LALHMINGSANGA by JS Kawlni

Story tawi te te emaw luanliamna emaw post na
April94
Posts: 82
Joined: February 25th, 2020, 1:54 pm
Location: Mamit

LALHMINGSANGA by JS Kawlni

Unread post by April94 » May 19th, 2020, 9:21 am

LALHMINGSANGA
By JS Kawlni


" Mate kan lo hmuak dawn che em.? " Bathroom tang ka chhuak chiah tih in ka phone rawn ri ka chhang chu ka pa in a rawn ti a.




" Ngai lo ang pa.. Nula ka nih ve tawh hi mahni in te chu ka hre ve lawm, min ngaihtuah thei lutuk. " Ka ti a.





" Kan tan chuan naute i la ni reng tho.. Chu tia lo hmuah i duh si loh chuan tluang tak a rawn haw i tum dawn nia, i nu phei chuan a ngaihtuah che tih i hriat kha. " Dam thlup a ka pa'n a rawn ti chu khang kum chhung zawng a keimah chiah ka lo in ngaihtuah kha ka in haw letling zawk hial tawh. Ka pa nen kan in biak zawh chuan naktuk mai a Aizawl ka haw tur chu ka huphurh leh hnuhnawh, kum 3 hnu ah ka haw leh dawn chauh chu nia.



Kei hi Lalchhuangkimi ka ni, kum 28 na ka hmang mek.Unau pianpui ka neih loh vang hian ka nu leh pa kiang ah chuan ka in la naute reng mai. Ka thiante chuan ' Kimi ' emaw ' Kim Kim ' ti ten min kau (au) maizel, B. A ka zawh khan ka patéa ai thintlang ah zirtirtu hna thawk in ka kal nghal. Ka pa te chuan rem ti lo viau mahse ka tihluih tlat vang a min kal tir ve thei hram an ni, thintlang ah pawh awm mahila ni tin zan tin kan in phone in kan in be reng zel, hmeichhia ka nih vang hian ka nu leh pa hian min ngaihtuah tak zet bawk. Ka paté aia a kal ka tih chhan pawh ka bialpa leh ka pasal ni mai tawh tur in, hmeichhe dang lak ah min lo rinawm loh san tih ka hriat khan thintlang ah awm bo kha duh ka ni reng bawk.




Ka tleirawl chhuah tang ka mipa ngaihzawn ruk leh a ruk tak a ka vei ngawih ngawih Lalhmimgsanga hian ka rilru mai bak ah ka thinlung thleng hian a hliam nasa lutuk hian tun thleng hian mipa rin na leh hnaih leh chak na reng ka nei theih tawh loh pah. Mizo mipa zingah chuan sang pawl tak a ni ngei ang, a cher chhe lo a, a sa a inkhai thli zarh bawk. A vun a fai sar a, a hmui a sen chek reng bawk, a țawng tam lutuk lo a, a chetzia in min ngaihsak na a tilang thiam hle thin nih kha. Min bum tih hre lo ilang chuan tun ah te hian a nupui ka ni tawh ngei ang, min hmangaih ve ang a ka ngaih vang khan a tih ang ang in ka lo awm tawp zel bawk. Tun hnu a ka ngaihtuah let leh teh hian mi â hlawm tawp ka nih zia ka in hre chiah bawk, ka tan a tha tur duh ber ni awm ang hrim a atawng te khan ka lo hlim in ka lo luang liam zawih zawih thin te khan tun ah te hian ka in haw hlur tawh.



" Au tim tim... In ah i awm em.? " Kan thenawm naupang in kawngpui tang min rawn auh lawng lawng chu ka nui tawp. Kan thenawm nau hian ka hming hi a lam thiam lo a ' Kimkim ' tih ai ah ' Tim tim ' min ti mai zel.




" Awm e... Lo leng rawh. " In chhung tang ka ti ve lauh a, pawn lam tang a ni pawh a rawn khek that mai. Aizawl ka awm na pawh karhnih lai a ni leh tawh, khawlai hi ka chhuak vak ngai lo a tul tawp ah te nih loh chuan. Hmingsanga leh a hmeichhe thlan zawk kha ka hmu ang tih ka hlauh vang a ni pakhat ve bawk, chu tiang ka hmu nih chuan insum zo lo hian khawlai pawh nise ka àn khum hrep lo ang tih ka sawi thei lo.




