Delivery Boy(Short Story)

Story tawi te te emaw luanliamna emaw post na
Thuamhlui
Posts: 35
Joined: August 28th, 2020, 4:53 pm

Delivery Boy(Short Story)

Unread post by Thuamhlui » August 30th, 2020, 8:44 pm

Tuk dang anglo takin tukin zing chu hma takah school tanni anih avangin ka tho va, restaurant chhete hi kan nei ve a,ka pi nen chauhva khawsa kan nih avangin keimahni tawkah kan khawsa nuam ve hle a.Ka pi lo thawh hma chuan engkim lo tihfel vek hman tum chuan ka inbuatsaih a.




Kan dawr hi Kan vengah chuan dawr upa ve tawh tak ani a,ka pi ei siam thiamna avang leh a fel em avangin kan khuaah chuan dawr lun ve pawl tak chu ani a.






Ka pi a rawn thawh chuan breakfast kan ei a,kei chu school kal tur chuan ka chhuak nghal a,kan school hi kan in atanga a hlat tham ve deuh avangin cycle in ka kal mai thin a,school kan chawlh rei deuh tawh avangin ka khalh khât a,check pawh check lemlo chuan ka tlan liam ve mai a,kan school kawng hi a romantic hle a,favang lai anih avangin pangpar leh thingte pawh rawng chi hrang hrangin an par vul chùk a.






Pangparte chu ka enkual vela,tlan pelh zawngte chuan a rimtui chem chem a,chutia ka hawikual lai vel chuan ka cycle chu a break ka hmet a,ka hmeh ka hmeh pawn a ding thei miahlova,kawng chhuk lai takah ka la tlan zui,din ka tum poh leh ka flanchak tulh tulh mai bawk si.





Ka hmaa kal school uniform ha rawn hawiphei chu ka su tep a,ka bag ah min man hlauhva,amah chu ka va bawhthlu a,ka cycle chu a chhe hnehsawh hle .








Kei chu ka na lo hlauhva,ka sutthluk pa hmel ka en chuh kareiiiii!!!! Kan school ah hetiang khawpa tha hi an lo awm ani maw!!!????? ,Kan vawikhat inhmuhnaah ka la bawhthlu zui....





'I tha em '? ti a ka zawh chuan "tha " tihte mai chauhvin min chhang a.




Office leh school kal hun vanglai tak anih avangin mi pawh an tam hle a,min la thlir thup zui,zahthlak duh tak ani.







Classroom chhunga ka lut chu min en hrek hrek hlawm a,a then an inhrilhru bawk a.Hrelo der chung chuan ka kal tlang hmiah hmiah a.Tlar hnung ber dawta thutna awlah chuan keimah chauhvin ka thu a,nikuma lut tawh ni tho mah ila,kan class ho mizia chu a ngai reng a,tumah hi ka nel em em lo vek a,mahse ka kawm thei vek thung a,lutthar hi an hmusit em em thin bawk si.






Zirtirtu rawn luh hnuah chuan class kan tan a,Kawngkaah chuan ka chetsual laia min chhantupa khan luh a rawn dil a,zirtirtu chuan amah hrem nan pawnah chuan banphar chung chuan a thingthittir a,class zawh velah chuan a rawn lut a.Ka bul chauh chu thutna awl a awm avangin a rawn thu a,tumah a be lova,a ngawi reng bawk si.A hmel leh mizia chu cool tak ani.






Tihtur ka hriatloh em avangin zai pah chuan dawhkan chu ka khawng ri a,min ning hmel pu pawn a awm chuanglo.A bana bandage intuam chu ka hmu fuh thut....Engatinge i ban kha!!!?????Damdawiinah kal ang, khatia tuam ringawt chu a tha lovang.....keimah vang ani mawww,tiin ka cycle break fail dante chu ka hrilh a.



."A tawk,nangmah vang anilo" tih te mai chuan mi chhang a,keimah vang anilo tih sawi mahse,ka awih chuang lo,min chhang bung thei bawk si.





