Rosangliana Khawlhring 6 By LalHruaitluangi Chhangte

Story tawi te te emaw luanliamna emaw post na
_C.Hruaii_18
Posts: 11
Joined: July 11th, 2020, 3:50 pm
Location: Kawnpui/Aizawl
Contact:

Rosangliana Khawlhring 6 By LalHruaitluangi Chhangte

Unread post by _C.Hruaii_18 » August 4th, 2020, 10:28 pm

Chhiar tui u😘


Ka hmangaihte u in tan a ni e.....🥰





Rosangliana Khawlhring - 6 By LalHruaitluangi Chhangte



Rosanga chuan inchung lama chhoh a rawt a, ka beng bula kun zeuh paha a thil rawn sawi mai² chu(h).......!!!!!!



He mihringpa hi chu aw, fiamthu a duh nge min tih tlangnel nan, nge inpawh taka kan awm nan a tih zawk...... Huissss engmah hi ka hretthiam lo...?





Room kil khatah chuan ka thawmhnaw leh thildang a lo awm ve nual a, bungrua ka ngah lo khawp... Dawr ah uniform kan nei sia, chhuah vah leh incheina tawmhnaw hi ka ngah lo lutuk a, kin ah ka la lei ang, ka thawh chhunzawm hmel tawh si lo a, Champhai lamah kan awm dawn kha maw.......




Simon-a chuan kan thlalak te a rawn lam nghal a, an en leh rih te² a, ka make up ho ka lo rem chhuak mawlh² thung a




"Thianpa, inhnuai lam khu zu pui ila, heta awm ve reng chu a dik chiah lo" Rosanga chuan a ti , Zami zawk chuan





"Ni e, zu pui teh u, hetah chuan in tihtheih tur a awm lo, chaw ei dawn ah min lo ko ula" a lo ti vat, egmah sawi tawh lo chuan an chhuak zui nghal a.



"Nizan lam, eng nge in an...?" Zami chuan a ti nghal su su a



" Eng nge kan an vak ang....." Ka lo ti let a



"Ahhh, ka sawi tum i man, in chet nat hmel viau kha, kha zan khat na atang hliam in in siam nghal a niah.....?" Tih pah chuan a nui a




"Awiiii, sawi lo mai teh aw, kan insualna nih hi"
Ka tih chuan phawk zet hian min rawn melh a





"Eng nga.....? In insual a maw....? Engvangin, i â mi" a ti leh vak² a, ka kut zungchal ka hmui a dah pah chuan ka khap vat a




"Shhhh, bengchheng suh, sex hman te ka duh i ring a mi, nizan pawn kan inhnial a, room hrang ah a riak chhuak ngal daih alawm..." Ka tih chuan, a chek tlak² a




"Thiannu, chutiangin an ti ngai lo, tunah chuan i pasal a ni tawh a, a tan i engkim i hlan vek tur alawm, i â lutuk, in inkar a chhiat phah mai ang...." A ti ta dap² a


"Sex hman loh avanga inkar chhiat" ka lo ti hmuk a



"Sex hi a pawimawh ber a ni chu ka ti lo, mahse in inpawh sawt dawn a, in nun kha ahma aiin a nuam a nga, in inngaih sawt bawk ang......"




"Aaa, nia Zam, min hrechiang ber tu i ni a, mipa ah leh helam kawngah hian tawnhriat ka nei lo a, nei tur pawn ngaihzawng ka nei ngai lo hrim² a, ka tan chuan a har ve lawm, i chanah indah la, ka theihtawp chuan ka in hawng ve in ka hria...."ka tih chuan Alo thaw halh a,




"Nia, ka hretthiam che lawm, Pathian hnenah dil tawp mai rawh.. Chuan thil pakhat nupa inpawh tak nih hi a tha nia" a ti leh a, ni lutuk e, mahse ka la inpeih lo a ni....