" Au Timtim... TikTok min tih pui la " Kan thenawm naupang rawn lut in a rawn ti nghal chu ka nui hawk hawk. Tunlai chu naupang té te pawn tik tok an khawih vek tawh nih dawn hi ka ti rilru nuah nuah a, tik tok mi tur video tur ka siam pui tur thu ka hrilh chuan a lawm lutuk chu a zuang ter ter leh nghal.




" Mate he tia in a tawm reng lo hian chhuak vak ve deuh rawh, kan in a rawn leng te pawn i rawn haw tih an hriat miah loh hi. " Zanriah kan ei lai in ka nu in a ti a. Nia, karhnih dawn chu ka in khung tawh thian han tih vak tur hi ka nei vak bawk lo nen in lam ah hian ka tawm deuh tawp zel mai, chu lo ah Hmingsanga te nen veng khat a awm kan nih vang hian khawlai han chhuah pawh ka hreh phah zo vek bawk.



" Nu a hau e... Karkhat dang ka awm leh chuan hna lam ah ka kal leh ngai dawn tho a, he tia in a awm hi ka duh zawk. " Ka ti sep a, ka nu ngaihdan a nih loh hmel khawp mai mahse eng mah chu a sawi tawh chuang lo a.



" Mate naktuk chu i pu ten chaw ei ah min sawm a nia, i rawn kal ve ngei i pu pawn a phut bawk. " Ka hnial dawn tih hre lawk ang hrim in ka pa chuan a ti a. Ka pu te in a kal leh chaw ei chu pawi pawh ka ti lo mahse Lalhmimgsanga te in bul lawk ah ka pu te in a awm vang hian ka kal chak thlawt lo, ka pu te nen hian an in luh chhuah nasa ve ropui bawk nen.



" Ka lo in ngaihtuah dawn nia " Ka ti thei tawk. Hmingsanga ka ngaihtuah piang hian ka thawk hi a rawn buai dawn ziah zel, a tak ah a hmel hmu ta ang ila min bum leh min rinawm loh san te kha theih nghilh in ka ngaidam mai ang tih ka hlau thin.



" Mate i rilru tur chu kan hria lawm.. He tia Hmingsanga hmuh hlau a in a i tawm reng hian awmzia a nei lo tih hre thiam tawh tur i ni chuan ka hria, eng tik ni ah maw chuan i la hmachhawn dawn tih te hi hriat thiam tum ve tawh rawh. " Ka rilru a awm hre thiam ni awm tak chuan ka nu in a rawn ti a, ka nu chu en in ka thaw halh. Ka nu hi chuan min hre chiang ve tawk chuan ka hria, Hmingsanga nen kan boruak a hriat vang a thintlang a awm pawh kha phal an ni.



Mut hmun ah chuan naktuk ka pu te in a ka kal loh dan tur ngawt ka ngaihtuah a, eng chhuan lam nge ka hman ang tih ka ngaihtuah reng na lam ah chhinkhat pawh chhing lo in ka thlei var zak. Ka pu te in ah chuan Hmingsanga rawn kal dawn tih ka chiang khawp mai, a chhan chu ka pu hian Hmingsanga hi a ngaina em a tin ni. Lu rit bur a țhu chhuak in in phih harh turin ka tho chhuak a, eng pawh thleng dawn se kan nih nih kan ni tawh mai ang ti rilru in ka pu te in a kal tur chuan ka rilru chu ka siam a.



Chawhnu lam ah ka nu in ka pu te in a kal tur in min tih tlat vang in ka pu te in ah chuan ka awm vang tawh, kan chhungkhat laina hna nei tih loh chu kan kim thawkhat chuan ka hria. Ka unau te ho hi a zat ve hi chuan nupui pasal an nei deuh vek tawh, hmeichhia ah chuan kei leh Arintei ka nî fanu keimah ang tho a nula senior tih loh chuan pasal leh fa te nei in an phar buai ve tawh khawp mai. Ka ngaihtuah na a ' nula senior ' tih thumal chuan ka nuih a ti zà tlat nih chu, puitling ho hmuh loh tur in pawn ah chhuak in ka nui nghek leh nghal. Kum thum chhung a ka nuih zàt ber tum a ni hial ang chu, chu pawh ' nula senior ' tih mai mai vang in.




