Rosangliana Khawlhring - 5 By LalHruaitluangi Chhangte
"Sofa ah ka mu mai ang" a tih chuan ka lawm kher mai, ani nena khum intawm hi ka duh lo takzet.... Ka khi vur² a, inbual turin ka lut zui nghal daih.
A bathroom chhung chu ka rin aiin a zau phian mai, mipa tih takah engkim hi a felfai em² vek, ka che felfai lo tihna ni lo in, bathtub ah tuilum in ka in chiah vang² a, ka hahdam sawng² thei,
Ka awm zel dan tur hi ka van hre lo em, ti hian pasal ka nei chu a ni ta phawt a, ka pu duhthusam chu ka ti hlawhtling ta a, cancer natna chu vei lo se tunah hian nula ka la ni ngei ang. Aaaaa, engmah hi ka ngaihtuah peih lo, Bible thu pawn "I awmdan tur chu Lalpa chungah nghat la" a tih kha maw. Amah ka ring a, aman a ti vek ang...
Taka, Contract kha, zanin ah hian sawi pui ila a tha ang, kan inrem theih ngei ka beisei.
Ka chhuah chuan room chu alo ruak hiau a, khawnge maw a lo kal hman ni, contract chungchang kha sawipui ka duh a sin. Ka inthlak vek tawh a, ka sam ka chhem lai chuan a rawn lut a, biak pawh inbe lo in inbual turin a lut zui nghal a, a lo chhuah hun nghak in contract paper keng chungin sofa ah chuan ka lo thu ran a, paper a thuziak te chu ka lo ennawn a,
Marriage Contract for 2 year's between Rosangliana Khawlhring and Lalrempuii
1. Inhmangaih avanga nupaa insiam kan nih loh avangin, kan 2 chauh a kan awm laiin in ngaihtuah leh inngaihsak derna a awm tur an ni lo.
2. Midang hmaah a tul chuan lemchan pawh a pawi lo, mahse a hming chauh in nupa kan ni.
3. Mihrang leh chhungte hmaah chuan nupa in ngaih ber ang a awm tur a ni. Midang hmaah a inti mualpho thei zawng a khawsak loh tur.
4. Chhungte sawiremna chauha nupa kan nih avangin mipat hmeichhiatna lam hawia in melh leh inbeisei a thiang lo bur.
A hnuai leh lam leh lam ah kan signature pekna turin kan hming ka dah ve ve bawk.
Ka chhiar chhuak leh vek a, a kim thlap turah ka ngai.
Bathroom atanga alo chhuah chuan ka kut in ka lama kal turin ka lo hui vat a, a lo kal ve mai bawk a, ka ep chiah ah chuan thuthmun a rem a, lehkha chu ka lo pe nghal vat bawk, a chhiar zawh hun ka lo nghak a...
Vawiin lama kan thlalak te chu ka en kual a, ka hlimin ka inhre lo a, ka hlim lo pawn ka hre chuang lo....
" Eng nge i ngaihdan...?" ka tih chuan min en vung² a, a bu ta nghauh² a
"Kan chhungkaw hnih inkar ah hi chuan he inneihna hi sawiremna mai chauh a ni tih kan hre vek a, ka pu hian cancer natna avei tih ka hriat avang chauhin he inneihna hi ka pawm a, nangin i pawm chhan erawh ka hre hauh lo a, i duh ang nupui kha ka ni dawn hauh lo a nia .. Chuan ngaihzawng i nei niin ka hria a, keimah avanga in inkar a chhiat ka duh lova, ka sawi awmzia tak chu in inkawp chhunzawm thei tihna ni mai, mahse ual au takin in lengdun thei ka tihna erawh a ni lo a nia, mahse a hminga i nupui ka nihna angin min zah der ve ka phut a nia"
Ka sawi hnem lutuk a, ka thawk a chham tep alawm.
"Ahhh, heng contract tih vel hi a tul ka ti lo, chuan i lungngaih loh na tur pakhat chu he inah hian rei tak kan khawsa dawn lova, lemchan vel kha a ngai dawn lo a nih chu...
Delhi a kan dawr khu khulam miin an enkawl chhunzawm dawn a, thla thar ah charge kan inhlan fel dawn a, chuan Champhai ah branch thar hawng turin hma kan la mek bawk, Champhai lama mi chu kan enkawl dawn a, Champhai ah kan awm dawn tihna nih chu. Chuan i hriattur chu hmeichhe pakhat ah ka lungawi tih hi. Ka ro leh ka sumdawnna emgkim rochun tu tur fapa ka duh , chuan nangin he inneihna hi kum 2 a tan i duh ve thung a, chuan ka sawitum chu i man mai em...?"
