FIRST LOVE By Mahruaitei Pachuau

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

FIRST LOVE By Mahruaitei Pachuau

Unread post by Ngaia » May 19th, 2020, 10:28 am

fdfdf.jpg
fdfdf.jpg (31.02 KiB) Viewed 6894 times

FIRST LOVE..
(Thuruk inthup)
By
Mahruaitei Pachuau





School bell a rik ral ral chuan drill tur in room a tang chuan kan chhuak sap sap a,first day te ni bawk a,kan phur hlawm in kan ri chel chul a,ka thiannu nen chuan kan uang dun ve viau mai...

Drill a zawh chuan room lam pan in kan lut leh ta sap sap a,higher student kan ni a,12 zir tur in school kan tan leh a ni..11 ho kha chu kan lut leh vek a,school dang atanga 12 rawn lut te pawh tlem te chu an awm tho,lut thar tih loh chu kan in hre tlang vek tho a,ka thiannu Rosie nen hi chuan tet te atanga school khat ah kan kal ho zel avangin kan in kawm chho zel a,tunah higher chhuah thlengin kan kal dun leh dawn chu a nia..
"Awi,lalrosie,nizan chu Korean film a ka star pa kha ka hmu a,ka harh zawk a,,ka ngaihtuah vel a,ka mu har angreng sia,tunah te hian ka mut a chhuak"tih pah chuan school dawhkhan ah bawh ka rual nghal a..
Rosie nuih a za ngang mai...

"Hey,tho teh,en teh,vat"a ruk chuan min rawn hrilh ru sa sa a..."Engmaw" tih pah chuan a sawi na lam chu kan hawi zauh a...
Rawlthar chhe lo zet mai,sang fahran,keimahni ang rual vel tho a ni,uniform a in hmeh bik e,nikum a kan class a mi kha chu a nilo, school dang atanga 12 zir tura rawn lut a ni,a mitmeng chu a cool reuh sia,a aw te chu a man reuh lutuk,a nuih phei chuan awiii,chhe lo khat tlat hi nimai...Ka star nghal tawp...
"Hey, Evelyn,en reng suh"tih ri chuan min ti phu zawk mai,duh aiin ka lo en rei mah mah deuh a ni..mahse en loh theih loh tlat a lawm,hmeichhe dang pawn an en nasa emai,a in hre ve tho ang.
Mipa lane tlar lai a sir ah chuan a thu ve a,mahse a tawngtam vak bik lo,kan thutna tang chuan ka hmu chiang thei rapsss....
Kan lecturer te an lo lut a,introduction te kan in pe liam liam a,ka star pa chu a hun a lo thleng a..
"My name is MALSAWMSANGA...."...
"Ummmm,MALSAWMSANGA,ka theihnghilh mai mai lo ang,malsawmsanga"ti rilru chung in ka nui deuh sak a...
Lecturer awm lai te chuan ka va melh leh zauh thin a,midangin an hriat ka hlau ve bawk si,a thutpui pa nen an in biak kar lak ah chuan a nui ve leh zauh thin,a nui hmel duhawm zia chu aw,a man hliah hliah hi ni tawp mai...

First day chu a zo dawn ta,ka va kham lo reuh tak êm!
Kan haw kawngah chuan ka thiannu chuan"Evelyn,vawiin chu I hlim ru nileng thak in ka hria,lo lut thar pa vang khan a ni ngei ang"
Nuih za em em chuan min lo fiam a..
"Hey,sawi ring suh,naa,ka hre lo,maithei,ehhhh"Kan sawi zawng ringawt pawhin ka lai thei nia...

In ka thleng a,kan school kal mek na ni mah se ka nu leh pa te chuan school chu a nawm hmel ka tih leh tih loh te min zawt nghal a,nuam ka tih thu ka hrilh a,an lawm ve ngei mai,nia,nuam ka ti lutuk,kha mihring,Malsawmsanga vang vek kha mawle,a ni awm lo se a nawm hmel tiin ka chhang kher a ngem aw...hahaha...