Lunch break a hun chuan ngawirengin a chhuak nalh a,ka umzui ve vat...ka hmu hman lo reng reng..khawnge maw a kal daih le!!???keimah vangin a ban a tina bawk sia,min lo dang lo se chu khamah ka tlanliam ngei ngei ang...lawmthu pawh ka hrilh hman lo asin le!!!school building pumpui chu ka fangchhuak vek a,ka hmu chuanglo,kan school park a thuthleng ah chuan ka hah lutuk chu a thu hnawk a,ka kun chiah ka hawichhuak chu ka thlang chiah thing buk phenah chuan kan chhak lawka building sang pui puite chu a lo thlir a,va pawh mai ka ngam bawk silo,ka zahzelah ka ke te chuan lei chu ka hrut vela,let leh tuma ka inher chiah chu "Enge" a rawn ti bul hmuk a,min lo nghak lawk rawh tih pah chuan classroom ah chuan ka tlanphei a,ka tiffin chu ka va la vang vang a.








A bul ka thlen chuan ka siam nghal sawk sawk a,'ei dun ang' ka tih chuan "Ka ril a tam lo" nangmahin ei rawh" a ti a.






Sawipui vak hian engmah a sawt dawn chuanglo ka ti rilru a,ka ei a,barh ka tum chu a duh lo nasa mai..




"Keimah vangin i ban i tina sia,hei tal hi i ei loh chuan ka inthiam thei lovang. Api siam anih hi ....nidangah ei duh dawn mahla,ka phal tawh dawn miah lo ania!!..






Chutia ka ti chu a rawn nui hak,a an lai tak chuan ka va barh thut....a lemlo thei silova,kan eidun ta a.








I duh chuan Gigi tiin min ko thei ang,nang tunge i hming??





"Yoongi".






'Yoongi' mawwww!!,i hming chu a cute hle mai







"Hming cute" a awm ngailo tih pah chuan anui a,anui hmel chu mawi tak ani.









School banah chuan amah chuan a kal fal leh nalh a,ka cycle chhia nen chuan ka umzui a,haw kawng chho ani bawk sia,ka hah ngei mai.




A bul ka thleng a,a hnungah chuan ka zui a...





A rawn hawilet a,"min zui zel dawn ami"??








"Ka zui bawk lo che,kan haw kawng a inang ani mai a" tih pah chuan a bulah ka va ka va kal a,ngawi reng chuan a kal a,biak loh chuan a tawng ngailo hrim hrim a.








Kan in ka thleng chu ka pi hnenah chuan vawiin a ka chetchhiat dan zawng zawng chu ka hrilh a,cycle thar pawh ka ngen tawh chuanglo,tunah rih chuan kea kal ka duh zawk ani.




Zana ka mutnaah te chuan Yoongi chu ka rilruah a awm reng a,a tawk chauhva a sang thlarh te,a vun ngo em em mai,hmeichhe vun ai pawha no nalh zawkte,a mize cool em em maite chuan min hneh velvek,ka vawikhat hmuhnaah ka vei nghal em em mai a,a tukzing school kal leh mawlh chu ka nghakhlel ani.








................. ..Next Morning........... .






Tukin zing ka tho chu ka zang hawk mai,ni chhuakte hi nidang aiin a mawi zualin ka hria...thil rimtui tak chuan ka hnar a verh khawp mai a,a ril a tam tih ka hre chauh.Inhnuai lamah chuan ka chhuk a,dawrah chuan ka pi chauh nilo,midang awm an awm ve tlat...bang phrn atang chuan ka bih dek dek a,tunge mipa awm ve sawww.!!!! A rawn hawi phei,ka duh theilo Yoongi maw!!!! Ka zak lutuk.....min hmu angem le!!!!! 1....2.....3...ka chhiar a,ka va chhuak ta tawp a,dawhkanah chuan pizza tam em em mai ala awm zui.Ka pi chu "enga tan zozai nge"? tia ka zawh chuan ,"bazarah pizza dawr hawng thar an awm a,bazar ka kal zen zen thei silova,customer hovin pizza ka neih leh neihloh min zawt sek a,an home deliver thei bawk sia,zuar ve tawh mai ila ka tia".a tih chuan ,a tha lawm ka ti liam ve mai a.







