MY FAMILY

Story tawi te te emaw luanliamna emaw post na
Maria Lalfuhloveli
Posts: 1
Joined: September 4th, 2020, 12:34 am
Location: Aizawl

MY FAMILY

Unread post by Maria Lalfuhloveli » September 7th, 2020, 9:40 pm

Ka harh hlawl mai khawnge ka awmle?Ka hawi kual ruai a tute in nge tih pawh ka hriatloh khum dup nuam zetah hian ka lo mu renga ka piah lawk ah hian inhau thawm ni awm tak hi ka hre rei ruai mai pindan a tang chuan ka chhuaka,nutling pakhat leh a pasal niawm tak hi thutthlengah thuin an loin hnial bap bap a a hmeichhia zawk chuan "Khawngaihin Rosy-i saw chu be tawh suh in inkar hi ka hai der thei tawh thlawtlo Freddya avang hian ka tuar hram hram a keini aia Rosy-i saw i thlang zawk a nih chuan he in chhuahsan thei ang ka dang tawh lo ang che ka fapa ka hmangaih em avang chauh a la chelh hram hram che ka nih hi chuan saw hmeichhe nasa saw la thuai mai loh nan ka la insum hram hram a ni tih hi hre bawk rawh se.A hma zawnga ka fapa hmangaih ang em em a awm a chetsual hnu ah nang a veh thlem kual dan che hi ka hai reng reng hlei nem" a ti hmarh hmarh a mipa chu a ngawi reng.E ngawi teh nachin khan ka hmingte kha a lam nawk nawk a ka hriat Freddya te kha a ti in ka hria inthlahrung zet hian ka va kal hnai a 'Min lo hrethiam lawk khawiah nge ka awm heihi khawi lai hmun nge ni min hrilh thei angem?' nu zawk chuan phawk hra leh mak tih hmel zet hian "Freddy bawihte i in a nih hi i lo harh tawh maw?" a ti chul a a hmelah chuan hlim hmel leh tah chhuak hmel hi a in pawlh nawk mai ka hrethiamlo tak zet nu zawk chu a rawn ding hluia "Ka fapa duat a lo harh chhuak ta Lalpa ka lawm e ka tawngtaina min chhan sak a vangin Lawma en teh hei kan fapa chu a lo harh ta Pathian hi chu a tha a ni" tih pah chuan Lawma a tih chu a zuk melh a mipa zawk chu a mittui a lo tlingpap mai a rawn ding hluaia min rawn kuah a kei chu ka la ding mawl tawp engmah hi ka hrethiam hlawllo.Min kuahna a tanga tal chhuakin 'Tute nge in nih ka hre ngailo che u engvangin nge ka fapa min tih ringawt khawi hmunah nge ka awm?' Hmeichhia zawk chu a tap hawk mai mak ka ti tak zet tinge a tah ringawt?Engvanga ka fapa min ti ringawt nge a nih?Engmah nimin thil ka hrechhuak zo tawhlo engvanga he in a awm ve ringawt nge ka nih zawhna hlirin ka khat a ni ber mai.Lawma a tih chuan "Bawiha han thu phawt la engkim i nu nen hian kan hrilh ang che" a ti a kei pawh chu tha te te chuan ka thu ve mai bawk a tihian ka hunliam tawh chu min hrilh ta ani.