Chhungkaw khawsak ah pawh a vantlang chung hret an tih ang hi kan ni pha ve a,ka pa hi sawrkar hna a thawk a,dawr lian tak kan nei bawk a chu chu ka nu chuan a enkawl thung,unau dang ka nei lo a,keimah tehtlawng hi ka ni mai,a duat pawh min duat na rawh e,thenkhat te chuan fapa mal/fanu mal chu duat sual a awl an ti thin ,mahse min duat a vanga thil sual ka tih ve chhin tak erawh ka hre lo,ka ti ngai lo ve tlat...

Lehkha zir tur pawh a la awm lem chuang lo a,chaw te kan eikham fel hnu chuan chhungkua in tv te kan en ho ta mai mai a,school chanchin te min zawt khat tawk reng a,ka rilru ah erawh Malsawmsanga kha a châm tlat...
Higher kal tawh te chuan star emaw ngaihzawng emaw tuipui rual chu Kan ni ve tawh lawm,middle school naupang te te pawn ngaihzawng an ti ve sup sup tawh a,kei tak chuan star emaw hi ka la nei ngai lo,Korean film a a changtute ka star bak chu,mahse Malsawmsanga erawh a dang ta tlat a,ka rilru in a vei ve tlat...ka star hmasa ber a ni ka ti lo thei lo...


A tukah chuan ka in siam sawk sawk a,ka helhhawlh ru hle,Rosie ka sawm a,school kal tur chuan kan chhuak ta vat vat a.
A ngai te bawkin a tlai pawlah a tang leh tawh,kan kal hma angreng a,nghah chhung pawh a rei,a ruk a nghah chhung..Lehkha zir pah hian ka thlir nileng ve ziah..
Lunch break a nih hian canteen a kal te,room a tiffin ei tawk pawh kan bo lo,Sawmsanga pawh canteen a mi an la a,a thianpa nen room ah an ei mai thin a,a thianpa a awm loh pawn amah in a ei mai thin.
Vawi khat phei chu a thianpa kal loh tumin room ah thil a ei laiin ka lut fuh tawh a,ka lai nghe nghe tawp,biak ka chak ve sia,ka ngam chiah bawk silo a,zahzel ah "Sawmsang,tui I pai em?"

"Aih,pai miah lo,filter tui saw ka ring tawp mai,a awlsam a"min chhan pah chuan a nui mai a..

"Kha hei hi in rawh,ka pai a lawm"

"Aih,a ngai lo"

"In ve reng reng rawh"
Ka zah theih loh ka chhuah ve tawp..Ka tih luih tak ah chuan"ka lawm e" tih pah chuan a in nghal a,ka lo nuih var var...

"Tinge,nangmah chauh a I ei a,khawnge I bula thu pa kha,a hrim hrim in tinge canteen ah ei lo a,room ah in ei tlat zel a"Kan zawt ngawt a.


"Aa,vawiin chu a lo kal thei lo a nih hi,,tui inna a hnai a,a awlsam ka tia,hahaha,taktaka,canteen chu mi an tam thei sia,ka peih ve lo,class a fianrial deuh a ei hi kan thlang zawk"atia a nui mai a...
"I van ho tak e aw"tih pah chuan ka lo nuih let a.
In be tam lo mah ila,a hma ai chuan a zia reng reng..
Mak deuh chu,kan class ah hian mipa dang ang in a tawng bawrh bawrh ve ngai lem lo,bakah mi cool chi a ni ve deuh pawh a ni mahna...
Kan class chuan whatssap group kan siam a,siam loh theih a nilo,thil pawimawh kan in hrilh tawnna kha a ni tlat a..Sawmsanga te nen group ah chuan kan awm ho a,kan tawng peih tlang ngei mai,mahse Sawmsanga chu thil pawimawh ah lo chuan a rawn che ve ngai lem lo...
School kal ho ta reng chu kan in hrechiang chho tan a,a bikin Sawmsanga ngat phei chu ka ngaihven ru zual.
An khawsak a pangai a,mahse a nu leh apa te chu inthenin apa chuan nupui dang a nei leh tawh nghe nghe a, Sawmsanga te unau hi pahnih ni u hmeichhia a nei a,a nu hian pasal dang neih san lo in a tulpui ta zawk a,Anu hi Transport ah a thawk a,A u nen lehkha an la zir thung,chu chu an chhungkaw eizawnna leh an dinhmun chu a ni...
Kan class mipa ho chu an inti tlangvalin ngaihzawng te pawh an nei nawk hlawm a,mak tak maiin Sawmsanga hi a luck tehreng nen ngaihzawng lam zu buaipui teh chiam lo a,high school lama hmeichhia a hmu ho te pawn an en zui dauh dauh hlawm zel..

