Chuan, thil zahthlak deuh mai, zah lutuk avanga khuk ral chem² chakawm khawp thil ka tawng a, ka zah tawh lo nan min lo tawngtai pui ru aw, hmeltha ho
Han chhiar leh tak² teh ulem
🥰Rosangliana Khawlhring - 8 By LalHruaitluangi Chhangte
Rosangliana's Pov
Ka harh chuan ka bula ka nupui Lalrempuii tui ti taka a muhil thaw ri sek² chu ka thlir a..
Kan inneih zana contract chungchang vel leh mipat hmeichhiat na hman a duh loh avang khan mipa kawp lai a nei turah ka ngai a. A hnu ah mipa ala kawp ngai loh thu sawi mahse ka awih lo kha a nia.. Mahse nizan khan a la thianghlimzia chu keimah ngei hian ka hriat kha maw.... Ama sawi ang ngeiin engkim ah a hmasa ber ka nih hmel a, in fawh tak ngial pawh a zei lo, mahse ka zirtir zel ang, a tan a hmasa ber ka ni a, ka tan erawh a pahnihna ni mahse a tawpna erawh nih tir ngei ka tum tlat. Ni e, Zorini kha a chhelo a, mipat hmeichhiat ah pawh a zei lutuk tlat, ka tan a hmasa ber a ni a, mahse atan khan a hmasa ber ka ni tlat lo kha amak vak lo, model a ni miau a. Mahse ani ai khan Bawihi hian alet in min ti phur zawk tlat.. Ka thil ngaihtuah chu duh lo in ka nupui chu a hnar ah ka piai zeuh a, a rawn meng riai² a,
"Dar engzat nge.... Iva tho hma ve?" Tih pah chuan a inlet leh thak a, hmangaihna ka chenpui ngei ang...
"Dar5, Bawihi, tho teh, darkar khat vel chu i muhil lai ka thlir tawh che, ka thil duh hi min pek a hun tawh a nia" tih pah chuan. A h**te chu ka tham tawk a, a rawn inlet thak a,
"Ka chau a nia, ka la mu duh...." A tih chuan a hmui ah ka lo fawp nghal a, khumah chuan a vawrtawp ka thlen pui leh a, ka inbual tur chu a duh lo chung ka pawm lut a, a tawp kan thleng dun ngun malh² hle a ni. Ka nupui duhtak hi engtik ah mah ka hne thei ngai lo ang.
Kan inbual zawh hnu ah khum vel a thi lo kai nuai chu a thlak a, inhnuai ah ka chhuk san a, ka pa lo chhuak nen chuan kan intawk a,
"Mama, Delhi ah engtik nge chhuk in tum....?"
"Ka hre mai lo, Remi pawh ka la sawipui lo, nimin tlai khan Arjun-a (Delhi a kan dawr enkawl tu ) nen kan inbia a, charge inhlanna zu neih zawk kha a ni mai a, rei cham kha a ngai dawn lo a"
"Ni e, Champhai a in inluah tur pawh an peih fel thawkhat tawh a, thlathar ah chuan in luah lut thei turah ka ngai a"
"Nia, saw lam sumdawnna pawh changtlung zawka kalpui vat a tha ang"
"In nu chu sawipui la, Delhi ah chuan hruai i tum em...?"
"Tum a, mahse engmah ka la sawipui lo"
"Sawipui la, inrawn rawh u"
Vawiin ah Simon-a khan kan farm house ah khan picnic kha a rawt tak a sin, phone ila a tha ang. Ka kekawr ka dap chuan ka phone alo awm lo a, pindan ah ka kalsan a ni ngei ang. Bawihi pawh chu ava rawn chhuk har ve mawle...
Pindan ka luh chuan khum bulah min hnungchhawn zawngin a lo ding a, ka pan a ka va kuah chuan alo phu leh zawk tawh...
"I va lo chhuk har ve"
"Min ti phu lawm... Ka inrin loh laiin min kuah thut² zel suh"
"Eng nge i lo ngaihtuah, ka pen thawm pawh hre lo in, chuvang nih kha i phut"
"Engmah ka ngaihtuah lo, hei i phone hi a ri a, nb hlang a nia, ka la a, a ngawi leh vung² bawk sia" tih pah chuan khuma ka phone chu a kawk zeuh a
"Tu nge niang aw....? Nb hlang chu ka hre bik lo, a pawimawh chuan a lo call leh mai ang" tih pah chuan a nghawng chu ka fawp a,
"Hey, a zâ nia, duhtawk teh" ka phone a rawn ri ve peh chiah bawk, Simon-a a ni thung
"Aw, Simon"
"Vawiin chu, kan kal dawn ta em....?"