" I lo dam thin maw..? " Mittui tla phung leh pum nâ thum a ka nui chu ka tawp chiang khawp mai, ka hnung lam a tang a àw thum leh dam dup in a rawn ti chu tu nge ka hnung ah awm tih ka mit a hmuh kher a ngai miah lo. Ka lung lah chu duh ai mah in a rawn phu rang leh nghal, eng tin nge ka theih nghilh theih ang he àw hi ka mipa hmangaih hmasak ber leh tawp na tur ang a ka ngaih Lalhmingsanga àw ngei a ni tlat.



Ka hnung a ding mipa hmel ka en hma chuan duhthawh tak hian boruak chu kan hip lut vang vang a, muang chang chuan ka thaw chhuak leh siai siai a. In ti paukhauh in leh in hum ruh chung in Hmingsanga lam chu ka hawi a, ka hmuh chian hma hauh tang ka zam chhe nghal der chu ka in haw ngawih ngawih. Min bum in hmeichhe dang min kawp san tu a nih tih in hrilh ru mawlh mawlh in a hmel tha ka tih em em chu ka en a, ka en chiang chiah chu ka thaw halh thei. A hmel chu a ngai reng a that ngai reng in a la tha reng, min melh chhuk run vang chuan ka awm a nuam thei thak lo leh nghal, a hma ang tho khan a mi uap a la nâ reng bawk.




" Dam.. I hmuh ang hian. " Ka ti hmak. Ka tawng kam tang chuan biak ka chak vak lo tih hre thiam ngeise ka tih vang in ka tawng bung hle bawk, a taksa ché awk khawp in a thaw ve halh.



" Eng tik nge i kal leh dawn.? " A rawn ti sup chu ka melh thip viau chuan ka hria. Ka kal hun tur a hriat hian a tan eng hlawk na mah awm dawn lo a ka hriat vang in kal san ka tum chu ka ban rek ah rawn vuan nghal hmiah, a zawhna ka chhan loh vang a min melh ngur Tu chu dak vah hian ka en haw a.



" In be lawk ang. " A rawn ti leh chu ka ban a vawn na chu ka phih sawk, he pa bul ah hian sawi tur eng mah ka neih loh ang bawk in a ni pawh hian ka hnen ah eng thu mah sawi tur a nei bik lo.


" Ka hma ah rawn in lan leh tawh ngai suh ang che. " Ti fiah thak in ka kal san a, ka hnung lam ah rum hrawih ri ka hre nghal zat bawk. Eng vang a min biak pawh chu duh nge maw a nih phiangsen chu le, zahna te hi a hre thlawt lo a nih tawh dawn kha. In chhung ka luh hnu rei lo te ah Hmingsanga pawh a rawn lut ve nghal tih ka chhungte phusa tang ka hre thei, Hmingsanga pawh ngaihsak lo chuan kitchen ah ka lut bo nghal hmak a.



" Kim... Hmingsanga rawn kal sia i lung leng thar leh lo maw.? " Arintei'n kitchen rawn luh pah chuan a rawn ti sar sar a, rum tawh hian ka lo melh hrep. Hmingsanga'n min phatsan tih a hre ve reng, min ngamtlak vang a rawn sawi a ni ve hrim hrim.



" Kim... Hmingsanga'n zanriah a rawn ei ve nghal dawn nia. " Arintei bawk in a rawn ti leh chu ka melh kawk.



" Eng vang in nge a rawn ei ve ngawt a nga.? " Ka ti vin that. Arintei pawh a phu zawk, tawngkam vin hi ka hmang khat ve em bawk a tin ni.



" Ka pu in a sawm lawm... Nikum tang khan ka pu hian Hmingsanga hi a chhawr tan bawk, thintlang ah i awm reng a eng mah pawh hi i hre lo reng nih hi. " Min la ti zek zu. Eng vang in nge ka pu chuan Hmingsanga ber kher a chhawr ang tih ka lo ngaihtuah leh daih tawh, a chhan tur awm ang ka hriat loh em vang chuan ka thaw halh.



