A MAH KA TAWN CHHAN CHU

[Cietei samte]

"Sawn mai mai i nih kha, i zak thei lo mah mah. Ka bialpa hual hi lo hnaih tawh suh ang che" min kawk sak sak chung a titu chu, mikhap nachang pawh hre lek lo in ka en ngawt ngawt a, hah! Bialpa hual maw. Ka nuih a za eih lo. Nia sawn ka ni a dik. Mahse, min hnuaichhiah thei bik lo.

"Ka nihna hi min hriat nawn tirtu awm chhun ila ni" a mitah chiang lutukin ka en a, nuihzat hmel fe hian, min en ve kar.

"Ṭha tak khan awm hle hle in lalnunpuia hi lo star ve khanglang lo la hriat nawn tir kher i ngai nang" mi in min thlir ṭhup. Ka zak lem lo, ka thinrim lutuk chu ka inhum ruh ngawt ngawt.

"Duh tawk rawh lalmalsawm" rawn ti vin ṭhawttu an awm vangin kan phu dun zawk. Tu nge a nih hrilh kan ngai lo ve ve. Mak tihna hlirin ka khat leh tawh. Ṭawngna chang hre lo in ka en heu ringawt.

"Miss lo va kal rawh nang chu" tiin a thianpa duhkima a en nghal a, eng sawi set set loin ka hamhaih buai laiin min kai hrang nghal.

Ka hming chu, hmangaihzuali ka ni a, hma-i tiin min ko mai thin. Mi pakhat chauh lo chuan. Kum 18na ka hmang mek a, collage ka rap ṭhan mek a ni. Ka nu sawn ka ni a, ka nu, ka pi leh pu nen kan khawsa bawk. Mi hausa chhungkua kan nih vangin, tuman sawn i ni min la ti ve ngai hek lo. Mihring ka nih vangin, ka chapona hi a awm ve a, marawh chu, tumah ka ti na let ngai lo tluk a ni. Min duatin min hmangaih hlawm em a, sawn ka ni tih ka theihnghilh fo ṭhin.

"Ka lawm e" rilru na zetin ka ti chhuak hap. Tuman khatiang khan min la ti ngai lo miau a ni.

"A ho lutuk ṭhiana tan dah rawh" nui suk chungin a kal sawn nghal.

"Nang hi, mak ka ti tawp thei lo" hlupuiin a rawn ti chhuak sap.

"Eng chu maw?" Hre lo miau hek. Min beng sawk, ka ṭe ṭhat a, ka tuai nghal vut vut. Kut thawh a ching lutuk hi, ka hau zing mawlh mawlh ṭhin. Sim chu sawi loh, a uar sauh.

"I â mi, Lalnunpuia khan buaina i tawh apiangin, a lo lang ziah. Ka ngaihdan hi a dik chiang mai" min en chungin a rawn ti. A ngaihna ka hre lo thlawt.

"Cbuan" ka sawi zo hman chauh, min beng leh sawk. "Hmeli kut thawh hi ching viau lo teh" vin zet in ka ti a, a phu zuk. Nia, ka vin ngai lo miau a ni. Mahse, ka rilru na leh thinrim insum hman lo chuan, ka vin palh a ni. Ka inthlahrung leh nghal.

"Tihpalh" rilru nat hmel zetin a rawn ti a. Ka kuah tawp, tih dan tur dang ka hre lo.

"Ka tihpalh. Ka rilru na leh thinrim insum hman lo lekin ka vin che a" tiin ka mittui a rawn baw nghal zawih.

"I ṭap elaw? Ni lo, ka lo insum tawh ang ṭap suh" ka mittui hruk hul pahin a rawn ti a. Ka nui leh nghal sawng.

"Hma, nunpuian a duh ve chiang mai che" zuk tia, mak ti leh awih lo lutuk in ka nui hawk ringawt. Min duh theih chhan tur a awm lo. Bakah sawn mai mai ka ni tih an hre vek bawk. Kei ai a ṭha tam tak a hmu ang, chuan, a duh duh a thlang thei bawk. Kan collage chang ni lo ah pawh a lar lutuk ringawt. A hmelṭha in a cool ruih a,anbhausa hle bawk nen, tupawn an star vek. Mahse, nga ti nge malsawmi khan keimah chiah min huat le? Midang heti zozai karah min haw bik kher hi ka hrethiam lo.