Ka star si,tihngaihna ka hre lo,ka zak ve bawk sia.
Vawikhat phei chu Sir Rinawma class a ni a,zirlai kan zir a,mahse a rukin Sawmsanga chu ka lo va en veng veng pek a,kan zirlai ka en tha lo chu Sir in min man chhuak a nih kha,min din tir a,Sawmsanga ngei pawh chuan min lo en ve zui,awiii ka zak lutuk hi ka sen tawn tawn thei..Vanneihthlak deuh chu ka zirlai ka ngaihsak loh chhan an hre lo kha a ni,mahse ka zak ru chem chem tho..

Kan in kawmngeih phian a,a fel pawh fel,lunchbreak te chuan kan pali chuan eiturte chu kan ei ho a,kan in kawmngeih tlang a,in ngaihzawng lo mah ila amah star tu te chuan min thik ru deuh tih ka hria,keipawh ka star tih chu a hre ru tho maithei,whatsapp lamah te pawh kan inbia a,mahse ka star tih hre lo ang hmiah in a awm...

Ngaihzawng a neih chu hre lo mahila,a nei palh anga,ka chân ang tih ka hlau ru bawk sia,min be chhe lo a,ka thik tur ang deuh te a awm chang a nei ve ziah.
Zan khat chu aman min lo be hmasa a,a tuk weekend a lo ni bawk nen,ka zahtheihlohna sawm khawmin kan sawipui ta rawih mai nih kha..


"Sawmsang ngaihzawng hi i nei em?"

"Nei lo e"

"Tinge I neih loh reng a,star tu che an tam nen"

"Chuti chu ka nei tak tak dawn mi,hahaha"

"Aih,ngai lo"
Ka reply rang mah mah tlat...

"Ehh,timaw"

"Kan inkawm thei tawh lo palh ang"

"Chhuanlam I siam thiam lo emai"

Engmaw,ohhh,hehehe.....
Taktaka,Sawmsang ka star vang che"
Ka sent hreh lutuk,en lo in ka sent vel,ka inlukhup thul...

Reilote ah min rawn relpy,ka en hreh bawk sia,ka en chak bawk si,

"Kei chu ngaihzawng nei thei ka nilo lawm"
Umm,ka rin dan ang chiah tho a ni...
Mahse ka zak veng veng...

"Tinge?"

"Lehkha ka zir chhuah phawt lo chuan ka nei thei lo a,ka chhungte chawm ve te ka ngai dawn lawm"

"Ummm,ka hrethiam e"

"Muttui aww"
Min rawn ti nghal..

Ka hnual rawih,ni e,ka tan chuan ka bialpa ti a sawi theih a ni dawn ta lo chu nia,ka duh tehreng nen,beiseiawm a ni ta silo,ka rilru na veng veng...Ka nasa in ti mai thei,mahse ka dinhmun angah hian ding ve chhin ula chuan maw tih loh harsa in ti ve viau ang,bei nge sei rûn dung an tih ang khan zah leh zah tiin ka hrilh tawp mai nih kha..
Class ah chuan kan in be tam ta vak lo,amah chuan engmah hre lo ang maiin min be bawrh bawrh tho a,mahse biak that chu tlawmah ka la ve tlat...mahse min biak chhiat loh avanga lo biak chhiat ve ngawt thu a awm silo...


Kar khat hnu velah chuan zankhat chu min lo phone a..

"Evelyn,ngaihzawng I nei bik lo ang tiraw"

"Nei lo e,tinge"

Athat chu...eng lo..eng lo a nia,min la duh em?"

A a thut a mawnle,nge chutiang te min zawh le aw..

"Sawmsang enge I sawi awmzia?"

"Aa,inngaizawng ila,min duh a ni lawm ni,nge a reh tawh zawk?"
A rawn nui deuh hak a..

