Rosangliana Khawlhring 9 By LalHruaitluangi Chhangte

Story tawi te te emaw luanliamna emaw post na
_C.Hruaii_18
Posts: 11
Joined: July 11th, 2020, 3:50 pm
Location: Kawnpui/Aizawl
Contact:

Rosangliana Khawlhring 9 By LalHruaitluangi Chhangte

Unread post by _C.Hruaii_18 » August 20th, 2020, 6:37 am

Kan kal zung² tawh ang ka tih kha aw...😉








Rosangliana Khawlhring - 9 By LalHruaitluangi Chhangte








Tunah chuan thla 3 lai kan inneih ve ta a. Krismas leh kumthar chu Aizawl lamah kan hmang a, naktuk ah Champhai ah ka let dawn bawk. Sana ka en a, zan dar 11 a ri tep tawh a, Rosanga ka call a, a ring ral thak a, ka tih nawn leh pawn ala la thei chhuang lo, a tlai tawh mah² a ni.




Remsanga ka call a, an haw vek tawh thu min hrilh a, mahse Rosangliana hmel hmuh tur reng² a awm lo.





Thinrim tun in ka mu meng kar a, vawikhat mah kan la inhau lo a, nitinin kan inpawh telh² a, kan hlim dun thin viau. Tun anga zana a chhuah rei hi ka la hre ngai lo. Chuan ngaihzawng a neih awm reng² ka hre lo a, a neih pawh ka ring hek lo, mahse he inneihna hian engtia rei nge a daih ang tih hi Pa chauh lo chuan a hre lo. Ka hmangaih che tih thu hi vawikhat pawh kan la inhrilh lo ve², mahse min duh thu kha chu a sawi tawh ngei a, mahse vawi1 chiah kha bak kha ala sawi lo. Ka duh emaw ka hmangaih pawn ka inhre lo mahse chiang tak pakhat chu ka ngaina tih hi.






Kan inmamawh tawnna a sang em² a, nupa nun phei chu hmang nasa tak kan ni. Mahse ka la rai miah lo. Engtin nge ka rai reng ang, damdawi ka ei ziah miau a.... Nimin ka pute in ah kan leng a, ka pu pawh a tha viau a, natna nei hmel pawh a pu lo, Rosangliana nen khan an ti ti a, eng eng nge an sawi pawh ka hre ve meuh lo.... Ka nu te in lamah kan lenin ka nu khan nau ka pai leh pai loh min zawt zuk a, mahse ka rai loh thu in ka chhang ringawt. Rosangliana hi ka damchhunga neih reng ka tum lo a, tunah rih chuan ka pu lungawinan mai² ka nei, nupa nun hi chu kan inneihna tifamkimtu a ni mai.








Kawngkhar inhawng thawm ka hriat vel leh ka maimit chhing nghal a, a in khar ri leh khep a, pen thawm a rawn hnai zel a, ka hma zawn ah a tawp chat, zu rim ka hre nghal, ka thawk ka ip ngar² a. A reh vung² a, kum lum thur² in ka hmai a rawn chul a, eng emaw sawiin a phun sup a, a tho kang a, bathroom ah a lut anih hmel, tap a tui herhhaw ri ka hre nghal. Ka thaw huai mai. Sana ka en a dar 1:30 chiah² a ni. An haw darh hun kha Remsanga khan dar11 vel ni khan min hrilh a....







Aaaa ka ngaihtuah peih lo, a duh² chen a leng ang, a hminga ka pasal mai² a nih hi. Ka lo ngaihtuahna vak tur kha a awm lo emai.






Ka harh chuan khua a lo var vek tawh a, ka mutna sir chu alo ruak huai a, mutna hnuhma hmuh tur a awm lo a, nge ni a lo riak lo zawk emaw ni....? Mahse engvangin....? Aa ka ngaihtuah peih lo...








Ka tho a, bathroom ah ka lut a, hmai hru mawlh² pah chuan ka chhuak a, dressing table lam ka pan mek chu sofaa ka thil hmuh avang chuan ka ding chawt mai.






Nizan ah ka bulah a mu lo maw.....? Rosanga chu puan nuam sinin sofaah a lo mu nih chu.... A vawh awm tehreng nen aw.... Eng nge a hriat chu le....? A ruih vangin an inthlahrung a ni mai thei... Khuma blanket chu la in ka sin belh tir a, ka chhuahsan a.