Ka pi hnenah chuan Yoongi melh pah chuan'Amah hi nia ,nimina ka chesual tur min lo chhantu ka tih chu nia,"ka tih chuan ka pi chuan Yoongi chu a kutah a vuan a,lawmthu te a hrilh a"Ka tunu neihchhun ilo chhan avang hian ka lawm lutuk !!!nang awm lo la,engtin nge a awm ang tih pawh hi ka ngaihtuah ngam lo zawk ...i chungah hian ka lawm em a,tukin chu lawmthu sawi nan hetah zing chaw ei mai rawh",mittui hru fap fap chung chuan a ti a.Yoongi chuan hnial tum ve viau mahse,hnial chi nia a hriat loh avang chuan breakfast chu ka eiho a,tukin tak chu ka eitui phian ,ka ei teuh a,ka hawichho chu ka pi leh Yoongi chuan min lo en reng chu niin,ka pi chuan tui min lo pe vat a,muangchanga ei turin min hrilh bawk a.









School kal tur kan la nih avangin Yoongi chu a scooti sen chuan a haw vat a.Phur zet chuan ka insiam sawk sawk a.











Tiffin chu ka piin' ken kep rawh' min tih tlat avangin ka keng a,ke chuan ka kal a,chumi ni atang chuan tiffin chu ka eidun ziah a,an in a hlat êm avangin keng lo law law turin ka hrilh a.





Kan school pumpui chuan kan inngaizawng emaw an ti vek tawh,ka thiante ho pawn a mize maksak tak chunga ka kawm reng thei chu mak an tih thu an sawi sap sap reng a.Kei chuan a pawnlam landan vawt tak phena a rilru thatna chu ka hria a,chuvang chuan nia ka duh em em ni.





Kan class mipa ho chuan a vun ngo êm avangin 'Tuai ' tiin an ko fova,ka rilru hi alo na thei lutuk ringawt.Nikhat chu kan class -a palian ve ber chuan ngeiawm deuh hian a fiam a fiam a,ka dawhtheihna in a tlin ngang lova,ka thuthleng thut lai chuan ka vawm pawp a,a chal a la thi zui...chutah, kutthlak min tum,Yoongi chuan min rawn chhan a,chupa chu a rawn hnek pawp a,a tlawh zui pawp pawp bawk a,pa riaip riap tak ani.A thiante ho chuan rawn chhan an tum a,Yoongi chu hnek an rawn tum a,ka thiante ho chuan min rawn chhan leh a,kan class pum chuan kan insual ta luaih luaih mai a.







School banah chuan kan haw rual a,vawiin thil thlengte chu kan sawi a,kan nui nasa dun khawp mai ,heti taka Yoongi nui hmel hi ka la hmu ngailo.











...........Time Skip...........









Kum tawp exam pawh a hnai tawh hle a,ka theih pa tawp in ka tang a,Yoongi erawh chuan engemawni hi a ziak reng thin a,lehkha a zir ngai pawhin ka hrelo.nikhat chu a thil ziah lai chu ka laksak a,ka'n en nâk chuan,hla alo phuah lek chu niin,a thluk ka siam a,ka sa ka sa thin a,a lungawilo thei ropui....








Exam result chu a chhuak a,Yoongi chu ka class ah chuan Topper ani a,mi zawng zawng maktih a hlawh a,kei ngei pawh chuan mak ka ti ani.







Kan school in inthlahna hun kan hman laite chuan,nidanga thawveng ber thin kha ka cool em em a,Yoongi nen chuan kan veng a inhlat sia,ka hmu ngai tawh lo tur ka ngaihtuah ringawt pawh chuan a hrehawm ka ti ani.Midang chu thlate an la hova,keipawh chuan phur vaklo chung chuan thla chu ka la ve a.






School chawlh chhung chuan zing lama pizza a rawn deliver bak chu ka hmu ngai lova,ka ngai thei em em a,kar tawpa kan inhmuh changte hian hmun nuam tak takah te kan kal thin a,tuipui kama kelawnga kal dun mai maite hi nuam ka ti em em a.









School luh a lo hun a,ani chu Seoul lamah a kal zawm a,kei chu kan khuaah ka zir zawm thung a,Yoongi nen chuan kan inbe khat em em a,kan inbiak tum hian kan hman hun a inang lo thei sia,kan dawrah chuan midangin pizza an rawn deliver tawh a,chu ringawt pawh chuan ka lung a tichhia ani.







........,............................4 years later..........................







Tuipui kamah chuan dingin ka hmaa tuipui lian tak chu ka thlir a,tunah chuan ka pi pawhin min boralsan tawh a,kan khuaa awm reng chu ka tan khawharna mai anih avangin Seoul lam chu ka pan a,ka thiannu inluahah chuan ka invawm lut ve tawp a..