Ka la sawi lo in ka hria Hmingsanga hi lawyer hna chelh lai mek a ni, ka pu hi Aizawl pa hausa ti a sawi theih a ni ve tlat. Veng hrang hrang ah dawr leh in dinglai hi a nei thluah bawk, ka pu hi kum upat lam a nih tawh vang hian a rosum vel sem darh duh in Hmingsanga hi a ruai ah ka ngai nghet hmak tawh. Mahse a ni berkher nen a dawhkan han kil ho chu ka chak fahran lo khawp mai, a nupui leh fa ten ka pu in a zanriah rawn ei tur hi an hria ngem? Tih te nen lam ka ngaihtuah nghal dap, thaw zing lutuk hi ka thaw leh halh thin. Eng pawh huam a ka pu te in kal ka nih lam reng ka hre leh tawh lo reng reng Hmingsanga ka hmu tang, midang pasal ni tur ang hian ka la ngaihtuah ngai miah lo.



" Mate eng tik maw i kal leh dawn. " Zanriah kan kil lai in ka pu in a rawn ti a, ka pu lam chu ka en vut. Ka mawl hmel ngawt ang chu, ka hma a thu hi awm lo seng chuan ka rilru kawm in ka awm miah lo ang mawle.




" Ih.. Karthar ah ka kal ang. " Ka ti sep. Lalhmimgsanga lah chuan ka lak tang a mit zú han lasawn duh thak lo a, ka chhungte hi chu awm lo seng chuan ka pu te in tang hian ka chhuah tir vang vang tawh ang.



" I kal kher a ngai tawh lo ang.. I patea pawh he lam ah an sawn tawh dawn kha. " Ka pu bawk in a rawn ti a, hna thawk lo a in ah awm mai mai ka duh teuh lo mai. Ka patea he tah an sawn dawn nih leh hmun dang ah ka zirna zawm tur in ka awm mai ang, ka hma a thu leu luau pa nen a vengkhat kan awm pawh tih tawh naklai a. Eng tik ni ah maw chuan a nupui leh fa te nen ka la hmu awm sia, ka ngaihtuah na chu duh lo in ka lu ka thing nawk rual chuan Hmingsanga rawn rum nghut thawm ka hre zawm zat.




Zanriah kan ei zawh a haw ka tih chuan ka nu ten ka pu te in a ka riah tur thu min hrilh chu ka ner nawng nawng, thenawm lawk ah ka mipa hmangaih leh a nupui te an awm tih hre kur in eng tin nge ka mut theih ang ni. Ka pu hi tarupa lam a ni tawh ka tih tawh kha, a fapa naupang ber hian nupui a la neih loh vang in ka pu leh patea aia ka kal na leh awmpui pakhat tih loh chu ka pu te in ah hian cheng ve dang an awm lo. Ka pi hi naupang ka nih lai in cancer vang in min boral san tawh bawk, ka pa in riak tur a min tih tlat vang in ka pa thu ka hnial ngam lo ti tawh mai ang ka riak ve dawn chu nia. Ka nu leh pa haw tur pawn thleng ka thlah inchhung a lut leh mai lo chuan pawn ah chuan ka ding reng a, naktuk ah ka pa bia in zirna chhun zawm ka duh thu ka sawi pui ang ti rilru chuan inchhung luh ka tum a.



" Eng tia rei nge biruk i tum a.? " Gate pawn tang mipa aw thum leh khauh fak hian a rawn ti a, ka hnung chhawn ka pu te gate lam chu muang ruih hian ka leh hawi chu ka lung a rawn phu rang leh ngal zawih zawih tawh. Nga ti nge Lalhmingsanga ka hmuh piang a ka lung hi a rawn phut ran nghal zawih zawih reng na chhan hi tun thleng hian ka la hre thiam thei lo, gate pawn a ding palian pui chu melh ngar in ka thaw halh.


" Eng tia rei nge min tlan bosan dawn.? " A mahbawk. Ka sà zak mai, a mi tih dan chu a ni hmu duh lo a tlan bo ang a min ngaih chu ka pai dam thei bó lo, leh lam kawng zawng tak chuan dik mahse ka duh chuang lo.



" I rawn kal hi i nupui in a hria em.? " A zawh na chhang lo chuan ka ti hmiah, ka àw kà rik dan ah pawh ka ngaihnep zia a lang chiang viau ang chu.