Inhnuai ka chhuk chuan ka nu te pawh an lo awm leh tawh... Kan chenho lai pwh khan ka nu hi chu ka thawh khalh thei ngai lo, cheng ho rei lo mah ila. Tho hma ka intih viau pawn a lo tho daih zel tawh tho. Ka nu chuan purunvar a lo kheh mawlh² a, a bulah ka thu thla a







"Eee, Remi i va tho hma ve"








"Thawh a hun tawh lawm, bakah kan hawsan tawh dawn chen sia, i bula awm ka duh a"







"Ni e, i ngaihawm dawn ngawt mai..... Inpa hi ala mu a mi ava lo chhuk har ve"






"Imm,.la mu nizan alo haw har deuh a, thianho an inhmu khat sia, an âm deuh a niang, motor khalh tur a ni sia, mu char² mahse a pawi ka ti lo"







"Ni e, a theih chen² mu rawh se"





,
"I nute pawh an lo phei tep, kan inbe tawh a"







"Aw, a that chu, lo va hruai te ka tum deuh a..."







"Aaa, driver a awm a lawm, iva hruai a ngai reng² lo"






"Nia, ni tho mai"






"Enteh, Remi....?"







"Aw...." Pari'n thingpui min rawn pe a, an khaw lamah krismas leh kumthar an hmang a, Pari hi a rawn let hma a,Hriati chu ala cham thung.








"Hei, thla thum vel lai chu in inneih tawh a, i la ruak em ni....?"







"Aw... Nu ka la ruak rih a.... Ka rai ..... Ka rai thei dawn lo niang... Invenna pawh kan hmang ngai lo" ka ti zawi sap a, ka inthiam lo deuh, tu hmel hmuh an chak a ni ngei ang, mahse.....







"Ee, ila rai em² ang, mi pawh a kum tel an rai chuang lo a, an nei ve peh mai alawm... Lungngai suh, Pathian kan dil a nga... Dilna hlawhtlin tir tu an tih kha maw....."







"Ni......" Ka sawi zawh hma chuan Rosanga chu ka bulah a rawn thu thla a







"I thawh lai la lo hre lo a" a rawn ti sup a






"Hre reng nang, kan mu dun miau hleinem" ka rilru in ka lo tia






"Nia, i chauh hmel lutuk a, Pari i uRsa hi thingpui lo siam la" ka ti nghal zat






"Aih, ka in lo ang, tukin chu ka lu ana riau"







"Na chhawkna i ei em....?" Ka nu chuan a lo ti vat a







"Aw, ei tawh ka zia mai ang...."







"Chuti chu, Mama la haw lo mai ru aw, i nawmsam loh chuan a tha lo, lirthei chhe thei a nia, chetsual palh a hlauhawm emai"







"Nu, ka tha tawh alawm, chawhnu lamah kan chhuak ang nga, kan tluang lo bik em nang"







"Akhai, Mama, mihring hian kan hma hun kan hriat loh zia chu Biblea i en chuan maw Thuhriltu bung 9:12 ah " Mihringin ama hun pawh a hre si lova; sangha, lên hlauhawma man leh sava, thanga âwk ang maiin, mihring fate pawh an chunga lo thleng phutin hun tha lovah an âwk thin a ni" a tih kha, chuvang chuan in haw rih loh kha a him ber eng nge in chungah thleng tur a hriat loh, haw rih lo ula ka ti kei chuan, ipa pawh hrilh a tha ang". A tih chuan tha ka lo ti ve khawp....







Rsa'n alu a bu nghut² a, ka pa a rawn lut ve chiah bawk,







"Pari thingpui mi lo thlit leh ta che" a rawn ti lut a







"Mama pa, hei vawiin hi an phei ni a nia, Mama hi a lu a na a, a nuam chiah lo a, phei rih lo ae ka lo tia, eng nge i ngaihdan....?"







"Damdawi i ei em...?"








"Aw, ei tawh ka zia tawh lutuk, mahse ka nu hian a remti chiah lo a, luna satliah a nia, motor pawh ka khalh thei tho ang"








" Na satliah mahse, in tlan laklawh lai khan lo nuam lo ta la, chesual palh thei in nia, chuvang zawk chu lawm Bawiha"







"Nia, keipawn pawi ka ti lo, kan inhmuh khat em hi, kan phei chuan awm leh char² kha a ngai dawn sin, bakah eng hna mah thawh i phal bawk si lo a, ka khawhar theih zia" ka lo tih chuan kan nui ho dar² a








"Nia, Mama vawiin chuan phei lo phawt mai ru aw, naktuk lamah, vawiin lam i dinhmun te kan ngaichang ang nga,thil hmanhmawhthlak a awm chuang lo"







"Aw, in tih dan² kha nimai, Remi ala cham duh bawk a, a remchang a ni mai a lawm"







Tawng tuma ka ang zuau chu pawn lamah motor thawm a rawn awm a, ka nu te khan chaw an rawn ei dawn tak a sin. In thlahna tur kha a nia. Kan haw leh dawn ta si lo a







"I nu te an niang a, inthlahna chaw kan ei ho dawn tak kha maw, in haw leh dawn si lo a" tih pah in ka nu chu a nui sung a,







"In haw dawn ah kan ei leh a nga nimai a lawm" ka pa chuan a lo ti a







"Ti ru, lo va hmuak ang u" ka nu chuan thawh pahin a ti a, ka zui ve nghal bawk









Chaw kan ei hnu ah kan haw leh dawn loh thu an sawi a, naktuk ah ei leh ila te an nia, kan hlim ho dar² khawp mai. Ka pu pawh a hrisel tha viau chuan ka hria, a nat thin awm pawh ka hre lo, a tih zia khawp.