"Kum hnih liam ta ah khan i ni ka farnute venga chaw ei tura i kal motor a i tlan lai chu kawng zim laiah hian TMB truck nen hian in in tawk a in in tawhna lai kha a zim viau mai sia kawngthlangah i tlan liam palhta a ni" a chawl det a hmeichhia zawk chuan a rawn chhunzawm ve ta thung a "Kha tia i tlanliam kha mi tlawmngaiten an la chhuak che a i lo tlan liam thui viau mai si a i thih loh reng kan ring tawh lo kei phei chu awm ngaihna reng reng ka hrelo mahse vanneihthlak tak in i lo la thaw hram hram a damdawiin ah kan tlanpui vat che a thla li chhung chu damdawiin ah kan in enkawl a mahse harh zai reng i rel thei lo" a in sut hraih a,mipa chuan "Nubawih insum teh hei bawiha ber a harh tawh hi" tih pah chuan hmangaih hmel zet hian a melh a,a hnungah a ben sak thak thak a.An thusawi chu an chhunzawm leh a "Kha tia damdawiin a kan awm hnu ah khan in kawngthlang a i tlan liam kha i lu i lo sawh ni ngei tur a ni doctor te thiamna le Pathian zarah an chhan hman hram che a mahse.... kum 2 chhung teh meuh chu tui tak a muhil ang mai in min mutthilh san bawrh bawrh a,mahse hei tunah beiseiloh deuhin i rawn harh chhuak leh hlawl chu a nia" an ti charh charh a.Ka nu ni a in sawi chuan "Bawiha naktuk ah damdawiin kan pan dawn a nia i ril te a tam em?Eitur ka pe ang che aw" a ti thliam thliam a.Chaw ka ei lai chuan ka ngaihtuah reuh reuh,ka bula thu a uluk zet a min en rengtu te thu sawi hi atak tak a nih chuan Kum 2 chhung teh meuh ka mu awm chu a ni si a 'Thil pakhat ka zawt leh thei che u angem?' an lu chu an lo bu nghat a 'Eng vangin nge ka hun hmalam leh tu mah hriat ka neih loh chhan hi?' Ka nu ti tawh mai ang "Kha tia i accident kha i lu i sawh a i thluak a lo nghawng tel deuh a doctor te chuan i harh chhuah hunah muangchangin i hriatna i nei let leh mai ang a ti a,lungngai suh reilo te ah i hriatna chu a lo let leh mai ang" a ti siam siam a.Chaw ka ei kham room a ka lut darthlalanga ka han in en chu leh ka phu zawk thei ka hmel chu putar ka ang berin ka hria,khabe hmul ka lo nei a ka sam hi a lo buk em em mai a,a buk mai a nilo a sei a ni zawk mah ka in nuih suk mai ka nu chu ka ko a ka thuamhnaw vel awmna chu ka zawh hnu chuan ka inbual a ka hmuihmul te chu ziat fai a ka inbualzo ka room a tanga ka chhuak chu nutling leh patling leh naupang hi an lo zi nuaih nuaih mai ka hawi haw haw mai,ka nu chuan tute nge an nih chu min hrilh zung zung a,ka putea te nupa leh an fate pathum leh ka nite nupa an lo ni a,ka harh chhuah avanga an lawmzia te leh kanu leh kapa lungngaih theih zia hlir hi min hrilh a ni hawt mai kapa ten chaw ei ah an lo sawm chu niin.Hmeichhe pakhat hi chawhmeh khai bawr tak chung hian alo lut a,kanu chuan "Siamte lo indah fel mai rawh aw,hei i u Freddya pawh a lo harh hlawl mai"tiin nui sang chung hian a ti a,Siamtei a tih chu a lo hawi zawk a,a au nghal chul mai a tap ti tih bawk min rawn kuah chung chung a,a zak leh deuh nge maw ni hmai sen tawn tawn chung hian "Oh... ka tihpalh"tiin in thiamloh hmel deuh hian a kun a,choka lam chu a pan ta deih a.Ka nu hnenah chuan 'Nu tunge saw nu saw' "Kan nula i accident hma thlakhat liam ta a kan lak ania in in kawmngaih phian a sin,i damloh chhung zawng khan a enkawl che a ni hawt mai" a tih pah chuan a nui sak a lawmthu hrilh tur a min tih hnu chuan ka ni ten min lo koh avangin anbulah kalin an bulah chuan ka va thu a,an titi chu ka zawm zeuh zeuh a chu mi pah chuan naupang ho chu ka fiam leh zeuh thin a,zanriah te kan eikham hnu reilo te ah chuan midang ho chu an haw ta sang sang a.
