Short story lam ve thung aw.... A link in in duh tih chu ka hria, mahse, ka awmna hmun in a zir ngang lo a, ka ti thei lo a ni e. Admin te khan trul in tih chuan, alinkin min lo dah sak tur che u in inmi khawngaihna sang ber ka rawn ngen e. Buai chung chung erawh chuan, ti duh lem chuang lo ula. Chhiar nuam vek ule.
AMBERI
Khumpui a, lo in bawh bette pahnih vang chuan, ka so bulh bulh a, ngaihtuahna mumal pawh ka nei thei lo. Thinrim vangin ka ding sai ngar ngar a, ka inhum ruh nasa hle bawk. Mipa, chu a sam buk zetah kek tho lawpin, a rem lai lai ka hnek a, midang nise zawng, hei ai hian ka khawih nep deuh ang. Mahse, ka thian tia a hming ka lo chhal, lalrokima a ni miau a, ka thinrim lutuk. Ka nupui a ni tih hre reng chung a, a lo kawp ngam hi thah ka tum a ni ber. Tawng eih lo in ka che zia in ka thinrim zia ka lan tir buan buan a ni ber.
"Zah ngai ves" a rawn ti a, a lo tang ve bawk nen, patling ve ve bawk chu, a tlan chhuak a, gate thleng ka um zui. Bike in a tlan liam puat a, thinrim mangkhengin room ka pan ding nghal. Zobiakzuali chu, a mut ngaiin a la mu reng, chauh hmel zetin a chhing duar duar a, a hmel ka en chuan, ka na vawng vawng. "Mi lepchiah nu" tiin ka thinrim vawr tawp chuan, insum miah lo in, dim lo bak sak hian a sam bu hnawk niai ah ka kek a, chhuatah ka paihthla lawp. Che lo chang lo in a mu kawm ngal nia, a in sawifiahna tal ka beisei ve asin le. Minute 3 vel ngawi rengin ka en ngut ngut a, ka rilru chuan, "insawifiah rawh, chuan ka ngaidam ang che. Insawifiah rawh" ka rilrû chuan ka ti mawlh mawlh a. Thinrim hmai sen awp awp in, ka en kar a, a thaw dep dep ringawt. Ka thinrim leh phut chuan, na lutuk in a hmaiah ka chhuih chawrh a, "ka rawn kir leh hmain in hi lo chhuahsan ang che. Ka hmuh phak tawh ngai loh na tur ah che kal bo hlen vang vang rawh" ka ti khur dar dar a, hmeichhia ni lo se chuan, ka khawih nasa viau ta ve ang. Hmeichhia a nih na hian a chhanhim mai a ni.
Zak thei lo ka ti in inthiamlohna chhetê tal nei ve se. Min zah der ve se, tiang khan ngampa takin ka awm loh hlan in, kan khumpuiah chhun pachangah leh nghal, mipa hial a mutpui ngam lo tur. Kei hi mipa ka nih pawh ka ring teh hrep lo ve a.
Kei hi, vansawmpuia ka ni a, kum 30 na ka hmang mek a ni. Ka nu leh pa lawngtlai ah an cheng a, ka hna vangin aizawlah ka nupui nen kan in bengbel ve a ni. Collage lecturer hna ka thawk ve a, chu vang a aizawl a khawsa mai kan ni. Ka pu te atang tawhin, mi khawsa thei tak kan ni a, pawisa lamah lungngaihna tur kan nei lo. Mahse, nupui ka nei duh ve dawn a, ka thawhchhuah sa ngei a chawm ka duh vangin, tiin hna ka zawng ta a ni.
Rilrû nâ lutuk in, ka thianpa sangzuala te in ah zu ka in zan khua a, ka ngaihtuah let ka nupui hi eng nge pek loh ka neih. Fahrah a nih na ngai pawimawh lo in, ka nupui atan ka nu leh pa lungsi chiah lo chu ka nei kha a nia. Hmangaih theih tawpin ka hmangaih a, nau chu a vannei viau a nih loh chuan, a pai theih loh tur thu pawh hre reng chungin ka hmangaih tho a. A tan ka neih engkim a duh apiang ka pe bawk thin. A ei duh zawng reng reng ka pe vek a, a duh dan dan in ka awm tir a, ka duat in ka hmangaih thei hle thin asin. Ka rilrû a nâ a, ka puak keh a ni mai.