"Aih.......ih..reh lo,ka....ih...ka...nia...zep lo chuan..ih..ka la duh che lawm...mahse,zirlai zir zawh phawt ka duh I tih kha"
Kan ti bah nuai pek a.


"Ka ti mai mai nih kha,keipawn ka duh che,tun a tang chuan ka bialnu I nih tawh kha aw"
Ka lawm lutuk chu ka au chhuak lo chauh...
Mahse,ka nu leh pa te erawh engmah ka hrilh hrih lo,nakinah te chuan ka la hrilh mahna...

Sawmsanga chuan min care em em a,amah star tu te chuan min thik thei tawp,mahse nuam ka ti veng veng mawle..
Kan chhungkaw chanchin hi a hre chak thei tawp a,ka nu leh pa te hnathawh te ka hrilh a,unau dang ka neih loh vanga ka mal thin thu te ka hrilh thin a,ngun en em hian a lo ngaihthla thin..A nuam awm bik,I pasal a vannei ngawt ang hi a ti ve ziah...

Ka nu leh pa te chu ngaihzawng ka neih thu ka hrilh a,min hau lem lo,keini ang rual ah te chuan hun lo an ti tawh bik lo a,mahse fimkhur tur in min chah uluk em em thung...

Nikhat chu bazar ah kan school thil mamawh lei tura chhuah kan ngai a,ka pa nen chuan kan kal a,chumi ni chuan Sawmsanga pawh a lo chhuak ve niin,ka pa hrilh in restaurant ah in hmu tur in ka hrilh ta a,thil tih zawh loh a neih avangin kan lo thleng hmasa a,a hnu reilote ah chuan a lo thleng ve a,Ka pa in Sawmsanga a hmu chu a lo be bawrh bawrh a,kan ti ti tlan hnu chuan kan haw tlang ta a...

In kan thlen chuan ka pa chuan"Nubawih,kha kha maw I thianpa chu"tiin min zawt nghal a..

"Aw ni e,pa,enge a an?"

"A that kha,ka fanu in bialpa a nei tih ka hre ringawt a,a taka ka hmuh khan rin harsa ka ti teh e"min nuih pah chuan an room ah min luhsan ta daih a...

Hmmm..ka pa mai mai chuh ti rilru neuh neuh pah chuan inthlak turin room lam chu ka pan ve nghal a...


Sawmsanga nen chuan pangai takin kan inngaizawng ve zel a,thla 6 vel kan ni ve tawh ang tih hian enge maw sawi leh khut hi a ching thin"Evelyn,tunkum chu ti hian kan in ngaihzawng anga,kum tawp ah chuan kan inthen maithei a nia aw"tih thu hi nuih pah chuan a sawi leh thin,mahse ka ngai thutak lem lo...

Hun te chu a liam ve zel a,exam te kan han nei chho a,board exam te a nih vang chuan Sawmsanga nen pawh chuan kan in be tam lutuk lo,thahnem ka ngai in tih that loh ka hlau tawp..
Pathian zarah result te chhuak a,1st division ka pass ve hlauh mai,Sawmsanga chu kei aiin a ti tha, Distinction ah a pass tlat,kan va in lawmpui dun tak em!

Pass lawm pahin tiin kan chhuak dun a,present tha deuh mai min pe a,mahse kan awm dun lai chuan hawn a phal lo,keipawn ka present ve tho a..kan hlim dun kher a sin,Tlangnuam view ah kan kal dun a,a hmun a nuam reuh phian,lung a ti leng chem chem thei..

"Evelyn,hman a ka thil sawi kha I la hrereng em?
Tunkum chu kan in ngaihzawng anga,Kum tawpah chuan kan inthen mai thei ka tih kha,tunah chuan chu hun chu a lo thleng ta"an ti sap a..

"Hey,nge chutiang te I sawi,I fiam thu a ni ngei ang"
Ka la nui ver ver thei...

Min kuai her a,ka mit ah chiang deuh a min en pah chuan
"Dawt ka sawi reng reng lo,thu dik ka hrilh che nih hi,I la hrethiam telh telh mai ang"

"Inthen ngai khawpin engthil nge ka tih a,ka awi thei lo"

"Then che chu a harsa ka ti ve tho a lawm,mahse,kan in karah I hriat loh hian khi a awm tlat,inthen lo thei kan nilo"

"Nilo,chutiang ringawt a ni thei lo,min hmangaih kha"

Za lo deuh hian a nui hak a,ka nuih erawh a za ve miah lo...

