u ..u Sang... Sangzuala chungah engnge thleng " ka aw te chu a khur nasa ta mai...nilo, nilo thleng lul suh se!!!



"ka u u Sangzuala kha kan khaw rawn pan atum a Aizawl bul lawkah a accident a"


Hospital kan luh chuan chhungte ho anlo kim ngang mai kan lut min hmuh chuan an lo ding suau a lainat na nen min lo thlir thup a,sawtiang sawn min en lo se ka duh, ka hmangaih chungah chuan engthil mah a thlen ka phal lo ....Nu Mary (Sangzuala Nu) chuan min tahkhum rawng rawng a, ngaihdam min dil bawk a, chiang takin engmah ka ngaihtauh thei lo..Doctor in 'apawi hle mai a hliam a tuar ta lo ani ' ka tliak hnawp...Ka phal lo,ka phal thei lo


Ka lut a,a hmeltha tak lo duk chur mai chu ka chul a, ka chul nawn leh thil a vawt ngiai mai si...."meng teh" ka sawi zawh rual chuan room chhung chu tap riin a khat nghal a, kan chunga thil thleng hi keizawng pawm har ka ti

"Zosangzual min han en teh.. Meng teh ka ngai che sin i â mi men rawh ka ti" a luhlul lutuk a meng duh lo...Aw bawihte engti zai zia nge ni le? Tawn loh kar khua a sei lua em ni? Kan in tawn na vangkhua lamtluang chhui in chhingkhual zinzia ka lo rel leh asin anka Dam ten min lo chhawn Dawn lovem ni???


Zosangzual I tello a hringnun ka hman i phal em ni vawikhat chauh tal min han enteh ka zuam lo itello chuan...ti hian maw kan in hmangaihna zinkawng chu atawp dawn a? Lung a awi mawlh lo


In then hi kan la phu lo asin...kan phu mawlh silo...
Zosangzual i tello chuan ka zuam lo ka hmangaih che asin!!!!


A hmui hit thler ah chuan ka fawp a
" TIHPALH AW! KA TLAI A"

THE END

Tetei tt Phlatershy



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)