"Mawl lo mai teh" tiin ka chhang a, a kut a lek kang vu hman. Ka lo tawm chawih, he nu hrep hi chu aw.

"Ka mawl lo. I mawl zawk aw, zawt la a duh chiang lutuk che" a ti leh hram.

"Teuh lo lutuk" ka ti hliai a, ka ngam kher in ka ring lo, a ṭawng ringawt pawn ka lungphu a dik lo vek zel kha a nia.

"Zawt rawh, a duh che ka chiang lutuk. Ka zak ti miah suh" tiin min han fuih mawlh mawlh a, ka huai sawt. Nia ka zawt ngei tur a ni, ka ṭhiannu in min ti miau sia lawm.
anu in, motorin min thlah loh leh, bus ka chang mai ṭhin. Tumah bike khalh thiam kan awm lo bawk.
.............

A bike bulah ka nghak a, nghak turin min ti miay hek. Hlupuii lah chuan min haw san nghal daih bawk si. Ka zam lawk ngawih ngawih, ka bul ṭan dan tur chu ka vawng kar a, ka ṭhian ṭha berin min han fuih nasa bawk a, ka zam tur a ni lo. "Zawh duh che ka nei a i ti hmasa phawt dawn nia" ka sawi nawn tluk tluk tho.

A hmel ka hmuh rualin ka khur nghal rawk rawk. Hetiang em em a, zam ka in beisei bik lo asin le. Min hmuh rualin, hmanhmawh zetin a rawn phei hlawk hlawk. A pen tin te chuan, "tlanchhe daih rawh" min ti emaw tih mai turin, tlan chhiat mai ka chak rum rum.

"I la haw dawn nang e" hmu reng si in ka phu zuk. Ka ṭawng hmasa dawn emaw ka tia, min biak thut takah chuan, "aaa,,,, aw.... ihhh" ka ti bah nawk.

"Ṭhian ka lo va haw hmasa ang" tih leh a thianpa dunkiman a ti a, a bu nghut.

"Eng nge i tih" ka la phu ta fan. A nui suk a, "chuang rawh khawiah emaw kan kal dawn nia" tih leh bike tihnun a rual nghal. Ṭik pawh ti eih lo in ka chuang nghal vat.

Bike a la chuang ngai lo tih takah, tlan chak ka lo ti lutuk chu ka ip deuh chawih chawih a, ka hlau tih a hria a ni ang, zawi muangin min tlan pui a, ka in thlah dul ta hram.
..........

Hmun thengthaw nuam zetah min kal pui a, ka zamna zawng zawng pawh a reh nghal vek.

"zawh tur che ka nei a" ka ti chhuak nghal phawng. Min en ngur chungin a khi leh suk. Ka zak ru chem chem mai.

"Min zawt la" a ṭawngkam a nelawm ngai lo, ka zam zo leh vek tawh.

"Ihh" ka mit ka chhing daih. "I ti thei hmangaihzual" ka rilru zawng zawngin ka sawi.

"Min duh em ni" chhanna ka dawn mai loh vangin ka meng chhuak nghal a, ka hnunglamah ka tawlh dawrh. Min si lo chauhin min lo en, ka khural lo chauh.

"Min duh ve em" ka zawh na min chhang lo.

"Maw? Ihhh,,, a..."

"Aw ka duh che, min duh ve rawh. Chuan, ka venghim zel ang che" a thu sawi maltin te chuan, min ti lawm viau mahse, ka khur dar dar.

"Min duh ve tiraw" ka chhanna nghak lo in ka hmui a rawn fawp chawt. A vawikhatna ka nih vangin, tih dan tur ka hre lo. Ka che eih lo. Ka mit ka chhing riai riai tawp. Rin ngam tur nge pawh ka hre lo. Ring phawt ang.

"A vawikhatna ka ni" tiin min kuah nghal hlu hlu. Sawi tur ka hre lo, dimte in ka kuah let da da a. Mak takin, ka zam rukna te an bo vek.

"Min bum suh aw" ka ti sep.