Kar khat zet a liam ve ta mahse ka hriatna chu engmah ka la nei let leh theilo hi a mak ka ti a ni kanu leh kapa hian min fuih awllo a,tlem chuan ka hrehawm tih chu a zia.Siamtei nen pawh kan inkawmngaih fu mai farnu angin ka en a a ni paw'n u angin min en,engkim hi min hrilh a amah han duh dertu a neih ve te hian "A.... a mizia hi ka duh zawng a nilo kei chu nghah ka nei a mahse ka duh tih pawh a hrelo" a ti mai zel a tunge a nih tia ka zawh lah hian "I hrelo ang nakin ah min duh let ve hunah ka la hrilh ang che" hi a ti a,han zawh vak ngaih na hi ka hre thlawt lo thin.A hlim thei em em a min ti nui a khawi hmunah pawh kal dawn se min hrilh loh leh kal dun ang hi a ti ziah a,a thiante bulah hian ka u a nih hi a ti mai zel a nuam hi a ti thei khawp mai.
Ni khat in a kan awm kim thep thawp lai hian nula pakhat hi a rawn lut hlawl mai a hmel lah chu an tha em em mai leh nghal a(h) kum 25 mi vel bawr tur sang lam lek lek a pian chu a nalh fu thlawt a sam hi a dar hnuai vel thlengin a zuah a,a ngil siau a,a nu zem mai.Min hmu thut chu mak min tih hmel nasa phawk tak a min melh chung hian "Eh Freddya chu i harh tawh a maw?Eng tikin nge i harh a?" a ti bah deuh nuaih,a mitmengah chuan hlauhthawnna hi ka hmuin ka hria,tinge le mi zawng zawng in min lawmpui laiin a ni hian hlauhthawn hmel taka min melh le?A tlanchhuak deih leh nghal ka hrethiamlo tak zet ani.
Kanu chuan "Kha nu kha i bialnu ve a nih kha,hmeichhe zak theilo i damloh hnu ah khan i pa te hi a rawn beisei a nih chu"a ti nghal hlawih hlawih a mak ka ti ang reng khawp mai 'Tunge a hming ni hrim hrim a?' "Rosy-i a nih kha.... sawi tamlo teh ang a rawn biak che pawhin lo be tha hurhlo la i hriatna alo let leh hunah hrehawm i ti lutuk palh ange" a ti leh bawrh bawrh a.
Thla te a liam a hmasawnna em em neilo mah ila kanu leh kapa leh Siamtei te ka kiangah engtik lai pawhin an awm reng a,ka hlim tho Siamtei ngat phei hi chuan khawi hmunah pawh min zui chawt hi a ni ber mai.Nikhat chu Siamtein bazar pui ah min sawm tlat avangin kan bazar a,kan bazar zo ka nitein tlawh pah ka duh avangin kan inzui phei hnak hnak a,motor hi kanu hian ka khalh hi a phal tlatloh avang hian ka dil lui duh bik lem loh avangin a nia ke a kan kal ni.Kawngkawi zim lai ka accidentna hmun ngei mai kan thleng chu ka lu chu a rawn na vak mai,ana lutuk chu ka tlu kawngpuiah chuan ka mu tawp,Siamtei mangang chu a au chul mai midang an rawn tlan khawma motor pakhatah kan lut tih leh Siamtein "U Fred khawngaihin min muthilh san tawh suh aw....ka mipa duh pawh ka hrilh ang che chuan i duh ang angin ka awm ang,muhil suh aw" a tih chu ka hre ruai ruai chauh a ni.Ka thlil theinghilh tawh ho chu an rawn lang zut zut mai Rosy nen a hlim tak a kan len lai te ka accident ni a kan inhauh avanga thinrim leh amah ngaihtuah ngut ngut chunga motora ka tlan chu TMB truck nen a kan in tawh avanga kawngthlanga ka tlan liam hnua engmah hrelo a ka awm dan te chu fiah zet hian ka hrechhuak uaih uaih mai.Rosy nena kan in hauh chhan tak pawh kapa a lo biakruk thin vang leh a mahah sawi neuh neuh an lo neih thin chu sim tura ka tih avanga inhnial buai ta kha kan nia,ka rilru kha a na ve em bawk a ni kum khat dawn teh meuh kan in zui chhungin mi thusawi neuh neuh hai der sakin ka duhna kha ka dahsang zel zawk kha ania,mahse engmah a hrethiam duh silo.