" Nupui ka la nei lo. " Gate hawng a rawn kal in ka hma ah tak rawn ding chung chuan a rawn ti bul vut, gate pawn lam a awm chung pawn a mi uap nat tawh tehreng nen ka bul hnai a awm leh ngat phei chuan ka thaw tawh pawn ka ring lo. Ngawi lawk tun ah khan 'nupui ka la nei lo' a ti mi khah.! Thu awihawm loh lutuk a sawi vang chuan nui hak in a hmel tak run leh mit meng pa hrak, hman a ka lo duh ruk leh vei em em na a min en ang chiah khan min lo chhuk melh ngur chu zam map lo in ka en let ve siah bawk.


" I dawt phuah chawp awih tur in ka naupang tawh lo Lalhmingsang.! " Ka ti fiah that, a ni reng bawk a nula senior ka ni tawh dawt in hrilh kual mai mai awih tur ka ni tawh miah lo bawk.


" Dawt ka hrilh ngai lo che. " A rawn ti leh hmuk chu ka pu te pangpar khawi na pawn a an dah hian vuak thluk tawp a nia ka duh tawh ni.



" A nih vel ka ring. " Elsen zet a ti in ka nui pah kher bawk, a ni biak hian awm zia awm dawn lo a ka hriat vang in ngawi rengin inchhung luh san ka tum a.



" Lalchhuangkim i thu duh lutuk leh luhlul vang hian kum 3 chhung kan in ti nâ tawn ve ve tih te hre thiam tawh tur chu i ni chuan ka hria. " Ka hnung chhawn zo ziah tih ah tha chak lutuk in min kuai her nawk in, thinrim lutuk a Hmingsanga rum ri chhur chhur leh ka darah min thin nawk nawkna vang chuan ka lu hai chhu thei.


" Min thlah rawh ka lu i ti hai zo dawn. " A thinrim pawh ngaipawimawh lo hian ka ti vin tuar a, ka hmai zawn a rawn kun hmiam in hmai sen tawn leh a mit a min thah mai duh tawh maw tih mai tur a rum hian min en ngur a.


" Naktuk ah ka office ah rawn kal ang che. " A hmel thim khup leh min tih nât hreh miah loh chu hmai si dawn dawn a en in ka thaw dep dep, muang ruih hian ka chal ah a chal rawn nghat in a ti hmuk bawk. Ché hmek hmuk lutuk, min awm hnaih bawk nen ka lungphu rí te chu a hriat hial ka ring, ka chal a chal nghah na pawh hriat tak a ni a sâ vut thei.


Mut hmun ah chuan zanin a Hmingsanga sawi kha ka ngaihtuah a, ka hmangaih leh ka pasal tur ang hial a ka lo ngaih tawh hmel ah khan nât na ka hmu thei. A chang leh lo nâ mai mai rawh se ka ti leh thul, ka awm dan tak pawh hi ka hre thiam tawh lo ka buai zo vek kum thum hnu a Lalhmingsanga ka hmuh leh vawikhat na vang mai hian ka buai zo tawh a nih hi.!


In nei mai tawh tur a kan in puah chah lai in Hmingsanga first love in thim thet thet ah raipuar euh in, Hmingsanga a rawn luh khung khan ka â chhuih thei. Ka awm ve reng lai a ni bawk, kha tih lai khan eng tin nge in ka thlen tih tun thleng in ka la hre lo. In ka thlen khan ka room ah lut in ka thawmhnaw luggage ah ka khung mawlh mawlh chu ka nu in min rawn sawi nawk khan ka harh chiah bawk, mumal lo zet in ka patea aia thintlang ah ka kal tur thu ka sawi bawk a nih kha. Ka nu ten thil awm zia min zawh pawn eng tin mah ka chhang thei lo, ka tap tleivar thak bawk.



Kha tih lai a ka nât na em em chu ka haw hnu pawn ka chanchin ngaih ven miah lo a, kha nu a first love a buai pui khan min ti tlawm mai bak ah thinlung kéh sawn vek in ka awm phah. Ka tleirawl chhuah tang a ka mipa duhthusam leh ka pasal tan hial a ka duh ngei mai a reh tlawk tlawk kha ka tan chuan a nâ sin, eng nge maw tak rawn sawi se Ruati ( Hmingsanga first love) naupai kha a fa nih loh thu rawn sawi selang chuan ka pawn leh em em ang.! Mahse eng mah a rawn sawi loh mai bak ah a reh hian a reh tlawk tlawk, ka chhungten Hmingsanga nen kan chanchin an hriat ve khan ka patea aia min kal tir ta reng bawk, ka pa chuan remti chiah lo mahse ka nu in min lainat leh min khawngaih vang in ka pa a lo bia niang chu ka pa pawn Hmingsanga nen kan chanchin a darh hnu ni hnih na ah ka pa ngei in thintlang ah min hruai.