"A hmasa ber ni lo mah la, a tawpna ni turin ka duh che"

"Ka nihna i hre sia"

"Sawi suh. Hre vek chungin ka la hmangaih tho che"

Lawmna nasa lutuk vangin ka mittui a tling pam, ka ring nghal hmiah bawk. A thikthu a chhia tih chiang lutuk in a sawi a, mipa dang zui mai mai lo turin min ti nghal hmiah.
...........
Ngaihzawng nei ka lo ni ta. Ka hlimin ka phur a, ka ze zawi zet phen a, harh ruk riau na ka nei nghal. Ka pi leh pu ka nu ten an hriat ka hlauh em vangin, roomah ka tawm chawt a, ka au loh leh ka lam thul.
Ka nu mangangin min au a, ka dam lo em tih min zawt. No, khawiah va dam lo suh, ka dam lutuk zawk.

Hlupuii ka hrilh nghal, min au pui chul a, nuam a tiin min phur pui ngang mai.

Peih lo zetin ka tho chhuak a, dar 5:00 chauh, ka helhhawlh nge ni, ka inpeih hma em em a, chaw phei chu, dar 7:00 ah kan ei hial.

Min hruai a, ka chhungte ka bialpa a nih thu a hrilh nghal hmiah. Ka fak lo thei lo, a huaisen ka ti em a ni. Ka nu phalna thlapin kan in ngaizawng ta. A lo nuamin a lo zalen thlak kher mai.

"Nangnu hi, bialpa i neih vangin induh hlek suh" ka ner sawk. Min piai leh hmanhmawh tawh.

"Kei nu ka nih chuan, nang pa" ka ti let salh. Za lutukin kan nui dun hawk hawk mai.

Class pawh a nuam a, lalmalsawmi pawn min melh rum ul tih loh chu, eng tinmah min ti tawh lo.

Hun a liam a, kan inzui rei tual tual a, kan inthlahlel tawlh tawlh. Infawh bak kan pel ngai lo a, zalen tih vangin kan che khaw lo ngai hek lo. Ka call zen zen ngai lo a, a ni erawh chuan, min call char char zel. Ka ngai lo tihna ni lo in, ka zak ve ṭhin. Hrethiam takin a man min call hmasa ziah ṭhin. Ka call ve chhun ah, vawihnih ai a tam a ring hman ngai lo. Nun hi nuam kan ti a, mi angin pathian thu awih famkim lo mah ila, keimahni tawkin pathian kan hnaih a, a hmasa berah isua kan dah ṭhin. Ka thik turin a awm ngai lo a, kei pawh ka awm ngai hek lo. Hmeichhe tamtak atchilh nimahse, a in vengthiam hle thung.

Class kan bang a, rickyan thil leipui tur a, min sawm vangin, hlupuiin min haw san a, kawng kan a ngaih vangin kan ding dun ren rawn phawt. Ngaihzawng ka neih thu hi, collage ah chuan, a lar em em a, a chhan chu, kan collage chang ni lo mi tam tak star ka bialpa a ni miau a.

Kawn kan tumin kan in kai a, motor chak deuhin a rawn tlan phei fua. Ka ṭe ṭhawt a, min kaih letna lamah tum loh lutukin kan hmui a insi. Ka meng bial kawk a, ka inlahrang vat. Inthiam lo lutuk in min en a, ngaihdam min dil chung. Lawm thu sawiin thil lei hnuah min thlah thliam. Nunpuia ka hrilh tawh bawk a, a thik lo khawp ang.

Zan riah kan eikham a, ka roomah lutin ka phone charge ka en vat. Ka beisei loh zawk massage ka dawng. Duhkima massage, "hma, puia nen intih thiamlohna in nei a ni lo maw" tih te hi.

Mak ka ti kher mai, ka call nghal a, a pick tualin, "kan neih pawh ka hre lo. Nga ti nge eng nge thleng" ka thin a phu dawt dawt. A lung awi lo maw? Eng vangin? Buaina kan nei em ni? Ai!

"Be hrih lo mai rawh. A rui lutuk" ka ṭawng leh hlau zetin a dah hmak. Ka rilru a mumal lo a, mak tihna leh a chhan hriat chakna hlirin ka khat. Eng vang a, lungawi lo nge a nih? Naktuk ka nghah a ngai dawn.