Ka harh chu damdawiin khumah ka lo mu reng tawh a ka chhungte ho an lo kim thap mai,ka ni chuan "Bawiha eng nga ti bik nge aw... kan in i rawn pan dawn apianga i chetsual zel mai le"ka kut vawn pah hian chhuak em em hian a tap hawm hawm a 'Ni insum teh thu lawmawm hrilh tur che u ka nei a nia' ka han tih chuan min rawn melh rual thawt hlawm mai ka nui suk a,engkim ka hre chhuak vek tawh tih thu ka han hrilh chu an ka ta heuh hlawm mai eng tin mah an awmlo a an nuilo a an tap heklo mak ti hmel hi an pu vek nimai hian ka hria.A hnu deuh ah chuan ka cabin ah doctor hi a lo lut thut a,chu tia ka chhungten min lo en ho chu mak a ti deuh a niang a,a aw chu a thian deuh kharh kharha,chu tah le ka chhungte chu a mak a mak hian an au ta vak mai a nih chu Doctor nen chuan kan phu dun nasa ngang mai.Ka chhungte chuan Doctor te chu an kuah chung chunga chutin kanu pawhin min rawn kuah nawk nawk mai.'Hahthlak lutuk mai a' ka lo ti hluk a,damdawiin ka nin em a vangin zan riak loin kan haw ta a.
A tukah chuan ka harh chhuah hnua a vawihnih nan chhungkuain chaw kan eikhawm leh ta a nih chu,tah zet chuan ka hlim ve ta kher mai tim deuh dui khan ka nung kha a nia,tunah chuan Freddy Lalrinhlua dik tak mi nuih duh leh tawngduh tak mahse pawisawi ngai lemlo kha a lo let leh tawh tlat alawm.Inchung balcony a thutthlengsei kan dah ah chuan Siamtei chu vanlam hawiin a lo dak veuh veuh a,ka va panhnaia 'Siamte i lung avan leng awm ve' ka va ti a,chutah Siamtei chu muangchangin ka lam a rawn hawi a,atap tih hriat tak hian a mit chu a lo sen deuh ram a,Siamtei mit atanga mittui lo tla ngiai ngiai chuan maktak mai hian ka thin hi a verh ngut ngut mai engmah sawi set set lo hian ka kuah ta vawng vawnga.Nia siamtei hi ka nau ang hian ka en hleithei tawhlo chu anih hi.Siamtei chu a tahchhan ka han zawt chu min chhanna chuan minnuih tir ta ver ver mai le,tihian min hrih ta a "I hriatna i nei let tawh bawk sia,u Rosy nen khan in in zui leh mai ang tih ka hlau a,mi nghah ka nei ka tih kha nangmah hi i ni asin in in a awm mai mai mah ni ila indah hniam ka tumlo a,ka duhna che hi thup bo ka tum lemlo mahse min duh ve loh chuan pawi ka tilo.In in a awm i phal tawhlo a nih pawhin ka pawm vek min haw duh a nih pawhin lungawi takin ka tuar mai ang" a ti fak fak a,a kun nghal deih avangin a hmel chu ka hmuh chian theih nan a khabeah chuan dawmin a hmel chu ka melh vang vanga,henu hi farnu angin ka en loh na a rei tawh,nia ka duh a ni ka duh thlawt zantin ka duhthu hrilh turin ka room ah computer games kheldunin ka kâ ka ang hman zuau thin mahse ka dawih luatah engmah hrilh loin ka kâ chu chip in a thusawi ka nuihpui mai mai thin kha ania,hetia ama kâ ngei atanga min duhthu a sawi hi chu ka lawm thlawt a ni.A hmeltha em em lo a mahse a mah hian zun a nei a ni,a zun hian min phuar nghet mah mah tawh zawk in ka hria,nuih pah hian 'Kei paw'n ka duh che alawm Rosy kha chu i ngaihtuahna atangin paih bo tawh la a ni kha ka hmangaih lo a,hmangaih tlak a ni hek lo hmangaih ka nei dawn a nih chuan nangmah chiah hi ka hmangaih ang' tih pah chuan ka kun a,a hmui senno chek chu ka fawp ta vawng vawng a.