Ngaihdam min dilin a thiam loh a nih thu te sawi se. Ka tlinlohna lai te sawi se, ka hmangaih ber a ni a, lawm takin ka ngaidam ang a, ka pawm leh ang a, ka tlinlohna lai te chu, theih tawp chhuahin a tan tran ka la ngei ang. Mahse, chu tiang chu sawi loh, ka luh pawh hre reng chungin blanket tal pawh inkhuh lo in, saruak ngalngat in a la mu zangthla hiang a nia, ka nupui Amber zobiakzuali a nih ka ring thei mawlh lo. Ka hriat thin Amberi kha chu, mi fel tak, tutan pawh kawm theih ngainat awm tak a ni thin. A mizia hi a lo thup char char tihna em ni? A lo inthup thiam in a hnehsawh ka ti.
Kum 20 a nih in an chhungkua a, champhai zin tumin an car hmangin an chhuak a, kawlkulh an thlen hmain an che sual ta a, a nu leh pa chu a hmunah boral nghal in, a mah erawh damdawiin pan pui vatin a dam khawchhuak thung. He tih lai hian kan inzui tawh a, a hrisel loh em vangin class 12 thleng chauh a zir a, mahse, ka tan chuan, lehkha thiam lo a ni lo. Nu leh pa nei lo mahse, ka hmangaih Amber zobiakzuali kha a la ni reng. Ka nu leh pa thurawn pawh ngai pawimawh zo tawh lo in, belh leh chuan tur nei tawh lo ka hmangaih Amber zobiakzuali chu ka nei lui a, ka nu leh pa thu ka awih loh man ka tel mek chu a ni si a.
Tunah erawh Amber zobiakzuali hi ka haw hlur a, a hmel leh awm dan ka ngaihtuah zawng ringawt pawhin ka luak a ti chhuak vek. Ka ten hliah hliah a ni, hetiang hmeichhia a nih ka rin loh tehlul nen a. Tunah chuan, a chhuak tawh ngei ang.
"Ka that dawn lalrokima hi ka that dawn" ka ti chhuak sap sap a, ka zu rui lungpuam chuan, ka tho leh uaih thin. "Thian a, insum teh dan a awm reng alawm" tiin ka thianpa sangzualan min pawt thu leh zawk thin hlauh a.
"Vesa, i rui tawh em mai, haw ka thlah ang che" tiin ka thianpa sangzualan min kai tho a, engmah ka sawi ve lo. Ka thinrimna ka lungngaihna ka hlimna engkim ka hrilh ngam ka thian min hnemtu ber mai chuan, hmangaih leh khawngaihna nen min lo kawngkuah tal a, ka rilrû nâ pawh a zia sawt. A tan pawh a thian tha ber ka ni a, a ni pawn thu a chhia a tha engkim min hrilh ngam bawk.
Kan inah min thlah a, a lo thim mup mai, kan room a min hruai a tum thu a sawi chuan, kan room hming ringawt pawh ka haw hlur a, ka thinrim leh hman trep. Ka hre chiang tawh lo, khumah mut ka duh miau loh vangin, thutthleng sei ah min mut a, ka mihil ve nghal bawk.
Zingah hma lutuk in ka harh a, ka pentrawng tuihal huam huam chuan, min kai harh a ni mahnâ. Pai chawn chawn chungin chokâ ka pan phei a, tui vawt tha lutuk mai, fridge atang a la chhuak in ka in khawlh khawlh a, ka harh kawk mai. Zu hi ka in zen zen ngai lo a, vawithum ka in ka hriatna a ni. Kan room ka ngainat tehchiam loh vangin, common bathroom ah ka hmai te phih in ka in tifai a.