"Ka hre lo, kal awm tak kan nu hi kan rawn ang nga ka rawn be leh dawn che mi?"
"Inla nupui nei lutuk suh aw, min rawn hrilh leh dawn nia"
"Bawihi, vawiin ah Simon'an kan farm house ah kal ila, inti hlim ang u a tia, kan kal duh ngem?"
"Farm house in nei mi...?"
"Nei e, Aizawl atang a hla vak lo, darkar chanve vel a niang"
"Nge, kei min zawh kher??"
"Aw, i kal duh loh tak khan...?"
"Duh lo lo e, a nuam ngawt ang chu" a hnung lam atangin ka la kuah reng a
"Nia, nuam ang, Simon-a leh Remsanga te thian dun an ni dawn a, kan tam dawn lo a, Simon-a hi a mal tan a, i duh leh Zami sawm ve la"
"Aaa, ngai hleinem"
"Nuam lo i tih ka hlau a" ka lam a rawn hawi a
"Hey, i awm chuan nuam ka ti lutuk ang" a tih chuan mak ka ti deuh, nge min ngaina ve tawh zawk
"I ti tak² maw, i inthlahrung a nge"
"Aih" a tih chuan a hmui ah ka lo fawh sak a, mi chhanlet na chu ala thiam viau lo, ka zirtir ngei ang...
Lalrempuii's Pov
Rosanga thianpa Simona'n in ti hlim turin Rosanga te farm house a kal a rawt a nih hmel a, ka lo remti ve mai, bakah lo hnial kha a tul ber lo bawk, in relax nan pawn a that viau ka ring bawk. Chaw ei kham ah kan bedsheet leh thawmhnaw ka su a, Rosanga Khatla lama an branch ah a kal bawk sia, ka nu hian engmah thawh a phal bawk si lo, room a awm reng hi a nuam bawk si lo a, eng emaw mai² tih tur zawng ila, a nuam ve deuh ang...
Inhnuaia ka chhuk chuan ka nu in dawhkanah chuan lehkha ah thil a lo ziak mawlh² a, a bulah chuan ka thu thla a
"Nu , eng nge i tih a...?"
"E, hei commitee kohna ka siam a, kohhran nu ho"
"Ka lo tih pui ang che, engmah ti lo a awm chu a nuam lo ka tia"
"Eee, Bawihi engmah tih a ngai reng² lo, ti khan thu la, Mama hi maw a tet lai chuan a nuihzatthlak thin em² a, kan fapa neih chhun a ni a, a chang phei chuan a pa zo dawn lo a maw te kan ti lek² thin"
"Ngati nge....?"
"Room ah hian ka pheikhawk hnuai chhah sang ang hi a bûn a, ka bag te hnawihsen te, khatiang lam kha a lawm em² thin a....."
"Kum engzat vel a nihin nge a??" Tih pah chuan ka nui vur² a
"Kum 3-4 vel a niang, mahse a hnu daih kum 6-7 vel khan vawikhat chu a school bang kha ka lam a, anutei ka nau chiah hi kan hmu a kan inah a rawn peng a, ka period dawn niang, ka tai te hi a na a tia, chutah Mama pek chuan 'nu keichu ka la period miah lo' a rawn ti chu kan nui nasa lutuk a, a thinrim leh vel a" a tih chuan ka lo nui khur char²
"Ta tang chuan toys kan lei te hian mipa lam khalh ah pawh pa tak² ang kan lei sak ta ziah a, a pangngai ve chho tan a, hei tunah chuan nupui hial te a nei ta a, kan in a i lo lawi duh hi ka lawm teh a nia, i nungchang hi a tha em² a, kan monu i ni dawn tih hi i pian tirh atang khan kan hre tawh a, Mama nen hian Pathian hnenah hian ka hlan dun thin che u asin"
"I mi fak derna ah ka lawm lutuk, ka naupan leh tleirawl chhuah in engmah ka hre lo a, hmanni lawk ah ka hre chauh a, kan innei ta rum² mai bawk sia, nupa tha leh inpawh tak kan nih ngei ka beisei"
A hnuah thil dang kan sawi teuh a, a hma atanga kan lo inhre sa hi ka vannei ngei mai. Ka pawh phah a, Rosanga hian ngaihzawng a nei tawh lo khan a sawi a, ka ring ngam chiah em pawh ka hre lo. Ka tan chuan a hmasa ber leh tawpna ber a ni ngei ang...