Kar khat lai kan inzui ve hnu chuan kanu chuan min ringhlel deuh nge ni chaw ei lai chuan min zawt ta nge nge a "Freddy Siamtei nen hian in inkawp em ni?" a ti a Siamtei chu ka melh a a lo kun daih a zak a niang,nuih hui pah hian 'Nia nu kar khat lai chu a ni tawh mahse min hau suh aw' ka ti a,kanu chu a meng tur nghal khui mai Siamtei chu melh pahin "Siamte ka fapa hi i duh a mi?"a ti a Siamtei chuan a chhang tawh dawnlo emaw kan tih hnu ah zawi sap hian "Aw duh e,duh mai nilo in ka hmangaih tawh zawk" a ti a,kanu leh kapa chu an in melh ren rawn a an nui ta hawk hawk mai,mak ti zet hian kan en haw a kanu chuan "Ti khan min melh lo teh u"a ti a a nui leh phawt a "Chaw kha ei phawt teh u chaw ei kham ah kan sawi tha dawn a nia" kapa chuan a rawn ti a.Chaw kan ei kham a kan thu khawm thap kanu chu thu tak fe hian a rawn tawng a "Nachina kan nuih chiam chhan kha chu eng dang a nilo in pahnih hian in in kawp deih tawh emaw kan tia nangni lahin kar khat chiah in la ti bawk si a kan insum zo nganglo a ni"a ti a,a nui leh tut tut a,kapa chuan a rawn chhunzawm a "Siamte hei kan fapa hi i duh tak zet tih kan hria a nupui pasal nei rual in ni tawh tho a la inkawp reilo viau mah ula chhungte i neilo tih engkim kan hre vek tho a kan in a awm i nih avangin a hun hmain humsual in dai mai ang tih a hlauhawm si a, chuvang chuan inneih lam te hi ngaihtuah hma ila a tha lo maw eng nge Siamte i ngaihdan te han sawi ve la" a ti ta mai kei lah chu ka lo phul hlut a Siamtei ka hrechhuak zawk ka va melh vat a,nui seih pah hian 'Kei chuan i thuthlukna ang ang kha ka pawm e,nangni lo nu leh pa sawi tur dang ka nei tawh lo a chuvang chuan engkim in kut vek a ni mai e" a rawn ti thliam a,ka lo en leh ngawih ngawih tawh a hmui senno chek an sep kual tawh hi chuan ngaihtuahna dang ka hmang thei ngailo hi a ni buaithlak thin chu.Kapa chuan "Ni e nang berin i pawm chuan engkim a fel a ni mai alawm palai tirh buai ngailo a,a tha hlauh e in in neih ni tur vel pawh i nu nen kan lo sawi a nga chuan thuamchhawm vel angailo ania i mamawh engkim chu inu kutah i dah vek tawp dawn nia"a ti zung zung a,Siamtei chuan "Pa thil pakhat kalo sawi ve lawk thei angem" a rawn ti dak dak a kapa chuan a lu a bu nghat a "Ih...in chu ka nei ve a lunglei lamah deih ania helam aizawl ka rawn awmna kha chu ka thiannu te in a ni tih chu in hre vek tho anga,ka khua a har theih em a vangin a nia mi ina awm ka duh chhan,hei kum thum dawn chu kain ka tlawh tawhlo a rem intih chuan kan zavai hian lunglei lam ah chuan zin phei ila ka ti deuh a" a tia.Kanu chuan "Tinge Siamte chutiang thil pawimawhte chu chung chen chen i zep a" Siamtei chuan "Nia hrilh che u ka tumlaiin u Freda hi a chesual ta sia ka hrilh duh ta lo che u alawm" a ti siam siam a, kapa chuan "Umm chu ti a nih chuan in inah chuan naktukah zingkar ah kan kal nghal ang ka monu hual te hian a in te pawh a hmuchak tawh ang"a ti zeuh a Siamtei lai chu a sen tan tan mai a duhawm thlawt ani.