"I lo nula rei mah² a ni" a tih chuan kan nui dun hawk² a, nia, nulat rei pawh a tha lemlo chu nih hi , kan rem zawh fel hnu chuan Simon-a zawk in min lo au a, chaw ei an lo peih tawh reng chu niin




Inhnuai kan chhuk mek lai chuan, Zami chuan
"Khawnge Rsa....?"



"Hnathawk ho a va dah leh lawk...."Simon-a chuan alo ti a




"Ava hmanhmawh thlak awm ve....?" Ka lo tia, chaw ei hma² a kal ngai chu



"Nia, bungrua a rawn thleng a, un load tur an indaih lo a niang...." A tih chuan



"E.... Tha lutuk..."Zami chuan a rawn ti hluai a



"Simon min lo kalsan lawk, thil kan han sawi lawk, hmeichhe lam thil" tih pah in Simon-a a chu a nem deuh nawk² a, phun bul² pah chuan a kal ve mai bawk a



"Eng nge a....?" Ka tih chuan khi vur² pahin ka beng bulah thil a rawn sawi a, ka lo ner nawng mai...



"Chutiang a ho...."



"Ho lo, in inpawh sawt mai ang".







Ka ban veilama sana chu ka bih leh zeuh a, dar 11 rik nan minute 10 chiah a awm tawh... Rosangliana han rei em² dan hi, ka ril atam tawh lutuk, thil atthlak tak a ni, Zami'n ti rawh min tih vang chauh a nia, midang in chaw an ei vek tawh a, keimah chiah mo leh nupui tha ber ang maiin, vawikhat mah ka nghak tawh ngai lo ang....



Kan room ah ka awm a, Simon-a leh Zami ten bungraw hawh an dah bawk si, ka mut te hi a chhuak, chaw pawh ka ei lo ang, ninawm lutuk....







Rosangliana Pov's





In ka thleng a, car atanga ka chhuah chiah in ka hnungah Simon-a car a rawn ding ve chiah a.Zami a rawn chhuak nghal bawk.



"Khawnge in kal....?" Ka lo ti vat a,




"Thil hawh kan dah kual lawk a, i kal chhuak leh nge i lo let chiah zawk....?" a rawn ti let nghal a




"Let chiah"



"Ehe, i va rei ve"



"Nia, hnathawk an indaih lo a, keipawh bungrua ka va dah kual sak alawm...."




Inchhung kan luh chuan choka ah ka lut tlang a, kan nula ten thleng an lo sil a, chaw an ei vek tawh a ni ngei ang, ka chhuak tur chu ka nu nen kan intawk a,



"Mama, i lo let chiah a mi"



"Aw, ka han in bual ang nga chaw ka rawn ei ang..." Tih paha chhuah ka tum chu



"I va rei em² ve, Remremi'n chaw ei ah a nghak che a, a ril a tam tawh ngawt ang, pindan ala rawn chhuahsan lo re² a nia, nuam lo a lo ti ange...." A ti siam² a


"Chaw ala ei lo maw....?" Ka ti deuh hu a, ka nupui chuan lem alo chang a ni maw.... A ril chu a tam ang tunah dar 11 a pel tawh a nia..




"La ei nang, i va rei reng² ve...?".




"Nia, bungrua lo thleng kha a tam a, order sa ka deliver sak a"




"Ka han inbual ang nga kan rawn ei ang, chawhmeh lo chhuanglum ula" tih pah chuan ka chhuak a





Pindan chhung ka luh chuan khumah chuan min hnungchhawn zawngin alo mu kawm ngat a, chaw ei a min lo nghah chu a ngai lo a sin le, a ril a tam tawh ngawt ang, darkar hnih tha zet zawt ka thang sia...
A hmel en thei tur chuan khum chu ka kal hual a, a muhil a nih hmel, ka nupui duhtaki chu aw, inbual zawh ah kaitho mai ang, a muttui hmel emai.