Chhuak lo lutukin ka mu bâm a, ka let sek bawk. Ka rilru chu a hmanhmawh in, naktuk a ni har ka ti lutuk chu, ka lukhamah hmai phumin theih tawpin, ka au chiam ringawt. Awmzia a nei der si lo.

Rang zetin, ka chhuak vut a, ka nu ṭawng pawh ka hre kim hman lo. Bus ka chang a, bus pawh muang ka ti lutuk ringawt. Ka thin a rim ṭun tawh, bike in min tlan pel fua a, puia a ni. Ka en liam vawng vawng ringawt. Ka rilru a na, chhan hriat lohin min tihtauh khum thei lo. Bus a din rualin ka lut nghal rawk rawk a, a la chep em em zui.

"In bia ang hmiang" ka hmuh rualin ka ti nghal thawr. Ten hmel zetin min en a, min chhang lo a, kal a tum chu a banah ka va pawt ṭawk ṭawk.

"Khawngaihin, nga ti nge hetiang a i awm tak mai" ka muttui a tling leh pam tawh.

"Sawi dun tur kan nei lo. Sawn awm reng ilo nih hi" tiin na lutukin ka kut a vai per lawp. Ka pai nawk nawk thei hial. Mak ti lutuk leh rapthlak ti zetin ka ding ta reng a, rawn hawi let miah lo in a kal vang vang a nih chu. Ka hrethiam lo lutuk leh na bawk si chu, ka ṭhu hnawk a, nat tawh sa nak alai a, a bul a, lalmalsawmi lo kal chu pawtin a fawp a nih chu!

Ka bing nghal mup mup a, ka khur ngawt ngawt bawk. Khap lo lekin ka en ngawih ngawih a, ka mittui chu ka inrin hma in a rawn dir nghal zung zung. A thlah rualin min melh leh kher. A ṭawngkam kha, a mah a nih ka ring mawlh lo! Ni lo, ka hre sual a ni hial lo maw? Ka nihna hre reng chung a min hmangaihtu khan, ka nihna chu min tih tlawm nan a hmang a maw? Tu emaw ni hian, ka mit a rawn hup a, hneh lutukin min pawm kang lawp.

Kei chu, mi â ang mai ka ni. Min dah thlak hnuah ka mit a hupna a la thla a, rickya a ni. Ka ṭhian ṭha tak a nih vangin ka kuah chawt a, chhuak lutuk in ka ṭap nghal hlawp hlawp.

"Ka awih thei lo. Amah a ni lo ang tiraw" ṭap hlawp hlawp chungin ka ti chhuak ṭiau a. Dawhtheih hmel takin min kuah a, ngawi rengin ka hungzang a chul hliau hliau.


Class pawh ka kal ta lo. Hlupuii a vui leh ngawt ang, kei chu ka keh chhe vek, ka hmangaih hmasa berin ka hmuh lai ngeiin mi dang a fawp a nih chu! Hei hi hmangaihna sem zai thiam chu tihna em ni?

"Ngaihzawng ka neih tawh zingah ka hmangaih awm chhun ila ni" a ṭawngkam chu ka hre nawn awn awn a, mahse, ka tla thla vawn vawn thung.

A MAH KA TAWN CHHAN CHU, ṭahna tur in maw? Rilru nat nan maw? Aw hei hi em ni, ka dam chhan ve chu..

Ni a liam a, class ka kal ngai lo a, chaw ka ei ngai hek lo. Tui sik pawh lem har ka ti a, ka roomah ka tawm chawrh chawrh. Ka nu mangangin min ko leh ṭhin. A fanu hi hmangaihna vangin a ṭap tih hria se, eng tin nge a awm ang le? Kawngkhar ka hawng ngai lo a, tukverh ah ka dak nitin ṭhin. Kha bumtu kha ka ngai a, a rawn kal ka ring fan. Ka phone ka on tawh ngai lo a, mutmu ka tuah ṭha ngai hek lo. Zanlaiah kha bumtu hmangaihna semzai tu vangin vawi eng zat nge ka ṭah ṭhin ka hre hek lo.