Bathroom atangin ka chhuak chiah tihah kan room atangin rak nawk nawk thawm ka hria, eng emaw ngaihthatlohna ka nei nghal, Amberi kha a chhuak tawh ngei awm si a, rang lutukin ka tlan phei vat a, kawngkhar hawn mai ka tum chu a lo inkalh thlap. Chhungrîl a min tur tu a nasat em vangin kawngkhar chu na lutuk in ka tlawh pawp a, a inhawn rual a ka thil hmuh vangin ka meng phar awn awn, ka hamhaih lutuk chuan, engmah ti lo in ka ding khawng lah ringawt. Ka nupui min uire san tu chu, kan khum chung zawn fanah chuan, a lo inkhai zuar mai. Ka harh chhuak thut a, khum chungah chuan, lawn in ka theih tawpin Amberi chu, a keah ka dawm a, a nulian lo bawk a, a rit lutuk lo.
A nutet ve reuh vangin a hrui chu ka khawih phak a, midang pun mai lo in keimah in amberi chu ka la thla thei hlauh. Midang han pun dawn chuan, kan in hi a hrang bik deuh a, hun a duh rei ve deuh mai thei.
Khumah mutin a kâ ah boruak ka ham lut a, a âwmah ka nem leh bawk. Chu tiang chuan, rei fe ka ti a, ka mittui a tla bawk. He ti mai a, a kal mai chu ka phal lo, a thil tihsual kha in hre chhuak se, rawn kir leh se ka duh asin. A tawpah ka beidawngin a awm ka chum ta chiam a, "zobiakzual mi tuarchhel tak i nih kha. I kal ngawt thei lo, i kal ka la phal lo, i tihsual rah hi, khawvelah seng fel phawt rawh, chuan i thih ka phal chauh ang" tiin ka la chum dawt dawt a.
Ka beisei loh lutuk in a rawn khuh ta bawrh bawrh, a thaw ri kawk kawk bawk. Ka sawi nawk nawk a, "amber, i harh em" tiin a biang ka beng a, chauh hmel zetin "tui" tiin a phun sap. Rang lutuk in suitable a, bottle awm chu la in a kâ ah, a chhin in ka far fep fep a, a lem eih lo. Ka koh in a ei tawh lo a, a mar erawh a la tha hle. Damdawiin ah hruai ka tum chuang lo, ka en deuh reng a, a muhil ni berin ka hria.
Ka han hawi kual hrek hrek a, a dressing table chung a lehkha them leh pen lo in dah dun chuan, ka mit a la tlat a, ka va la a ka chhiar ta, ti hian a lo in ziak a.
"Hmangaih em em vesa,
Pawi ka va han ti tak em! Ka thiam loh liau liau a ni. Ngaihdam ka dil ngam lo che a, min khawngaih ka ngen hek lo. Mahse, thudik tal hi hria la ka duh a ni. Ka hmangaih ber, nang lo chu khawvelah tumah ka nei tawh lo tih i hria tiraw. Ka tan chuan, ka dam chhan ka innghahna leh ka hmangaih awm chhun i ni asin.
Chutiang lam chu duh tawk phawt ang.
Kut min thlak kha ka dem reng reng lo che, kei pawh ni ila i tih ang tho khan ka ti ve ang. Mahse, i hmuh leh i hriat ang kha, a ni lo a nia, rokima kha kan inah a rawn leng a, i thian a nih vangin ka lo be tha hle bawk. Chhun a nih vangin, "theitui vawt raih ka rawng keng a i in dun ang hmiang" tiin min sawm a, nidangah pawh an tih dan fo a nih vangin ngaihthatlohna engmah ka nei lo a, lawm takin ka lo in pui ta mai a ni.
Mahse, ka rin loh lutuk in ka in zawh rual in eng tin emaw ni ka awm a, ka zawi rawih rawih a ni ber. Chu chu rem changah la in, "i roomah ka hruai ang che, eng emaw ni a in pawlh a nih dawn hi" tiin min pawm a, ka rilrû chu a harhfim vek, ka taksa a che thei lo a, ka tawngthei hek lo.