Atuk ah chuan anin chu kan va thleng a,a lo hosa reuh khawp mai,a in chu a mawiin a nalh tak zet.A in kan lut a hmeichhe pahnih hian kawngka an lo hawnga U Jenny in lo thleng tawh maw an lo ti a kanu leh kapa chu an meng phawk e kei pawh eng ruai ka ni bik lo Siamtei chu ka melh a a lo nui sak a "Lut phawt ang chuan engkim ka hrilh ang che u" a tih a vangin kan lut dial a,hmeichhe pahnih chuan kan thuamhnaw vel chu an lo dah tha sawk sawk a.
Kan thu khawm thap a Siamtei chuan "A hmasa in ngaihdam dil leh phawt che u ka duh a engkim in laka ka thup avang khan,ni e heihi ka in a ni a in hriat tawh ang khan keimah mai chauh hi ka nih avangin ka khawhar hnemah tiin in inah awmpui angin ka awm a ka in min lo enkawl sak tur in ka mi rin em em pahnih hi ka dah a,in hnena ka awm khan ka nu leh kapa hnen atanga ka dawn hmanloh hmangaihna zawng zawng ka dawng ni berin ka hria,chuvang ania haw tumna rilru pawh ka neih ngailoh chuan he in hi kapi min hnutchhiah a ni a,electric vengah sawn dawr lian ve tawk tak ka nei bawk a ka manager Hruaian min lo enkawl sak a,nachinah khan ka naute khan u Jenny min tih khan in hrethiamlo deuhin ka hriaa ka hmingpum hi Jenny Lalsiammawii ani a,helamah chuan Jenny tih hlirin min ko a ka chhungte chuan Siamte min ti mai zel chuvang ania in hnenah pawh Siamtei tia ka insawi" a tia a nui var var a kapa chu tak deuh ngul hian a rawn tawng bauh bauh a "Awle eng pawh chu nise kan laka i thilthup chu eng pawh ni rawh se keini chuan kan fanu tak tak ang in kan en che a,a hrim hrimin i nu leh pa te chanchin chu min han hrilh thei angem?" a han ti a,Siamtei chuan "Kanu hi chu kum hnih mi lek ka nih laiin ka chhangtur a pailaiin raichehin a borala ka nau pawh chu thla hnih hnuah a boral ve nghal a kapa rilru na chuan zu a in vaka kanu boral hnu kar khat lek ah room ah alo in awkhluma,kapi hian min enkawl seilianin kum 18 lek ka nih laiin lungphu chawlin min boral san ve leh ta ani" a ti a,a in sut hraih a kanu chuan ava kuah a "Siamte i nuleh ipa te kan awm alawm lungngai suh hrehawm i tuar nasa hle mai,tap tawh suh aw"a tia kei chuan kan boruak thlak tumin 'Nangmah ni pahnih chiah in awmlo kei pawh ka awm ve bawk' ka va ti a ka tum der vel a Siamtei ber chu a rawn tah nuih ta hawk hawk a kan boruak chu thlak in,fiamthu te kan thawh a kan nui ho ta ham ham a.
Zanriah ei lai chuan Siamtei chuan "Naktuk lam chu in peih chuan kapi leh kanu leh kapa thlan tlawh ve ka duh deuh a enkawl tu tur chu ka dah tho a kum thum dawn lai ka tlawh tawh silo a inhmelhriat tirna ni pah fawmin" a ti a,kanu chuan "Ni e lo sawi ka tum hrim hrim a nia i rawn sawi chhuak a a tha e."a rawn ti thliam a.A tuk ah chuan a chhungte hi thlan chu kan tlawh a an thlan chu an tawk nalh khawp mai a in dawtin anu,anau,apa leh api te thlan chu alo awm thap a uluk taka enkawl tih hriat tak hian a fai hen mai zingkara dah tih hriat tak hian Rose var hi a lo awm a nitin an kal thin a niang tia ka ngaihtuah reuh reuh lai chuan ka ngaihtuahna hria niawm tak hian "Zingkar tinin ka michhawr ten Rose var hi an dah thin a,a chhan chu kapi thil duh ber ania" a rawn ti sap sap a.Ngawirenga kan din hnu chuan Siamtei chu api thlan chungah chuan ava thingthi a "Pi enteh i tunu hi puitling ka ni ve tawh asin,min hmangaihtu nulehpa pawh ka nei tawh chuan pasal ka nei ve tawh dawn ania.Pi kanin neihni hian awm vela chu i hlim ve ngawt ang tiraw?Tinge min kalsan hma em em a? 'Pasal i neih hunah pawh min hruai zel dawn a nia aw i tih kha" a ti a a mit chu a khap sak saka,va kuah pah hian 'Pi lungngai suh aw Siamtei hi tha takin ka lo enkawl ang chuan a mittui hi lunngaihna avangin ka tlak nawn tir tawhlo bawk ang' ka va ti a,ka awma bei chung hian atap hawk mai a tap khur ngar ngara duat tak a a lu a chul pahin kanu te chu ka va melh a hlim hmel tak hian kapa nen inkuahin min lo en vawng vawnga.