Kawngkhar kik chu, zawi zetin ka thlir ngiai ngiai a, ka taksa chau lutuk chu, khumah mu mah ila ka lu a hai miai miai a, ka khawhmuh a fiah lo tual tual bawk. Ka room kawngkhar in hawng chu ka hriat theih hnuhun ber a ni.

Ka harh leh chuan damdawiinah ka lo awm reng. Ka nu in mangang lutukin ka kut a lo chel a, a in sut feih feih bawk. "Tui" zawi zetin ka ti chhuak thei hram. Ka nu in min melh kawk a, lawm tih hriat zetin a nui seih. Tui min in tir a, ka harh sawng sawng mai. Hetiang em em hian, Lalnunpuia hi ka lo hmangaihin a zunah ka lo uai na a ni tih ka hriat chuan, nep ka inti ngawih ngawih. Mipa a mah chauh an awm lo, khawvel hi a zau em mai. Midang pawh ka tawng tho ang.

"Bawihte, i nu hi dawt min hrilh i chak viau em ni" a aw chu dam mahse, lungawi lo tak tih a hai theih loh. Ka inthiamlo ngawih ngawih, hlupuii a rawn lyt ka hmuh rual phei chuan, ka zak ru ngawih ngawih. Henu hi mi tuar chhel tak a ni. A hmangaih hmasa ber in a ṭhen vangin a ṭap lo a, a tuar hek lo.

"Hmeli khawvel hi a zau lutuk mipa pakhat chauh an awm lo" lungawi lo zetin a rawn ti nghal tawng. Zah tawh sa nen, ka zah belh leh ta.

"Ka rilru erawh a zim sia lawm" ka lo ti zawi sep.

"Ka hria, eng ang in nge i lak nat a"

"Ka hre lo"

Min rawn kuah a, a ṭap ve hawk. Mak tih vangin ka ka hau ringawt, a ṭap lai hi vawikhat ka hmuhna a ni. Chu pawh a tan ni lo in kei mah vangin maw?

"Hlupui" ka kuah let a, ka kut ka hmu chu, ka rak ṭhawt. Hei hi ka kut a ni pawn ka hre lo, ruh a vunin a tuam mai mai a ang.

"Eng nge" phawk zetin a rawn ti a, a ṭap a bang hmiah. Ka kut ka hmuh a, a rawn hum bo daih.

"Hlu darthlalangah in en ka duh" ka ti sep a, ka biang khuapin a nui a, a mitah erawh natna leh thinrimna ka hmu thei thung.

"Inah haw ila i in en dawn nia" ka nun a rawn tih chuan, ka nu a awm tih ka lo theihnghilh daih.

Kar hnih ngawt damdawiin a ka awm hnu in ka chhuak ta hram. Lalnunpuia vang a ṭah ka tum tawh lo. Ni e, A MAH KA TAWN CHHAN CHU, ṭap tur ni lo in hmangaihna awmzia ka hriat nan chauh a ni. Hun kal tawh vang a nat ka tum lo, ka hma hunah eng pawh thleng se, hma chhawn ngam tur a, huaisenna min petu zawk tur a ni.

"Ka nu, ka hmel hi ka rap lutuk!" Ka au chul a, ka nun min kuah nghal thlawp.

"Mambawih, ka duat i nu mitah ila hmelṭha ber tho a nia" tiin dimte in ka chal a fawp a. Mittui tling khat vekin ka en kiau. Ka nu ang hmangaihtu dang ka neih tawh loh tur zia ka hriat chian phah.

Thlakhat dawn inlamah ka in enkawl hnu ah, ka taksa a pangngai ṭan a, ka cher over tawh lo bawk. Ka nu ka pi ka pu leh hlupuii te min fuihna zar liau liau a, ṭha tak a awm thei ka ni. Ka mumal loh em em lai pawn kha pa ang khan min kal san lo a, chhan awm lo leh hrilhfiah lo innmin kalsan ngai hek lo. Hrilhhai tak a min siamtu chu, ka la ngai fan tho hi ka in haw leh ṭhin. Ngaihdam min dil chuan, ka la ngaidam ang a, ka pawm leh ang vawikhat tal rawn lang se, ka la tifan zel a, rawn inlan a hnehin a thawmri va reng hriat tur a awm ngai lo. A reh ri chauh ka chan a ni si a.

