PANGPARTE

Story tawi te te emaw luanliamna emaw post na
Lioncub
Posts: 5
Joined: June 20th, 2019, 5:05 pm
Location: Aizawl
Contact:

PANGPARTE

Unread post by Lioncub » June 24th, 2020, 3:01 am

En teh, kum 4 dawn chu a liam ve ta, ka hmuhphak a awm reng chung si hian kan in hlat tial tial chu a ni mai si a. Engah nge khâng hun lai khan thil tam tak hriatreng tlak min lo hmachhawn pui in min lo tih pui kher kher ni, hawina apiang mai ah hian hriat chhuah na tur i tih tam phah tih i inhria em? Thil kan tih dun ho te te pawh kha hawrawp pui a ziak ang maiin ka mitthla ah hian a la cham reng tih i hria em? Ka thil tihsual man a ni tel in ka tel zel mai chu anih hi, teh hrep chuan! A hun lai khan lo dâwn thui ni ila tiang hian ka na lo tur, natna ka thlen che a, rilru hliam a ka dah hunlai che kha ka thil tihsual lian ber chu ka tilo, nang kalo hmangaih hman zawk che kha ka tihsual lian ber zawk chu niin ka hria. I mi ngaihdamna kha ka phut lova ka phu bawk hek lo, chu zawng, nang ai mah in ka chiang ang. Amaherawhchu i zûn hi tiang rêng hi a ni ang tih ngaihna ka hrelo, ka ngaihzawng hmasa ber chu i ni lul lo, mahse Hmangaih hmasa ber chu ilo ni tih hi ka hre chiang telh telh mai zawng a nih hi, nilo! kan hmangaih te an hlim chuan kan hlim tur a ni a, ka tello a i hlim khan na ka ti emem mai si a, ka hmangaih lo zawk che em ni le. Then leh rual leh mihrang lakah chuan ka tan i thi tawh a, mahse kei mi dawheh hian ka thinlung meuh hi chu ka bum thei thlawt lo a nih hi. Leng dang tang, kei ai tha leh fel, ti na lo tur che i nei tawh a, i hlim ang tro, keichuan natna bak ka thlen ve si lo che a, min ngaidam hram teh, khâng hunlai khan lunghlu mawina hre ringawt in, a vân zia leh hlut zia kalo la hre tâwk lo a tin ni. Min haw hluah hluah mah la, ni e, a âwm lutuk a lawm, mahse midang lakah chuan sawi chhiatna leh relna lakah tun thleng hian i thlavang hi ka la hauh a sin, kala hauh zel bawk ang, tu emaw beram hmul sin chinghnia i laka minlo hêk te pawh an awm mahna, chu erawh lo awih lo hram ang che, i chhiatna lai hi ka sawi ngai lovang a, sawi tur ka hre bawk hek lo, ilo nei anih pawhin, chu chu ka thil hriat ngailoh lam daih ani tihna a ni, Lal tha famkim nu. He thu erawh hi chu hriat ka chak emem a, khâng hunlai khan min lo hmangaih ve thin em? Mi hnenah, ani kha chu kalo hmangaih ve tawh thin alawm tiin i chhang thin em? Nge ni a, min huatna khan chu thu i sawi tur chu a hliahkhuh hneh zawk? Ka pangpar mawi tak ni thin, tui ka pek that loh chu, midang in tui lo pe in, ilo vul mawi ta hle mai, chu pangpar mawi tak ni lam hawi vah pangpar chu thlir in, a hunlai khan engah nge keiman tui leh lei tha pe in kalo khawi nun loh ni ti a inchhir vawngvawng chiah tih theih ka nei ta. Pangparte, Nang neih let leh che hi tum chu sawi loh, beisei dêk ngam tur pawh ka ni lo tih ka hria, mahse he khawvel kala dam ve tawk tawk lai hian, vawikhat chiah, nikhat chiah, darkar tlem te pawh, tuma hmuh loh, tu ma hriatloh in, engkim tunhma leh tun hun engkim theihnghilh in, hmun hla taka hun reilo te, i bulah, kan pahnih chiah a hun hman dun tluka chak hi ka nei lo sin, i rem ti lo anih pawh in a âwm kala ti fan a sin, mahse en teh, pangparte nangmah khawitu che khan hnutchhiah che in, tui pe tha lovin a hnutchhiah che nih chuan, engtik lai pawh in khawi nung leh tur che in ka la awm ve fan tih hi min hriatsak rawh aw, ka thil tih sual khan finna min pe in, a lehpek a thlen nawn tawh loh tur zia chu sawi thiam phak bak ani, darthlalang keh tawh rem khawm that leh chu rual rem lo viau mahse a entu te zâwk a that chuan a tawk viau a ni lawm mi tiraw, awwww ah, thil thleng lo tur ziakin ka hun ka khawh ral tih ka in hre chhuak leh ta, nangmah vang hi chuan kan â leh huih thin anih ber mai hi ah.

Keipui Ball pet thiam🦁


MESSISPEARE 🦁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)