Kan in lamah ka leng phei a, Rosanga ka sawm tho nangin a nawmsam loh avangin a lo kal peih lo kha a nia. Pawi lo tian ka thawveng zawk, a mi uap a na si, .....










1 month later







Lalrempuii's Pov








Ka hna bang ina ka lut chu zu rim ka hre hmasa ber....
Sofa room chhuat ah chuan zu bur a lo tla a, a baw nuaih bawk a bul chiah sofa ah chuan Rosangliana chu a lo mu zawi nguai a....
He nun hi ka kham ngawih²..... Ka rin ang alo ni lo reng² , ina a awm chu a ruih lai chiah.....

Kahrawt vengah bialnu anei tih thawm te ka hria a, ka zak lutuk hi a hreawm. Kumthar kan hman zawh a, kan haw phei hnu khan in ah te hian a rui lai chiah in kan awm dun a, inngaihtuah chu khawi lamah, kar khat ah vawi 2 vel bak kan inbe ngai lo... Mhase a hreawm ka ti, engvanga hetianga awm nge a nih....? A fel viau khan ka hre sia, hetiang tur tih hria ila ka nei lo tawp ang, mi nuihzat bur ah ka insiam a ni ringawt....







Ka inthlak zawh hnu ah a zu inna ka ti fai mawlh² a, a rim a na sia ka thaw thei lo tep thin.... Ka hnunglamah a rum tuah² a,.ka inrin hma in ka dak awrh mai,







"Engvangin nge i kut bawlhhlawh khan ka zu bur kha i lo khawih...?" A rawn ti tuar a, ka sam ah min pawt vak bawk
A zui rui zawkin hetia min tih chu le.....









A kut chu ka sik vaka , ka tan tihngaihna a awm si lo, min thlah ve mai bawk a, ka ding vat a, hetia mi tih reng² ka haw lutuk,








"Rosanglian, i zui rui enkawl tur che hian pasal ah ka nei lo che a nia, i duh² a kut i thlak tur pawn ka piang lo. Engvanga hetia awm nge i nih.........? Khawtlang mipui min sawi dan te hi i hria em, zahthlak zozai lutuk...." Ka sawibelh thei lo, a rawn ding chhuak a,







"Nangpawh i thawhpui pa nen khan tlai tin in rawn in phur chhuak a ni lawmni, in ingngainat viau kha....?"








"Mai² che hian, i hmei nena in khawsa dun lai vid leh thlalak hi ka dawn chamchi a sin, ka luak in ti chhuak zawk....."





Ka hmai a rik chawrh rualin ding lam ah ka hawi sawk a, ka biang a thip nghal zawk a,a sâ vung² mai. Engtik laiin nge ka bul alo thlen ka hre lo. Ka hawi chhuak a, ka hmaah ngawi reng in a ding a, ka mittui kar atang chuan ka en a, ka hmu tha thei lo....
Kei Lalrempuii hi ka tet te atang in tun thleng hian ka pa takngial pawn kut min la thlak chhin ngai lo, a tu amahin chhete pawn min la thlak ngai lo hrim².






Ka hmui bul thip vet² avang chuan ka khawiha, thi min chhuah a maw..... ka mittui a luang zawih, ka insum thei ngang lo, mittui hi chak lohna lan tir tu ni mahse ka dang zo lo, ka tan he thil hi a rapthlak lutuk. He inah hian ka awm thei tawh lo. Kan room lam ka pan a, ka thawmhnaw tlem a zawng leh ka thil mamawh tur ka la a, ka thawhpui Ruattei ka pan mai ang... He mihringpa hi ka chenpui thei thlawt tawh lo.














Philipi 1:21

"Keia tan zawng nun hi Krista a ni si a, thin pawh hlawkna a ni"








👇👇 A chhiar lo² chu in chawh a nimai🤣😈😈



Dah loh ka tum mahse, ka chawlh rih dawn avangin ka rawn dah hram a ni e, ka hma ah hian buaina hi a intiang chho urh emaw tih mai tur a ni. In mi hriatthiamna ka mamawh tak zet a ni e.



Kan comeback hun tur erawh ka hre lo.



Ka hman vel leh kan complete nghal dawn nia. Ka duh ai thui kan kal tlat. Kan kal muang lutuk a.....




Dah loh laiin lo dam tha ula, lo hrisel ru aw.
Stay home, stay safe😷😷🤧🤕








Likes leh ads click mawlh kha aw..... Hmeltha ho,😘😘




"Beisei nei taka van lam thlir reng hian.............
Ring a kham duh an ti" 🤭


Imagination is Reater than Reality



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)