Rosangliana Khawlhring 3 By LalHruaitluangi Chhangte

Story tawi te te emaw luanliamna emaw post na
_C.Hruaii_18
Posts: 11
Joined: July 11th, 2020, 3:50 pm
Location: Kawnpui/Aizawl
Contact:

Rosangliana Khawlhring 3 By LalHruaitluangi Chhangte

Unread post by _C.Hruaii_18 » July 26th, 2020, 11:54 pm

Welcome to my worldšŸ¤© ka hmangaihte ušŸ˜˜

Ngaihnawm in tih leh ngei ka beiseišŸ˜˜





Rosangliana Khawlhring - 3
By LalHruaitluangi Chhangte




"Thil pawimawh tak, ila hriat ngai miah loh ka hrilh ang che"

"Eng thil pawimawh maw....?" tiin ka nu chu ka en vat a


" Keini pawn kan hriatna ala rei bik lova, thla hmasa khan kan hre chauh bawk, ipu te Vellore a an zu kal kha i la hria em....?" ka ngaihtuah vangĀ² a, imm, an kal ka pu in silver thi sin nalh deuh min lo hawn tak kha, mahse chu thil chu he thu pawimawh nen hian eng inzawmna nge a neih le, dawr bungrua la turin
an kal kha a ni sia


"Immm, silver thi min lo hawn kha.." Ka ti a

"Khami khan dawr bungraw la tur angin an kal a mahse inentir tur zawkin an kal a, ipu chuan engmah hrilh lo tur che in min tia, mahse tunah chuan zep chi niin ka hre lo, i pu hian kum hnih vel chauh hun a nei tawh a, chuvang chu a nia arang thei ang ber a inneih tir che u a tum..." a chawl dat a, ka lo thaw halh thung

"I pu Roa lah a boral tawh sia, amah akal hma ngeia inneih tir cheu a duh a, tunhnai ah a kal dawn ka tihna a ni lo a, an thutiam kha tih hlawh tlin ngei a duh bawk a..." A tih chuan,

"Engtik atang nge a natna hi in hriat chhuah a..?"

"Thla hmasa chauh khan, ipu khan inneih a sawi nghal a, mahse ipa khan a remti lo a, engkim lo ruahman lawk a nih tawh avang khan, ipu kha hnial chi a ni tawh si lo a.."
Thingpui a siam zo a, an thutkhawna room a pan phei a, Zami bul ah ka phei a, chair ka pawt chhuak a ka thu thla hnawk mai

Zami pawh chu a phone a ri a, a tho zui nghal a, a hma ai mahin ka rilru a buai ta....


Ka pu in kum 2 erh awrh chauh a nei tawh a, a thu hnial ka duh si lo, rua hmanna fel tak siam ka ngai dawn a ni.Mahse Pasal neih hi ka zuam lo, mipa ka ngaihsak loh vang te pawh a niang....Ka pu thu hial ka duh bawk si lo, ka rilru a va han buai tak em.
Zami a rawn lut a, ka bula chair a pawtchhuak a a thu zui nghal a,

"Zam, ka rilru hi a nu phƻt mai, tihtur ber pawh ka hre lo, ka pu thu ka hnial ngam si lo, ka tan chuan harsatna leh manganna lian tak a ni ringawt" ka kut a rawn hum a

"Nia, ka hriatthiam pui che, engmah tawn hriat ila nei lo a, i tan chuan thil harsa tak a ni dawn, mahse i chhungte ngaihdan chuan i tanna tha tur a nia, harsatnate hi kan phurh zawh tawk bakin Pathian in kan chungah a thlentir ngai lo a nia" ni e a dik, kan harsatna tawh te , lungngaihna leh manganna te hi kan phurh zawk tawk bak Pathianin kan chungah a thlen tir ngai lova, nausen kan nih atanga kan lo puitlin hnu thleng pawh hian enhkim kan chunga thleng hi ruatlawk vek a ni a, chuvang chuan harsatna lian tham tak emaw pawh tawk ila pawm thiam thei tura rilru lo siam rem hi a tha zawk a ni.

Ka nu leh Sangi(kan awmpui nula) an rawn lut, no ruak vel an rawn chawi a

"Mambawih, i pu in lo phei ula a tia, kan va lut dawn mi....?"