"Inthen harsa ka tih vangin ka then loh phah ang che maw,ka hmangaih hleinem che,ka bawl mai mai che nih kha,kha chu I lakah game ka khel a nih kha,min duh tih ka hai lo a,chuvangin ka khawngaih nihpui mai mai che lawm,chuti a hnu ngaihzawng te tunge care lo bik ang le,chutiang chu I laka ka tih avangin ka hmangaih turah che I ngai a,I ti sual let der a ni" hniak phawi map lo hian min han ti ta piap piap mai nih chu!


Sawmsanga hi enge awm zia le,min tih der ni turin ka ring a,mahse a thu tak phian si,"lo kal rawh,haw tawh ang,I chhungten an ngaihtuah lutuk ang che" tih pah chuan a kal nghal a,ka rilru a buai nuai nuai mai,mumal pawh ka nei hleithei lo, Sawmsanga chu ka zui ve tawk tawk a..
Kan in compound pawn thleng chu min thlah a,ka chhuk nghal,
"ka tih palh lutuk" tihpah chuan a let leh nghal..

Ka vai ruai mai,in ka lut chu ka nu in eirawng a lo bawl a,inthlak nghal turin room lamah ka lut nghal a..
Swmsanga min present chu khumah ka thehthla thuai a,a let bal mai,ka tah chhuak lutuk,present chu kan chhar leh a,phur lo deuh chuan kan hawng a,a chhungah chuan silver thi leh bengbeh nalh deuh mai hi a lo dah a...

Sawmsang,star emaw duh emaw ka la nei ngai lo a sin,ka hmangaih hmasak ber I ni a sin le" ka mittui chu a luang zawih zawih a...

Chu bawm ah chuan lehkha a lo in zep tel bawk...chu lehkha chu ka chhiar a...


"Evelyn,he thil I chhiar hma a thil thleng hian a ti hamhaih che in a ti beidawng ngei ang che tih ka hria,ka thiam loh a ni e,he ka thil present che hi I pass lawm na ai mah chuan min hriatreng nana pe che ka ni..
Ka hmangaih lo che tih ka sawi na chu ka ti tak tak lo,ka hmangaih che a nia..School kan kal ho a tang khan min duh tih ka hria,keipawn ka duh ru ve reng che alawm,mahse kan zirlai kha a pawimawh tih ka hriat vangin ka hnar che tih nang pawn I hriat tawh kha...
Zankhat erawh ka ngaihtuah na a kal thui ta deuh a,ka lo duh ve tho che nen,zirlai chu dah pawimawh tho mahila,midang ngaihzawng tur in ka phal lo che a,inngaihzawn ka rawn rawt hial a,min duh ve tih ka hre sa bawk a,kan ni nghal mai a nih kha.
I bula ka awm khan ka hlim a,zirlai thlahdah phah ka tum lo,ka duh em em si che a.
Mahse,vawi khat in chhungkaw thlalak min en tir tum khan,khata tang khan kan hriat loh in thil a thleng tih ka hria a,thuruk in thup I hriat loh in a thleng chho tan dawn tih ka hre bawk,then che a ngai tih ka hria a,then turin che in thutlukna ka siam vek tawh tih in ngaizawng der tur che a min tirtu awm an awm ta tlat a,a chhan leh avang ka hre chiang bawk a,kan inngaihzawn sa avangin thil harsa a ni hran lo,in chhungkaw chanchin hriat chian kha ka hna tur chu a ni a,chuvanga ngaizawng zui zel mai che ka ni,nang chuan min hrilh bawrh bawrh a,engmah I hre lo tlat a lawm...Mahse,bum zel che kha ka duh lo in ka thei tawh lo,ka hmangaih che a,tihnat che kha ka duh tawh lo,min tirtu chuan ngaihzawng zel tur che in min ti a,ka ngaihzawn der a,ka bum zel che chuan hlawkna têl tur pawh ka nei teuh thei dawn...mahse,nangmah ka ngaihtuah che khan min hmangaihin min ring tih ka hria,bakah ka chungah I tha em em a,chuvang chuan ka inngaihtuah buai lutuk,mahse tih nat ka duh tawh loh vang che in hetiang thil hi a thleng a nih hi,thutlukna siam harsa tak a ni tih min hriatpui hram dawn nia...Ka hmangaih hmasak ber I ni a,engti kawng zawng pawn ka hmangaih reng ang che...