A thil tih duh dan chuh... Engtin nge niang.....? Chhan dan tur ka hre lo.....
Mahse, tlawm anga lan mai ka tum lo bur
"A tha lawm, mahse i ro leh i sumdawnna engkim rochun tur chu kei ni lo hmeichhe dangin hring sela a that ka ring, hmeichhe pakhata i lungawi leh i fa hrinsak tu tur che chu i kawp mai dawn nia" ka ti ve hmiah a
"Hmeichhe pa1 ah ka lungawi ka tih ka sawi kha i man lo niin ka hria, ka sawi awmzia chu pasal ka nihna angin nang ka nupui chungah hian maw pasalin a tih tur ang te chu tih vek ka tum, ka thil tum chu ka hlawhtlin tir ngei² thin" tih leh thawh a rual a sawi tur pawh ka hre lo, ka melh rawm² ringawt, he mihringpa hi ka rin ang ani dawn hauh lo, a h*r nih hi, rapthlak...... Hnaih loh hi a tha ber ang, nasa lutuk.
"I hlau hle ni maw, lungngai suh, i inpeih thlap hun ka nghak ang, ka nawrlui hauh lo ang che" a tih leh lek phei chuan chhir pawp mai ka dun, dawhkan rawn kal hualin ka bulah a rawn ding a, chutah a hmui bula a kut dah pahin ka beng bulah rawn kun hniam in
"Rei lutuk erawh min nghah tir lo la" a rawn ti leh sup a, ka hmul thi a ding sung² thei , ka trim uai² thei, rapthlak hian. Zahpui awm lutuk, engtik laiin nge ka chet chhuah hman ka hre lo,
Ka ban rek ah na zet hian a rawn hmer a
"Hmeichhe rapthlak, vawikhat mah i kut kha thawh tawh suh ang che, naupangchhia taka in hnial leh insual tih vel kha a thing lutuk" a tih chuan ka mawl ka inti lutuk, ka kut dinglam a hmer chu a thlah a, a kut veilam a kiu leh banrek inkar a thisen lo hnam tiam² chu ka hmu a, engtik laiin nge ka ham kha ka hre bik lo, ka inthiam lo ngei mai.
"Ka lo tih fai ang" tih leh ka kut a va ban ka rual a, ka kit a rawn beng per a
"A ngai lo, room khat a mut pawh ka duh nek lo" tih pahin a tho a, khawngkhar lam a pana a rawn hnem khar zawh chiah chuan a reh nghal vawng² mai. Haw hle mah ila ka pasal a nih avang khan kan inngaih theih kha ka lo beisei kha a nia, inngaih chu hnai lo lawithat zan atangin kan in hau nghal a nia... Min huat lutuk loh hram ka beisei, ka tum reng vang a ni bik lo, bakah a ni pawn ka ban rek a hmerna ve tho, tih ngaihtuah paha ka kut ka en chu a hmerna a lo duk kual ruih mai, mai² chuan.. A kutthlak ana ve tho..
Duh leh riak chhuak sela ka tan a tha hlei², nuam daih zawk..
Zing ah chuan alarm riin min kaitho a, ka tho paih lo ngei mai. Thawh tlai ka hlauh vang khan alarm ka set kha nia.. ka intih fai hnu ah
Room ka chhuahsan a, inchung lamah chuan room a lo awm thluah a, eng room berah hian nge a riah ang tih pawh ka ring thiam lo... Hahhhh ka ngaihtuah pawh a ngai lo, inhnuai lamah apa te leh an nula te room a awm thung.