Hmingsanga te in a Ruati'n ka pasal hual karkhat vel awrh chauh in min dang tawh tih a ka pasal ni mai tawh tur a rawn luhkhung khan theihnghilh tum in thintlang ah ka tawm bo san a, kum thum teh meuh ka awm bo san pawn nikhat te mah Hmingsanga hi ka theihnghilh ngai lo hrim hrim. Theihnghilh chu sawi loh a ngaih hian ka ngai ngawih ngawih zawk kha ât daih te kha ka duh rum rum zel, tun thleng pawh hian ka la ngai in ka la thlahlel hle tih zanin khan ka in hre tawh. Ka ngaihtuah na vang chuan khum a mu meng kur in ka thaw leh halh halh thin a, naktuk chuan ka kal ngei tur a ni naupang chhia tak a tlanchhiat san hi ka sim a ngai tawh. A hrim hrim in kha tih hun chhung zawng a min rawn be miah loh pawh kha chhuah chhal ka chak tak zet bawk, kum 3 hnu ah a in sawifiahna ka hre ve dawn chauh chu nia.



" I rawn kal chu ka lawm hle mai.? " Hmingsanga'n a office a kal tur a min tih ang ngei chuan ka kal a, mahse ka beisei miah loh mihring ka hmuh in min thawn dan chu ka sawifiah thiam lo zawk. Hmingsanga office room ka lut chiah tih in Ruati lo awm reng chu ni in, min lo be tu pawh Ruati tho. Hmingsanga chu a chair ah thu in dawhkan hnum hlarh ah a kut hrawl leh hlai hlup chu nghat in min lo melh ngur a, eng nge a ngaihtuah tih hriat tum a a mitmu uk fiah kharh a ka en pawn a ngaihtuah tur awm ang ka hre thiam lo. Ruati lam chu ka en leh a hmeichhe hmeltha tak a nih mai bak ah pian nalh tak a nei tel bawk, kei nen ka in khai khin lo thei lo Ruati lak ah chuan kei ve chu ék ang vel ka ni. Ruati hi Miss chapchar kût ni pha ngat a ni ve nia, ka lo in khai khin chu ka in sit leh hnuhnawh.



" Lo kal la Kim.. " Ka bul ah Ruati rawn kal pah a ka ban vuan a ti chu ka en haw, min huat ka rin nen a hmel ah chuan min lawm zawk a maw tih tur khawp in hmel hlim sar min hmuh te chuan min ti hrilh hai zawk.


" Kim.. Eng lo a nia.. " Hmingsanga dawhkan hma a chair pahnih awm ah Ruati nen pakhat ve ve a kan thu chu Ruati'n a rawn ti sep a, a aw rik dan tang chuan a rilru háh ve hmel lutuk. Eng mah ka sawi thei lo ka kà hi a chih tlat, chu tiang bawk in Hmingsanga pawn eng mah a sawi bik lo ngawi run in a hma a hmeichhe pahnih chu min en ngur ringawt.


" Kim kim... A hmasa ber tan kum 3 liam ta a Hmingsanga nen a in inkar a ka lo tlak zeh vang in min ngaidam dawn nia. " Thaw halh in a ti leh te te a, kei lah ka rilru lo hmanhmawh tawh bawk sir chu ka kut ka sik neuh neuh tawh. Sawi vat vat se ka tih zia chu..!


" Kha tih lai khan duhthlan tur ka neih loh vang a ni, Hmingsanga nen kan chanchin chu i hre tho chuan ka ring a. In ngaihzawn na lam piah lam ah thian tha tak kan ni tel bawk, nupui a neih a duh thu che pawh ka hre hmasa ber ang tih tur in kan in close ka tih na nih chu. " Nui hak chuan a rawn ti a, kei lah ka thin a phu dep dep tawh ka ngaihthlak duh miah loh a rawn sawi ang tih ka hlau tawh khawp mai.!