I hriat loh thuruk I hriat duh chuan I nu leh ipa I lo zawt mai dawn a nia..."


Enge,enge ni ngai le,thuruk inthup,eng thu ruk chu nge niang le,ka nu leh pa in an hria ang maw,ka buai tulh tulh mai,ka ngaihtuah na te chu a fim lo in a nu but but mai...



Ka nu leh ka pa chuan min thut chilh a,ka pa chuan thil awmzia min hrilh ta kauh kauh a....

"Nubawih,zep reng chi thil a ni lo reng a lawm,I nu nen kan in neih hma hian nupui hmasa ka lo nei tawh a,I nu nena kan inneih loh chhan pawh hmundangah I nu te an pem a ngaih vangin in be zawm thei lo in kan awm a,i nu nen kan inneih loh takah chuan midang nupui chu neiin fa te kan nei a,kan hlim ve thin khawp mai,mahse I nu nen hian kan intawng fuh leh a,kan inhmangaih na a lo la nêp lo a ni chek ang chu, a chet te pawh kan chesual hial reng a,mahse thil tha a nih loh avangin inbe tawh lo turin kan in ti a,tha tak chuan kan inthlah ta a..
Mahse thla hnih vel zet a liam leh hnu chuan buaina a awm ta tlat mai,ka nupui chuan kan fa pahnih na tur a pai mek lai chuan I nu hian ka fa a pai ve thu min rawn hrilh a,ka rilru a buai kher mai,kawng kan dap ngial a,a vang hle mai,zep lo an chuan ka nupui kha chu i nu nena kan in neih theih tak loh avanga chhungte inbiak remna avanga nei chauh kha ka nia,I nu hi ka hmangaih dik tak chu a ni,kan chanchin chu ka nupui chuan lo hria in inthen a rawt a nghal a,I nu hi be tawh lo tur leh kan fate avang tal pawn inthen lo tura ka thlem ngial pawn a duh miau loh avangin sum an rawn chhuah ta hial a,kan in be zui leh ta lo...
A ni nen kan inthen ber chuan min dal tu an awm ta lo bawk nen i nu nen chuan kan in nei ta mai a,Kum laihawl khan ka nupui hmasa khan min lo be leh hlawl mai a......Aizawl a an awm ve thu leh kan fa te ro ve tur chungchang min sawi pui a tum a lo a ni a,I nu pawh hi ka hrilh nghe nghe,in hmuh kan tiam ni chuan a lo kal lo a,kan in hmu ta lo,min rawn be zui leh ta bawk silo,mahse a rukin min lo veh ta zawk a lo ni reng si a......"


Ka pa in min hrilh zo chu mak ka ti lutuk..
Ka pa in ka fate ti a a sawi chu zawn chhuah a hmuh tum chuan hmanhmawh zet in ka insiam nghal a.
Ka scooty chuan ka tlan nghal vang vang,scooty dah na remchang ah chuan ka dah sawk sawk a,ka kal na lam turah chuan hmanhmawh deuhin ka pen thla hlawk hlawk mai..
In chu ka thleng a,kawngka kik in inchhungah chuan ka lut tlang ta a,ka lam pana lo kal ka hmuh chuan ka ding nghal chawt mai...






"Nang hi...ka unaupa,ka pa fapa I lo ni maw!!!??"

Thaw hlawp hlawp pah chuan kan ti tham tiak a..






"Ni e,I PA hi ka PA dik tak chu a ni a,kei hi I UNAUPA ngei ka ni!"



MALSAWMSANGA chuan min en chung chuan an ti chuai raih a..









Thuruk in thup chu hai lan then a ni ta a,mahse kan chhungkaw buaina erawh a la in tan chho telh telh dawn..!!!!!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)