Lunch ei hma deuh in ka pa nen an lo haw rual a, kan thil siam pawh kan zo fel chiah, ka phone chu dawhkan ah ka dah a, ka bulah Rosanga a rawn thu thla ve nghal a.
"Ka pa, chawhnu lamah hian farm house ah inti hlim tura kal kan tum a, Simon-a khan kal a rawn rawt a"
"Va kal ru, Remremi pawh ala kal hleinem, in relax nan a tha lawm,"
"Nia, nuam ngawt ang" ka lo ti ve a
"Simon-a hi nupui neih leh te hi a tum ta lo mi, nge a nei tawh zawk?" Ka pa chuan a ti a, Simon-a pathlawi maw
"La nei leh lo, a la hmu zo rih lo a ni ber, neih leh a tum pawh ka hre lo"
"Aaa, a fapa tan sawn a buaithlak ang"
"Nia, a la naupang sia, a khawngaihthlak ngawt mai"
"Mama, farm house ah kal in tum maw....?" Ka nu chuan chokaa rawn luh pah chuan a rawn ti a
"Aw, chawhnu lamah hian kan lo tum deuh"
"Ni e, Remremi tlawh pui pah a ni mai lawm"
"Nia, Bawihi hi hruai ve hrim² ka duh a, Delhi atanga ka lo haw chuan Champhai ah kan phei nghal awm sia"
"Delhi maw...?" Ka lo ti hu a
.
"Immm, kar leh ah kan kal dawn nia, charge inhlanna neih zawk a ni mai" a tih chuan ka lo bu nghat a
Thil ei zawh hnu ah room ah kan chho a, kan insiam chhunzawm nghal a, pool a awm a tih avangin inchiah ka duh dawn a, hak thlak leh mamawh tur vel ka khung a, ka hman der Zami ka hrilh ta lo a, a thiante pawh ka kawm thei vek ang.
A sawi angin Aizawl atangin a hla vak lo a, kan thlen chuan an lo awm tawh a, kan vaiin 5 kan nia, Simon-a chu a mal tan tak² a, vawiin khan pathlawi a ni tih ka hre chiah? Pathlawi hmel phei chu pu lo tak a ni.
A hmun chu a rem em² a, building lian ve pangngai tak, a chhawng a ni a, inhnuai ah choka leh room leh bathroom 1 ve ve a awm , in chung ah room 2 leh bathroom 2 a awm bawk. In hnung lamah chuan pool a awm, Rosanga sawi dan chuan a enkawl tute hi huan mawng lamah thlai leh thil dang awmna lamah an awm a tia, awm chilh an nih avangin a fai viau bawk. In hnuai lamah Simon-a'n a thil a dahna keini nupa leh Remsanga te thian dun inchung ah kan in nghat thung.
Tui ka cheng thiamlo chung hian ka inchiah peih em² thung. Thlasik intan tawh mahse ni a sa tha vel vawl bawk a, khua erawh a lum viau, music ring mangkheng in an play , Simon-a lah in Savage love ringawt a play a, a duh chhan erawh ka hre lo tlat. Nupui then a nih vang te pawh a niang, Remsanga pawn a hla duh a play thei lo, drinks ah beer bak an keng lo a, ka in ve thin ngangin ka in duh lem lo, Zonuni (Remsanga bialnu) nen eirawng kan bawl a, kan mipa te chu anla cheng tui khawp.
Dar ruk vel ah chaw kan ei a, nuam kan ti tlang khawp . Kan ti ti a, Simon a leh Rosanga hi cousin an lo ni reng a, Rosanga nutei Fapa
a lo ni reng a, mahse Simon-a hi a naupang fe zawk a, kei aiin kum 2 chauhin a upa bawk. Zan lamah chuan khua a vawt vur tawh bawk sia, pawnah mei kan chhem a, kan ti ti leh char² a,ka phone a sana la en chuan dar 9 lai a lo ni tawh , haw ka rawt a. Remsanga te an tlan hmasa ber a, a dawt ah Simon-a'n a zui a, keini a hnung berah kan zui a. An huan hi kawng thlang lamah a awm a, kawngpui bulah gate a awm a, kawngpui chhuah chho dawn hi a chho zual deuh bawk.