Aizawl a kan hawna pawh kar khat lai a liam leh tawh a Siamtei in erawh chu a enkawl sak tu te kutah bawk dahin kan kir san leh chu a nia.Kan inneih ni zet zawng a hlimawm tak zet thu tiam kan sawi lai te khan ka dangte kha a awk deuh leh nghal a,Siamtei erawh a hmai a ling hlar tih chauh a ni,mahse maw ani ang reng renga monu hmeltha leh nalh hi an awm kher tawhin ka ring biklo.Lunglei lamah Honeymoon hmangin kan phei a a ma duhthlanna a nih miau avangin ka hnial duh lo.Kei chuan ka lo tum dan reuh reuh kha chuan hmun nuam deuh ka lo hisap kha a nia mahse a in ngei a hman duh miau hek le,a awmpuite ho chawlh kan pe a kar khat chhung chu kan va awm dun a eirawng kan bawl dun a,pangpar tui kan pe dun a,kan inbual dun a engkim hi kan ti dun a ni mai.
Ina kan haw phei ni chuan a che lai tut a eng nge maw a hriat ni kapa lah hian a fiam ang zuk zuk a a ni lah che lai kual vel nen kan hlim tlang dar dar thei khawp mai.Siamtei pawh ka chi hi a chak deuh nge thla 3 na ah a rai ta mai a hehe ka ti mai mai a nih kha,a rai tih kan hriatni a kan hlim zia kha kei ni aiin kanu leh kapa an hlim zawk mah Siamtei chu an han duat leh em em khawp a engmah tih an phallo a,awmpui te an la vel ngaihna awmlo tlailamah kanu in exer a lak pui ziah a,rai alo hawlo kher bawk nen a tha no sen suah a ni mai.Apum a tanga kan nautein lo chhuah a tum meuh chuan kapa mi phili buai ngailo meuh pawh a buai chung mai.Nau neihna room a tanga naute tapri kan hre chiah chu kei ngei pawh ka hnuk a ulh mahse ka hrawka min hnawh tu a vangin ka tap theilo ka hlim tak zet ani,nurse in "Fanu duhawm tak in nei e" a rawn ti chiah mai zawng nurse kha fawh nawk nawk mai kha ka nap a.Ka nu lahin "ka pawm hmasa ber dawn"lo ti tung mai ka pa lah chu ti bawk kei chu ngawihah ka tlak ta vel mai mai ani.Kan naute hming api leh apu in Grace Lalrempuii an ti a,a hming phei chuan an ko phallo "Duati" hi an ti deuh reng mai ani.
Kan chhungkua chu kan hlim a,kan inlungruala thuruk a awm ngailo a,tihsual palh kan neih in kan inngaidam a,kan hlimna belh turin kan fanu in tawng a lo zir ve tan tawh bawk a,a nu hi "anu" hi a ti ngailo kan koh dan angin fiah lo zet hian "Tiamte" a ti ve ruai ruai zel a. Heihi a ni hlimna tak tak chu ka nun atang hian hlimna hian min kian san loh nan theihtawp in ka tawngtai ang nga theih tawk in that ka chhuah ang hei ngei hi a ni chhungkua dik tak tak chu.
🤍🖤🤎💜💙💚🤍🖤🤎💜💙💚🤍🖤🤎💜💙💚



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)