Hlupuiin min rawn sawm a, thla khat leh a chanve dawn hnu ah ka kal leh dawn a nia, ka peih lem lo mang e.Hlupuin min kai a, khum bet char char ka nih vangin, ka kal ṭha hlei thei lo a, ka zeng hman lo chauh. Hmelchhe lutuk pa vang liau liau a ni.

Collage ka hmuh rualin ka ngai thar leh ringawt tawh. Ni e, vawikhat tal hmuh leh ka ngai a ni. Chhan awm lo a, min kalsan ngawt hi ka duh bik lo. Chhan a awm tur a ni. Ka hriat hma chu ka bansan lo vang. A mah vangin hetiang hian ka na a, ka nat chhan ṭha tak a, ka hriat chian loh chuan, ka dam dawn si lo a.

Ka dam loh thu an lo hre ve a, min zawt ve sek bawk. Dam loh dan min zawh hian, "love sick a ni ang" tia hlupuiin a chhan changin ka melh nghek zel. Mi harh vang tak, ṭawng duh mi chu ka ni tawh lo chiang a ni. Ka ngawichawiin min betu te ka be ṭha mang lo bawk.

Class kan la a, nidang zawng aiin ka harh ta deuh. Chhun chawlh ah hlupuii nen, canteen ah kan chawl a, vawikhatmah lalnunpuia ka hmu miah lo. Ka hawi kual ruai a, ka hnung a mi chu ka hmuh chuan, thinrimna in min tuam a, mi an tam em vangin ka insum hram hram. Hepa vang teh hrep hian ka na nawn tawh dawn lo. A chhan chiang tak a, ka hriat hunah dam takin le tiin ka kal nal nal thei tawh ang.

Class kan bang a, hlupuiin min kai leh Ka tha a khur ru deuh a, mahse, ka rinchhan hi a nghet ve tawk a ni. Kawngpuiah ke in kan kal hnak hnak a, ka ke pen chu ka rilru ah a awm lo. Khaw nge kha pa kha a awm? Eng vang a, vawikhat chauh hmu nge ka nih tih chauh lo chu a awm lo.

Kan bulah bike a rawn in hung dat a, kan ding nghal chawt. "Hlupui i ṭhiannu hi ka lo thlah mai ang biak duhna ka nei a" tiin min en miah lo in hlupuii a dil a, ngawi rengin ka en kar thung. Min chik viau a nih chuan, ka natna a hrethiam ngei ang.

"A la kal ṭha hlei thei lo a, vawn a ngai sia" a ti nang nang a, min melh pah zauh bawk. He nu tluk a ṭhianṭha min hmangaihtu hi ka nei ngai tawh in ka ring lo. Mahse, hriat chian duh pakhat ka nei alawm, min thlah mahse, a pawi loh thu ka sawi chuan, rem ti vak lo in bike hungah min hlang a, a haw nghal nal nal.

Bike chu dim te in a kalh a, eng nge a ngaihtuah ang ka hriat bik si loh. Thawklehkhatah a chak thut a, ka hlau lutuk chu, aw tham ṭiakin khalh muang deuh turin ka hrilh a, mahse, a ngai pawimawh lo hrim hrim. A hnungah ka hmai phumin nghet zetin a jacket ka ṭham vak bawk. A thlan chak em vangin ka hawi chhuak ngam lo mai ni lo in, ka mittui a luang nghal zawih zawih. Tunah pawh min la hmusit tluang zel a nih hi. Ka ṭap ri ngam si lo, ka heh pet fan fanin ka thaw hawk hawk a. Ka rilru tih nat leh a duh a ni ngei ang le!

A din rualin rang lutuk in khur zawih zawih chungin ka chhuk a, ka ṭap hlawp hlawp mai. Ngawi rengin a ding a, ka thinrim thut chu, in her vutin ka kal hmawk hmawk.

Na zetin ka ban rekah a rawn man a, ka rak nghal ṭhawt. "Min thlah rawh. Min tihnat hi nuam i ti viau em ni?" Theih tawp a, na in a kut ka paih ve a, awmzia tehchiam a nei lo.

"Ai ti lo" tih leh min kuah a rual a, a hma ang tho in ka lung a phu dup dup.

