Rosangliana Khawlhring 1 By LalHruaitluangi Chhangte

Story tawi te te emaw luanliamna emaw post na
_C.Hruaii_18
Posts: 11
Joined: July 11th, 2020, 3:50 pm
Location: Kawnpui/Aizawl
Contact:

Rosangliana Khawlhring 1 By LalHruaitluangi Chhangte

Unread post by _C.Hruaii_18 » July 19th, 2020, 10:34 pm

Ngaihnawm in tih ngei ka beisei, chhiar tui vek u🤗🥰


Rosangliana Khawlhring -1 By LalHruaitluangi Chhangte



LALREMPUII's Pov



"Ka pa, i ti tak² lo, i fiamthu tiraw...?" mak ka tih lutuk avang chuan sawi tur pawh ka hre lo, ka pa chu ka en hau ringawt

"Fiamthu na chi a ni hleinem, ka thiantha tak i pa Thangpuia fapa Rosangliana a nia, kan sawi fel vek tawh.. Naktuk ah amah pawh Mizoram ah alo let dawn...?" Lalpa, ka thu hriat kha a tak nih tir lo hram rawh

"Ka pa, i ti thei lo ang, min hriatchian kha, i ti lo ang, tiraw.....immm ti suh aw, nu ka pa hi han hrilh ve la.." beisei nei taka ka nu ka va en chuan hnuai lam a lo bih daih

"Bawihi, i tana tha tur a nih hi, chhungkaw hung tak leh tha tak an nia, i tan pawh hreawm tihna tur a awm lo, amah pawh mifel tak ani alawm,bakah an company pawh
a changtlunga,thawhpuii tha tak an ni dawn bawk a, kan hlawk phah dawn lutuk bawk.." eng nge a sawi kha, ccompany hlawkna maw, Lalpa , a fanu hi min hralh a tum chu a ni sia.. Pathian, he thil hi thlentir lul suh

"Mahse, hetiang thil liantham ah chuan min rawn ve phawt tur in ni sin, puitling ka nih ve tawh hi, hetiang in ka chungah engtin nge in tih theih....?"

"Sawi belh a ngai tawh lo, naktuk ah a lo haw dawn a, inrinni vel ah chuan in bazar dun thei tawh ang..." Enge ka chungah hian thleng hi

"Immm, a tha e, he thu hi sut a nih hma loh chuan in fanu hi hmuh tur ka awm lo ang....."
thinrim avanga seh chilh nawk² chuan ka ti a, kawngka pawh chu ka khar ring ngei mai


Ka room ka pan a, kawrlum phiar fual leh lukhum ka la chhuak a, October thla a ni a, khau a vawt tawh viau bawk, dressing table a ka car chahbi ka la a, ka phone leh purse, khumah... Arang thei ang bera chhuah ka duh, min hralh an tum....


Hmanhmawh takin ka chhuak a, kawngka a ka chhuak tur chu ka nu in min lo au a,

"Mambawih khawnge i kal dawn, zan zan ah...?"

"Nu, he thu hi in sut leh hma chu ka rawn let tawh lo ang"

"Aih, chhuak suh ipa kan sawipui leh dawn nia" mangan hmel tak hian min melh a,

"Nu, min ngaihtuah suh, Zami ka call anga, hotel ah ka riak mai ang, he thu hi in sut hma chu ka rawn let tawh dawn lo" ka kuah vang² a, ka chhuak a, ka nu chuan min ngaituah hmel tak hian min en

Chhuah pah chuan Zami ka call a, ala ring ral thak zui, car ah ka lut chiah tih in ka phone a ri a, Zami ( Zami hi ka best a ni)

"Aw, Zam, ka rawn kal dawn"

"Zan² ah, thil thleng a awm a mi....?"

"Awm chiang e, a tam lutuk, ka lo thlen hunah ka hrilh ang che.."

"Imm, mahse inah ka awm lo"

"Khawnge"

"Dominic cafe ah, min lo pick la"

"Okay,Bye aw"

"Bye"

Eng vengin nge he thil hi ka chungah a thlen theih,...? Hremna ni dawn se, thil liantham tih sual ka nei bawk si lo, fel lo mahila hetiang a inhrem tum chuh.... Ka hria e, mipa ka ngaihsak loh vang hi a ni chiang ang...

Zami chu pick phawt teh ang....