Tu mah hmuh tur an awm lo, ala hma bawk a, choka ah ka lut tlang a, Rosanga nu, nu Chhuani leh nula pa2 an lo awm a, nula te chuan min lo nuih sang a,
"E.... Remrem, iva tho hma ve, i chauh awm² nen, nimin lam te, keini pawh kan tho chiah " ka nu (Rosanga nu) chuan a lo ti vat a
"Pari, kha ipu va pe rawh, veranda ah a thu" a tih zawm zat a
"Aa, chau lo e, mo thar rei deuh mut te chu, a mawi lo emai" ka tih chuan
"Ni ve tho mai" a lo tia, dawhkan bula chair ka pawt chhuak a, ka thu thla a, ka ke ka hlang nghal bawk, hei chu ka tih than a nia, ka sim thei meuh lo,kan nui ho dar² a, nula pakhat chuan thingpui ka duh leh duh loh min zawt a, ka duh loh thu ka hrilh a,
"Green tea a awm em?" Ka tih chuan, Ka nu zawk in
"Awm kha, Hriati, chhuar ah khan a awm" a lo ti sawk² a
"Imm, chu zawk chu min lo siam aw"
"Mama pawh chu ava mu rei ve, i kai tho nghal lo mi? " A tih chuan chhan dan tur ka hre lo, engtin nge niang, nizan ah kan riak dun si lo a......
"Ahhhhh"
"Nimin lama kan chet tlatna vel saw seng hawi a ngai a, I pa (Rosanga pa) khan dawr lama hnathawk te a va call in ka hria...Mama pawh chu(h) " A tih chhunzawm nghal a,Hriati chuan dawhkanah green tea a rawn dah a
"Ahhh, nia ihhhh englo..." Ka tih lai mek chuan
"Hriati, thinpui min lo pe ve la" ka hnung lawk atang chuan Rosanga aw chuan a rawn ti a, ka leh hawi vat a, min lo nuih ang vur² a, ka chet buai hman teuh zia kha
"Mama, i va tho har ve, i pa khan hnathawk ho kha a call a, bungrua seng hawi vel kha a ngai a nia" a tih chuan ka bul chiah ah a rawn thu thla nghal a
"Tho tlai nang, dawr ah ka va kal a lawm, hnathawk ho ka va hruai male" a tih chuan phawk zetin ka lo en a,
"Ti nge min kaihthawh loh" ka lo ti vat a, lemchan tan ahun
"I muttui lutuk a, i chauh ka ring a, ka kaitho duh ta lo che nih kha" tih pahin a mit a rawn siai zeuh a, chhum tawlh ka va han chak tak.
"Mama, hnathawk tur chu i va hruai a maw...?" Anu chuan alo ti leh a,
"Aih ahhhh" a malpui ah ka sik hram, nge a ngeiawm viau ni.
"Eng nge a, tinge......?" Ngaihtuah ber ni awm a awm a ngai....
"Eng nga ti nge a?" Nu chhuani chuan alo ti ve leh a, chutah Rosanga chuan min rawn melh pah chuan
"Sisen (sihsen
) nghal zet a niang" a ti kher a, ka lo nui vur² thung"Sisen(sihsen) nghal" ka lo ti ve sup a
"Sisen(sihsen) nghal an awm a mi" Ka Nu chuan a lo ti a,kan nui dar² hlawm a
"Ee..... Kan mo thar chu ava tlangnel hma ve aw....?" Kan nuih dar² lai chuan Zami aw chuna a rawn ti a, aw lo chhuah na lam ka hawi chuan Zami leh Simon-a chu an lo ding dun reng tawh a
"In lo thleng tawh maw...?" tih pah chuan
Ka tho ve nghal a
"Thleng chiah" Zami chuan a lo ti leh a,
"Remrem, inthlahrung reng² suh aw, i in a nih tawh hi aw..?" Simon-a chuan a lo ti a
"Inthlahrung lo e, kna inpawh tha sa a, a nuam" ka tih zawh chuan Simon-a bawk chuan
"Eng nge nizan lam te in mu thei em...?" Tih pah chuan Rosangliana a melh deuh kher a,
"Nizan lam maw,.mu thei meuh....." A tih chuan a hmui ka han hup sak a, chutah ka banrek duk ka han hmu leh zui... Ka kut ka la thla leh vat a, Zami bawk chuan,
"I kut kha a na viau lo maw...?" A rawn tih leh chuan ka lo nuih sak ringawt.. chhan ngaihna pawh ka hre lo.... An nui dar² a
Rosanga chuan inchung lama chhoh a rawt a, ka beng bula rawn kun zeuh paha a thil rawn sawi mai² chu(h).....!!!!!!
Imagination Is Reater Than Reality.
A tawi lehpek viau
...Min hretthiam teh u, ka hmet sual leh pek a e.... Question.....?
Rosangliana Khawlhring Pov kan zep tel ve duh a ngem......?