"Imm, kan lo kal ang" Zami chu ka melh a, min hriatthiam hmel tak hia

"Eng thutlukna pawh siam la, ka hriatthiam pui che a nia"

"Imm, i awm hi chu ka lawm ngawt mai, min hretu chu an tam, mahse min hrethiam tu hi chu an tam lo a nia, tirawh phei ila"



Kan thu khawm leh ta thap mai, ka pu chu tawng hmasa berah a tang a

"Vawiin lamah Rosanga pawh a rawn haw dawn a, naktuk ah palai an rawn tir anga, engkim fel sa vek a ni tawh a, a ni tur te pawh in lo rel fel nghal vek dawn nia, Mambawihi pawh, in inhrechiang chho anga, in inneih hunah te chuan in inpawh chho zel mai ang, bakah Rosangliana hi mi tha tak an ni a, i chungah pawh a fel viau ka ring" a ti leh dapĀ² a

"Ni e, mihring te chu inzir chawp vek tur kan nia, nangpawh inhawng takin i awm a nga, in tha chho zel mai ang" Papuia chuan a lo ti ve leh a, ka lo bu nghat ringawt

"Kum engzat nge i ni tawh kha(h)" ati leh a

"25 ka pum tawh"

"E,! i lo va upa tawh ve" kan nui ho darĀ² a

"Mambawihi chu ka ngai dawn hle mai, tunah chuan pasal i nei ve dawn tawh chu a nia, ilo puitling ve ta hle mai, kan naute chei lutuk che a, i kum pawh kan lo ngaihtuah ngai lo rengĀ²" ka Nupuii chuan a lo ti ve a

"mihrang ina awm tur i nia, fimkhur taka chet tur aw" ka nu in a lo ti ve bawk ah, naktuk a nei mai tur te pawh ka ang a lawm le

"Nangni aiin ka ngai daih zawk ang" Zami chuan alo ti a

"Naktuka nei nghal rumĀ² tur te pawh ka ang alawm le" ka tih chuan kan nui darĀ² a

"Ni e, in ti awmlo lutuk, neih ka phal lo tawp mai tur a sin..." Ka pi in a lo tih chuan,

"In ho emai, a nei dawn thoĀ² "tih pahin k pu chu a chhuak zui nulĀ² a, kan nuih nasa ngei mai......






Palai lo kal atangin kar kharkhat lai a liam leh tawh, thlaleh a innei tur emaw kan nih ka tih laiin an tun thla tawp ah kan innei dawn a, a rang lama inneih an duh a, kar hnih tha zenzawn chauh a awm tawh a, Zami best ah ka hmang dawn a, kan thiante ho chuan mak an ti nasa mai, thian zingah pawh ngaihzawng nei ngai miah lo in pasal ka nei hmasa ber dawn sia, mak an tih zia an la sawi bang thei lo, Nunpuii phei chuan min thik lekĀ², Rosanga alo duh viau a niang..

Ka pasal tur Rosangliana pawh ka hmu tawh a, Zami sawi dan nen khan danglamna a nei lo, mahse ka eng hehuah hian a thawk tlat lo, kan in hmuh hmasa ber khan min en uluk emĀ² a, min zirchiang ni ber khan ka hria, ka lai tep a nih kha.... A inla cool lutuk kha ka ngei, a tawngtlem si,kan innel har viau ang tih kalo ngaihtuah daih, ka ngainat loh zawng tak , a tul tawp ah lo chuan kan inbe ngai lo
Mipa hi ka ngaina lo hran lo, mahse ngaihzawng ka neih ngai loh avang hian ka nel teh chiam lo..


Inbuatsaihna a kal chho zela, neihchhun veĀ² kan nia, kan chhungte pawn an duh tui viau, Rosanga nu phei chuan apui thei ang bera tih a duh a, dan 1 na a innei tur kan nia, ka ngaihdan ah chuan dan1 na hi chu a ropui ka ti sa a, pui deuh pwh tul ka ti lo a mahse ka chhungte hnial ka duh lem lo..


Chhawm tur ah an buai viau lo, engĀ² nge ka chhawm dawn pawh ka hre lo, ka nute kut ah ka dah tawp a ni ber...

Ka mu ka harh chuan khua alo var vek tawh , tho mai lo chuan ka mu leh vangĀ² phawt a, vawiin ah inhmuh puiah sawm a ngai a ni, ka contract siam hi a pawm ngei ka beisei, kan 2 ta tur ka print out vek tawh bawk, message in a hmun tur leh a pawimawh tih ka hrilh a, call mah ila a lo pick duh pawh ka ring lo, zing karĀ² ah leh nghal

Kan intih fai hnuah inhnuai ah ka chhuk a, ka nu leh Sangi an lo awm a, ka pa erawh ka hmu lo, kapa nen pawh kan inbe tha tawh a, a tira ama thu a pasal min neih tir a tum emaw ka tih avang khan pawi ka ti lutuk a, amah chuan ka neih lohnan ka pu a lo dil a, mahse ka pu in a lo rem ti lo a lo nia, ka pa pawh ngaihdam ka dil a, kan in pawh tha leh tawh viau.