Tu nge a hming kha(h) Rotluangliana emaw ni, nge Rodingliana zawk, aaaa ka hre lo.. A hming ah Ro leh lian a awm tih chiah ka hre tawh... Eee, chuan, pa Thangpuia fapa a tih kha male, fapa a neih awm pawh ka hre lo, hmuh pawh ka hmu ngai bawk lo.....
Huizzzz, he mi tlaktlai lo hi ka ngaihtuah tur a ni lo..ka nun hi hremhmun ah siam a tum zawk amawni.... Ka awm zel dan tur chu hunin a hril mai ang...


Kei hi Lalrempuii ka ni a, kum 25 a upa ka ni a, Mipa hi thian chu ka ngah, mahse ngaihzawng erawh chhete mahin ka ngaihsak lo thung, fanu neihchhun ka ni a, ka pianhma in ka u hmeichhia tho a boral tawh thung. Ka nu leh pa in min duat a, ruihtheih thil ka ti ngai lo a,ohh beer tih loh, hei chu ka ti ve zeuh² thin, function neih nikhua ah... Ka pi leh pu te ( ka pa pa) te pawn min duat em² bawk, a chhan chu tu dang an neih loh vang ani.. ka pa hian u mipa 1 a nei a, unau pahnih chauh an nia, fa an nei theih loh avangin an ni pawn min duat viau, kan chhungte tu a pawh hian min duat em em vek... Ka mamawh leh duh ka dil apiang hi min pek loh an nei ngai lo, mahse sual phah nan erawh ka hmang lo hlauh thung ...

Kan chhungkua hian Hotel kan nei a, ka papuia te chhung hian electronic's dawr lian tak tak 3 an nei a, mizorama din hmasak pawl an a ni a, an hlawk viau bawk.

Kei pawh ka papuia te dawr 1 ah hian manager ka ni bawk.

Dominic Cafe zawn ka thlen chuan Zami ka call a,. A hmet busy a, rei vak lo ah a lo chhuak a, head light in ka lo signal vat a...

A rawn luh ve leh,

"Eng nge thleng a...?"

"Hotel ah min riah pui la, engkim ka hrilh ang che, ka chunga thil thleng hi rapthlak i ti ve tho ang.." ka lo ti vat a

"Ka nu kan call lawk ang"

"Nu, zanin chu Remi te inah ka riak dawn a, min lo nghak su aw..." Lehlam tawng a ngaithla a

"Aw, awle²" engine start pah chuan

"Zuala te hotel ah room book rawh" ka lo ti a

"Ti nge in hotel, in Hotel ah a ni mai a lawm"
thil hretthiam lo tak hian a rawn ti a

"Kan hotel chu a chi loh, kin ah ka hrilh ang che" ka ti leh a

A phone bih pah chuan a bu nghat² a...

Minute 20 hnu ah chuak kan thianpa leh Zami bialpa ni bawk Zuala te hotel room 1 ah kan thu vang tawh...

"Sawi tan rawh le" Zami chuan alo ti vat a

"Sawi tan dan tur pawh ka hre lo .." hnuai lam bih pah chuan ka ti a, ka dar ah a rawn vuan vat a

"Eng nge thleng chiah a? Ka ngaih i ti tha lo ania..."

"Zam, thlaleh ah pasal min neih tir an tum, kan sawi fel vek tawh an ti..., Engtin nge ka tih ang...? Min pui teh, ka rilru hi a buai vek"

"Ava mak ve, i chhungten mipa i ngaihsak loh zia an hre vek chung pawn maw...?" Ka lu ka lo bu nghat² a

"An va ti mak ve, mahse tu nge neih tir che an tum reng² a...?"

" Ihhh, ka pa thianpa, kha hausa deuh hardware dawr lian tawk nei te kha, hausa ve deuh te kha, an fapa ania, Ro..... Eng ro nge a hming pawh ka hre tawh lo....?

"Ahhh, Rothangpuia Khawlhring kha maw."

Hlim hmel tak hian a rawn tia, engvanga hlim hmel viau nge a nih le, a hlim hmel lutuk chu ka ngei lek²

"Aw...." ka lo ti chuai raih a, a rawn khek ta chiam mai, mak ka ti lutuk chu ka hau hian ka en a.

"Awiii, Rem i vanneih lutuk, an fapa chu maw....."


🤗A tawi mai thei, tunlai chu ka buai dawn lutuk a, admission vel tih ka ngai tawh a, mahse regu ka lo tum dawn nia, i lo chhiar avangin ka lawmthu e😘


Thufingte 16 : 1
"Rilru lo ruahman lâwkna chu mihring chan a ni a,
Lei chhânna erawh chu Lalpa atangin a ni.."


Imagination Is Reater Than Reality

🤗🥰😘🥰🤗



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)