Kei hi Rosangliana Khawlhring ka ni a, mipa cool tak ka ni lemlo , Rempuii hian he inneihna hi a duh lo hle tih ka hria a, mahse keichuan ka hriatna a rei tawh avang khan ka lo insiam rem zawk a, amah hi hmeichhia ah chuan a tha pawl a nih hial ka ring, ka bialnu hlui a tluk lohna nia ka hriat chu a san zawng hi, a te lam deuh a ni a, ka dar chen vel chiah² a ni bawk, abak chu sawiselna tur ka nei lo. Bathroom ah ka luhsan a

Bathtub ah chuan tuilum in ka inchiah vang² a, ka nupui muhil lai chu ka mitthla a, ni e Lalrempuii hi ka nupui a ni tawh, ka thih thleng pawn a ni reng ang.
Vairam lama lehkhazir a ka awm lai khan ka lehkhazir pui thin Zorini nen kan ngaihzawng a, Mizoram ka let hnu pawh khan kan inkawp chhunzawm reng a, kan in a leng tura ka sawm ni khan ka pu in Nupui hual ka nei tih min hrilh a nih kha. Khami ni atang khan Rempuii hi ka zir chiang a, ka hriat theih ang zawng² chu ka hre tawk viau, mahse kum9 laia kan inthlauh avang khan a ni kha chu tleirawl te kha ala nia, mahse nupuia neih tumna pawh ka nei lo, ka pu khan a duhthusam a nih thu leh a thiantha ber Pu Thanmawia (Remremi Pu) nena chhungkhata insiam an duhthu min hrilh a, mahse kha thu ka hriat atanga kum 1 hnu ah ka pu khan min boral san a. A hnu kum ah te khan Inneih tur thu leh chulam engthil mah an sawi tak loh avang khan sut a nih ka ring a, mahse tunah ka nei ta chu a nia.... Zorini pawh kan inneih hma thlakhat vel khan ka then fel a, mahse a pawm thei meuh lo kha ania... Zorini chu model a ni a, a pian leh taksa pawh a nalh, a hawiher leh a dai chin pawh a sang, mahse Rempuii hi ka iai chuang bik lo, hun rei taka ta ka lo hriat tawh vang a niang chu. Amah pawh hi a iai awm chuang loh...




Tub atangin ka chhuak a, shower ka neih leh zuai a, towel veng in ka chhuak a, khum chu a lo ruak huai tawh a, ka inbual zawhah ka kaitho ang ka ti kha a nia, a lo tho hman pek..
Towel nen chauh chuan thawmhnaw dahna lam ka pan phei chu dressing table hmaah chuan a lo thu a, min hmuh chuan a hmai a hup vat a, naupangchia lutuk...





"In ha vat rawh,....." A rawn tia, hetia a awm hian fiam a nuam




"Eng nge...? Pasal te taksa hmuh zah te chu a" ka ti vel a



"In ha mai rawh.... I lo haw har si...." A ti pang² a, thawmhnaw bawm pan pah chuan





"E taka, chaw ei ah min lo nghak tih ka hre lo a, dawr ah ka rawn ei a sin..." Ka tih chuan a thinrim hmel ngei mai





"Ka nghak bawk lo che, Zami te nen kan ei aw..." dawt sawi a thiamlo hle tih ka hre ta a, kawngka lam pan chuan a kal a




"Ka nu in min hrilh vek, min lo nghak rawh, kan chhuk rual dawn nia" ka tih chuan hre lo ang hmakin a awm a, din tir dan ka thiam alawm





Kawr pawh ha lo in ka pan phei a, a hnung lam atanga ka kuah chuan a ding chawt mai........ A che zui tawh lo reng²











"Hmangaihna leh indo naah chuan engkim a thiang vek"

---Francis Edward Smedley---







A sei viau lo, min hretthiam teh u🤗😘
Like, comments leh ads click kha aw🥰😘😘


Whatapp group siam in duh em....? Discussion neih nan🤗😃



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)