"Sangi, green tea min lo pe aw"

"Mambawih vawiin eng nge i tih dawn...?"

"Aw.... Dawr ah ka kal ang chu ...."

"Bang tawh la, kar khat chauh a awm tawh hi"

"A ho e, pasal neih dawn avanga hna ban kher, a tul lo emai..."

"Tul e, mi in a i lawi hunah chuan in chhung sekrek khawi engkim i kut ah a awm dawn a, fimkhur taka chet tur" a lo ti leh a

"AwleĀ², boss, vawiin chiah last nan" ka tih chuan Sangi zawk a lo nui a,

"URemĀ², i ngaihawm dawn e"

"Nang pawh, ka ngai ngawt ang che" Sangi hi kum 3 vel kan awmpui tawh a, kan in nel a, laizawn nei lo ka ni bawk a, ka unaunu nag chiah in ka en bawk

"Pasal i nei dawn tih ka hriat khan mak ka ti tawp, bialpa i neih awm ka hre bawk si lo a" a tih chuan, ka nu in

"Keini pawn mak kan ti, a ruk in alo nei charĀ² a" a lo tia, ka nui mai

"Awiiii, i pasal tur lah kha a chhelo tawp, i vanneih e, a duh hmel che sia" a tih chuan ka meng phawk teuh kher mai, vawikhat kan inah a lo kal tawh a, min duh hmel chu khawi lamah, a tul tawp ah lo chuan kan inbe lo hrimĀ², ka nuih ringawt, chhan ngaihna ka hre thlawt lo


"Ka han inbual ange, chaw ei dawn ah min lo ko ru aw" tih pah chuan ka tho a,
Sangi zawk a lo bu nghat a,

"Vawiin ah bang ngeiĀ² ang che" ka nu chuan a lo ti leh aw, ka nui ringawt, ka bang phal takĀ² a nge maw chu....


Ka contract print out chu ka thlek vang2 a pawm hram se ka ti ngei mai....


Ka inbual hi ka rei ve hrimĀ² a, darkar 1 dawn te hi ka inbual thin, tun ah chuan inbual rei loh ka zir ngai dawn...
Kan inbual zawhnu ah ka room chhungte chu ka thlek kual maiĀ² a, ka ngai dawn hle mai, karleh lawk ah chuan miin ah ka cheng tawh dawn si a, a hnai telhĀ² a ka huphurhna a zual leh tulhĀ² tawh...


Chawei kham hnu ah hna kal turin ka in siam, thiannu Tlani'n min lo call a,

"Aw, Tlan....."

"E, thiannu vawiin kha dine out ila kan lo tia, nangmah thlahna ni pah fawmin remruatna kan lo siam a, eng nge i ngaihdan...?"

"A tha lawm, in tih danĀ² kha ani mai, tha ka ti vek, kan kim thei dawn em...?"

"Aw, kim turah kan inngai, Tluanga kha Bilkhawthlir lama an site ah a kal a, mahse ka lo haw dawn a tia"

"E aw, a that chu , a hun leh hmun tur te"

"Nun'in a ngaihtuah dawn a, groupah ka rawn sawi ang a tiin ka hria"

"E awleĀ² kan in hmu dawn nia aw"

"Okay, bye"

"Bye"







Dawr ka thlen in ka Papuia a lo awm teh mial a, min ban a tum em lo tur ah ngai ang..

"Papui, teh hlawl che chuan, i va rawn hma ve"

"Nia, hei Thuampui branch ah bungrua a lo thleng a, ka va kal a ka rawn thlawh kawi che u"

"E, anih tak chu a, chaw te i ei tawh em? Dawr ah thil ka va chah dawn mi..?"


"Aih, chah buai duh suh, i Pu ten chaw eiah min nghak a, ka phei vat zawk ang"

"E, awle,anih chaw ei tui aw..." Dawr kawt thleng ka zui chhuak a

"Awle, a nih aw" tih pahin a tlan chhuak nghal a


Staff leh manager te bulah invivtaion kan pe vek a, a tua pawh hrilh ila mak an ti emĀ² vek zel, engmah sawifiah tumna pawh ka nei chuang lo.



Kan imhmuhna tur restaurant ka pa mek a, thil ri bur ka hria a, ka tukhum a na zawk, abak chu a thim zui vek.....







"I Hnate te chu Lalpa kawltƮr rawh,
Tichuan i thil ruahmante chu tih nghehin a awm ang."


--Thufingte 16:03 --


A ngaihnawm loh tih ka hria, mahse i chhiar avangin ka lawm ešŸ¤—šŸ˜šŸ„°



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)