Chuan maw, ka rin loh leh beisei loh lutuk in, ka thuamhnaw chu a phelh sawk sawk a, i tan chauh, ni e, i tan chauh a, ka lo vawn thianghlim ve kha, tîmna nei hauh lo in a khawih chhe ta a ni.
A dik i ngaihdan tur chu, ka hrethiam vek. Lo tang turin chakna reng ka nei lo a, ka rilrû in ka lam che a, pathian pawhin min khawngaih a ni mahnâ, nang in min rawn hmu ta a nih kha.
Ka lawm asin, ka hmangaih zual sauh che. Kut min thlak lai pawn maw, na ka ti miah lo. Ka taksain phatsan che mahse, ka thinlung hian tun thlengin, a la phatsan lo che a, nang lo chu tumah ka mit hian a ngaih melh ngai hek lo.
Chhuak tur a min tih khan maw, ka thinlung hi trapin a rûm asin. Nang lo chu belh leh chuan tur ka nei lo, kalna tur leh pan tur ka hre hek lo. Ka hmangaih berin a hmuh phak a awm tur a min duh loh a hnu, eng dang nge ka tih chuan ang? Khawvel a ka awm chhung chuan, ka la hmu tho dawn che asin. He thil ka ti tur hi pawi ka ti, mahse, ka dem miah lo che a nia. Inthiamlo suh aw, i tan pawh a thianghlimna pawh hum zo lo lakah hian inthiamlo miah suh. Thinlung takin ka ngaidam che a, a ni pawh kha kei chuan, ka ngaidam e.
Mihring hian tihsual kan nei threuh a, vawikhat tawngkam hman sualin thihna khawp a pek theih ang bawkin, vawikhat tihsual vangin a insiam that theih a nia. Chu vangin i nupui duhlai chunga thil dual ti tu mah nise, ngaidam ve la ka duh a ni.
Ka ziak tam tawk tawh e, ka hmangaih mangtha vawng vawng le"
Ka mittui chu dan rual a ni lo, ka hmangaih maw che thei lo a siamin ka tan chauh a, a lo vawn thianghlimna chu laksak a nih a? Na ka va han ti em! Rawn harh se, ka hmangaih thu hi hrilh nawn leh ka chak a ni. A taksa uire mahse, a thinlung erawh a uire ve lo asin.
A rawn che hret a, rang zetin ka lo kuah, ka trap hlawp hlawp a ni ber mai. "Vesa" tiin a rawn meng diar diar a, "aw he ta hi ka awm e. Ka hmangaih i harh tha tawh em" tiin ka en chiang a. A nghawng duk ruih mai ka hmuh chuan, lalrokima hi thah châkna hlirin ka khat, mahse, ka hmangaih ber a nun pawh la ngam tu khan a ngaidam thei a nih chuan, kei pawh hian ka ngaihdam theih loh chhan tur ka hre lo.
A rawn harh chiang a, ka kuah vawng vawng mak tih hnel zetin min en hâ thung. "Vesa" a sawi zawh hma in ka fawp a, "ka hmangaih em em keiman kal bo tur a ka tih vang che in i nun lak i hreh lo maw? Ka hmangaih kumkhua in ka kal san ngai lo ang che" tiin a mitah tak mittui tling pamin ka en vawng vawng a. A mitmeng atangin min hmangaihna thuk tak ka hmu thei.
"Kei pawn ka hmangaih kumkhua ang che" a rawn ti sap a, ka huatna leh ka thinrim na ka ngaihkhawtlohna zawng zawng te chu, ka dam chhungin kha tiang kha ka nei tawh ngai lo ang.
Amber zobiakzuali hi ka hmangaih awm chhun a ni ngei ang.
A TAWP TA
By: Cietei samte
AMBERI Short story By: Cietei samte
-
- Posts: 63
- Joined: May 19th, 2020, 11:13 am
ADVERTISEMENT (A hnuai a milem hi a nia hmeh zeuh tur chu)