"Mi in min hmu ang sawn ve mai ka nih hi. Ka lak a i beisei engmah ka pe thei lo che" tiin a kut ka phelh ṭang ṭang a, a nghet zual sauh.

"Ni lo, ka tihpalh" chu chu eng vangin nge a sawi.

"Tihpalh tih vang a, ka rilru na dam tur a, i ngai a nih chuan, i ngai sual a ni" tiin a lam ka hawi a, a mitmeng thuk zet chu en rei duh lo in ka hawisawn hmak.

"Ka hria, mahse, khawngaihin"

"I inchhir vangin bul ṭan ṭha leh turin min ngen suh" ka ti let ve zel.

"Ni lo, min hmangaih ka hria, chu tiang bawkin kei pawn min ngaihdam rawh" tiin min fawh a tum a, ka thle sawn hmak.

"I mi ngaihdam dil vang a, ka rilru na dam thei ni se, ka duh ka duh tak zet...." ka sawi zawh rualin ka mittui a rawn baw zawih. Ka va han nep si ve! Eng tia rei nge hepa vang tehhrep hian, ka mittui a tlak dawn le?

"Khaw ngaihin, kei man ka tih dam sak ang che" leh zel hian, a tih nat ang hian, ka nu pawn min la ti na ngai lo asin. Ka mittui rawh hruk tumin a kut a lek kang a, ka beng per lawp.

"Thil pakhat chauh hriat ka duh. Chuan, hlim tak a awm turin ka kal san thei ang che. Eng vangin nge min kal san" ka ti ta nge nge a.

"Ka hriat sual vang a ni. Rickya kha i fawp ka hmu a, in inkuah bawk a, thlahnih chhung ngawt i tel lo a awm a harsat zia i hria em? I dam loh thu ka hriat khan rawn kal ve ka chak lutuk asin. Mahse, hmangaih dang i nei nia ka hriatna khan min ti na a, rickyan nimin khan min hrilh fiah vek asin. Ka thiamloh a..."

"Aw kha zawng kha hriat ka duh. Ka lawm e, 'A MAH KA TAWN CHHAN CHU' tia ka sawi kha ka sut leh e. Ngaihdam dil turin tihsual i nei lo. Ka lawm e, nangmah vangin ka ṭap lo ang. A chhan chu, nang ka tawn na hian, hmangaihna awmzia ka hriat nan chauh a ni" ka ti let a, ka thinlung erawh chuan, ngaihdam a, pawm leh a duh. Thlamuang tak a, a awm a bei hle hle pawh a duh. Mahse, mihring ka nih na ang a, ka lo chapo ve na hian, a phal lo a ni.

"Miss,,,,"

"Ka hming i hria e"

"Ka tihpalh khawngaihin bul ṭan ṭha leh ang. Chance min pe hram rawh. Ka tihsual ka siam ṭha leh vek ang ka tiam ache" ni e, kha thu kha ni asin ka lo beisei chu.

"Hah! Min la ti na leh lo ang tih tu nge sawi thei" ka mittui luang reng chungin ka nui a nih chu.

"Ni lo, khawngaihin vawikhat tihsual vangin min thlah hlen suh. I thinlung thu sawi kha ngaithla hram rawh" chiang lutuk in min en.

"Nat nawn a hlau a ni" ka ti sep a, ka kun nghal daih. Min rawn kuah a, ka thaw hawk. Zawi muangin ka kut ka la kang hret hret a, ni e, a ang chhungah chuan, ka thla a muang a ni.

"I hria em nangmah vang liau liau in hmangaihna awmzia ka hria a, nangmah vang liau liau in rilru a lo keh sawm theih zia pawh ka hriat phah asin" ṭap aw ṭiau in ka ti a, min kuah na a ti nghet sauh.

"Keimah vang a i ṭah ka phal tawh ngai lo ang" tiin dim leh duhthawh zetin ka hmuiba rawn fawp a. Ni e, lalnunpuia hian natna leh nawmna min pe a, hmangaihna awmzia ka hre bawk. A mah ka tawn chhan chu hei ngei hi a ni. Nunna nei nisi lo hmangaihna dam reng awmzia chiang tak a mon hrilh tu a ni.

The end