Simon-a chu a ding chut a, thil a ri nghal deuh bur bawk, mi a su a ni ngei ang. A tlan chhuak a, motor a park tha a, kan chhuah chhoh chuan chhaklam side drained ah chuan scooty a lo let reng a, hmeichhe tleirawl in a lo tun that alo tum mek bawk. Kan chhuk ve a, Remsanga te lah chu an tlan daih tawh mai sia... Simon-a chuan
"Mami, i tha em...? Na te i nei em" tiin a zawt a
"Mami pawh ka ni lo, Zohruaii ka nih hi.Zohruaisangi...... Motor i khalh in kawng chauh en mah ta che, lirthei dang tlan a awm leh awm lo en ve tur che lawm, nangpawh side drained ah tlan lut la, i duh bik a mi" a zawhna pawh chhang lo chuan a rawn ti let ve pang² a, ala naupang ngawt ang, hmeichhia leh nghal, tun ang zan reiah tawh ah......
"Kan tihpalh lutuk, na chu i nei em" Rosanga chuan a lo ti ve leh a, chu tleirawl chuan a phone a phawrh a, flashlight a on a, a scooty chu a en kual den² a
"Keimah chu na lo, mahse ka berh vek a, ka scooty a rang nual bawk" a rawn ti vin leh hlar a, kan nui hak hak hlawm a, ala naupan hmel sia, a thinchhe ve reuh sia, a kai ve reuh amaw ni
"Lawk, ka hmuh hnu i ang hle mai, in hmuh tawhna kan nei em...?" Simon-a chuan a zawt a
Simon-a hmaah chuan a rawn ding a, chiang fahran hian Simon-a chu a rawn en a
"Nangmah, Simon Cowel-a maw...? Ti nge harsatna ka tawh hian a belhchhah tur leh min ti thinrim zual turin i lo lan ziah" a ti ta pur mai a
"Nangmah i ni, a hma mi kha, ila thinchhe reng a nih hi" Simon-a chuan nui tut² pah chuan a ti a,
"Rs, min lo va tlansan mai ru, ka ching fel thei mai ang, a tlai tawh si, amah hi ka hmelhriat a nia, lo va haw ru"
"A buaithlak lo ang maw....?" Ka lo ti a, a la naupan hmel mai si
"Buaithlak loh, a hma in ka thawhna khua ah khan tui tling ka chil per tawh a, tah pawh chuan min vin hrep tawh alawm. Ka ching fel thei ang"
"Anih kan kal mai aw, a tlai tawh si, ching fel vat la, mangtha aw" Rosanga'n a tih chuan kan kalsan a, in ching fel thei tak ang maw....
In kan thlen chuan dar 10:30 lai a ni tawh a, an lo mu vek tawh bawk.
Inti fai tura bathroom ah ka lut nghal a, ka chhuah chuan khumah bawkkhup zawngin alo mu a, a muhil a nih hmel, vawiin lam a tui chenna a chau deuh a ni ngei ang, ni kha a sa tha ang reng sia....
A hmel chu ka thlir vang² a, ka pasal Rosangliana Khawlhring........
"Pathian zawng, a kawng chu a tha famkima;
Lalpa thu chu fiah a ni tawh;
Amaha rinna nghat zawng zawngte tân chuan ani chu phaw a ni."
---Sam 18:30---
Vawiin hi ka thiannu Lalramhlui piancham a ni a, ka lawmpui che aw Ram, i damni hrui ang sei se, i siamtu hre reng la, i chhungte leh thiante tan awm reng ang che....🥳🥳
Pathianin malsawm che rawh se
L- Lenrual te zing ah pawh
A- A sakhming a mawi hluan
L- Lanu hian i piancham ka lawmpui che
R- Ram leh hnam tan mi tangkai tak lo ni la
A- An sel leh thlei ni lo turin, awm la khuannun
M- Malsawmna vur che sela, vawiin ni hi
H- Hlim leh lawm leh nuam takin hmang la
L- Lo hmeltha la, lo fel zual zel la
U- Unaunu, thian, fanu leh tunu fel lo ni la
I- I pianni lawmin lengzawngte kan hlim ngei e.
--------Happy Birthday, LalRam--------
🥳🥰
A chhiar lo² chu aw.....
A nimai......
A tawp trep tawh a, next atang chuan kan kal zung² tawh ang...
Ka regu lo em chung pawha min lo chan thin avang hian ka lawm takzet.
Ka story te in lo ngai hlu hi ka lawm takzet....
Simon tih kha in la hre vek em.....?
Fb ah post ka siam tawh kha, next ah ka ziak dawn a, Rosangliana nen hian ka combine deuh a, kinah hemi complete vel leh hian kan dah leh tan dawn nia aw.....
Ka hmangaihte u