" Kha tia pehhel kual lo khan sawi vat ta che.! " Ka dawh theih na in a tlin tawh ngang lo chu ka ti vin tur a, Hmingsanga rawn nui thum hak chu ka melh rum vak. Ka dawh theih loh zia a hre chiang bawk em a tin ni, Ruati chu ka vin vak vang kha ni ngei ang mak ti tak hian min melh kawk a.


" Awle.. Ka sawi tlang nghal tawp tawh ang.. Kha tia ka ruak lo tih ka hriat khan ka hlau thawng in tumah pawh hrilh lo in Shillong ah ka kal daih nih a, ka naupai na pa lahkha mipasal a lo ni leh zel nen. A tir chuan ka hre bik lo nupui pawm lai nei a ni tih kha, nau ka pai khan ka hre chiah bawk.Ka naupai thla nga (5) na ah chiah mizoram ah ka rawn let leh khan Hmingsanga hi ka rawn pan tawp, ka rawn kal hun kha a fuh lo tih karkhat hnu vel ah chiah ka hre leh hnuhnawh bawk.



Biak che ka tum pawn Hmingsanga hian a phal lo tlat kha tun thleng pawh hian ka in thiam thei lo, min ngaidam hram ang che keimah vang a i nât na zawng zawng kha tih dam sak theih che ka neih chuan ka ti ngei bawk ang. Chuan keimah vang leh bawk a i pasal neih tur ka thulh tir che vang pawh khan min ngaidam mawlh mawlh dawn nia, khawngaih in he ka thian mimawl lutuk nangmah lo nghak
ngat ngat tu hi pasal ah nei hram ta che. " Nui hak a ti chu kei pawh ka nui ve tawp, ka rin loh lam daih a sawi vang a ni pakhat bawk. Chuan ka thawl huai hian ka hria, kha leh chen Hmingsanga ka theihnghilh theih loh chhan kha hei vang hi a lo nih dawn hi ka ti rilru a. Ruati'n in pahnih a sawi ve hun tawh tih leh min chhuah san a rual a, ka thu ngawi kar tawh. Chu tiang bawk in Hmingsanga pawn sawi tur a nei bik lo niang min melh run in a thaw leh hak thin tih loh chu thawm dang han hriat tur a awm lo.


" Ih.. Nga ti nge eng mah i sawi duh miah lo a.. Ka tih awm zia chu khang kum chhung zawng khan. " Minute 5 vel kan ngawih reng vang chuan ka ti phawng a, Hmingsanga lah in min lo en uluk ropui bawk nen ka zam chhe lo chauh tawh. A vawikhat min hmuh na ni awm hrim a min melh vung vung chu ka hmai a rawn sâ hat leh nghal, he tia min en vung vung hian ka ché lai tlat zel. Lai rual ni tawh lo mahila Lalhmingsanga lak ah hi chuan ka lai reng dawn a nih hi, ngawi ngul a min en chung in a thut na tang a rawn ding chhuak ruai ruai chu chil lem dawk in ka en tawp.


Amah a palian in a taksa in phut mawi tawk nen phei chuan ahma a thut mai mai pawh zamawm duh tak a ni, a dawhkan rawn kal hual in ka thut na lam a rawn kal chu thinphu dep dep hian ka en chho haw a. Ka thut na tang min pawt tho lawp in a taksa phiarfat leh nghet charh ah min kuah bei thlawp chu ka thaw hawk, khang kum chhung zawng a ka lo thlak hlel ngei mai a awm a min kuah chu ka him in ka lawm veng veng. A lungphu ri te chu ngaithla in thla muang tak chuan ka kuah let ve a, a kut a ka biang rawn khaih in ka khabe ah rawn vuan leh nghal in a hmel en tur chuan min kuai dak a.


" Tun chiah ka sawm leh ang che i pasal a tan min la duh reng em.? " Thum dut a rawn ti chu ka nuih nghal ver ver, min sawm nawn tawh loh ang tih ka hlau vang chuan 'aw' tih nan a hmui sexy leh lum ther ther ah chuan dingdîhlip ak ak in ka han fawp a. In lak hran leh ka tum chu ka kawng ah a kut pakhat a rawn vuan in ka khabe la vuan reng chung in thuk leh ril zawk chuan min rawn fawp let a, ka thinlung hi a hlim veng veng khawvel mipa ka hmun tawh a zawng ah mipa parfect ber mai LALHMINGSANGA nupui ka nih dawn vang in.



A TAWP TA...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)