Abtuk zingah chuan ka thiannu chuan "Insiam rawh,kalna tur kan nei,nalh deuh khan inchei la",a ti a,engmah pawh zawt chuang lo chuan ka insiam tawp a,kan insiam zawh chuan min en vang vang a,a duhthu a sám ngang lo aniang ,min chei tha leh vek a....ngawi reng chuan la dawh hle hle a,ka piin min boralsan hnu atang phei kha chuan ,ka nui khât em em a,ka nung ve tawp hi ani mai.Min chei zawh chuan darthlalangah chuan ka in en a,keimah ngei pawh chu ka inawih thei lo ,nalh tak ka ni.








Hmun pakhatah hian min hruai a,'vawiin hi BTS ho debut ni tur ania 'a tih chuan mak ka ti ngei mai..... BTS chu tute nge annih pawh ka hrelo.





A hnu reilo teah chuan stage ah chuan an rawn perform a,en pawh ka en lêmlo,mahse 'rap 'ri ka hriat chuan ka hawichhuak zawk,chu aw chu ka hriat tawh hnu ani,stage lam ka en chuan ka awih theilo!!!!! Yoongi ngei mai chu stage ah chuan ka han hmu a,ka thil hmuh chu ka awih theilo.'Tunah chuan kei chu engatan mah min ti tawh lovang,kum kha leh chen kha ka lo nghak a,amah avangin ka nung hram hram chauh ani sia,tunah chuan milar a ni tawh a,min phone tawh loh atang khan hriatthiam tur ania,'tiin keimah leh keimah chu ka inbe mawlh mawlh a.







Ka thiannu pawh hrilh lêmlo chuan ka haw ta daih a,ka lo â lutuk chu ka tap ta zawih zawih a,engtik laiin nge ka muthilh ka hrelo,ka phone ri chuan mi tiharh zawk a,ka no hriatloh anih avang chuan ka dah leh mai a,mahse a rawn rik tak sekah chuan ka la ta a.Yoongi aw ngei ani,ka thil hriat chu ka awih theilo,ka inphih fai a,ka tahna mitte chu ala bui luk zui....









A park sawina hmun chu ka thleng a,tumah an lo awmlo ,ka hawikual vel a,thawk leh khatah ka awmna hmun chu a rawn eng pup a,ka hmaah chuan halpuah chi hrang hrang hi a rawn eng pawp pawp a,mawi tak ani.Ka sirlam ka hawi chunka hmazawn takah chuan Yoongi chu a lo ding a,school kan kal laia a hlaphuah,a thluk ka siam ngei mai chu a rawn sa a,ka hlim takzet ani.









'Gigi hmanah khan hrilh daih tawh tur che ka nia,kan inhmuh hmasak ber atang khan ka rilruah i awm reng a,High school kan kal laia ka hla phuahte kha ka chhungten min paihsak laiin ,nang chuan i ngaihlu a,nang chauhvin i sa duh a,chu chuan hma hun eng tak leh beiseina min pein,tun dinhmun hi ka thleng ta ani.





Hman atanga hrilh che ka duh em em chu maw,tun ah ngei hian hrilh che ka duh ani 'Ka Hmangaih Che'...... a hmel chu ka en a,a zam ve hle tih ka hria,




"I thusawi ka hre theilo,han sawi nawn leh tehh"






"Kei,Min Yoongi hian Ka Hmangaih Che' tih pah chuan min rawn kuah a,thi rangkachak rawng tala lem chu min awrhtir a,i thinlung hi ka kalh tlat a ,kei lo chu tumahin an hawng tur anilo tih pah chuan a thi awrh lai chu mi entir a,rangkachak rawng chahbi chu a awrh a,ka thil tawn hi ka awih theilo.....ka hlim takzet ani.







Chutah Yoongi chuan mi rawn pawt hnai a,ka hmuiah ngei mai chuan mi rawn fawp vawng vawng a,ka zan hman tawhah chuan ala nuam ber ang.Ka lungphu te chu a hriat phak hial ka ring.








Park-a pipu ah te chuan kan uai duna,kan inhmuh loh chhung zawnga kan awmdante chu a dara bei hle hle chung chuan ka "Delivery Boy " nen ngei mai chuan kan sawi dun a......






💜💜💜💜💜💜The End💜💜💜💜💜💜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)